• ភាសាខ្មែរ
  • English
សង្គ្រោះជីវិត​ ផ្លាស់ប្តូរផ្នត់គំនិត
អ៊ីម៉ែល​ កាកបាទក្រហមកម្ពុជា
ព័ត៌មានថ្មីៗ

សាខាកាកបាទក្រហមកម្ពុជាខេត្តកំពង់ធំប្រារព្ធទិវាពិភពលោកសង្គ្រោះបឋមនៅស្រុកប្រាសាទបល្ល័ង្ក

នៅព្រឹកថ្ងៃអង្គារ ទី១៥ ខែវិច្ឆិកា ឆ្នាំ២០២២ សាខាកាកបាទក្រហមកម្ពុជា ខេត្តកំពង់ធំ បានប្រារព្ធទិវាពិភពលោកសង្គ្រោះបឋម ក្រោមប្រធានបទ”រៀនវិជ្ជាសង្គ្រោះបឋមពេញមួយជីវិត” ដែលពិធីនេះបានធ្វើនៅ ក្នុងបរិវេនសាលាស្រុកប្រាសាទបល្ល័ង្ក ក្រោមវត្តមានលោក កែវ ផល នាយកសាខាកក្រក ខេត្តកំពង់ធំ និងមានការចូលរួម ពីលោកស្រី មាស ឌាន អនុប្រធានគណៈកម្មាធិការអនុសាខា កក្រក ស្រុកប្រាសាទបល្ល័ង្ក និងសហការី កងកម្លាំងទាំងបី មេឃុំ មេភូមិ ក្នុងឃុំសាលាវិស័យ អ្នកស័្មគ្រចិត្ត កក្រក យុវជនកក្រក និងប្រជាពលរដ្ឋសរុបអ្នកចូលរួមចំនួន៨៥នាក់ (ច្រើន​ទៀត…)

ក្រុមការងារឥស្សរជនឆ្នើមថ្នាក់ជាតិ នៅថ្នាក់សាខាខេត្តកំពត បានចុះផ្តល់អំណោយមនុស្សធម៌ដល់គ្រួសារស្ត្រីទើបសម្រាលកូនដែលមានជីវភាពខ្វះខាតចំនួន៨គ្រួសារ

នាថ្ងៃសៅរ៍ ទី១២ ខែវិច្ឆិកា ឆ្នាំ ២០២២ នេះដោយមានការយកចិត្តទុកដាក់ខ្ពស់ចំពោះទុក្ខលំបាករបស់បងប្អូនប្រជាពលរដ្ឋដែលមានជីវភាពខ្វះខាតពីសំណាក់ឯកឧត្តមបណ្ឌិត ម៉ៅ ធនិន ប្រធានគណៈកម្មាធិការសាខា បានចាត់ឲ្យលោកស្រី ឡាយ សុភ័ក្ត្រ នាយិការងសាខា និងជាសមាជិកាក្រុមការងារឥស្សរជនឆ្នើមថ្នាក់ជាតិ នៅថ្នាក់សាខាខេត្តកំពត ព្រមទាំងសហការី ដោយមានការចូលរួមពីអាជ្ញាធរមូលដ្ឋាន ចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ជាប្រធាន និងជាឥស្សរជនឆ្នើមថ្នាក់ជាតិ (ច្រើន​ទៀត…)

ប្រជាពលរដ្ឋរងគ្រោះដោយអគ្គីភ័យបានទទួលអំណោយមនុស្សធម៌ពីសាខាកាកបាទក្រហមកម្ពុជាខេត្តព្រះវិហារ

នៅល្ងាចថ្ងៃទី១១ ខែវិច្ឆិកា ឆ្នាំ២០២២ នេះ ឯកឧត្តម គីម រិទ្ធី ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះវិហារ និងក្រុមការងារបាននាំយកអំណោយមនុស្សធម៌ទៅផ្ដល់ជូនគ្រួសាររងគ្រោះ ដោយភ្លើងឆេះផ្ទះកាលពីយប់ថ្ងៃទី១០ ខែ វិច្ឆិកាឆ្នាំ២០២២ ចំនួន១១ គ្រួសារ (ឆេះផ្ទះទាំងស្រុង ៥ គ្រួសារ តិច តួច៦ គ្រួសារ) ឋិតនៅភូមិកណ្តាល សង្កាត់កំពង់ប្រណាក ក្រុងព្រះវិហារ ។ ក្នុងឱកាសនោះដែរឯកឧត្តមប្រធានគណៈកម្មាធិការសាខា បានចូល រួមការសោកស្ដាយជាមួយបងប្អូន ដែលបានបាត់បង់ផ្ទះ និងទ្រព្យសម្បត្តិផ្សេងៗដែលបណ្តាលមកពីអគ្គីភ័យ (ច្រើន​ទៀត…)

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជួយឧបត្ថម្ភ និងលើកទឹកចិត្តដល់លោកយាយលោកតាពីរនាក់ប្តីប្រពន្ធ កំពុងជរាពិការ និងមានជំងឺប្រចាំកាយ រស់នៅស្រុកសំរោងទង ខេត្តកំពង់ស្ពឺ

ដោយអារម្មណ៍ក្តុកក្តួល​ និងក្តីអាណិតអាសូរយ៉ាងពន់ពេកនោះ​ នៅថ្ងៃទី ១១ ខែវិច្ឆិកា ឆ្នាំ២០២២នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យលោកជំទាវ​ ម៉ែន​ នារីសោភ័គ​ អគ្គលេខាធិការរងទី​១​ កាកបាទក្រហមកម្ពុជា​ រួមជាមួយសាខាកាកបាទក្រហមកម្ពុជា​ ខេត្តកំពង់ស្ពឺ​ ចុះសួរសុខទុក្ខ និងនាំយកអំណោយមនុស្សធម៌ជាគ្រឿងឧបភោគបរិភោគ​ ភេសជ្ជៈ​ និងថវិកាមួយចំនួន ជូនដល់លោកយាយ​ ស៊ុម​ នឹម អាយុ​ ៨៦ឆ្នាំ​ មានជំងឺប្រចាំកាយ​ និងលោកតា​ ពេជ្រ​ ធន់ អាយុ​ ៨៤ឆ្នាំ​ ពិការភ្នែកដើរពុំរួច​ ដែលត្រូវជាប្តីប្រពន្ធ (ច្រើន​ទៀត…)

ប្រជាពលរដ្ឋងាយរងគ្រោះបំផុតនៅឃុំចំនួន២ នៃស្រុកថ្មគោល ខេត្តបាត់ដំបងទទួលអំណោយពីសាខាកាកបាទក្រហមកម្ពុជាខេត្តបាត់ដំបង

នៅថ្ងៃទី៩ ខែវិច្ឆិកា ឆ្នាំ២០២២នេះ ឯកឧត្តម សុខ លូ ប្រធានគណៈកម្មាធិការទក្រហមកម្ពុជា ខេត្តបាត់ដំបង និងសហការី បានអញ្ចើញសួរសុខទុក និងបានផ្តល់អំណោយមនុស្សធម៌ជូនដល់ចាស់ឥតទីពឹង ជនមានពិការភាព ស្ត្រីមេម៉ាយ អ្នកផ្ទុកមេរោគអេដស៍ ស្ត្រីទើបសម្រាលកូន និងអ្នកទីទ័លក្រសរុបចំនួន ១៦៣គ្រួសារ មកពីភូមិចំនួន២ក្នុងឃុំចំនួន២ នៃស្រុកថ្មគោល ខេត្តបាត់ដំបង ។ពិធីចែកអំណោយនេះ បានធ្វើឡើងនៅបរិវេណវត្តទំពូង ឃុំតាពូង ស្រុកថ្មគោល ។ក្នុងឱកាសនោះ ឯកឧត្តម សុខ លូ បានសម្តែងនូវក្តីសោមនស្សរីករាយ និងពាំនាំនូវការផ្តាំផ្ញើសួរសុខទុក្ខ (ច្រើន​ទៀត…)

អបអរសាទរថ្ងៃប្រវត្តិសាស្ត្រ ខួបអនុស្សាវរីយ៍លើកទី៦៩ នៃទិវាបុណ្យឯករាជ្យជាតិ ៩ វិច្ឆិកា ១៩៥៣- ៩ វិច្ឆិកា ២០២២ និងទិវាកំណើតកងយោធពលខេមរភូមិន្ទ

នៅព្រឹកថ្ងៃពុធ​ ទី៩​ ខែវិច្ឆិកា​ ឆ្នាំ២០២២នេះ​ លោកជំទាវ​ ពុំ​ ចន្ទីនី​ អគ្គលេខាធិការកាកបាទក្រហមកម្ពុជា​ បានដឹកនាំគណៈប្រតិភូ​កាកបាទក្រហមកម្ពុជា ចូលរួមក្នុងព្រះរាជពិធីប្រទានភ្លើងជ័យនៅវិមានឯករាជ្យ​​ ក្រោមព្រះរាជាធិបតីភាពដ៏ខ្ពង់ខ្ពស់បំផុតនៃ​ ព្រះករុណា​ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា​ ព្រមទាំងមានការយាង-អញ្ជើញចូលរួមពីសម្តេចព្រះមហាសង្ឃរាជ​ សម្តេចព្រះសង្ឃនាយក​ សម្តេចព្រះសង្ឃ​ ព្រះរាជាគណៈ​ ព្រះរាជវង្សានុវង្ស​ ថ្នាក់ដឹក-មន្ត្រីជាន់ខ្ពស់ស្ថាប័ន​ ព្រឹទ្ធសភា រដ្ឋសភា​ រាជរដ្ឋាភិបាល (ច្រើន​ទៀត…)

ក្រុមហ៊ុន Thaco Agriculture របស់ប្រទេសវៀតណាម ឧបត្ថម្ភរថយន្តពិនិត្យ និងព្យាបាលជំងឺចល័ត ជូនកាកបាទក្រហមកម្ពុជា

ក្នុងឱកាសនៃវេទិកាជំរុញវិនិយោគ​ និងពាណិជ្ជកម្មកម្ពុជា-វៀតណាម​ ២០២២​ ដែលប្រព្រឹត្តទៅក្រោមអធិបតីភាពដ៏ខ្ពង់ខ្ពស់​ សម្តេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រីនៃព្រះរាជាណាចក្រកម្ពុជា​ និងឯកឧត្តម ផាម មិញជិញ​ (Pham Minh Chinh) នាយករដ្ឋមន្ត្រី នៃសាធារណរដ្ឋសង្គមនិយមវៀតណាម នៅសណ្ឋាគារភ្នំពេញ​ នាថ្ងៃទី​ ៨​ ខែវិច្ឆិកា​ ឆ្នាំ២០២២នេះ​ ក្រុមហ៊ុន Thaco Agriculture របស់ប្រទេសវៀតណាម​ បានឧបត្ថម្ភរថយន្ត​ពិនិត្យ​ និងព្យាបាលជំងឺចល័តចំនួន​ ១៥គ្រឿង​ ជូនកាកបាទក្រហមកម្ពុជា​ ដែលប្រគល់ជូនដោយលោក​ ច្រឹង​ បាយឿង​ (Tran ba duong) (ច្រើន​ទៀត…)

គណៈប្រតិភូកាកបាទក្រហមកម្ពុជា ចូលរួមដាក់កម្រងផ្កាគោរពវិញ្ញាណក្ខន្ធ ក្នុងឱកាសប្រារព្ធពិធីខួបអនុស្សាវរីយ៍លើកទី៦៩ នៃទិវាបុណ្យឯករាជ្យជាតិ ៩ វិច្ឆិកា

នៅរសៀលថ្ងៃចន្ទ ទី ៨ ខែវិច្ឆិកា ឆ្នាំ២០២២នេះ លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានដឹកនាំគណៈប្រតិភូ ចូលរួមដាក់កម្រងផ្កាគោរពវិញ្ញាណក្ខន្ធ ក្នុងឱកាសប្រារព្ធពិធីខួបអនុស្សាវរីយ៍លើកទី៦៩ នៃទិវាបុណ្យឯករាជ្យជាតិ ៩ វិច្ឆិកា (១៩៥៣-២០២២) និងទិវាកំណើតនៃកងយោធពលខេមរភូមិន្ទ ឆ្នាំ២០២២ នៅវិមានឯករាជ្យ រាជធានីភ្នំពេញ។ ជាមួយគ្នានោះ គណៈប្រតិភូកាកបាទក្រហមកម្ពុជា បានបន្តដំណើរអញ្ជើញថ្វាយកម្រងផ្កា គោរពព្រះវិញ្ញាណក្ខន្ធ ព្រះករុណា «ព្រះបរមរតនកោដ្ឋ» នៅមណ្ឌបសួនច្បារខាងកើតវិមានឯករាជ្យផងដែរ៕ (ច្រើន​ទៀត…)

ប្រជាពលរដ្ឋងាយរងគ្រោះបំផុតនៅក្រុង-ស្រុកចំនួន៣នៃខេត្តឧត្តរមានជ័យបានទទួលអំណោយពីកាកបាទក្រហមកម្ពុជា

កាកបាទក្រហមកម្ពុជា នៅថ្ងៃទី ៥ ខែវិច្ឆិកា ឆ្នាំ២០២២នេះ បានផ្តល់អំណោយមនុស្សធម៌ជូនដល់ចាស់ឥតទីពឹង ជនមានពិការភាព ស្ត្រីមេម៉ាយ អ្នកផ្ទុកមេរោគអេដស៍ ស្ត្រីទេីបសម្រាលកូន និងអ្នកទីទ័លក្រសរុបចំនួន ១៥៨គ្រួសារ រស់នៅក្នុងស្រុកបន្ទាយអំពិល ក្រុងសំរោង និងស្រុកចុងកាល់ ខេត្តឧត្តរមានជ័យ។ ពិធីចែកអំណោយនេះ បានធ្វើឡើងនៅទីតាំងចំនួន ៣កន្លែងផ្សេងគ្នា ហើយបានចុះដល់គេហដ្ឋានផ្ទាល់ចំនួន ៨គ្រួសារ សម្រាប់ចាស់ជរាឥតទីពឹង និងជនមានពិការភាព ដែលមិនអាចធ្វើដំណើរមកទទួលអំណោយបាន។ (ច្រើន​ទៀត…)

សកម្មភាពផ្សព្វផ្សាយស្តីអំពីការលើកកម្ពស់សុវត្ថិភាពចរាចរណ៍ផ្លូវគោកនិងបរិយាប័ន នៅស្រុកព្រៃឈរ

ពីថ្ងៃទី ៣ ដល់ថ្ងៃទី ៦ ខៃវិច្ឆិកា ឆ្នាំ២០២២ នេះ លោក ទូច ឆៃ នាយកសាខា បានដឹកនាំក្រុមប្រតិបត្តិសាខា អនុសាខាស្រុក ទីប្រឹក្សាយុវជន និងយុវជនកាកបាទក្រហមកម្ពុជា សហការជាមួយសមត្ថកិច្ចនគរបាលចរាចរណ៍ផ្លូវគោក រួមគ្នា ធ្វើយុទ្ធនាការអប់រំផ្សព្វផ្សាយ ស្តីអំពីការចូលរួមលើកកម្ពស់សុវត្ថិភាពចរាចរណ៍ផ្លូវគោក និងបរិយាប័ន រួមជាមួយ ការអប់រំសុខភាពអនាម័យ ពិសេសទប់ស្កាត់ការឆ្លងរាលដាលនៃជម្ងឺកូវីដ-១៩ នៅក្នុងថ្ងៃបុណ្យអុំទូកបណ្ដែតប្រទីប សំពះព្រះខែ និងអកអំបុក នាស្តុបគោលដៅ ព្រៃទទឹង ទីរួមស្រុកព្រៃឈរ និង ផ្លូវបំបែក (ច្រើន​ទៀត…)