អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

jQuery Carousel

កាកបាទក្រហមកម្ពុជា ចូលរួមបុណ្យសពដោយសារអគ្គិភ័យនៅផ្សារតូច


កក្រក​ ៖​ នៅថ្ងៃទី​ ១៩​ ខែតុលា​ ឆ្នាំ២០១៧​ នេះ​ សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ប្រធានកាកបាទក្រហម​កម្ពុជា បានចាត់​ក្រុមការងារ​កាកបាទក្រហម​កម្ពុជា​ ចូលរួម​រំលែកទុក្ខ​ដ៏ក្រៀមក្រំ​ជាមួយ​ក្រុមគ្រួសារ​សព និងនាំយក​បច្ច័យ​ គ្រឿងឧបភោគ​-បរិភោគ​មួយចំនួន ​ទៅចូលរួម​បុណ្យសព​ជនរងគ្រោះ​ទាំង​ ៤នាក់ ដែលបាន​ស្លាប់យ៉ាងវេទនា​ និងគួរឲ្យ​តក់ស្លុត​បំផុត នៅក្នុងគ្រោះ​អគ្គិភ័យ​ដ៏កំណាច​ដែលបាន​ឆាបឆេះ​ហាងលក់ និងជួសជុល​កុំព្យូទ័រយីហោ​ «អេស ធី ស៊ី កុំព្យូទ័រ»​ នៅម្ដុំផ្សារតូច​ ក្នុងសង្កាត់​ស្រះចក ខណ្ឌដូនពេញ​ រាជធានីភ្នំពេញ​ កាលពី​យប់រំលង​អាធ្រាត្រ​ឈានចូលថ្ងៃទី​ ១៧ ខែតុលា ឆ្នាំ២០១៧​ កន្លងទៅ។

 

ពិធីបុណ្យសព​ បានធ្វើឡើងនៅ​គេហដ្ឋានរបស់​ជនរងគ្រោះផ្ទាល់​ ដែលក្នុងនោះ​ ៖​ 
១/​ សពលោក​ សន ទិត អាយុ​ ៣៣ឆ្នាំ ជាម្ចាស់ហាង កុំព្យូទ័រ អេស ស៊ី ធី (SCT​ Computer) ស្ថិតនៅភូមិតូង សង្កាត់សួង ក្រុងសួង ខេត្តត្បូងឃ្មុំ។


២/​ សពលោក គា ចន្ថា អាយុ​ ២៣ឆ្នាំ នៅលីវ ជាបុគ្គលិកក្នុងហាងកុំព្យូទ័រ ស្ថិតនៅភូមិតូង សង្កាត់សួង ក្រុងសួង ខេត្តត្បូងឃ្មុំ។


៣/​ សពលោក អ៊ុត រៀង អាយុ ៣២ឆ្នាំ ជាបុគ្គលិកក្នុងហាងកុំព្យូទ័រ ស្ថិតនៅភូមិកាប៉ូ សង្កាត់អូឫស្សី ក្រុងក្រចេះ ខេត្តក្រចេះ។


៤/ សពលោក​ យ៉េន​ គន្ធា​ អាយុ​ ២៤ឆ្នាំ​ ជាបុគ្គលិកក្នុងហាងកុំព្យូទ័រ ស្ថិតនៅភូមិខ្សែត​ ឃុំខ្សែត​ ស្រុកកំពង់រោទិ៍​ ខេត្តស្វាយរៀង។

 

សូមបញ្ជាក់ថា​ គ្រួសារសពនីមួយៗ​ទទួលបាន ៖​ បច្ច័យមួយចំនួន អង្ករ ១២០គីឡូក្រាម ត្រីខ ៥០កំប៉ុង មី ៥កេស​ និងទឹកក្រូច​ ៥កេស។

ការនាំ​យកបច្ច័យ​ និងគ្រឿងឧបភោគ-បរិភោគ​ ទៅចូលរួម​បុណ្យសពនេះ ជាការបង្ហាញ​ពីទឹកចិត្ត​សប្បុរសធម៌ដ៏​ធំធេងរបស់​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ដែលដឹកនាំ​កាកបាទក្រហម​កម្ពុជា ​ដោយយកចិត្តទុកដាក់​អស់ពី​កម្លាំងកាយ​-ចិត្ត ដើម្បីជួយ​ដល់ប្រជាពលរដ្ឋខ្មែរ​ដែលរងគ្រោះ​ ដោយមិនមានការរើសអើង​ មិនប្រកាន់វណ្ណៈ​ ពូជសាសន៍​ ព័ណ៌សម្បុរ​ ឬនិន្នាការនយោបាយអ្វីឡើយ​៕