អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

jQuery Carousel

កាកបាទក្រហមកម្ពុជា ឧបត្ថម្ភថវិកា ដល់អង្គការគ្រួសារថ្មី សម្រាប់ឆ្នាំ ២០១៨។


កក្រក ៖ នៅរសៀល​ថ្ងៃពុធ ៧រោច ខែមាឃ ឆ្នាំរកា នព្វស័ក ព.ស.២៥៦១ ត្រូវនឹង​ថ្ងៃទី ៧ ខែកុម្ភៈ ឆ្នាំ២០១៨ នេះ កាកបាទក្រហមកម្ពុជា​ ដែលមាន សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ​ជាប្រធាន បានប្រគល់​ថវិកាឧបត្ថម្ភ​ចំនួន ២០លានរៀល ដល់អង្គការ​គ្រួសារថ្មី សម្រាប់ឆ្នាំ ២០១៨។

 

ក្នុងឱកាសប្រគល់​ថវិកានោះ លោកជំទាវ​ ពុំ ចន្ទីនី អគ្គលេខាធិការ ​កាកបាទក្រហមកម្ពុជា ​បានពាំនាំ​នូវប្រសាសន៍​របស់ សម្តេច​កិត្តិព្រឹទ្ធបណ្ឌិត ប្រធានកាកបាទក្រហម​កម្ពុជា ដែលផ្តាំផ្ញើ​សួរសុខទុក្ខ ក្តីនឹករលឹកប្រកប​ដោយមនោសញ្ចេតនា​អាណិត ស្រឡាញ់ មេត្តា ករុណា ដ៏ជ្រាលជ្រៅ ចំពោះកុមារ​ពិការគ-ថ្លង់ទាំងអស់​ដែលកំពុង​ស្នាក់នៅ និងទទួលការអប់រំ ​បណ្តុះបណ្តាល នៅក្នុងអង្គការ ព្រមទាំងលើកទឹកចិត្តដល់ចៅៗ ក្មួយៗ ត្រូវខិតខំ​រៀនសូត្រ​ដើម្បីអនាគត​ភ្លឺស្វាង និងជាសសរ​ទ្រូងប្រទេសជាតិ​នៅថ្ងៃអនាគត។ ជាមួយគ្នានេះ លោកជំទាវ ក៏បានកោតសរសើរ​ចំពោះ គណៈគ្រប់គ្រង បុគ្គលិក របស់អង្គការ ដែលបានលះបង់​កម្លាំងកាយចិត្តចូលរួម​លើកកម្ពស់សេចក្តីថ្លៃថ្នូរ​របស់មនុស្សជាតិ តាមរយៈ ជួយឱ្យកុមារពិការគ-ថ្លង់ អាចអភិវឌ្ឍ​ខ្លួនបានល្អប្រសើរឡើង។

 

លោកស្រី នាង ផល្លា តំណាង​អង្គការគ្រួសារថ្មី បានថ្លែងអំណរគុណ​យ៉ាងជ្រាលជ្រៅ​បំផុតចំពោះ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែល​ជានិច្ចកាលតែងតែយក​ចិត្ដទុកដាក់គ្រប់ពេលវេលា គិតគូរគ្រប់ជ្រុង​ជ្រោយ រាល់បញ្ហាដែល​ប្រជាពលរដ្ឋងាយ​រងគ្រោះកំពុងជួបប្រទះ ពិសេស ផ្តល់ក្តីសង្ឃឹម និងភាពកក់ក្តៅ​ដល់កុមារពិការគ-ថ្លង់ ឱ្យបានរស់រានក្នុង​ភាពថ្លៃថ្នូរ ក្នុងសង្គមមានសន្តិភាពពេញលេញ ស្ថិរភាព និងការអភិវឌ្ឍ។

 

សូមរំលឹកដែរថា នេះជាលើកទី១០ ហើយដែល​កាកបាទក្រហមកម្ពុជា បានឧបត្ថម្ភ​ដល់អង្គការគ្រួសារថ្មី៕