• ភាសាខ្មែរ
  • English
សង្គ្រោះជីវិត​ ផ្លាស់ប្តូរផ្នត់គំនិត
អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
Press Release May 8, 2018
1/1

វគ្គបណ្តុះបណ្តាលមូលដ្ឋានជូនទីប្រឹក្សាយុវជន យុវជនកាកបាទក្រហមកម្ពុជានៅរាជធានៅភ្នំពេញ

នាល្ងាចថ្ងៃទី​២៧ ខែ​មិថុនា ឆ្នាំ​ ២០២២នេះ​ បន្ទាប់ពីដំណើរការវគ្គបណ្តុះបណ្តាលមូលដ្ឋានអស់រយៈពេល១ថ្ងៃ ជូនដល់ទីប្រឹក្សាយុវជន យុវជនកាកបាទក្រហមកម្ពុជា និងសិស្សានុសិស្សចំនួន៥០នាក់(ស្រី៣១នាក់) នៅវិទ្យាល័យ​ ចំរើនផល ប្រកបដោយជោគជ័យរួចមក​ សាខាកាកបាទក្រហមកម្ពុជា​ រាជធានីភ្នំពេញ​ បានរៀបចំពីធីបិទវគ្គក្រោមវត្តមាន​ លោក សោម ចន្ត្រា នាយករងសាខា តំណាងលោក​ ជិន​ ប៊ុនធឿន​ នាយកប្រតិបត្តិសាខា​ ។ មានប្រសាសន៍ទៅកាន់លោកគ្រូ អ្នកគ្រូទីប្រឹក្សា​ ក្មួយៗយុវជន​ និងសិស្សានុសិស្សទាំងអស់ លោកនាយករងសាខា បានពាំនាំមកនូវការផ្តាំផ្ញើសាកសួរសុខទុក្ខពីឯកឧត្តម ឃួង ស្រេង ប្រធានគណៈកម្មាធិការសាខាកាកបាទក្រហមកម្ពុជា​ រាជធានីភ្នំពេញ ជាពិសេសពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំងបានគូសបញ្ជាក់ថា៖ ការបើកវគ្គបណ្តុះបណ្តាលជូននាពេលនេះគឺ​ ដើម្បីជួយជាពន្លឺស្មារតីជូនក្មួយៗទាំងអស់ឱ្យបានយល់ដឹងពីប្រវត្តិចលនា បដិរូប គោលការណ៍គ្រឹះទាំង៧ និងកាកបាទក្រហមកម្ពុជា,​ គ្រោះមហន្តរាយ និងការគ្រប់គ្រងគ្រោះមហន្តរាយ,​ សុវត្ថិភាពចរាចរណ៍ផ្លូវគោក,​ តួនាទី ភារកិច្ចទីប្រឹក្សា និងយុវជនកាកបាទក្រហមកម្ពុជា​ ព្រមទាំងវិជ្ជាសង្គ្រោះបឋម​ ដែលជាមេរៀនមូលដ្ឋាន​ សម្រាប់យកទៅអនុវត្ត និងបំពេញភារកិច្ចបេសកម្មមនុស្សធម៌របស់ខ្លួនឱ្យបានកាន់តែល្អប្រសើរ និងទទួលបាននូវជោគជ័យ​ថែមទៀត ៕