• ភាសាខ្មែរ
  • English
សង្គ្រោះជីវិត​ ផ្លាស់ប្តូរផ្នត់គំនិត
អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
Press Release May 8, 2018

យុវជនកាកបាទក្រហមកម្ពុជា ប្រចាំវិទ្យាល័យជាំក្សាន្តលើកដីចាក់តាមផ្លូវដែលមានចង្ហុកភក់ជ្រាំ

សាខាកក្រកខេត្តព្រះវិហារ:កាលពីព្រឹកថ្ងៃទី១៧ ខែ តុលា ឆ្នាំ ២០១៧ នេះលោក វ៉ា ម៉ៅ ប្រធាន​កិត្តិយសក្លឹប​ និងលោកគ្រូ​ទីប្រឹក្សា​យុវជន​ បានដឹកនាំ​យុវជន​កាកបាទក្រហម​កម្ពុជា ប្រចាំ​វិទ្យាល័យ​ជាំក្សាន្ត​ចំនួន ៩៥នាក់​ស្រី៦៦នាក់ ធ្វើសកម្មភាព​លើកដី​ចាក់តាមផ្លូវ​ដែលមាន​ចង្ហុក​ភក់​ជ្រាំតាម​បណ្តោយ​ផ្លូវពី​ភូមិទៅ​សាលារៀន ស្ថិតនៅក្នុង​ឃុំរំដោះស្រែ ស្រុកជាំក្សាន្ត ខេត្តព្រះវិហារ ដើម្បី​សម្រួល​ដល់ការ​ធ្វើ ដំណើរ​ទៅមក​សិស្ស គ្រូ រួមទាំង​ប្រជា ពលរដ្ឋក្នុង​ស្រុកផងដែរ ។

កាកបាទក្រហមកម្ពុជាយកអំណោយមនុស្សធម៌ជូន លោក យូ តារាវុធដែលមានជំងឺធ្ងន់ធ្ងរងើបពុំរួច

កក្រក​ ៖​ នៅរសៀលថ្ងៃទី ១៧​ ខែតុលា ឆ្នាំ២០១៧ នេះ លោកជំទាវ​ ឃួន​ សុដារី​ អនុ ប្រធាន​កាកបាទក្រហម​កម្ពុជា បានចុះ​សួរសុខទុក្ខ​ និងនាំយក​អំណោយ​មនុស្សធម៌​កាកបាទក្រហម​កម្ពុជា​ រួមមាន​គ្រឿងបរិភោគ​ ផ្លែឈើ​ ទឹកដោះគោ និង​ថវិកាមួយចំនួន​ជូន​ លោក​ យូ​ តារាវុធ​ អាយុ​ ៦៤​ឆ្នាំ​ អនុប្រធាន​នាយក​ដ្ឋាន​និពន្ធកាសែត​ប្រជាជន​ ដែលមាន​ជំងឺធ្ងន់ធ្ងរ​ងើបពុំរួច​ កំពុងសម្រាក​ព្យាបាល​នៅគេហដ្ឋាន​ស្ថិតនៅខណ្ឌមានជ័យ​ រាជធានីភ្នំពេញ។

(ច្រើន​ទៀត…)

យុទ្ធនាការកំចាត់ជំងឺគ្រុនឈាម នៅខេត្តព្រះសីហនុ

សាខាកក្រក ខេត្តព្រះសីហនុ ៖ នៅព្រឹកថ្ងៃទី ១៦ ខែតុលា ឆ្នាំ២០១៧ សាខា​កាកបាទក្រហម​កម្ពុជា​ខេត្តព្រះសីហនុ បាន​បិទ​ផ្សព្វផ្សាយ​ក្រោយពី​បានធ្វើការ​ផ្សព្វផ្សាយឲ្យ​ប្រជាពលរដ្ឋ ​យល់ដឹង​ការការពារ​ជំងឺគ្រុនឈាម និងដាក់​ថ្នាំអាបែត ដែល​មានមន្រ្តី​សាខា អនុ​សាខា អ្នកស្ម័គ្រ​ចិត្ត សហការ​ជាមួយ​មណ្ឌល​សុខភាពវាលរេញ ដែល​បានចុះដាក់​អាបែត និង​ផ្សព្វផ្សាយ ដែល​មាន​រយះពេល៥​ថ្ងៃមកហើយ ពីថ្ងៃទី ១១ ដល់ថ្ងៃទី ១៦ ខែ តុលា ឆ្នាំ២០១៧នេះបាន​ដោយ​ជោគជ័យ ។

(ច្រើន​ទៀត…)

ពិធីប្រគល់ផ្ទះមនុស្សធម៌ទី៣៤ដល់គ្រួសារទីទ័លក្រនៅភូមិត្រពាំងត្រល់ខេត្តសៀមរាប

សាខាកក្រកខេត្តសៀមរាប៖ នៅព្រឹកថ្ងៃទី ១៦ ខែតុលា ឆ្នាំ២០១៧នេះ លោកជំទាវ​ គួយ ណាលីន​ ឃឹមប៊ុនសុង​ អនុប្រធានគណៈកម្មាធិការ​សាខា​កាកបាទក្រហម​កម្ពុជា ខេត្ត​សៀមរាប និង​សហការី បាន​អញ្ជើញចុះជួប​សំណេះសំណាល​ និង​ប្រគល់ផ្ទះ​មនុស្សធម៌​ទី៣៤ ដែល​ផ្ដួចផ្ដើម​ដោយ​ឯកឧត្តមបណ្ឌិត ឃឹម ប៊ុនសុង ប្រធាន​គណៈកម្មាធិការ​សាខា ផ្ទះនេះមានទំហំ ៥ម៉ែត្រx៦ម៉ែត្រ ធ្វើពីឈើ​ ប្រក់ស័ង្កសី ជូនគ្រួសារលោក យុង ជា អាយុ៣៥ឆ្នាំ មាន​ភរិយាឈ្មោះ នង សុឃន់ អាយុ ៣៣ឆ្នាំ មានកូន៣នាក់ (ស្រី១នាក់) គ្រួសារទីទ័ល​ក្រ បច្ចុប្បន្នស៊ី​ឈ្នួលគេ​ដើម្បីទ្រទ្រង់​ជីវគ្រួសារ​ រស់នៅ​ភូមិត្រពាំង​ត្រល់ ឃុំអន្លង់​សំណរ ស្រុកជីក្រែង ខេត្តសៀមរាប។

(ច្រើន​ទៀត…)

កាកបាទក្រហមកម្ពុជា ទទួលអំណោយចង្កៀងប្រើពន្លឺព្រះអាទិត្យ ពី សហព័ន្ធអន្តរជាតិ ប្រចាំនៅកម្ពុជា

នៅព្រឹកថ្ងៃទី ១៦ ខែតុលា ឆ្នាំ២០១៧ នេះ លោកជំទាវ​ម៉ែន នារីសោភ័គ​ អគ្គលេខាធិការ ស្តីទី ​កាកបាទក្រហម​កម្ពុជា ​បានទទួល​ជួបសំណេះ​សំណាល​ និងទទួល​អំណោយ​ចង្កៀង​ប្រើពន្លឺព្រះអាទិត្យ​ចំនួន ៩០គ្រឿង ពី​តំណាង​សហព័ន្ធ​អន្តរជាតិ ​ ប្រចាំនៅ​កម្ពុជា ដែលពិធីនេះ​ប្រព្រឹត្តទៅ​នៅទីស្នាក់ការ​កណ្តាល​កាកបាទក្រហម​កម្ពុជា។

(ច្រើន​ទៀត…)

សាខាកក្រក រាជធានីភ្នំពេញបើកវគ្គបណ្តុះបណ្តាល “សុខភាពសហគមន៍មូលដ្ឋានការថែទាំការស្តាប់ឮ”

សាខាកក្រករាជធានីភ្នំពេញ៖ នាព្រឹកថ្ងៃទី ១៤​ ខែ​ តុលា ឆ្នាំ ២០១៧នេះ​ នៅទីស្នាក់ការ​សាខា​កាកបាទក្រហម​កម្ពុជា​ រាជធានី​ភ្នំពេញ​ បានបើកវគ្គ​បណ្តុះបណ្តាល “សុខភាព​សហគមន៍​មូលដ្ឋាន​ការថែទាំ​ការស្តាប់ឮ” រយៈពេល​២ថ្ងៃ ជូនដល់​មន្ត្រី​ប្រតិបត្តិ​សាខា ក្រុមការងារ​សហភាព​សហពន័្ធ​យុវជនកម្ពុជា​មកពីខេត្ត​ចំនួន៦ ក្រុមការងារ​មូលនិធិ​ស្តារឃី អ្នកស្មគ្រ័ចិត្ត អ្នកជម្ងឺ សរុបចំនួន៥៣នាក់ ក្រោម​អធិបតីភាព ​លោកជំទាវ មុំ សណ្តាប់ ហេរញ្ញឹក​គណៈកម្មាធិការសាខា ។ ដែលវគ្គ​បណ្តុះបណ្តាល​នេះដំណើរ​ការបាន ក្រោមកិច្ចសហប្រតិបត្តិការ​រវាង​សាខាកាកបាទក្រហម​កម្ពុជា​ រាជធានីភ្នំពេញ​ និងសហភាព​សហពន័្ធ​យុវជនកម្ពុជា ជាមួយ​មូលនិធិ​ស្តារឃី​សហរដ្ឋអាមេរិក ។

(ច្រើន​ទៀត…)

កាកបាទក្រហមកម្ពុជាផ្តល់ថវិកា និងគ្រឿងឧបភោគ-បរិភោគដល់ លោក អ៊ុក រីជែម

កក្រក​ ៖​ នៅថ្ងៃទី ១៤ ខែតុលា ឆ្នាំ២០១៧ នេះ កាកបាទក្រហម​កម្ពុជា ​ដែលមាន ​សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ជាប្រធាន​ បានផ្តល់​ថវិកា​ និងគ្រឿង​ឧបភោគ-បរិភោគ​មួយចំនួន​ដល់ លោក​ អ៊ុក​ រីជែម​ អាយុ​ ២៧ឆ្នាំ​ ដែលមិនអាច​មានពេល​ទៅប្រកបរបរ​បានដោយ​ត្រូវនៅថែ​ទាំភរិយា​មានជំងឺ​គ្រុនចាញ់​ និងធ្លាក់ឈាម ​បន្ទាប់ពីទើប​សម្រាលកូនបាន​ ២០ថ្ងៃ​ កំពុងសម្រាក​ព្យាបាល​ដោយឥតគិត​ថ្លៃនៅ​មន្ទីរពេទ្យ​មិត្តភាពខ្មែរ-សូវៀត។

(ច្រើន​ទៀត…)

ប្រជាពលរដ្ឋរងគ្រោះ ដោយសារទឹកជំនន់នៅក្នុងឃុំផាត់សណ្ដាយទទួលអំណោយពីកាកបាទក្រហមកម្ពុជា

កក្រក ៖ នៅថ្ងៃទី១៣ ខែតុលា ឆ្នាំ២០១៧ នេះ កាកបាទក្រហម​កម្ពុជា ដែលមាន​សម្តេច​កិត្តិព្រឹទ្ធបណ្ឌិត ​ប៊ុន រ៉ានី ហ៊ុនសែន ជាប្រធាន បានផ្ដល់អំណោយ​មនុស្សធម៌​ជូនប្រជាពលរដ្ឋ​រងគ្រោះ​ ដោយសារ​ទឹកជំនន់ ចំនួន ៥១៦ គ្រួសារ ដែល​រស់នៅក្នុង​ឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ។

(ច្រើន​ទៀត…)

អនុសាខាកក្រកខណ្ឌពោធិ៍សែនជ័យទទួលទេយ្យទានពីព្រះសង្ឃវត្តតាំងក្រសាំងខាងជើង

សាខាកក្រករាជធានីភ្នំពេញ៖ នាព្រឹកថ្ងៃទី​ ១៣ ខែ​ តុលា​ ឆ្នាំ​ ២០១៧​នេះ នៅវត្តតាំងក្រសាំង​ខាងជើង ស្ថិតក្នុង​សង្កាត់កាកាប ក្រុមការងារ​អនុសាខា​កាកបាទក្រហម​កម្ពុជា ​ខណ្ឌពោធិ៍សែនជ័យ ដឹកនាំ​ដោយ លោកស្រី ​អ៊ឹម ថាវី ប្រធាន​គណៈកម្មាធិការ​អនុសាខា បាន​អញ្ជើញទៅ​ទទួល​ទេយ្យទាន​សប្បុរសធម៌​ជាគ្រឿងឧបភោគ​បរិភោគ សម្ភារៈប្រើប្រាស់​ចំនួន៣៧មុខ និងថវិកា​ចំនួន៥លានរៀល ដែលសរុបគិត​ជាទឹកប្រាក់ទាំងអស់​ស្មើនឹង២១.២១២.០០០រៀល​ ពីព្រះគ្រូ​កោសល្យមុនី គឹម ធួង ព្រះចៅអធិការ​វត្តតាំងក្រសាំងខាងជើង ។

(ច្រើន​ទៀត…)

កាកបាទក្រហមកម្ពុជា ប្រគេនបច្ច័យ គ្រឿងឧបភោគ-បរិភោគដល់ ព្រះតេជគុណ ឌៀប វុទ្ធីដែលមានអាពាធធ្ងន់ធ្ងរ

កក្រក​ ៖​ នៅព្រឹកថ្ងៃទី ១៣ ខែតុលា ឆ្នាំ២០១៧ នេះ កាកបាទ​ក្រហម​កម្ពុជា ដែលមាន សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានប្រគេន​បច្ច័យ គ្រឿង​ឧបភោគ-បរិភោគ​មួយចំនួន​ដល់ ព្រះតេជគុណ ឌៀប វុទ្ធី គង់នៅ​វត្តព្រះវិហារ​សំណ ដែល​ស្ថិតនៅ​ឃុំវិហារហ្លួង ស្រុកពញាឮ ខេត្តកណ្តាល ​ដោយប្អូនប្រុស​របស់ព្រះអង្គ​ ព្រះនាម​ ប៊ុត វណ្ណដា មានអាពាធ​ធ្ងន់ធ្ងរ (កោសិកា​មិនផលិត​គ្រាប់ឈាម) កំពុង​គង់ព្យាបាល​នៅមន្ទីរពេទ្យ​កាល់ម៉ែត។

(ច្រើន​ទៀត…)