អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

កាកបាទក្រហមកម្ពុជាបើកកិច្ចប្រជុំការងារទិវាពិភពលោក ៨ ឧសភា ២០១៧

កក្រក​ ៖​នៅរសៀលថ្ងៃទី​១៣​ខែកុម្ភៈ​ឆ្នាំ២០១៧​ នេះ​គណៈកម្មការ​រៀបចំ​ពិធីខួប​ទី១៥៤​ទិវា​ពិភពលោក​កាកបាទក្រហម​អឌ្ឍចន្ទក្រហម​ ៨ឧសភាឆ្នាំ២០១៧​ដែលមាន​សម្តេច​ចៅហ្វាវាំង ​គង់ សំអុល ​អនុប្រធាន​អចិន្ត្រៃយ៍​កាកបាទក្រហម​កម្ពុជា​ជាប្រធាន​បានរៀបចំ​កិច្ចប្រជុំ​ដំបូង ដើម្បី​ពិភាក្សា​ការងារ​ណែនាំ​ពីតួនាទី និងភារកិច្ចរបស់​គណៈកម្មការ​និងអនុគណៈកម្មការ​នីមួយៗសម្រាប់​អនុវត្ត​ការងារ​ឱ្យមាន​ប្រសិទ្ធភាព។

 

កិច្ចប្រជុំនេះ​ ប្រព្រឹត្ត​ទៅនៅ​ទីស្នាក់ការ​កណ្តាល​កាកបាទក្រហមកម្ពុជា​ដោយមានការ​អញ្ជើញ​ចូលរួមពី​ថ្នាក់ដឹកនាំ​សមាជិក​សមាជិកា​សរុបចំនួន​៤១នាក់​៕

 

ប្រជាជនស្រុកសំបូរខេត្តក្រចេះទទួលអណ្តូងទឹកស្អាតប្រើប្រាស់

កក្រក ៖នៅព្រឹកថ្ងៃទី១៣ ខែកុម្ភៈ ឆ្នាំ២០១៧ នេះកាកបាទក្រហមកម្ពុជាដែលមានសម្តេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ជាប្រធានបានប្រគល់ឱ្យប្រើប្រាស់ជាផ្លូវការអណ្តូងទឹកស្អាតចំនួន១០មានលេខរៀងពីទី០៣៥ដល់ទី០៤៤ ជូនប្រជាជនខ្វះខាតទឹកប្រើប្រាស់ចំនួន២៥០គ្រួសារស្មើនឹងមនុស្ស១,០០០ នាក់រស់នៅឃុំវឌ្ឍនៈនិងឃុំកំពង់ចាម នៃស្រុកសំបូរ ខេត្តក្រចេះ។

 

ទន្ទឹមនឹងប្រសាសន៍ផ្តាំផ្ញើសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិតប្រធាន នៅក្នុងពិធីប្រគល់អណ្តូងទឹកទាំងនោះលោកវេជ្ជ. អ៊ុយ សំអាត នាយក នាយកដ្ឋានគ្រប់គ្រងគ្រោះមហន្តរាយ នៃកាកបាទក្រហមកម្ពុជាបានផ្តាំផ្ញើដល់ប្រជាពលរដ្ឋទាំងអស់ជៀសវាងឱ្យបានដាច់ខាតនូវការប្រើប្រាស់គ្រឿងញៀន គ្រឿងស្រវឹង និងល្បែងស៊ីសងគ្រប់ប្រភេទដែលជាប្រភពនៃអំពើហិង្សា ចោរកម្ម និងអសន្តិសុខ។ សូមប្រជាពលរដ្ឋថែរក្សាសុខភាពឱ្យបានល្អដោយត្រូវបរិភោគទឹកដាំពុះនិងចូលរួមដាំដំណាំឬបន្លែផ្សេងៗនៅជុំវិញអណ្តូងទឹកដើម្បីជាប្រយោជន៍ដល់សហគមន៍ និងត្រូវចូលរួមថែរក្សានូវសមិទ្ធផលទាំងនេះឱ្យបានគង់វង្សយូរអង្វែង។

 

ប្រជាពលរដ្ឋចំនួន១១៦នាក់ដែលចូលរួមក្នុងពិធីនោះមានក្តីរីករាយឥតឧបមាក្រោយទទួលបានសមិទ្ធផលថ្មីនេះហើយពួកគាត់ក្នុងម្នាក់ៗទទួលបាន សារុង ១ ក្រមា១ និងថវិកាមួយចំនួន។

 

សូមបញ្ជាក់ផងដែរថា គិតចាប់តាំងពីឆ្នាំ២០១០ រហូតដល់ឆ្នាំ២០១៦ កន្លងទៅនេះកាកបាទក្រហមកម្ពុជា បានដោះស្រាយបញ្ហាទឹកស្អាតជូនប្រជាពលរដ្ឋបានរាប់ម៉ឺនគ្រួសារនៅទូទាំងប្រទេស ក្នុងនោះបានផ្តល់អណ្តូងទឹកស្អាត (អណ្តូងស្នប់-លូចំរុះ) ស្រះទឹកសហគមន៍ និងស៊ីទែនទឹកបានសរុបចំនួនរាប់ពាន់អណ្ដូងហើយបាន និងកំពុងផ្តល់ជូនប្រជាពលរដ្ឋជាបន្តបន្ទាប់ទៀត៕

អ្នកស្ម័គ្រចិត្តកាកបាទក្រហមកម្ពុជាខេត្តរតនគីរីទទួលការបណ្តុះបណ្តាលវិជ្ជាសង្រ្គោះបឋម

សាខាកក្រកខេត្តរតនគិរីៈ ព្រឹកថ្ងៃទី១៣ខែកុម្ភៈឆ្នាំ២០១៧លោកឌឹម ណាត នាយក សាខាកាកបាទក្រហមកម្ពុជាខេត្តរតនគីរី បានចូលរួមបើកវគ្គបណ្តុះបណ្តាលវិជ្ជាសង្រ្គោះបឋម​ជាមូលដ្ឋានដល់អ្នកស្ម័គ្រចិត្រកាកបាទក្រហមចំនួន៣០នាក់ មកពី១៥ភូមិ នៃឃុំចំនួន៥ ក្នុងស្រុកលំផាត់ នៅសាលប្រជុំសាលាស្រុក។ វគ្គនេះមានរយៈពេលបីថ្ងៃចាប់ពីថ្ងៃទី១៣-១៥ ខែ កុម្ភៈ ២០១៧។


ក្នុងឱកាសនោះលោកនាយកក៍បានពាំនាំបណ្តាំផ្ញើសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងឯកឧត្តម ថង សាវុន ប្រធានគណៈកម្មាធិការសាខា ដែលតែងតែបានគិតគូរ និងយកចិត្តទុកដាក់ពីការងារពង្រឹង និងពង្រីកបណ្តាញការងារអោយបាន​ដល់​មូលដ្ឋាន ដើម្បីធានានូវប្រសិទ្ធិភាពការងារ លើកកម្ពស់ការផ្តល់សេវាកម្មមនុស្សធម៌​អោយគ្រប់ទី​កន្លែង  និងទាន់ពេលវេលាដូចពាក្យថា កាកបាទក្រហមមានគ្រប់ទីកន្លែង សម្រាប់អ្នកគ្រប់គ្នា។

គ្រួសាររងគ្រោះដោយអគ្គីភ័យទទួលអំណោយពីសាខាកាកបាទក្រហមកម្ពុជាខេត្តបាត់ដំបង

សាខាកក្រកខេត្តបាត់ដំបង ៖ព្រឹកថ្ងៃទី១៣ ខែកុម្ភៈ ឆ្នាំ២០១៧ក្រុមការងារសាខាកាកបាទក្រហម​ កម្ពុជាខេត្តដឹកនាំដោយលោកស្រី ស៊ុត ម៉ិ ហេរញ្ញឹកគណៈកម្មាធិការសាខាតំណាងឯកឧត្តមបណ្ឌិតប៊ុត គឹមស៊ានប្រធានគណៈកម្មាធិការសាខានិងសហការីរួមជាមួយយុវជនកក្រកបានចុះសួរសុខទុក្ខ និងនាំយកអំណោយមនុស្សធម៌របស់សាខាកាកបាទក្រហមកម្ពុជាខេត្តផ្តល់ជួនលោក ប៊ុន បេលេក អាយុ៦០ឆ្នាំ មានក្នុងបន្ទុក៣នាក់រងគ្រោះដោយភ្លើងឆេះផ្ទះកាលពីវេលាម៉ោង៣:១៥នាទីថ្ងៃទី១២ខែកុម្ភៈ ឆ្នាំ២០១៧ស្ថិតនៅភូមិរំចេក សង្កាត់រតនៈក្រុងបាត់ដំបង ខេត្តបាត់ដំបង ។

 

ក្នុងឱកាសនោះដែរ លោកស្រីហេរញ្ញឹកគណៈកម្មាធិការសាខា បានពាំនាំនូវប្រសាសន៍ផ្ដាំផ្ញើនិងក្ដីនឹករលឹកពីសំណាក់សម្ដេចកិត្តិព្រឹទ្ធបណ្ឌិតប្រធានដែលជានិច្ចកាលសម្ដេចតែងតែគិតគូដល់សុខទុក្ខប្រជាពលរដ្ឋក្រីក្រដែលមានទុក្ខលំបាក ជនរងគ្រោះ និងជនងាយរងគ្រោះ ជាពិសេសជនរងគ្រោះដោយសារភ្លើងឆេះផ្ទះ និងចូលរួមសោកស្តាយដោយមិនប្រកាន់រើសអើង វណ្ណៈ ជាតិសាសន៍ ព័ណ៍សម្បុរ ឬនិន្នាការនយោបាយអ្វីឡើយ។

 

អំណោយដែលទទួលបានមានដូចជា ៖ អង្ករ ២៥គីឡូក្រាម មី១កេស ត្រីខ ១០កំប៉ុង មុង១ ភួយ១ ក្រមា១ សារុង១ សំពត់តង់១ និងគ្រឿង ឩបភោគបរិភោគនិង សំភារៈប្រើប្រាស់ ព្រមទាំងថវិកា១០០,០០០រៀលផងដែរ ។

 

គ្រួសាររងគ្រោះដោយអគ្គីភ័យទទួលអំណោយពីអនុសាខាកាកបាទក្រហមកម្ពុជាស្រុកជ័យសែន

សាខាកក្រកខេត្តព្រះវិហារ៖នៅព្រឹកថ្ងៃទី១១ ខែកុម្ភៈ ឆ្នាំ២០១៧ អនុសាខាកាកបាទក្រហមកម្ពុជាស្រុកជ័យសែន ដឹកនាំដោយលោកស្រី ទិត ឡាំង ប្រធានគណៈកម្មាធិការអនុសាខាបានចុះសួរសុខទុក្ខនិងនាំអំណោយមនុស្សធម៌របស់កាកបាទក្រហមកម្ពុជា ដែលមានសម្ដេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ជាប្រធាន ជូនដល់គ្រួសាររងគ្រោះចំនួន១គ្រួសារដែលបណ្តាលមកពីភ្លើងឆេះផ្ទះកាលពីយប់ថ្ងៃទី០៩ ខែកុម្ភៈ ២០១៧ នៅភូមិអូរស្នៀត ឃុំតស៊ូ ស្រុកជ័យសែន ខេត្ត ព្រះវិហារ។

 

នាឱកាសនោះដែរ លោកស្រីប្រធានគណៈកម្មាធិការអនុសាខាបានពាំនាំនូវប្រសាសន៍ផ្ដាំផ្ញើសួរសុខទុក្ខនិងក្ដីនឹករលឹកពីសំណាក់សម្ដេចកិត្តិព្រឹទ្ធបណ្ឌិតប្រធានដែលជានិច្ចកាលសម្ដេចតែងតែគិតគូរសុខទុក្ខប្រជាពលរដ្ឋក្រីក្រដែលមានទុក្ខលំបាកជនរងគ្រោះ និងជនងាយរងគ្រោះ ជាពិសេសជនរងគ្រោះដោយសារភ្លើងឆេះផ្ទះ ដោយមិនប្រកាន់រើសអើងវណ្ណៈ ជាតិសាសន៍ ព័ណ៍សម្បុរ ឬនិន្នាការនយោបាយអ្វីឡើយ។

 

អំណោយដែលបានផ្ដល់ជូនរួមមាន ៖អង្ករ២០ គីឡូក្រាម ត្រីខ១កំប៉ុង  មី១កេស ទឹកស៊ីអ៊ីវ៦ ដប កៅស៊ូតង់១ សារុង១ ក្រមា១ មុង១ ភួយ ១ និងថវិកា៩០,០០០រៀលគត់។

ប្រជាពលរដ្ឋរងគ្រោះដោយភ្លើងឆេះផ្ទះទទួលអំណោយពីសាខាកាកបាទក្រហមកម្ពុជាខេត្តស្ទឹងត្រែង

សាខាកក្រកខេត្តស្ទឹងត្រែង៖កាលពីល្ងាចថ្ងៃទី៩ ខែកុម្ភៈ ឆ្នាំ២០១៧ សាខាកាកបាទក្រហមកម្ពុជា ខេត្តស្ទឹងត្រែងដឹកនាំដោយឯកឧត្តម ផាន់ ម៉េងឈឿន និងឯកឧត្តម ផឹក សុបិន អនុប្រធានកិត្តិយសសាខារួមដំណើរដោយ ក្រុមប្រតិបត្តិសាខា សមាជិកគណៈកម្មាធិការអនុសាខាក្រុង បានអញ្ជើញចុះសាកសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានជូនដល់ប្រជាពលរដ្ឋរងគ្រោះដោយសារភ្លើងឆេះផ្ទះ១ខ្នងចំនួន១គ្រួសារកាលពីព្រឹកថ្ងៃទី៨ ខែកុម្ភៈ ឆ្នាំ២០១៧ និងប្រជាពលរដ្ឋទីទ័លក្រ ជនចាស់ជរាគ្មានទីពឹងចំនួន៥គ្រួសារ ស្ថិតនៅភូមិខាំផាន់ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង ។

 

ក្នុងឱកាសនោះដែរ ឯកឧត្តមអនុប្រធានកិត្តិយសសាខា បានពាំនាំនូវប្រសាសន៍ផ្ដាំផ្ញើសាកសួរសុខទុក្ខនិងក្ដីនឹករលឹកពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាល សម្ដេចតែងតែគិតគូរដល់សុខទុក្ខប្រជាពលរដ្ឋក្រីក្រដែលមានទុក្ខលំបាក ជនរងគ្រោះ និងជនងាយរងគ្រោះ គ្រប់ប្រភេទ ដោយមិនប្រកាន់វណ្ណៈ ជាតិសាសន៍ ពណ៍សម្បុរ ឬនិន្នាការនយោបាយអ្វីឡើយ ជាពិសេសប្រជាពលរដ្ឋដែលរងគ្រោះដោយសារភ្លើងឆេះផ្ទះជាដើម។

 

អំណោយផ្តល់ជូនក្នុង១គ្រួសាររួមមាន ៖ អង្ករ ៣០គីឡូក្រាម ទឹកត្រី ១យួរ ទឹកស៊ីអ៊ីវ ១យួរ ត្រីខ ១យួរ ទឹកបរិសុទ្ធអង្គរពូរ៉ូ ២កេស មី ១កេស កន្ទេល១ តង់១ ឃីត ១កញ្ចប់ និងថវិកាចំនួន ៥០,០០០រៀល ផងដែរ៕

 

ប្រជាពលរដ្ឋរងគ្រោះដោយភ្លើងឆេះផ្ទះទទួលអំណោយពីអនុសាខាកាកបាទក្រហមកម្ពុជាស្រុកឈូក

សាខាកក្រកខេត្តកំពត ៖ កាលពីព្រឹកថ្ងៃទី៨ ខែកុម្ភៈឆ្នាំ២០១៧អនុសាខាកាកបាទក្រហម កម្ពុជាស្រុកឈូកដឹកនាំដោយលោកខៀវ រិទ្ធិភ័ណ ប្រធានកិត្តិយសអនុសាខា និងសហការីបានចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជូនដល់ប្រជាពលរដ្ឋរងគ្រោះដោយភ្លើងឆេះផ្ទះ កាលពីថ្ងៃទី៧ ខែកុម្ភៈ ឆ្នាំ២០១៧ វេលាម៉ោង ១០ព្រឹក ចំនួន២គ្រួសារ ឈ្មោះសាស ប្រាក់ អាយុ៦៣ឆ្នាំ និងឈ្មោះខឹម ស៊ីណា អាយុ៣៥ឆ្នាំ ស្ថិតនៅភូមិអង្គឃ្លៃ ឃុំត្រមែងស្រុកឈូក ខេត្តកំពត។

នាឱកាសនោះដែរ លោកប្រធានបានពាំនាំមកនូវប្រសាសន៍ផ្តាំផ្ញើសួរសុខទុក្ខពីសំណាក់ឯកឧត្តមចាន់ ចេស្តា ប្រធានកិត្តិយសសាខាកាកបាទក្រហមកម្ពុជា ខេត្តកំពតជាពិសេស សម្ដេចកិត្តិព្រឹទ្ធបណ្ឌិតប្រធាន ជូនចំពោះគ្រួសាររងគ្រោះដោយភ្លើងឆេះផ្ទះដោយក្តីសោកស្តាយ និងសូមឱ្យប្រជាពលរដ្ឋទាំងអស់មេត្តាប្រុងប្រយ័ត្នចំពោះភ្លើងចង្ក្រាន ភ្លើងទៀន ភ្លើងធូប ជៀសវាងគ្រោះអគ្គីភ័យកើតឡើងជាយថាហេតុ។

អំណោយផ្តល់ជូនក្នុងមួយគ្រួសារនីមួយៗរួមមាន ៖ អង្ករ ៣០គីឡូក្រាម មី ១កេស ត្រីខ ១០កំប៉ុង ទឹកត្រី ១យួរ ទឹកស៊ីអ៊ីវ ១យួរ ទឹកបរិសុទ្ធ ៤កេស ក្រមា១ មុង១ ភួយ១ សារុង១ កន្ទេល១ កៅស៊ូតង់១ និងថវិកាចំនួន ១០០,០០០រៀល៕

 

ប្រជាពលរដ្ឋខ្វះខាតចំនួន១៥គ្រួសារក្នុងឃុំរមេញទទួលអំណោយពីសាខាកាកបាទក្រហមកម្ពុជាខេត្តតាកែវ

នាព្រឹកថ្ងៃទី០៩ ខែកុម្ភៈ ឆ្នាំ២០១៧ លោកជំទាវ​នូ សុវណ្ណនី ប្រធានគណៈកម្មាធិការសាខា ​រួមដំណើរដោយ​មន្ត្រីសាខា​អនុសាខា​បានចុះសួរសុខទុក្ខ​និង​នាំយកអំណោយ​មនុស្សធម៍​របស់សាខា​ទៅចែកជូន​ប្រជាពលរដ្ឋ​ដែលមាន​ការខ្វះខាត​ចំនួន១៥ គ្រួសារក្នុង​ឃុំរមេញ ស្រុកកោះ​អណ្តែត ខេត្តតាកែវ ។


នាឱកាសនោះ លោកជំទាវ​បានពាំនាំ​ការផ្តាំផ្ញើ​សួរសុខទុក្ខ​ពីសំណាក់ ឯកឧត្តមប្រធាន​កិត្តិយសសាខា ជាពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ដល់បងប្អូន​ប្រជាពលរដ្ឋ​ដែលបាន​ជួបការ​លំបាកនាពេលនេះ។ 
អំណោយ​ដែលចែកជូនបងប្អូនទាំង១៥ គ្រួសារនាពេលនេះរួមមាន៖ អង្ករ២៥គីឡូក្រាម មុង១ សារុង១ ក្រម៉ា១ ភួយ១ កន្ទេល១ មី១កេស ។

ពិធីបិទវគ្គបណ្តុះបណ្តាលគ្រូបង្គោលស្តីពីអនាម័យទឹកស្អាតក្នុងគ្រាអាសន្ននៅខេត្តព្រៃវែង

សាខាកក្រកខេត្តព្រៃវែង៖ នៅរសៀលថ្ងៃទី០៨ ខែកុម្ភៈ ឆ្នាំ២០១៧ នៅសាខា​កាកបាទក្រហម​កម្ពុជា​ខេត្តព្រៃវែង ​ឯកឧត្តមឧកញ៉ា​ សុខ ផេង​អនុប្រធាន​អចិន្រ្តៃយ៍​គណៈកម្មាធិការសាខា​បានអញ្ជើញចូលរួម​ក្នុងពិធីបិទ​វគ្គបណ្តុះបណ្តាល​គ្រូបង្គោល​ស្តីពី​អនាម័យ​ទឹកស្អាត​ក្នុងគ្រាអាសន្ន​នៅសាខា​កាកបាទក្រហមកម្ពុជា​ខេត្តព្រៃវែង។ 


សមាសភាព​ដែលបាន​អញ្ជើញ​ចូលរួមមាន តំណាងពីទីស្នាក់ការ​កណ្តាល​កាកបាទក្រហមកម្ពុជា ​តំណាង​សហព័ន្ធអន្តរជាតិ​សមាជិក សមាជិក គណៈកម្មាធិការ​តំណាងមន្ទីសុខាភិបាល​មន្ទីអភិវឌ្ឍន៍ជនបទ​ក្រុមប្រតិបត្តិសាខា​តំណាងសាខា​ខេត្តស្វាយរៀង​អ្នកសម្របសម្រួល​និងសិក្ខាកាម​សរុប ចំនួន ៣៥នាក់។

 

វគ្គបណ្តុះបណ្តាលនេះ​ប្រព្រឹត្តិទៅក្រោម​ជំនួយឧបត្ថម្ភ​បច្ចេកទេស និងថវិកាពីសហព័ន្ធអន្តរជាតិ កាកបាទក្រហម អឌ្ឍចន្ទក្រហម និងកាកបាទក្រហមកម្ពុជា នៃគម្រោង "ការពង្រឹងសមត្ថភាពត្រៀមបង្ការ និងឆ្លើយតបផ្នែកអនាម័យទឹកស្អាតក្នុងគ្រាអាសន្ន"។

 

ក្នុងឱកាសនោះ ឯកឧត្តមគណៈអធិបតី បានធ្វើការផ្តាំផ្ញើដល់សិក្ខាកាមទាំងអស់ជាគ្រូបង្គោលត្រូវយកចំណេះដឹងដែលទទួលបាននាពេលនេះ ធ្វើការបណ្តុះបណ្តាល និងផ្សព្វផ្សាយបន្តទៅដល់អ្នកស្ម័គ្រចិត្ត និងសហគមន៍ដើម្បីធ្វើអោយប្រជានជននៅក្នុងសហគមន៍របស់គាត់មានសុខភាពល្អ ជៀសផុតពីជម្ងឺឆ្លងនានានៅពេលមានគ្រោះមហន្តរាយកើតឡើង។

 

ជាលទ្ធផលក្រោយវគ្គបណ្តុះបណ្តាលសិក្ខាកាមទទួលបានលទ្ធផលល្អប្រសើរ ៣៤% និទ្ទេសល្អ ៥៨% និងនិទ្ទេសល្អបង្គួរ ៨%។​

 

កាកបាទក្រហមកម្ពុជាប្រគល់អណ្តូងទឹកស្អាតដល់ប្រជាជនក្នុងស្រុកចំនួន៣នៅខេត្តព្រះវិហារ

កក្រក៖ឯឧ វេជ្ជ អ៊ុយ សំអាត​ចូលរួម​ប្រគល់​ឱ្យប្រើប្រាស់​ជាផ្លូវការ​អណ្តូងទឹកស្អាត​ចំនួន១៩ ​កាលពីព្រឹក​ថ្ងៃទី១១ ខែកុម្ភៈ ឆ្នាំ២០១៧ នេះ (មានលេខរៀងពី​ ទី១៥៦ ដល់ទី១៧៤)ជូនប្រជាជន​ខ្វះខាត​ទឹកប្រើប្រាស់​ចំនួន៣១១គ្រួសារ ស្មើនឹងមនុស្ស៩៧៥នាក់ នៅឃុំជាំក្សាន្ត ឃុំទឹកក្រហម ឃុំព្រីងធំ នៃស្រុកជាំក្សាន្ត និងមជ្ឈមណ្ឌល​តម្បាញសូត្រ​កម្ពុជា ក្នុងក្រុងព្រះវិហារ​ខេត្ត ព្រះវិហារ។

 

ក្នុងឱកាស​ប្រគល់អណ្តូងទឹក​ទាំងនោះ ឯកឧត្តមវេជ្ជ. អ៊ុយ សំអាត នាយក នាយកដ្ឋាន​គ្រប់គ្រង​គ្រោះមហន្តរាយ កាកបាទក្រហមកម្ពុជា​និងលោកជំទាវ ចឹកហេង ប្រធានគណៈកម្មាធិការ​សាខាខេត្ត ព្រះវិហារ​ក្នុងឱកាសនោះ​ឯកឧត្តម អ៊ុយ សំអាត​បាននាំនូវ​ប្រសាសន៍ថា កាកបាទក្រហមកម្ពុជា ដែលមាន​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន​បានចាត់តាំង និងផ្តាំផ្ញើ​ដល់ប្រជាពលរដ្ឋ​ទាំងអស់​ដោយមិន​រើសអើង សូមបងប្អូន​មេត្តាបញ្ជូនកូនៗទៅសាលារៀនឱ្យបានគ្រប់ៗគ្នា ធ្វើជាពលរដ្ឋល្អក្នុងសង្គមជាតិ និងចូលរួម​អនុវត្តគោល នយោបាយភូមិ-ឃុំមានសុវត្ថិភាព ដោយជៀសវាង​ឱ្យបានដាច់ខាតនូវការប្រើប្រាស់​គ្រឿងញៀន គ្រឿងស្រវឹង ដែលជាប្រភព​នៃអំពើហិង្សា ចោរកម្ម និងអសន្តិ សុខ។ ទន្ទឹមនឹងនេះ សូមថែរក្សាសុខភាពឱ្យបានល្អ ដោយត្រូវ​បរិភោគ​ទឹកដាំពុះ ហើយចូលរួមដាំដំណាំ ឬបន្លែផ្សេងៗជុំវិញ​អណ្តូងដើម្បី​ជាប្រយោជន៍​ដល់សហគមន៍ និងថែរក្សាសមិទ្ធផលទាំងនេះឱ្យបានគង់វង្សយូរអង្វែង។


ឯឧ បានបញ្ជាក់យ៉ាងច្បាស់​នូវអនុសាសន៍​សម្តេចប្រធានថា"បើនិយាយអំពី​សុខមាលភាព​គឺដាច់ខាតត្រូវតែមានទឹកស្អាត បើគ្មានទឹកស្អាត​យើងមិនអាចធានាពី​សុខភាពសាធារណ:របស់ប្រជាជនបានឡើយ"។

 

ជាកិច្ចឆ្លើយតប ប្រជាជន​អាណាព្យាបាល បានសំដែងនូវការដឹងគុណដោយក្តីរំភើប និងថ្លែងអំណរ​អរគុណដ៏ជ្រាលជ្រៅ​បំផុតជូន ចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបាន​ផ្តល់អំណោយ​ដ៏ថ្លៃថ្លាទាំងនេះ និងសូមប្តេជ្ញាខិតខំ​ថែរក្សារាល់​សមិទ្ធផល​ទាំងនេះឲ្យ បានជាប្រយោជន៍ដ៏យូរអង្វែងទៅថ្ងៃអនាគត។

 

សូមបញ្ជាក់ថា គិតចាប់ពីឆ្នាំ ២០១២ ដល់ឆ្នាំ ២០១៧ កាកបាទ ក្រហមកម្ពុជា បានផ្តល់អណ្តូង​ទឹកស្អាត​ជូនប្រជាពលរដ្ឋ​ក្នុងខេត្ត ព្រះវិហារបានចំនួន ១៧៤ អណ្តូង៕ ទោះបីការផ្តល់អណ្តូងទឹកស្អាតជូនប្រជាពលរដ្ឋនៅតាមឃុំជាប់ ព្រំដែន ក្នុងស្រុកជាំក្សាន្ត និងស្រុកឆែប បានបញ្ចប់នាពេលនេះក្តី តែចំនួនតម្រូវការអណ្តូងទឹកស្អាតជូនប្រជាពលរដ្ឋតាមបណ្តាឃុំក្នុងស្រុកទាំងពីរដែលនៅជាប់ព្រំដែនថៃ ឡាវ នៅតែមានជាបន្តទៀត។

 

នៅក្នុងពិធីនោះដែរមានការចូលរួមពីបងប្អូនប្រជាពលរដ្ឋចំនួន៥០នាក់ យុវជនកាកបាទក្រហមកម្ពុជា១០នាក់ អ្នកស្ម័គ្រចិត្ត៥នាក់ និងលោកមេភូមិ ឃុំ និងមន្រ្តីអនុសាខាកាកបាទក្រហមកម្ពុជា ស្រុកជាំក្សាន្ត សរុប៧៥ នាក់។

 

First Prev 52 53 54 55 56