• ភាសាខ្មែរ
  • English
សង្គ្រោះជីវិត​ ផ្លាស់ប្តូរផ្នត់គំនិត
អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
Press Release May 8, 2018
1/1

កាកបាទក្រហមម្ពុជា ប្រគល់ជែលចំនួន ៧៣៧កេសជូនមន្ទីរពេទ្យបង្អែកចំនួន៨ ក្នុងខេត្តបាត់ដំបង

នាព្រឹក ថ្ងៃទី១៨ ខែវិច្ឆិកា ឆ្នាំ២០២១ នេះ កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានប្រគល់ប្រជែលចំនួន ៧៣៧កេស ស្មើនឹង ១៤,៧៤០ដប ជូនមន្ទីរពេទ្យបង្អែកចំនួន៨ រួមមាន៖ មន្ទីរពេទ្យបង្អែក ខេត្តបាត់ដំបង, មណ្ឌលព្យាបាលកូវីដ-១៩ ខេត្តបាត់ដំបង, មន្ទីរពេទ្យបង្អែកស្រុកមោងឫស្សី, មន្ទីរពេទ្យបង្អែកស្រុកឯកភ្នំ, មន្ទីរពេទ្យបង្អែកស្រុកថ្មគោល, មន្ទីរពេទ្យបង្អែកស្រុកសង្កែ , មន្ទីរពេទ្យបង្អែកស្រុកបវេល និងមន្ទីរពេទ្យបង្អែកស្រុកសំពៅលូន ។ ពិធីនេះប្រារព្ធធ្វើឡើង នៅសាខាកាកបាទក្រហមកម្ពុជា ខេត្តបាត់ដំបង។

ក្នុងឱកាសនោះ លោកជំទាវ ហួន ច័ន្ទបូរ៉ា នាយិកា នាយកដ្ឋានទំនាក់ទំនង កាកបាទក្រហមកម្ពុជា បានសំណូមពរដល់មន្ទីពេទ្យបង្អែកទាំងអស់ដែលបានទទួលជែលនេះសូមធ្វើការបែងចែកទៅដល់មណ្ឌលសុខភាពនានានៅក្នុងមូលដ្ឋានរបស់ខ្លួនដើម្បីប្រើប្រាស់បន្ត។ លោកជំទាវ បានជូនពរថ្នាក់ដឹកនាំសាខាបុគ្គលិកសុខាភិបាល ព្រមទាំងកងទ័ពអាវស ទាំងអស់ សូមមានសុខភាពល្អរឹងមាំ មានសុវត្ថិភាព និងជៀសឆ្ងាយពីជំងឺនានា ដើម្បីបន្តផ្តល់ក្តីសង្ឃឹម និងភាពកក់ក្តៅដល់អ្នកជំងឺទាំងឡាយដែលកំពុងសម្រាកព្យាបាលនៅក្នុងមន្ទីរពេទ្យទាំងអស់បន្តទៀត។

ជាមួយគ្នានោះ ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង តំណាងមន្ទីរពេទ្យបង្អែក និងណ្ឌលសុខភាព សូមថ្លែងអំណរគុណយ៉ាងជ្រាលជ្រៅបំផុតចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលបានផ្តល់ជែលជូនដល់មន្ទីរពេទ្យបង្អែក និងមណ្ឌលសុភាព ដើម្បីប្រើប្រាស់ក្នុងការងារ ចូលរួមទប់ស្កាត់ការឆ្លងរីករាលដាលនៃមេរោគកូវីដ-១៩ និងតម្រូវការចាំបាច់នានា។ ឯកឧត្តមបានមានប្រសាសន៍បន្តថា « សាខាកាកបាទក្រហមកម្ពុជា ខេត្តបាត់ដំបង និងធ្វើការបែងចែកជែលទាំងនេះទៅដល់មន្ទីរពេទ្យបង្អែក មណ្ឌលសុខភាព មន្ទីរអង្គភាពនានាក្នុងខេត្តបាត់ដំបង ដែលមានតម្រូវការប្រើប្រាស់ ឱ្យបានទាន់ពេលវេលា ទៅតាមអ្វីដែលទីស្នាក់ការកណ្តាលកាកបាទកម្ពុជា បានផ្តល់ជូន» ។

សូមបញ្ជាក់ មន្ទីរពេទ្យបង្អែកនីមួយៗ ទទួលបាន ៖ មន្ទីរពេទ្យបង្អែក ខេត្តបាត់ដំបងចំនួន ១៧០ កេស, មណ្ឌលព្យាបាលកូវីដ-១៩ ខេត្តបាត់ដំបង ចំនួន ១៣៥កេស, មន្ទីរពេទ្យបង្អែកស្រុកមោងឫស្សី ចំនួន ៧០កេស , មន្ទីរពេទ្យបង្អែកស្រុកឯកភ្នំ ចំនួន ៤០កេស, មន្ទីរពេទ្យបង្អែកស្រុកថ្មគោល ចំនួន ៥០កេស, មន្ទីរពេទ្យបង្អែកស្រុកសង្កែ ចំនួន ៣០កេស, មន្ទីរពេទ្យបង្អែកស្រុកបវេល ចំនួន ៣៥កេស និងមន្ទីរពេទ្យបង្អែកស្រុកសំពៅលូនចំនួន ៧០កេស ៕