អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

យុវជនកក្រក ខេត្តស្ទឹងត្រែងចូលរួមស្ទូងស្រូវប្រជាជន

សាខាកក្រក ខេត្តស្ទឹងត្រែង ៖ នាព្រឹក​ថ្ងៃទី​ ១៥ ​ខែកក្កដា​ ឆ្នាំ២០១៧ ​នេះ​ យុវជន​កាកបាទក្រហម​កម្ពុជា​ខេត្តស្ទឹងត្រែង​ សហការ​ជាមួយ​អនុសាខា​កក្រក​ស្រុក​ មន្រ្តី​សាលាស្រុក​ កងកម្លាំង​នគរបាល​ស្រុក/ប៉ុស្តិ៍ ​លោកគ្រូ​ អ្នកគ្រូ ​មេឃុំ ​មេភូមិ​និងប្រជាពលរដ្ឋ ​សរុប​ចំនួន ៨២នាក់​ បានចុះ​ជួយស្ទូង​ស្រូវ​ជូន​ប្រជាពលរដ្ឋ​លើ​ផ្ទៃដី​ជិត២ហិកតា​ ដើម្បី​សម្រាលការ​លំបាក​ដល់ប្រជាពលរដ្ឋ​ទីទ័លក្រ​ ដែល​ខ្វះខាត​កម្លាំង​ពលកម្ម​ក្នុងការធ្វើស្រែ​នារដូវវស្សា​នេះនៅ​សហគមន៏​ស្រែខ្លី ភូមិកំភុន ឃុំកំភុន ស្រុក​សេសាន ខេត្ត​ស្ទឹងត្រែង។

 

ប្រជាពលរដ្ឋ​ដែលជា​ម្ចាស់ស្រែ​បានសម្តែង​នូវទឹកចិត្ត​ត្រេកអរ​យ៉ាងខ្លាំង​ ចំពោះស្មារតី​យកចិត្តទុកដាក់​ និង ចេះជួយគ្នា​ក្នុងគ្រា​ជួបការ​លំបាក លើសពីនេះគឺចេះចែក​រំលែក​នូវអ្វីដែល​ខ្លួនមាន​ដល់អ្នក​ក្រខ្សត់។

 

ការចុះជួយ​ស្ទូងស្រូវ​ជូនពលរដ្ឋ​នៅថ្ងៃនេះ ​គឺជាសារ​មួយជួយ​ដាស់តឿន​ដល់ប្រជា​កសិករ​គ្រប់រូប ​ថា ដល់រដូវ​ដាំដុះ រដូវ​បង្កបង្កើន​ផលហើយ សូមឲ្យ​កសិករ​នាំគ្នាធ្វើការ​សាបព្រោះ​ ឲ្យបានទាន់​ពេលវេលា ។

 

យុវជនកក្រកវិទ្យាល័យជាំក្សាន្ត ខេត្តព្រះវិហារចូលរួមដាំដើមឈើ

សាខាកក្រកខេត្តព្រះវិហារ ៖ នាព្រឹកថ្ងៃទី ១៥ ខែ កក្កដា ឆ្នាំ ២០១៧ នេះ លោក វ៉ា ម៉ៅ ប្រធានកិត្តិយសក្លឹប និង​ទីប្រឹក្សា​យុវជន ​បានដឹកនាំ​យុវជន​កាកបាទក្រហម​កម្ពុជា​ប្រចាំ​វិទ្យាល័យ ​ជាំក្សាន្ត ​ដាំកូនឈឺ​ជុំវិញ ក្នុង​និង​ក្រៅបរិវេណ​ សាលា​វិទ្យាល័យ​ជាំក្សាន្តថ្មី ​ដែលជា​អំណោយ​ដ៏ថ្លៃថ្លា​របស់​សម្តេច​ អគ្គមហាសេនាបតីតេជោ​ ហ៊ុន សែន ស្ថិត​នៅឃុំជាំក្សាន្ត​ ស្រុក​ជាំក្សាន្ត ខេត្ត​ព្រះវិហារ។

 

គោលបំណង​នៃការដាំកូន​ឈើនេះ​គឺសំដៅ​ជួយការពារ​បរិស្ថាន  លម្អ​បរិវេណ​វិទ្យាល័យ និង​ធ្វើឲ្យ​សិស្សានុសិស្ស​ស្វែងយល់​ពីប្រភេទ​ដើមឈើ​។ល។

ពិធីប្រកាសទទួលស្គាល់ គណ:កម្មាធិការអនុសាខាកាកបាទក្រហមកម្ពុជាស្រុកស្អាងខេត្តកណ្តាល

សាខា កក្រក ខេត្តកណ្តាល ៖ ​នៅរសៀល​ថ្ងៃទី​១៤ ខែ កក្កដា​ ឆ្នាំ២០១៧ ​សាខា​កាកបាទក្រហម​កម្ពុជា​ខេត្តកណ្តាល​ បានរៀបចំ​ពិធីប្រកាស​ទទួលស្គាល់​សមាសភាព​កែសម្រួល​គណ:កម្មាធិការ​អនុសាខា​កាកបាទក្រហម​កម្ពុជា​ស្រុកស្អាង​ នៅសាលប្រជុំ​សាលា​ស្រុកស្អាង ។

 

 ពិធីនេះ​ប្រព្រឹត្ត​ទៅក្រោម​អធិបតីភាព ឯកឧត្តម ជាវ តាយ ​ប្រធានគណ:កម្មាធិការសាខា ​និងមានការអញ្ជើញ​ចូលរួម​ជាកិត្តិយស​មាន សមាជិកគណៈកិត្តិយសសាខា គណ:កម្មាធិការ​សាខា គណៈកម្មាធិការ​អនុសាខា​ស្រុក គណៈអភិបាល​ស្រុក ការិយាល័យ​ជុំវិញស្រុក​ ក្រុម​កាកបាទក្រហម​ទាំង ​១៦ឃុំ​ទូទាំង​ស្រុក យុវជន​កាកបាទក្រហម​ អ្នកស្ម័គ្រចិត្ត​កាកបាទក្រហម មានចំនួន​សរុប ១៨០ នាក់។ 


ជាមួយគ្នានេះ​ដែរ ឯកឧត្តម​គណៈអធិបតី ​បានមាន​ប្រសាសន៍​សំណេះ សំណាល​ដោយនាំ​មកនូវ​ការផ្តាំ​ផ្ញើសួរ​សុខទុក្ខពី​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុន សែន ​ប្រធាន​កាកបាទក្រហម​កម្ពុជា ជូនចំពោះឯកឧត្តម លោកជំទាវ​ លោក លោកស្រី ក្មួយៗយុវជន​កាកបាទក្រហម​ទាំងអស់​ដែលមាន​វត្តមាន​ក្នុងឱកាស ​នេះ ដោយក្តី​នឹករលឹក ។

សិក្ខាសាលាផ្សព្វផ្សាយច្បាប់ ស្តីអំពីការគ្រប់គ្រងគ្រោះមហន្តរាយនៅខេត្តពោធិ៍សាត់

នៅព្រឹក​ថ្ងៃទី​ ១២ ខែ កក្កដា ឆ្នាំ ២០១៧ លោកជំទាវ ​ពុំ ចន្ទីនី អគ្គលេខាធិការ​ កាកបាទក្រហម​កម្ពុជា បានចូលរួម​បើក​សិក្ខាសាលា​ផ្សព្វផ្សាយ​ច្បាប់ ​ស្តីអំពី​ការគ្រប់គ្រង​ គ្រោះមហន្តរាយ​នៅខេត្តពោធិ៍សាត់ ​និងមាន​ការចូលរួម​ពី មន្រ្តីសាខា អនុសាខា ទាំង​៨​ខេត្ត​ សរុបចំនួន៤៥នាក់ ។

 

សិក្ខាសាលា​នេះមាន​គោលបំណង​លើកកំពស់​ការយល់ដឹង​ជាសាធារណៈ​ស្តីពី​ច្បាប់គ្រប់គ្រង ​គ្រោះមហន្តរាយ​ លើកកំពស់​កិច្ចសហការល្អ ក្នុង​ការអនុវត្ត​ច្បាប់។​

ចាស់ជរាគ្មានទីពឹងទទួលអំណោយពីសាខាកាកបាទក្រហមកម្ពុជាខេត្តព្រះសីហនុ

សាខាកក្រកខេត្តព្រៃវែង៖ នៅរសៀលថ្ងៃទី ១៣ ខែកក្កដា ឆ្នាំ ២០១៧ សាខាកាកបាទក្រហមកម្ពុជា ខេត្តព្រៃវែង ដឹកនាំដោយ ឯកឧត្តមឧកញ៉ា សុខ ផេង អនុប្រធានអចិន្រ្តៃយ៍គណៈកម្មាធិការសាខា និងសហការី បានអញ្ជើញចុះ​សំណេះ​សំណាល សួរសុខទុក្ខ និងប្រគល់ផ្ទះ ចំនួន ២ខ្នង ទំហំ ៤មx៥ម ធ្វើអំពីឈើ ជញ្ជាំងនិងដំបូលប្រក់សង្កសី និងបង្គន់អនាម័យ ចំនួន ១បង្គន់ ជាអំណោយ​របស់​សាខាខេត្ត ជូនដល់​គ្រួសារក្រីក្រគ្មាន​ទីពឹងចំនួន២គ្រួសារ៖


១- ឈ្មោះ សំ គា ភេទប្រុស អាយុ ៤៥ឆ្នាំ រស់នៅ​ភូមិជើងទឹក(ក) សង្កាត់ជើងទឹក ក្រុងព្រៃវែង ខេត្តព្រៃវែង ទទួលបានផ្ទះ១ខ្នងមានលេខកូដ៣៧។
២- ឈ្មោះ អុន ឡាត់ ភេទស្រី អាយុ ៥១ឆ្នាំ រស់នៅ​ភូមិជើងទឹក(ខ) សង្កាត់ជើងទឹក ក្រុងព្រៃវែង ខេត្តព្រៃវែង ទទួលបានផ្ទះ ១ខ្នង មាន​លេខកូដ ៣៨ និងបង្គន់ មានលេខកូដ ១២។

 

ក្រៅពីការផ្តល់ផ្ទះ និង​បង្គន់អនាម័យ សាខា​បានផ្តល់ជូន​នូវអំណោយ​បន្ថែមទៀត​ដោយក្នុង ១គ្រួសារទទួលបាន​​ អង្ករ ២៥គក កន្ទេល ០១ ឃីត ០១កញ្ចប់ មី ០១កេស ត្រីខ ០១យួរ អាហារបំប៉ន ០២កញ្ចប់ និងថវិកា ចំនួន ១០០,០០០រៀល។

ឯកឧត្តម បានជួយ​ឧបត្ថម្ភ​ថវិកា​មួយចំនួន ​ជូនដល់​ប្រជាពលរដ្ឋ​ក្រីក្រ ដែល​ចូលរួម ​និងបាន​ដាំដើម ឈើហូបផ្លែ​សម្រាប់ទុក​ជាអនុស្សាវរីយ៍ផងដែរ។

ចាស់ជរាគ្មានទីពឹងទទួលអំណោយពីសាខាកាកបាទក្រហមកម្ពុជាខេត្តព្រះសីហនុ

សាខាកក្រកខេត្តព្រះសីហនុ ៖ នៅព្រឹក​ថ្ងៃទី​ ១៣​ ខែកក្កដា​ ឆ្នាំ២០១៧​ ឯកឧត្តម​ សំ សំអាត​ អនុប្រធាន​គណះកម្មាធិការ​សាខាខេត្ត​ និងមន្រ្តី​សាខា ​អនុសាខា ​បានអំណោយ​មនុស្សធម៌​របស់​សាខា​កាកបាទក្រហមខេត្ត​ ជូនដល់​លោកយាយ​ចាស់ជរា​គ្នានទីពឹង​ចំនួន​ ៤ គ្រួសារ​មាន៖ លោកយាយ កៅ ស៊ុំ អាយុ ៧៣ ឆ្នាំ លោកយាយ ហ៊ួយ ទៀក អាយុ ៧៨ ឆ្នាំ លោកយាយ គាត លុយ អាយុ ៧៥ ឆ្នាំ និងលោកយាយ កៅ សុខ អាយុ ៧២ ឆ្នាំ រស់នៅ ភូមិកំពង់ចិន ស្រុកព្រៃនប់ ខេត្តព្រះសីហនុ ។

ឆ្លៀតក្នុង​ឱកាសនោះ​ដែរ ឯកឧត្តម ​បានពាំនាំនូវ​ប្រសាសន៍ផ្ដាំ​ផ្ញើសួរ​សុខទុក្ខ និង​ក្តីនឹករលឹក​ពីសំណាក់​ឯកឧត្តម​ប្រធាន​កិត្តិយស​សាខា ឯកឧត្តម​ប្រធាន​គណះកម្មាធិការ​សាខា ពិសេស​សម្ដេច​កិត្តិព្រឹទ្ធបណ្ឌិត​ប៊ុន រ៉ានី ហ៊ុន សែន ប្រធាន​កាកបាទក្រហម​កម្ពុជា ដែលជានិច្ចកាល​សម្ដេចតែងតែ​គិតគូរសុខទុក្ខ​ប្រជាពលរដ្ឋ​ក្រីក្រ​ដែលមាន​ទុក្ខលំបាក ​ជនរងគ្រោះ ជនងាយ​រង​គ្រោះគ្រប់​ប្រភេទ​ ដោយមិន​ប្រកាន់​រើសអើង ជាតិសាសន៍ វណ្ណៈ​ ពណ៍សម្បុរ ឬនិន្នាការ​នយោបាយ​អ្វីឡើយ ។

 

អំណោយ​បានផ្តល់​ជូនក្នុងមួយ​គ្រួសារមាន៖ អង្ករ ២៥ គីឡូ ត្រីខ ១យួ មី ១កេះ កន្ទេល ១ ឃីត ១ ( ភួយ ១ សារ៉ុង ១ ក្រម៉ា ១ មុង ១ ) និងថវិកាមួយ​ចំនួនជូន​ដល់លោក​យាយទាំងបួន​គ្រួសារផងដែរ ។ ដោយពិនិត្យ​ឃើញផ្ទះ​លោកយាយ ​គាត លុយ ​ពេលភ្លៀង​មានការ​លិចទឹក​ពីដំបូល​ និងជញ្ជាំង​ពុកផង ​ឯកឧត្តម​បានសុំឲ្យ​អ្នក​ស្ម័គ្រចិត្ត និងអនុសាខា​ចុះពិនិត្យ​វាយតម្លៃ ដើម្បី​ស្នើសុំ​ជួសជុល​ជូនលោក​យាយ ៕

 

ពិធីប្រគល់ផ្ទះជូនគ្រួសារទីទ័លក្របំផុតនៅឃុំស្មើងជើង ខេត្តព្រៃវែង

នៅព្រឹកថ្ងៃទី ១២ ខែកក្កដា ឆ្នាំ ២០១៧ ឯកឧត្តម​ឧកញ៉ា ​សុខ ផេង អនុប្រធាន​អចិន្រ្តៃយ៍​គណៈកម្មាធិការ​សាខា តំណាង ​ឯកឧត្តម ជា សុមេធី ប្រធាន​គណៈកម្មាធិការ​សាខា និង​សហការី​ បាន​អញ្ជើញចុះ​សំណេះ​សំណាល ​សួរសុខទុក្ខ​ និង​ប្រគល់ផ្ទះ​ ចំនួន ២ខ្នង ទំហំ ៤មx៥ម​ ធ្វើអំពី​ឈើ ជញ្ជាំង​និងដំបូល​ប្រក់​សង្កសី និង​បង្គន់​អនាម័យ ​ចំនួន ២បង្គន់​ ជាអំណោយ​របស់​សាខា​ខេត្ត ជូនដល់​គ្រួសារ​ក្រីក្រគ្មាន​ទីពឹង ​ចំនួន ២គ្រួសារ ៖


១- ឈ្មោះ ប៊ូ លាម ​ភេទស្រី អាយុ ៧៥ឆ្នាំ រស់នៅ​ភូមិថ្នល់កែង ឃុំស្មោងជើង ស្រុក​កំចាយមារ​ ខេត្តព្រៃវែង ទទួលបានផ្ទះ ១ខ្នង មានលេខកូដ ៣១ និងបង្គន់ មានលេខកូដ ០៦។
២- ឈ្មោះ សេង នី ភេទស្រី អាយុ ៨០ឆ្នាំ រស់នៅ​ភូមិស្មោង ឃុំ​ស្មោងជើង ស្រុក​កំចាយមារ ខេត្ត​ព្រៃវែង ទទួលបានផ្ទះ ១ខ្នង មានលេខកូដ ៣២ និងបង្គន់ មានលេខកូដ ០៧។

 

ក្រៅពីការ​ផ្តល់ផ្ទះ ​និងបង្គន់​អនាម័យ សាខា​បានផ្តល់ជូន​នូវអំណោយ​បន្ថែមទៀត​ដោយក្នុង ១គ្រួសារទទួលបាន​​ អង្ករ ២៥គក កន្ទេល ០១ ឃីត ០១កញ្ចប់ មី ០១កេស ត្រីខ ០១យួរ​ អាហារបំប៉ន ០២កញ្ចប់ និងថវិកា ចំនួន ១០០,០០០រៀល។

 

ពិធីប្រគល់ផ្ទះជូនគ្រួសារទីទ័លក្របំផុតនៅឃុំលាងដៃ ខេត្តសៀមរាប

សាខាកក្រកខេត្តសៀមរាប ៖​ព្រឹកថ្ងៃទី​១១ ​ខែកក្កដា​ ឆ្នាំ២០១៧ ​នេះ​ លោកជំទាវ ​គួយ ណាលីន ​អនុប្រធាន​គណៈកម្មាធិការ​សាខា​កាកបាទក្រហម​កម្ពុជា ខេត្តសៀមរាប​ និងសហការី ​បានអញ្ជើញ​ចុះប្រគល់ផ្ទះ​មនុស្សធម៌ទី២៥ ​មានទំហំ ៤ម៉ែត្រx៦ម៉ែត្រ​ ធ្វើពីឈើ​ ប្រក់ស័ង្កសី ​ជូនគ្រួសារ​លោក ជីវ ឈិន​ អាយុ៤៧ឆ្នាំ និងភរិយា​ឈ្មោះ ឈិន តាំងឆន​ អាយុ៥១ឆ្នាំ ជាគ្រួសារ​ទីទ័ល​ក្រខ្លាំង ​មានជំងឺ​ប្រចាំកាយ ​និងមាន​កូនច្រើនក្នុង​បន្ទុក បច្ចុប្បន្ន​ដើរស៊ី​ឈ្លួលគេ រស់នៅភូមិគោក​គ្រើល ឃុំលាងដៃ ស្រុកអង្គរធំ ខេត្តសៀមរាប។

 

ផ្ទះមនុស្សធម៌នេះ​ បានការជួយ​ឧបត្ថម្ភពី ឯកឧត្តម​បណ្ឌិត ឃឹមប៊ុនសុង និងលោកជំទាវ តាមរយៈសាខាកាកបាទក្រហមកម្ពុជា ​ខេត្តសៀមរាប។

 

ក្នុងឱកាសនោះ លោកជំទាវ​អនុប្រធាន​គណៈកម្មាធិការ​សាខា បាន​ពាំនាំ​នូវការ​ផ្ដាំផ្ញើ​សួរសុខទុក្ខ​ពីសម្ដេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ដែលតែងតែ​ព្រួយបារម្ភ និង​យកចិត្តទុកដាក់​គិតគូរ​ចំពោះសុខទុក្ខ​ប្រជាពលរដ្ឋ​គ្រប់រូប ​មិនប្រកាន់វណ្ណៈ ពណ៌សម្បុរ​ ជំនឿសាសនា​ ឬនិន្នាការនយោបាយ​ណាមួយឡើយ។ លោកជំទាវ ​ក៏បានផ្តាំ​ផ្ញើដល់ សមាជិក​គ្រួសារ ត្រូវចេះ​សម្អាត ថែរក្សា​ ផ្ទះថ្មីនេះដើម្បី​បានជាជម្រក​ដ៏កក់ក្តៅ​តរៀងទៅ។

 

អំណោយ​សម្រាប់សង្កត់​ផ្ទះរួមមាន ៖ មុង១ ភួយ១ សារុង១ ក្រមា១ កន្ទេល១ អង្ករ៥០គីឡូក្រាម មី១កេស ត្រីខ១យួរ ទឹកត្រី១យួរ ទឹកបរិសុទ្ធ៥យួរ សម្ភារៈផ្ទះបាយ (ឆ្នាំង១ ចាន៥ ស្លាបព្រា៥ ខ្ទះ១ វែកឆា១ វែកបាយ១ ចានជ័រតូច១ ធុងទឹក១គូរ) និងថវិកា​មួយចំនួន។ សម្រាប់​លោកតា លោកយាយ ដែលអញ្ជើញចូលរួមម្នាក់ៗទទួលបាន​ថវិកាមួយ​ចំនួផងដែរ៕

 

វគ្គបណ្តុះបណ្តាលស្តីពី សុខភាពមនុស្សចាស់ដល់អ្នកស្ម័គ្រចិត្តកាកបាទក្រហមកម្ពុជា

សាខាកក្រកខេត្តកំពត ៖ នៅព្រឹក​ថ្ងៃទី​១១ ​ខែកក្កដា​ ឆ្នាំ២០១៧​ នេះ​ សាខា​កាកបាទក្រហម​កម្ពុជា ​ខេត្តកំពត​ សហការ​ជាមួយ​ សហព័ន្ធ​អន្តរជាតិ​កាកបាទក្រហម ​អឌ្ឍចន្ទក្រហម​ បានបើក​វគ្គ​បណ្តុះបណ្តាល​ស្តីពី​ សុខភាព​មនុស្សចាស់​ដល់​អ្នកស្ម័គ្រចិត្ត​កាកបាទក្រហម​កម្ពុជា​ ដោយមាន​ការអញ្ជើញ​ចូលរួម​ពីសំណាក់​ លោកជំទាវ​ យូរ សុគន្ធ ប្រធាន​គណៈកម្មាធិការ​សាខា​កក្រក​ខេត្តកំពត​ និងសមាជិក-សមាជិកា​គណៈកម្មាធិការ​សាខា​ ក្រុមប្រតិបត្តិ​សាខា អនុសាខា សរុបប្រមាណ​ ៣០នាក់ (ស្រី ១១នាក់) ស្ថិតនៅ​ស្រុក​ទឹកឈូ ខេត្តកំពត។

 

វគ្គ​បណ្តុះបណ្តាល​នេះ ​មានរយៈពេល​ ២ថ្ងៃ​គឺចាប់ថ្ងៃទី​១១ដល់​ថ្ងៃ​ទី១២ ខែកក្កដា​ ឆ្នាំ២០១៧ ​ក្នុងគោលបំណង ៖ 


១. ពង្រឹងសមត្ថភាព​ដល់អ្នកស្ម័គ្រចិត្ត​កាកបាទក្រហម​កម្ពុជា ដើម្បី​ជួយអប់រំ​ផ្សព្វផ្សាយ​សារគន្លឹះ​ស្តីពី​ ការការពារជំងឺ​មិនឆ្លង និងការថែទាំ​សុខភាព​ដល់ប្រជាពលរដ្ឋ​ដែលមាន​អាយុច្រើន ​រស់នៅក្នុង​សហគមន៍​ឲ្យមាន​សុខភាពល្អ
២.ដើម្បីកែលម្អ​គុណភាព​ជីវិត​ប្រជាពលរដ្ឋ​ដែលមាន​អាយុច្រើន​រស់នៅក្នុង​ជនបទ​ទទួល​បានក្តី​សង្ឃឹមការ​គោរព ​និងការលើក​កម្ពស់​សេចក្តី​ថ្លៃថ្នូរ តាមរយៈ​ការការពារ​ជំងឺមិនឆ្លង និងការថែទាំ​សុខភាព៕

 

ជនរងគ្រោះដោយឆក់ខ្សែភ្លើងធ្ងន់ធ្ងរនៅភូមិអំពិលទឹកទទួលអំណោយពីកាកបាទក្រហមកម្ពុជា

កក្រក​ ៖​ នៅព្រឹកថ្ងៃទី​ ១០​ ខែកក្កដា​ ឆ្នាំ២០១៧​ នេះ​ កាកបាទក្រហម​កម្ពុជា​ ដែលមាន​ សម្តេច​កិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ ​បានឧបត្ថម្ភ​ថវិកា​ ៥លានរៀល​ តាមរយៈ​ មន្ត្រីក្រោម​ឱវាទ​ ដើម្បីបន្តព្យាបាល​ដល់ជនរងគ្រោះ​ឈ្មោះ អ៊ិត​ សារីម​ អាយុ​ ២៥ឆ្នាំ​ ដែលបានរងគ្រោះដោយឆក់ខ្សែភ្លើងធ្ងន់ធ្ង​រ​ បណ្តាល​ឱ្យពិការ​ក្រោកពុំរួច​និងបាត់បង់​ដៃទាំងគូរ​ ស្របពេល​ដែលទទួល​បន្ទុកត្រូវ​ចិញ្ចឹមភរិយា​កូនខ្ចីអាយុ​ ៨ខែ​ និងម្តាយ​មេម៉ាយម្នាក់ទៀត។​

 

ជាមួយគ្នានោះ​ កាកបាទក្រហម​កម្ពុជា​ នូវបានឧបត្ថម្ភ​ អង្ករ​ ៦០គីឡូក្រាម​ មី​ ២កេស​ ត្រីខ​ ២០កំប៉ុង​ ទឹកសុទ្ធ​ ២កេស​ មុង​២​ ភួយ២​ សារុង២​ និងក្រមា​២​ ទៀតផង។

 

សូមបញ្ជាក់ថា​ ជនរងគ្រោះ​ បានទទួលរងគ្រោះ​ដោយឆក់ខ្សែភ្លើង​ ខណៈពេល​កំពុងឡើង​ផ្សារដំបូលផ្ទះ​ កាលពីថ្ងៃទី​ ២៧​ ខែឧសភា​ ឆ្នាំ២០១៧​ កន្លងទៅ បណ្តាល​ឱ្យពិការ​ បច្ចុប្បន្ន កំពុងសម្រាក​ព្យាបាលនៅគេហដ្ឋាន​របស់ម្តាយ​ ដែលស្ថិត​នៅភូមិ​អំពិលទឹក​ ឃុំ​កំពង់ភ្នំ​ ស្រុកលើកដែក​ ខេត្តកណ្តាល​ បន្ទាប់ពីបានលក់ដី​-ទ្រព្យសម្បត្តិ​ដែលម្តាយចែក​ឱ្យ ដើម្បីយកប្រាក់​ព្យាបាលរបួស​នៅប្រទេស​វៀតណាមរួចមក៕

 

First Prev 58 59 60 61 62 Next Last