• ភាសាខ្មែរ
  • English
សង្គ្រោះជីវិត​ ផ្លាស់ប្តូរផ្នត់គំនិត
អ៊ីម៉ែល​ កាកបាទក្រហមកម្ពុជា
ព័ត៌មានថ្មីៗ

សមាគមនារីកម្ពុជាដើម្បីសន្តិភាព និងអភិវឌ្ឍន៍ឧបត្ថម្ភថវិកាជូនកាកបាទក្រហមកម្ពុជាជួយសាងសង់ផ្ទះជូនអតីតយុទ្ធជនកម្ពុជាក្រីក្រ នៅស្រុកភ្នំក្រវាញ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅបំផុតចំពោះ សមាគមនារីកម្ពុជាដើម្បីសន្តិភាព និងអភិវឌ្ឍន៍ និងសាខាសមាគមនារី ក្រសួង/ស្ថាប័ន រាជធានី-ខេត្តទូទាំងប្រទេស ដែលបានឧបត្ថម្ភថវិកាចំនួន ១៤.០០០ ដុល្លារ (មួយម៉ឺនបួនពាន់ដុល្លារអាមេរិក) ជូនកាកបាទក្រហមកម្ពុជា ដើម្បីចូលរួមចំណែកជួយសាងសង់ផ្ទះចំនួន៦២៨ខ្នង សម្រាប់អតីតយុទ្ធជនកម្ពុជាក្រីក្រចំនួន៦២៨ គ្រួសារ នៅភូមិ ប៊ុន រ៉ានី សែនជ័យដំណាក់ត្រយឹង ឃុំព្រងិល ស្រុកភ្នំក្រវាញ ខេត្តពោធិ៍សាត់។ (ច្រើន​ទៀត…)

ក្រុមហ៊ុន អេស ខេ សេវេន ខេមបូឌា ឯ.ក ឧបត្ថម្ភ អាល់កុលដល់កាកបាទក្រហមកម្ពុជា

នៅថ្ងៃសុក្រ ទី១៧ ខែកញ្ញា ឆ្នាំ២០២១នេះ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជាបានទទួលស្វាគមន៍ និងទទួលអំណោយជា អាល់កុលចំណុះ១លីត្រ ៥០០ កេសស្មើនឹង៦.០០០ដប និងអាល់កុលចំណុះ ២លីត្រ ២០០កេសស្មើនឹង១.២០០ដប ពីលោក ស៊ិន ទីនណារ៉ា អគ្គនាយកក្រុមហ៊ុន អេស ខេ សេវេន ខាមបូឌា ឯ.ក ដែលពិធីនេះប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា។ ក្នុងឱកាសនោះដែរ លោកជំទាវអគ្គលេខាធិការ បានពាំនាំប្រសាសន៍សួរសុខទុក្ខ និងថ្លែងអំណរគុណយ៉ាងជ្រាលជ្រៅពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា (ច្រើន​ទៀត…)

យុទ្ធនាការផ្សព្វផ្សាយ ស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩ នៅឃុំពាមក្រសោប ស្រុកមណ្ឌលសីមា ខេត្តកោះកុង

នាថ្ងៃទី​១៧ ខែកញ្ញា​២០២១ ក្រុមប្រតិបត្តិសាខា សហការជាមួយ ក្រុមការងារអនុសាខាកាកបាទក្រហមកម្ពុជាស្រុកមណ្ឌលសីមា និងអាជ្ញាធរឃុំពាមក្រសោប ឃុំប៉ាក់ខ្លង បានដឹកនាំកម្លាំងអ្នកស្ម័គ្រចិត្តកាកបាទក្រហម សរុប ១៥នាក់ ស្រី ៨នាក់ បន្តចុះធ្វើយុទ្ធនាការផ្សព្វផ្សាយ ស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩ ការចូលរួមយុទ្ធនាការចាក់វ៉ាក់សាំងការពារជំងឺកូវីដ-១៩ និងវិធីសាស្ត្រកាត់បន្ថយភាពតានតឹង និងការថប់បារម្ភ នៅភូមិគោលដៅក្នុង ឃុំពាមក្រសោប ប៉ាក់ខ្លង ស្រុកមណ្ឌលសីមា ខេត្តកោះកុង ។ (ច្រើន​ទៀត…)

ប្រជាជនងាយរងគ្រោះនៅសង្កាត់ព្រែកប្រា ខណ្ឌច្បារអំពៅ ទទួលអំណោយមនុស្សធម៌

នាព្រឹកថ្ងៃសុក្រ ទី១៧​ ខែកញ្ញា ឆ្នាំ២០២១នេះ នៅក្នុងបរិវេណវត្តព្រែកប្រា​ លោក ណុប ផា អនុប្រធានកិត្តិយសអនុសាខាកាកបាទក្រហមកម្ពុជា​ខណ្ឌច្បារអំពៅ បានចុះសាកសួរសុខទុក្ខ និងនាំយកអំណោយមនុស្សធម៌ទៅចែកជូនដល់ប្រជាពលរដ្ឋដែលមានជីវភាពខ្វះខាត ១០គ្រួសារ ចាស់ជរា១០គ្រួសារ ជនពិការ៥គ្រួសារ អ្នកផ្ទុកមេរោគអេដស៍៥គ្រួសារ សរុបចំនួន៣០គ្រួសារ រស់នៅសង្កាត់ព្រែកប្រា ។ នាឱកាសនោះ​ លោកអនុប្រធានកិត្តិយសអនុសាខា​ បានអំពាវនាវដល់គ្រួសារទាំងអស់​ សូមបន្តអនុវត្តឲ្យបានខ្ជាប់ខ្ជួននូវវិធានការរបស់ប្រមុខរាជរដ្ឋាភិបាលកម្ពុជា​ សម្តេចតេជោ ហ៊ុន សែន នាយករដ្ឋមន្ត្រី​ គឺ៖​ (ច្រើន​ទៀត…)

សកម្មភាពផ្សព្វផ្សាយពីវិធីកាត់បន្ថយហានិភ័យពីការឆ្លងជំងឺកូវីដ១៩ ការគាំទ្រចិត្តសាស្ត្រសង្គម សុខភាពផ្លូវចិត្តក្នុងបរិបទជំងឺកូវីដ-១៩នៅស្រុកកូនមុំ

នាថ្ងៃព្រហស្បតិ៍ ទី១៦ ខែកញ្ញា ឆ្នាំ២០២១នេះ មន្ដ្រីប្រតិបត្តិសាខាកាកបាទក្រហមកម្ពុជា ខេត្តរតនគិរី និង មន្ត្រីអនុសាខា ស្រុកកូនមុំ និងអ្នកស្ម័គ្រចិត្តកាកបាទក្រហមបានបន្ត ចុះអប់រំផ្សព្វផ្សាយពីវិធីកាត់បន្ថយហានិភ័យពីការឆ្លងជំងឺកូវីដ១៩ ការគាំទ្រចិត្តសាស្ត្រសង្គម សុខភាពផ្លូវចិត្តក្នុងបរិបទជំងឺកូវីដ-១៩ ព្រមទាំងបានបញ្ជ្រាបសារអប់រំ សុវត្ថិភាពចរាចរណ៍ផ្លូវគោគ និងសារអប់រំពីជម្ងឺគ្រុនចាញ់គ្រុនឈាម ជូនដល់ប្រជាពលរដ្ឋ រស់នៅភូមិ១ ភូមិ៣ ឃុំត្រពាំងច្រេស និងភូមិ១ ភូមិ២ ភូមិ៣ ឃុំត្រពាំងក្រហម ស្រុកកូនមុំ ខេត្តរតនគិរី ។ (ច្រើន​ទៀត…)

កាកបាទក្រហមកម្ពុជា ចូលរួមកិច្ចប្រជុំថ្នាក់ដឹកនាំ កាកបាទក្រហម និងអឌ្ឍចន្ទក្រហម ភូមិភាគអាស៊ី-អាគ្នេយ៍ លើកទី១៨ តាមអនឡាញ (Zoom)

នៅទីស្នាក់ការកណ្តាលកាកបាទក្រហមកម្ពុជា នារសៀលថ្ងៃព្រហស្បតិ៍ ទី១៦ ខែកញ្ញា ឆ្នាំ២០២១នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា ដឹកនាំគណៈប្រតិភូកាកបាទក្រហមកម្ពុជាចំនួន ១៥នាក់ ចូលរួមក្នុងកិច្ចប្រជុំថ្នាក់ដឹកនាំ កាកបាទក្រហម និងអឌ្ឍចន្ទក្រហម ភូមិភាគអាស៊ី-អាគ្នេយ៍ លើកទី១៨ តាមអនឡាញ (Zoom) ដែលប្រព្រឹត្តទៅរយៈពេល ២ថ្ងៃគឺ ថ្ងៃទី១៦-១៧ ខែកញ្ញា ឆ្នាំ២០២១ ចាប់ពីម៉ោង ១៣ម៉០០នាទី ដល់ម៉ោង ១៧ម៉០០នាទី ហើយដែលកាកបាទក្រហមថៃ ធ្វើជាម្ចាស់ផ្ទះ (ច្រើន​ទៀត…)

ពិធីប្រគល់ម៉ាស់ និងសម្ភារៈផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩ដល់អនុសាខាទាំង៦ ក្នុងខេត្តក្រចេះ

នៅរសៀលថ្ងៃព្រហស្បតិ៍ ទី១៦ ខែកញ្ញា ឆ្នាំ២០២១ នេះ ឯកឧត្តម វ៉ា ថន ប្រធានគណៈកម្មាធិការសាខាកាកបាទក្រហមកម្ពុជា ខេត្តក្រចេះ និងសហការី បានប្រគល់ម៉ាស់ក្រណាត់(អាចបោកទឹកប្រើឡើងវិញបាន) ចំនួន ១៥.០០០ម៉ាស់ ជែលលាងដៃ៦កេស និងផ្ទាំងរូបភាពតូច-ធំ ចំនួន ១.១០០សន្លឹក សម្រាប់ការអប់រំផ្សព្វផ្សាយអំពីការត្រៀមបង្ការ និងវិធីកាត់បន្ថយហានិភ័យពីការឆ្លងជំងឺ កូវីដ-១៩ ជាអំណោយរបស់កាកបាទក្រហមកម្ពុជា ដែល មានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជូនដល់ការិយាល័យអប់រំយុវជន និងកីឡា ក្រុង-ស្រុកទាំង៦ ក្នុងខេត្តក្រចេះ (ច្រើន​ទៀត…)

សកម្មភាពអប់រំផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩នៅឃុំចំបក់ ស្រុកស្វាយជ្រំ

នៅថ្ងៃព្រហស្បតិ៍ ទី១៦ ខែកញ្ញា ឆ្នាំ២០២១ មន្រ្តីប្រតិបត្តិសាខាសហការជាមួយក្រុមកាកបាទក្រហមឃុំចំបក់ និងអ្នកស្ម័គ្រចិត្តប្រចាំភូមិបានចុះអប់រំផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩ ការគាំទ្រចិត្តសាស្ត្រសង្គម សុខភាពផ្លូវចិត្តក្នុងបរិបទជំងឺកូវីដ-១៩ ដោយអនុវត្តវិធានការ៣ ការពារ៣កុំ ២ចូលរួម ក្រោមការឧបត្ថម្ភថវិកា ដោយសហព័ន្ធអន្តរជាតិកាកបាទក្រហម អឌ្ឍចន្ទក្រហម (IFRC) និងបានបញ្ជ្រាបការ ផ្សព្វផ្សាយនូវអនុក្រឹត្យថ្មីស្ដីពីការពិន័យអន្ដរការណ៍ចំពោះអំពើល្មើសនឹងច្បាប់ចរាចរណ៍ផ្លូវគោក ដល់ប្រជាពលរដ្ឋក្នុងភូមិទួលច្រេស ភូមិថ្មី ឃុំចំបក់ ស្រុកស្វាយជ្រំ ។ (ច្រើន​ទៀត…)

អ្នកគ្រូ ជ័យ សោមា នៃសាលាបឋមសិក្សា សម្ដេចជាស៊ីម ខេត្តព្រះសីហនុ ទទួលអំណោយមនុស្សធម៌ពីកាកបាទក្រហមកម្ពុជា

នាព្រឹកថ្ងៃទីពុធ ទី១៥ ខែកញ្ញា ឆ្នាំ២០២១ កាកបាទក្រហមកម្ពុជា ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានចាត់ឯកឧត្តម ពិត ចំណាន សមាជិកគណៈកម្មាធិការ កាកបាទក្រហមកម្ពុជា និងសហការី បានផ្តល់អំណោយមនុស្សធម៌ ជូនអ្នកគ្រូ ជ័យ សោមា នៃសាលាបឋមសិក្សាសម្ដេច ជា ស៊ីម នៅសង្កាត់លេខ ២ ក្រុងព្រះសីហនុ ខេត្តព្រះសីហនុ មានជំងឺមហារីកសាច់ដុះក្នុងរូងថ្លើមព័ទ្ធមកលំពែង ថង់ប្រមាត់ មាត់ស្បូន មិនអាចវះកាត់បានកំពុងសម្រាកព្យាបាលនៅមន្ទីរពេទ្យកាល់ម៉ែត្រ រាជធានីភ្នំពេញ អស់រយៈពេល ២ខែ រង់ចាំក្រុមគ្រូពេទ្យតម្រូវឱ្យចាក់គីមី (ច្រើន​ទៀត…)

យុទ្ធនាការអប់រំផ្សព្វផ្សាយពីវិធីកាត់បន្ថយហានិភ័យពីការឆ្លងជំងឺកូវីដ១៩ ដល់ប្រជាពលរដ្ឋរស់នៅសង្កាត់ចោមចៅទី១ ខណ្ឌពោធិ៍សែនជ័យ

នាថ្ងៃពុធ ទី១៥ ខែកញ្ញា ឆ្នាំ២០២១នេះ ក្រុមការងារសាខាកាកបាទក្រហមកម្ពុជារាជធានីភ្នំពេញ​ លោកស្រី ហង្ស ណាវី ប្រធានការិយាល័យសុខភាព និងជានាយិកាអគារផ្កាម្លិះ ចុះធ្វើយុទ្ធនាការអប់រំផ្សព្វផ្សាយពីវិធីកាត់បន្ថយហានិភ័យពីការឆ្លងជំងឺកូវីដ១៩ ជូនដល់ប្រជាពលរដ្ឋ​រស់នៅសង្កាត់ចោមចៅទី១ ខណ្ឌពោធិ៍សែនជ័យ ដែលជាអតីតតំបន់បិទខ្ទប់​ (តំបន់ក្រហម) ។ យុទ្ធនាការនេះមានការឧបត្ថម្ភគាំទ្រពីសហព័ន្ធអន្តរជាតិកាកបាទក្រហម​ អឌ្ឍចន្ទក្រហម តាមរយៈគម្រោងត្រៀមបង្ការ​ និងឆ្លើយតបចំពោះការរាតត្បាតនៃជំងឺកូវីដ១៩​ ​របស់កាកបាទក្រហមកម្ពុជា​ ។ (ច្រើន​ទៀត…)