អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

កាកបាទក្រហមកម្ពុជាចូលរួមបុណ្យសពកុមារលង់ទឹកស្លាប់៤នាក់នៅខេត្តកំពង់ធំ


កក្រក៖ ​នារសៀល​ថ្ងៃទី​១៧​ ខែមីនា​ ឆ្នាំ២០១៧​ នេះ ​កាកបាទក្រហម​កម្ពុជា​ ដែលមាន ​សម្ដេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ជាប្រធាន​ចូលរួម​រំលែក​ទុក្ខ​យ៉ាងក្រៀមក្រំ​ជាមួយ​ក្រុមគ្រួសារ​សពកុមារា​ទាំង៤នាក់ ដែល​បានលង់ទឹក​ស្លាប់​កាលពី​ថ្ងៃទី១៦ ខែមីនា ឆ្នាំ២០១៧ ស្ថិត​នៅភូមិ​សំរោង ស្រុកបារាយណ៍ ខេត្តកំពង់ធំ។

 

ក្នុងមរណ​ទុក្ខដ៏ក្តុកក្តួល​នេះ​ឯកឧត្តម​ អ៊ុយ សំអាត ​នាយក​ នាយកដ្ឋាន​គ្រប់គ្រង​គ្រោះមហន្តរាយ​ កាកបាទក្រហម​កម្ពុជា​ បានពាំនាំ​ការរំលែក​ទុក្ខ​ សោកស្តាយ​ពីសម្តេច​កិត្តិព្រឹទ្ធ​បណ្ឌិត​ប្រធាន​ សូមសម្ដែង​នូវទុក្ខ​យ៉ាងក្រៀមក្រំ ​និងសូមបួង​សួង​ដល់គុណ​បុណ្យ​ព្រះរតនត្រ័យ​ និងវត្ថុ​ស័ក្តិសិទ្ធិ​ក្នុងលោក​ទាំងអស់​ សូមឲ្យ​វិញ្ញាណក្ខន្ធ​របស់ កុមារា​ទាំង៤ រួមមាន​៖ កុមារាទី១៖ ឈ្មោះ វ៉ា រ៉េត ភេទប្រុស អាយុ៤ឆ្នាំ, កុមារាទី២៖ ឈ្មោះ មាន ម៉ន ភេទប្រុស អាយុ៤ឆ្នាំ, កុមារាទី៣៖ ឈ្មោះ មាន​ សុផៃ ភេទប្រុស អាយុ៤ឆ្នាំ, កុមារាទី៤៖ ឈ្មោះ អែល​ រ៉ាវី ភេទប្រុស អាយុ៦ឆ្នាំ, បានទៅ​កាន់ក្នុង​សុគតិភព​ជានិច្ច​និរន្តរ ​កុំបី​ឃ្លៀងឃ្លាត​ឡើយ។ ទន្ទឹមនឹង​នេះដែរ​ សូមបងប្អូន​ក្រុមគ្រួសារ​សព​ ថែរក្សា​សុភាព​ឲ្យបាន​ល្អប្រសើរ​ និងខិតខំ​ប្រឹងប្រែង​ប្រកប​ការងារ​ចិញ្ចឹមជីវិត​បន្តទៀត​។ ឯកឧត្តម បានប្រគល់​គ្រឿង​ឧបភោគ-បរិភោគ និងថវិកា​មួយចំនួន​ជូនគ្រួសារ​សពកុមារា​ទាំង៤នាក់ ។

 

ក្រុមគ្រួសារ​សពកុមារា​ទាំង៤នាក់ បានលើកដៃ​ប្រណម្យ​សម្ដែង​នូវការដឹងគុណ​យ៉ាងជ្រាល​ជ្រៅចំពោះ សម្ដេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ដែលមាន​ទឹកចិត្ត​ជ្រះថ្លា​សណ្តោស​ប្រណីបានចាត់​ឲ្យសហការីនាំយក​បច្ច័យ និងគ្រឿង​ឧបភោគ-បរិភោគ មកចូល​បុណ្យ និងសូមជូន​ពរដល់សម្ដេច​កិត្តិព្រឹទ្ធបណ្ឌិត ​ព្រមទាំង​ក្រុមគ្រួសា​រសូមជួប​ប្រទះតែ​សេចក្តី​សុខ និងពុទ្ធពរ​ទាំងបួន​ប្រការ ​កុំបីឃ្លៀងឃ្លាត​ឡើយ៕