អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
jQuery Carousel

អនុសាខាកក្រកខណ្ឌ៧ មករា ទទួលទេយ្យទានពីវត្តចំនួន៣នៅរាជធានីភ្នំពេញ


សាខាកក្រករាជធានីភ្នំពេញ៖ នាព្រឹកថ្ងៃទី ០៦​ ខែ តុលា ឆ្នាំ​ ២០១៧នេះ​ នៅវត្តសំពៅមាស​ ក្រុមការងារ​អនុសាខា​កាកបាទក្រហម​កម្ពុជា ខណ្ឌ៧មករា​ ដឹកនាំដោយ ​លោក លីម សុភា ប្រធានកិត្តិយស​អនុសាខា បានអញ្ជើញ​ទៅទទួល​ទេយ្យទាន​សប្បុរសធម៌​ជាគ្រឿងឧបភោគបរិភោគ ​សម្ភារៈប្រើប្រាស់​ចំនួន៩មុខ និងថវិកាចំនួន៦.០០០.០០០រៀល​ ពីវត្តចំនួន៣រួមមាន៖ វត្តសំពៅមាស វត្តមង្គលវ័ន និងវត្តព្រះពុទ្ធមាន​បុណ្យ ។

 

នាឱកាសនោះ លោកប្រធាន​កិត្តិយស​អនុសាខា បានមាន​ប្រសាសន៍​សូមថ្លែងអំណរ​ព្រះគុណ ​អំណរគុណចំពោះព្រះចៅអធិការ ​ព្រះសង្ឃ គណៈកម្មការ អាចារ្យ វត្តទាំង៣ ព្រមទាំង​បានសន្យានឹ​ងចាត់ចែងប្រើប្រាស់នូវទេយ្យទាន​ទាំងនេះជួយ​ឲ្យដល់ដៃជន​រងគ្រោះ​គ្រប់ប្រភេទ ឲ្យស្រប​តាមគោលការណ៍​គ្រឹះទាំង៧ប្រការរបស់​ចលនា​កាកបាទក្រហម ។

 

ជាការឆ្លើយតប​ ក្នុងនាមវត្តទាំង៣ ព្រះមង្គល​សត្ថា កង ណាម៉ានី ព្រះចៅ​អធិការវត្ត​សំពៅមាស បានមានព្រះថេរដី​កាគាំទ្រ និងមានទឹក​ព្រះទ័យរីករាយ ក្នុង​ការចូលរួម​ចំណែក​ជាមួយ​សកម្មភា​ពមនុស្សធម៌របស់កាកបាទក្រហម​កម្ពុជា ៕