• ភាសាខ្មែរ
  • English
សង្គ្រោះជីវិត​ ផ្លាស់ប្តូរផ្នត់គំនិត
អ៊ីម៉ែល​ កាកបាទក្រហមកម្ពុជា

សកម្មភាពគម្រោងសុវត្តិភាពចរាចរណ៍ រួមបញ្ចូលពិការភាព នៅខេត្តពោធិ៍សាត់

នៅព្រឹកថ្ងៃព្រហស្បតិ៍ ១០កើត ខែស្រាពណ៍ ឆ្នាំជូត ទោស័ក ព.ស ២៥៦៤ តត្រូវនឹងថ្ងៃទី៣០ ខែកក្កដា ឆ្នាំ ២០២០ មន្រ្តីសាខា​ សហការជាមួយមេភូមិ អ្នកស្ម័គ្រចិត្តភូមិ សរុបចំនួន៥នាក់ ពិការប្រុស១នាក់ បានចុះអប់រំ​ ផ្សព្វផ្សាយតាមខ្នងផ្ទះស្ដីពីវិធានការការពារការចម្លងជំងឺផ្លូវដង្ហើម​ កូវីដ១៩ ការយល់ដឹងពីសិទ្ធិជនពិការ និងអនុក្រឹត្យថ្មីនៃច្បាប់ចរាចរណ៍ ដើម្បីបង្កើនការប្រុងប្រយ័ត្ន និងចូលរួមកាត់បន្ថយអត្រាស្លាប់ របួស ពិការដោយគ្រោះថ្នាក់ចរាចរណ៍ ដល់ប្រជាពលរដ្ឋ អាជីវករ ក្រុមម៉ូតូឌុប នៅភូមិក្រាំងតាសែន សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់។ (ច្រើន​ទៀត…)

គ្រួសាររងគ្រោះដោយភ្លើងឆេះផ្ទះនៅភូមិអូរស្តៅ ក្រុងពោធិ៍សាត់ បានទទួលអំណោយពីសាខាកាកបាទក្រហមខេត្ត

នៅព្រឹកថ្ងៃសៅរ៍ ទី១៨ ខែកក្កដា ឆ្នាំ២០២០ នេះ ឯកឧត្តម ខូយ រីដា អនុប្រធានអចិន្រ្តៃគណៈកម្មាធិការសាខា រួមជាមួយមន្ត្រីប្រតិបត្តិសាខា ជាមួយមន្ត្រីមូលដ្ឋាន បានចុះសួរសុខទុក្ខនិងនាំយកអំណោយមនុស្សធម៌ ទៅចែកជូនដល់គ្រួសាររងគ្រោះដោយភ្លើងឆេះផ្ទះចំនួន១គ្រួសារ នៅភូមិអូរស្តៅ សង្កាត់ស្វាយអាត់ ក្រុងពោធិ៍សាត់ ខេត្តពោធិ៍សាត់។នាឱកាសនោះ ឯកឧត្តម ខូយ រីដា បានពាំនាំប្រសាសន៍ផ្តាំផ្ញើសាកសួរសុខទុក្ខពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាល សម្ដេចតែងតែគិតគូរយកចិត្តទុកដាក់ (ច្រើន​ទៀត…)

សាខាកាកបាទក្រហមកម្ពុជា ខេត្តពោធិ៍សាត់ ប្រារព្ធពិធីថ្វាយព្រះពរដល់សម្តេចព្រះមហាក្សត្រី នរោត្តម មុនិនាថ សីហនុ

នៅព្រឹកថ្ងៃព្រហស្បតិ៍ ១៣រោច ខែជេស្ឋ ឆ្នាំជូត ទោស័កព.ស.២៥៦៤ ត្រូវនឹង ថ្ងៃទី១៨ ខែមិថុនា ឆ្នាំ២០២០ ឯកឧត្តម ខូយ រីដា អនុប្រធានអចិន្រ្តៃយ៍គណៈកម្មាធិការសាខាកាកបាទក្រហមកម្ពុជា ខេត្តពោធិ៍សាត់ និងសហការី ប្រារព្ធពិធីបុណ្យចម្រើនព្រះជន្មាយុ និងថ្វាយព្រះពរ ជូនព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ សុភមង្គល និងជាព្រះប្រធានកិត្តិយសកាកបាទក្រហមកម្ពុជា ក្នុងព្រះជន្មាយុគម្រប់៨៤ យាងចូល៨៥ព្រះវស្សា នៅថ្ងៃទី១៨ ខែមិថុនា ឆ្នាំ២០២០ ស្ថិតនៅវត្តសិលាមុនីមានជ័យ(ហៅវត្តភ្នំទ្រព្យ) ក្នុងសង្កាត់រលាប ក្រុងពោធិ៍សាត់ ខេត្តពោធិ៍សាត់។ (ច្រើន​ទៀត…)

សាខាកាកបាទក្រហមកម្ពុជាខេត្តពោធិ៍សាត់ទទួលថវិកាពីសប្បុរសជនសម្រាប់ទិវា ៨ឧសភា

នៅព្រឹកថ្ងៃចន្ទ ទី២៧ ខែមេសា ឆ្នាំ២០២០នេះ ឯកឧត្តម កែវ រតនៈ ប្រធានកិត្តិយសសាខាកាកបាទក្រហមកម្ពុជាខេត្តពោធិ៍សាត់ បាននាំយកថវិការបស់អាជ្ញាធរអគ្គិសនីកម្ពុជា សប្បុរសជននិងក្រុមហ៊ុននានា ចំនួន ២១១,០០០ដុល្លារ( ពីររយដប់មួយពាន់ដុល្លារអាមេរិក) ជូនដល់សាខាកាកបាទក្រហមកម្ពុជា ខេត្តពោធិ៍សាត់ ក្នុងឱកាសអបអរសាទរខួបលើកទី១៥៧ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២០ ក្រោមប្រធានបទ “ខ្ញុំ❤️សន្តិភាព និងកាកបាទក្រហមកម្ពុជា” ។

(ច្រើន​ទៀត…)

ប្រជាពលរដ្ឋរងគ្រោះដោយខ្យល់នៅភូមិប៉ែន ឃុំលាច ទទួលអំណោយពីសាខាកាកបាទក្រហមកម្ពុជា ខេត្តពោធិ៍សាត់

នៅព្រឹកថ្ងៃពុធ ទី ៨ ខែមេសា ឆ្នាំ២០២០នេះ ដឹកនាំដោយលោក វ៉ាន់ ហ៊ាង នាយក សាខា និងមន្រ្តីសាខា បានអញ្ជើញចុះជួបសំណេះសំណាល និងនាំយកអំណោយមនុស្សធម៌ជូនប្រជាពលរដ្ឋរងគ្រោះដោយខ្យល់កន្ត្រាក់ ចំនួន១១ខ្នងផ្ទះ (របើកកដំបូល) នៅភូមិប៉ែន ឃុំលាច ស្រុកភ្នំក្រវាញ ខេត្តពោធិ៍សាត់។នៅក្នុងឱកាសនោះដែរលោក វ៉ាន់ ហ៊ាង នាយកសាខា បាន ពាំនាំនូវប្រសាសន៍ផ្តាំផ្ញើសួរសុខទុក្ខពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចតែងតែគិតគូរពីសុខទុក្ខរបស់បងប្អូនជានិច្ច ពោលគឺ ”ទីណាមានការលំបាកទីនោះមានកាកបាទក្រហមកម្ពុជា” ។ (ច្រើន​ទៀត…)

សាខាកាកបាទក្រហមកម្ពុជា ខេត្តពោធិ៍សាត់ ចុះអប់រំផ្សព្វផ្សាយ បិតខិតប័ណ្ណស្តីអំពីអំពីវិធានការទប់ស្កាត់ និងបង្ការការចម្លងជំងឺកូវីដ១៩

សាខា កក្រក ខេត្តពោធិ៍សាត់​ ៖ នាព្រឹកថ្ងៃ​សុក្រ​ ៤កើត ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៧ ខែមីនា ឆ្នាំ២០២០នេះ ​ដឹកនាំដោយ លោក ​ទេព រ៉ុម នាយករងប្រតិបត្តិសាខា និងមន្រ្តី​ប្រតិបត្តិ​សាខា បានធ្វើ​ការចុះអប់រំផ្សព្វផ្សាយ ដើម្បីប្រយុទ្ធប្រឆាំងជំងឺកូវីដ១៩ ដោយប្រដាប់រំពងសំលេងនៅ​តាមភូមិផ្សារលី សង្កាត់លលកស ក្រុងពោធិ៍សាត់​ ខេត្តពោធិ៍សាត់ និងភូមិមួយចំនួនទៀតក្នុងក្រុងពោធិ៍សាត់ ។ក្នុងឱកាសនោះសាខាបានអប់រំផ្សព្វផ្សាយតាមការណែនាំរបស់ក្រសួងសុខាភិបាលនូវវិធីកាត់បន្ថយហានិភ័យពីការឆ្លងជំងឺកូវីដ១៩ (Covid-19)​ ដោយអនុវត្តដូចខាងក្រោម៖ (ច្រើន​ទៀត…)

យុទ្ធនាការផ្សព្វផ្សាយពីវិធីកាត់បន្ថយហានិភ័យពីការឆ្លង ជំងឺកូវីដ-១៩ នៅ ខេត្តពោធិ៍សាត់

នាព្រឹកថ្ងៃពុធ ២កើត ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ២៥ ខែមីនា ឆ្នាំ២០២០នេះ ​ដឹកនាំដោយ លោក​ទេព រ៉ុម នាយករងប្រតិបត្តិសាខា និងមន្រ្តី​ប្រតិបត្តិ​សាខា បានធ្វើ​ការចុះអប់រំផ្សព្វផ្សាយ ដើម្បីប្រយុទ្ធប្រឆាំងជំងឺកូវីដ-១៩ ដល់ប្រជាពលរដ្ឋ រស់នៅជុំវិញផ្សា​រធំថ្មី ផ្សារភួពុយ និងភូមិកោះជុំ ឃុំដងរុង ស្រុកកណ្តៀង​ ខេត្តពោធិ៍សាត់​។​ក្នុងឱកាសនោះដែរលោក ទេព រ៉ុម នាយករងប្រតិបត្តិសាខា​ បានអំពាវនាវដល់បងប្អូនអាជីវករដែលលក់ដូរក្នុងផ្សារ និងនៅតាមភូមិ ឱ្យចូលរួមបង្ការ ទប់ស្កាត់និងប្រយុទ្ធប្រឆាំងនឹងជំងឺកូវីដ-១៩ ទាំងអស់គ្នា ដូចនេះសូមបងប្អូនប្រជាពលរដ្ឋ (ច្រើន​ទៀត…)

សាខា កក្រក ខេត្តពោធិ៍សាត់ ចុះសួរសុខទុក្ខ ក្រុមគ្រួសារ ដែលរងគ្រោះដោយសារផ្ទុះមីន នៅ ឃុំថ្មដា ស្រុកវាលវែង

សាខា​ កក្រក​ ខេត្តពោធិ៍សាត់​៖ នៅព្រឹកថ្ងៃ​អង្គារ ទី​ ១០ ខែ​ មីនា​ ឆ្នាំ​ ២០២០នេះ​​​​​ សាខាកាកបាទក្រហមកម្ពុជា ខេត្តពោធិ៍សាត់​ ដឹកនាំដោយ លោក វ៉ាន់ ហ៊ាង ​នាយកប្រតិបត្តិសាខា តំណាង ឯ​កឧត្តម​បណ្ឌិត ​ម៉ៅ ធនិន​​ ប្រធានគណៈកម្មាធិការសាខា ​និងមន្រ្តីសាខា បានចុះសួរសុខទុក្ខ​ និងនាំយកអំណេាយមនុស្សធម៌ ជូនដល់ក្រុមគ្រួសារលោក សយ ង៉ែត អាយុ១៨​ឆ្នាំ ដែលរងគ្រោះដោយសារផ្ទុះមីន កាលពីថ្ងៃទី​ ៨ ខែ​មីនា​ ឆ្នាំ​២០២០ កន្លងទៅ ស្ថិតនៅ ភូមិឯកភាព​ ឃុំថ្មដា ស្រុកវាលវែង ខេត្តពោធិ៍សាត់ ។ (ច្រើន​ទៀត…)