អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel

សាខាកាកបាទក្រហមកម្ពុជា ខេត្តកែប ផ្តល់មុងជូនប្រជាពលរដ្ឋងាយរងគ្រោះបំផុត នៅ ឃុំពងទឹក ស្រុកដំណាក់ចង្អើរ


សាខាកក្រកខេត្តកែប ៖ នៅថ្ងៃ​សុក្រ ៥កើត ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១៤ ខែកញ្ញា ឆ្នាំ២០១៨ នេះ សម្តេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា បានចាត់ឱ្យមន្ត្រី​ទីស្នាក់ការ​កណ្តាលនាំ​យកមុង​សុវត្ថិភាព​ចំនួន ៥០០មុង និងអាវយឺត ២០កេស ជូនសាខាកាកបាទក្រហម​កម្ពុជា ខេត្តកែប ផ្តល់មុងជូន​ប្រជាពលរដ្ឋ​ងាយរងគ្រោះ​បំផុត ដែលប្រឈម​នឹងជំងឺគ្រុនចាញ់-គ្រុនឈាម និងអ្នកផ្ទុក​មេរោគអេដស៍ ចំនួន ៤៥០គ្រួសារ មកពីភូមិបី​ចំការបី ឃុំពងទឹក ស្រុកដំណាក់​ចង្អើរ ខេត្តកែប។

ទន្ទឹមនឹងប្រសាសន៍​ផ្តាំផ្ញើសួរសុខទុក្ខពី​សំណាក់ សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា លោកជំទាវ​ ម៉ែន នារីសោភ័គ​ អគ្គលេខាធិការរងទី ១ បានពាំនាំសារអំពាវនាវរបស់សម្តេច​ប្រធាន ដែលផ្តាំផ្ញើជូន​ប្រជាពលរដ្ឋ​ទាំងអស់​ឱ្យយកចិត្តទុកដាក់​ថែទាំសុខភាព​ដោយបរិភោគ​ទឹកស្អាត គេងក្នុងមុង​ជានិច្ច និងសម្អាត​បរិស្ថាន បំបាត់​ទឹកដក់​សំរាមស្អុយរលួយ បំបាត់ជម្រកសត្វមូស ជៀសវាងការ​កើតជំងឺគ្រុនចាញ់ គ្រុនឈាម ​និងជំងឺឆ្លងផ្សេងៗ។ ចំពោះអ្នកផ្ទុក​មេរោគអេសដ៍ ត្រូវ​ពិនិត្យសុខភាព​នៅមណ្ឌល​សុខភាព ឱ្យបាន​ទៀងទាត់ អនុវត្ត​ការណែនាំ​របស់គ្រូពេទ្យ​ដើម្បីជៀសវាងជំងឺ​ឆ្លងផ្សេងៗ។ សូម​គិតគូរពី​សុវត្ថិភាព​ចរាចរណ៍ ដោយគោរព​ច្បាប់ចរាចរណ៍ និងប្រុងប្រយ័ត្នជានិច្ច​រាល់ពេល​ធ្វើដំណើរ។ សូមណែនាំ​កូនក្មួយឱ្យជៀសឆ្ងាយ​ពីគ្រឿងញៀន​ គ្រឿងស្រវឹង ល្បែងស៊ីសង​គ្រប់ប្រភេទ ដែលជាប្រភព​នៃអំពើហិង្សា​ ចោរកម្ម។ល។

ជំនួសមុខឱ្យ​ប្រជាពលរដ្ឋ​ទាំងអស់ ឯកឧត្តម​ កែន សត្ថា ប្រធាន​គណៈកម្មាធិការ​សាខា​កាកបាទក្រហមកម្ពុជា បានថ្លែងអំណរគុណ​ចំពោះ សម្ដេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ដែលតែងតែ​គិតគូរពីសុខទុក្ខ​ប្រជាពលរដ្ឋ ​ហើយសាខានឹ​ងចាត់ចែង​នាំយក​អំណោយ​ទាំងនេះចែក​ជូនប្រជាពលរដ្ឋ​ឱ្យទាន់ពេលវេលា។

សូមបញ្ជាក់ថា មុង​សុវត្ថិភាពជា​អំណោយ​របស់ សាខាកាកបាទ​ក្រហមចិន ខេត្តក្វាងស៊ី ដែល​បានផ្តល់ជូន​កាកបាទក្រហម​កម្ពុជា ចំនួន ២០.០០០មុង កាលពី​ថ្ងៃទី ​២២ ខែសីហា ឆ្នាំ២០១៨ កន្លងទៅ។