• ភាសាខ្មែរ
  • English
សង្គ្រោះជីវិត​ ផ្លាស់ប្តូរផ្នត់គំនិត
អ៊ីម៉ែល​ កាកបាទក្រហមកម្ពុជា
ព័ត៌មានថ្មីៗ

យុវជន និងអ្នកស្មគ្រ័ចិត្តកាកបាទក្រហមកម្ពុជាខេត្តបាត់ដំបង បានបន្តជួយសម្របសម្រួលដំណើរការចាក់វ៉ាក់សាំងជូនប្រជាពលរដ្ឋ និងសិស្សានុសិស្ស

នៅថ្ងៃចន្ទ ទី២០ ខែកញ្ញា ឆ្នាំ២០២១ កម្លាំងយុវជនកាកបាទក្រហមកម្ពុជាចំនួន ២៧នាក់ ស្រី១១នាក់ ក្នុងនោះយុវជនវិទ្យាល័យពេជ្រចិន្តា ស្រុកភ្នំព្រឹក ចំនួន១៣នាក់ ស្រី៧នាក់  វិទ្យាល័យសំឡូត ស្រុកសំឡូតចំនួន៦នាក់ ស្រី២នាក់និងអ្នកស្មគ្រ័ចិត្តសង្កាត់ក្តុលដូនទាវក្រុងបាត់ដំបងចំនួន៨នាក់ស្រី២នាក់បានបន្តជួយសម្របសម្រួលដំណើរការចាក់វ៉ាក់សាំង ជូនប្រជាពលរដ្ឋ ដែលមានអាយុចាប់ពី១២ឆ្នាំដល់ ១៧ឆ្នាំនិងពីអាយុ១៨ឆ្នាំឡើងទៅ ស្រុកភ្នំព្រឹក និងស្រុកសំឡូត ក្រុងបាត់ដំបង ដើម្បីជំរុញដំណើរការចាក់វ៉ាក់សាំងឲ្យបានលឿន រហ័ស និងគ្រប់ទៅតាមផែនការដែលរាជរដ្ឋាភិបាលបានកំណត់និងឲ្យបានគ្រប់ៗគ្នា ។ (ច្រើន​ទៀត…)

សកម្មភាពផ្សព្វផ្សាយអំពីជំងឺកូវីដ-១៩ដល់សិស្សានុសិស្សអនុវិទ្យាល័យ បរយ៉ាខា ខេត្តប៉ៃលិន

នៅថ្ងៃចន្ទ ទី២០ ខែកញ្ញា ឆ្នាំ២០២១  ក្រុមប្រតិបត្តិសាខាបានដឹកនាំយុវជនកាកបាទក្រហមកម្ពុជាចុះធ្វើការអប់រំផ្សព្វផ្សាយអំពីជំងឺកូវីដ-១៩ដល់សិស្សានុសិស្ស បានចំនួន៣៤៧នាក់ ស្រី១៧៨ នាក់ ចែកបណ្ណផ្សព្វផ្សាយ ៣កុំ ៣ការពារ ចំនួន៣២សន្លឹក ផ្ទាំងរូបភាព ៣កុំ ៣ការពារ ចំនួន៥សន្លឹក នៅសាលាអនុវិទ្យាល័យ បរយ៉ាខាដើម្បីអោយប្អូនៗសិស្សានុសិស្សមានការប្រុងប្រយ័ត្នខ្ពស់ចំពោះវីរុសនេះ ដោយត្រូវមានអនាម័យ ឧស្សាហ៍ លាងសម្អាតដៃជាមួយសាប៊ូ អាល់កុល ឬជែលនិងម៉ាសជាប់ជាប្រចាំ  ដើម្បីចូលរួមការពារអំពីមេរោគ កូវីដ-១៩ បម្លែងថ្មី ( ដែលតា )ដ៏កាចសាហាវនេះ (ច្រើន​ទៀត…)

ប្រជាពលរដ្ឋរងគ្រោះដោយខ្យល់កន្ត្រាក់នៅឃុំសំរោង ស្រុកចន្ទ្រាទទួលអំណោយមនុស្សធម៌

នៅថ្ងៃចន្ទ ទី២០ ខែកញ្ញា ឆ្នាំ២០២១ លោកជំទាវ ដួង វណ្ណា ប្រធានកិត្តិយសសាខា រួមដំណើរដោយលោកជំទាវ ពៅ សុភាព ហេរញ្ញឹកគណៈកម្មាធិការសាខា និងសហការី បានចុះសួរសុខទុក្ខ និងនាំយកអំណោយមនុស្សធម៌ យកទៅជួយសម្រាលការលំបាកដល់ ប្រជាពលរដ្ឋរងគ្រោះដោយខ្យល់កន្ត្រាក់កាលពីថ្ងៃទី១៨ ខែកញ្ញា ឆ្នាំ២០២១ បណ្ដាលខូចខាតផ្ទះប្រជាពលរដ្ឋចំនួន១២ខ្នងក្នុងនោះខូចខាតធ្ងន់១ខ្នង មធ្យម៣ខ្នង និងខូចខាតស្រាល៨ខ្នង ក្នុងឃុំសំរោង ស្រុកចន្ទ្រា។ (ច្រើន​ទៀត…)

សកម្មភាពផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩នៅស្រុកកោះធំ

នៅថ្ងៃអាទិត្យ ទី១៩ ខែកញ្ញា ឆ្នាំ២០២១ សាខាកាកបាទក្រហមកម្ពុជាខេត្តកណ្តាល សហការជាមួយអនុសាខាស្រុកកោះធំ បានដឹកនាំកម្លាំងអ្នកស្ម័គ្រចិត្តកាកបាទក្រហមសរុបចំនួន១០នាក់ចុះ អប់រំផ្សព្វផ្សាយស្តីពីវិធានការបង្ការ និងទប់ស្កាត់ការរាតត្បាតជាសកលនៃជំងឺកូវីដ១៩ ដល់ប្រជាពល រដ្ឋ នៅភូមិចំនួន ២គឺ៖ ភូមិព្រែកធន់ និងភូមិព្រែកតាហ៊ីង ឃុំព្រែកថ្មី ស្រុកកោះធំ ។ កម្មវិធីអប់រំផ្សព្វផ្សាយនេះ ក្រុមការងារបានប្រើប្រាស់ប្រដាប់បំពងសំឡេង ចាក់ ផ្សព្វផ្សាយសារណែនាំពីវិធានការ បង្ការ ជំងឺកូវីដ១៩របស់ក្រសួងសុខាភិបាលតាមរយៈម៉ូតូចល័ត ។ ក្នុងឱកាសនោះដែរក្រុមការងារ (ច្រើន​ទៀត…)

សកម្មភាពផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩នៅស្រុកស្វាយជ្រំ

គម្រោងត្រៀមបង្ការ និងឆ្លើយតបចំពោះការរាតត្បាតនៃជំងឺកូវីដ-១៩ នៅថ្ងៃអាទិត្យ ទី១៩ ខែកញ្ញា ឆ្នាំ២០២១ មន្រ្តីប្រតិបត្តិសាខា សហការជាមួយក្រុមកាកបាទក្រហមឃុំកំពង់ចំឡង និងអ្នកស្ម័គ្រចិត្តប្រចាំភូមិ បន្តចុះអប់រំផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩ ការគាំទ្រចិត្តសាស្ត្រសង្គម សុខភាពផ្លូវចិត្តក្នុងបរិបទជំងឺកូវីដ-១៩ ដោយអនុវត្តវិធានការ ៣ ការពារ ៣កុំ ២ចូលរួម  ក្រោមការឧបត្ថម្ភថវិកាដោយ សហព័ន្ធអន្តរជាតិ កាកបាទក្រហម អឌ្ឍចន្ទក្រហម (IFRC) និងបានបញ្ជ្រាបការផ្សព្វផ្សាយស្តីពីសិទ្ធជនពិការ ការពារជីវិត និងពិការភាពពីគ្រោះថ្នាក់ចរាចរណ៍ (ច្រើន​ទៀត…)

ក្រុមការងារឥស្សរជនឆ្នើមថ្នាក់ជាតិ បន្តចុះផ្សព្វផ្សាយស្តីពី «ការលុបបំបាត់ការចម្លងមេរោគអេដស៍និងស្វាយ ពីម្តាយទៅកូន» នៅខេត្តព្រះសីហនុ

នៅថ្ងៃទី ១៩​ ខែកញ្ញា​ ឆ្នាំ២០២១នេះ​ ក្រុមការងារ​ឥស្សរជនឆ្នើមថ្នាក់ជាតិ​របស់កាកបាទក្រហមកម្ពុជា​ និង ខេត្តព្រះសីហនុ​​ បានផ្សព្វផ្សាយ​ស្តីពី​ «ការលុបបំបាត់ការចម្លងមេរោគអេដស៍​ និងស្វាយពីម្តាយទៅកូន»​ ជូនដល់អ្នកផ្ទុកមេរោគអេដស៍​ ចំនួន ១៧នាក់ នៅស្រុកព្រៃនប់​ ខេត្តព្រះសីហនុ​។ ក្នុងឱកាសនោះ ឯកឧត្តម​ គួច​ ចំរើន​ ប្រធានគណៈកម្មាធិការសាខាកាកបាទក្រហមកម្ពុជា​ ខេត្តព្រះសីហនុ​ និងជាប្រធានក្រុមការងារឥស្សរជនឆ្នើមថ្នាក់សាខា​ ខេត្តព្រះសីហនុ​ បានពាំនាំការផ្តាំផ្ញើសួរសុខទុក្ខ​ និងក្តីនឹករលឹក​ពី​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ប្រធានកាកបាទក្រហមកម្ពុជា​ (ច្រើន​ទៀត…)

មជ្ឈមណ្ឌលកុមារកំព្រាខេត្តកំពង់ស្ពឺ និងមណ្ឌលកុមារកំព្រាព្រៃជុំ ទទួលបានអំណោយមនុស្សធម៌ពីកាកបាទក្រហមកម្ពុជា

នៅថ្ងៃសៅរ៍ទី ១៨ ខែកញ្ញា ឆ្នាំ២០២១នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងសហការី ចុះសួរសុខទុក្ខ និងនាំយកអំណោយមនុស្សធម៌ជូន មជ្ឈមណ្ឌលកុមារកំព្រាចំនួន២កន្លែង​ នៅខេត្តកំពង់ស្ពឺ​ រួមមាន៖១-មជ្ឈមណ្ឌលកុមារកំព្រាខេត្តកំពង់ស្ពឺ (លើកទី៣)​ ដែលមានកុមារកំព្រា ៤៧នាក់ និងបុគ្គលិក ១១នាក់ ស្ថិតនៅភូមិ ចំការដូង សង្កាត់ច្បារមន ក្រុងច្បារមន។ (ច្រើន​ទៀត…)

កាកបាទក្រហមកម្ពុជា ផ្តល់អំណោយដល់មណ្ឌល-អង្គការ ចំនួន ៣ នៅរាជធានីភ្នំពេញ

នាថ្ងៃទី ១៧ ខែកញ្ញា ឆ្នាំ២០២១ កាកបាទក្រហមកម្ពុជា​ ដែលមាន​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ បានផ្តល់អំណោយមនុស្សធម៌ជូនមណ្ឌល-អង្គការចំនួន៣ គឺ ទី១. មជ្ឈមណ្ឌលបណ្តុះបណ្តាលវិជ្ជាជីវៈជនមានពិការភាពភ្នែក (លើកទី១៥)​ ទី២. បុរីទារកនិងកុមារជាតិ (លេីកទី​៨) និងទី៣.​ អង្គការលើកស្ទួយប្រជាពលរដ្ឋ​ (លើកទី​១០) ដែលពិធីនេះប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា។ ក្នុងឱកាសនោះ លោកជំទាវ​ ម៉ែន​ នារីសោភ័គ​ អគ្គលេខាធិការរងទី១​ កាកបាទក្រហមកម្ពុជា​ បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន (ច្រើន​ទៀត…)

ធនាគារវិនិយោគ និងអភិវឌ្ឍន៍កម្ពុជា ភីអិលស៊ី (BIDC) ឧបត្ថម្ភថវិកាដល់កាកបាទក្រហមកម្ពុជា

នៅថ្ងៃសុក្រ ទី១៧ ខែកញ្ញា ឆ្នាំ២០២១នេះ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា បានទទួលស្វាគមន៍ និងទទួលអំណោយជាថវិកាចំនួន ២០.០០០ដុល្លារ ពីលោកឡាំ វ៉ាន់ហៃ អគ្គនាយក ធនាគារវិនិយោគ និងអភិវឌ្ឍន៍កម្ពុជា ភីអិលស៊ី (BIDC) ដែលពិធីនេះប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា។ក្នុងឱកាសនោះដែរ លោកជំទាវអគ្គលេខាធិការ បានពាំនាំប្រសាសន៍សួរសុខទុក្ខ និងថ្លែងអំណរគុណយ៉ាងជ្រាលជ្រៅ ពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំពោះលោក ឡាំ វ៉ាន់ហៃ អគ្គនាយកធនាគារវិនិយោគ និងអភិវឌ្ឍន៍កម្ពុជា ភីអិលស៊ី (ច្រើន​ទៀត…)

ក្រុមហ៊ុន គីណូ ឃ៊ែរ ខនស៊ូមមឺ (ខេមបូឌៀ) ឧបត្ថមខ្ញីទឹកឃ្មុំឌូឌឺវី និងសម្ភារមួយចំនួន ដល់កាកបាទក្រហមកម្ពុជា

នៅថ្ងៃសុក្រ ទី១៧ ខែកញ្ញា ឆ្នាំ២០២១នេះ លោកជំទាវ ម៉ែន នារីសោភ័គ អគ្គលេខាធិការ រងទី១កាកបាទក្រហមកម្ពុជា បានទទួលស្វាគមន៍ និងទទួលអំណោយជាសម្ភារពីលោក សុខ វុទ្ធី អគ្គនាយកក្រុមហ៊ុនគីណូ ឃ៊ែរខនស៊ូមមឺ (ខេមបូឌៀ) ដែលពិធីនេះប្រព្រឹត្តទៅនៅទីស្នាក់ការកណ្តាលកាកបាទក្រហមកម្ពុជា។ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន សូមថ្លែងអំណរគុណយ៉ាងជ្រាលជ្រៅ ចំពោះលោក សុខ វុទ្ធី គីណូ ឃ៊ែរខនស៊ូមមឺ ដែលបានផ្តល់ភេសជ្ជៈ និងសម្ភារទាំងនេះជូនកាកបាទក្រហកម្ពុជា និងសូមថ្លែងអំណរគុណយ៉ាងជ្រាលជ្រៅចំពោះសប្បុរសជនគ្រប់មជ្ឈដ្ឋាន (ច្រើន​ទៀត…)