អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

jQuery Carousel

ប្រជាជនរងគ្រោះដោយសារខ្យល់កន្ត្រាក់នៅឃុំស្រអែមទទូលអំណោយពីអនុសាខាស្រុកជាំក្សាន្ត


សាខាកក្រកខេត្តព្រះវិហារ៖នៅព្រឹកថ្ងៃទី ២៣ ខែ កញ្ញា ឆ្នាំ ២០១៧ នេះ លោក ហែម ថុន​ ប្រធានគណៈកម្មាធិការ​អនុសាខា​កាកបាទ ក្រហមកម្ពុជា​ ស្រុកជាំក្សាន្ត បានចុះសួរសុខទុក្ខ​និងនាំយក​អំណោយ​មនុស្សធម៌ ផ្តល់ជូន​គ្រួសារ​រងគ្រោះ​ចំនួន ២ គ្រួសារ ដោយសារ​ខ្យល់កន្ទ្រាក់​បណ្តាល​អោយ​រលំផ្ទះ​កាលពីវេលាម៉ោង៦:៣០ នាទីល្ងាចថ្ងៃទី ២១ ខែ កញ្ញា ឆ្នាំ ២០១៧ នៅភូមិស្ទឹងខៀវ​តេជោ ឃុំស្រអែម ស្រុកជាំក្សាន្ត ខេត្តព្រះវិហារ។

 

នាឱកាសនោះដែរ លោកប្រធាន​គណៈកម្មា ធិការ​អនុសាខា​កាកបាទ ក្រហម​កម្ពុជា​ ស្រុកជាំក្សាន្ត​ បានសម្តែង​នូវការសោកស្តាយ​ដល់គ្រួសារ​រងគ្រោះ ដែលបាន​ជួបគ្រោះថ្នាក់ ​ដែលមិននឹក​ស្មានដល់​ធ្វើ អោយ​ខូចខាត​ទ្រព្យសម្បត្តិ និងសម្ភារ​ប្រើប្រាស់​ផ្សេងៗ ហើយ​លោកក៏បាន​ផ្តាំផ្ញើដល់​ប្រជាពលរដ្ឋ​ទាំងអស់​ត្រូវប្រុងប្រយ័ត្ន​គ្រោះថ្នាក់ផ្សេងៗដែលកើតឡើង​ជាយថាហេតុ ។

 

សម្ភារផ្តល់ជូន​មួយគ្រួសារៗទទួលបានរួមមាន ៖ អង្ករ ២០គីឡូ ត្រីខ១០ កំប៉ុង មី ១កេស ទឹកស៊ីអីវ ១ យួរ សារុង១ មុង១ ភួយ១ ក្រមា ១ តង់១ និងមានការ​ចូលរួមផ្តល់​អំណោយ​ពីលោកស្រី យឹម សុខារី នាយកអង្គការស្កេប បានផ្តល់ជូន​មួយគ្រួសារៗ មី ១ កេស ត្រីខ ១ យួរ ទឹកត្រី១ យួរ ទឹកបរិសុទ្ធ ១ យួរ នកងថវិកា ៥០,០០រៀលផងដែរ