អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

ពិធីសម្ពោធដាក់ឱ្យ ប្រើប្រាស់អគារទីស្នាក់ការអនុសាខាកាកបាទក្រហមកម្ពុជា ស្រុកបន្ទាយស្រី

សាខាកក្រកខេត្តសៀមរាប៖ នៅព្រឹកថ្ងៃទី ២៣ ខែកញ្ញា ឆ្នាំ២០១៧ ​សាខា​កាកបាទក្រហម​កម្ពុជា ខេត្តសៀមរាប​ បានប្រារព្ធ​ពិធីសម្ពោធ​ដាក់ឱ្យ​ ប្រើប្រាស់​អគារទី​ស្នាក់ការ​អនុសាខា​កាកបាទក្រហម​កម្ពុជា​ ស្រុកបន្ទាយស្រី ដែលស្ថិត​នៅភូមិ​បន្ទាយស្រី ឃុំខ្នារសណ្ដាយ (ជាប់សាលាស្រុក) ដោយមានការ​អញ្ជើញ​ចូលរួមជាគណៈអធិបតី​មាន ឯកឧត្តមបណ្ឌិត ឃឹម ប៊ុនសុង ប្រធានគណៈកម្មាធិការ​សាខា ឯកឧត្តម​អ្នកឧកញ៉ា សៀង ណាំ ប្រធាន​កិត្តិយសសាខា ព្រមទាំង​ឯកឧត្តម លោកជំទាវ លោក លោកស្រី អនុប្រធាន​កិត្តិយស អនុប្រធាន សមាជិក សមាជិកា គណៈកម្មាធិការ​សាខា​ផងដែរ។ ភ្ញៀវកិត្តិយស សមាជិក សមាជិកា អង្គពិធីអញ្ជើញ​មកពីមន្ទីរ អង្គភាព​ជុំវិញ​ខេត្ត តាជី យាយជី ប្រជាពល​រដ្ឋតំណាង​ឃុំទាំង៦​ក្នុងស្រុក​បន្ទាយស្រី អ្នកស្ម័គ្រចិត្ត យុវជនកាកបាទក្រហម​កម្ពុជា និងសិស្សានុ​សិស្ស សរុបជាង ៥០០នាក់។

 

មានប្រសាសន៍នាឱកាសនោះ ឯកឧត្តមបណ្ឌិត​ប្រធាន​គណៈកម្មាធិការ សាខាបាន​ឱ្យដឹងថា អគារ​ទីសា្នក់អនុសាខា​កាកបាទក្រហមកម្ពុជា ស្រុកបន្ទាយស្រី ដ៏ថ្មីស្រឡាង គឺជាសមិទ្ធផលទី៥ របស់​សាខា​កាកបាទក្រហមកម្ពុជា ខេត្តសៀមរាប ដែលត្រូវបាន​ដំណើរការ​សាងសង់​តាំងពីខែ​ឧសភា និងរួច​រាល់ជាស្ថាពរនៅដើមខែកញ្ញា ឆ្នាំ២០១៧។ អគារនេះ​មានក្រឡាផ្ទៃសរុប ១៣៦ម៉ែត្រការ៉េ និងត្រូវបានសាងសង់លើផ្ទៃដីទំហំ ៦៩០ម៉ែត្រការ៉េ ដើម្បី​ប្រតិបត្តិការ​មនុស្សធម៌​ជួយសង្គ្រោះ និងជួយ​សម្រាលទុក្ខ​លំបាក​របស់ប្រជាពលរដ្ឋ​រងគ្រោះ និងងាយ​រងគ្រោះ ស្រប​បាវចនា “ធ្វើឱ្យកាន់តែ​ច្រើនជាងមុន ធ្វើឱ្យកាន់​តែល្អជាងមុន ធ្វើឱ្យកាន់តែស៊ីជម្រៅ​ជាងមុន និងទៅឱ្យ​កាន់តែ​ឆ្ងាយជាងមុន” ។

 

ជាមួយគ្នានេះដែរ សប្បុរសជន​ដែល​អញ្ជើញមក​ក្នុងពិធីសម្ភោធ​ដាក់ឱ្យ ប្រើប្រាស់​អនុសាខាកាកបាទក្រហមកម្ពុជា ស្រុក​បន្ទាយស្រីនេះ បានចូលរួម​ថវិកា សរុបប្រមាណ ៤,២២០ ដុល្លា​អាមេរិក និង៩០ម៉ឺនរៀល ប្រគល់​ជូនអនុសាខា ស្រុក​បន្ទាយស្រី ដើម្បីចាត់ចែងនិង​ទ្រទ្រង់សកម្មភាព​មនុស្សធម៌​ក្នុងភូមិសាស្ត្ររបស់ខ្លួន។

 

ប្រជាជនរងគ្រោះដោយអគ្គីភ័យនៅភូមិនិមិត្តទទួលអំណោយពីកាកបាទក្រហមកម្ពុជា

កក្រក​ ៖​ នៅសៀលថ្ងៃទី​ ២២​ ខែកញ្ញា​ ឆ្នាំ២០១៧​ នេះ​ កាកបាទក្រហមកម្ពុជា​ ដែលមានសម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ បានជួយឧបត្ថម្ភគ្រឿងឧបភោគ-បរិភោគ​ សម្ភារៈប្រើប្រាស់​ និងថវិកា​មួយចំនួន​ ក្នុងឱកាសចុះ​សួរសុខទុក្ខគ្រួសារ​លោក​ ប៉ាល់​ សេដ្ឋា​ អាយុ​ ៦៥ឆ្នាំ​ អតីតចៅសង្កាត់​និមិត្ត​ ដែលមានប្រពន្ធ​និងកូនក្នុង​បន្ទុកគ្រួសារ​ ៩នាក់​ ហើយបាន​ទទួលរងគ្រោះ​ភ្លើងឆេះផ្ទះ​បណ្តាលឱ្យ​បាត់បងទ្រព្យសម្បត្តិ​ កាលពីថ្ងៃទី​ ១៨​ ខែកញ្ញា​ ឆ្នាំ២០១៧​ នៅភូមិនិមិត្ត​មួយ​ សង្កាត់និមិត្ត​ ក្រុងប៉ោយប៉ែត​ ខេត្តបន្ទាយមានជ័យ។

 

ក្នុងឱកាសនោះ​ ឯកឧត្តម​ លី​ សារី​ ប្រធាន​គណៈកម្មាធិការ​សាខា​កាកបាទក្រហម​កម្ពុជា​ ខេត្តបន្ទាយមានជ័យ​ បានពាំនាំ​ប្រសាសន៍ ​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ដែលផ្តាំផ្ញើសួរ​សុខទុក្ខ​ ក្តីអាណិត​អាសូរ និង​ការសោកស្តាយ​ ចំពោះឧបទ្ទវហេតុ​ដែលបាន​បំផ្លាញ​លំនៅដ្ឋាន និងទ្រព្យសម្បត្តិរបស់គ្រួសាររងគ្រោះ​ ព្រមទាំងអំពាវនាវសូមមានការ​ប្រុងប្រយ័ត្ន​ចំពោះការប្រើប្រាស់ភ្លើង និងចរន្តអគ្គិសនី ដែលជាប្រភព​នៃគ្រោះថ្នាក់ និងបានលើកទឹកចិត្តសូម​កុំអស់សង្ឃឹម ហើយប្រឹងប្រែង​ប្រកបរបរ​ចិញ្ចឹមជីវិត ដើម្បី​ស្តារសេដ្ឋកិច្ចគ្រួសារឡើងវិញ ព្រោះអំណោយ​មនុស្សធម៌ដែល​បានផ្តល់​ជូនពេលនេះ អាចជួយសម្រាលការលំបាកបានមួយរយៈដែរ។

 

លោក​ ប៉ាល់​ សេដ្ឋា​ និងក្រុមគ្រួសារ​ បាន​ថ្លែងអំណរគុណ​យ៉ាង​ជ្រាលជ្រៅចំពោះ សម្តេចកិត្តិព្រឹទ្ធបណ្ឌិតប្រធាន​កាកបាទក្រហមកម្ពុជា ដែលបាន​គិតគូរ មានក្តីមេត្តា ករុណា និងទឹកចិត្តជ្រះថ្លា ជួយដោះស្រាយ​ទុក្ខលំបាកដល់​ប្រជាជនរងគ្រោះ​ជួបការលំបាក​បានទាន់​ពេលវេលា​ ដោយគ្មាន​ការរើសអើង​ ប្រកាន់វណ្ណៈ ពូជសាសន៍ ព័ណ៌សម្បុរ ឬនិន្នាការ​នយោបាយអ្វីឡើយ៕

 

លោកស្រី ប៉ូ ស្រីគង់មានជំងឺរលាកលំពែង ដុំក្នុងថ្លើមទទួលអំណោយពីកាកបាទក្រហមកម្ពុជា

កក្រក​ ៖​ នៅព្រឹកថ្ងៃទី ២២​ ខែកញ្ញា ឆ្នាំ២០១៧ នេះ កាកបាទក្រហមកម្ពុជា  ដែលមាន ​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន​ បានឧបត្ថម្ភ​ថវិកា​ និងគ្រឿងឧបភោគ-បរិភោគ​មួយចំនួន ជូនលោកស្រី​ ប៉ូ​ ស្រីគង់​ មានជំងឺរលាកលំពែង ដុំក្នុងថ្លើម និងពោះវៀនដុះខ្នែង ដែលទើបបានវះកាត់ព្យាបាលរួចនៅមន្ទីរពេទ្យសហគមន៍នៃក្តីសង្ឃឹម​ ឬពេទ្យសម្តេចឪ​ រាជធានីភ្នំពេញ។

 

លោកស្រី​ ប៉ូ​ ស្រីគង់​ កំព្រាឪពុក-ម្តាយ​ តាំងពីតូច​ដោយសារ​របប​ ប៉ុល​ ពត​ បច្ចុប្បន្នមានបន្ទុកចិញ្ចឹមកុមារកំព្រាប្រមាណ​ ៣០នាក់​ នៅសមាគម​ស្នាមញញឹម​ថ្មីនៃក្តី​សង្ឃឹមរបស់កុមារ​ ស្ថិតនៅភូមិក្រសាំង​ ឃុំជើងកើប​ ស្រុកកណ្តាលស្ទឹង​ ខេត្តកណ្តាល។

 

ក្នុងឱកាសនោះ​ លោកជំទាវ​ ម៉ែន នារីសោភ័គ អគ្គលេខាធិការ​រងទី ១ កាកបាទក្រហម​កម្ពុជា បាន​ពាំនាំនូវប្រសាសន៍​របស់ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើ​នូវការសួរ​សុខទុក្ខ និងក្តីអាណិតអាសូរ ចំពោះ​លោកស្រី​ ប៉ូ​ ស្រីគង់​ និងសូមផ្តាំផ្ញើ​ឱ្យយកចិត្តទុក​ដាក់ថែទាំសុខភាព​ឱ្យបានល្អ​ គោរពតាមវេជ្ជបញ្ជា​គ្រូពេទ្យ​ និងជូនពរ​ឆាប់បាន​ជាសះស្បើយ​ដើម្បីបន្ត​ផ្តល់ភាពកក់ក្តៅ​ និង​ក្តីសង្ឃឹម​ដល់ក្មេងៗ​កំព្រា​ក្នុងបន្ទុក។

 

លោកស្រី​ ប៉ូ​ ស្រីគង់​ និងក្រុមគ្រួសារ​ ដែលមកទទួលអំណោយ​នាពេលនោះ បានសំដែងក្តីរំភើប និងដឹងគុណយ៉ាងជ្រាលជ្រៅ ចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានគិតគូរជួយសម្រាលទុក្ខលំបាកដល់​ប្រជាពលរដ្ឋ​រងគ្រោះជួបការលំបាក ដោយគ្មាន​ការរើសអើង ប្រកាន់វណ្ណៈ ពូជសាសន៍ ពណ៌សម្បុរ ឬនិន្នាការ​នយោបាយអ្វីឡើយ៕

 

ប្រជាពលរដ្ឋងាយរងគ្រោះស្រុកសំរោងទងទទួលអំណោយពីសាខាកក្រកខេត្តកំពង់ស្ពឺ

សាខាកក្រកខេត្តកំពង់ស្ពឺ ៖ កាលពីព្រឹកថ្ងៃទី ១៨ ខែកញ្ញា ឆ្នាំ ២០១៧ នេះសាខាកាកបាទក្រហមកម្ពុជា ខេត្តកំពង់ស្ពឺ​ ដឹកនាំដោយ លោកវេជ្ជៈបណ្ឌិត អោ វណ្ណថេន អនុប្រធានគណៈកម្មាធិកាសាខា និងសហការី បានអញ្ចេីញចុះសួរសុខទុក្ខ​និងនាំ​យកអំណោយ​មនុស្សធម៌​របស់កាកបាទក្រហម​កម្ពុជា ចែកជូន​បងប្អូនប្រជាពលរដ្ឋងាយ​រងគ្រោះចំនួន ៥៣គ្រួសារ​ក្នុងឃុំចំនួន២ ស្រុកសំរោងទង ខេត្តកំពង់ស្ពឺ។

 

ក្នុងឱកាសនោះដែរ លោកវេជ្ជបណ្ឌិត បានពាំនាំនូវប្រសាសន៌​ផ្តាំផ្ញើ​សាកសួរ​សុខទុក្ខ​និងក្តីនឹក​រលឹកពីសំណាក់​សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាល​​     សម្តេច​តែងតែគិតគូរ​ពីសុខទុក្ខ​របស់​បងប្អូន​ប្រជាពលរដ្ឋ​ក្រីក្រមាន
ទុក្ខលំបាក និង​ជនងាយ​រងគ្រោះ​ដោយគ្រោះ​មហន្តរាយ​ផ្សេងៗ ដោយ​មិនប្រកាន់រើសអើង​ជាតិសាសន៌     វណ្ណៈ ពណ៌សម្បុរ ឫនិន្នាការ​នយោបាយ​អ្វីឡើយ ហើយ​សូមឲ្យបងប្អូន​ប្រជាពលរដ្ឋ ខិតខំ​ថែរក្សា​សុខភាពឲ្យបានល្អ ​និងរស់នៅ​ប្រកបដោយ​អនាម័យ ដោយប្រកាន់​ខ្ជាប់នូវ ហូបស្អាត ផឹកស្អាត
និងរស់នៅស្អាត។

 

អំណោយដែល​បានផ្តល់ជូនក្នុ​ង១គ្រួសារៗរួមមាន ៖ អង្ករ ២៥គីឡូក្រាម មី ១កេស ត្រីខ ១០កំប៉ុង ប្រេងឆា ១ដប
ទឹកត្រីទឹកស៉ីអុីវ ១យួរ ទឹកដោះគោខាប់ ១កំប៉ុង នំធុង ១ធុង និងថវិកាចំនួន ២០,០០០រៀលផងដែរ៕

 

សកម្មភាពអប់រំផ្សព្វផ្សាយអំពីសុវត្ថិភាពចរាចរណ៍នៅខេត្តសៀមរាប

សាខាកក្រក​ខេត្តសៀមរាប៖ នៅថ្ងៃទី ១៧ ខែកញ្ញា ឆ្នាំ២០១៧ យុវជន​កាកបាទក្រហម​កម្ពុជា ​វិទ្យាល័យ​ហ៊ុនសែន​ស្វាយធំ ចំនួន ២០នាក់ បានកិច្ចសហការ​ជាមួយ​ការិយាល័យ​ចរាចរណ៍​ផ្លូវគោក​ខេត្តសៀមរាប​ចុះអប់រំផ្សព្វផ្សាយ ចែកខិតប័ណ្ណសុវត្ថិភាព​ចរាចរណ៍​នៅទីប្រជុំ​ជនផ្សារ​លើធំថ្មី ។


ការអប់រំ​ផ្សព្វផ្សាយ​នេះក្នុង​គោលបំណង ចូលរួម​កាត់បន្ថយ​អត្រា គ្រោះថ្នាក់​ចរាចរណ៍ ស្លាប់ របួស និងពិការ ដោយសារ​គ្រោះថ្នាក់​ចរាចរណ៍ ជាពិសេស គឺប្រជាពលរដ្ឋ​ត្រូវពាក់​មួកសុវត្ថិភាព​បានត្រឹមត្រូវ និងត្រូវធ្វើដំណើរ​ដោយប្រុងប្រយ័ត្ន​នារដូវ​បុណ្យភ្ជុំបិណ្ឌ​ផងដែរ។

អ្នកជំងឺសម្រាកព្យាបាលនៅមន្ទីរពេទ្យ បង្អែកទទួលអំណោយពីសាខាកក្រកខេត្តស្ទឹងត្រែង

សាខាកក្រក ខេត្តស្ទឹងត្រែង ៖ នាព្រឹកថ្ងៃទី ១៥ ខែកញ្ញា ឆ្នាំ២០១៧ ឯកឧត្តម ម៉ុម សារឿន ប្រធានកិត្តិយស​សាខា​កាកបាទក្រហមកម្ពុជា​ខេត្តស្ទឹងត្រែង​ និងសហការី ​បានអញ្ជើញចុះ​សាកសួរ​សុខទុក្ខ​ និង ផ្តល់​អំណោយ​មនុស្សធម៌​ជូនដល់​អ្នកជំងឺ​ផ្នែកសម្ភព​ចំនួន ២០នាក់ និងផ្នែក​កុមារ ចំនួន ៤៣នាក់​ ដែលកំពុង​សម្រាក​ព្យាបាល​នៅមន្ទីរពេទ្យ បង្អែកខេត្តស្ទឹងត្រែង ។

 

ក្នុងឱកាសនោះដែ​រ ឯកឧត្តម​ប្រធានកិត្តិយស ព្រមទាំង​សហការី បានអញ្ជើញ​ជួបផ្ទាល់​តាមគ្រែ​របស់អ្នកជំងឺ ដោយ​បានពាំនាំ​នូវប្រសាសន៍​របស់ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើ​ការសួរ​សុខទុក្ខ យកចិត្ត​ទុកដាក់ និងគិតគូរ​ចំពោះអ្នកជំងឺ​ទាំងអស់ ព្រមទាំងផ្តាំ​ផ្ញើសូមថែរក្សា​សុខភាព​ឱ្យបាន​ល្អ មានអនាម័យស្អាត​ក្នុងការបរិភោគ-រស់នៅ ពិសេស ត្រូវជៀសវាង​ការប្រើប្រាស់​គ្រឿងញៀន ពិសាបារី និងសេព​គ្រឿងស្រវឹង ដែលជាហេតុ​នៃអំពើហិង្សា និងធ្វើ​ឱ្យសុខភាព​ចុះខ្សោយ សេដ្ឋកិច្ច​គ្រួសារធ្លាក់ចុះ។

 

ជាមួយគ្នានេះ សូម​ប្រជាពលរដ្ឋ​ទាំងអស់ ចូលរួម​គោរពច្បាប់​ចរាចរណ៍ដោយ​ពាក់មួក​សុវត្ថិភាព​ឱ្យបានត្រឹមត្រូវ កុំបើកបរក្រោមឥទ្ធិពលនៃគ្រឿងស្រវឹង។ល។ ទន្ទឹមនឹងនេះ ឯកឧត្តម​បាន​ថ្លែងអំណរគុណ​ចំពោះ​ក្រុមគ្រូពេទ្យ ដែលបានខិតខំយកចិត្តទុកដាក់ព្យាបាលអ្នកជំងឺ អស់ពី​សមត្ថភាព ​មានវិជ្ជាជីវៈច្បាស់លាស់ និងពោរពេញ​ដោយក្តីមេត្តា ករុណា មនុស្សធម៌ចំពោះអ្នកជំងឺ។

 

អំណោយផ្តល់​ជូនរួមមានៈ ត្រីខ១យួរ មី០១កេស ទឹកដោះគោខាប់ ០៥កំប៉ុង ស្ករស០១គ.ក្រ ឃីត០១កញ្ចប់ ថវិកាមួយ​ចំនួនផ្តល់​ថវិកាជូន​ដល់ក្រុម​គ្រូពេទ្យ ចំនួនផងដែរ ។

 

គ្រួសាររងគ្រោះដោយខ្យល់កន្រ្តាក់ឃុំជ្រៃលាស់ទទួលអំណោយពីសាខាកក្រកខេត្តកណ្តាល

សាខា កក្រក ខេត្តកណ្តាល ៖  ព្រឹកថ្ងៃទី ១៤ ខែ កញ្ញា ឆ្នាំ២០១៧ សាខា​កាកបាទក្រហម​កម្ពុជា​ខេត្ត     កណ្តាល ដឹកនាំ​ដោយ​ឯកឧត្តម ហាក់ ប៊ុនធឿន ​អនុប្រធាន​គណៈកម្មាធិការ​សាខា និង​ជាតំណាង​ឯកឧត្តម ជាវ តាយ ប្រធាន​គណៈកម្មាធិការ​សាខា ​ព្រមទាំង​សហការី​ និង ក្រុមការងារ​អនុសាខា​កាកបាទក្រហមស្រុក ឃុំ បានចុះសួរ​សុខទុក្ខ និងនាំយក​អំណោយ​មនុស្សធម៌​ទៅផ្តល់ជូន​ប្រជាពលរដ្ឋ​រងផល​ប៉ះពាល់ដោយខ្យល់​កន្ត្រាក់ ចំនួន ៦ គ្រួសារ សមាជិក ២៧ នាក់ នៅភូមិ​ត្រពាំងវាល ឃុំជ្រៃលាស់ ស្រុក​ពញាឮ ខេត្តកណ្តាល ។ ជាមួយគ្នានេះ​ឯកឧត្តមក៏បាន​នាំមក​នូវប្រសាសន៍​ផ្តាំផ្ញើ​សួរសុខទុក្ខ​ពី​សំណាក់​សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ជូនចំពោះ​ក្រុមគ្រួសារ​រងគ្រោះ​ទាំងអស់ដោយក្តីនឹករលឹក ។

 

មានប្រសាសន៍​ក្នុងឱកាសនោះ ឯកឧត្តម​បានលើក​ឡើងថា ជានិច្ចកាល​សម្តេច​កិត្តិព្រឹទ្ធបណ្ឌិតប្រធាន សម្តេច​តែងតែបាន​គិតគូ​ពីសុខទុក្ខ ជីវភាពរស់​នៅ​ប្រចាំថ្ងៃ ដល់​ប្រជាពលរដ្ឋ​រងគ្រោះ និងងាយ​រងគ្រោះ​ទាំងអស់ពុំមាន​ការរើសអើង ប្រកាន់ វណ្ណៈ និងពូជសាសន៍​ឡើយ ។ អំណោយដែលសាខា បានផ្តល់ជូនក្នុង ១ គ្រួសារៗ រួមមាន ៖ អង្ករ ២៥ គីឡូក្រាម មី១កេស ត្រីខកំប៉ុង ១ យួរ ទឹកត្រី ១ យួរ ទឹកស៊ីអុីវ ១ យួរ អំបិលសុខភាព ១ គីឡូក្រាម និងសម្ភារប្រើប្រាស់ចំនួន ១៧ មុខ ។

ដោយឡែកចំពោះ ថវិកា​សាខាបាន​ឧបត្ថម្ភជូន​ប្រជាពលរដ្ឋ​តាមកម្រិត​នៃការរងគ្រោះ​ ក្នុងនោះមានៈ អ្នករងគ្រោះធ្ងន់ធ្ងរ ១ គ្រួសារ ចំនួន ៣៥ ម៉ឺនរៀល , អ្នករងគ្រោះមធ្យម ១ គ្រួសារ ថវិកា ២៥ ម៉ឺនរៀល និងគ្រួសាររងគ្រោះស្រាល ចំនួន ៤ គ្រួសារទៀត សាខាបាន​ឧបត្ថម្ភ​ជូនក្នុង១គ្រួសារៗ ថវិកាចំនួន ១៥ ម៉ឺនរៀល ៕

គ្រួសារដែលមានកូនស្លាប់ដោយលង់ទឹកទន្លេ នៅខេត្តត្បូងឃ្មុំទទួលអំណោយពីសាខាកក្រកខេត្ត

សាខាកក្រក ខេត្តត្បូងឃ្មុំ ៖នៅព្រឹកថ្ងៃទី ១៤ខែ កញ្ញា ឆ្នាំ ២០១៧ លោក ហ៊ី សុវណ្ណ ​នាយកសាខា ​កាកបាទក្រហម​កម្ពុជា ​ខេត្តត្បូងឃ្មុំ ​និងសហការី​ បានចុះ​សួរសុខទុក្ខ​ និងនាំយក​អំណោយ​មនុស្សធម៌ ​ទៅផ្តល់​ជូនគ្រួសារ ដែល​មានកូន​ស្លាប់ដោយ​លង់ទឹក​ទន្លេ ចំនួន ២គ្រួសារ នៅភូមិទី៣ និងភូមិទី៥ ឃុំកំពង់ទ្រាស ស្រុកក្រូចឆ្មារ ខេត្តត្បូងឃ្មុំ។

 

ក្នុងឱកាសនោះ លោកនាយក​សាខា បានពាំនាំ​នូវការផ្តាំផ្ញើ​សួរ​សុខទុក្ខពី​សម្តេច​កិត្តិព្រឹទ្ធបណ្ឌឹត​ ប្រធានកាកបាទក្រហម​កម្ពុជា ជូនដល់​បងប្អូនព្រម​ទាំងបាន​ចូលរួម​សំដែងនូវ​មរណទុក្ខ​ដល់គ្រួសារ​សព បាត់បង់អាយុជីវិត ដោយសារ​ឧបទេវហេតុ​នេះ និងចំពោះ​ប្រជាពលរដ្ឋ​ដែលបានទទួល​រងគ្រោះថ្នាក់​ផ្សេងៗដោយមិនប្រកាន់​និន្នាការ​នយោបាយឡើយ។

 

សំភារៈឧបត្ថម្ភ ១គ្រួសារ ទទួលបាន : អង្ករ ២៥គីឡូក្រាម ត្រីខ ១០ កំប៉ុង ទឹកត្រី ១យួរ ទឹកស៊ីអ៊ីវ ១យួរ មី ១កេះ និងទឹកសុទ្ធអង្គរ 1 កេះ និងថវិកាមួយចំនួន៕

វេទិកាកិច្ចសហប្រតិបត្តិការកាកបាទក្រហម អឌ្ឍចន្ទក្រហម អាស៊ាន- ចិន នៅ ប្រទេសចិន

លោកជំទាវ ​ពុំចន្ទីនី អគ្គលេខាធិការ កាកបាទ​ក្រហម​កម្ពុជា បាន​ដឹកនាំ​គណៈប្រតិភូ ទៅចូលរួម​ វេទិកា​កិច្ចសហប្រតិបត្តិការ​កាកបាទក្រហម​ អឌ្ឍចន្ទ​ក្រហម អាស៊ាន- ចិន​ នៅថ្ងៃទី ១០ ដល់១២ ខែកញ្ញា ឆ្នាំ ២០១៧ នៅទីក្រុង ណាន នីង ប្រទេសចិន ដើម្បីពិភាក្សា​លើប្រធានបទ​ ភាពធន់​របស់​សហគមន៍ និងការអភិវឌ្ឍន៍​យុវជន និងអ្នកស្ម័គ្រចិត្ត​កាកបាទក្រហម​ក្រោម​ប្រធានបទ ៉ មនុស្សជាតិ ​និងការអភិវឌ្ឃន៍៉​។

 

គោលបំណង​នៃវេទិកា​នេះគឺ សំដៅ​ចែករំលែក​បទពិសោធន៍​គ្នាទៅវិញ​ទៅមក ​ទស្សនកិច្ច​តាមសហគមន៍ ​និងចូលរួម​បើក​ពិពណ៌​អាស៊ាន-ចិន លើកទី១៤ ។

 

សូមជម្រាប​ជូនផង​ដែរថា ក្នុងឱកាស​នោះដែរ​ សមាគមជាតិ​ កាកបាទក្រហម​ចិន​ បានផ្តល់​កង់ចំនួន ២០០ គ្រឿង និង រថយន្ត​សង្គ្រោះចំនួន ៥ គ្រឿង ដល់ កាកបាទក្រហម​កម្ពុជា​ផងដែរ ។ 

សាខាកក្រកប្រារព្ធទិវាពិភពលោកសង្គ្រោះបឋម ក្រោមប្រធានបទ ការជួយសង្គ្រោះបឋម ក្នុងផ្ទះ

សាខាកក្រករាជធានីភ្នំពេញ៖ នាព្រឹកថ្ងៃទី ១៣ ខែ​ កញ្ញា ឆ្នាំ ២០១៧នេះ នៅ វត្តអង្គស្តុក​ ស្ថិតក្នុងភូមិត្រពាំងពោធិ៍​ សង្កាត់ឪទ្បោក ខណ្ឌ​ពោធិ៍សែនជយ សាខា​កាកបាទក្រហម​កម្ពុជា រាជធានីភ្នំពេញ​ ដឹកនាំដោយ​ លោកជំទាវ មុំ​ សណ្តាប់ ហេរញ្ញឹក​គណៈកម្មាធិការ​សាខា បានប្រារព្ធ​ទិវាពិភពលោក​សង្គ្រោះបឋម ក្រោមប្រធានបទ​ ការជួយសង្គ្រោះបឋម ក្នុងផ្ទះ​ ដោយមាន​ការចូលរួមពីមន្ត្រីប្រតិបត្តិសាខា​ អនុសាខា​ អ្នកស្ម័គ្រចិត្ត ទីប្រឹក្សាយុវជន​ យុវជនកាកបាទក្រហម លោកគ្រូអ្នកគ្រូ សិស្សានុសិស្ស​ នគរបាល ​ប្រជាការពារ និងប្រជាពលរដ្ឋ សរុបចំនួន១២០នាក់​ ។

 

មានប្រសាសន៍​នាឱកាសនោះ លោកជំទាវ មុំ សណ្តាប់ បានពាំនាំ​នូវការផ្តាំ​ផ្ញើសាកសួរសុខទុក្ខ​ពីសំណាក់សម្តេច​កិត្តិព្រឹទ្ធបណ្ឌិតប្រធាន ប៊ុន រ៉ានី ហ៊ុន សែន ជូនដល់​អង្គពិធី​ទាំងមូល​ ព្រមទាំងគូស​បញ្ជាក់ថា សម្រាប់​ប្រធានបទ​ទិវាពិភពលោក​សង្គ្រោះបឋមនាឆ្នាំនេះ គឺបានបង្ហាញ​ពីគោលបំណង ក្នុងការជួយ​លើកកំពស់​ការបណ្តុះបណ្តាល​ជា​ជំនាញមូលដ្ឋាន ដែលអាច​ផ្តល់នូវការ​អន្តរាគមន៍​ប្រកបដោយ​ប្រសិទ្ធភាព និងឆាប់រហ័ស ដើម្បីជួយ​កាត់បន្ថយការ​រងរបួស ទុក្ខវេទនា ជាពិសេសមនុស្ស​ដែលមានភាព​ងាយរងគ្រោះបំផុត​សម្រាប់ក្នុងក្រុម​គ្រសាររបស់​ខ្លួនតែម្តង​ ។ លោកជំទាវបន្តថា​ ក្រោមការដឹកនាំដ៏ខ្ពង់ខ្ពស់ប្រកបដោយភាពឈ្លាសវៃ​របស់​សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុន សែន​ជាប្រធាន​ កាកបាទក្រហម​កម្ពុជា បានដាក់ចេញនូវផែនការ​យុទ្ធសាស្ត្ររបស់ខ្លួន(២០១១-២០២០) ដែលបាន​កំណត់ថា ក្នុង១គ្រួសារត្រូវមានអ្នកចេះវិជ្ជាសង្គ្រោះ​បឋមម្នាក់ ៕

First Prev 68 69 70 71 72 Next Last