អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

jQuery Carousel

ពិធីសម្ពោធអណ្តូងទឹកស្អាតនៅឃុំរំដោះស្រែខេត្តព្រះវិហារ


សាខាកក្រកខេត្តព្រះវិហារ ៖​នៅព្រឹក​ថ្ងៃទី​១៧​ ខែ​មីនា​ ឆ្នាំ​២០១៧​ នេះ​ កាកបាទក្រហម​កម្ពុជា​ដែលមាន​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ជា​ប្រធាន​បានប្រគល់​ឱ្យប្រើប្រាស់​ជាផ្លូវការ​អណ្តូង​ទឹក​ស្អាត​ចំនួន១៩ (មានលេខ រៀងពីទី១៧៥ដល់ទី១៩៣) ដោយមាន​ការ​ចូលរួម​ពីសំណាក់​ ឯកឧត្តម​វេជ្ជ. អ៊ុយ សំអាត នាយក នាយកដ្ឋាន​គ្រប់គ្រង​គ្រោះមហន្តរាយ​នៃ​កាកបាទក្រហម​កម្ពុជា​ និង​លោក រ៉ាត់ សោភា ​អនុប្រធាន​គណៈកម្មាធិការ​សាខា​ និង​មាន​ការអញ្ជើញ​ចូលរួម​ពីសមាជិក សមាជិការ ​គណៈកម្មាធិការ​សាខា ព្រមទាំង​នាយក សមាជិក សមាជិកា សាខា និងអនុសាខា ជូនប្រជាជ​នខ្វះខាត​ទឹក​ប្រើប្រាស់​ចំនួន​៣២០​គ្រួសារ​ ស្មើនឹង​មនុស្ស​១,១៤៣​នាក់ ​រស់​នៅ​ឃុំរំដោះស្រែ​ និង​ឃុំកន្ទួត​ នៃស្រុកជាំក្សាន្ត ខេត្តព្រះវិហារ។

 

ទន្ទឹមនឹង​ប្រសាសន៍​ផ្តាំផ្ញើ​សួរសុខ​ទុក្ខពី​សំណាក់ ​សម្តេច​កិត្តិព្រឹទ្ធ​បណ្ឌិត​ប្រធាន​ នៅក្នុង​ពិធី​ប្រគល់​អណ្តូងទឹក​ទាំងនោះ ​ឯកឧត្តម​វេជ្ជ. បានផ្តាំផ្ញើ​ដល់ប្រជាពលរដ្ឋ​ទាំងអស់ ​សូមថែ​រក្សាសុខភាព​ឱ្យបា​នល្អ ដោយ​ត្រូវបរិភោគ​ទឹកដាំ​ពុះ និងជៀស​ឲ្យឆ្ងាយ​ពីគ្រឿងញៀន​ព្រមទាំង​សូមកុំ​សេពគ្រឿង​ស្រវឹង​ផ្សេងៗ​ដែលជា​ប្រភពនៃ​អំពើហិង្សា ចោរកម្ម និង​អសន្តិសុខ​សង្គម។ ទន្ទឹមនឹង​នេះត្រូវមាន​ស្មារតី​ប្រុងប្រយ័ត្ន​ជានិច្ច​ រាល់ពេល​ធ្វើដំណើរ​ទៅកាន់​ទីជិត​ ឬឆ្ងាយ​ ដើម្បី​ជៀសវាង​នូវគ្រោះថ្នាក់​ចរាចរណ៍​កើតមាន​ឡើងជាយថា​ហេតុ និងសូម​ការពារខ្លួន​កុំឲ្យ​ឆ្លងមេរោគអេដស៍ ​ព្រមទាំង​សូមកុំរើស​អើងអ្នក​រស់នៅ​ជាមួយ​មេរោគអេដស៍ និង​ត្រូវចូលរួម​ថែរក្សា​នូវសមិទ្ធផល​ទាំងនេះ​ឱ្យបាន​គង់វង្ស​យូរអង្វែង

 

ប្រជាពលរដ្ឋ​ចំនួន ៥៨នាក់ ដែល​ចូលរួម​ក្នុងពិធី​នោះ មានក្តីរីករាយ​យ៉ាងក្រៃលែង​ ក្រោយ​ទទួល​បានសមិទ្ធផល​ថ្មីនេះ ហើយ​ស្ត្រីម្នាក់​ៗទទួល​បាន សារុង ១ រីឯ​បុរសម្នាក់ៗ​ទទួល​បាន ក្រមា១ ដោយឡែកចាស់ៗ​ទទួលបាន​ថវិកាមួយ​ចំនួន​បន្ថែមទៀត។

 

សូមបញ្ជាក់​ផងដែរថាគិតចាប់​តាំងពី​ឆ្នាំ២០១០ ​រហូតរៀង​មកកាកបាទក្រហម​កម្ពុជាបានដោះ​ស្រាយបញ្ហា​ទឹកស្អាត​ជូនប្រជាពលរដ្ឋ​បានរាប់ម៉ឺន​គ្រួសារ​នៅទូទាំង​ប្រទេស​ ក្នុងនោះ​ បានផ្តល់​អណ្តូងទឹក​ស្អាត (អណ្តូងស្នប់-លូចំរុះ) ស្រះទឹក​សហគមន៍​ និងស៊ីទែន​ទឹកបាន​សរុប​ចំនួន​រាប់ពាន់​អណ្ដូង ​ហើយបាន​ និងកំពុងផ្តល់​ជូនប្រជាពលរដ្ឋ​ជាបន្ត​បន្ទាប់​ទៀត។ ជាក់ស្ដែង​ខេត្តព្រះវិហារ​ទទួល​បាន១៩៣​អណ្ដូង​គិតមក​ដល់​ពេលនេះ៕