អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

jQuery Carousel

កាកបាទក្រហមកម្ពុជាប្រជុំផ្សព្វផ្សាយពីលក្ខខណ្ឌការងារថ្មីនៅខេត្តត្បូងឃ្មុំ


សាខាកក្រក ខេត្តត្បូងឃ្មុំ ៖ នៅថ្ងៃទី ៥ ខែតុលា ឆ្នាំ២០១៧ សាខា​កាកបាទក្រហម​កម្ពុជា ​ខេត្តត្បូងឃ្មុំ ​បានរៀបចំ​កិច្ចប្រជុំ​ ស្តីពី​ការផ្សព្វផ្សាយ​លក្ខខណ្ឌ​ការងារថ្មី​ របស់​កាកបាទក្រហម​កម្ពុជា និង​ប្រាក់បំពេញ​បេសកកម្មក្នុង និងក្រៅប្រទេស ក្រោមអធិបតីភាព ឯកឧត្តម អ៊ុយ សំអាត នាយក នាយកដ្ឋាន​គ្រប់គ្រងគ្រោះមហន្តរាយ​កាកបាទក្រហម​កម្ពុជា និងលោកជំទាវ ឡេង សុខា អនុប្រធាន​គណ:កម្មាធិការ​សាខាខេត្ត ។ វត្តមានចូលរួម​ក្នុងពិធីនេះ រួមមាន សមាជិក សមាជិកា​គណ:កម្មាធិការ​សាខា, មន្ត្រីប្រតិបត្តិ​សាខា, មន្ត្រីគម្រោង និងលោក លោកស្រីប្រធាន និងមន្ត្រីបណ្តា​អនុសាខាក្រុង​ស្រុកទាំង៧សរុប ៣៣នាក់ បានចូលរួម។


ជាកិច្ចចាប់ផ្តើម​ លោកជំទាវ ឡេង សុខា អនុប្រធាន​គណ:កម្មាធិការ​សាខាបាន​ឡើងថ្លែង​មតិ​ស្វាគមន៍ចំពោះ​អង្គពិធីទាំងមូល​ដែលបានរៀបចំ​ឲ្យមានកិច្ចប្រជុំ​ដ៍មានសារ:សំខាន់​ដែលទាក់ទង​ទៅនិង​លក្ខខណ្ឌការងារថ្មីនេះ។

 

បន្ទាប់មកឯកឧត្តម អ៊ុយ សំអាត បានមានប្រសាសន៍​បើកកម្មវិធី​ផ្សព្វផ្សាយ ដោយបានសង្កត់ធ្ងន់ថាកាកបាទក្រហម​កម្ពុជាមាន​តែមួយគត់ ដែល​សាខាទាំង២៥ខេត្តក្រុង​ស្ថិតនៅក្រោមដំបូល​តែមួយ ដែលមាន​គោលការណ៍គ្រឹះទាំង៧ ​កំណត់ផ្លូវ​ឲ្យធ្វើ​សកម្មភាព និងស្នើ​យកចិត្តទុកដាក់​អនុវត្តតាមលក្ខខណ្ឌការងារថ្មីឲ្យ​ទទួលបាន​លទ្ធផល​ល្អប្រសើរ ។

 

អង្គប្រជុំបានបញ្ចាប់ ដែលបាន​ដំណើរការតាមប្រធានបទខាងលើរួចមក ឯកឧត្តម​ក៍បានថ្លែងនូវ​មតិបូកសរុបបិទកម្មវិធី និងចុងបញ្ចប់​ក៍បានថ្លែងនូវការពាំនាំ​ប្រសាសន៍ផ្តាំផ្ញើសួរសុខទុក្ខពីសម្តេចកិត្តិព្រឹទ្ធបណ្ឌឹតប៊ុន រ៉ានី ប្រធា​នកាកបាទក្រហមកម្ពុជា ជូនដល់សមាជិក​នៃអង្គប្រជុំទាំងមូលផងដែរ។