អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ចម្រៀងកាកបាទក្រហមកម្ពុជា
jQuery Carousel

ប្រជាជនរងគ្រោះដោយអគ្គីភ័យទទួលអំណោយពីអនុសាខាកាកបាទក្រហមកម្ពុជាស្រុកជាំក្សាន្ត


សាខាកក្រកខេត្តព្រះវិហារ ៖ នៅរសៀលថ្ងៃទី១៥ ខែកុម្ភៈ ឆ្នាំ២០១៧ លោក ហែម ថុន ប្រធានគណៈកម្មាធិការអនុសាខាកាកបាទក្រហមកម្ពុជាស្រុកជាំក្សាន្ត បានចុះសួរសុខទុក្ខនិងនាំយកអំណោយមនុស្សធម៌ផ្តល់ជូនស្រ្តីម៉េម៉ាយឈ្មោះ ម៉ង វន អាយុ៥០ ឆ្នាំ រងគ្រោះដោយភ្លើងឆេះផ្ទះ កាលពីយប់ថ្ងៃទី១៤ ខែកុម្ភៈ ឆ្នាំ២០១៧ ចំនួន១គ្រួសារស្ថិតនៅភូមិធម្មជាតិ ឃុំស្រអែម ស្រុកជាំក្សាន្ត ខេត្តព្រះវិហារ។

 

នាឱកាសនោះដែរ លោកប្រធានគណៈកម្មាធិការអនុសាខាកាកបាទក្រហមកម្ពុជាស្រុកជាំក្សាន្ត បានពាំនាំមកនូវប្រសាសន៍ផ្តាំផ្ញើសួរសុខ ទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះគ្រួសាររងគ្រោះដោយអគ្គីភ័យ និងបានសម្តែងនូវការសោកស្តាយដល់គ្រួសាររងគ្រោះ ដែលមិននឹកស្មានដល់ធ្វើអោយបាត់បង់ផ្ទះ និងសម្ភារប្រើប្រាស់ផ្សេងៗជាច្រើន ហើយលោកក៏បានផ្តាំផ្ញើដល់ប្រជាពលរដ្ឋទាំងអស់ត្រូវប្រុងប្រយ័ត្នគ្រោះថ្នាក់ផ្សេងៗដែលកើតឡើងជាយថាហេតុ ។

 

សម្ភារផ្តល់ជូនរួមមាន៖អង្ករ ២០គីឡូក្រាម ត្រីខ១០កំប៉ុង មី១ កេស ទឹកស៊ីអ៊ីវ១ យួរ ទឹកបរិសុទ្ធ៣ កេស ខោអាវ ២ កញ្ចប់ ក្រមា១ សារុង១ មុង១ ភួយ១ កៅស៊ូតង់១ និងថវិកាចំនួន៤០,០០០រៀល។