អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel

ពិធីបើកវគ្គផ្សព្វផ្សាយស្តីពី គោលការណ៍គ្រឹះរបស់ចលនា កាកបាទក្រហម អឌ្ឍចន្ទក្រហម មូលដ្ឋានច្បាប់មនុស្សធម៌អន្តរជាតិ និងកាកបាទក្រហមកម្ពុជា ខេត្តព្រះសីហនុ


កក្រក ៖ នាព្រឹកថ្ងៃសុក្រ ២រោច ខែអស្សុជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២៦ ខែ តុលា ឆ្នាំ២០១៨ នាយកដ្ឋានទំនាក់ទំនង​ នៃទីស្នាក់ការ​កណ្តាល កាកបាទក្រហមកម្ពុជា ​បានសហការជាមួយគណៈកម្មាធិការអន្តរជាតិ​ កាកបាទក្រហម (អាយ.ស៊ី.អរ.ស៊ី) បើកវគ្គផ្សព្វផ្សាយ​ស្តីពី គោលការណ៍គ្រឹះ​របស់ចលនា កាកបាទក្រហម អឌ្ឍចន្ទក្រហម មូលដ្ឋាន​ច្បាប់មនុស្សធម៌អន្តរជាតិ ​និងកាកបាទក្រហម​កម្ពុជា ជូន​ដល់នាយទាហាន ពលទាហាន​ នៃបញ្ជាការដ្ឋានកងទ័ពជើងទឹកមូលដ្ឋានរាម ខេត្តព្រះសីហនុ សរុបចំនួន ៣៥៨នាក់។

វគ្គផ្សព្វផ្សាយនេះប្រព្រឹត្ត​ទៅដោយមាន​ការអញ្ជើញចូលរួម​ជាអធិបតីពីសំណាក់​ លោកជំទាវ ហួន ច័ន្ទបូរ៉ា នាយិកា នាយកដ្ឋានទំនាក់ទំនង​ កាកបាទក្រហមកម្ពុជា ​លោក រ៉ូម៉ាន់ ផារ៉ាម៉ូនូវ​ ប្រធានបេសកកម្ម (អាយ.ស៊ី.អរ.ស៊ី.)​ ប្រចាំកម្ពុជា ឯកឧត្តម សំ សំអាត ​អនុប្រធានគណៈកម្មាធិការ​សាខា មេបញ្ជាការរង​នៃបញ្ជាការដ្ឋានកងទ័ពជើងទឹកមូលដ្ឋានរាម ​និងមាន​ការសម្របសម្រួល​ដោយសាខាកាកបាទក្រហម​កម្ពុជា ខេត្តព្រះសីហនុ។

ទន្ទឹមនឹងនោះ គោលបំណង​នៃការផ្សព្វផ្សាយនេះ​គឺដើម្បីបញ្រ្ជាប​ការយល់ដឹងអំពី​គោលការណ៍គ្រឹះ​របស់ចលនា កាកបាទក្រហម​ អឌ្ឍចន្ទក្រហម​ មូលដ្ឋានច្បាប់មនុស្សធម៌​អន្តរជាតិ និងតួនាទី​ភារកិច្ចរបស់កាកបាទក្រហមកម្ពុជា ជូនដល់​នាយទាហាន ពលទាហាន៕