អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
jQuery Carousel

ពិធីចុះបឋមសិលាសាងសង់អនុសាខាកាកបាទក្រហមកម្ពុជាស្រុកពួក


សាខាកក្រកខេត្តសៀមរាប៖ នៅព្រឹកថ្ងៃទី ២៩ ខែកញ្ញា ឆ្នាំ២០១៧ លោកជំទាវ គួយ ណាលីន ឃឹមប៊ុនសុង អនុ​ប្រធាន​គណៈកម្មាធិការ​សាខា​កាកបាទក្រហម​កម្ពុជា​ ខេត្តសៀមរាប​ និងសហការី ​មាន​អញ្ជើញ​ចូលរួម​ពិធីក្រុងពាលី និងបញ្ចុះបឋម​សិលា សាងសង់​អគារទីស្នាក់ការ​អនុសាខា​កាកបាទក្រហម​កម្ពុជា ស្រុកពួក ដែលមាន​ទីតាំងស្ថិត​នៅភូមិ​ពួកថ្មី ឃុំពួក ស្រុកពួក ខេត្តសៀមរាប។ តាមប្លង់ ​អគារនេះ​មានក្រលាផ្ទៃ ១៣៦ម៉ែត្រការ៉េ ត្រូវសាងសង់​លើផ្ទៃដីទំហំ ២,០៣០ម៉ែត្រការ៉េ សាងសង់ឡើង​ដើម្បី​បម្រើ​ការងារមនុស្សធម៌ ដល់​ជនរងគ្រោះ និងងាយរង​គ្រោះ​នៅមូលដ្ឋាន។

 

សូមបញ្ជាក់ថា៖ នេះជាទីស្នាក់ការ​អនុសាខាទី១១ នៅក្នុងខេត្ត​សៀមរាប ហើយក៏ជា​ទីស្នាក់ការ​អនុសាខាទី១០ ដែល​សាងសង់​ដោយ គណៈកម្មាធិការ​សាខា​កាកបាទក្រហម​កម្ពុជា ខេត្តសៀមរាប អាណត្តិទី៤នេះ ។