អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

កាកបាទក្រហមកម្ពុជា ទទួលអំណោយពីសប្បុរសជន

កក្រក​ ៖​ នៅទីស្នាក់ការ​កណ្តាល នាព្រឹក​ថ្ងៃអង្គារ ១១រោច ខែចេត្រ​ ឆ្នាំកុរ ឯកស័ក​ ព.ស.២៥៦២ ត្រូវនឹងថ្ងៃទី ៣០ ខែមេសា ឆ្នាំ២០១៩នេះ សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ប្រធានកាកបាទក្រហម​កម្ពុជា បានជួបសវនាការ​ជាមួយ​សប្បុរសជន និងទទួលអំណោយ​ជាថវិកា​សរុបចំនួន ៣៥០.០០០ដុល្លារ (សាមសិប​ប្រាំម៉ឺនដុល្លារ​អាមេរិក) ក្នុងឱកាស​អបអរខួបទី ១៥៦ ទិវាពិភពលោកកាកបាទក្រហម ​និងអឌ្ឍចន្ទក្រហម ៨ ឧសភា ឆ្នាំ២០១៩ ខាងមុខនេះ ក្រោម​ប្រធានបទ «ខ្ញុំ ❤️កាកបាទក្រហម​កម្ពុជា» ។ អំណោយដែល​បានទទួលរួមមាន៖

 

១/ ថវិកាចំនួន ១០០.០០០ដុល្លារ (ដប់ម៉ឺនដុល្លារ) ពីក្រុមហ៊ុន ម៉ារីថាម គ្រុប MARITIME GROUP ដែលដឹកនាំដោយ ឧកញ៉ា ហេង សិទ្ធី ប្រធានក្រុមប្រឹក្សាភិបាល។
២/ ថវិកាចំនួន ២០០.០០០ដុល្លារ (ម្ភៃម៉ឺនដុល្លារ) ពីលោក លី ហ្កាង Mr. LI GANG ដែលតំណាងដោយឯកឧត្តម មួន សារ៉ន និងគណៈប្រតិភូ។
៣/ រថយន្ដម៉ាក FORD RANGER 2019 ចំនួន ១គ្រឿង ស្មើថវិកា ៤ម៉ឺនដុល្លារ និងមួកសុវត្ថិភាព ១.០០០មួក ស្មើថវិកា ១ម៉ឺនដុល្លារ ពីក្រុមហ៊ុន ស្រាបៀរហ្គេនស៍បឺគ (GANZBERG BREWERY) ដែលដឹកនាំដោយ លោក ហ្វ្រែន ជេ. ប្រ៊ូន Franz J. Brune ប្រធានរោងចក្រស្រាបៀរហ្គេនស៍បឺគ។

ក្នុងឱកាសនោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា បានថ្លែងអំណរគុណយ៉ាង​ជ្រាលជ្រៅ និងកោត​សរសើរចំពោះទឹកចិត្ត​មនុស្សធម៌ប្រកបដោយ​សទ្ធាជ្រះថ្លារបស់សប្បុរសជនទាំងអស់ ដែលតែងតែ​ជឿជាក់ និងជួយឧបត្ថម្ភគាំទ្រ​ដល់កាកបាទក្រហម​កម្ពុជា ដើម្បីសមាគមជាតិមួយនេះ​មានធនធានហិរញ្ញវត្ថុ​សម្រាប់ធ្វើប្រតិបត្តិការ​មនុស្សធម៌ប្រកប​ដោយប្រសិទ្ធភាពខ្ពស់។ ជាមួយគ្នានេះ សម្តេច​កិត្តិព្រឹទ្ធបណ្ឌិតប្រធាន បានថ្លែងអំពាវនាវ​ដល់សប្បុរស​ជនជាតិ-អន្តរជាតិដទៃទៀត អញ្ជើញ​ចូលរួមឧបត្ថម្ភ​គាំទ្រដល់កាកបាទក្រហម​កម្ពុជា ក្នុងឱកាសទិវា ៨ ឧសភា ខាងមុខនេះ ដែលនឹង​ប្រារព្ធធ្វើឡើងក្រោម​អធិបតីភាព សម្តេចអគ្គមហាសេនាបតីតេជោ ហ៊ុន សែន នាយក​រដ្ឋមន្ត្រីនៃព្រះរាជាណាចក្រ​កម្ពុជា ដើម្បី​កាកបាទក្រហមកម្ពុជា​អាចសម្រេច ជោគជ័យ​បេសកកម្ម​មនុស្សធម៌ក្នុងការបន្ត​ជួយដល់ចាស់ជរា​គ្មានទីពឹង កុមារកំព្រា ជនពិការ ស្ត្រីមេម៉ាយ អ្នក​ជំងឺរ៉ាំរ៉ៃ និងគ្រួសាររងគ្រោះដោយគ្រោះមហន្ត​រាយផ្សេងៗ។

ប្រជាពលរដ្ឋរងគ្រោះ ដោយខ្យល់កន្ត្រាក់ ទទួលអំណោយពីសាខាកាកបាទក្រហមកម្ពុជា ខេត្តព្រះវិហារ។

សាខាកក្រកខេត្តព្រះវិហារ៖​នៅព្រឹកថ្ងៃទី​៣០ ខែមេសា ឆ្នាំ២០១៩ ​នេះលោក ពឹង ទ្រីដា អនុប្រធាន​គណ:កម្មាធិការសាខា​កាកបាទ ក្រហមកម្ពុជា ​ខេត្តព្រះវិហារ ​បាននាំយក​អំណោយមនុស្សធម៌​ទៅផ្តល់ជូន​បងប្អូនប្រជាពលរដ្ឋ​រងគ្រោះ ចំនួន ៦គ្រួសារ ដែលបណ្តាល​មកពីរខ្យល់កន្ត្រាក់ កាលពីល្ងាច​ថ្ងៃទី ២៨ ខែមេសា ឆ្នាំ២០១៩ នៅភូមិពាក់ស្បែក​ ឃុំរំដោះស្រែ ស្រុកជាំក្សាន្ត ខេត្តព្រះវិហារ។

នៅក្នុងឱកាសនោះ​លោក ពឹង ទ្រីដា អនុប្រធាន​គណ:កម្មាធិការសាខា បានចូលរួម​សោកស្តាយ​ជាមួយបងប្អូនប្រជាពលរដ្ឋដែលរង​គ្រោះដោយសារ​ខ្យល់កន្ត្រាក់ ធ្វើអោយ​ខូចខាតទ្រព្យសម្បត្តិ​ រួមមានរលំផ្ទះ នាពេលនេះ និងបានផ្តាំផ្ញើសូម​អោយមាន​ការប្រុងប្រយ័ត្ន នៅពេលភ្លៀង​ត្រូវរកកន្លែងមាន​សុវត្ថិភាពជ្រក ហើយត្រូវបិទទូរស័ព្ទ ជៀសវាងគ្រោះថ្នាក់​កើតឡើងជាយថាហេតុ។

សម្ភារផ្តល់ជូន​ក្នុងមួយគ្រួសារៗ​រួមមាន៖ អង្ករ ២៥គីឡូ មី ១កេស ត្រីខ ១យួរ ទឹកស៊ីអីវ ១យួរ តង់១ សារុង១ ក្រមា១ ភួយ១ មុង១ មុងសុវត្ថិភាព​១ ថវិកា ២០០,០០០ រៀល ។

 

គ្រួសារ ដែលរងគ្រោះដោយសារខ្យល់កន្រ្ទាក់ នៅក្នុងឃុំ សាន់គ ស្រុកកំពង់ស្វាយ ទទួលអំណោយមនុស្សធម៌

សាខាកក្រកខេត្តកំពង់ធំ៖ នៅ​រសៀលថ្ងៃ​ចន្ទ ១០រោច ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹង​ថ្ងៃទី២៩ ខែមេសា ឆ្នាំ២០១៩ សាខាកាកបាទក្រហម​កម្ពុជា ខេត្តកំពង់ធំ ដឹកនាំដោយ​លោក ឡុាំង សារ៉ូ ​អនុប្រធានអនុសាខាកាកបាទក្រហម​កម្ពុជាស្រុក​កំពង់ស្វាយ និងសហការី​បាននាំយកអំណោយមនុស្សធម៌​កាកបាទក្រហមកម្ពុជា ទៅផ្តល់​ជូនគ្រួសារ ដែលរងផលប៉ះពាល់​ដោយសារខ្យល់កន្រ្ទាក់​ចំនួន៤គ្រួសារ ដែលបណ្តាលឱ្យរបើកដំបូលអស់​ទាំងស្រុង ស្ថិតនៅក្នុង​ឃុំ សាន់គ ស្រុកកំពង់ស្វាយ ​ខេត្តកំពង់ធំ ។

នៅក្នុងឱកាសនោះដែរ លោកអនុ​ប្រធានអនុសាខា បានពាំនាំនូវប្រសាសន៏​ផ្តាំផ្ញើរសាកសួរសុខទុក្ខ​ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ​ហ៊ុនសែន ប្រធានកាកបាទក្រហម​កម្ពុជា ចូលរួមសោកស្តាយ​ចំពោះបងប្អូនប្រជាពលរដ្ឋ ដែលរងគ្រោះដោយសារ​ខ្យល់កន្ត្រាក់បណ្តាល​ឱ្យខូចខាតទ្រព្យសម្បត្តិ ​និងសូមឱ្យបងប្អូន​មានការប្រុងប្រយ័ត្នខ្ពស់ នៅពេលភ្លៀងត្រូវ​បិទទូរស័ព្ទ បើនៅតាមទីវាល​ត្រូវរកកន្លែងដែលមាន​សុវត្ថិភាពជ្រក ។

លើសពីនេះទៀត លោកអនុប្រធាន​អនុសាខាសូមឱ្យប្រជាពលរដ្ឋ​ទាំងអស់រស់នៅ​ប្រកបដោយ​អនាម័យជានិច្ច ទាំងការសម្រាក​ត្រូវសម្រាកនៅក្នុង​មុងជាប្រចាំ ​ដើម្បីជៀសផុតពីជំងឺផ្សេងៗ ។

សូមបញ្ជាក់ថាអំណោយ​ដែលផ្តល់ជូនក្នុងមួយ​គ្រួសារទទួលបាន ៖ អង្ករ ៣០គីឡូក្រាម​ មី១កេស ត្រីខ១ ១០កំប៉ុង មុង១ ភួយ១ សារុង១ ក្រមា ១ តង់១ ទឹកត្រី ១យួរ និងថវិកា​មួយចំនួន៕

 

កិច្ចពិភាក្សាការងារស្តីពីការត្រៀមរៀបចំអបអរខួបលើកទី ១៥៦ ទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៩

សាខាកក្រក  ខេត្តព្រៃវែង ៖ នៅថ្ងៃចន្ទ ១០រោច ខែចេត្រ ឆ្នាំកុរ ឯកស័ក ព.ស. ២៥៦២ ត្រូវនឹង ថ្ងៃទី២៩ ខែមេសា ឆ្នាំ២០១៩ ឯកឧត្តម ឧកញ៉ា សុខ ផេង អនុប្រធាន​អចិន្រ្តៃយ៍គណៈកម្មា​ធិការសាខា តំណាង ឯកឧត្តម ជា សុមេធី​ ប្រធានគណៈកម្មាធិការ​សាខា បានដឹកនាំ​កិច្ចពិភាក្សា​ការងារស្តីពីការត្រៀមរៀបចំអបអរ​ខួបលើកទី ១៥៦ ទិវាពិភពលោក​ កាកបាទក្រហម អឌ្ឍចន្ទក្រហម ៨ ឧសភា ២០១៩ ក្រោមប្រធានបទ “ខ្ញុំស្រលាញ់កាកបាទក្រហម​កម្ពុជា”នៅសាល​ប្រជុំ សាខាកាកបាទ​ក្រហមកម្ពុជា ខេត្តព្រៃវែង​ ដែលមាន​ការចូលរួមពី​គណៈកម្មាធិការសាខា​ខេត្ត អនុគណៈកម្មាធិការ ក្រុមប្រតិបត្តិសាខា​ខេត្ត សរុបចំនួន ២៣នាក់ ស្រី ៣នាក់។

របៀបវារៈនៃកិច្ចប្រជុំៈ
- សាខារាយការណ៍​អំពីវឌ្ឍភាពនៃកិច្ចដំណើរ​ការរៀបចំ​ពិធីអបអរ​ខួបលើកទី១៥៦ទិវា​ពិភពលោក កាកបាទក្រហម ​អឌ្ឍចន្ទក្រហម ៨ ឧសភា ២០១៩ របស់ សាខា​កាកបាទក្រហមកម្ពុជា​ ខេត្តព្រៃវែង ជូនអង្គប្រជុំ
- ប្រធានអនុគណៈកម្មាធិការនី​មួយៗរាយការណ៍អំពីវឌ្ឍនភាពការងារ ៨ ឧសភា ២០១៩
- បញ្ហាផ្សេងៗ

 

 

 

 

បិទវគ្គយល់ដឹងមូលដ្ឋានជូនដល់ទីប្រឹក្សាយុវជន និងយុវជនកាកបាទក្រហមកម្ពុជារាជធានីភ្នំពេញ

សាខាកក្រករាជធានីភ្នំពេញ៖ នាល្ងាចថ្ងៃចន្ទ​ ១០រោច​ ខែចេត្រ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី​ ២៩​ ខែ​ មេសា​ ឆ្នាំ​ ២០១៩នេះ​ នៅវិទ្យាល័យបាក់ទូក​ សាខាកាកបាទក្រហមកម្ពុជា រាជធានីភ្នំពេញ​ បានរៀបចំពិធីបិទវគ្គយល់ដឹងមូលដ្ឋានជូនដល់ទីប្រឹក្សាយុវជន និងយុវជនកាកបាទក្រហមកម្ពុជា​ ប្រចាំវិទ្យាល័យសរុបចំនួន១៥០នាក់ (ស្រី៩៧នាក់)​ ក្រោមអធិបតីភាព​ លោក សោម ចន្ត្រា នាយកស្តីទីសាខា ដែលវគ្គយល់ដឹងនេះបានចាប់ដំណើរការអស់រយៈពេល១ថ្ងៃកន្លងមក​ប្រកបដោយជោគជ័យជាលទ្ធផលយុវជនទទួលបាននិទ្ទេស​ល្អចំនួន៧៥ភាគរយ និងមធ្យម២៥ភាគរយ ។

នាឱកាសនោះ​ លោកនាយកស្តីទីសាខា បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិតប្រធាន ប៊ុន រ៉ានី ហ៊ុន សែន​ ជូនដល់ក្មួយៗយុវជ​នទាំងអស់​ ព្រមទាំងសូមកោតសរសើរវាយតម្លៃខ្ពស់ចំពោះលទ្ធផលនៃការបញ្ចប់វគ្គនាថ្ងៃនេះ​ ។​ លោកសង្ឃឹម​ និងជឿជាក់ថា​ បន្ទាប់ពីឆ្លងកាត់វគ្គយល់ដឹងនេះហើយក្មួយៗពិតជាបានយល់ច្បាស់ពីប្រវត្តិចលនា​ បដិរូប​ គោលការណ៍គ្រឹះទាំង៧,​ តួនាទីភារកិច្ចយុវជនកាកបាទក្រហម,​ ការគ្រប់គ្រងគ្រោះមហន្តរាយ,​ ច្បាប់ចរាចរណ៍​ និងវិជ្ជាសង្គ្រោះបឋម​ ។ល។​ ដែលជាមុខវិជ្ជាមូលដ្ឋានសម្រាប់ជាគ្រឹះឲ្យក្មួយៗយកទៅអនុវត្តសំដៅជួយដល់ជនរងគ្រោះ​ និងងាយរងគ្រោះគ្រប់ប្រភេទ​ ក៏ដូចជាកម្មវិធីមិត្តអប់រំមិត្ត​ ៕

 

យុវជនកាកបាទក្រហមកម្ពុជា ជួយសម្រួលចរាចណ៍ នៅក្នុងក្រុងតាខ្មៅ ខេត្តកណ្តាល ។

សាខា កក្រក ខេត្តកណ្តាល ៖ នៅព្រឹក​ថ្ងៃអាទិត្យ ៩រោច ខែចេត្រ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃទី ២៨ ខែ មេសា ឆ្នាំ២០១៩ សាខាកាកបាទក្រហម​កម្ពុជាខេត្ត បានដឹកនាំកម្លាំងយុវជនកាកបាទក្រហមកម្ពុជា ​មកពីវិទ្យាល័យចំនួន២ក្នុង​ក្រុងតាខ្មៅ គឺ ៖ វិទ្យាល័យ​ហ៊ុនសែនតាខ្មៅ ១៤ នាក់ និងវិទ្យាល័ហ៊ុនសែន​សេរីភាព ១៤ នាក់ សរុបរួម ២៨ នាក់ ស្រី ១៦ នាក់ ចុះជួយសម្រួល​ចរាចណ៍នៅចំណុចផ្លូវកែងស្តុបចំនួន ២កន្លែង ៖ ចំណុចទី១ ផ្លូវកែងស្តុប ( ១១៥- ២១ ) និងចំណុចទី២ ផ្លូវកែងស្តុប ( ១១០- ២១) ស្ថិតនៅក្នុង​ក្រុងតាខ្មៅ ខេត្តកណ្តាល ។

 

ចំពោះកាអនុវត្តសកម្មភាព​ការងារសុវត្ថិភាព​ចរាចរណ៍នៅចំណុច​គោលដៅយ៉ាងទៀងទាត់នេះ ក្នុងគោលបំណង​ជួយផ្សព្វផ្សាយដល់​សាធារណជនទូទៅ​ ដើម្បីយល់ដឹងជាមូលដ្ឋាន​អំពីច្បាប់ចរាចរណ៍ផ្លូវគោកនៃ​ព្រះរាជាណាចក្រ​កម្ពុជា និងដើម្បីចូលរួម​កាត់បន្ថយនូវអត្រា​រងគ្រោះថ្នាក់ផ្សេងៗ ដែលបណ្តាលមកពីការបើកបរ​ខ្វះការប្រុងប្រយ័ត្ន និងការមិនគោរព​ច្បាប់ចរាចរណ៍ជាដើម ៕

 

កិច្ច ប្រជុំពិភាក្សា ត្រៀមរៀបចំអបអរ សាទរខួបទី១៥៦ ទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ឆ្នាំ២០១៩

សាខាកក្រក ខេត្តព្រះវិហារ​៖នៅព្រឹកថ្ងៃទី២៦ ខែឧសភា ឆ្នាំ ២០១៩ នេះ ឯកឧត្តម អ៊ុន ចាន់ដា ប្រធានកិត្តិយ សសាខាកាកបាទ​ក្រហម កម្ពុជា ខេត្តព្រះវិហារ  បានដឹកនាំកិច្ច ប្រជុំពិភាក្សា ត្រៀមរៀបចំអបអរ  សាទរខួបទី១៥៦ ទិវាពិភពលោក ​កាកបាទក្រហម  អឌ្ឍចន្ទក្រហម ៨ ឧសភា ឆ្នាំ២០១៩ ក្រោមប្រធានបទ « ខ្ញុំ​ ❤️️ កាកបាទក្រហមកម្ពុជា »។


ក្នុងឱកាសនោះដែរឯកឧត្តម អ៊ុន ចាន់ដា ប្រធានកិត្តិយសសាខាបានលើកឡើងថា កាកបាទក្រហមកម្ពុជា ដែលមាន សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន សម្តេចតែងតែគិតគូរ និងជួយប្រជាពលរដ្ឋ​រងគ្រោះ និងងាយរង​គ្រោះបានទាន់ ពេលវេលា និងគ្រប់ទីកន្លែង ជាក់ ស្តែង សាខាកាកបាទក្រហម​កម្ពុជា ខេត្តព្រះវិហារ ក្នុងឆ្នាំ២០១៨ កន្លងមកបាន​ជួយជនរងគ្រោះ និងងាយរងគ្រោះជិត២ ពាន់គ្រួសារ។ ដូចនេះសូម​បងប្អូន ទាំងអស់ចូលរួមជា ថវិកាដល់សាខា កាកបាទក្រហមកម្ពុជា ខេត្តព្រះវិហារ ដើម្បី សាខាមានលទ្ធភាព ជួយដល់​ជនរងគ្រោះ បានកាន់តែច្រើន និងទាន់ពេលវេលាថែមទៀត។

កិច្ចសម្ភាសន៍រវាងអង្គភាពព័ត៌មាន Fresh News ជាមួយលោកជំទាវ ម៉ែន នារីសោភ័គ

កក្រក​ ៖​ កិច្ចសម្ភាសន៍រវាងអង្គភាពព័ត៌មាន​ Fresh News ជាមួយលោកជំទាវ​ ម៉ែន​ នារីសោភ័គ​ អគ្គលេខាធិការរងទី​ ១​ កាកបាទក្រហមកម្ពុជា​ ស្តីពី​ "ដំណេីរការនៃការរៀបចំទិវា​ ៨​ ឧសភា​ ឆ្នាំ២០១៩"​ នារសៀលថ្ងៃទី​ ២៦​ ខែមេសា​ ឆ្នាំ២០១៩​ នេះ​ គឺផ្នែកមួយនៃ​យុទ្ធនាការផ្សព្វផ្សាយឆ្ពោះទៅកាន់ការប្រារព្ធខួបទី ១៥៦ ទិវាពិភពលោក​កាកបាទក្រហម និងអឌ្ឍចន្ទក្រហម ៨ ឧសភា ២០១៩ ក្រោមប្រធានបទ «ខ្ញុំ ❤️ កាកបាទក្រហមកម្ពុជា» ខាងមុខនេះ​ ដេីម្បីសម្រេចបានជោគជ័យ​តាមការរំពឹងទុក​ ក្នុងការយកមូលនិធិដែល​ទទួលបានពីសប្បុរសជន​ជួយដល់ប្រជាពលរដ្ឋ​រងគ្រោះដោយគ្រោះមហន្តរាយ​ និងជនងាយរងគ្រោះ​បំផុតរួមមាន​ ចាស់ជរាគ្មានទីពឹង​ ស្រ្តីមេម៉ាយ​ កុមារកំព្រា​ ជនពិការ​ អ្នកមានជំងឺរ៉ាំរៃ​។ល។

សូមបញ្ជាក់ជូន​ថា កាកបាទក្រហម​កម្ពុជា​នឹងប្រារឰមិទ្ទីងថ្នាក់ជាតិ ដើម្បីអបអរខួបទី ១៥៦​ ទិវាពិភពលោកកាកបាទក្រហម ​និងអឌ្ឍចន្ទក្រហម ៨ ឧសភា ២០១៩​ ក្រោមប្រធានបទ​ «ខ្ញុំ​ ❤️️ កាកបាទក្រហមកម្ពុជា​» និងអបអរខួប​ ១០០ឆ្នាំ​ នៃការបង្កេីតសហព័ន្ធអន្តរជាតិ​នៃសមាគមកាកបាទក្រហម​ អឌ្ឍចន្ទក្រហម​ (១៩១៩-២០១៩)​ នៅទីស្នាក់ការ​កណ្ដាល កាកបាទក្រ​ហមកម្ពុជា នាព្រឹកថ្ងៃពុធ ៥កេីត ខែពិសាខ ឆ្នាំកុរ​ ឯកស័ក ព.ស.២៥៦២ ត្រូវនឹង ថ្ងៃទី ៨ ខែឧសភា ឆ្នាំ២០១៩ នៅវេលាម៉ោង ៨ព្រឹក ក្រោមអធិបតីភាព​ដ៏ខ្ពង់ខ្ពស់ សម្ដេចអគ្គមហាសេនាបតី​តេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ដោយមានវត្តមាន​ឥស្សរជន​ ថ្នាក់ដឹកនាំជាតិ​ អន្តរជាតិ​ និងសប្បុរសជនចូលរួមប្រមាណ​ ៤ពាន់នាក់៕

ទីស្នាក់ការកណ្តាលកក្រក បានរៀបចំពិធីប្រគល់រង្វាន់គំនូរកុមារជ័យលាភីថ្នាក់ជាតិ

កក្រក​ ៖​ ដើម្បីចូលរួម​អបអរខួបទី ១៥៦​ ទិវាពិភពលោក​កាកបាទក្រហម​ និងអឌ្ឍចន្ទក្រហម ៨ ឧសភា ឆ្នាំ២០១៩ ក្រោមប្រធានបទ «ខ្ញុំ​ ❤️️ កាកបាទក្រហម​កម្ពុជា» កាកបាទក្រហម​កម្ពុជាដែលមាន សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានរៀបចំ​កម្មវិធីប្រឡងគំនូរកុមារ ស្តីពីសកម្មភាពកាកបាទក្រហម​កម្ពុជា ដែលកម្មវិធី​នេះបានអនុវត្តនៅ​តាមសាខា​កក្រកខេត្តទាំង២៤​ និងអនុសាខាទាំង ១២ក្នុងរាជធានី​ភ្នំពេញ ដោយមាន​សិស្សានុសិស្សចូលរួម​ស្តាប់ការផ្សព្វផ្សាយសរុបចំនួន ៥.២៥៩នាក់ និងបានផ្តល់​ឱកាសដល់​កុមារចំនួន ២.០៤០នាក់ រៀននៅ​សាលាបឋមសិក្សាចំនួន ៣៦៩នៅទូទាំង​ប្រទេស បានបញ្ចេញ​ស្នាដៃក្នុងការគូរគំនូរ។

សម្រាប់ព្រឹកថ្ងៃសុក្រ ៧រោច ខែចេត្រ​ ឆ្នាំកុរ​ ឯកស័ក​ ព.ស.២៥៦៣​ ត្រូវនឹងថ្ងៃទី ២៦​ ខែមេសា ឆ្នាំ២០១៩ នេះ ទីស្នាក់ការកណ្តាលកក្រក បានរៀបចំពិធី​ប្រគល់រង្វាន់គំនូរកុមារ​ជ័យលាភីថ្នាក់ជាតិ​ក្រោមអធិបតីភាព លោកជំទាវ​ ពុំ​ ចន្ទីនី​ អគ្គលេខាធិការកក្រក និងអញ្ជើញ​ចូលរួមពីតំណាង អាយ.ស៊ី.អរ.ស៊ី. និងសហព័ន្ធអន្តរជាតិ​ប្រចាំនៅកម្ពុជា​ ថ្នាក់ដឹកនាំ-មន្ត្រីកក្រក លោកគ្រូ អ្នកគ្រូ និងកុមារា-កុមារី ជ័យលាភីថ្នាក់ខេត្ត និងខណ្ឌទាំង១២ ក្នុងរាជធានី​ភ្នំពេញ សរុបប្រមាណ ១៣០នាក់។

ក្នុងឱកាសនេះ​ លោកជំទាវ​អគ្គលេខាធិការ​ បានពាំនាំប្រសាសន៍​របស់សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ប្រធានកាកបាទក្រហមកម្ពុជា​ ដែលផ្តាំផ្ញេីសួរសុខទុក្ខ​ និងថ្លែងការកោតសរសើរស្ញប់ស្ញែងដល់ទឹកដៃគំនូរ​របស់កុមារក្នុងការបណ្តុះផ្នត់គំនិត និងឧត្តមគតិ​ក្នុងចិត្តកុមារដែលជា​គ្រាប់ពូជមនុស្សធម៌ ហើយកាន់តែរំភើប​ចំពោះការបកស្រាយ​អត្ថន័យនៃគំនូរ ដែលបានឆ្លុះបញ្ចាំងគ្រប់រូបភាពនៃបេសកកម្មកាកបាទក្រហមកម្ពុជា​ ជាពិសេសផ្តោតលេីអត្ថន័យនៃប្រធានបទ​ «ខ្ញុំ​ ❤️️ កាកបាទក្រហមកម្ពុជា»។ លោកជំទាវ ក៏បានថ្លែងនូវ​ការកោតសរសើរចំពោះ លោកគ្រូ-អ្នកគ្រូ ថ្នាក់ដឹកនាំ-មន្ត្រី សាខា អនុសាខា កក្រក ទាំងអស់​ ដែលបានខិតខំយក​ចិត្តទុកដាក់ ចុះផ្សព្វផ្សាយ និងរៀបចំការប្រឡងគំនូរកុមារជូនដល់សិស្សានុសិស្ស​នៅតាមសាលាគោលដៅ​របស់ខ្លួនឱ្យទទួលបានជោគជ័យទាំងបរិមាណ និងខ្លឹមសារស្របតាមបរិបទកាកបាទក្រហមកម្ពុជា។

សូមបញ្ជាក់ថា រូបគំនូរជ័យលាភីថ្នាក់ជាតិប្រចាំឆ្នាំ ២០១៩​ បានទៅលើ ៖
- ជ័យលាភីលេខ ១ ៖ កុមារី ស៊ុន​ វ៉ាន់ដែត​ សិស្សថ្នាក់ទី ៥ខ នៃសាលាបឋមសិក្សាសម្តេចជាស៊ីម ខេត្តកោះកុង​ ទទួលបាន​ កង់​ ១គ្រឿង​ សំពៀត​ ១​ សៀវភៅសរសេរ​ ៦ក្បាល​ ប៊ិក​ ៣ដេីម​ អាវយឺតកក្រក​ ១​ និងថវិកា​ ៤០ម៉ឺនរៀល។ 

 

បិទវគ្គយល់ដឹងមូលដ្ឋានជូនដល់ទីប្រឹក្សាយុវជន និងយុវជនកាកបាទក្រហមកម្ពុជារាជធានីភ្នំពេញ

សាខាកក្រករាជធានី​ភ្នំពេញ៖ នាល្ងាចថ្ងៃ​ព្រហស្បតិ៍ ៦រោច​ ខែចេត្រ ឆ្នាំកុរ​ ឯកស័ក ព.ស២៥៦២ ត្រូវនឹងថ្ងៃទី​ ២៥ ខែ​ មេសា​ ឆ្នាំ​ ២០១៩នេះ​ នៅវិទ្យាល័យ​ បឹងត្របែក សាខា​កាកបាទក្រហម​កម្ពុជា​ រាជធានីភ្នំពេញ​ បានរៀបចំពិធី​បិទវគ្គយល់ដឹង​មូលដ្ឋានជូន​ដល់ទីប្រឹក្សា​យុវជន​ និងយុវជន​កាកបាទក្រហមកម្ពុជា​ ប្រចាំ​វិទ្យាល័យសរុបចំនួន១០៤នាក់(ស្រី៦២នាក់)​ ក្រោមអធិបតីភាព​ លោកស្រី មុំ ចាន់ដានី លេខាធិការ​គណៈកម្មាធិការ​សាខា​ ដែលវគ្គយល់ដឹងនេះ​បានចាប់ដំណើរ​ការអស់រយៈពេល​១ថ្ងៃកន្លងមក​ប្រកបដោយ​ជោគជ័យ​ ជាលទ្ធផល​យុវជនទទួល​បាននិទ្ទេស​ល្អចំនួន៧០ភាគរយ ​និងមធ្យម៣០ភាគរយ​ ។

នាឱកាសនោះ​ លោកស្រីលេខាធិការ​គណៈកម្មាធិការសាខា​ បានពាំនាំនូវការផ្តាំ​ផ្ញើសាកសួរសុខទុក្ខពីសំណាក់សម្តេចកិត្តិ​ព្រឹទ្ធបណ្ឌិតប្រធាន ប៊ុន រ៉ានី ហ៊ុន សែន​ ជូនដល់ក្មួយៗយុវជ​នទាំងអស់​ ព្រមទាំងសូមកោតសរសើរ​វាយតម្លៃខ្ពស់​ចំពោះលទ្ធផល​នៃការបញ្ចប់​វគ្គនាថ្ងៃនេះ​ ។​ លោកស្រីសង្ឃឹម​ និងជឿជាក់ថា​ បន្ទាប់ពីឆ្លងកាត់​វគ្គយល់ដឹងនេះ​ហើយក្មួយៗពិតជាបាន​យល់ច្បាស់​ពីប្រវត្តិចលនា​ បដិរូប​ គោលការណ៍គ្រឹះទាំង៧,​ តួនាទីភារកិច្ចយុវជន​កាកបាទក្រហម,​ ការគ្រប់គ្រងគ្រោះ​មហន្តរាយ,​ ច្បាប់ចរាចរណ៍​ និងវិជ្ជាសង្គ្រោះបឋម​ ។ល។​ ដែលជាមុខវិជ្ជាមូលដ្ឋានសម្រាប់ជាគ្រឹះឲ្យក្មួយៗយកទៅអនុវត្តសំដៅជួយ​ដល់ជនរងគ្រោះ​ និងងាយរងគ្រោះ​គ្រប់ប្រភេទ​ ក៏ដូចជាកម្មវិធី​មិត្តអប់រំមិត្ត​ ៕

 

First Prev 5 6 7 8 9 Next Last