អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

jQuery Carousel

ប្រជាពលរដ្ឋរងគ្រោះដោយខ្យល់កន្ត្រាក់នៅស្រុកជាំក្សាន្តទទួលអំណោយពីសាខាកក្រកខេត្តព្រះវិហារ


សាខាកក្រកខេត្តព្រះវិហារ៖ នៅ​ព្រឹក​ថ្ងៃទី​១៥​ ខែមីនា​ ឆ្នាំ​២០១៧​ ឯកឧត្តម​ ស្រី ឌឹក​ អនុ​ប្រធាន​កិត្តិយស​សាខា​កាកបាទក្រហម​កម្ពុជា​ខេត្ត​ព្រះវិហារ​ បាន​នាំ​យក​អំណោយ​មនុស្សធម៌​ទៅផ្តល់​ជូនបង​ប្អូន​ប្រជាពលរដ្ឋ​រងគ្រោះ​ដោយខ្យល់​កន្ត្រាក់​ចំនួន​២៧​គ្រួសារ​(ឃុំទឹក​ក្រហម​ចំនួន១២​គ្រួសារ​ ឃុំជាំក្សាន្ត​១៤គ្រួសារ ឃុំមរកត) ដែល​បណ្តាល​មកខ្យល់​កន្ត្រាក់​កាលពីល្ងាច​ថ្ងៃទី១៤ ខែមីនា ឆ្នាំ២០១៧ ។

 

ក្នុងឱកាសនោះ​ឯកឧត្តម​ ស្រី ឌឹក អនុ​ប្រធាន​កិត្តិយស​សាខា​បានលើក​ឡើងថា​សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា​តែងតែ​គិតគូរ​ពីសុខទុក្ខ​បងប្អូន​ជានិច្ច​ ពិសេស​បងប្អូន​រងគ្រោះ​ដូច​ថ្ងៃនេះ ។ ក្នុងនោះ​ដែរ​ឯកឧត្តម ក៏បានផ្តាំ​ផ្ញើ​សូមអោយ​បងប្អូន​មានការ​ប្រុងប្រយ័ត្ននៅពេល​មានខ្លាច​មានរន្ទះ​ និងខ្យល់​កន្រ្តាក់​កើតឡើង​ជាយថាហេតុ​ដូចពេលនេះ ​និង​ចូលរួម​សោកស្តាយចំពោះ​ការបាត់បង់​ទ្រព្យសម្បត្តិ​របស់​បងប្អូន​នាពេលនេះ។

 

ក្នុងនោះដែរ​ឯកឧត្តម​បានជួយ​សាងសង់ផ្ទះ​មួយខ្នង ​ជួសជុល​ដំបូល​ចំនួន៩ខ្នង​ផ្ទះ ឋិត​ក្នុង​ឃុំទឹក​ក្រហម។

 

សម្ភារផ្តល់​ជូនក្នុងមួយ​គ្រួសាររួមមានៈ អង្ករ២០ គីឡូ មី១កេស ត្រីខ១យួរ ទឹកស៊ីអីវ១យួរ ថវិកា ៥០,០០០ ។ 


-អ្នករលំផ្ទះចំនួនមួយ ថវិកា ២០០,០០០ រៀល តង់១ អ្នករបើកដំបូលទាំងស្រុងចំនួន ៨ ចំនួន ១០០,០០០ រៀល តង់មួយ។


-អ្នករបួសចំនួន ២ នាក់ ម្នាក់ៗទទួលបាន មី ១ កេស ទឹកដោះគោ ៥ កំប៉ុង ស្ករស ១ គីឡូ ថវិកា ៥០,០០០ រៀល ។


ក្នុងនោះក៏​មានសប្បុរសជន​ចូលរួម​ឧបត្ថម្ភរួមមានៈ


-ឯកឧត្តម ស្រី ឌឹក និង លោកជំទាវ ឧបត្ថម្ភ ចំនួន១២គ្រួសារ មួយគ្រួសារ ១០០,០០០ រៀល និងបានឧបត្ថម្ភ​បន្ថែម​ដល់អ្នកសម្របសម្រួល​នៅ​មណ្ឌល​សុខភាព ៥ នាក់ ស្រ្តីឆ្លងទន្លេចំនួន ២ នាក់ ។


-ព្រះគ្រូ ស្ងួន រដ្ឋា អនុគណ​ស្រុកជាំក្សាន្ត ឧបត្ថម្ភចំនួន ១០ គ្រួសារ​នៅឃុំទឹក​ក្រហម មួយគ្រួសារ ៤០,០០០ រៀលគត់។