អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

កម្មវិធីអប់រំផ្សព្វផ្សាយក្នុងសហគមន៍ អំពីការបង្ការ និងការពារជំងឺគ្រុនឈាម ដល់យុវជនកាកបាទក្រហមកម្ពុជា នៃវិទ្យាល័យ២ ក្នុងក្រុងតាខ្មៅ

សាខា កក្រក ខេត្តកណ្តាល ៖ នៅព្រឹកថ្ងៃអង្គារ ៨កើត ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី ០៩ ខែ កក្កដា ឆ្នាំ ២០១៩ សាខាកាកបាទក្រ​ហមកម្ពុជាខេត្តកណ្តាល សហការ​ជាមួយមន្ទីរសុខាភិបាលខេត្ត បានរៀបចំកម្មវិធីអប់រំ​ផ្សព្វផ្សាយក្នុង​សហគមន៍ អំពីការបង្ការ និងការពារជំងឺគ្រុនឈាម ដល់យុវជនកាកបាទក្រហម​កម្ពុជា នៃវិទ្យាល័យ២ ក្នុងក្រុង​តាខ្មៅ ចំនួន ៨០ នាក់ នៅទីស្នាក់ការសាខាកាកបាទក្រហម​កម្ពុជាខេត្ត ។ សមាសភាពបានចូលរួម​ក្នុងកម្មវិធីអប់រំផ្សព្វផ្សាយ​នេះរួមមាន ៖ ក្រុមប្រតិបត្តិសាខា ៨ នាក់ , មន្រ្តីសម្របសម្រួល​មកពីមន្ទីរសុខាភិបាលខេត្ត ១ នាក់ ,លោកគ្រូទីប្រឹក្សាយុវជន ២ នាក់ និងយុវជន​កាកបាទក្រហមកម្ពុជា ៨០ នាក់ សរុបចំនួន ៩១ នាក់ ។

កម្មវិធីអប់រំផ្សព្វផ្សាយនេះ ​មានគោលបំណងផ្តល់​នូវចំណេះដឹងជាមូលដ្ឋាន​ដល់អ្នកចូលរួមទាំងអស់ អំពីការបង្ការ និងការពារ​ជំងឺគ្រុនឈាម និងកម្រិតនៃ​ការប្រើប្រាស់ថ្នាំអាបែត​ដាក់ក្នុងពាង ឬ អាងទឹក ។

មានមតិ​សំណេះសំណាលបើក​កម្មវិធីអប់រំផ្សព្វផ្សាយ លោក ទៀង សុគន្ធ នាយកសាខា តំណាងឯកឧត្តម គង់ សោភ័ណ្ឌ ប្រធា​នគណ:កម្មាធិការសាខា បានផ្តាំផ្ញើ​ដល់ក្មួយៗយុវជនទាំងអស់ មេត្តាខិតខំយកចិត្តទុកដាក់ស្តាប់ការពន្យល់​បង្ហាញពីលោកគ្រូជាអ្នក​សម្របសម្រួល ដើម្បីក្មួយៗទទួលបានចំណេះដឹងបន្ថែមចុះ​ទៅអនុវត្តសកម្មភាពការងារ​អប់រំផ្សព្វផ្សាយ​ បន្ត ក្នុងសហគមន៍ឲ្យបានលទ្ធផលល្អ និងទទួលបានជោគជ័យ ។

សូមបញ្ជាក់ថា ៖ នៅព្រឹកថ្ងៃពុធ ទី១១ ខែកក្កដា ឆ្នាំ២០១៩ សាខាកាកបាទក្រហម​កម្ពុជាខេត្ត នឹងដឹកនាំកម្លាំងយុវជន ចំនួន ៨០ នាក់ ស្រី ៤២នាក់ រួមជា​មួយក្រុមកាកបាទក្រហម​សង្កាត់ ចុះដាក់ថ្នាំអាបែតក្នុងពាង ឬអាងទឹក​ប្រជាពលរដ្ឋតាមភូមិចំនួន៩ ​ក្នុងសង្កាត់តាខ្មៅនិង​សង្កាត់ព្រែកឫស្សី ក្រុងតាខ្មៅ ខេត្តកណ្តាល ៕

 

យុទ្ធនាការដាក់ថ្នាំអាបែត តាម អាងទឹក ពាងទឹក ធុងទឹកនៅក្នុងភូមិអាចារ្យលាក់ ភូមិក្រចាប់ ភូមិព្រៃបន្លិច ក្នុង សង្កាត់រអាចារ្យលាក់ ក្រុងស្ទឹងសែន

សាខាកក្រកខេត្តកំពង់ធំ៖ នៅថ្ងៃអង្គារ ៨កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៩ ខែ កក្កដា ឆ្នាំ២០១៩ នេះ លោកស្រី ​ឌុក ស៊ីដា នាយកប្រតិបត្តិ​សាខាកាកបាទកម្ពុជា​ខេត្តកំពង់ធំ បានដឹកនាំមន្រ្តីសាខា អ្នកស្មគ្រ័ចិត្ត​ យុវជនកាកបាទក្រហម​កម្ពុជា មន្ត្រីមណ្ឌលសុខភាព ​អាជ្ញាធរដែនដី សហការ​ជាមួយមន្ទីរសុខាភិបាល​ខេត្តកំពង់ធំ ដោយបានការអញ្ជើញចូលរួ​មពីលោកវេជ្ជ.ស្រី ស៊ីន ប្រធានមន្ទីរ​សុខាភិបាល​ខេត្តកំពង់ធំ បានចុះធ្វើយុទ្ធនាការ​ដាក់ថ្នាំអាបែត តាម អាងទឹក ពាងទឹក ធុងទឹកនៅក្នុងភូមិអាចារ្យលាក់ ​ភូមិក្រចាប់ ភូមិព្រៃបន្លិច ក្នុង ​សង្កាត់រអាចារ្យលាក់ ​ក្រុងស្ទឹងសែន បានចំនួន៨១៣ គ្រួសារ ស្មើនឹង​ទឹកចំនួន១២.០០០.៣៥៣ លីត្រ ក្នុងនោះមាន២.៤០៥ អាង/ពាង។

យុទ្ធនាការនេះធ្វើឡើងក្នុងគោលបំណង​ដើម្បីការពារបង្ការជម្ងឺគ្រុនឈាម​ ដែលអាចឆ្លងតាមរយៈមូសខ្លាខាំ ហើយយុទ្ធនាកានេះ​ត្រូវបានធ្វើឡើង​ជាក្រុមដើម្បីផ្សព្វផ្សាយ​ដល់ប្រជាពលរដ្ឋឱ្យយល់ដឹងដូចជា៖

១. សូមចូលរួមកំចាត់ដង្កូវទឹកមូសខ្លា ​និងធានាថា មិនមានដង្កូវទឹក​ នៅក្នុងបរិវេណផ្ទះសំបែង តាមរយៈការកម្ទេចចោល និងលុបបំបាត់ចោល ​នូវរាល់វត្ថុដក់ទឹក ដែលមិនប្រើប្រាស់ ដូចជា សំបកកង់ឡាន កង់ម៉ូតូ សំបកកំប៉ុង ធុង ក្រឡ ពាង អាង ដែល​មិនប្រើប្រាស់​ សំបកដប សំបកដូង ​និងវត្ថុអាចដក់ទឹកដទៃទៀត ដែលនៅជុំវិញបរិវេន​ផ្ទះរបស់លោកអ្នក ត្រូវលាងសម្អាតសម្ភារៈ ​ឬវត្ថុប្រើប្រាស់ផ្សេងៗ សម្រាប់ស្ដុកទឹក ឲ្យបានពីរដង ​ក្នុងមួយសប្ដាហ៍ ឬដាក់ថ្នាំអាបែត​ ត្រីប្រាំពីរពណ៌ ឬគ្របឲ្យបានត្រឹមត្រូវនូវពាង អាងទឹក ធុង ក្រឡ ថូផ្កា ចានទ្រជើងទូ។ល។

២. ត្រូវកំចាត់សត្វមូសខ្លា តាមរយៈ​រៀបចំសម្ភារៈ ក្នុងផ្ទះសំបែងឱ្យមាន​សណ្ដាប់ធ្នាប់ ធ្វើយ៉ាងណាឱ្យមានពន្លឺចាំងចូលក្នុងផ្ទះបានល្អ​ លុបបំបាត់កំប៉ូតព្រៃស៊ុបទ្រុបជុំវិញផ្ទះ ​និងចូលរួមសហការជាមួយភ្នាក់ងារសុខាភិបាល ​ក្នុងករណីមានការបាញ់​ថ្នាំសម្លាប់មូស។

៣. ត្រូវការពារខ្លួន កុំឲ្យមូសខ្លាញីខាំតាមរយៈ​ ការដេកក្នុងមុង (ទាំងថ្ងៃយប់) ស្លៀកពាក់ខោអាវវែង មិនត្រូវអង្គុយ ឬសំរាក​នៅកន្លែងដែលមិនមាន​ពន្លឺគ្រប់គ្រាន់នោះទេ។

៤. ត្រូវរូសរាន់ស្វែងរក សេវាថែទាំសុខភាព​ ដែលនៅជិតអ្នកបំផុត​ ដូចជា មណ្ឌលសុខភាព និងមន្ទីរពេទ្យ ក្នុងករណីក្រុមគ្រួសារណាម្នាក់ ​របស់អ្នកមានសញ្ញា ឬសញ្ញាណជំងឺ ​ដូចជាក្ដៅខ្លួន (ក្ដៅខ្លួនខ្លាំងភ្លាមៗ ៣៩អង្សាសេឡើង) និងសញ្ញា​បន្ទាប់បន្សុំផ្សេងទៀត​ ដូចជា មុខក្រហម ឈឺក្បាល ឈឺក្រោមក្រឡង់ភ្នែក ឈឺសាច់ដុំ ឬសន្លាក់ ​ឈឺខ្លួន ស្នាមកន្ទួលក្រហមជាដើម។

គ្រប់ករណីសង្ស័យជំងឺគ្រុនឈាម មិនត្រូវសាកល្បងព្យាបាលដោយខ្លួនឯង ឬការប្រើប្រាស់ថ្នាំប្រភេទ អាស្ពីរីនឬអ៊ីប៉ុយព្រូហ្វែន ជាដាច់ខាត និងមិនត្រូវស្វែងរក សេវាថែទាំសុខភាពណា ដែលមិនមានជំនាញវិជ្ជាជីវៈ ធ្វើការពិនិត្យព្យាបាលជំងឺគ្រុនឈាមឡើយ៕

 

ប្រតិភូ អាយ.ស៊ី. អរ.ស៊ី ចុះមើលសកម្មភាពរបស់អ្នកស្ម័គ្រចិត្តភូមិ ធ្វើការផ្សព្វផ្សាយពីការធ្វើចំណាកស្រុកដោយសុវត្តិភាព នៅភូមិចំនួន៤ នៃឃុំកំពែង ស្រុកគីរីវង់ ខេត្តតាកែវ

កក្រក៖ នៅថ្ងៃអង្គារ ៨កើត ខែអាសាឍ ឆ្នាំកុរ ព.ស ២៥៦៣ ត្រូវនឹងថ្ងៃទី ៩ ខែកក្កដា ឆ្នាំ២០១៩ នេះ លោក ម៉ម ដារ៉ូ អនុប្រធាន​ការិយាល័យ ស្តារទំនាក់ទំនងគ្រួសារ​ នៃនាយកដ្ឋាន​ទំនាក់ទំនង កាកបាទក្រហមកម្ពុជា បានអមដំណើរប្រតិភូ ​អាយ.ស៊ី. អរ.ស៊ី ចុះមើលសកម្មភាព​របស់អ្នកស្ម័គ្រចិត្តភូមិ ​ធ្វើការផ្សព្វផ្សាយ​ពីការធ្វើចំណាកស្រុកដោយសុវត្តិភាព ​ជូនដល់ប្រជាពលរដ្ឋ​សរុបចំនួន ១៤៩នាក់ ស្ថិតក្នុងភូមិចំនួន៤ នៃឃុំកំពែង ស្រុកគីរីវង់ ខេត្តតាកែវ។

ការចុះផ្សព្វផ្សាយនេះធ្វើឡើង​រយៈពេល២ថ្ងៃ ចាប់ពីថ្ងៃទី៨ ដល់ថ្ងៃទី ៩ ខែកក្កដា​ ឆ្នាំ២០១៩ ក្នុងគោលបំណង ផ្សព្វផ្សាយដល់ប្រជាពលរដ្ឋឱ្យ​ទទួលបានព័ត៌មានអំពី​សេវាកម្មស្តារទំនាក់ទំនងគ្រួសារ និងការផ្យព្វផ្សាយលើកកម្ពស់ការយល់ដឹងពីការធ្វើចំណាក​ស្រុកប្រកបដោយសុវត្តិភាព។

ក្រោយពីការផ្សព្វផ្សាយនេះរួចមក​ប្រជាពលរដ្ឋ បានយល់ដឹងពី​ព័ត៌មានការចំណាក​ស្រុកប្រកបដោយសុវត្តិភាព និងសេវាកម្មស្តារទំនាក់ទំនងគ្រួសារ។ ​ក្នុងនោះក៏មានប្រជាពលរដ្ឋចំនួន​៣គ្រួសារ បានដាក់ពាក្យសុំស្រាវជ្រាវរកកូនដែល​បាត់ដំណឹងដោយការធ្វើចំណាក​ស្រុកទៅធ្វើការនៅប្រទេសថៃផងដែរ៕

 

កិច្ចសម្ភាសន៍ស្តីពី «ការត្រៀមបង្ការ និងឆ្លេីយតបគ្រោះមហន្តរាយរបស់កាកបាទក្រហមកម្ពុជា» ជាមួយភ្នាក់ងារស្ថានីយ៍ទូរទស្សន៍ស៊ីអ៊ិនស៊ី (CNC)

កក្រក​ ៖​ នៅថ្ងៃអង្គារ ទី ៩ ខែកក្កដា​ ឆ្នាំ២០១៩ នេះ លោកជំទាវ​ ម៉ែន​ នារីសោភ័គ​ អគ្គលេខាធិការរងទី១​ កាកបាទក្រហមកម្ពុជា បានផ្តល់បទកិច្ចសម្ភាសន៍ស្តីពី «ការត្រៀមបង្ការ​ និងឆ្លេីយតបគ្រោះមហន្តរាយរបស់កាកបាទក្រហមកម្ពុជា​​» ជាមួយភ្នាក់ងារស្ថានីយ៍ទូ​រទស្សន៍​ស៊ីអ៊ិនស៊ី​ (CNC)​ ដែលកិច្ចសម្ភាសន៍នេះ​ប្រព្រឹត្តទៅ​នៅទីស្នាក់ការកណ្តាល​ កាកបាទក្រហមកម្ពុជា​។

បន្ទាប់ពីកិច្ចសម្ភាសន៍ខាងលេីនេះ​ លោកជំទាវ​អគ្គលេខា​ធិការរងទី​១​ បានបន្តផ្តល់កិច្ចសម្ភាសន៍​មួយផ្សេងទៀតស្តីពី​ «សមិទ្ធផលនៃការងារលេច​ធ្លោក្នុងរយៈពេល​ ៦ខែ​ ដេីមឆ្នាំ២០១៩​ និងផែនការអនុវត្តបន្ត​ ជាពិសេស​ ការត្រៀមបង្ការនិងឆ្លេីយ​តបគ្រោះទឹកជំនន់​ និងទប់ស្កាត់ការរីករាលដាល​នៃជំងឺគ្រុនឈាម»​ ជាមួយភ្នាក់ងារទូរទស្សន៍ហង្សមាស៕

 

យុវជនស្ម័គ្រនៃអនុសាខាកាកបាទក្រហមកម្ពុជា ស្រុកសៀមប៉ាង ដែលទើបតែបំពាក់កន្សែងចំនួន ២០នាក់ ក្នុងនោះស្រី១០នាក់ នាកន្លងទៅថ្មីៗនេះ បាននាំគ្នាដាំកូនឈើ នៅក្នុងបរិវេណនៃវិទ្យាល័យសៀមប៉ាង ខេត្តស្ទឹងត្រែង។

សាខាកក្រកខេត្តស្ទឹងត្រែង៖​ យុវជនស្ម័គ្រចិត្តកាកបាទក្រហមកម្ពុជា ​គឺជាកម្លាំងស្នូល​មិនអាចខ្វះ​បាន ដើម្បីសម្រេចបានគោលដៅ សកម្មភាពមនុស្សធម៌ ក្រោម​ប្រធានបទ « កាកបាទក្រហមកម្ពុជា មានគ្រប់ទីកន្លែង សម្រាប់គ្រប់ៗគ្នា - មិនទុកនរណាម្នាក់ចោល » ។

នាថ្ងៃ សៅរ៍ ៥កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ៦ ខែកក្កដា ឆ្នាំ២០១៩ យុវជនស្ម័គ្រនៃអនុសាខាកាកបាទក្រហមកម្ពុជា ស្រុកសៀមប៉ាង ​ដែលទើបតែបំពាក់​កន្សែងចំនួន ២០នាក់ ក្នុងនោះស្រី១០នាក់ នាកន្លង​ទៅថ្មីៗនេះ បាន​នាំគ្នាដាំកូនឈើ នៅក្នុង​បរិវេណនៃវិទ្យាល័យ​សៀមប៉ាង ខេត្តស្ទឹងត្រែង។

ក្នុងសកម្មភាពដ៏ល្អខាងលើនេះ​ ពួកគាត់ទាំង​អស់គ្នាមានគោលបំណង រួមចំណែកដល់ការអភិរក្ស និងការពារព្រៃឈើ ជួយឱ្យមានខ្យល់អាកាសបរិសុទ្ធធ្វើឲ្យផែនដី នឹងទីធ្លាសាលារៀនមាន​ភាពស្រស់ បំព្រងព្រមទាំងចូលរួមបណ្តុះគំនិតមិត្តអប់រំមិត្ត ​នៅក្នុងសាលាឱ្យមានទឹកចិត្តស្រឡាញ់ដើមឈើ​ថែរក្សាការពារព្រៃឈើ និងបរិស្ថានធម្មជាតិឲ្យបានគ្រប់ៗគ្នា​ ព្រមទាំងបន្តរួមគ្នាដាំកូនឈើ​នៅតាមសហគមន៍​ ទីអារាមសាលា ភូមិដ្ឋាន តាមដងផ្លូវ រមណីយដ្ឋាន ​និងកន្លែងផ្សេងៗទៀត ដើម្បីចូលរួម​ជាមួយរាជរដ្ឋាភិបាល​ក្នុងការការពារ ការអភិរក្ស និងជាប្រយោជន៍​ដល់ការរស់នៅរបស់ខ្លួនយើងផង សហគមន៍​យើងផង និងជីវិតសត្វព្រៃគ្រប់ប្រភេទ ព្រមទាំងប្រព័ន្ធជីវៈចម្រុះផងដែរ។

 

យុវជនកាកបាទក្រហមកម្ពុជា ជួយសម្រួលចរាចណ៍នៅ តាមស្តុបគោលដៅចំនួន៣ ក្នុងខេត្តព្រះសីហនុ។

សាខាកក្រកខេត្តព្រះសីហនុ ៖ នៅថ្ងៃអាទិត្យ​ ៦កើត ខែអាសាឍ ឆ្នាំកុរ ឯកស័ក ​ព.ស.២៥៦៣ ត្រូវនឹងថ្ងៃទី ៧ ខែ កក្កដា ឆ្នាំ២០១៩ សាខា​កាកបាទក្រហមកម្ពុជា ខេត្តព្រះសីហនុ បាន​ដឹកនាំកម្លាំងយុវជនកាកបាទក្រហមកម្ពុជា ក្នុងការ​ជួយសម្រួលចរាចណ៍នៅ​ចំណុចផ្លូវកែងស្តុបទៅតាម​ស្តុបគោលដៅចំនួន៣គឺ ស្តុបផ្សារពាណិជ្ជកម្ម ស្តុបកាល់តិច​ និងស្តុបផ្សារលើ ​ក្នុងខេត្តព្រះសីហនុ។

ការសម្រួលចរាចរណ៍នេះ ​មានការចូលរួមពីមន្ត្រីប្រតិបត្តិសាខា ​កងកម្លាំងប៉ូលីសចរាចរណ៍ លោកគ្រូ អ្នកគ្រូទីប្រឹក្សាយុវជន យុវជនកាកបាទក្រហម​កម្ពុជា ដែលមកពីវិទ្យាល័យ​ចំនួន៣ សរុបចំនួន ៤១នាក់ (ស្រី ២៣នាក់) ក្នុងគោលបំណង ដើម្បីប្រជាពលរដ្ឋ​យល់ដឹងជាមូលដ្ឋានអំពីច្បាប់​ចរាចរណ៍ផ្លូវគោកនៃ​ព្រះរាជាណាចក្រកម្ពុជា កាត់បន្ថយនូវ​អត្រាស្លាប់ និងរបួសដោយសារ​គ្រោះថ្នាក់ចរាចរណ៍ មិនបើកបរ​ក្រោមឥទ្ធិពលគ្រឿងស្រវឹង មានសុជីវធម៌ល្អ ​សីលធម៌ល្អ ចេះយោគយល់​អធ្យាស្រ័យគ្នាទៅវិញ​ទៅមក និងជាពិសេស​ក្នុងន័យសំដៅរួមគ្នាធ្វើឱ្យចរាចរណ៍ក្នុងខេត្ត ​ក៏ដូចជាក្នុងប្រទេស​យើងទាំងមូលមានរបៀបរៀប​រយ និងធ្វើដំណើរប្រកបដោយសុវតិ្ថភាពផងដែរ៕

 

សាខាកាកបាទក្រហមកម្ពុជា ខេត្តប៉ៃលិន ប្រគល់អណ្តូងទឹកស្អាតប្រភេទអាហ្រ្វីដេហ្វ ជូនប្រជាពលរដ្ឋ នៅភូមិព្រៃមង្គល់ សង្កាត់អូរតាវ៉ៅ

សាខាកក្រកខេត្តប៉ៃលិន​ ៖​ នៅថ្ងៃសៅរ៍ ៥កើត ខែអាសាធ ឆ្នាំកុរ ឯកស័ក ព.ស ២៥៦៣ ត្រូវទី០៦ ខែកក្កដា ឆ្នាំ២០១៦៩ នេះ ​លោកជំទាវ ពៅ សុខ​ អនុប្រធានគណៈកម្មាធិការ​សាខាកាកបាទក្រហមកម្ពុជា​ ខេត្តប៉ៃលិន​ និងឯកឧត្តម​ ផាន់ ចាន់ធុល រួមដំណើរ​ដោយសមាជិកសមាជិកាសាខា អនុសាខាក្រុងប៉ៃលិន និងសហការី​ បានអញ្ជើញប្រគល់​អណ្តូងទឹកស្អាតប្រភេទ​អាហ្រ្វីដេហ្វចំនួន​ ១ ជាអំណោយកាកបាទក្រហមកម្ពុជា​ ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន​ ជូនប្រជាពលរដ្ឋ និងសិស្សានុសិស្សប្រមាណ​ ៤០០នាក់ រស់នៅភូមិព្រៃមង្គល់​ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។

ក្នុងឱកាសនោះ​ លោកជំទាវ​អនុប្រធានគណៈកម្មាធិការសាខា​ មានប្រសាសន៍ឱ្យដឹងថា អណ្តូងទឹកស្អាត១នេះ មានលេខរៀងទី២៧ ហើយ អណ្តូងនីមួយៗ មានជម្រៅ​ ៤០ម៉ែត្រ ដល់៥០ម៉ែត្រ និងមានកម្ពស់ទឹកមធ្យម ៦ម៉ែត្រគូប​ និងធាទឹក៤ម៉ែត្រគូប។​ ទន្ទឹមនឹងនោះ លោកជំទាវ​ បានពាំនាំប្រសាសន៍​ផ្ញើសួរសុខទុក្ខ និងក្តីនឹករលឹកពីសំណាក់ លោកជំទាវ​ បាន ស្រីមុំ​ ប្រធានគណ:កម្មាធិការ​សាខា ជាពិសេសសម្តេចកិត្តិព្រឹទ្ធបណ្ឌិត​ ប៊ុន រ៉ានី​ ហ៊ុនសែន​ ប្រធានកាកបាទក្រហមកម្ពុជា​ ដែលជានិច្ចកាលសម្តេចបានយកចិត្តទុកដាក់ចំពោះប្រជាពលរដ្ឋ ហើយបានចាត់ឲ្យក្រុមការងារ​ចុះធ្វើ និងប្រគល់ឲ្យភ្លាមៗ ដើម្បីដោះស្រាយ និងឆ្លើយតបទៅនឹងសំណូមពររបស់ប្រជាពលរដ្ឋ​ ដោយមិនឲ្យពួកគាត់ទន្ទឹង​ចាំយូរឡើយ។ ជាមួយគ្នានោះ​ លោកជំទាវ​ បានសំណូមពរដល់បងប្អូនប្រជាពលរដ្ឋ សូមចូលរួមចំណែកទាំងអស់គ្នា​ ថែរក្សាអណ្តូងថ្មីនេះឲ្យបានគង់វង្ស និងប្រើប្រាស់បានយូរអង្វែង ហើយអណ្តូងទាំងនេះក៏មិនមែនសមិទ្ធផល​ចុងក្រោយនោះទេ ពីព្រោះនេះជាយុទ្ធសាស្រ្តត្រៀមបង្ការ ដែលជា​ចក្ខុវិស័យ​យូរអង្វែងរបស់​កាកបាទក្រហមកម្ពុជា៕

 

សាខាកាកបាទក្រហមកម្ពុជា ខេត្តកោះកុង ចុះសួរសុខទុក្ខ គ្រួសាររងគ្រោះដោយសារខ្យល់កន្ទ្រាក់នៅភូមិតាចាត ឃុំទួលគគីរ ស្រុកមណ្ឌលសីមា

សាខាកក្រក ខេត្តកោះកុង ​៖ នាល្ងាចថ្ងៃសៅរ៍ ​៥កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី​ ៦ ខែកក្កដា ឆ្នាំ២០១៩ សាខា​កាកបាទក្រហមកម្ពុជា​ ខេត្តកោះកុង​ ដឹកនាំដោយ​ លោកជំទាវ មិថុនា ភូថង ប្រធានគណៈកម្មាធិការសាខា ​និងសហការី​ បានអញ្ជើញចុះសួរសុខទុក្ខ និងនាំ​យកអំណោយ​មនុស្សធម៌ទៅចែកជូនគ្រួសាររងគ្រោះ​ដោយសារខ្យល់កន្ទ្រាក់ចំនួន​ ២៩គ្រួសារ (ក្នុងនោះរស់នៅ ​ភូមិ២ ឃុំពាមក្រសោប ២៦គ្រួសារ និងភូមិតាចាត​ ឃុំទួលគគីរ ចំនួន០៣គ្រួសារ) នៃស្រុក​មណ្ឌលសីមា ខេត្តកោះកុង។

ក្នុងឱកាសនោះដែរ ​លោកជំទាវប្រធានគណៈកម្មាធិការសាខា​ បានពាំនាំ​នូវប្រសាសន៍ផ្តាំផ្ញើសួរសុខទុក្ខ និងសោកស្តាយពីសំណាក់​ សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចជាកាលសម្តេច ​តែងតែ​គិតគូរអំពីសុខទុក្ខរបស់បងប្អូន​ប្រជាពលរដ្ឋនៅគ្រប់ទីកន្លែង ​ដោយមិនមានការប្រកាន់ ពូជសាសន៍ ពណ៌សម្បុរ និន្នាការនយោបាយអ្វីឡើយ។​ ជាមួយគ្នានេះ​ លោកជំទាវ បានអំពាវនាវដល់បងប្អូន​ប្រជាពលរដ្ឋទាំងអស់​ ពិសេសបងប្អូនប្រជានេសាទ​ ត្រូវមានការប្រុងប្រយ័ត្នខ្ពស់​ពីបាតុភូតខ្យល់កន្ត្រាក់ ផ្គរ រន្ទះ រលក សមុទ្រធំៗ​ខ្ពស់ៗ។ ទន្ទឹមនឹងនេះ​ បងប្អូនប្រជាពលរដ្ឋថែទាំសុខភាពឱ្យបានល្អ ជាពិសេសទៅលើកុមារតូចៗ​ ត្រូវស្លៀក​ខោអាវវែង និងគេងនៅក្នុង​មុងជ្រលក់ថ្នាំដើម្បីការពារជំងឺគ្រុនឈាមដែលកំពុងរីករាលដាល​ ព្រមទាំងចេះសម្អាត​អនាម័យជុំវិញខ្លួន និងចូលរួមគោរព​ច្បាប់ចរាចរណ៍ទាំងអស់គ្នា។

គ្រួសារនីមួយៗទទួលបាន​ ៖ អង្ករចំនួន ២៥គីឡូក្រាម ​មី១កេស ត្រីខ១០កំប៉ុង ប្រេងឆា១ឡូ តង់១ និងអាវយឺត២។ ដោយឡែក​ ហ្វីប្រូស៊ីម៉ង់​ ៧៥២សន្លឹក និងស័ង្កសី ២២សន្លឹក ព្រំ១០គូរ ឆ្លើយតប ទៅតាមទំហំនៃការខូចខាតរបស់​គ្រួសាររងគ្រោះនីមួយៗ៕

 

កម្មវិធីសំណេះសំណាល និងចែករំលែកបទពិសោធន៍របស់យុវជនដែលបានទៅចូលរួមកិច្ចប្រជុំ បោះជំរំ និងទស្សនកិច្ចសិក្សានៅក្រៅប្រទេស

កក្រក ៖ នៅព្រឹកថ្ងៃសៅរ៍ ​៥កើត ខែអាសាធ ឆ្នាំកុរ ​ឯកស័ក ព.ស.២៥៦៣ ត្រូវនឹងថ្ងៃទី​ ៦ ខែកក្កដា ឆ្នាំ២០១៩ នៅទីស្នាក់ការកណ្ដាល​កាកបាទក្រហមកម្ពុជា ដែលមាន​សម្ដេចកិត្តិព្រឹទ្ធបណ្ឌិត ប៊ុន រ៉ានី​ ហ៊ុនសែន ជាប្រធាន បានរៀបចំកម្មវិធីសំណេះសំណាល ​និងចែករំលែកបទពិសោធន៍​របស់យុវជនដែលបានទៅចូលរួម​កិច្ចប្រជុំ បោះជំរំ និងទស្សនកិច្ច​សិក្សានៅក្រៅប្រទេស​ ចាប់ពីឆ្នាំ២០១៦​-២០១៩ ចំនួន១២នាក់​ ក្រោមអធិបតីភាព ឯកឧត្តម ពិត ចំណាន សមាកជិកគណៈកម្មាធិការកណ្ដាល ​និងជាអនុប្រធានអចិន្ត្រៃយ៍​ក្រុមការងារទ្រទ្រង់សកម្មភាពយុវជន​ និងអ្នកស្ម័គ្រចិត្ត កាកបាទក្រហមក​ម្ពុជា និងលោកជំទាវ ម៉ែន នារីសោភ័គ ​អគ្គលេខាធិការរងទី១​ កាកបាទក្រហមកម្ពុជា។

ក្រោយពីបានស្ដាប់ការធ្វើបទបង្ហាញ​របស់យុវជន​ទាំង១២នាក់ ឯកឧត្តម ពិត ចំណាន​ បានពាំនាំនូវប្រសាសន៍ផ្ដាំផ្ញើសួរសុខទុក្ខ ​និងសេចក្ដីកោតសរសើរ ពីសម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ព្រមទាំងបានផ្ដល់នូវ​អនុសាសន៍សំខាន់ៗមួយចំនួន​ជូនដល់យុវជនដែលមានវត្តមាន​ក្នុងពិធីនោះរួមមាន៖
១- បន្ដលើកកម្ពស់នូវវប្បធម៌​ចែករំលែក មិត្តអប់រំមិត្ត​ អ្នកចេះច្រើនបង្រៀន​អ្នកចេះតិច អ្នកចេះតិចបង្រៀនអ្នកមិន​ចេះសោះ ទៅកាន់សិស្ស ​និស្សិត និងយុវជន កក្រក នៅក្នុង​សាកលវិទ្យាល័យ និងសហគមន៍នានា។ 
២- សូមឱ្យក្មួយៗបន្តជួយ​ជាគំនិត និង​រួមគ្នាគិត រួមគូរ និងរួមធ្វើទាំងអស់គ្នា ប្រកប​ដោយភាពស្វាហាប់ ​និងច្បាស់លាស់៕

 

កាកបាទក្រហមកម្ពុជា ប្រគល់ថវិកាដែលជាជំនួយឧបត្ថម្ភបន្ថែម របស់សាខាកាកបាទក្រហមកម្ពុជា ខេត្តព្រះសីហនុជូនដល់ជនរងគ្រោះ និងគ្រួសាររងគ្រោះទាំងរបួស និងបាត់បង់ជីវិត នៅខេត្តស្ទឹងត្រែង ៖

សាខាកក្រកស្ទឹងត្រែង ៖ នៅរសៀលថ្ងៃសៅរ៍ ​៥កើត ខែអាសាឍ ឆ្នាំកុរ ឯកស័ក ព.ស. ២៥៦៣​ ត្រូវនឹងថ្ងៃទី៦ ខែកក្កដា ឆ្នាំ២០១៩ នេះ​ លោក សាយ ព្រលឹង នាយក សាខាកាកបាទក្រហម​កម្ពុជាខេត្តស្ទឹងត្រែង បានប្រគល់ថវិកាដែលជា​ជំនួយឧបត្ថម្ភបន្ថែម របស់​សាខាកាកបាទក្រហមកម្ពុជា ​ខេត្តព្រះសីហនុ​ជូនដល់ជនរងគ្រោះ និងគ្រួសាររងគ្រោះទាំងរបួស និងបាត់បង់ជីវិត ចំនួន ៥នាក់ ៖
១. ឈ្មោះ ចន រឿន =ស្លាប់ 
២. ឈ្មោះ ឡៃ តៃ =ស្លាប់ 
៣. ឈ្មោះ សាត ប៊ុនធី =ស្លាប់ 
៤. ឈ្មោះ ចន ពៅ =របួស 
៥. ឈ្មោះ រី ប្រុស =របួស 
ដែលបានរងគ្រោះក្នុងហេតុការណ៍​រលំបាក់អាគារ នៅ​ឯក្រុងព្រះសីហនុ កាលពីព្រឹក​ថ្ងៃទី ២២ ខែមិថុនា ឆ្នាំ២០១៩ កន្លងទៅ ។
ឆ្លៀតក្នុងឱកាសនោះ​ លោកនាយក ក៏បានមាន​ប្រសាសន៍ថា នេះជាថវិការបស់​សាខា កាកបាទក្រហមកម្ពុជា ខេត្តព្រះ សីហនុ ព្រមទាំង​សប្បុរសជនបានផ្តល់ជូនតាម រយៈសាខា​ខេត្តស្ទឹងត្រែង បន្ថែមពី​ជំនួយឧបត្ថម្ភរបស់កាកបាទក្រហមកម្ពុជា ​ជូនដល់ជនរងគ្រោះ​សូមបងប្អូនទាំងអស់​ប្រើប្រាស់ថវិកា​ទាំងនេះសម្រាប់ជីវភាពប្រចាំថ្ងៃនឹង បង្កើតមុខ​របរបន្ថែមដើម្បីប្រើប្រាស់ថវិកានេះ ​ឱ្យបានរយៈពេល​យូរនឹងចៀសវាង​ឱ្យឆ្ងាយពី ល្បែងស៊ីសងគ្រប់ប្រភេទ​ ដែលធ្វើវិនាសនឹងបាត់បង់ថវិកា។

ថវិកា ការ ដែល ផ្ដល់ ជូន​ នៅពេល នោះ៖
+ គ្រួសារនៃសពចំនួន ៣គ្រួសារ ​ទទួលបានថវិការបស់សាខា​កាកបាទក្រហមកម្ពុជា ​ខេត្តព្រះសីហនុ ចំនួន ១,៥០០ដុល្លារ សម្ព័ន្ធ​ក្រុមហ៊ុនចិន តំណាងដោយ Cambojop.com​ ចំនួន ១៥០ដុល្លារសរុប​គ្រួសារនីមួយៗទទួលបានថវិកាចំនួន ១,៦៥០ដុល្លារ។

+ ជនរងរបួសចំនួន ២នាក់​ ក្នុងម្នាក់ទទួលបាន​ថវិកា របស់សាខា​កាកបាទក្រហម​កម្ពុជា ខេត្ត ព្រះសីហនុ ចំនួន ១,០០០ដុល្លារ។

 

First Prev 6 7 8 9 10 Next Last