អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
សេចក្តីជូនដំណឹងស្តីពីការវះកាត់ ឆែបមាត់ ឆែបក្រអម មាត់ធ្មេញ និងពិការមុខមាត់ផ្សេៗ
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
jQuery Carousel

សិល្បករ ហែម សារ៉ាតដែលមានជំងឺទឹកនោមផ្អែមនិងគ្រោះថ្នាក់ចរាចរណ៌ទទួលអំណោយពីកាកបាទក្រហមកម្ពុជា


កក្រក​ ៖​នៅព្រឹក​ថ្ងៃទី​៣០​ ខែមីនា​ ឆ្នាំ២០១៧​ នេះ​ កាកបាទក្រហម​កម្ពុជា​ ដែលមាន​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ជាប្រធាន​ បានជួយ​ឧបត្ថម្ភ​គ្រឿង​ឧបភោគ​-បរិភោគ​ និង​ថវិកា​មួយ​ចំនួន​ ដល់​សិល្បករ​ ហែម សារ៉ាត អាយុ ៤៨ឆ្នាំ ​ជាអ្នកលេង​ភ្លេង​នៃនាយកដ្ឋាន​សិល្បៈ​ទស្សនីយភាព​ នៃក្រសួង​វប្បធម៌​ និង​វិចិត្រ​សិល្បៈ ​ដែលមាន​ជំងឺទឹកនោម​ផ្អែម​ ហើយ​បាន​ទទួល​រងគ្រោះថ្នាក់​ចរាចរណ៍​បណ្តាល​ឱ្យកាត់ជើង​ទាំងសង្ខាង​ កំពុង​សម្រាក​ព្យាបាល​នៅមន្ទីរពេទ្យ​ព្រះកុសុមៈ ​រាជធានី​ភ្នំពេញ​។

 

ក្នុងឱកាស​ប្រគល់​អំណោយ​មនុស្សធម៌​នោះ លោកជំទាវ​ ម៉ែន នារី​សោភ័គ​ អគ្គលេខាធិការ​រងទី ១​ កាកបាទក្រហម​កម្ពុជា​ បានពាំនាំ​ប្រសាសន៍​របស់​ សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ដែលផ្តាំ​ផ្ញើសួរសុខ​ទុក្ខ ក្តីអាណិត​អាសូរ​ ចំពោះ​លោក ហែម សារ៉ាត ដែលបាន​រងគ្រោះ​ដោយសារ​ឧបទ្ទវ​ហេតុ​នេះ និងសូមជូនពរ​ឱ្យលោក​ ឆាប់បាន​ជាសះស្បើយ ​ហើយ​ត្រឡប់​ទៅបម្រើ​ការងារ​ក្នុងវិស័យ​សិល្បៈប​ន្តទៀត​ ដើម្បី​ជ្រោមជ្រែង​ជីវភាព​គ្រួសារ​ឡើងវិញ។

 

អ្នកស្រី គង់ ចន្ថា អាយុ ៤៤ឆ្នាំ ត្រូវជាភរិយា​អ្នកជំងឺ​ បានសម្តែង​នូវការដឹងគុណ​យ៉ាងជ្រាល​ជ្រៅ​ចំពោះ ​សម្តេច​កិត្តិព្រឹទ្ធបណ្ឌិត​ ដែលជាមាតា​មនុស្សធម៌​ តែងមាន​ចិត្តសប្បុរស​ និងក្តី​អាណិត​អាសូរ​ចំពោះជន​រងគ្រោះ​ជួបការលំបាក​ ដោយមិន​មានការ​រើសអើង​ ប្រកាន់វណ្ណៈ ​ពូជសាសន៍​ ពណ៌សម្បុរ​ ឬនិន្នាការ​នយោបាយ​អ្វីឡើយ៕