អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

jQuery Carousel

កាកបាទក្រហមកម្ពុជាជួបប្រជុំ ប្រតិភូយុវជន នៃសមាគមនាវាយុវជនអាស៊ី-អាគ្នេយ៍កម្ពុជា


កក្រក​ ៖​ នៅព្រឹកទី ៦ ខែតុលា ឆ្នាំ២០១៧ នេះ លោកជំទាវ​ ឃួន សុដារី អនុប្រធាន​កាកបាទក្រហម​កម្ពុជា និងជា​តំណាង​ដ៏ខ្ពង់ខ្ពស់ សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា បានអនុញ្ញាត​ឱ្យប្រតិភូ​យុវជនចំនួន ២៩នាក់ នៃសមាគម​នាវា​យុវជន​អាស៊ី-អាគ្នេយ៍កម្ពុជា ចូលជួបសំណេះសំណាល​ សម្តែងការ​គួរសម​ ដើម្បីសុំ​អនុសាសន៍ ​និងដំបូន្មាន​មួយចំនួន មុនពេល​ចេញដំណើរ​ទៅចូលរួម​ក្នុងកម្មវិធី​នាវាយុវជន​អាស៊ី-អាគ្នេយ៍​ និងជប៉ុន លើកទី ៤៤ ចាប់ពីថ្ងៃទី ២៣ ខែតុលា ដល់ថ្ងៃទី១៣ ខែធ្នូ ឆ្នាំ២០១៧ ខាងមុខនេះ។

 

ក្នុងឱកាសនោះ លោកជំទាវ​អនុប្រធានកាកបាទក្រហម​កម្ពុជា បានពាំនាំ​ប្រសាសន៍ផ្តាំផ្ញើ​សួរសុខទុក្ខពីសំណាក់ សម្តេច​កិត្តិ​ព្រឹទ្ធបណ្ឌិត ប៊ុន រ៉ានី ហ៊ុនសែន និងសម្ដែង​នូវក្ដី​សោមនស្សរីករាយ​ក្រៃលែងដែលបានជួប​សំណេះសំណាល​ជាមួយយុវជនទាំង ២៩នាក់ ព្រមទាំង​បានបញ្ជាក់ថា «ឱកាស​របស់ក្មួយៗទាំងអស់ ដែលបានចូលរួម​ក្នុងកម្មវិធីនេះ គឺជាចំណែក​មួយក្នុងការ​លើកកម្ពស់​កិត្តិនាម និងមុខមាត់​របស់ព្រះរាជាណាចក្រកម្ពុជា ដើម្បី​ចែករំលែកនូវ​ចំណេះដឹង បទពិសោធន៍ល្អៗ​រវាងគ្នាទៅវិញ-ទៅមក ទាំងការងារ​សង្គម ការងា​រមនុស្សធម៌ ការអភិវឌ្ឍជំនាញ និងបំណិនជីវិត ជាពិសេស គឺការចែករំលែកនូវវប្បធម៌ប្រពៃណីជាតិដ៏ផូរផង់របស់កម្ពុជា»។

 

ទន្ទឹមនឹងនេះ លោកជំទាវ បានពាំនាំនូវ​អនុសាសន៍របស់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើជូនប្រតិភូ​សមាគមនាវា​យុវជនអាស៊ី-អាគ្នេយ៍កម្ពុជា ដើម្បីជាពុទ្ធិ និងចំណេះដឹងសម្រាប់​ក្មួយៗយកទៅបំពេញបេសកម្ម ក្នុងកម្មវិធី​នាវាយុវជន​អាស៊ី-អាគ្នេយ៍​ និងជប៉ុន​ លើកទី ៤៤ នាពេលខាងមុខ​នេះរួមមាន ៖


១/ សូមរក្សាឲ្យ​បាននូវ​សាមគ្គីភាព​ជិតស្និទ្ធ និងសុខដុម​រមនីយកម្ម​រវាងគ្នានិងគ្នា ពិសេស​រឹតចំណង​មិត្តភាព ក្នុងចំណោម​សមាជិកប្រតិភូ​នាវាយុវជន​នៃបណ្ដា​ប្រទេសនានា។
២/ បន្ដពង្រឹងការកសាង និងបង្កើនសមត្ថភាពរបស់ខ្លួន លើពហុជំនាញ ទាំងភាសាទំនាក់ទំនង វប្បធម៌ ប្រពៃណី ចំណេះដឹងទូទៅពីអាស៊ាន ប្រវត្តិសាស្រ្ដក្នុងតំបន់។ល។
៣/ បន្ដលើកកម្ពស់ និងការពារនូវសមិទ្ធផលសំខាន់ៗ របស់រាជរដ្ឋាភិបាលកម្ពុជា សន្ដិភាព បូរណភាពដែនដីនៃរដ្ឋឯករាជ្យ និងរក្សាកិត្តិយសឱ្យប្រទេសជាតិប្រកបដោយភាពមោទនៈ ចំពោះកំណើនសេដ្ឋកិច្ច និងការអភិវឌ្ឍលើគ្រប់វិស័យ។
៤/ ចែករំលែកវប្បធម៌ ទំនៀមទម្លាប់​ ប្រពៃណី គ្នាទៅវិញទៅមក ដើម្បីកសាងវប្បធម៌ ពីបណ្ដាប្រទេសនីមួយៗ ឱ្យមានភាពស៊ីសង្វាក់គ្នា ចាក់ស្រែះជាវប្បធម៌ប្រចាំតំបន់។

 

ជាកិច្ចឆ្លើយតប លោក ហោ សំណាង អនុប្រធានសមាគមនាវាយុវជនអាស៊ី-អាគ្នេយ៍កម្ពុជា បានថ្លែងអំណរគុណយ៉ាងជ្រាលជ្រៅចំពោះ កាកបាទក្រហមកម្ពុជា ដែលបានអនុញ្ញាតឱ្យប្រតិភូចូលជួប និងសុំអនុសាសន៍ ក៏ដូចជាដំបូន្មានល្អៗពីថ្នាក់ដឹកនាំ ព្រមទាំងប្តេជ្ញានាំភាពជោគជ័យក្នុងបេសសកម្មជូនជាតិមាតុភូមិ។

 

សូមបញ្ជាក់ថា កម្មវិធីនាវាយុវជនអាស៊ី-អាគ្នេយ៍​ និងជប៉ុន លើកទី ៤៤ នឹងចូលចតនៅបណ្តាប្រទេសចំនួន ៥ រួមមាន ជប៉ុន កម្ពុជា ថៃ ឥណ្ឌូនេស៊ី និងម៉ាឡេស៊ី ហើយកម្ពុជា នឹងធ្វើជាម្ចាស់ផ្ទះទទួលប្រតិភូយុវជន ពីថ្ងៃទី ១០-១៣ ខែវិច្ឆិកា ឆ្នាំ២០១៧ នៅខេត្តព្រះសីហនុ និងរាជធានីភ្នំពេញ៕