សាខាកក្រកខេត្តព្រះវិហារ៖នៅល្ងាចថ្ងៃ ទី៥ ខែមីនា ឆ្នាំ ២០១៩ នេះសាខាកាកបាទក្រហម​កម្ពុជា ខេត្តព្រះវិហារ បានធ្វើពិធីបិទវគ្គ​ជាមូល ដ្ឋានយុវជន​កាកបាទក្រហមកម្ពុជា ជូនយុវជន​កាកបាទក្រហម​កម្ពុជា វិទ្យាល័យគូលែន ចំនួន៧២នាក់ និងធ្វើពិធីបំពាក់​កន្សែងជូន​យុវជនទើប​រើសថ្មីចំនួន ៥៨នាក់ ស្រី៤៩ នាក់ ឋិតនៅភូមិគូលែនត្បូង​ ឃុំគូលែនត្បូង​ ស្រុកគូលែន ក្រោមវត្តមាន​លោក ជំទាវ ចឹក ហេង ​ប្រធានគណ:កម្មាធិការ សាខាកាកបាទក្រហម​កម្ពុជា ខេត្តព្រះវិហារ ។

នៅក្នុងឱកាសនោះ​លោកជំទាវ ប្រធាន​គណ:កម្មាធិការសាខា បានលើក​ឡើងថា ដើម្បីបន្ថែម​សមាជិកយុវជនដែលបានប្រឡង​ជាប់ហើយទៅបន្ត​ការសិក្សា សាលាបានរើស​យុវជនបំពេញ និងបើកវគ្គ​ជាមូលដ្ឋានយុវជនកាកបាទក្រហម​កម្ពុជា ជូននា​ពេលនេះគោលបំណងដើម្បី​អោយប្អូនបានដឹង​អំពីប្រវត្តិ​គោលការណ៍គ្រឹះ ចលនាអន្តរជាតិ​កាកបាទក្រហម អឌ្ឍចន្ទក្រហម តួនាទីរបស់យុវជន​កាកបាទក្រហម ពិសេសវិជ្ជាសង្គ្រោះបឋម ។ ជាមួយគ្នានោះដែរក៏បានធ្វើការ​ផ្តាំផ្ញើដល់ប្អូនៗត្រូវខិតខំ៖
-រៀនសូត្រអោយក្លាយ​ជាកូនល្អ សិស្សល្អ មិត្តល្អ ។
-ជៀសអោយឆ្ងាយពី​គ្រឿងញៀន ។
-គោរពច្បាប់ចរាចរអោយខ្ចាប់ខ្ជួន ។
-ចូលរួមថែរក្សាអនាម័យ​និងសំអាតនៅសាលា​និងតាមកន្លែងផ្សេងៗ 
-ជួយកិច្ចការផ្ទះ បន្ទាប់ពី​ការសិក្សា រៀនសូត្រ ។
បន្ទាប់មកបានប្រគល់កញ្ចប់​វិជ្ជាសង្គ្រោះបឋមចំនួន១ ។

សាខាកក្រកខេត្តឧត្តរមានជ័យ ៖ កាលពីព្រឹកថ្ងៃចន្ទ ១៣រោច ខែមាឃ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី ៤ ខែ មីនា ឆ្នាំ ២០១៩ សាខាកាកបាទក្រហម​កម្ពុជា ខេត្តឧត្តរមានជ័យ បានចូលរួម​ក្នុងទិវាបរិស្ថាន ក្រោម​ប្រធានបទ “ទីក្រុងស្អាត៖ទីក្រុងផ្ដល់ភាព​កក់ក្ដៅ” ដែលដឹកនាំ​ដោយលោក សរ សៀងហៀង នាយកសាខា និងមានការចូលរួម​ពីលោក លោកស្រី ជាសមាជិក សមាជិកាគណៈកម្មាធិការសាខា អាជ្ញាធរ​ដែនដី អង្គភាពពាក់ព័ន្ធ​ជុំវិញខេត្ត អ្នកស្ម័គ្រចិត្ត និងយុវជន​កាកបាទក្រហមកម្ពុជា សរុបចំនួន ៣៣នាក់ ដែលធ្វើឡើង​នៅបរិវេណជុំវិញ​បឹងស្នោខាងមុខ​អាគារដ្ឋបាល​សាលាខេត្តឧត្តរមានជ័យ។

ទិវានេះដែរ ធ្វើឡើងក្នុង​គោលបំណង ដើម្បីឲ្យប្រជាពលរដ្ឋ​ទាំងអស់ចូលរួម​ចំណែកក្នុង​ការសម្អាតបរិស្ថាន លើកកម្ពស់ប្រជាពលរដ្ឋ​ឲ្យចេះវិចខ្ជប់​កាកសំណល់ និងការទុកដាក់​កាកសំណល់ក្នុង​ធុងសម្រាមឲ្យ​បានត្រឹមត្រូវ និង​ធ្វើឲ្យមាន​សោភ័ណភាពល្អ​នៅទីសាធារណៈផងដែរ៕

សាខាកក.ក្រ.ក ខេត្តបាត់ដំបង៖ ព្រឹកថ្ងៃអង្គារ ១៥រោច ខែមាឃ ឆ្នាំច សំរិទ្ធិស័ក ព.ស២៥៦២ ត្រូវនឹងថ្ងៃទី០៤ ខែមីនា ឆ្នាំ២០១៩ សាខា​កាកបាទក្រហមកម្ពុជា​ខេត្តបាត់ដំបង​ដឹកនាំដោយ​លោក ​ងី សែត អនុប្រធាន​គណៈកម្មាធិការ​សាខា​និងប្រតិភូ​អមដំណើរបាន​អញ្ចើញចុះសួរសុខទុកនិងសំណេះសំណាល​ព្រមទាំងនាំយក អំណោយ​មនុស្សធម៌របស់​សប្បុរសជនតាមរយៈ​សាខាកាកបាទក្រហមកម្ពុជាខេត្ត​ផ្តល់ ជូនប្រជាពលរដ្ឋរងគ្រោះ​ដោយខ្យល់កន្រ្តាក់​ចំនួន​១៣​គ្រួសារ ក្នុងភូមិព្រៃទទឹង​ឃុំឆ្នាល់មាន់​ស្រុកគាស់ក្រឡខេត្ត​បាត់ដំបង កាលពីថ្ងៃទី២៤ខែកុម្ភៈឆ្នាំ​២០១៩ កន្លងទៅ​នៅសាលាឃុំឆ្នាល់មាន់។​

មានប្រសាសន៍​នាឱកាសនោះ លោក​អនុប្រធាន បានពាំនាំនូវ​ការផ្ដាំផ្ញើសួរសុខទុក្ខ​ពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជាដែលតែងតែ​យកចិត្តទុកដាក់​គិតគូរចំពោះសុខទុក្ខប្រជាពលរដ្ឋ​គ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយ​ណាមួយឡើយ។ ហើយអំណោយ​មនុស្សធម៌ដែលបាននាំ​យកមកចែកជូន​បងប្អូននាពេលនេះ មាន​ចំនួនតិចតួចក្ដី មិនសមល្មម​នឹងការខាតបង់​របស់ក្រុមគ្រួសារ តែក៏អាចជួយសម្រាល​ទុក្ខលំបាក បានមួយកម្រិត ហើយក៏ជាការ​បង្ហាញនូវការយកចិត្តទុកដាក់​ចំពោះប្រជាពលរដ្ឋគ្រប់​រូបពីសំណាក់ថ្នាក់ដឹកនាំ ពិសេសគឺ​កាកបាទក្រហមកម្ពុជា ។​

សម្ភារៈត្រូវផ្តល់ជូន​គ្រួសារក្នុង០១គ្រួសារៗទទួលអំណោយ​បានរួមមាន៖ អង្ករ ២៥ គីឡូក្រាម ,មុង១.ភួយ១, ប្រេងកូឡា ២ ប្រអប់ សាប៊ូម្សៅ(ចំណុះ១kg)​១កញ្ចប់ ,ទឹកត្រី៦ដប ទឹកបរិសុទវីឃែរ ១កេសនិងថវិកា២០,០០០រៀល​ផងដែរ។​

សូមបញ្ជាក់៖អង្ករ,មុង,ភួយ ,ប្រេងកូឡា សាប៊ូម្សៅ ,ទឹកត្រី ជាអំណោយរបស់អង្គការមនុស្ស​ចាស់កម្ពុជា​ ,ដោយឡែកថវិកា​និងទឹកបរិសុទ្ធ​វីឃែរជាអំណោយ​របស់សាខា​កាកបាទក្រហមកម្ពុជាខេត្ត។

កក្រក ៖ នាព្រឹកថ្ងៃសៅរ៍ ១១រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២ ខែមីនា ឆ្នាំ២០១៩ នេះកាកបាទក្រហមកម្ពុជា ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានចាត់ឱ្យក្រុមការងារ​ ចុះសួរសុខទុក្ខ និងនាំយកព្រះរាជ​អំណោយរបស់​ សម្តេចព្រះមហាក្សត្រី​ នរោត្តម​ មុនិនាថ​ សីហនុ​ ព្រះវររាជមាតាជាតិខ្មែរ​ ព្រះប្រធាន​កិត្តិយសកាកបាទក្រហម​កម្ពុជា​ រួមមាន​ ចង្កៀងពន្លឺព្រះអាទិត្យ ៥០គ្រឿង​ និងថ្នាំពេទ្យចំនួន ១៥កេស​ មាន​ ៤​មុខ​ ត្រូវនឹងជំងឺ​ក្តៅ​ ឈឺបំពង់​ក រលាកសួត​ និងជំងឺរាគរូស ព្រមទាំងអំណោយកាកបាទក្រហមកម្ពុជា​ ជាស្បៀង​ សម្ភារ​ និងថវិកា​ ផ្តល់ជូនប្រជាពលរដ្ឋងាយរងគ្រោះ​បំផុតចំនួន ៥០គ្រួសារ (ស្មើនឹង ២២៦នាក់) រស់នៅក្នុងភូមិចំនួន៣ នៃឃុំកំពង់ព្រះគគី ស្រុកបរិបូរណ៍ ខេត្តកំពង់ឆ្នាំង។

ក្នុងឱកាសជួបសំណេះ​សំណាលនេះ លោកជំទាវ​ ពុំ ចន្ទីនី អគ្គលេខាធិការ​កាកបាទក្រហមកម្ពុជា​ រួមជាមួយឯកឧត្តម​ ហ៊ី​ ណាត​ ប្រធានគណៈកម្មាធិការសាខា​កាកបាទក្រហមកម្ពុជា​ ខេត្តកំពង់ឆ្នាំង​ បានពាំនាំនូវព្រះរាជបណ្តាំ និងប្រសាសន៍ផ្ដាំផ្ញើសួរសុខទុក្ខ ការនឹករលឹកពីសំណាក់ សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែគិតគូរពីសុខទុក្ខបងប្អូនប្រជាពលរដ្ឋមាន​ទុក្ខលំបាកដោយមិន​ប្រកាន់រើសអើងវណ្ណៈ ជាតិសាសន៍ ព័ណ៌សម្បុរ ឬនិន្នាការនយោបាយ​អ្វីឡើយ។ ជាមួយគ្នានេះ​ លោកជំទាវ​អគ្គលេខាធិការ​ បានពាំនាំនូវសារអំពាវនាវរបស់ សម្ដេចព្រះមហាក្សត្រី ​ព្រះវររាជមាតាជាតិខ្មែរ និងសម្ដេច​កិត្តិព្រឹទ្ធបណ្ឌិតប្រធាន ជូនបងប្អូនប្រជាពលរដ្ឋ​ឱ្យយកចិត្តទុកដាក់​ពីការថែទាំ​សុខភាពឱ្យ​បានល្អ មានអនាម័យ​ក្នុងការរស់នៅ​ សម្អាតបរិស្ថានជុំវិញផ្ទះ បរិភោគអាហារ​ដែលមានជីវជាតិ ផឹកទឹកឆ្អឹនដាំពុះ​ និងគេងក្នុងមុងជានិច្ច។ សូមប្រជាពលរដ្ឋចូលរួម​គោរពច្បាប់ចរាចរណ៍ កុំបើកបរក្រោម​ឥទ្ធិពលគ្រឿងស្រវឹង និងជៀសឱ្យឆ្ងាយពីគ្រឿងញៀន។ ចំណែក​ស្រ្តីមានផ្ទៃពោះ ត្រូវទៅពិនិត្យសុខភាព​នៅមណ្ឌល​សុខភាព​យ៉ាងហោចណាស់ឱ្យបាន៤ដង​ ទៅតាមការណែនាំរបស់គ្រូពេទ្យ និងបង្កើនការប្រុងប្រយ័ត្នខ្ពស់ចំពោះអគ្គិភ័យដែលអាចកើតឡើងជាយថាហេតុក្នុងរដូវរាំងស្ងួតនេះ។

ទន្ទឹមនឹងនេះ​ ឯកឧត្តមប្រធាន​គណៈកម្មាធិការសាខា ជួសមុខ​ឱ្យប្រជាពលរដ្ឋ​ងាយរងគ្រោះទាំងអស់ បានថ្លែងអំណរ​គុណ​យ៉ាងជ្រាលជ្រៅ​ចំពោះកាកបាទក្រហម​កម្ពុជា ដែលមានសម្ដេចព្រះមហាក្សត្រី ព្រះវររាជមាតាជាតិខ្មែរ គង់ប្រថាប់ជាព្រះប្រធាន​កិត្តិយស និងសម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន តែងតែចែករំលែកនូវក្ដីស្រឡាញ់​ សន្ដោសប្រណី ដល់ប្រជាពលរដ្ឋទាំងអស់ដោយគ្មានការរេីសអេីង​ វណ្ណៈ​ ពូជសាសន៍​ ឬនិន្នាការនយោ​បាយ​អ្វី​។

សូមបញ្ជាក់ថា​ គ្រួសារនីមួយៗទទួលបាន ៖ ចង្កៀងប្រេីពន្លឺព្រះអាទិត្យ​ ១គ្រឿង​ ថ្នាំពេទ្យ​ អង្ករ ៣០គីឡូក្រាម មី ១កេស ត្រីខ ១០កំប៉ុង សារុង១ ក្រមា១ ភួយ១ អាវយឺត១​ និងថវិកាមួយចំនួន៕

កក្រក​ ៖​ នៅថ្ងៃសុក្រ ១០រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១ ខែមីនា ឆ្នាំ២០១៩ នេះ កាកបាទក្រហម​កម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានទទួលអំណោយជា​ម្សៅទឹកដោះគោ​ទារកចំនួន ១០០កេស (គិតជាថវិកាចំនួន ១៥.០០០ដុល្លារ) ពីក្រុមហ៊ុន សំ ប៊ិហ្សនេស គ្រុប ​ខូអិលធីឌី ដែលពិធី​នេះប្រព្រឹត្តទៅ​នៅទីស្នាក់ការ​កណ្តាលកាកបាទក្រហមកម្ពុជា។

ក្នុងឱកាសទទួល​អំណោយនេះ លោកជំទាវ ម៉ែន នារីសោភ័គ អគ្គលេខាធិការ​រងទី ១ កាកបាទក្រហមកម្ពុជា បានពាំនាំ​ប្រសាសន៍របស់ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើ​សួរសុខទុក្ខ និងថ្លែងអំណរគុណ​យ៉ាងជ្រាលជ្រៅ​ចំពោះក្រុមហ៊ុន សំ ប៊ិហ្សនេស គ្រុប ខូអិលធីឌី ដែល​មានសេចក្តីជឿទុកចិត្ត និងនាំយក​អំណោយម្សៅទឹកដោះ​គោទារក​មកជូនកាកបាទក្រហម​កម្ពុជា ដើម្បីបន្ត​ចែកជូនស្ត្រីមានផ្ទៃពោះ​ឬស្ត្រីទើបសម្រាលកូន​ដែលមានជីវភាព​លំបាក។ លោកជំទាវ​អគ្គលេខាធិការរងទី ១ បានជម្រាបជូន​សប្បុរសជន​អំពីប្រតិបត្តិការ​របស់កាកបាទក្រហមកម្ពុជា​ទៅតាមវិស័យស្នូលទាំង៤ ដែលក្នុងនោះ ការងារ​សុខភាពមាតា ទារក និងកុមារ គឺជាការងារ​ដែលកាកបាទក្រហម​កម្ពុជា បាននិងកំពុងធ្វើជា​រៀងរាល់ថ្ងៃ ដើម្បីគាំទ្រ​ដល់សកម្មភាព​សម្តេចកិត្តិ​ព្រឹទ្ធបណ្ឌិត ប៊ុន រ៉ានី ហ៊ុនសែន ជាឥស្សរជនឆ្នើមថ្នាក់ជាតិនៃផែនការរួមអគ្គលេខាធិការអង្គការសហប្រជាជាតិ ដើម្បីសុខភាពស្ត្រីនិងកុមារ។

ជាមួយគ្នានេះ ​គណៈប្រតិភូ​នៃក្រុមហ៊ុន សំ ប៊ិហ្សនេស គ្រុប ខូអិលធីឌី ដែលដឹកនាំដោយ​ លោក​ ភេដ្រូ​ ហ្កាដា​ ប្រធានហេរូស្វីស​ប្រចាំតំបន់អាស៊ីប៉ាស៊ីហ្វិក​ បានថ្លែងអំណរគុណ​ចំពោះកាកបាទក្រហម​កម្ពុជា ដែលអនុញ្ញាតឱ្យក្រុមហ៊ុន បានចូលរួមចំណែកការងារ​មនុស្សធម៌មួយផ្នែកក្នុងការជួយសម្រាលការលំបាកដល់ប្រជាពលរដ្ឋ​ងាយរងគ្រោះបំផុត ហើយក្រុមហ៊ុន​ក៏នៅតែបន្តឧបត្ថម្ភ​គាំទ្រតាមលទ្ធភាពដែលមាន ដល់កាកបាទក្រហមកម្ពុជា៕

កក្រក​ ៖​ នៅទីស្នាក់ការកណ្តាល​ នាព្រឹកថ្ងៃព្រហស្បតិ៍ ៩រោច​ ខែមាឃ​ ឆ្នាំច​ សំរឹទ្ធិស័ក​ ព.ស.២៥៦២​ ត្រូវនឹងថ្ងៃទី ២៨ ខែកុម្ភៈ​ ឆ្នាំ២០១៩​ នេះ​ លោកជំទាវ​ ឃួន​ សុដារី​ អនុប្រធានកាកបាទក្រហមកម្ពុជា​ បានអញ្ជេីញដឹកនាំកិច្ចប្រជុំផ្សព្វផ្សាយស្តីពី​ យុទ្ធនាការ​ត្រៀមរៀបចំ​ខួបលេីកទី​ ១៥៦​ ទិវាពិភពលោកកាកបាទក្រហម​ អឌ្ឍចន្ទក្រហម​ ៨​ ឧសភា​ ឆ្នាំ​ ២០១៩​ ក្រោមប្រធានបទ​ «ខ្ញុំ​ ❤️️ កាកបាទក្រហមកម្ពុជា​​»​ និងពិធី​ចម្រេីនព្រះជន្ម​ សម្តេចព្រះមហាក្សត្រី​ នរោត្តម​ មុនិនាថ​ សីហនុ​ ព្រះវររាជមាតាជាតិខ្មែរ​ ព្រះប្រធានកិត្តិយស​កាកបាទក្រហម​កម្ពុជា​ ជូនដល់សាខាកាកបាទក្រហមកម្ពុជា​ទាំង​ ២៥រាជធានី​ ខេត្ត។

កិច្ចប្រជុំនេះ​ មានការអញ្ជេីញចូលរួមពីថ្នាក់ដឹកនាំអគ្គលេខា​ធិការដ្ឋាន​ គណៈកម្មាធិការសាខា​ មន្ត្រីប្រតិបត្តិ​សាខា​ និងមន្ត្រីទីស្នាក់ការកណ្តាល​ សរុបចំនួន​ ៦៤នាក់។

បន្ទាប់ពីការលេីកឡេីងមតិយោបល់របស់គណៈកម្មាធិការសាខា​ ដែលបានចែករំលែកពីបទពិសោធន៍​ ស្នាដៃ​ និងបញ្ហាប្រឈម​នៅតាមសាខានីមួយៗរួចមក​ លោកជំទាវ​ ឃួន​ សុដារី​ បានថ្លែងនូវក្តីរំភេីបរីករាយ​ ដោយបានជួបជុំដោយផ្ទាល់រវាងថ្នាក់កណ្តាល​ និងគណៈកម្មាធិការសាខា​ ក្រុមប្រតិបត្តិការសាខា​ ដែលនេះជាឱកាសដ៏មានតម្លៃក្នុងការផ្សារភ្ជាប់នូវមនោសញ្ចេតនា​ ទំនាក់ទំនង​ និងយល់ដឹងពីសុខទុក្ខគ្នាទៅវិញទៅមក។

ជាមួយគ្នានេះ​ លោកជំទាវ​ ឃួន​ សុដារី​ បានផ្តល់នូវគោលគំនិតសំខាន់ៗ​​និងប្រសាសន៍ណែនាំលេីការងារដូចខាងក្រោម​ ៖

១/ ផ្តល់នូវគោលគំនិតសំខាន់ៗ​​ដេីម្បីឆ្ពោះទៅការរៀបចំទិវា​ ៨​ ឧសភា​ ឱ្យទទួលបានជោគជ័យ​នៅតាមសាខានីមួយៗ​ ដេីម្បី​សម្រេចបានចក្ខុវិស័យ​ និងបេសកកម្មរបស់កាកបាទក្រហមកម្ពុជា​ក្នុង​ការកៀរគរកម្លាំងមនុស្សធម៌​ដេីម្បីជួយសង្គ្រោះ​ប្រជាពលរដ្ឋរងគ្រោះនិងងាយរងគ្រោះបំផុត​ តាមរយៈ​ វិស័យស្នូលទាំង​៤​ ហេីយប្រកាន់ខ្ជាប់នូវគោលការណ៍គ្រឹះទាំង៧​ របស់ចលនាកាកបាទក្រហម​ និង​អឌ្ឍចន្ទក្រហម​។

២/ សូមសាខាទាំងអស់យកចិត្តទុកដាក់ខ្ពស់លេីវិធីសាស្ត្រឬមធ្យោបាយ​ក្នុងការងារផ្សព្វផ្សាយពី​សកម្មភាព​ ស្នាដៃ​ និងសមិទ្ធផលរបស់ខ្លួន​​ ដែលជាការងារគន្លឹះសំខាន់​​ដេីម្បីស្វែងរកការគាំទ្រពីគ្រប់មជ្ឈដ្ឋាន។

៣/ សូមសាខាទាំងអស់​រៀបចំពិធីបុណ្យចម្រេីនព្រះជន្ម​ សម្តេចព្រះមហាក្សត្រី​ ព្រះវររាជមាតាជាតិខ្មែរ

សាខាកក្រក​ខេត្តព្រះវិហារ៖នៅរសៀលថ្ងៃទី២៧ ខែ កុម្ភៈ ឆ្នាំ ២០១៩ នៅសា​ខាកាកបាទក្រហមកម្ពុជា ខេត្តព្រះវិហារ​ បានរៀបចំពិធី​បិទវគ្គបំប៉ន​ស្ដីពីជំនាញ​អនាម័យទឹកស្អាត​ក្នុងគ្រាអាសន្ន​ដល់អ្នកស្ម័គ្រចិត្តកាកបាទក្រហម​កម្ពុជា ដោយមានការ​ចូលរួមពីសំណាក់ លោកជំទាវ ចឹក ហេង ប្រធាន​គណៈកម្មាធិការសាខាកាកបាទ ក្រហម​កម្ពុជា ខេត្តព្រះវិហារ។

សិក្ខាកាមដែលបាន​មកចូលរៀន​ក្នុងវគ្គបំប៉ន​នាថ្ងៃនេះ​មានមន្ដ្រីសាខា អនុសាខា ប្រធាន​ក្រុមអ្នកស្ម័គ្រចិត្តនិង​អ្នកស្ម័គ្រចិត្ត​កាកបាទក្រហម កម្ពុជា​មកពីសង្កាត់​ចំនួន២ គឺសង្កាត់​កំពង់ប្រណាក ​និងសង្កាត់ប៉ាលហាល ស្ថិតក្នុង​ក្រុងព្រះវិហារ សរុបមានចំនួន២៥នាក់ ស្រី ២០នាក់។ វគ្គ នេះមានរយៈពេល ៣ថ្ងៃ គឺចាប់ថ្ងៃទី២៥ ដល់​ថ្ងៃទី២៧ ខែកុម្ភៈ ឆ្នាំ២០១៩ ដែលទទួលបានការឧបត្ថម្ភដោយកាកបាទ ក្រហមជប៉ុន តាមរយៈសហព័ន្ធអន្ដរជាតិ​ កាកបាទក្រហម អឌ្ឍចន្ទក្រហម (IFRC/JRCS) ។

កញ្ញា វិន ឌី មន្ត្រីអនាម័យ​ទឹកស្អាតក្នុងគ្រោះ​អាសន្នតំណាង​អោយសហភាព​សហព័ន្ធអន្ដរជាតិកាកបាទក្រហម អឌ្ឍ ចន្ទក្រហមតំបន់អាស៊ីប៉ាស៊ីហ្វិច ប្រចាំការិយាល័យនាទីក្រុងកូឡាឡាំពួ ប្រទេស ម៉ាសលេស៊ី បានឱ្យដឹងថា ការបើកវគ្គបំប៉ននេះធ្វើឡើង គឺដើម្បីបំពេញ បន្ថែមនូវចំណេះដឹង ស្ដីពីជំនាញអនាម័យទឹកស្អាត ជូន​ដល់សិក្ខា កាម​ទាំងអស់ ដើម្បីយក​ចំណេះដឹង​ទាំងនេះ ទៅដោះ ស្រាយ និង​ជួយសង្គ្រោះដល់​ជនរងគ្រោះ។

មានប្រសាសន៍​បិទវគ្គនាឱកាសនោះ លោក ជំទាវ ចឹក ហេង ប្រធានគណៈកម្មាធិការសាខា បានថ្លែងអំណរគុណ​ដល់កញ្ញា វិន ឌី ព្រម ទាំងគ្រូឧទ្ទេសដែល​បានចំណាយពេល​វេលាដ៏មានតម្លៃ ដើម្បីមកបើកវគ្គ​នាពេលនេះ។ លោកជំទាវ ក៏បាន​ផ្ដាំផ្ញើដល់សិក្ខាកាម​ថាត្រូវយក ចំណេះទាំងនេះ ផ្សព្វផ្សាយដល់ប្រជាពលរដ្ឋ​នៅក្នុងសហគមន៍ និង​ត្រៀមជួយទៅ​ដល់ជនដែលងាយ​រងគ្រោះ នៅពេល​ដែលមានគ្រោះ មហន្តរាយកើតឡើង ។

សាខាកក្រក ​ខេត្តព្រៃវែង៖ នៅថ្ងៃអង្គារ​ ៧រោច ខែមាឃ ឆ្នាំច សំរឹទ្ធិស័ក ព.ស. ២៥៦២ ត្រូវនឹង ថ្ងៃទី២៦ ខែកុម្ភៈ ឆ្នាំ២០១៩ ឯកឧត្តម​ឧកញ៉ា សុខ ផេង អនុប្រធាន​អចិន្ត្រៃយ៍​សាខាខេត្ត តំណាង ឯកឧត្តម ជា សុមេធី ប្រធានគណៈកម្មាធិការ​សាខាខេត្ត បានចុះសួរ​សុខទុក្ខ និងនាំយក​អំណោយមនុស្សធម៌​ផ្តល់ជូន​ជនពិការចំនួន ៤នាក់៖ 
១. លោកតា ប៊ុន ហ៊ីន ភេទប្រុស អាយុ ៧២ឆ្នាំ រស់នៅភូមិដូង ឃុំជ្រៃ ស្រុកកំពង់ត្របែក ខេត្តព្រៃវែង។
២. លោក ភុន កិ ភេទប្រុស អាយុ ២៣ឆ្នាំ រស់នៅ​ភូមិព្រៃ​អាស្ទាំង ឃុំអង្គររាជ​ ស្រុកព្រះស្តេច ខេត្តព្រៃវែង។
៣. លោកយាយ ហ៊ន ណារិន ភេទស្រី អាយុ ៧២ឆ្នាំ រស់នៅភូមិ២ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង។
៤. កញ្ញា យ៉ុន បាក់ ភេទស្រី អាយុ ២២ឆ្នាំ រស់នៅភូមិ២ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង។

នាឱកាសនោះ ឯកឧត្តម​ឧកញ៉ា បានពាំនាំ​នូវប្រសាសន៍ផ្តាំ​ផ្ញើសាកសួរសុខទុក្ខ​ ពីសំណាក់ ឯកឧត្ត ជា សុមេធី ប្រធាន​គណៈកម្មាធិការ​សាខាខេត្ត។ បន្ថែមពីនេះ ឯកឧត្តម​ឧកញ៉ា បានណែនាំ​អោយខិតខំថែរក្សាសុខភាព​អោយបានល្អ ត្រូវមាន​សង្ឃឹមក្នុងជីវិត និងត្រូវមាន​អនាម័យល្អ​ក្នុងការហូប​ប្រចាំថ្ងៃ។

សម្ភារៈដែលបាន​ផ្តល់ជូនរួមមាន ៖ រទេះជនពិការ១ កន្ថោ ១ អង្ករ ២៥ គ.ក មី ១កេស ត្រី ខ ១យួរ ឃីត ១កញ្ចប់(មុង ភួយ ក្រមា សារ៉ុង) និងថវិកាចំនួន ១០០,០០០រៀល។

សាខាកក្រក​ខេត្តសៀមរាប៖ នៅរសៀល​ថ្ងៃអង្គារ ៧រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹង​ថ្ងៃទី ២៦ ខែកុម្ភៈ ឆ្នាំ២០១៩ ​លោកជំទាវ ទាង អេង ទៀសីហា ​អនុប្រធាន​គណៈកម្មាធិការ​សាខាកាកបាទក្រហម​កម្ពុជា ខេត្តសៀមរាប តំណាង​ឯកឧត្តម ទៀ សីហា ប្រធាន​គណៈកម្មាធិការសាខា​ និងសហការីបានអញ្ជើញ​ចុះជួបសំណេះសំណាល ​សួរសុខទុក្ខ និងនាំយកអំណោយ​មនុស្សធម៌​ផ្ដល់ជូន ជនត្រូវចោទ ជនជាប់ចោទ​ និងពិរុទ្ធជន ជាស្ត្រីមាន​កូនតូចតាម និងស្ត្រីមាន​ផ្ទៃពោះ ចំនួន១៥នាក់ នៅក្នុងពន្ធនាគារ​ខេត្តសៀមរាប។

មានប្រសាសន៍​នាឱកាសនោះ លោក​ជំទាវអនុប្រធាន​គណៈកម្មាធិការសា​ខា បានលើកឡើងថាប្អូនៗ ដែលជាជន​ត្រូវចោទ ជនជាប់ចោទ និងពិរុទ្ធជន ជាស្ត្រីមាន​កូនតូចតាម និងស្ត្រីមាន​ផ្ទៃ ដែលមានវត្តមាននា​ពេលនេះ សូមចេះថែរក្សា​សុខភាពខ្លួនឯង និងកូនតូចៗ ម្យ៉ាងវិញ​ទៀតត្រូវគោរព​ឱ្យបានខ្ជាប់ខ្ជួននូវ​បទបញ្ជា​ក្នុងពន្ធនាគារ និង​ការណែនាំរបស់​អ្នកគ្រប់គ្រង ដើម្បីប្រែក្លាយខ្លួន​ជាពលរដ្ឋល្អពេលត្រឡប់ទៅ​សហគមន៍វិញ។ ហើយក្នុងគោលបំណង​លើកកម្ពស់ការ​យកចិត្តទុកដាក់​ចំពោះសុខភាពមាតា ទារក និងកុមារ និង​ដើម្បីអបអរសាទរ​ទិវាជាតិសុខភាព​មាតា ទារក និងកុមារ ​ពិសេសដើម្បីរួមចំណែកគាំទ្រ “ឥស្សរជនឆ្នើម​ថ្នាក់ជាតិ នៃផែនការ​សកម្មភាពរួមអគ្គលេខាធិការ​អង្គការសហប្រជាជាតិ ដើម្បី​សុខភាពស្ត្រី និងកុមារ” កាកបាទក្រហម​កម្ពុជា​ដែលមាន​សម្ដេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ជាប្រធាន តែងតែ​គិតគូរខ្ពស់​ចំពោះ​សុខភាព​បងប្អូនជាស្ដ្រី និងកុមារ។ លោកជំទាវក៏បានពាំនាំនូវសារសុខភាពរបស់​សម្ដេចកិត្តិព្រឹទ្ធបណ្ឌិត​ប្រធានជូនដល់មាតាៗរួមមាន៖
១- សូមឱ្យស្ត្រីមានគភ៌ទាំអស់ អញ្ជើញ​ទៅពិនិត្យសុខភាព ពិគ្រោះយោបល់​ជាមួយគ្រូពេទ្យឆ្មបជំនាញនៅមណ្ឌលសុខភាព ឬមន្ទីរពេទ្យដែលនៅ​ជិតផ្ទះតាមកាលកំណត់ ទទួលយក​សេវាបង្ការ ព្យាបាល ថែទាំទាំងអស់ឱ្យបានទៀងទាត់​តាមការណែនាំ​របស់គ្រូពេទ្យជំនាញ និងស្ម័គ្រចិត្ត​ធ្វើតេស្ដឈាមដើម្បីពិនិត្យស្ថានភាព​មេរោគអេដស៍ និងមេរោគស្វាយ​ ដើម្បីលុបបំបាត់ ពិការភាព និងការចម្លងជំងឺទាំងពីរនេះពីម្ដាយទៅកូន ។ 
២- សូមទៅសម្រាលកូន​នៅមណ្ឌលសុខភាព ឬមន្ទីរពេទ្យ ដែលមានគ្រូពេទ្យ​ឆ្មបជំនាញ បានទទួលការបណ្ដុះបណ្ដាលត្រឹមត្រូវ។ 
៣- សូមអញ្ជើញទៅពិនិត្យសុខភាពក្រោយពេលសម្រាលទាំងមាតា និងទារក និងទទួលថ្នាំបង្ការជំងឺ១១មុខ កាលកំណត់របស់គ្រូពេទ្យ។
៤- សូមបំបៅទារកដោយទឹកដោះម្ដាយតែមួយមុខគត់ ចាប់ពីពេលទារកប្រសូតភ្លាមរហូតដល់ទារកមានអាយុ៦ខែ និងផ្ដល់អាហារបន្ថែមគ្រប់មុខ គ្រប់ជីវភាព (បបរខាប់គ្រប់គ្រឿង) រួមជាមួយការបន្តបំបៅម្ដាយរហូតដល់កុមារមានអាយុយ៉ាងតិច ២ឆ្នាំ។
៥- សូមប្រញាប់យកទារកទៅមន្ទីរពេទ្យភា្លម នៅពេលឃើញសញ្ញាគ្រោះថ្នាក់ណាមួយនៃជំងឺរលាកផ្លូវដង្ហើម ជំងឺរាក ឬជំងឺឆ្លងដទៃទៀត និងយកទារក ឬកុមារតូចដែលមានរាងកាយស្គម ឬមិនឡើងទម្ងន់សោះ ទៅពិគ្រោះយោបល់ និងទទួលការព្យាបាលនៅមន្ទីរពេទ្យ ។

អំណោយមនុស្សធម៌ដែលបានផ្ដល់ជូន ម្នាក់ៗទទួលបាន៖ មុង១ ភួយ១ សារុង១ ក្រមា១ ទឹកដោះគោ៣កំប៉ុង ស្ករស១គីឡូក្រាម ត្រីខ១យួរ មី១កេស សាប៊ូក្រអូប ២ដុំ សម្ភារទារក១កញ្ចប់ និងថវិកាចំនួន ៥ម៉ឺនរៀលផងដែរ។

សាខាកក្រកខេត្តព្រះសីហនុ ៖ កាលពីព្រឹក​ថ្ងៃចន្ទ ៦រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២៥ ខែ កុម្ភៈ ឆ្នាំ ២០១៩ សាខា​កាកបាទក្រហមកម្ពុជា​ខេត្តព្រះសីហនុ ដឹកនាំ​ដោយលោក សែជូ ​សិទ្ធិជោតិ សមាជិក​គណៈកម្មាធិការ​សាខា និងសហការី បានចុះ​សួរសុខទុក្ខ និងនាំយកអំណោយ​មនុស្សធម៌​របស់កាកបាទក្រហម​កម្ពុជា ជូនដល់ស្រ្តី​ទើបសម្រាល​កូន ចំនួន ១៥នាក់ នៅតាមមណ្ឌល​សុខភាព ក្នុងស្រុកព្រៃនប់ ​ខេត្តព្រះសីហនុ។

ក្នុងឱកាសនោះដែរ ​លោកសែជូ សិទ្ធិជោតិ បានពាំនាំ​មកនូវប្រសាសន៍ផ្តាំផ្ញើ​សួរសុខទុក្ខ​និងអនុសាសន៍របស់​សម្តេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ជូនបងប្អូន​ប្រជាពលរដ្ឋទាំងអស់ ដែលមាន​ខ្លឹមសារដូចតទៅ៖ 
១.សូមឱ្យស្ត្រីមានគភ៌​ទាំងអស់ អញ្ជើញ​ទៅពិនិត្យសុខភាព ពិគ្រោះយោបល់​ជាមួយគ្រូពេទ្យឆ្មប​ជំនាញនៅមណ្ឌលសុខភាព​ ឬមន្ទីរពេទ្យដែល​នៅជិតផ្ទះតាមកាល​កំណត់ទទួលយក​សេវាបង្ការ ព្យាបាលទាំងអស់ឱ្យបានទៀងទាត់​តាមការណែនាំ​របស់គ្រូពេទ្យជំនាញ​ និងស្ម័គ្រចិត្តធ្វើតេស្តឈាម​ដើម្បីពិនិត្យស្ថានភាព​មេរោគអេដស៍ និងមេរោគស្វាយ​ ដើម្បីលុបបំបាត់​ពិការភាព និងការចម្លង​ជំងឺទាំងពីរនេះ​ពីម្តាយទៅកូន
២.សូមទៅសម្រាល​កូននៅមណ្ឌល​សុខភាព ឬមន្ទីរពេទ្យ ដែលមាន​គ្រូពេទ្យឆ្មប​ជំនាញទទួលបាន​ការបណ្តុះបណ្តាលត្រឹមត្រូវ
៣.សូមអញ្ជើញទៅពិនិត្យសុខភាព​ក្រោយពេល​សម្រាលទាំងមាតា​ និងទារក និងទទួលថ្នាំបង្ការជំងឺ១១មុខ តាមការកំណត់របស់គ្រូពេទ្យ
៤.សូមបំបៅទារកដោយ​ទឹកដោះម្តាយ​តែមួយមុខគត់ចាប់ពី​ពេលទារក​ប្រសូតភ្លាម​រហូតដល់ទារកមានអាយុ៦ខែ និងផ្តល់អាហារ​បន្ថែមគ្រប់មុខ គ្រប់ជីវជាតិ (បបរខាប់គ្រប់គ្រឿង) រួមជាមួយ​ការបន្តបំបៅទឹកដោះម្តាយរហូតដល់​កុមារមាន​អាយុយ៉ាងតិច២ឆ្នាំ
៥.សូមប្រញាប់​យកទារក​ទៅមន្ទីរពេទ្យភ្លាម​នៅពេលឃើញ​សញ្ញាគ្រោះថ្នាក់ណា​មួយនៃជំងឺរលាកផ្លូវដង្ហើម ជំងឺរាក ឬជំងឺឆ្លងដទៃទៀត និងយកទារក ឬកុមារតូចដែលមានរាងកាយស្គម ឬមិនឡើងទម្ងន់សោះ ទៅពិគ្រោះយោបល់ និងទទួលការព្យាបាលនៅមន្ទីរពេទ្យ។

អំណោយដែល​បានផ្តល់​ជូនរួមមាន ៖ មុង១ ភួយ១ ក្រមា១ សារុង១ ថវិកាមួយចំនួន។
សម្រាប់ទារកមាន​ដូចជា ខោទឹកនោម ១ប្រអប់ កន្សែងធំ១ សាប៊ូកូនក្មេង ១ដប ម្សៅកូនក្មេង ១ដប ខោអាវ ៤កំប្លេ ស្រោមដៃ ស្រោមជើង ៤កំប្លេ និងប្រេងកូឡា ១ដប៕