• ភាសាខ្មែរ
  • English
សង្គ្រោះជីវិត​ ផ្លាស់ប្តូរផ្នត់គំនិត
អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
Press Release May 8, 2018

សាខាកាកបាទក្រហមកម្ពុជាខេត្តស្វាយរៀង ចុះសួរសុខទុក្ខប្រជាពលរដ្ឋរងគ្រោះដោយជំនន់ទឹកភ្លៀង ។

នាព្រឹកថ្ងៃ ពុធ  ១២រោច ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ១៤ ខែ តុលា ឆ្នាំ ២០២០ ឯកឧត្តម ម៉ែន វិបុល ប្រធានគណៈកម្មាធិការសាខាកាកបាទក្រហមកម្ពុជាខេត្តស្វាយរៀង ព្រមទាំងឯកឧត្តម លោកជំទាវ លោក លោកស្រី ជាសមាជិកគណៈកម្មាធិការសាខា បាននាំយកអំណោយមនុស្សធម៌ ចែកជូនដល់ប្រជាពលរដ្ឋរងគ្រោះចំនួន ២៨ គ្រួសារលើទំនប់ខាងលិចរង្វង់មូលនាគបាញ់ទឹកស្ថិតនៅភូមិរោងបន្លែ សង្កាត់ស្វាយរៀងក្រុងស្វាយរៀង ក្នុងពិធីនោះដែរក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានសហការជាមួយសាខា ចុះអប់រំអំពីការការពារជម្ងឺឆ្លងនានា (ច្រើន​ទៀត…)

សាខាកាកបាទក្រហមកម្ពុជាខេត្តស្វាយរៀង ផ្តល់អំណោយមនុស្សធម៌ដល់ជនងាយរងគ្រោះ នៅសង្កាត់សង្ឃ័រ ក្រុងស្វាយរៀង

នៅថ្ងៃសុក្រ ១៥កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ០២ ខែ តុលា ឆ្នាំ ២០២០ ឯកឧត្តម ជុក មុន្នី គណៈកិត្តិយសសាខាកាកបាទក្រហមកម្ពុជាខេត្តស្វាយរៀង ព្រមទាំងលោក លោកស្រី ជាប្រធាន អនុប្រធានកិត្តិយសអនុសាខាក្រុងស្វាយរៀង និងសហការី បានអញ្ជើញជាគណៈអធិបតីក្នុងពិធីចែកអំណោយមនុស្សធម៌ របស់អនុសាខា ជូនដល់ជនងាយរងគ្រោះ ៥ គ្រួសារ នៅសង្កាត់សង្ឃ័រ ក្រុងស្វាយរៀង ។ ក្នុងឱកាសនោះឯកឧត្តម ជុក មុន្នី បានពាំនាំនូវការផ្ដាំផ្ញើសួរសុខទុក្ខ និងសេចក្ដីនឹករលឹកពីសំណាក់ សម្តេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា (ច្រើន​ទៀត…)

សាខាកាកបាទក្រហមកម្ពុជាខេត្តស្វាយរៀងទទួលអំណោយសប្បុរសធម៌ពីសប្បុរសជន

នៅទីស្នាក់ការសាខាកាកបាទក្រហមកម្ពុជាខេត្តស្វាយរៀង នារសៀលថ្ងៃព្រហស្បតិ៍ ១៤កើត ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ០១ ខែ តុលា ឆ្នាំ ២០២០ នេះ ក្រុមការងារសាខាកាកបាទក្រហម កម្ពុជាខេត្តស្វាយរៀង ដឹកនាំដោយ លោកជំទាវ ពៅ សុភាព ហេរញ្ញឹកគណៈកម្មាធិការសាខា និងសហការី បានទទួលអំណោយសប្បុរសធម៌ពីលោកជំទាវ ដួង វណ្ណា ប្រធានកិត្តិយសសាខា លោក ទីវ សុភា ប្រធានមន្ទីរធម្មការ និងសាសនាខេត្ត និងជាអនុប្រធានកិត្តិយសសាខា និងសហការី នូវអង្ករចំនួន ២០០ គ.ក្រ មី ១០ កេស ត្រីខ ៣ យួ ទឹកសុទ្ធ ១០ កេស ទឹកក្រូច ១០ កេស និងថវិកា ១,០០០,០០០ រៀល (ច្រើន​ទៀត…)

សាខាកាកបាទក្រហមកម្ពុជាខេត្តស្វាយរៀង រៀបចំពិធីចេញលទ្ធផលឆ្នោតវត្ថុអនុស្សាវរីយ៍លើកទី ២៦

សាខា កក្រក ខេត្តស្វាយរៀង៖ នៅថ្ងៃអង្គារ ១២កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៩ ខែ កញ្ញា ឆ្នាំ ២០២០ នៅទីស្នាក់ការសាខាកាកបាទក្រហមកម្ពុជាខេត្តស្វាយរៀង បានធ្វើពិធីចេញលទ្ធផលឆ្នោតវត្ថុអនុស្សាវរីយ៍លើកទី ២៦ ក្នុងគោលបំណងដើម្បីរកនូវប្រភពធនធានសម្រាប់ទ្រទ្រង់នូវសកម្មភាពមនុស្សធម៌សម្រាប់ជួយសង្គ្រោះដល់ប្រជាពលរដ្ឋ ដែលរងគ្រោះដោយសារគ្រោះមហន្តរាយផ្សេងៗ និងដើម្បីផ្សងសំណាងត្រូវរង្វាន់បានតាមរយៈការជាវសន្លឹកឆ្នោត ។ ពេលនៃការលក់សន្លឹកឆ្នោតមានរយៈពេល ៣០ ថ្ងៃតាមការបែងចែកទៅតាម ស្រុក ក្រុង ។ ពិធីនេះបានការអញ្ជើញចូលរួម (ច្រើន​ទៀត…)

សកម្មភាពផ្សព្វផ្សាយអំពីវិធានការទប់ស្កាត់ និងការការពារការរាតត្បាតជំងឺកូវីដ ១៩ ស្ថិតក្នុងឃុំពងទឹក ស្រុករំដួល ខេត្តស្វាយរៀង

នាព្រឹកថ្ងៃព្រហស្បតិ៍ ៧កើត ខែ អស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៤ ខែកញ្ញា ឆ្នាំ២០២០ មន្ត្រីក្រុមប្រតិបត្តិសាខាកាកបាទក្រហមកម្ពុជាខេត្ត សហការជាមួយអនុសាខាស្រុករំដួលនិងអ្នកស្ម័គ្រចិត្តកាកបាទក្រហមភូមិ/ឃុំ បន្តចុះធ្វើការផ្សព្វផ្សាយពីវិធីកាត់បន្ថយហានិភ័យពីការឆ្លងជំងឺកូវីដ-១៩ និងបង្ហាញពីរបៀបលាងដៃឱ្យបានត្រឹមត្រូវ និងផ្សព្វផ្សាយសារអប់រំរបស់ក្រសួងសុខាភិបាលដោយប្រដាប់បំពងសម្លេងតាមម៉ូតូ ។ ក្រោមការឧបត្ថម្ភថវិកា ដោយសហព័ន្ធអន្តជាតិកាកបាទក្រហម អឌ្ឍចន្ទក្រហម (IFRC) ដល់ប្រជាពលរដ្ឋចំនួន ៦៧ គ្រួសារស្មើនឹង (ច្រើន​ទៀត…)

បិទវគ្គបណ្តុះបណ្តាលស្តីពី “ការពារជីវិត និងពិការភាព ពីគ្រោះថ្នាក់ចរាចរណ៍” នៅខេត្តស្វាយរៀង

នៅថ្ងៃ អាទិត្យ ១១រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ១៣ ខែកញ្ញា ឆ្នាំ២០២០ នៅទីស្នាក់ការសាខាកាកបាទក្រហមកម្ពុជា ខេត្តស្វាយរៀង បានរៀបចំពិធីបិទវគ្គបណ្តុះបណ្តាល អ្នកស្ម័គ្រចិត្តស្តីពី “ការពារជីវិត និងពិការភាព ពីគ្រោះថ្នាក់ចរាចរណ៍” ស្ថិតក្រោមអធិបតីភាព លោក សរ វណ្ណា នាយកសាខា លោក រឿត សុខុន ប្រធានការិយាល័យអភិវឌ្ឍន៍ នៃនាយកដ្ឋានធនធានមនុស្ស កាកបាទក្រហមកម្ពុជា លោកស្រី លុយ កូឡាប មន្ត្រីទទួលបន្ទុកគម្រោងសុវត្ថិភាពចរាចរណ៍ រួមបញ្ចូលពិការភាព កាកបាទក្រហមកម្ពុជា ។ វគ្គបណ្តុះបណ្តាលនេះមានរយៈពេល ២ ថ្ងៃ (ច្រើន​ទៀត…)

យុទ្ធនាការអប់រំនិងបាញ់ថ្នាំសម្លាប់មេរោគ ទប់ស្កាត់ និងបង្ការជំងឺឆ្លង កូវីដ១៩នៅស្រុកទឹកឈូ

នៅថ្ងៃចន្ទ ៥រោច ខែភទ្របទ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ៧ ខែកញ្ញា ឆ្នាំ ២០២០ លោកជំទាវកិត្តិសង្គហបណ្ឌិត ម៉ែន សំអន គណៈកិត្តិយសសាខាកាកបាទក្រហមកម្ពុជាខេត្តស្វាយរៀង ចុះសួរសុខទុក្ខ និងនាំយកអំណោយមនុស្សធម៌ជួយសម្រាលការលំបាកផ្តល់ជូនប្រជាពលរដ្ឋរងគ្រោះដោយសារខ្យល់កន្ត្រាក់កាលពីថ្ងៃទី ៥ ខែកញ្ញា ឆ្នាំ ២០២០ កន្លងទៅ ក្នុងស្រុករមាសហែកប៉ះពាល់ ២ ឃុំ គឺឃុំម្រាម ២១៨ គ្រួសារ និងឃុំចន្ត្រី ១៣៣ គ្រួសារ នៅរសៀលថ្ងៃដរដែលនោះដែរ លោកជំទាវ ដួង វណ្ណា ប្រធានកិត្តិយសសាខា បានបន្តនាំយកអំណោយមនុស្សធម៌ផ្តល់ជូនគ្រួសាររងគ្រោះ (ច្រើន​ទៀត…)

សកម្មភាពផ្សព្វផ្សាយអំពីការទប់ស្កាត់ ការរីករាលដាលនៃជំងឺកូវីដ-១៩ (COVID-19)នៅក្រុងបាវិត

នៅព្រឹកថ្ងៃសៅរ៍ ៣រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ៥ ខែកញ្ញា ឆ្នាំ២០២០ មន្ត្រីក្រុមប្រតិបត្តិសាខាកាកបាទក្រហមកម្ពុជាខេត្ត សហការជាមួយអនុសាខាក្រុងបាវិត និងអ្នកស្ម័គ្រចិត្តកាកបាទក្រហមភូមិ សង្កាត់ បន្តចុះធ្វើការផ្សព្វផ្សាយពីវិធីកាត់បន្ថយហានិភ័យពីការឆ្លង ជំងឺកូវីដ-១៩ និងបង្ហាញពីរបៀបលាងដៃឱ្យបានត្រឹមត្រូវ និងផ្សព្វផ្សាយសារអប់រំរបស់ក្រសួងសុខាភិបាលដោយប្រដាប់បំពងសម្លេងតាមម៉ូតូ ចែកសាប៊ូ ម៉ាស ព្រមទាំងបិទ ខិតប័ណ្ណផ្សព្វផ្សាយពីវិធីកាត់បន្ថយហានិភ័យពីការឆ្លងជំងឺកូវីដ ១៩ តាមខ្នងផ្ទះ និងផ្សព្វផ្សាយបន្ថែម

ពីច្បាប់ចរាចរណ៍ផ្លូវគោកថ្មី សុវត្ថិភាពចរាចរណ៍ វិធីការពារការឆ្លងជំងឺគ្រុនឈាម គ្រុនឈីក ដល់ប្រជាពលរដ្ឋនៅក្នុងភូមិព្រៃទប់ និងភូមិថ្មី សង្កាត់ច្រកម្ទេស ក្រុងបាវិត និងប្រជាពលរដ្ឋនៅវត្តច្រកម្ទេសបានចំនួន២៩២ នាក់ ស្រី ១៨៧ នាក់ ស្មើនឹង ៩៤ ខ្នងផ្ទះ ក្រោមការឧបត្ថម្ភថវិកាដោយសហព័ន្ធអន្តរជាតិកាកបាទក្រហម អឌ្ឍចន្ទក្រហម (IFRC) ។

ក្នុងឱកាសនោះ ក្រុមការងារទាំងអស់បានអំពាវនាវដល់បងប្អូនប្រជាពលរដ្ឋគ្រប់រូបសូមអនុវត្តតាមការណែនាំរបស់ក្រសួងសុខាភិបាលដូចខាងក្រោម៖

១. លាងដៃឱ្យបានញឹកញាប់ និងជាប្រចាំជាមួយសាប៊ូនឹងទឹកស្អាត ឬទឹកអាល់កុលលាងដៃ

២. ខ្ទប់មាត់ និងច្រមុះ នៅពេលក្អក ឬកណ្តាស់ ដោយប្រើកែងដៃ ឬក្រដាសអនាម័យ រួចបោះចោលក្នុងធុងសំរាមឱ្យបានត្រឹមត្រូវ

៣. ជៀសវាងប៉ះពាល់ជិតស្និទ្ធជាមួយអ្នកដែលមានគ្រុនក្ដៅ ក្អក ឬផ្ដាសាយ

៤. ជៀសវាងប៉ះពាល់ភ្នែក ច្រមុះ ឬមាត់

៥. បរិភោគអាហារដែលចម្អិនបានឆ្អិនល្អ

៦. ជៀសវាងប៉ះពាល់ជាមួយសត្វព្រៃរស់ ឬកន្លែងចិញ្ចឹមសត្វដោយគ្មានពាក់សម្ភារការពារខ្លួន ។

សម្រាប់ព័ត៌មានបន្ថែម ឬមានករណីសង្ស័យ សូមទាក់ទងទៅលេខទូរស័ព្ទ ១១៥ ដោយឥតគិតថ្លៃ ។

 

 

 

សកម្មភាពអប់រំផ្សព្វផ្សាយអំពីវិធានការទប់ស្កាត់ និងការការពារការរាតត្បាតជំងឺកូវីដ១៩នៅក្រុងបាវិត

នៅថ្ងៃសុក្រ ២រោច ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹង ថ្ងៃទី៤ ខែកញ្ញា ឆ្នាំ២០២០ លោក សរ វណ្ណា នាយកសាខា សហការជាមួយអនុសាខាកាកបាទក្រហមកម្ពុជាក្រុងបាវិត និងអ្នកស្ម័គ្រចិត្តភូមិ សង្កាត់ បានបន្ត ចុះអប់រំផ្សព្វផ្សាយអំពីវិធានការទប់ស្កាត់ជំងឺកូវីដ ១៩  បង្រៀនពីរបៀបលាងសម្អាតដៃឱ្យបានត្រឹមត្រូវ និង ផ្សព្វផ្សាយសារអប់រំរបស់ក្រសួងសុខាភិបាលដោយប្រដាប់បំពងសម្លេងតាមម៉ូតូ ចែកសាប៊ូ ម៉ាស ព្រមទាំងបិទ ខិតប័ណ្ណផ្សព្វផ្សាយពីវិធីកាត់បន្ថយហានិភ័យពីការឆ្លងជំងឺកូវីដ ១៩ តាមខ្នងផ្ទះ ផ្សព្វផ្សាយបន្ថែម ពីច្បាប់ ចរាចរណ៍ផ្លូវគោកថ្មី ពីសុវត្ថិភាពចរាចរណ៍ (ច្រើន​ទៀត…)

សកម្មភាពផ្សព្វផ្សាយពីវិធីកាត់បន្ថយហានិភ័យពីការឆ្លង ជំងឺកូវីដ-១៩ នៅសង្កាត់ព្រៃអង្គុញ ក្រុងបាវិត

នាព្រឹកថ្ងៃអង្គារ ១៤កើត ខែ ភទ្របទ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០១ ខែកញ្ញា ឆ្នាំ ២០២០ លោក សរ វណ្ណា នាយកសាខាកាកបាទក្រហមកម្ពុជាខេត្តស្វាយរៀង បានចាត់តាំងឱ្យមន្ត្រី ក្រុមប្រតិបត្តិសាខា សហការជាមួយអនុសាខាក្រុងបាវិត និងអ្នកស្ម័គ្រចិត្តកាកបាទក្រហមកម្ពុជា ចុះធ្វើការផ្សព្វផ្សាយពីវិធីកាត់បន្ថយហានិភ័យពីការឆ្លង ជំងឺកូវីដ-១៩ និងបង្ហាញពីរបៀបលាងដៃឱ្យបានត្រឹមត្រូវ និងផ្សព្វផ្សាយសារអប់រំរបស់ក្រសួងសុខាភិបាលដោយប្រដាប់បំពងសម្លេងតាមម៉ូតូ ។ ក្រោមការឧបត្ថម្ភថវិកាដោយសហព័ន្ធអន្តជាតិកាកបាទក្រហម អឌ្ឍចន្ទក្រហម (IFRC) (ច្រើន​ទៀត…)