• ភាសាខ្មែរ
  • English
សង្គ្រោះជីវិត​ ផ្លាស់ប្តូរផ្នត់គំនិត

សកម្មភាពផ្សព្វផ្សាយពីការការពារ ការទប់ស្កាត់ការឆ្លងនៃជំងឺកូវីដ១៩នៅឃុំទឹកក្រហមស្រុកជាំក្សាន្ត

នៅព្រឹកថ្ងៃព្រហស្បតិ៍ ទី២២ ខែតុលាឆ្នាំ២០២១នេះ លោក ហែម ថុន ប្រធានគណៈកម្មាធិការអនុសាខាកាកបាទក្រហមកម្ពុជាស្រុកជាំក្សាន្ត និងក្រុមការងារបានផ្សព្វផ្សាយពីការការពារ ការទប់ស្កាត់ការឆ្លងនៃជំងឺកូវីដ១៩ និងបានយកអំណោយ មនុស្សធម៌ជូនដល់គ្រួសារងាយរងគ្រោះ ជាស្រ្តីមេម៉ាយ ចំនួន ១គ្រួសារ ដែលស្ថិតនៅភូមិត្រពាំងធំ ឃុំទឹកក្រហម ស្រុកជាំក្សាន្ត ខេត្តព្រះវិហារ។ នៅក្នុងឱកាសនោះដែរលោកប្រធាន គណៈកម្មាធិការអនុសាខាកាក បាទក្រហមកម្ពុជាស្រុក បានពាំនាំនូវប្រសាសន៍ផ្តាំផ្ញើដល់ប្រជាជនសូមអោយថែរក្សាសុខភាព ត្រូវមានអនាម័យ (ច្រើន​ទៀត…)

ប្រជាពលរដ្ឋរងផលប៉ះពាល់ដោយទឹកជំនន់នៅស្រុកគាស់ក្រឡខេត្តបាត់ដំបងបានទទួលអំណោយមនុស្សធម៌

នៅរសៀលថ្ងៃព្រហស្បតិ៍ ទី២១ ខែតុលា ឆ្នាំ២០២១នេះ ឯកឧត្តមបណ្ឌិត ប៊ុតគឹមស៊ាន ប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង បានអញ្ជើញចុះសួរសុខទុក្ខ និងនាំយកអំណោយមនុស្សធម៌របស់សាខាកាកបាទក្រហមកម្ពុជាខេត្តជូនប្រជាពលរដ្ ឋរងផលប៉ះពាល់ដោយទឹកជំនន់ទឹកភ្លៀង សរុបចំនួន២២គ្រួសារ ស្ថិតនៅចំណុចបឹងរាម ភូមិតាថុក ឃុំធបតី ស្រុកគាស់ក្រឡខេត្តបាត់ដំបង ដោយគ្រួសារនីមួយៗទទួលបាន​ ៖ អង្ករ ២៥គក្រ មី១កេសទឹកបរិសុទ្ធវីឃែរ១ធុង ត្រីខ១០កំប៉ុង សារុង១ ក្រមា១ ម៉ាស់ក្រណាត់៥បន្ទៈអាល់កុល១ដបនិងថវិកាមួយចំនួនផងដែរ។ (ច្រើន​ទៀត…)

សកម្មភាព«បាញ់ថ្នាំកំចាត់ជម្រកមូសខ្លា ដើម្បីការពារជំងឺគ្រុនឈាម-គ្រុនឈីក» នៅតាមភូមិចំនួន២៣ ក្នុងសង្កាត់ចំនួន៤ នៃក្រុងព្រៃវែង

នៅថ្ងៃទី២១ ខែតុលា ឆ្នាំ២០២១ ឯកឧត្តម ឧកញ៉ា សុខ ផេង អនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជា ខេត្តព្រៃវែង បានអញ្ជើញបើកយុទ្ធនាការ «បាញ់ថ្នាំកំចាត់ជម្រកមូសខ្លា ដើម្បីការពារជំងឺគ្រុនឈាម-គ្រុនឈីក» នៅតាមភូមិចំនួន ២៣ ក្នុងសង្កាត់ចំនួន ៤ គឺសង្កាត់កំពង់លាវ បារាយណ៍ ជើងទឹក និងសង្កាត់តាកោ នៃក្រុងព្រៃវែង ខេត្តព្រៃវែង។ យុទ្ធនាការនេះ ប្រព្រឹត្តទៅរយៈពេល ២ថ្ងៃ ចាប់ពីថ្ងៃទី២១-២២ ខែតុលា ឆ្នាំ២០២១ ដោយការចូលរួមពីគណៈកម្មាធិការសាខា ក្រុមប្រតិបត្តិសាខា ក្រុមការងារអនុសាខាក្រុងព្រៃវែង តំណាងមន្ទីរសុខាភិបាល (ច្រើន​ទៀត…)

ពិធីផ្សព្វផ្សាយ ស្តីពី «ការលុបបំបាត់ការចម្លងមេរោគអេដស៍ និងស្វាយពីម្តាយទៅកូន»នៅខេត្តព្រះសីហនុ

នៅល្ងាចថ្ងៃព្រហស្បតិ៍ ទី២១ ខែតុលា ឆ្នាំ២០២១ ឯកឧត្តម គួច ចំរើន ប្រធានគណៈកម្មា ធិការសាខាកាកបាទក្រហមកម្ពុជាខេត្តព្រះសីហនុ និងជាប្រធានក្រុមការងារឥស្សរជនឆ្នើមថ្នាក់សាខាខេត្ត រួមទាំងសមាជិកសមាជិការ មន្ត្រីសាខា អនុសាខា អ្នកស្ម័គ្រចិត្តបាននាំយកអំណោយរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្ដល់ជូនអ្នកផ្ទុកមេរោគអេដស៍ចំនួន៣០នាក់ស្ថិតនៅមណ្ឌល៥ (សាលាដុនបូស្កូរ) សង្កាត់លេខ៤ ក្រុងព្រះសីហនុ ខេត្តព្រះសីហនុ ក្នុងពិធីផ្សព្វផ្សាយស្តីពី «ការលុបបំបាត់ការចម្លងមេរោគអេដស៍ និងស្វាយពីម្តាយទៅកូន» (ច្រើន​ទៀត…)

សកម្មភាពអប់រំផ្សព្វផ្សាយដល់ប្រជាពលរដ្ឋនៅលើទីទួលសុវត្ថិភាព ដែលជម្លៀសចេញពីទឹកជំនន់ ក្នុងក្រុងប៉ោយប៉ែត

នៅរសៀលថ្ងៃពុធ ទី២០ ខែតុលា ឆ្នាំ២០២១ មន្ត្រីប្រតិបត្តិសាខា ដឹកនាំអ្នកស្ម័គ្រចិត្តកក្រក ចុះអប់រំផ្សព្វផ្សាយដល់ប្រជាពលរដ្ឋនៅលើទីទួលសុវត្ថិភាព ដែលជម្លៀសចេញពីទឹកជំនន់ ក្នុងក្រុងប៉ោយប៉ែត (ជាព័ត៌មានបឋម) លើពីរសង្កាត់ មានសង្កាត់ប៉ោយប៉ែត លើទួលសុវត្ថិភាពសាលាកូរ៉េ ប្រជាពលរដ្ឋជម្លៀស៤៩គ្រួសារ វត្តបាលិលេយ្យប្រជាពលរដ្ឋជម្លៀស ២៩គ្រួសារ និងសង្កាត់ផ្សារកណ្តាល លើទួលបូរីខេអិនប្រជាពលរដ្ឋជម្លៀស២៧គ្រួសារ និង ទួលគោកស្បែងប្រជាពលរដ្ឋជម្លៀស១១គ្រួសារ។ (ច្រើន​ទៀត…)

វគ្គបំប៉នស្តីពីគោលការណ៍គ្រឹះរបស់ចលនាអន្តរជាតិ កាកបាទក្រហម និងអឌ្ឍចន្ទក្រហម ច្បាប់មនុស្សធម៌អន្តរជាតិ និងកាកបាទក្រហមកម្ពុជានៅខេត្តស្វាយរៀង

នាថ្ងៃពុធ ទី២០ ខែតុលា ឆ្នាំ២០២១ នៅទីស្នាក់ការសាខាកាកបាទក្រហមកម្ពុជាខេត្តស្វាយរៀង បានបើកវគ្គបំប៉នស្តីពីគោលការណ៍គ្រឹះរបស់ចលនាអន្តរជាតិ កាកបាទក្រហម និងអឌ្ឍចន្ទក្រហម  ច្បាប់មនុស្សធម៌អន្តរជាតិ និងកាកបាទក្រហមកម្ពុជា ដល់មន្ត្រីសាខា អនុសាខា តាមប្រព័ន្ធវីដេអូ online(ZOOM) ។ ពិធីនេះបានការអញ្ជើញចូលរួមពីលោកជំទាវ ហួន ច័ន្ទបូរ៉ា នាយិកានាយកដ្ឋានទំនាក់ទំនង កាកបាទក្រហមកម្ពុជា លោកជំទាវ ពៅ សុភាព ហេរញ្ញឹកគណៈកម្មាធិការសាខា តំណាងឯកឧត្តម ម៉ែន វិបុល ប្រធានគណៈកម្មាធិការសាខា លោក សរ វណ្ណា នាយកសាខា (ច្រើន​ទៀត…)

ពិធីប្រគល់ផ្ទះចំនួន ៦ខ្នង ដល់ប្រជាជនងាយរងគ្រោះបំផុតនៅឃុំផុង ស្រុកបសេដ្ឋ ខេត្តកំពង់ស្ពឺ

នាព្រឹកថ្ងៃពុធ ទី២០ ខែតុលា ឆ្នាំ២០២១ សាខា ដឹកនាំដោយ ឯកឧត្តម វ៉ី សំណាង ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ស្ពឺ និងសហការី បានចុះសួរសុខទុក្ខ និងនាំយកអំណោយមនុស្សធម៌ផ្តល់ជូនដល់ប្រជាពលរដ្ឋងាយរងគ្រោះចំនួន៣៧គ្រួសារ និងប្រគល់ផ្ទះចំនួន ៦ខ្នង (ដែលមានលេខរៀងទី១៧០ដល់១៧៥ គិតត្រឹមពីដើមឆ្នាំ២០២០មកដល់ចុងឆ្នាំ២០២១) ធ្វើអំពីដែកប្រក់សង្ក័សី ជញ្ជាំងសង្ក័សី ស្ថិតនៅក្នុងឃុំផុង ស្រុកបសេដ្ឋ ខេត្តកំពង់ស្ពឺ។ (ច្រើន​ទៀត…)

សកម្មភាពអប់រំផ្សព្វផ្សាយអំពីវិធានការទប់ស្កាត់ និងការការពារការឆ្លងរាលដាលជំងឺកូវីដ- ១៩ ក្នុងទីប្រជុំជន ផ្សារស្ទឹងត្រង់ខេត្តកំពង់ចាម

ក្រុមប្រតិបត្តិសាខាកាកបាទក្រហមកម្ពុជាខេត្តកំពង់ចាមបានចុះអប់រំផ្សព្វផ្សាយអំពីវិធានការទប់ស្កាត់ និងការការពារការឆ្លងរាលដាលជំងឺកូវីដ- ១៩  ក្នុងទីប្រជុំជន ផ្សារស្ទឹងត្រង់ និងប្រជាពលរដ្ឋតាមភូមិចំនួន ២( ភូមិ បឹងដែង និងភូមិព្រែកបារាំង ) សាលាបឋមនិងអនុវិទ្យាល័យ ចំនួន៣( សាលាបឋមសិក្សាព្រែកកក់និងព្រែករលួស ,សាលាអនុវិទ្យាល័យ ហ៊ុន សែន ព្រែរលួស )ក្នុងឃុំ ព្រែកកក់ និង ឃុំ ព្រែកបាក់ ស្រុកស្ទឹងត្រង់ ។ (ច្រើន​ទៀត…)

សកម្មភាពចុះធ្វើការអប់រំផ្សព្វផ្សាយអំពីជំងឺកូវីដ-១៩ នៅផ្សារអូរដូនតា ឃុំស្ទឹងត្រង់ ស្រុកសាលាក្រៅ ខេត្តប៉ៃលិន

នៅថ្ងៃពុធ ទី២០ ខែតុលា ឆ្នាំ២០២១  ឯកឧត្តម ឌឹន គឹម នាយកប្រតិបត្តិសាខា បានដឹកនាំក្រុមប្រតិបត្តិសាខាចំនួន២នាក់ ស្រី១នាក់ យុវជនកក្រក អ្នកស្ម័គ្រចិត្តកក្រកចំនួន៤នាក់ ស្រី២នាក់ និងមានការចូលរួមពីអាជ្ញាធរមូលដ្ឋាន លោកគ្រូ-អ្នកគ្រូ បានចុះធ្វើការអប់រំផ្សព្វផ្សាយអំពីជំងឺកូវីដ-១៩ នៅផ្សារអូរដូនតា        ចុះបន្តនៅសាលាបឋមសិក្សាព្រៃសន្រ្ទះ និងបងប្អូនប្រជាពលរដ្ឋរស់នៅក្នុងភូមិ ដីស្អិត ឃុំស្ទឹងត្រង់ ស្រុកសាលាក្រៅ ខេត្តប៉ៃលិន  សរុបចំនួនអ្នកទទួលផល១៩ ខ្នងផ្ទះ២៧៨ នាក់ ស្រី១៣២ នាក់ ចែកបណ្ណផ្សព្វផ្សាយ ៣កុំ ៣ការពារ ចំនួន៤១ សន្លឹក (ច្រើន​ទៀត…)

អ្នករស់នៅជាមួយមេរោគអេដស៍ស្នាក់នៅមណ្ឌលជីវិតថ្មី ក្នុងសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុងទទួលអំណោយមនុស្សធម៌

ថ្ងៃពុធ ទី២០ ខែតុលា ឆ្នាំ២០២១នេះ ក្រុមប្រតិបត្តសាខាកាកបាទក្រហមកម្ពុជាខេត្តកោះកុងបានផ្តល់ អំណោយមនុស្សធម៌ ជូនអ្នករស់នៅជាមួយមេរោគអេដស៍ចំនួន០៣នាក់ ស្នាក់នៅមណ្ឌលជីវិតថ្មី ស្ថិតនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។សម្ភារដែលសាខាផ្តល់ជូនរួមមាន៖អង្ករ២៥គក្រ  មី១កេះ  ត្រីខ១ឡូ ទឹកត្រី៣ដប ទឹកសុទ្ធ១កេះ អាវយឺត២ ទឹកដោះគោខាប់១កំប៉ុង ស្ករស១គក្រ តែ១កញ្ចប់ ជេលលាងដៃ១ដប ព្រមទាំងថវិកាចំនួន ៨០,០០០ រៀលដូចៗគ្នាផងដែរ ។ (ច្រើន​ទៀត…)