អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

jQuery Carousel

កាកបាទក្រហមកម្ពុជា សម្ពោធ អាគារថ្មីកម្ពស់ ៥ជាន់ របស់ អង្គការលើកស្ទួយប្រជាពលរដ្ឋ


កក្រក​ ៖​ នៅព្រឹក​ថ្ងៃទី​១៦​ ខែមីនា​ ឆ្នាំ​២០១៧ ​នេះ​លោកជំទាវ​ ឃួន​ សុដារី​ អនុ​ប្រធាន​កាកបាទក្រហម​កម្ពុជា​តំណាង​ដ៏ខ្ពង់ខ្ពស់​សម្តេច​កិត្តិព្រឹទ្ធ​បណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា​ រួមជាមួយ​ថ្នាក់ដឹកនាំ​-សហការី​ នៃ​កាកបាទក្រហម​កម្ពុជា​បានអញ្ជើញ​សម្ពោធ​ឱ្យប្រើប្រាស់​ជាផ្លូវការ​អាគារ​ថ្មី​កម្ពស់​ ៥ជាន់​ របស់​អង្គការ​លើក​ស្ទួយ​ប្រជាពលរដ្ឋ​ក្នុងឱកាស​គម្រប់​ខួបទី​១៥​ឆ្នាំ​របស់​អង្គការ​ព្រមទាំង​ជួបសំណេះ​សំណាល​សួរសុខទុក្ខ​ និង​រៀបចំ​អាហារ​ជូន​កុមារ​ គ្រូ-បុគ្គលិក​នៃអង្គការ​សរុបចំនួន១.៥៤៤នាក់ ដែលមាន​ទីតាំង​ស្ថិតនៅ​ភូមិ​ដំណាក់ធំ​១ សង្កាត់​ស្ទឹងមាន​ជ័យ ខណ្ឌ​មានជ័យ​ រាជធានី​ភ្នំពេញ។

 

ក្នុងឱកាសនោះ ​លោកជំទាវ​អនុប្រធាន​កាកបាទក្រហម​កម្ពុជា ​បានពាំនាំ​ប្រសាសន៍​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ដែលផ្តាំ​ផ្ញើសួរ​សុខទុក្ខ​ ក្តីនឹករលឹក ​អាណិត​ ស្រឡាញ់ ​ចំពោះក្មួយៗ ​និងចៅៗ​កុមារទាំងអស់​ពិសេស ​ថ្លែងនូវ​ការកោត​សរសើរ​ចំពោះស្ថាបនិក ​និងគ្រូ-បុគ្គលិក​អង្គការ​ ដែលបាន​និងកំពុង​យកចិត្ត​ទុកដាក់​ ខិតខំ​អស់​កម្លាំងកាយ​-ចិត្ត ដើម្បី​ជួយដល់​កុមារកំព្រា ​និង​កុមាររស់​នៅក្នុង​គ្រួសារ​ក្រីក្រ ​ឱ្យមាន​ឱកាស​ទទួលបាន​សិទ្ធិ​ពេញលេញ​ក្នុងការរស់រាន​មានជីវិត​ សិទ្ធិ​ទទួលបាន​ការអប់រំ សិទ្ធិ​ការពារ​ និងសិទ្ធិ​ក្នុងការ​ចូលរួម​នានា។

 

លោកជំទាវ​ បានបញ្ជាក់ថា ​កាកបាទក្រហម​កម្ពុជា​ ក្នុងនាម​ជាជំនួយការ​ឱ្យអាជ្ញាធរ​សារធារណៈ​ បាន និងកំពុង​ចូលរួម​ពន្លឿន​កាត់បន្ថយ​ភាពក្រីក្រ ​ដើម្បីកាត់​បន្ថយភាព​ងាយរងគ្រោះ​ និងលុបបំបាត់​ការរំលោភ​បំពាន​ ការកេងប្រវ័ញ្ច​កម្លាំង​ពលកម្ម​ និងអំពើ​ហិង្សា​ លើកុមារ​។ល។

ជាមួយគ្នានេះ​ លោកជំទាវ ​បានផ្តាំផ្ញើ​ដល់កុមារ​ទាំងអស់​ ត្រូវប្រឹងប្រែង​ សិក្សារៀនសូត្រ​ និង​អភិវឌ្ឍ​ខ្លួនដើម្បីអនាគត​ភ្លឺស្វាង​របស់ខ្លួន ​ហើយជៀស​ឱ្យឆ្ងាយ​ពីគ្រឿងញៀន​ ពីមេរោគអេដស៍​ និងគ្រោះថ្នាក់​ចរាចរណ៍​ ដែលជា​ឃាតករ​ដ៏សាហាវ ​និងត្រូវចេះ​ជួយយក​អាសារគ្នា​ សាមគ្គីគ្នា ​ផ្តល់ក្តី​ស្រឡាញ់​ឱ្យគ្នា​ទៅវិញ​ទៅមក។

 

សូមបញ្ជាក់ថា កាកបាទក្រហម​កម្ពុជា ដែលមាន​សម្តេចកិត្តិ​ព្រឹទ្ធបណ្ឌិត ​ប៊ុន រ៉ានី ហ៊ុនសែន ​ជាប្រធាន បានឧបត្ថម្ភ​ជូនអង្គការ​លើកស្ទួយ​ប្រជាពលរដ្ឋ​ជាបន្តបន្ទាប់ ​ក្នុងនោះ ៖


- បានផ្តល់អំណោយ​ជាគ្រឿង​ឧបភោគ-បរិភោគ សម្ភារៈ​ប្រើប្រាស់ និងរៀបចំ​អាហារ​ដល់កុមារ។
- បានផ្តល់​ថវិកាចំនួន ៥០.០០០ដុល្លារ (ប្រាំម៉ឺនដុល្លារអាមេរិក) សម្រាប់សាងសង់​អគារថ្មី​កម្ពស់ ៥ជាន់។
- បានផ្តល់រថយន្ត​សម្រាប់ដឹកសិស្ស​ចំនួន ២គ្រឿង។


- បានបំពាក់ជូន​នូវ តុ-កៅអី សម្រាប់គ្រូ និងសិស្ស និងតុ-កៅអី សម្រាប់ផ្ទះបាយ។

គួររំលឹក​ផងដែរថា​ អង្គការលើកស្ទួយ​ប្រជាពលរដ្ឋ​ មានមណ្ឌល​ស្ថិតនៅ​ស្ទឹងមានជ័​យ ដែលមាន​កុមារ ៨៦០នាក់ និង​បុគ្គលិក ៥៤នាក់​ និងមានសាខាចំនួន​ ២ទៀត​ ក្នុងនោះ​សាខា​បុរីកីឡា មានកុមារ ៣៤១នាក់ បុគ្គលិក ៩នាក់, និងសាខា​បុរីសន្តិភាព​២ មានកុមារ ២៧១នាក់ បុគ្គលិក ៩នាក់៕