អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel

កិច្ចប្រជុំពិគ្រោះយោបល់ ស្ដីពីការងារអភិបាល និងគ្រប់គ្រងសាខា នៅទីស្នាក់ការសាខាកាកបាទក្រហមកម្ពុជា ខេត្តកណ្ដាល។


កក្រក ៖ នៅរសៀល​ថ្ងៃសុក្រ ១៣កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹង​ថ្ងៃទី ១៨ ខែ មករា ឆ្នាំ ២០១៩ កាកបាទក្រហម​កម្ពុជា ដែលមានសម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានបើកកិច្ច​ប្រជុំពិគ្រោះយោបល់​ ស្ដីពីការងារ​អភិបាល និងគ្រប់គ្រង​សាខា ដែលធ្វើឡើង​នៅទីស្នាក់ការ​សាខាកាកបាទក្រហម​កម្ពុជា ខេត្តកណ្ដាល។

កិច្ចប្រជុំបាន ប្រព្រឹត្តទៅក្រោម​អធិបតីភាព​លោកជំទាវ ពុំ ចន្ទីនី អគ្គលេខាធិការ កាកបាទក្រហម​កម្ពុជា និងលោកវេជ្ជ. គួយ ប៊ុនធឿន អនុប្រធាន​គណៈកម្មាធិការ​សាខាកាកបាទក្រហម​កម្ពុជា ខេត្តកណ្ដាល និងមានការអញ្ជើញ​ចូលរួមពី ជាសមាជិក សមាជិកា​គណៈកម្មាធិការសាខា ក្រុមប្រតិបត្តិ​សាខា និងអនុសាខាគ្រប់ក្រុង ស្រុក សរុបចំនួន ២៩នាក់ (ស្រី ១០នាក់)។

ក្នុងឱកាសនោះ លោកជំទាវ​អគ្គលេខាធិការ បានពាំនាំនូវប្រសាសន៍​ផ្ដាំផ្ញើសាកសួរសុខទុក្ខ​និងក្ដីនឹករលឹកពីសំណាក់សម្ដេច​កិត្តិព្រឹទ្ធបណ្ឌិតប្រធានកាកបាទក្រហម​កម្ពុជា ជូនចំពោះសមាជិក សមាជិកានៃអង្គប្រជុំ ជាពិសេសគណៈកម្មាធិការ​សាខាកាកបាទក្រហម​កម្ពុជា ខេត្តកណ្ដាល​ទាំងអស់ ដែលបានខិតខំប្រឹងប្រែងទាំងកម្លាំង​កាយចិត្ត ប្រមូលផ្ដុំនូវបញ្ញាញ្ញាណ បំពេញបេសកកម្ម​មនុស្សធម៌ ការរៀបចំរចនាសម្ព័ន្ធរបស់​សាខា ពីថ្នាក់ខេត្តរហូត​ដល់សហគមន៍ ក្នុងការផ្ដល់សេវាកម្ម​ត្រៀមបង្ការ និងឆ្លើយតបគ្រោះមហន្តរាយ ដើម្បីជួយសម្រាល​រាល់ការលំបាករបស់​ជនរងគ្រោះ និងជនងាយ​រងគ្រោះក្នុងរដ្ឋបាលដែនដីប្រកបដោយប្រសិទ្ធភាព និងទាន់ពេលវេលា។ កត្តាទាំងនេះទទួលបាន​ជោគជ័យ ដោយមានការដឹកនាំតម្រង់ទិស របស់សម្ដេច​កិត្តិព្រឹទ្ធបណ្ឌិតប្រធាន រួមជាមួយការ​ប្រឹងប្រែងរបស់គណៈកម្មាធិការ សាខា អនុសាខា មន្ត្រីបុគ្គលិកនៃក្រុមប្រតិបត្តិ អ្នកស្ម័គ្រចិត្ត យុវជនកាកបាទក្រហមកម្ពុជានៅគ្រប់លំដាប់ថ្នាក់។

ទន្ទឹមនឹងនេះ លោកជំទាវ ក៏បានលើកទ្បើង​នូវអនុសាសន៍ណែនាំ​របស់សម្ដេចកិត្តិព្រឹទ្ធបណ្ឌិត ​នូវទិសដៅការងារឆ្នាំ២០១៩ មានខ្លឹមសារ​ដូចតទៅ៖
១. លើកកម្ពស់សមត្ថភាពសហគមន៍ មន្ត្រីសាខា អនុសាខា ក្នុងការកាត់បន្ថយ​ហានិភ័យគ្រោះមហន្តរាយ ការត្រៀមបង្ការ ការឆ្លើយតប និងការស្តារឡើងវិញ​ឱ្យបានទាន់ពេលវេលា​និងមានប្រសិទ្ធភាព
២. បន្តលើកកម្ពស់ការងារឥស្សរជនឆ្នើម​ថ្នាក់ជាតិ នៃវេទិកាភាព​ជាអ្នកដឹកនាំ​តំបន់អាស៊ី-ប៉ាស៊ីហ្វិក