អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
jQuery Carousel

កាកបាទក្រហមកម្ពុជាឧបត្ថម្ភថវិកាដល់ក្រុមប្រឹក្សាជាតិកម្ពុជាដើម្បីកុមារ


កក្រក៖​នាព្រឹក​ថ្ងៃទី​ ៦​ ខែ​ឧសភា​ ឆ្នាំ២០១៧​ លោកជំទាវ​ ពុំ ចន្ទីនី ​អគ្គលេខាធិការ​កាកបាទក្រហម​កម្ពុជា​ ដែលមាន​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ជាប្រធាន​ បានឧបត្ថម្ភ​ថវិកា​ចំនួន ១០លានរៀល​ ជូនលោកជំទាវ 
ប៊ូ សោភ័ណ អគ្គលេខាធិការរង​នៃ​អគ្គលេខាធិការដ្ឋាន​ តំណាង​ក្រុមប្រឹក្សាជាតិ​កម្ពុជា​ដើម្បី​កុមារ ​សម្រាប់ធ្វើ​ពិធី​អបអរសាទរ​ខួបលើកទី​៦៨ ​ទិវាកុមារ​អន្តរជាតិ​ ១មិថុនា​ និង​អបអរ​ខួប​លើកទី ៦ ​ទិវា​ពិភពលោកប្រឆាំង​ពលកម្ម​កុមារ ១២មិថុនា​ និងទិវា​កុមារកម្ពុជា ២០១៧ ដែលនឹង​ប្រារព្ធ​ធ្វើនៅ​ថ្ងៃទី ៨ ខែមិថុនា ឆ្នាំ២០១៧ ខាងមុខនេះ។

 

ក្នុងឱកាសនោះដែរ លោកជំទាវ ប៊ូ សោភ័ណ បានថ្លែង​អំណរ​អរគុណ​ដល់កាកបាទក្រហម​កម្ពុជា ជាពិសេស​ សម្តេច​កិត្តិព្រឹទ្ធបណ្ឌិត​ប្រធាន ដែល​បាន​ឧបត្ថម្ភគាំទ្រ​ដល់ក្រុម​ប្រឹក្សាជាតិ​កម្ពុជា​ដើម្បីកុមារ ​ហើយថវិកា​ដែលទទួល​បាននេះ​នឹងយកទៅ​រៀបចំ​មិទ្ទីង និងចុះសំណេះសំណាល​ជាមួយ​កុមារក្រីក្រ ​នៅតាម​សហគមន៍​ ដោយសហការ​ជាមួយ​ក្រសួង​សង្គមកិច្ច ​អតីតយុទ្ធជន និង​យុវ​នីតិសម្បទា​ និងដៃគូ​ពាក់ព័ន្ធនានា។