អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

jQuery Carousel

វគ្គបំប៉នដល់ទីប្រឹក្សាយុវជនកាកបាទក្រហមកម្ពុជាខេត្តត្បូងឃ្មុំ


កក្រក៖ ​នៅព្រឹក​ថ្ងៃទី​១៤​ ខែ​មិនា​ ឆ្នាំ​២០១៧ ​សាខា​កាកបាទក្រហម​កម្ពុជា​ខេត្ត​ត្បូងឃ្មុំ ​បើក​វគ្គ​បំប៉ន​លើប្រធានបទ​ចំនួន៤ ​ដល់​ទីប្រឹក្សា​យុវជន​ចំនួន​៦០​នាក់​ មកពី​២៣​ វិទ្យាល័យ​ក្នុង​ខេត្ត​ត្បូងឃ្មុំ ​និង​មានការអញ្ជើញ​ជាអធិបតី​ពី​ឯកឧត្តម​ សម កុសល ​នាយក នាយកដ្ឋាន​ធនធាន​មនុស្ស ​ទីស្នាក់ការ​កណ្តាល​កាកបាទក្រហម​កម្ពុជា​ និង​ឯកឧត្តម​ លី ឡេង ប្រធាន​គណ:កម្មាធិការ​សាខា​កាកបាទក្រហម​កម្ពុជា​ខេត្តត្បូងឃ្មុំ ។

 

វគ្គសិក្សា​នេះចែក​ចេញជា​២វគ្គ ក្នុង១វគ្គ​មាន​សិក្ខាកាម​៣០ នាក់ មានរយ:ពេល ​២ថ្ងៃ លើ​ប្រធានបទ ១-រំលឹកអំពី​ប្រវត្តិចលនា​ កាកបាទក្រហម​ អឌ្ឍចន្ទក្រហម​; ២-ការងារ​គ្រប់គ្រង​យុវជន បណ្តាញ​យុវជន និងអ្នកស្ម័គ្រចិត្ត;​ ៣-ការកសាងផែនការ​សកម្មភាព​អប្បបរិមា​; ៤-វិជ្ជា​សង្គ្រោះ​បឋម សំដៅ​ពង្រឹង​ការអភិវឌ្ឍ​ស្ថាប័ន និងអភិវឌ្ឍ​ធនធាន​នៃទិស​យុទ្ធសាស្ដ្រ ​របស់​កាកបាទក្រហម​កម្ពុជា​ ក្នុងនោះ​ទីប្រឹក្សាយុវជន យុវជន និងអ្នកស្ម័គ្រចិត្ត ជាប្រតិបត្តិករ និង​ជាធនធាន​ដែលមិនអាច​ខ្វះបាន​ របស់កាកបាទក្រហម​កម្ពុជា​ រួមចំណែក​បំពេញ​សកម្មភាព​យ៉ាងសកម្ម ជួយដល់​ជនរងគ្រោះ និងងាយរងគ្រោះ​បានទាន់​ពេលវេលាស្របតាម​បាវចនា “ធ្វើឲ្យបាន​កាន់តែ​ច្រើនជាង​មុន ធ្វើឲ្យ​បានកាន់​តែល្អ​ជាងមុន ធ្វើឲ្យបាន​កាន់តែ​ស៊ីជម្រៅ និងទៅ​ឲ្យបានកាន់តែ​ឆ្ងាយជាងមុន។

 

ក្រោយពី​ញ្ចប់វគ្គនេះ គ្រូទីប្រឹក្សា​មកពីគ្រឹះស្ថាន​សិក្សាដែលជា​សាលា​គោលដៅទាំង២៣ មាន​បណ្តាញយុវជន​កាកបាទក្រហម​កម្ពុជា បានទទួល​​​នូវកាបូប​សង្រ្គោះបឋមក្នុងមួយ​សាលាចំនួន១ផងដែរ សម្រាប់​ការងារ​ជួយសង្គ្រោះ​ជាបឋម​ដល់​សិស្សានុសិស្ស​ និងសហគមន៍​ដែលមាន​គ្រោះថ្នាក់ ដោយឧប្បទ្ទវ​ហេតុផ្សេងៗ៕