• ភាសាខ្មែរ
  • English
សង្គ្រោះជីវិត​ ផ្លាស់ប្តូរផ្នត់គំនិត
អ៊ីម៉ែល​ កាកបាទក្រហមកម្ពុជា

ប្រជាពលរដ្ឋដែលមានជីវភាពខ្វះខាតនៅភូមិព្រៃទប់ ក្រុងបាវិតទទួលអំណោយមនុស្សធម៌

នៅថ្ងៃទី២១ ខែកញ្ញា ឆ្នាំ២០២១ ក្រុមការងារអនុសាខាកាកបាទក្រហមកម្ពុជាក្រុងបាវិត ដឹកនាំដោយលោកស្រី ជួន សុវណ្ណារី សមាជិកគណ:គម្មាធិការអនុសាខាក្រុង បានចុះសួរសុខទុក្ខ និងនាំយកអំណោយមនុស្សធម៍របស់អនុសាខាក្រុងទៅជួយសម្រាលការលំបាករបស់បងប្អូនប្រជាពលរដ្ឋ ដែលមានជីវភាពខ្វះប្រចាំថ្ងៃ ចំនួន០២គ្រួសារ គឺជនចាស់ជរា ០១ គ្រួសារ ទីទាល់ក្រ០១គ្រួសារ ស្ថិតនៅភូមិព្រៃទប់ សង្កាត់ព្រៃអង្គុញ ក្រុងបាវិត។ អំណោយចែកជូនក្នុង១គ្រួសារទទួលបាន៖ អង្ករ ៥០ គ.ក្រ មី ១ កេស ទឹកត្រី ២ដប ទឹកស៊ីអ៊ីវ ១យួរ ប៊ីចេង ០,៥ គ.ក្រ ស្ករស ១ គ.ក្រ (ច្រើន​ទៀត…)

ប្រជាពលរដ្ឋរងគ្រោះដោយខ្យល់កន្ត្រាក់នៅឃុំសំរោង ស្រុកចន្ទ្រាទទួលអំណោយមនុស្សធម៌

នៅថ្ងៃចន្ទ ទី២០ ខែកញ្ញា ឆ្នាំ២០២១ លោកជំទាវ ដួង វណ្ណា ប្រធានកិត្តិយសសាខា រួមដំណើរដោយលោកជំទាវ ពៅ សុភាព ហេរញ្ញឹកគណៈកម្មាធិការសាខា និងសហការី បានចុះសួរសុខទុក្ខ និងនាំយកអំណោយមនុស្សធម៌ យកទៅជួយសម្រាលការលំបាកដល់ ប្រជាពលរដ្ឋរងគ្រោះដោយខ្យល់កន្ត្រាក់កាលពីថ្ងៃទី១៨ ខែកញ្ញា ឆ្នាំ២០២១ បណ្ដាលខូចខាតផ្ទះប្រជាពលរដ្ឋចំនួន១២ខ្នងក្នុងនោះខូចខាតធ្ងន់១ខ្នង មធ្យម៣ខ្នង និងខូចខាតស្រាល៨ខ្នង ក្នុងឃុំសំរោង ស្រុកចន្ទ្រា។ (ច្រើន​ទៀត…)

សកម្មភាពផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩នៅស្រុកស្វាយជ្រំ

គម្រោងត្រៀមបង្ការ និងឆ្លើយតបចំពោះការរាតត្បាតនៃជំងឺកូវីដ-១៩ នៅថ្ងៃអាទិត្យ ទី១៩ ខែកញ្ញា ឆ្នាំ២០២១ មន្រ្តីប្រតិបត្តិសាខា សហការជាមួយក្រុមកាកបាទក្រហមឃុំកំពង់ចំឡង និងអ្នកស្ម័គ្រចិត្តប្រចាំភូមិ បន្តចុះអប់រំផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩ ការគាំទ្រចិត្តសាស្ត្រសង្គម សុខភាពផ្លូវចិត្តក្នុងបរិបទជំងឺកូវីដ-១៩ ដោយអនុវត្តវិធានការ ៣ ការពារ ៣កុំ ២ចូលរួម  ក្រោមការឧបត្ថម្ភថវិកាដោយ សហព័ន្ធអន្តរជាតិ កាកបាទក្រហម អឌ្ឍចន្ទក្រហម (IFRC) និងបានបញ្ជ្រាបការផ្សព្វផ្សាយស្តីពីសិទ្ធជនពិការ ការពារជីវិត និងពិការភាពពីគ្រោះថ្នាក់ចរាចរណ៍ (ច្រើន​ទៀត…)

សកម្មភាពអប់រំផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩នៅឃុំចំបក់ ស្រុកស្វាយជ្រំ

នៅថ្ងៃព្រហស្បតិ៍ ទី១៦ ខែកញ្ញា ឆ្នាំ២០២១ មន្រ្តីប្រតិបត្តិសាខាសហការជាមួយក្រុមកាកបាទក្រហមឃុំចំបក់ និងអ្នកស្ម័គ្រចិត្តប្រចាំភូមិបានចុះអប់រំផ្សព្វផ្សាយស្តីពីវិធីកាត់បន្ថយហានិភ័យពីការឆ្លងជំងឺកូវីដ-១៩ ការគាំទ្រចិត្តសាស្ត្រសង្គម សុខភាពផ្លូវចិត្តក្នុងបរិបទជំងឺកូវីដ-១៩ ដោយអនុវត្តវិធានការ៣ ការពារ៣កុំ ២ចូលរួម ក្រោមការឧបត្ថម្ភថវិកា ដោយសហព័ន្ធអន្តរជាតិកាកបាទក្រហម អឌ្ឍចន្ទក្រហម (IFRC) និងបានបញ្ជ្រាបការ ផ្សព្វផ្សាយនូវអនុក្រឹត្យថ្មីស្ដីពីការពិន័យអន្ដរការណ៍ចំពោះអំពើល្មើសនឹងច្បាប់ចរាចរណ៍ផ្លូវគោក ដល់ប្រជាពលរដ្ឋក្នុងភូមិទួលច្រេស ភូមិថ្មី ឃុំចំបក់ ស្រុកស្វាយជ្រំ ។ (ច្រើន​ទៀត…)

សកម្មភាពអប់រំផ្សព្វផ្សាយស្តីពីសិទ្ធជនពិការ ការពារជីវិត និងពិការភាព ពីគ្រោះថ្នាក់ចរាចរណ៍ ការពាក់មួកសុវត្ថិភាព

នៅថ្ងៃចន្ទ ទី១៣ ខែកញ្ញា ឆ្នាំ២០២១គម្រោងសុវត្ថិភាពចរាចរណ៍ និងពិការភាព ដែលគាំទ្រដោយអង្គការ Light for the world មន្រ្តីប្រតិបត្តិសាខា សហការជាមួយអ្នកស្ម័គ្រចិត្តឃុំបាសាក់ បានចុះធ្វើការអប់រំផ្សព្វផ្សាយស្តីពី សិទ្ធជនពិការ ការពារជីវិត និងពិការភាព ពីគ្រោះថ្នាក់ចរាចរណ៍ ការពាក់មួកសុវត្ថិភាពឱ្យបានត្រឹមត្រូវ និងបញ្ជ្រាបការផ្សព្វផ្សាយអំពីវិធីកាត់បន្ថយហានិភ័យពីការឆ្លងជំងឺកូវីដ-១៩ ដោយអនុវត្តតាមវិធានការ ៣ ការពារ ៣ កុំ ២ ចូលរួម ដល់ប្រជាពលរដ្ឋនៅភូមិសាលារៀន បាសាក់ ឃុំបាសាក់ ស្រុកស្វាយជ្រំ ខេត្តស្វាយរៀង ដើម្បីចូលរួមកាត់បន្ថយអត្រាស្លាប់ របួស និងពិការភាព (ច្រើន​ទៀត…)

ប្រជាពលរដ្ឋរងគ្រោះដោយខ្យល់កន្ត្រាក់នៅក្រុងបាវិត ទទួលអំណោយមនុស្សធម៌

នៅថ្ងៃសៅរ៍ ទី៤ ខែកញ្ញា ឆ្នាំ២០២១ លោកជំទាវ ដួង វណ្ណា ប្រធានកិត្តិយសសាខា រួមដំណើរដោយលោកជំទាវ ពៅ សុភាព ហេរញ្ញឹកគណៈកម្មាធិការសាខា និងសហការី បានចុះសួរសុខទុក្ខ និងនាំយកអំណោយមនុស្សធម៌ យកទៅជួយសម្រាលការលំបាកដល់ ប្រជាពលរដ្ឋរងគ្រោះ ដោយសារខ្យល់កន្ត្រាក់កាលពីថ្ងៃទី២ ខែកញ្ញា ឆ្នាំ២០២១ បណ្ដាល​ខូចខាតផ្ទះ ប្រជាពលរដ្ឋចំនួន ១៦ ខ្នង ក្នុងនោះខូចខាតធ្ងន់ ៧ ខ្នង មធ្យម ៣ ខ្នង និងខូចខាតស្រាល ៦ ខ្នង ក្នុងក្រុងបាវិត នៅសង្កាត់ប្រាសាទ ១៣ ខ្នង នៅសង្កាត់បាទី ៣ ខ្នង ។ (ច្រើន​ទៀត…)

អនុសាខាកាកបាទក្រហមកម្ពុជាក្រុងស្វាយរៀងផ្តល់អំណោយដល់ប្រជាពលរដ្ឋងាយរងគ្រោះ

ដើម្បីឆ្លើយតបទៅនឹងតម្រូវការជីវភាពប្រចាំថ្ងៃរបស់គ្រួសារមានជីវភាពខ្វះខាតប្រចាំថ្ងៃ នាថ្ងៃចន្ទ ទី២៣ ខែសីហា ឆ្នាំ២០២១ ក្រុមការងាអនុសាខាកាកបាទក្រហមកម្ពុជាក្រុងស្វាយរៀង ដឹកនាំដោយលោក ណុប ចំរើន ប្រធានកិត្តិយសអនុសាខាក្រុង លោក ជួន ចាន់ឬទ្ធី ប្រធានគណៈកម្មាធិការអនុសាខាក្រុង និងមានការនិមន្តចូលរួមពីព្រះគ្រូសច្ចៈកល្យាណោ យ៉ន សុខ សាន្ត បានផ្តល់អំណោយមនុស្សធម៌របស់អនុសាខា ដល់ប្រជាពលរដ្ឋមានជីវភាពខ្វះខាតចំនួន ២១ គ្រួសារ មកពី ៥ សង្កាត់ ក្នុងក្រុងស្វាយរៀង ដែលពិធីនេះប្រារព្វធ្វើនៅនៅទីស្នាក់ការអនុសាខាកាកបាទក្រហមកម្ពុជាក្រុងស្វាយរៀង ។ (ច្រើន​ទៀត…)

ប្រជាពលរដ្ឋរងគ្រោះដោយខ្យល់កន្ត្រាក់ នៅភូមិតាណែង ឃុំសង្កែ ស្រុករំដួល ទទួលអំណោយមនុស្សធម៌

នៅថ្ងៃពុធ ទី១៨ ខែសីហា ឆ្នាំ២០២១ លោកជំទាវ ដួង វណ្ណា ប្រធានកិត្តិយសសាខា រួមដំណើរដោយលោកជំទាវ ពៅ សុភាព ហេរញ្ញិកគណៈកម្មាធិការសាខា និងសហការី   បានចុះសួរសុខទុក្ខ  និងនាំយកអំណោយមនុស្សធម៌ យកទៅជួយសម្រាលការលំបាកដល់ប្រជាពលរដ្ឋរងគ្រោះ ដោយសារខ្យល់កន្ត្រាក់កាលពីថ្ងៃទីយប់ ថ្ងៃទី ១៧ ខែ សីហា ឆ្នាំ ២០២១ បណ្ដាលខូចខាតផ្ទះប្រជាពលរដ្ឋចំនួន ១ គ្រួសារ មានទំហំ បណ្ដោយ ៧ ម ទទឹង ៦ ម (ខូចខាតទាំងស្រុងរួមនឹងសម្ភារប្រើប្រាស់) របស់ឈ្មោះ  សំ  ឈួត ភេទ ប្រុស អាយុ ៩៥ ឆ្នាំ នៅភូមិតាណែង ឃុំសង្កែ ស្រុករំដួល ។ (ច្រើន​ទៀត…)

គ្រួសាររងគ្រោះដោយខ្យល់កន្ត្រាក់នៅស្រុករំដួល និងស្វាយទាប ទទួលអំណោយមនុស្សធម៌

នៅថ្ងៃអង្គារ ទី២០ ខែកក្កដា ឆ្នាំ២០២១ លោកជំទាវ ដួង វណ្ណា ប្រធានកិត្តិយសសាខាកាកបាទក្រហមកម្ពុជាខេត្តស្វាយរៀងនិងសហការី បាននាំយកអំណោយមនុស្សធម៌របស់សាខាចុះសួរសុខទុក្ខគ្រួសាររងគ្រោះដោយខ្យល់កន្ត្រាក់ដែលបានធ្វើឲ្យប៉ះពាល់ដល់លំនៅដ្ឋានរបស់ប្រជាពលរដ្ឋជាច្រើនខ្នង ជាក់ស្តែងនៅល្ងាចថ្ងៃទី១៩ ខែកក្កដា ឆ្នាំ២០២១ ។ លោកជំទាវបានសម្តែងការសោកស្តាយចំពោះការខូចខាតទ្រព្យសម្បត្តិ ផ្ទះសំបែងបង្ករដោយគ្រោះធម្មជាតិដែលមិននឹកស្មានដល់ និងសំណូមពរដល់ប្រជាពលរដ្ឋទាំងអស់ត្រូវមានការប្រុងប្រយ័ត្នខ្ពស់ពីសុវត្ថិភាពផ្ទាល់ខ្លួន (ច្រើន​ទៀត…)

គ្រួសាររងគ្រោះដោយខ្យល់កន្ត្រាក់ នៅស្រុកកំពង់រោទិ៍ ខេត្តស្វាយរៀងទទួលអំណោយមនុស្សធម៌

នៅថ្ងៃចន្ទ ទី១៩ ខែកក្កដា ឆ្នាំ២០២១ លោកជំទាវ ដួង វណ្ណា ប្រធានកិត្តិយសសាខាកាកបាទក្រហមកម្ពុជាខេត្តស្វាយរៀង និងសហការី បាននាំយក អំណោយមនុស្សធម៌ចុះសួរសុខទុក្ខ និងផ្តល់ជូនគ្រួសាររងគ្រោះដោយសារខ្យល់កន្ត្រាក់ កាលពីថ្ងៃទី ១៧ ខែ កក្កដា ឆ្នាំ ២០២១ បណ្តាលឲ្យខូចខាតផ្ទះរបស់ប្រជាពលរដ្ឋចំនួន ២៩ ខ្នង (ខូចខាតទាំងស្រុង ៧ ខ្នង មធ្យម ១១ ខ្នង ខូចខាតស្រាល ១១ ខ្នង និងរបួសមនុស្ស ១ នាក់ ) ក្នុងស្រុកកំពង់រោទិ៍ នៅឃុំញរ ឃុំខ្សែត្រ និងឃុំសំឡី ។ ក្នងឱកាសនោះ លោកជំទាវបានអំពាវនាវសូមឱ្យបងប្អូនប្រជាពលរដ្ឋទាំងអស់ ត្រូវតែចេះការពារខ្លួនពីជំងឺរលាកសួតប្រភេទថ្មី (COVID-19) (ច្រើន​ទៀត…)