អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

បិទវគ្គបណ្តុះបណ្តាលជាមូលដ្ឋានស្តីពីប្រវត្តិចលនាកាកបាទក្រហម និងអឌ្ឍចន្ទក្រហមនិងវិជ្ជាសង្គ្រោះបឋមនៅខេត្តកំពង់ធំ

សាខាកក្រក​ខេត្តកំពង់ធំ ៖នៅរសៀលថ្ងៃ សុក្រ ៣រោច ខែ អាសាធ ឯកស័ក ព.ស២៥៦៣ ត្រូវនឹងថ្ងៃទី ១៩ ខែ កក្កដា ឆ្នាំ ២០១៩ សាខា​កាកបាទក្រហមកម្ពុជា​ខេត្តកំពង់ធំ បានរៀបចំ​ពិធីបិទវគ្គបណ្តុះបណ្តាលជាមូលដ្ឋាន​ស្តីពីប្រវត្តិចលនាកាកបាទ​ក្រហម និងអឌ្ឍចន្ទ​ក្រហមនិង​វិជ្ជាសង្គ្រោះបឋម​ក្រោមវត្តមាន​ លោកស្រី ឌុក ស៊ីដា ​នាយិកា សាខា​កាកបាទក្រហម​កម្ពុជាខេត្តកំពង់ធំ​ ជូនដល់គរុសិស្ស​សរុបចំនួន៤០នាក់ ស្រី២៣នាក់ នៅសាលា​គរុកោសល្យ​វិក្រឹតការ ហ៊ុនសែន​ ខេត្តកំពង់ធំ ដែលវគ្គ​នេះធ្វើឡើងមាន​រយៈពេល ៣ថ្ងៃ គិតចាប់​ពីថ្ងៃទី១៧ ដល់ថ្ងៃទី ១៩ ខែ កក្កដា ឆ្នាំ ២០១៩។

ក្នុងឱកាស​ពិធីបិទវគ្គ​បណ្តុះបណ្តាល​នេះ ជួសមុខ​ឯកឧត្តម សុខ លូ ប្រធា​នគណៈកម្មាធិការ​សាខា លោកស្រី​នាយិកាសាខា ​បានពាំនាំនូវ​ការផ្ដាំផ្ញើរ​សាកសួរសុខទុក្ខ​ដោយក្ដីស្រឡាញ់ ​និងនឹករលឹក​បំផុតពី សំណាក់​សម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ដែលជានិច្ច​ជាកាលសម្តេច តែងតែ​គិតគូរអំពីសុខទុក្ខ​របស់បងប្អូន​ប្រជាពលរដ្ឋនៅ​គ្រប់ទីកន្លែង សូមមាន​សុខភាពល្អបរិបូរណ៍ ដោយមិន​មានការប្រកាន់​ ពូជសាសន៏ ពណ៌សម្បុរ​ និន្នាការនយោបាយអ្វីឡើយ ។

ក្នុងពេលនេះដែរលោកស្រី​ក៏បានផ្តល់នូវមតិ​សំណេះសំណាល​និងអនុសាសន៏​ល្អៗមួយចំនួន​ដល់គរុសិស្សដែលមានវត្តមាន​ទាំងអស់សូមយក​ចំណេះដឹងដែលបាន​មកពីការសិក្សា​ប៉ុន្មានថ្ងៃនេះសូមយកទៅសម្រាប់បំពេញ​សកម្មភាពការងារ​មនុស្សធម៌ និង ការងារសង្គម​បន្ដទៀត ហើយអាច​ជួយដល់ប្រជាពលរដ្ឋក្នុងសហគមន៏​បានទាន់ពេលវេលា ពេលមានបញ្ហា​ គ្រោះមហន្តរាយផ្សេងៗ​ទាន់ពេលវេលា ។

លោកស្រី នាយិកា​ បានលើកនូវ​កាកោតសរសើរចំពោះប្អូន​គរុសិស្សទាំងអស់​ ដែលខំចំណាយពេលចូលរួមដោយយក​ចិត្តទុកដាក់ក្នុងវគ្គ​បណ្តុះបណ្តាលនេះ​រហូតដល់ថ្ងៃបញ្ចប់​ ប្រកបដោយ​ផ្លែផ្កានិងសូមពង្រឹងហើយពង្រីក​សកម្មភាពមនុស្សធម៌​កាកបាទក្រហមកម្ពុជា ដូចភ្លៀង​រលឹមចាប់តាំងពីពេលនេះ រហូតដល់ថ្ងៃបន្ត​ទៅមុខទៀត។ រួមទាំងផ្សព្វផ្សាយ​សារបន្ថែម​អំពីការងារឥស្សរជន​ឆ្នើមថ្នាក់ជាតិ អំពីការងារ អេដស៌ (ការមិនរើសអើង) និងការលើកទឹកចិត្ត​ចំពោះអ្នករស់​នៅជាមួយមេរោគ​អេដស៌ រួមជាមួយ​ការលើកកម្ពស់​សុខភាពមាតានិងទារក ​សូមអោយប្អូនទាំងអស់​យកទៅផ្សព្វផ្សាយ​បន្តដល់សហគមន៏​តាមតំបន់​រៀងៗខ្លួន៕

 

វគ្គបណ្តុះបណ្តាលវិជ្ជាសង្គ្រោះបឋមមូលដ្ឋាន រយៈពេល២ថ្ងៃ ជូនដល់មន្ដ្រីសង្កាត់ ប្រធាន អនុប្រធានភូមិ សមាជិកភូមិ ប្រជាការពារ នៅរាជធានីភ្នំពេញ

សាខាកក្រករាជធានីភ្នំពេញ ៖ នាព្រឹកថ្ងៃព្រហស្បតិ៍​ ២រោច​ ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី​ ១៨​ ខែ​ កក្កដា ឆ្នាំ​ ២០១៩​នេះ​​ នៅទីស្នាក់ការ​សាខាកាកបាទក្រហមកម្ពុជា ​រាជធានីភ្នំពេញ​ បានបើកវគ្គបណ្តុះបណ្តាលវិជ្ជា​សង្គ្រោះបឋមមូលដ្ឋាន​ រយៈពេល២ថ្ងៃ​ ជូនដល់មន្ដ្រីសង្កាត់​ ប្រធាន អនុប្រធានភូមិ សមាជិកភូមិ ប្រជា​ការពារសរុបចំនួន៤២នាក់​​ មកពីតាមបណ្តាសង្កាត់នានា​ ក្នុងខណ្ឌមានជ័យ​ ដង្កោ និងខណ្ឌច្បារអំពៅ ដោយ​មានការចូលរួមពីសំណាក់​ លោក ជិន ប៊ុនធឿន ​នាយកប្រតិបត្តិសាខា​ ។ ដែលវគ្គបណ្តុះបណ្តាលនេះក្រោមកិច្ចសហការ​រវាងសាខា​កាកបាទក្រហមកម្ពុជា​ រាជធានីភ្នំពេញ និងអង្គការ​ទស្សនៈពិភពលោក (World Vision Organization) ក្នុង​គម្រោងគ្រប់គ្រងគ្រោះមហន្ដរាយ​ ។

 

មានប្រសាសន៍នាឱកាសនោះ​ ក្នុងនាមឯកឧត្តម ឃួង ស្រេង​ ប្រធានគណៈកម្មាធិការ​សាខាកាកបាទក្រហមកម្ពុជា រាជធានីភ្នំពេញ លោក​នាយកប្រតិបត្តិ​សាខា បាន​ពាំនាំនូវសេចក្តីផ្តាំផ្ញេី​សាកសួរសុខទុក្ខ​ពីសំណាក់​ សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា​ ជូនដល់សិក្ខាកាម​ទាំងអស់ប្រកបដោយសេចក្តីនឹករលឹក​ ព្រមទាំងបានគូសបញ្ជាក់​ពីគោលបំណងនៃការបេីក​វគ្គបណ្តុះបណ្តាលនេះគឺ​ ​ដេីម្បីផ្ដល់ចំណេះដឹង ​និងបង្កើន​សមត្ថភាពដល់ក្រុមការងារ​នៅថ្នាក់មូលដ្ឋានរួមមាន​មន្ដ្រីសង្កាត់ ប្រធាន អនុប្រធានភូមិ​ សមាជិកភូមិ ប្រជាការពារ​ ឲ្យមានលទ្ធភាព​ជួយជាលក្ខណៈបឋមទៅស្ថាន​ភាពគ្រោះថ្នាក់គ្រាអាសន្ន ឬគ្រោះធម្មជាតិ​នៅក្នុងសហគមន៍​ដែលខ្លួន​កំពុងរស់នៅ​ ៕

 

ពិធីបំពាក់កន្សែងយុវជនកាកបាទក្រហមកម្ពុជា មកពីគ្រឹះស្ថានឧត្តមសិក្សា ចំនួន ៧ ក្នុងរាជធានីភ្នំពេញ

កក្រក ៖ នៅរសៀលថ្ងៃពុធ ១រោច ខែ​អាសាធ ឆ្នាំកុរ ឯកស័ក ព.ស.២៥៦៣​ ត្រូវនឹងថ្ងៃទី ១៧ ខែ​កក្កដា ឆ្នាំ២០១៩ ឯកឧត្តម​ ពិត ចំណាន សមាជិក​គណៈកម្មាធិការកណ្ដាល ​និងជាអនុប្រធានអចិន្ត្រៃយ៍ក្រុមការងារទ្រទ្រង់​សកម្មភាពយុវជន ​និងអ្នកស្ម័គ្រចិត្ត ​កាកបាទក្រហមកម្ពុជា ​និងឯកឧត្ដម ​សុះ មុះសិន អនុប្រធាន​សហភាពសហព័ន្ធ​យុវជនកម្ពុជា អញ្ជើញជា​អធិបតីក្នុងពិធីសំណេះសំណាល​ និងបំពាក់កន្សែងយុវជន​កាកបាទក្រហមកម្ពុជា ​ចំនួន៤៣៨នាក់ ​មកពីគ្រឹះស្ថានឧត្តម​សិក្សា ចំនួន ៧ ក្នុងរាជធានីភ្នំពេញ​ដោយមានការអញ្ជើញ​ចូលរួមពី មន្ត្រីទីស្នាក់កណ្ដាល ​សាកលវិទ្យាធិការ​ ប្រធានកិត្តិយសក្លឹប ​ទីប្រឹក្សាយុវជន តំណាង​សាកលវិទ្យាល័យមួយចំនួន​ សាស្ត្រាចារ្យ យុវជន និង​និស្សិតសរុបចំនួន ៤៥០ នាក់។

នៅក្នុងឱកាសនោះដែរ ​ឯកឧត្តម ពិត ចំណាន បានពាំនាំនូវ​ប្រសាសន៍ផ្ដាំផ្ញើសួរសុខទុក្ខ​ និងសេចក្ដីកោតសរសើរ ពីសម្ដេចកិត្តិព្រឹទ្ធបណ្ឌិត ​ប៊ុន រ៉ានី ហ៊ុនសែន ព្រមទាំងបាន​ផ្ដល់នូវអនុសាសន៍សំខាន់ៗ​មួយចំនួនជូនដល់យុវជនដែលមាន​វត្តមានក្នុងពិធីនោះរួមមាន៖
១- សូមបន្ដខិតខំប្រឹងប្រែង​រៀន សូត្រ ដើម្បីពង្រឹង និងពង្រីក​ចំណេះដឹងរបស់ខ្លួន​ឱ្យកាន់តែប្រសើរឡើងថែមទៀត ស្របតាមស្ថានភាព​រីកចម្រើនរបស់ប្រទេសជាតិ​ ក្រោមការដឹកនាំដ៏ឈ្លាសវៃ ​របស់ សម្ដេចតេជោនាយករដ្ឋមន្ដ្រី។ 
២- បន្ដពង្រឹង និងពង្រីក​បណ្ដាញយុវជន កក្រក​ ពីក្នុងចំណោមនិស្សិ​តនៅសាកលវិទ្យាល័យ ​ដើម្បីផ្ដល់ឱកាសឱ្យពួកគេចូលរួមការងារ​មនុស្សធម៌ ជាប់ជាប្រចាំ។
៣- សូមយកចិត្តទុកដាក់​ចំពោះសិស្ស និស្សិត និងយុវជន​កាកបាទក្រហមកម្ពុជា ដែលមាន​ជីវភាព ខ្វះខាត ហើយកំពុងសិក្សានៅក្នុង​សាកលវិទ្យាល័យជាមុន ​និងសិស្ស និស្សិត កុមារកំព្រា ចាស់ជរា​ នៅតាមសហគមន៍ជាក្រោយ។
៤- បន្តលើកទឹកចិត្តដល់​សមាជិកយុវជន កក្រក ដែលសកម្ម​នឹងការងារទៅតាមលទ្ធភាព ដើម្បីឱ្យពួកគេមានឆន្ទៈបន្ដសកម្មភាព​មនុស្សធម៌នានាឱ្យបាន​កាន់តែច្រើនថែមទៀត។
៥- បន្ដលើកកម្ពស់នូវវប្បធម៌​ចែករំលែក មិត្តអប់រំមិត្ត​ យកចិត្តទុកចំពោះ​និស្សិត បុគ្គលិកសិក្សា នៅក្នុងគ្រឹះស្ថានឧត្តមសិក្សាខ្លួនជាមុន ​ស៊ឹមគិតសិស្ស និស្សិត ​និងប្រជាពលរដ្ឋងាយរងគ្រោះ​ក្នុងសហគមន៍ជាក្រោយ។
៦- សូមបន្ដធ្វើសកម្មភាព​ទាំងឡាយណាដែលផ្ដល់​ប្រយោជន៍ដល់សង្គមជាតិ​ ដោយធ្វើខ្លួនជាកូនល្អ​ និស្សិតល្អ និងពលរដ្ឋល្អ ចៀសវាងចាញ់​បោកការឃោសនារបស់​ជនអគតិមួយក្ដាប់ តូចដែលតែងតែ​បំពុលសង្គមតាមគ្រប់រូបភាព។

ជាមួយគ្នានេះដែរ ឯកឧត្ដម សុះ មុះសិន បានមានប្រសាសន៍ថា ប្រជាពលរដ្ឋម្នាក់ៗមាននិន្នាការ ជំនឿសាសនា ខុសៗគ្នា ប៉ុន្តែ​ទាំងអស់គ្នាមានគោលដៅ​រួមមួយ គឺដើម្បីអនាគត​កម្ពុជា ហើយយុវជន ​គឺជាភាគហ៊ុនដ៏សំខាន់ក្នុងការចូលរួម​អភិវឌ្ឍប្រទេសជាតិ។

ស្ថិតនៅចំពោះមុខគណៈអធិបតី​ យុវជន កក្រក ៣នាក់ តំណាងសមាជិក​ថ្មីទាំងអស់ ឡើងមាន​ចំណាប់អារមំណ៍ ប្ដេជ្ញាគាំទ្រ ​ដោយគោរព អនុវត្តតាម​មាគ៌ាដឹកនាំដ៏ខ្ពង់ខ្ពស់​ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា លើគ្រប់សកម្មភាព​មនុស្សធម៌នានា​ក្នុងសង្គម និងធ្វើយ៉ាងណា​ឱ្យក្លាយជាកូនល្អ សិស្ស យុវជន​ និងពលរដ្ឋល្អ​ ជាគំរូគេក្នុងសាលា​ គ្រួសារ និងសង្គមជាតិ៕

 

សាខាកាកបាទ ក្រហមកម្ពុជាខេត្តព្រះវិហារ យកអំណោយមនុស្សធម៌ ជូនប្រជាពលរដ្ឋរងគ្រោះដោយ សារខ្យល់កន្ត្រាក់ នៅភូមិពោធិ៍ ឃុំពោធិ៍ ស្រុត្បែងមានជ័យ ខេត្តព្រះវិហារ

សាខាកក្រកខេត្តព្រះវិហារ៖​នៅរសៀលថ្ងៃទី១៧​ ខែកក្កដា​ ឆ្នាំ២០១៩ នេះឯកឧត្តម​ រ៉ាត់ សោភា ​អនុប្រធានគណៈកម្មាធិការសាខា​កាកបាទ ក្រហមកម្ពុជា​ខេត្តព្រះវិហារ បាននាំយក​អំណោយមនុស្សធម៌​ទៅផ្តល់ជូនប្រជាពលរដ្ឋរងគ្រោះដោយ សារ​ខ្យល់កន្ត្រាក់ ចំនួន១៣ គ្រួសារ​ (ខ្នងផ្ទះរលំ ស្មើ៤ គ្រួសារ របើកដំបូល​ផ្ទះចំនួន៩ ខ្នង ស្មើ ៩ គ្រួសារ) នៅភូមិពោធិ៍ ​ឃុំពោធិ៍ ស្រុត្បែងមានជ័យ ​ខេត្តព្រះវិហារ កាលពីវេលា​ម៉ោង៩:១៥នាទី យប់ថ្ងៃទី១៦ ខែ កក្កដា ឆ្នាំ២០១៩ ។

ក្នុងឱកាសនោះដែរ​ឯកឧត្តម រ៉ាត់ សោភា​ អនុប្រធានគណៈកម្មាធិការ​សាខាកាកបាទក្រហម​កម្ពុជាខេត្តព្រះវិហារ បានចូលរួមសោកស្តាយ​ចំពោះឧបទ្ទវហេតុ​ដែលបានកើតឡើងបណ្តាល​អោយរលំផ្ទះ របើកដំបូលផ្ទះ និងខូចខាតទ្រព្យសម្បត្តិផ្ទះ​សម្បែងនាពេលនេះ ​និងបានផ្តាំ ផ្ញើសូម​អោយមានការប្រុងប្រយ័ត្ន​ នៅពេលភ្លៀងត្រូវបិទទូរស័ព្ទ​ ការ ពារគ្រោះថ្នាក់កើត​ឡើងជាយថាហេតុ។

សម្ភារផ្តល់ជូនក្នុង​១គ្រួសាៗរួម មាន៖ អង្ករ២៥ គីឡូ មី១ កេស ត្រីខ ១ យួរ ទឹកស៊ីអីវ១យួរ អាហារបំប៉ន១០ កញ្ចប់ អាវយឺត៥ និងថវិកា​មួយចំនួន ចំណែកអ្នករលំផ្ទះ៤ គ្រួសារថែមជូន​ សារុង១ ក្រមា១ មុង១ ភួយ១ និងតង់១ ។

 

សាខាកាកបាទក្រហមកម្ពុជាខេត្តស្វាយរៀង សួរសុខទុក្ខ គ្រួសាររងគ្រោះដោយសារខ្យល់កន្ត្រាក់ នៅភូមិតាស្អាង ឃុំកំពង់ចំឡង ស្រុកស្វាយជ្រំ

សាខាកក្រកខេត្តស្វាយរៀង៖ នៅថ្ងៃចន្ទ​១៥កើត ខែអាសាឍ ឆ្នាំកុរ ឯកស័ក ព.ស២៥៦៣​ ត្រូវនឹងថ្ងៃទី ១៦ ខែ កក្កដា ឆ្នាំ ២០១៩​ ក្រុមការងារ​សាខាកាកបាទក្រហមកម្ពុជា​ខេត្តស្វាយរៀងដឹកនាំ​ដោយលោក សរ វណ្ណា នាយកសាខា ​នាំយកអំណោយ​មនុស្សធម៌ ចុះសួរសុខទុក្ខ ​និងចែកអំណោយ​ដល់គ្រួសាររងគ្រោះ​ដោយសារខ្យល់កន្ត្រាក់កាលពីថ្ងៃទី​ ១៥ ខែ កក្កដា ឆ្នាំ ២០១៩ ចំនួន ៥ ខ្នង ក្នុងនោះរងគ្រោះ​ធ្ងន់ ១ ខ្នង មធ្យម ៣ ខ្នង និងខូចខាតស្រាល ១ ខ្នង ​នៅភូមិតាស្អាង​ ឃុំកំពង់ចំឡង ​ស្រុកស្វាយជ្រំ ។ 


នាឱកាសនោះ លោក​នាយកសាខា បាននាំមក​នូវប្រសាសន៍ផ្តាំផ្ញើរ​សាកសួរសុខទុក្ខ​ពីសំណាក់​សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ​ប្រធានកាកបាទក្រហម​កម្ពុជា ដែលជានិច្ច​កាលសម្តេចតែងតែ​យកចិត្តទុកដាក់ គិតគូរពីសុខមាលភាព​ប្រជាពលរដ្ឋទូទៅ ដោយមិន​ប្រកាន់និន្នាការនយោបាយ​អ្វីឡើយ ហើយសម្តេចតែងតែធ្វើការ ណែនាំដល់សាខា​ទាំងអស់នៅទូទាំងប្រទេស​ ត្រូវចុះពិនិត្យជាក់ស្តែង និងធ្វើការ​ឆ្លើយតបភ្លាមៗ ដើម្បីយកជំនួយ​ជូនដល់ប្រជាពលរដ្ឋ​ដែលរងគ្រោះឲ្យបានទាន់ពេលវេលា ​បើទោះបីសម្ភារដែល​បានចែកមិនអាចឆ្លើយតប​ទៅតាមទំហំនៃ​ការខូចខាត​ក៍ពិតមែន តែ​ជាការចែករំលែកនៅ​ពេលជួបគ្រោះមហន្តរាយ ។


អំណោយ​ដែលបានចែកជូន​ទាំង ៥ គ្រួសារ ៖ ​សម្រាប់គ្រួសាររងគ្រោះ​ធ្ងន់ធ្ងរ ទទួលបាន​ អង្ករ ៣០ គក្រ មី ១ កេស ត្រីខ ១០ កំប៉ុង ទឹកស៊ីអ៊ីវ ៦ ដប ​ធុងទឹកជ័រ ១ ឆ្នាំងបាយ-សម្ល ២ ក្រណាត់​កៅស៊ូតង់ ១ កន្ទេលបត់ ១ ឃីត ១ កញ្ចប់ (ភួយ មុង សារុង ក្រមា) និងថវិកា​ ២០០,០០០ រៀល ។ គ្រួសាររងគ្រោះ​មធ្យម ទទួលបាន អង្ករ ៣០ គក្រ មី ១ កេស ត្រីខ ១០ កំប៉ុង​ ទឹកស៊ីអ៊ីវ ៦ ដប កន្ទេលបត់ ១ ឃីត ១ កញ្ចប់ (ភួយ មុង សារុង ក្រមា) និងថវិកា ៥០,០០០ រៀល និង​ សម្រាប់គ្រួសារ​រងគ្រោះស្រាល​ ទទួលបានថវិកា ៥០,០០០ រៀល សម្រាប់​ទិញសម្ភារជួសជុលផ្ទះឡើងវិញ ៕

កាកបាទក្រហមកម្ពុជា ទទួលអាហារូបករណ៍១០០% ថ្នាក់បរិញ្ញាបត្រ ចំនួន ១៥០កន្លែង ពីពុទ្ធិកសាកលវិទ្យាល័យព្រះសីហមុនីរាជា សម្រាប់យុវជនមានជីវភាពលំបាកមកពីបណ្តាខេត្តនានា

(ភ្នំពេញ) ៖ នៅថ្ងៃអង្គារ ១៤កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ១៦ ខែកក្កដា ឆ្នាំ២០១៩ នេះ ព្រះសាកលវិទ្យាធិការ​នៃពុទ្ធិកសាកលវិទ្យាល័យ​ព្រះសីហមុនីរាជា សម្តេច​ព្រះអភិសិរីសុគន្ធាមហា​សង្ឃរាជាធិបតី​កិត្តិឧទ្ទេសបណ្ឌិត បួរ គ្រី ​សម្តេចព្រះមហាសង្ឃរាជ​ នៃគណៈធម្មយុត្តិកនិកាយនៃព្រះរាជាណាចក្រ​កម្ពុជា បានព្រះរាជទាន​ដល់ សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា នូវអាហារូបករណ៍​ ១០០% ថ្នាក់បរិញ្ញាបត្រ​ ចំនួន ១៥០កន្លែង​ សម្រាប់ផ្តល់ជូនយុវជនដែល​មានជីវភាពលំបាកនៅ​តាមបណ្តាខេត្តនានា ឱ្យទទួលបាន​ឱកាសសិក្សាបន្តថ្នាក់បរិញ្ញាបត្រដោយ​ឥតបង់ថ្លៃរយៈ​ពេល៤ឆ្នាំ ក្នុងឆ្នាំសិក្សា២០១៩-២០២០ ទៅលើ​ឯកទេស ១/ វិទ្យាសាស្ត្រអប់រំ ២/ ទស្សនវិជ្ជា​សាសនា ៣/ ព័ត៌មានវិទ្យា​ ៤/ អក្សរសាស្ត្រអង់គ្លេស ​៥/ នីតិសាស្ត្រ ​និង៦/ គ្រប់គ្រងទូទៅ​។

ក្នុងឱកាសនោះ​ លោកជំទាវ ម៉ែន នារីសោភ័គ​ អគ្គលេខាធិការរងទី ១ កាកបាទក្រហម​កម្ពុជា បានពាំនាំប្រសាសន៍របស់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ដែលផ្តាំផ្ញើទូលប្រគេនព្រះពរ​ និងថ្លែងអំណរព្រះរាជគុណ​យ៉ាងជ្រាលជ្រៅថ្វាយ ​សម្តេចព្រះមហា​សង្ឃរាជនៃគណៈធម្មយុត្តិកនិកាយ​នៃព្រះរាជាណាចក្រ​កម្ពុជា ព្រះសាកលវិទ្យាធិការនៃពុទ្ធិក​សាកលវិទ្យាល័យព្រះសីហមុនីរាជា ដែលព្រះអង្គបាន​ប្រោសព្រះរាជទាន​នូវអាហារូបករណ៍​សម្រាប់យុវជន​ឱ្យទទួលបានការសិក្សាបន្ត ដើម្បីក្លាយខ្លួន​ជាទំពាំងស្នងឬស្សី​ ជាធនធានមនុស្សដ៏សំខាន់​របស់ប្រទេសជាតិ។​ កាកបាទក្រហមកម្ពុជា​ នឹងផ្សព្វផ្សាយពី​អាហារូបករណ៍​ទាំងនេះ​ ទៅតាមសាខា​កាកបាទក្រហមកម្ពុជា​ទាំង​ ២៥​រាជធានី​-ខេត្ត​ ដេីម្បីផ្តល់ដល់យុវជនមានជីវភាពលំបាក​ដែល​នឹងប្រឡងជាប់មធ្យមសិក្សាទុតិយភូមិខាងមុខនេះ។

ក្នុងព្រះបរមនាម ព្រះសាកលវិទ្យាធិការ​នៃពុទ្ធិកសាកល​វិទ្យាល័យព្រះសីហមុនី​រាជា លោក ងួន ស្តេចភក្តី សាកលវិទ្យា​ធិការរង និងគណៈប្រតិភូ បានពាំនាំ​ព្រះបន្ទូលផ្តាំផ្ញើ​ប្រទានពរ និងថ្លែងអំណរ​គុណចំពោះ សម្តេចកិត្តិ​ព្រឹទ្ធបណ្ឌិត ប៊ុន រ៉ានី ហ៊ុនសែន ដែលអនុញ្ញាត​ឱ្យគណៈប្រតិភូបានចូលជួបសម្តែងការគួរសម​ និងរួមចំណែកក្នុង​កិច្ចសហប្រតិបត្តិការ​លើកកម្ពស់វិស័យ​អប់រំនៅកម្ពុជា។

សូមបញ្ជាក់ថា ពុទ្ធិកសាកលវិទ្យាល័យ​ព្រះសីហមុនីរាជា គឺជាគ្រឹះស្ថាន​ឧត្តមសិក្សារបស់រដ្ឋ ដោយបានប្រោសព្រះរាជទាន​នាមពី ព្រះករុណា ព្រះបាទ​សម្តេចព្រះបរមនាថ នរោត្តម សីហមុនី ព្រះ​មហាក្សត្រនៃព្រះរាជាណាចក្រកម្ពុជា ​និងទទួលស្គាល់គុណភាព​អប់រំពីគណៈកម្មាធិការ​ទទួលស្គាល់គុណភាពអប់រំនៃកម្ពុជា​ (ហៅកាត់ថា ACC) ក្នុងការបណ្តុះបណ្តាល​ថ្នាក់ឆ្នាំសិក្សាមូលដ្ឋាន។ ពុទ្ធិកសាកល​វិទ្យាល័យព្រះសីហមុនីរាជា បានជ្រើសរើស​សាមណនិស្សិត-និស្សិត បាន១៤ជំនាន់មកហើយ ដោយមាននិស្សិតបញ្ចប់ការសិក្សា​តាំងពីឆ្នាំ២០០៤ ដល់បច្ចុប្បន្នចំនួន ៣,២១៥នាក់​ (ស្រី​ ១,៤៤៦នាក់)។ ក្នុងឆ្នាំសិក្សា ២០១៨-២០១៩ មានសាមណនិស្សិត-និស្សិត ១,០៧៥នាក់ និងនិស្សិត​ថ្នាក់ឆ្នាំសិក្សាមូលដ្ឋានក្នុងឆ្នាំសិក្សា២០១៩-២០២០ ចំនួន ៥៣៣នាក់ ដែលសរុប​សាមណនិស្សិត-និស្សិត​កំពុងសិក្សាមានចំនួន ១,៦០៨នាក់​ (ស្រី​ ៨៦៨នាក់)។ អាសយដ្ឋាន​ស្ថិតនៅក្នុងបរិវេណ​វត្តស្វាយពពែ​ ផ្លូវសុធារស​ សង្កាត់ទន្លេបាសាក់ ​ខណ្ឌចំការមន រាជធានីភ្នំពេញ ​ទល់មុខស្ថានទូតរុស្ស៊ី​ ក្បែរផ្សារទំនើបអ៊ីអន១​ ៕

 

សាខាកាកបាទក្រហមកម្ពុជា រាជធានីភ្នំពេញ ចុះដាក់ថ្នាំអាបែត និងអប់រំថែទាំអនាម័យបរិស្ថាននៅជុំវិញបរិវេណផ្ទះ ដើម្បីការពារបង្ការជម្ងឺគ្រុនឈាម នៅភូមិចំនួន៣ ក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ

សាខាកក្រករាជធានីភ្នំពេញ៖ នាល្ងាចថ្ងៃចន្ទ​ ១៤កេីត​ ខែអាសាឍ ឆ្នាំកុរ​ ឯកស័ក ព.ស២៥៦៣ ត្រូវនឹងថ្ងៃទី ១៥​ ខែ កក្កដា ឆ្នាំ​ ២០១៩នេះ​ ក្រុមការងារការិយាល័យសុខភាពសាខាកាកបាទក្រហមកម្ពុជា​ រាជធានីភ្នំពេញ ដឹកនាំដោយ​ លោក​ ឆេ​ យ៉ត​ ប្រធានការិយាល័យ​ បានចូលរួម​ជាមួយមន្ទីរ​សុខាភិបាលរាជធានី​ភ្នំពេញ មណ្ឌលសុខភាពសាមគ្គី ចុះដាក់ថ្នាំអាបែត​ និងអប់រំថែទាំអនាម័យបរិស្ថាននៅជុំវិញបរិវេណផ្ទះ​ ដើម្បីការពារបង្ការជម្ងឺគ្រុនឈាម​ នៅភូមិចំនួន៣ ​ក្នុងសង្កាត់ត្រពាំងក្រសាំង ​ខណ្ឌពោធិ៍សែនជ័យ រាជធានីភ្នំពេញ​ ។ ដើម្បីការពារបង្ការជម្ងឺគ្រុនឈាម ​សូមបងប្អូនប្រជាពលរដ្ឋទាំងអស់អនុវត្តដូចខាងក្រោម៖

១៖​ សូមចូលរួមកំចាត់ដង្កូវទឹកមូសខ្លា និងធានាថា មិនមានដង្កូវទឹក នៅក្នុងបរិវេណផ្ទះសំបែង តាមរយៈការកម្ទេចចោល និងលុបបំបាត់ចោល នូវរាល់វត្ថុដក់ទឹក ដែលមិនប្រើប្រាស់ ដូចជា សំបកកង់ឡាន កង់ម៉ូតូ សំបកកំប៉ុង ធុង ក្រឡ ពាង អាង ដែលមិនប្រើប្រាស់ សំបកដប សំបកដូង និងវត្ថុអាចដក់ទឹកដទៃទៀត ដែលនៅជុំវិញបរិវេនផ្ទះរបស់លោកអ្នក​ ត្រូវលាងសម្អាតសម្ភារៈ ឬវត្ថុប្រើប្រាស់ផ្សេងៗ សម្រាប់ស្ដុកទឹក ឲ្យបានពីរដង ក្នុង​មួយសប្ដាហ៍ ឬដាក់ថ្នាំអាបែត​ ត្រីប្រាំពីរពណ៌ ឬគ្របឲ្យបានត្រឹមត្រូវ​នូវពាង អាងទឹក ធុង ក្រឡ ថូផ្កា ចានទ្រជើងទូ។ល។

២៖ ត្រូវកំចាត់សត្វមូសខ្លា តាមរយៈរៀបចំ​សម្ភារៈ ក្នុងផ្ទះសំបែងឲ្យមាន​សណ្ដាប់ធ្នាប់ ធ្វើយ៉ាងណាឲ្យមានពន្លឺចាំងចូល​ក្នុងផ្ទះបានល្អ លុបបំបាត់កំប៉ូត​ព្រៃស៊ុបទ្រុបជុំវិញផ្ទះ និងចូលរួមសហការ​ជាមួយភ្នាក់ងារសុខាភិបាល ក្នុងករណីមានការបាញ់ថ្នាំសម្លាប់មូស ។

៣៖ ត្រូវការពារខ្លួន កុំឲ្យមូសខ្លាញី​ខាំតាមរយៈ ការដេកក្នុងមុង (ទាំងថ្ងៃយប់) ស្លៀកពាក់​ខោអាវវែង មិនត្រូវអង្គុយ ឬសំរាកនៅកន្លែងដែលមិនមានពន្លឺគ្រប់គ្រាន់នោះទេ ។

៤៖ ត្រូវរូសរាន់ស្វែងរក សេវាថែទាំសុខភាព ​ដែលនៅជិតអ្នកបំផុត ដូចជា មណ្ឌលសុខភាព​ និងមន្ទីរពេទ្យ ក្នុងករណីក្រុមគ្រួសារណាម្នាក់ របស់អ្នកមាន​សញ្ញា ឬសញ្ញណជំងឺ ដូចជាក្ដៅខ្លួន (ក្ដៅខ្លួនខ្លាំងភ្លាមៗ ៣៩អង្សាសេឡើង) និងសញ្ញាបន្ទាប់បន្សុំផ្សេងទៀត ដូចជា ​មុខក្រហម ឈឺក្បាល ឈឺក្រោម​ក្រឡង់ភ្នែក ឈឺសាច់ដុំ ឬសន្លាក់ ឈឺខ្លួន ស្នាមកន្ទួលក្រហមជាដើម ។

គ្រប់ករណីសង្ស័យជំងឺគ្រុនឈាម​ មិនត្រូវសាកល្បងព្យាបាល​ដោយខ្លួនឯង ឬការប្រើប្រាស់ថ្នាំប្រភេទ អាស្ពីរីនឬអ៊ីប៉ុយព្រូហ្វែន ជាដាច់ខាត​ និងមិនត្រូវស្វែងរក ​សេវាថែទាំសុខភាពណា ​ដែលមិនមាន​ជំនាញវិជ្ជាជីវៈ ពិនិត្យព្យាបាលជំងឺ​គ្រុនឈាមឡើយ ៕

 

កិច្ចប្រជុំគណៈកម្មាធិការសាខា ស្តីពីការត្រៀមរៀបចំសន្និបាតសាខាអាណត្តិទី៥នៅខេត្តព្រះវិហារ

សាខាកក្រកខេត្ត​ព្រះវិហារ៖នៅរសៀលថ្ងៃទី​ ១៥ ខែ កក្កដា ឆ្នាំ ២០១៩​នេះនៅសាល​ប្រជុំសាខា​កាកបាទក្រហមកម្ពុជា ខេត្តព្រះវិហារ ​មានបើកកិច្ច​ប្រជុំគណៈកម្មាធិការ​សាខា ស្តីពីការត្រៀមរៀបចំ​សន្និបាតសាខា​អាណត្តិទី៥ (២០១៩- ២០២៥) ក្រោមអធិបតី ភាពលោក ជំទាវ ចឹក ហេង​ ប្រធានគណៈកម្មាធិការសាខា ។

អង្គប្រជុំបានពិភាក្សាត្រៀមរៀបចំ​របាយការណ៍សកម្មភាព​ របាយ ការណ៍ហិរញ្ញវត្ថុ ​និងឯកសារពាក់ព័ន្ធ ​និងដំណើរការរៀបចំ​សន្និបាត ដើម្បីដាក់ជូន​គណៈកម្មាធិការ​សាខាពិនិត្យ។

នៅក្នុងឱកាសនោះដែរ​លោកជំទាវ ប្រធាន​គណៈកម្មាធិការសាខា​បានជម្រុញអោយ​ក្រុមប្តិបត្តិសាខា​បន្តតាម ដាន និងស្រង់ទិន្នន័យប្រជា ​ពលរដ្ឋដែលរងគ្រោះ​ដោយគ្រោះមហន្តរាយ​អោយបានទាន់ពេលវេលា​ និងត្រៀមសម្ភារសម្រាប់​ឆ្លើយតប​អោយមានជាប្រចាំ។

 

ពិធីបំពាក់កន្សែងជូនយុវជនកាកបាទក្រហមកម្ពុជា ថ្មីនៅសាកលវិទ្យាល័យ ភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច

កក្រក ៖ នៅរសៀលថ្ងៃចន្ទ ១៤កើត ខែអាសាធ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ១៥ ខែកក្កដា ឆ្នាំ២០១៩ សាកលវិទ្យាល័យ​ ភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច ​បានរៀបចំពិធីបំពាក់កន្សែងជូនយុវជនកាកបាទក្រហម​កម្ពុជា ថ្មី ចំនួន ១០១នាក់ ក្រោមអធិបតីភាព ​ឯកឧត្តម ពិត ចំណាន​ សមាកជិកគណៈកម្មាធិការកណ្ដាល និងជាអនុប្រធាន​អចិន្ត្រៃយ៍ក្រុមការងារ​ទ្រទ្រង់សកម្មភាពយុវជន​ និងអ្នកស្ម័គ្រចិត្ត កាកបាទក្រហមកម្ពុជា និងឯកឧត្ដម ​សុះ មុះសិន អនុប្រធាន​សហភាពសហព័ន្ធយុវជន​កម្ពុជា ដោយមានការអញ្ជើញចូលរួមពី ​មន្ត្រីទីស្នាក់កណ្ដាល ​ទីប្រឹក្សាយុវជន តំណាង​សាកលវិទ្យាល័យមួយចំនួន សាស្ត្រាចារ្យ យុវជន និងនិស្សិតសរុប​ចំនួន ១៣០នាក់។

នៅក្នុងឱកាសនោះដែ​រ ឯកឧត្តម ពិត ចំណាន បានពាំនាំ​នូវប្រសាសន៍ផ្ដាំផ្ញើសួរ​សុខទុក្ខ និងសេចក្ដីកោតសរសើរ ពីសម្ដេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ព្រមទាំងបានផ្ដល់​នូវអនុសាសន៍​សំខាន់ៗមួយចំនួនជូនដល់យុវជនដែល​មានវត្តមានក្នុង​ពិធីនោះរួមមាន៖
១- សូមបន្ដខិតខំ​ប្រឹងប្រែងរៀន សូត្រ ដើម្បីពង្រឹង​ និងពង្រីកចំណេះដឹង​របស់ខ្លួនឱ្យកាន់តែប្រសើរឡើងថែមទៀត ស្របតាម​ស្ថានភាពរីកចម្រើនរបស់​ប្រទេសជាតិ ក្រោមការដឹកនាំ​ដ៏ឈ្លាសវៃ របស់ សម្ដេចតេជោនាយករដ្ឋមន្ដ្រី។ 
២- បន្ដពង្រឹង និងពង្រីក​បណ្ដាញយុវជន កក្រក ពីក្នុង​ចំណោមនិស្សិតនៅសាកល​វិទ្យាល័យ ដើម្បីផ្ដល់ឱកាសឱ្យពួកគេចូលរួមការងារមនុស្សធម៌​ ជាប់ជាប្រចាំ។
៣- សូមយកចិត្តទុកដាក់​ចំពោះសិស្ស និស្សិត ​និងយុវជនកាកបាទក្រហមកម្ពុជា ​ដែលមានជីវភាព ខ្វះខាត ហើយកំពុងសិក្សានៅក្នុងសាកល​វិទ្យាល័យជាមុន និងសិស្ស និស្សិត កុមារកំព្រា ​ចាស់ជរា នៅតាមសហគមន៍ជាក្រោយ។
៤- បន្តលើកទឹកចិត្តដល់សមាជិក​យុវជន កក្រក ដែល​សកម្មនឹងការងារទៅ​តាមលទ្ធភាព ដើម្បីឱ្យពួកគេមានឆន្ទៈបន្ដសកម្មភាពមនុស្សធម៌​នានាឱ្យបានកាន់តែច្រើនថែមទៀត។
៥- បន្ដលើកកម្ពស់នូវវប្បធម៌​ចែករំលែក មិត្តអប់រំមិត្ត ​អ្នកចេះច្រើនបង្រៀនអ្នកចេះតិច អ្នកចេះតិចបង្រៀនអ្នកមិនចេះសោះ ទៅកាន់សិស្ស និស្សិត និងយុវជន ​កក្រក នៅក្នុងសាកលវិទ្យាល័យ​ និងសហគមន៍នានា។
៦- សូមបន្ដធ្វើសកម្មភាព​ទាំងឡាយណាដែលផ្ដល់ប្រយោជន៍​ដល់សង្គមជាតិ ដោយធ្វើ​ខ្លួនជាកូនល្អ និស្សិតល្អ និងពលរដ្ឋល្អ ចៀសវាង​ចាញ់បោកការឃោសនា​របស់ជនអគតិមួយក្ដាប់ តូចដែល​តែងតែបំពុលសង្គមតាមគ្រប់រូបភាព។

ជាមួយគ្នានេះដែរ ​ឯកឧត្ដម សុះ មុះសិន បានមានប្រសាសន៍ថា ​ប្រជាពលរដ្ឋម្នាក់ៗមាន​គោលដៅខុសៗគ្នា ប៉ុន្តែទាំងអស់គ្នា​មានគោលដៅរួមមួយ​ គឺដើម្បីអនាគតកម្ពុជា ហើយយុវជន ​គឺជាភាគហ៊ុនដ៏សំខាន់ក្នុងការចូលរួម​អភិវឌ្ឍប្រទេសជាតិ៕

 

សាខាកាកបាទក្រហមកម្ពុជា រាជធានីភ្នំពេញ ចុះសួរសុខទុក្ខ ប្រជាពលរដ្ឋដែលមានជីវភាពខ្វះខាត មកពីសហគមន៍ទាំង១០ និងភូមិចំនួន១៨ ក្នុងសង្កាត់គោករកា ខណ្ឌព្រែកព្នៅ

សាខាកក្រករាជធានីភ្នំពេញ៖ នាព្រឹកថ្ងៃចន្ទ​ ១៤កេីត​ ខែអាសាឍ ឆ្នាំកុរ​ ឯកស័ក ព.ស២៥៦៣ ត្រូវនឹងថ្ងៃទី ១៥​ ខែ កក្កដា ឆ្នាំ​ ២០១៩នេះ​ នៅវត្តឈូកវ៉ា ស្ថិតក្នុងសង្កា​ត់គោករកា ខណ្ឌព្រែកព្នៅ​ សាខាកាកបាទក្រហមកម្ពុជា រាជធានីភ្នំពេញ ដឹកនាំដោយ ឯកឧត្តម​ ឃួង​ ស្រេង​​ ប្រធានគណៈកម្មាធិការសាខា​ បានចុះសាកសួរសុខទុក្ខ​ និងនាំយក​អំណោយមនុស្សធម៌​ទៅចែកជូនដល់ប្រជាពលរដ្ឋ​ដែលមានជីវភាពខ្វះខាត​ចំនួន៨៦៣គ្រួសារ មកពី​សហគមន៍ទាំង១០​ និងភូមិចំនួន១៨​ ក្នុងសង្កាត់គោករកា​ ខណ្ឌព្រែកព្នៅ ។

មានប្រសាសន៍ទៅកាន់​លោកតាលោកយាយ​បងប្អូនប្រជាពលរដ្ឋ​ទាំងអស់ ឯកឧត្តម​ ឃួង​ ស្រេង​ បានពាំនាំនូវការផ្ដាំផ្ញើសួរសុខទុក្ខពីសំណាក់​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន​ ប្រធានកាកបាទក្រហមកម្ពុជា ដែលសម្តេចប្រធានតែង​តែយកចិត្តទុកដាក់​គិតគូរជាប់ជានិច្ច​ចំពោះសុខទុក្ខប្រជាពលរដ្ឋជាទូទៅ ជាពិសេសជនរងគ្រោះ ​និងងាយរងគ្រោះគ្រប់ប្រភេទ​ ដោយមិនប្រកាន់ពីវណ្ណៈ ពណ៌សម្បុរ ​ជំនឿសាសនា ឬនិន្នាការនយោបាយ​អ្វីឡើយ ពោល "ទីណាមានការលំបាក​ ទីនោះមានកាកបាទក្រហមកម្ពុជា" ។ ឯកឧត្តមបានគូសបញ្ជាក់ថា កាកបាទក្រហមកម្ពុជា ​ក្នុងនាមជាជំនួយការ​ឲ្យអាជ្ញាធរសាធារណៈ​លើវិស័យមនុស្សធម៌​ គឺបានដើរតួនាទីយ៉ាងសកម្ម​ ក្នុងការចុះជួយដល់​ប្រជាពលរដ្ឋដែលរងគ្រោះ​ និងងាយរងគ្រោះដោយប្រការផ្សេងៗ​ នៅតាមមូលដ្ឋានទូទាំង២៥រាជធានីខេត្ត និងគ្រប់ច្រកល្ហក់ ដោយមិនឲ្យប្រជាពលរដ្ឋណាម្នាក់ជួបការលំបាកដោយយើងមិនបានដឹងនោះទ្បើយ​ សំដៅចូលរួមជួយកាត់បន្ថយភាព​ក្រីក្ររបស់ប្រជាពលរដ្ឋយើងឲ្យធ្លាក់មកនៅកំរិតទាបបំផុត ។ ជាទីបញ្ចប់ ឯកឧត្តមប្រធានគណៈកម្មាធិការ​សាខា ក៏សូមអំពាវនាវដល់គ្រួសារទាំងអស់ត្រូវប្រុងប្រយ័ត្ន​ការពារកុំឲ្យមូសខាំ ត្រូវគេង​ក្នុងមុង និងត្រូវ​បំបាត់ជម្រកមូសជុំវិញផ្ទះ និងក្នុងសហគមន៍របស់ខ្លួន ដើម្បី​ជៀសវាងជំងឺគ្រុនឈាមដែល​កំពុងរាលដាលលេីមនុស្សគ្រប់វ័យ។ ត្រូវជៀសឲ្យឆ្ងាយពីគ្រឿងញៀន​ គ្រឿងស្រវឹង​ និងល្បែងស៊ីសង​ ដែលជាប្រភពនៃអំពេីហិង្សា​ ចោរកម្ម​​ ព្រមទាំងចូលរួមគោរពច្បាប់ចរាចរណ៍​ បេីកបរដោយប្រុងប្រយ័ត្ន​ ពាក់មួកសុវត្ថិភាពឲ្យ​បានត្រឹមត្រូវ​ និងហាមដាច់ខាតការបេីកបរក្រោមឥទ្ធិពលនៃគ្រឿងស្រវឹង​ ។

អំណោយមនុស្សធម៌ដែលបានចែកជូនក្នុង១គ្រួសារៗទទួលបាន៖​ អង្ករ៥០គីឡូក្រាម មី១កេស ទឹកបរិសុទ្ធឱរ៉ាល់ដបធំ១ដប​ ត្រីខ១យួរ​ ទឹកត្រី១យួរ​ ទឹកសុីអុីវ១យួរ​ 

 

First Prev 4 5 6 7 8 Next Last