អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

សាខាកាកបាទក្រហមកម្ពុជា ខេត្តកំពង់ធំ បានរៀបចំប្រារព្ធមិទ្ទីងអបអរខួបទី ១៥៦ នៃទិវាពិភពលោក កាកបាទក្រហម អឌ្ឍចន្ទក្រហម ០៨ ឧសភា ២០១៩

សាខាកក្រកខេត្តកំពង់ធំ៖ នៅព្រឹកថ្ងៃ សៅរ៍ ១កើត ខែពិសាខ ឆ្នាំកុរ ឯកស័កព.ស ២៥៦២ ត្រូវនឹងថ្ងៃទី៤ ខែឧសភា ឆ្នាំ២០១៩​ សាខាកាកបាទក្រហម​កម្ពុជា ខេត្តកំពង់ធំ ​បានប្រារព្ធ​ខួបទី ១៥៦ ទិវាពិភពលោកកាកបាទក្រហម ​និងអឌ្ឍចន្ទក្រហម ៨ ឧសភា ឆ្នាំ ២០១៩ ក្រោម​ប្រធានបទ «ខ្ញុំ ❤️កាកបាទក្រហមកម្ពុជា » ក្រោមអធិបតីភាព​ដ៏ខ្ពង់ខ្ពស់ ឯកឧត្តមបណ្ឌិត ​ងួន ញ៉ិល អនុប្រធានទី១ រដ្ឋសភា ឯកឧត្តម ឈុន ឈន់ ប្រធានកិត្តិយសសាខាកាកបាទក្រហម​កម្ពុជា ខេត្តកំពង់ធំ លោកជំទាវ​ ខៀវ ស៊ីណា ជា ចាន់តូ អនុប្រធានកិត្តិយស​សាខាកាកបាទក្រហមកម្ពុជា​ ខេត្តកំពង់ធំ និង ឯកឧត្តម សុខ លូ ​ប្រធានគណៈកម្មាធិការសាខា ខេត្តកំពង់ធំ ដោយ​មានការអញ្ជើញ​ចូលរួមពី ឯកឧត្តម លោកជំទាវ លោក ​លោកស្រី ជាសមាជិក សមាជិកាគណៈកម្មាធិការ​សាខា ឯកឧត្តម លោកឧកញ៉ា ​លោកជំទាវ លោក លោកស្រីប្រធាន ​អនុប្រធានមន្ទីរអង្គភាព ស្ថាប័ន កងកំលាំង​ជុំវិញខេត្ត ម្ចាស់ ឬតំណាង​ម្ចាស់ក្រុមហ៊ុន សណ្ឋាគារ អាជីវករ លោកអភិបាលក្រុង ស្រុកទាំង៨ ​ក្រុមប្រតិបត្តិសាខា អនុសាខា​ យុវជនកាកបាទក្រហម​កម្ពុជា អ្នកស្ម័គ្រចិត្ត យុវជនកាយរឹទ្ធ សរុបចំនួន ១,៤០៩នាក់​ ដែលប្រព្រឹត្តទៅនៅ​អាគារឡូវ គឹម សេង ​(អាគារB) ក្រុងស្ទឹងសែន ខេត្តកំពង់ធំ ។

ទិវានេះប្រារព្ធធ្វើឡើងក្នុងគោលបំណង ៖
-រំលឹកដល់ថ្ងៃកំណើត​របស់លោក ហង់រី ឌុយណង់​ ដែលជាស្ថាបនិក​របស់កាកបាទក្រហម 
-យល់ដឹង​អំពីប្រវត្តិចលនារបស់​កាកបាទក្រហម និងអឌ្ឍចន្ទក្រហម និងច្បាប់មនុស្សធម៌អន្តរជាតិ
-គៀរគររកមូលនិធិពី​សប្បុរសជននានា ​ដើម្បីឆ្លើយតប​ឲ្យបានទាន់​ពេលវេលា ក្នុងការជួយ​ដល់ជនងាយរងគ្រោះ និងជនរងគ្រោះ។

ដោយមាន​ការយកចិត្តទុកដាក់ខ្ពស់​ពីឯកឧត្តមបណ្ឌិត ងួន ញ៉ិល អនុប្រធានទី២ រដ្ឋសភា ឯកឧត្តម ឈុន ឈន់ ប្រធាន​កិត្តិយស​សាខា ឯកឧត្តម សុខ លូ ប្រធានគណៈកម្មាធិការ​សាខា សមាជិក សមាជិកា គណៈកម្មាធិការសាខា​កាកបាទក្រហម​កម្ពុជា ខេត្តកំពង់ធំ នៅក្នុងឆ្នាំ២០១៩ នេះដែរ សាខាកាកបាទក្រហម​កម្ពុជា ខេត្តកំពង់ធំ ​ប្រមូលថវិកា​ជាបណ្តោះអាសន្ន​បានចំនួន ២០៥,៩៥១ ដុល្លាអាមេរិក៕

 

សាខាកាកបាទក្រហមកម្ពុជា ខេត្តកំពត បានរៀបចំប្រារព្ធមិទ្ទីងអបអរខួបទី ១៥៦ នៃទិវាពិភពលោក កាកបាទក្រហម អឌ្ឍចន្ទក្រហម ០៨ ឧសភា ២០១៩

សាខាកក្រកខេត្តកំពត ៖ នាព្រឹកថ្ងៃសុក្រ ១៤រោច ខែចេត្រ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ៣ ខែ ឧសភា ឆ្នាំ២០១៩ សាខាកាកបាទក្រហម​កម្ពុជា ខេត្តកំពត បាន​រៀបចំប្រារព្ធមិទ្ទីង​អបអរខួបទី ១៥៦ នៃទិវាពិភពលោក ​កាកបាទក្រហម អឌ្ឍចន្ទក្រហម ​០៨ ឧសភា ២០១៩ ក្រោម​ប្រធានបទ «ខ្ញុំ❤️កាកបាទ​ក្រហមកម្ពុជា»​ ក្រោមអធិបតីភាព​ឯកឧត្តមបណ្ឌិត ប៉ែន ស៊ីម៉ន​ តំណាងរាស្ត្រ​មណ្ឌលកំពត និងជា​ប្រធានគណៈកម្មការទី១០ នៃរដ្ឋសភាជាតិ ​និងឯកឧត្តម​ជាវ តាយ ប្រធានកិត្តិយស​សាខាកាកបាទក្រហម​កម្ពុជា ខេត្តកំពត ដោយមានការនិមន្ត ​អញ្ជើញចូលពីសំណាក់ ឯកឧត្ត លោកជំទាវ សមាជិក សមាជិកាក្រុមប្រឹក្សាខេត្ត​ ឯកឧត្តម លោកជំទាវ អភិបាលរង នៃគណៈអភិបាលខេត្ត លោក លោកស្រី មន្ត្រីរាជការ កងកម្លាំង​ប្រដាប់អាវុធ សប្បុរសជន ប្រជាពលរដ្ឋ ​សិស្ស និស្សិត ​អ្នកស្ម័គចិត្តកាកបាទក្រហម​ យុវជន​កាយរិទ្ធិជាតិកម្ពុជា និងយុវជនកាកបាទក្រហមកម្ពុជា ​សរុបចំនួន ១៤០០ អង្គ/នាក់។

ការប្រារព្ធទិវានេះដែរ បានរៀបចំឡើង​នៅសាលសន្និសិទ​ខេត្តកំពត ក្នុងគោលបំណង៖
-រំលឹកដល់ថ្ងៃកំណើត​របស់លោក ហង់រី ឌុយណង់​ ដែលជាស្ថាបនិក​របស់កាកបាទក្រហម
-យល់ដឹងអំពីប្រវត្តិចលនារបស់​កាកបាទក្រហម និងអឌ្ឍចន្ទក្រហម និងច្បាប់​មនុស្សធម៌អន្តរជាតិ
-កៀរគររកមូលនិធិពី​សប្បុរសជនទាំងអស់ និងឆ្លើយតបឲ្យបានទាន់​ពេលវេលាក្នុង​ការជួយសង្រ្គោះ និងជនងាយរងគ្រោះផងដែរ។

សូមបញ្ជាក់ជូនថា៖ សាខាកាកបាទក្រហម​កម្ពុជា ខេត្តកំពត បានទទួល​ថវិកាបណ្ដោសអាសន្ន​ពីសប្បុរសជនទាំងអស់មាន​ចំនួន ៦២៦,៥៦៥ដុល្លារ (ហុកសិបពីរម៉ឺនប្រាំមួយពាន់ប្រាំរយហុកសិបប្រាំ ដុល្លារ​សហរដ្ឋអាមេរិក)៕

 

ពិធីបំពាក់កន្សែងយុវជនកាកបាទក្រហមកម្ពុជា ជូនដល់យុវជន មកពី ៣គ្រឹះស្ថានសិក្សា ក្នុងក្រុងសៀមរាប

សាខា កក្រក ខេត្តសៀមរាប៖ នៅព្រឹក​ថ្ងៃទី ០២ ខែ ឧសភា ឆ្នាំ២០១៩នេះ នៅវិទ្យាល័យ​ ១០ មករា ១៩៧៩ ឯឧត្តម ទៀ សីហា ប្រធាន​គណៈកម្មាធិការសាខាកាកបាទក្រហម​កម្ពុជា ខេត្តសៀមរាប បាន​អញ្ជើញជាអធិបតីភាព ក្នុង​ពិធីបំពាក់​កន្សែងយុវជន​កាកបាទក្រហមកម្ពុជា​ ជូនដល់យុវជនសិស្សានុសិស្ស​ចំនួន២០៥នាក់ មកពី ៣គ្រឹះស្ថាន​សិក្សា ក្នុងក្រុងសៀមរាប ​គឺ វិទ្យាល័យ ១០ មករា ១៩៧៩ ​វិទ្យាល័យ អង្គរ ​និងអនុវិទ្យាល័យ មិត្ត​ភាពខ្មែរ ជប៉ុន ព្រះឥន្ទកោសា ។

មានប្រសាសន៍នាឱកាសនោះ​ឯកឧត្តម ទៀ សីហា ប្រធាន​គណៈកម្មាធិការសាខា​កាកបាទក្រហមកម្ពុជា ខេត្តសៀមរាប បាន​លើកឡើងថា ដើម្បី​អបអរសាទរខួប​លើកទី១៥៦ ទិវាពិភពលោក​ កាកបាទក្រហម អឌ្ឍចន្ទ ក្រហម ​៨ឧសភា ២០១៩ ក្រោម​ប្រធានបទ “ខ្ញុំ ♥️ កាកបាទក្រហម​កម្ពុជា” ។ ក្នុងនោះ ​ឯកឧត្តមក៏បានផ្តាំផ្ញើដល់ក្មួយៗ ​ទាំងយុវជន​កាកបាទក្រហម​កម្ពុជា និង​ សិស្សានុសិស្សទាំងអស់​ ត្រូវយកចិត្តទុក ដាក់លើការងារបរិស្ថាន ដើមី្បធ្វើឲ្យ​សាលារៀនយើង​ល្អស្អាត ក្រុងប្រវត្តិសាស្ត្រ​បុរាណយើងស្រស់​ស្អាត ប្រកប​ទៅដោយពណ៌បៃតង ចូរយើង​គ្រប់រូប​ចូលរួមក្នុងការដាំដុះ​កូនឈើ នៅតាម​សាលារៀន សហគមន៍ ដើមី្បភព​ផែនដីនៃយើង ការបាត់បង់ធនធាន​ធម្មជាតិទាំងអស់​នេះហើយ ដែល​ធ្វើឲ្យភពផែនដី​យើង មានការ ប្រែប្រួលអាកាសធាតុ និង ទទួលរង​នូវគ្រោះធម្មជាតិ​ទៀតផង។ ឯកឧត្តម​ក៏សូមឲ្យក្មួយ ត្រូវចាក​ជៀសឲ្យឆ្ងាយពីគ្រឿងញៀន និង ត្រូវចេះគោរពច្បាប់ចរាចរណ៍​ជើងគោក គឺត្រូវចាប់ផ្តើមពីខ្លួន​យើងគ្រប់ៗគ្នា​ជាមុនផងដែរ។

 

សាខាកាកបាទក្រហមកម្ពុជា ខេត្តក្រចេះ ចុះសួរសុខទុក្ខ ប្រជាពលរដ្ឋរងគ្រោះដោយសារខ្យល់កន្ទ្រាក់ ស្ថិតក្នុងឃុំបុសលាវ ស្រុកចិត្របុរី

សាខាកក្រកខេត្តក្រចេះ ៖ នៅព្រឹកថ្ងៃព្រហស្បតិ៍​ ១៣រោច ខែចេត្រ ឆ្នាំកុរ ​ឯកស័ក ព.ស ២៥៦២ ត្រូវនឹងថ្ងៃទី២ ខែឧសភា ឆ្នាំ២០១៩ នេះ សាខាកាកបាទ​ក្រហមកម្ពុជា ខេត្តក្រចេះ ​ដឹកនាំដោយ ឯកឧត្តម ធុន គ្រី ប្រធានគណៈកម្មាធិការ​ សាខាកាកបាទក្រហម​កម្ពុជា ខេត្តក្រចេះ លោក លោកស្រី ​សមាជិក សមាជិកា ក្រុមប្រតិបត្តិសាខា រួមនិង​ប្រធានអនុសាខា​ស្រុកចិត្របុរី មន្រ្តី​អនុសាខាស្រុក បានចុះសួរសុខទុក្ខ​ និងនាំយកអំណោយមនុស្សធម៌​កាកបាទក្រហមកម្ពុជា ទៅចែកជូន​ដល់ប្រជាពលរដ្ឋរងគ្រោះ​ដោយសារខ្យល់កន្ទ្រាក់ ចំនួន ១៤ គ្រួសារ និងចាស់ជរា ​ទីទ័លក្រចំនួន ៧គ្រួសារ ស្ថិតក្នុងឃុំបុសលាវ ​ស្រុកចិត្របុរី ខេត្តក្រចេះ ។

ក្នុងឪកាសនោះដែរឯកឧត្តម​ បានពាំនាំនូវប្រសាសន៍ផ្តាំផ្ញើរសួរសុខទុក្ខ​ពីសំណាក់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហម​កម្ពុជា ដែលជានិច្ចកាល ​សម្តេចតែងតែយកចិត្តទុកដាក់ គិតគូរពីសុខុមាលភាពជូនប្រជាពលរដ្ឋ​ទូទៅ ដោយមិនប្រកាន់​និន្នាការនយោបាយ​អ្វីឡើយ សម្ដេចក៏តែងតែមានការព្រួយបារម្មណ៍ ពីសុខទុក្ខ​ប្រជាពលរដ្ឋគ្រប់ច្រកល្ហក​ ជាពិសេសបងប្អូនដែល​កំពុងទទួលរងគ្រោះថ្នាក់ដោយគ្រោះធម្មជាតិ ត្រូវខាតបង់​នូវទ្រព្យសម្បត្តិ និង​ផលដំណាំ ជាដើម ។

ឯកឧត្តមប្រធានគណៈកម្មាធិការមានប្រសាសន៏បន្តថា ៖ បងប្អូនត្រូវយកចិត្តទុកដាក់សំខាន់ ទៅលើការថែទាំសុខភាព ដោយផ្អែក​លើអនាម័យ​បរិស្ថានល្អ ត្រូវចេះរៀបចំ​ការរស់នៅឱ្យបានស្អាត តាមរយៈ ហូបស្អាត ផឹកស្អាត ចៀសវាងកើត​មានជំងឺផ្សេងៗ សូមចាំថាបើបងប្អូនខ្វះស្បៀង​អាហារយើងអាចជួយបាន ក៏ប៉ុន្តែបើបងប្អូនមានជម្ងឺវិញ គឺមាន​តែខ្លួនឯងទេដែល​ជាអ្នកឈឺគ្មានអ្នកមកឈឺ​ជំនួសឡើយ និងត្រូវមានការប្រុងប្រយ័ត្នខ្ពស់ចំពោះគ្រោះធម្មជាតិ​នានាដែលកើតមានឡើង ​ហើយប្រសិនបើមានករណី​នេះកើតឡើង ចំពោះក្រុមគ្រួសារ របស់បងប្អូន ត្រូវផ្ដល់​ដំណឹងដល់អាជ្ញាធរ​មូលដ្ឋាន និងបញ្ជូន​អ្នកជម្ងឺទៅកាន់​មន្ទីរពេទ្យ ដើម្បីទទួលការព្យាបាលឱ្យបានទាន់​ពេលវេលា។ ម្យ៉ាងវិញទៀត​សូមបងប្អូនជួយអប់រំ​កូនចៅឱ្យជៀសឆ្ងាយ​ពីគ្រឿងញៀន និងប្រុងប្រយ័ត្នខ្ពស់​ចំពោះគ្រោះថ្នាក់​ចរាចរណ៍។ ទន្ទឹមនេះដែរ សូមបងប្អូន​ខិតខំបង្កបង្កើនផល និងដាំដំណាំរួមផ្សំសម្រាប់​ទ្រទ្រង់ជីវភាព និងបង្កើន​សេដ្ឋកិច្ចគ្រួសារ​អោយកាន់តែប្រសើ​ឡើងថែមទៀត ។

អំណោយដែលចែកជូននា​ពេលនោះក្នុង១គ្រួសារទទួលបាន៖ អង្ករ ២៥ គីឡូក្រាម, មី ១ កេស, ត្រីខ ១០ កំប៉ុង, មុងសុវត្ថិភាព ១ ខោអាវ និងថវិការមួយចំនួន៕

 

កិច្ចប្រជុំពិភាក្សាការងារស្តីពីការបង្កើតគណៈកម្មការរៀបចំ ទិវាអបអរខួបលើកទី ១៥៦ ទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៩នៅខេត្តស្វាយរៀង

សាខាកក្រកខេត្តស្វាយរៀង ៖ នៅថ្ងៃព្រហស្បតិ៍ ១៣រោច ខែចេត្រ ឆ្នាំកុរ ឯកស័ក ព.ស. ២៥៦២ ត្រូវនឹង ថ្ងៃទី ២ ខែឧសភា ឆ្នាំ២០១៩ លោកជំទាវ ​ពៅ សុភាព ហេរញ្ញឹកគណៈកម្មាធិការ​សាខាកាកបាទក្រហម​កម្ពុជាខេត្តស្វាយរៀង ​តំណាង ឯកឧត្តម ម៉ែន វិបុល ​ប្រធានគណៈកម្មាធិការ​សាខា បានដឹកនាំ​កិច្ចប្រជុំ​ពិភាក្សាការងារស្តីពីការបង្កើត​គណៈកម្មការ​រៀបចំ និងការប្រព្រឹត្ត​ទៅនៃទិវា​អបអរខួបលើកទី ១៥៦ ទិវាពិភពលោក កាកបាទក្រហម អឌ្ឍចន្ទ​ក្រហម ៨ ឧសភា ២០១៩ ក្រោម​ប្រធានបទ “ខ្ញុំស្រលាញ់កាកបាទក្រហមកម្ពុជា”នៅសាលប្រជុំ ​សាខាកាកបាទក្រហម​កម្ពុជាខេត្ត ដែលមា​នការចូលរួមពីគណៈកម្មាធិការ​សាខា អនុគណៈកម្មការ ក្រុមប្រតិបត្តិ​សាខា សរុបចំនួន ២២ នាក់ ស្រី ១៧ នាក់ ។


របៀបវារៈនៃកិច្ចប្រជុំៈ
- សាខារាយការណ៍​អំពីវឌ្ឍភាពនៃកិច្ចដំណើរការ​រៀបចំពិធីអបអរ​ខួបលើកទី១៥៦ទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៩ របស់សាខាកាកបាទក្រហម​កម្ពុជាខេត្ត ជូនអង្គប្រជុំ 
-បង្កើតគណៈកម្មការ​ទទួលខុសត្រូវ​រួមពីអនុគណៈកម្មកា​រនីមួយៗ ដើម្បីរៀបចំ និងការប្រព្រឹត្ត​ទៅរាល់ ដំណោះ ស្រាយមុន ក្នុង និង​ក្រោយពិធី - អនុគណៈកម្មការទទួលខុសត្រូវ​បដិសណ្ឋាកិច្ច និងអញ្ជើញភ្ញៀវកិត្តិយស និងភ្ញៀវចូលកាន់ទីកន្លែង 
-អនុគណៈកម្មការគ្រប់គ្រង​ទទួល និងកត់ត្រាមូលនិធិ​ដែលសប្បុរសជន​ប្រគល់ជូន និងធ្វើ​របាយការណ៍បូកសរុប លទ្ធផលក្រោយពិធីជូនគណៈកម្មាធិការសាខា -អនុគណៈកម្មការចាត់តាំងក្នុងពិធី និងអធិប្បាយរាល់ឯកសារពាក់ព័ន្ធក្នុងពិធី
- បញ្ហាផ្សេងៗ

កាកបាទក្រហមកម្ពុជា ទទួលថវិកា ពីសប្បុរសជនដើម្បីអបអរទិវា ៨ ឧសភា ឆ្នាំ២០១៩

នៅទីស្នាក់ការកណ្តាល នាព្រឹកថ្ងៃព្រហស្បតិ៍​ ១៣រោច ខែចេត្រ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃទី ២​ ខែឧសភា ឆ្នាំ២០១៩នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានជួបសវនាការជាមួយសប្បុរសជន និងទទួលអំណោយជាថវិកាសរុបប្រមាណ ៣៥០,០០០ដុល្លារ (សាមសិបប្រាំម៉ឺនដុល្លារអាមេរិក) ក្នុងឱកាសអបអរខួបទី ១៥៦ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០១៩ ខាងមុខនេះ ក្រោមប្រធានបទ «ខ្ញុំ ❤️កាកបាទក្រហមកម្ពុជា» ។ ថវិកាដែលបានទទួលរួមមាន៖

១/ ថវិកាចំនួន ១,០០០,០០០,០០០រៀល (មួយពាន់លានរៀល) ពីក្រុមហ៊ុនកម្ពុជាតេលា​ TELA CA​MBODIA CO.,LTD ដែលដឹកនាំដោយលោកឧកញ៉ា​ ឈុន​ អូន​ ប្រធានប្រតិភូ​ និងជាអគ្គនាយកក្រុមហ៊ុនកម្ពុជាតេលា។
២/ ថវិកាចំនួន ៥០.០០០ដុល្លារ (ប្រាំម៉ឺនដុល្លារអាមេរិក)​ ពីក្រុមប្រឹក្សាអភិវឌ្ឍន៍ពាណិជ្ជកម្មក្រៅប្រទេសរបស់តែវ៉ាន់​ (TAITRA) ដែលដឹកនាំដោយលោក​ លូ​ គឺហ្ស៊ីង​ Mr. Lo Kuei Hsing ប្រធានប្រតិភូ​ និងជាសមាជិកក្រុមប្រឹក្សាភិបាលប្រចាំខេត្ត​ Maoli​ ។ 
៣/ ថវិកាចំនួន ៥០,០០០ដុល្លារ (ប្រាំម៉ឺនដុល្លារអាមេរិក) ពីក្រុមហ៊ុន​ ស៊ីន​ នីវ​ អ៊ិន​ វេស​ មេន​ (Hsin Niu Investment CO.,LTD) ដែលដឹកនាំដោយ​លោក​ ភីធឺ​ វ៉ាង​ (Peter Wang) ប្រធានប្រតិភូ​ និងជាអគ្គនាយកក្រុមហ៊ុន។

ក្នុងឱកាសនោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានថ្លែងអំណរគុណយ៉ាងជ្រាលជ្រៅ និងកោតសរសើរចំពោះទឹកចិត្តមនុស្សធម៌ប្រកបដោយសទ្ធាជ្រះថ្លារបស់សប្បុរសជនទាំងអស់ ដែលតែងតែជឿជាក់ និងជួយឧបត្ថម្ភគាំទ្រដល់កាកបាទក្រហមកម្ពុជា ដើម្បីសមាគមជាតិមួយនេះមានធនធានហិរញ្ញវត្ថុសម្រាប់ធ្វើប្រតិបត្តិការមនុស្សធម៌ប្រកបដោយប្រសិទ្ធភាពខ្ពស់។ ជាមួយគ្នានេះ សម្តេចកិត្តិព្រឹទ្ធបណ្ឌិតប្រធាន បានថ្លែងអំពាវនាវដល់សប្បុរសជនជាតិ-អន្តរជាតិដទៃទៀត អញ្ជើញចូលរួមឧបត្ថម្ភគាំទ្រដល់កាកបាទក្រហមកម្ពុជា ក្នុងឱកាសទិវា ៨ ឧសភា ខាងមុខនេះ ដែលនឹងប្រារព្ធធ្វើឡើងក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីកាកបាទក្រហមកម្ពុជាអាចសម្រេច ជោគជ័យបេសកកម្មមនុស្សធម៌ក្នុងការបន្តជួយដល់ចាស់ជរាគ្មានទីពឹង កុមារកំព្រា ជនពិការ ស្ត្រីមេម៉ាយ អ្នកជំងឺរ៉ាំរ៉ៃ និងគ្រួសាររងគ្រោះដោយគ្រោះមហន្តរាយផ្សេងៗ។

ទន្ទឹមនឹងនេះ សប្បុរជនទាំងអស់ បានសម្តែងនូវការអរគុណចំពោះសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានអនុញ្ញាតឱ្យគណៈប្រតិភូចូលជួបសម្តែងការគួរសម និងនាំយកអំណោយមកចូលរួមចំណែកសកម្មភាពមនុស្សធម៌ជួយដល់ប្រជាពលរដ្ឋដែលត្រូវការឱ្យជួយជាចាំបាច់បំផុត៕

សាខាកាកបាទក្រហមកម្ពុជា ខេត្តកំពង់ស្ពឺ ចុះសួរសុខទុក្ខ ប្រជាពលរដ្ឋរងគ្រោះដោយសារខ្យល់កន្ត្រាក់ នៅឃុំព្រះស្រែ ស្រុកឧដុង្គ

សាខាកក្រកខេត្តកំពង់ស្ពឺ ៖ នៅព្រឹកថ្ងៃពុធ ​១២រោច ខែចេត្រ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី ១ ខែ ឧសភា ឆ្នាំ ២០១៩ សាខាកាកបាទក្រហម​កម្ពុជា ខេត្តកំពង់ស្ពឺ ដឹកនាំដោយ​ឯកឧត្តម វ៉ី សំណាង​ ប្រធានគណៈកម្មាធិការសាខា​ និងសហការី បានអញ្ជើញចុះសួរសុខទុក្ខ និងនាំយកអំណោយមនុស្សធម៌របស់កាកបាទ​ក្រហមកម្ពុជា ជូនដល់​ប្រជាពលរដ្ឋរងគ្រោះ​ដោយសារខ្យល់កន្ត្រាក់​ ចំនួន ៣៨គ្រួសារ ក្នុងនោះរលំទាំងស្រុង ៣គ្រួសារ​ ស្ថិតនៅឃុំព្រះស្រែ​ ស្រុកឧដុង្គ ខេត្តកំពង់ស្ពឺ។

ក្នុងឱកាស​នោះដែរ ឯកឧត្តមប្រធាន​ បានពាំនាំនូវប្រសាសន៍​ផ្តាំផ្ញើសាកសួរសុខទុក្ខ​និងក្តីនឹករលឹកពីសំណាក់សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ដែលជានិច្ចកាល សម្តេចតែងតែគិតគូរពី​សុខទុក្ខរបស់​បងប្អូនប្រជាពលរដ្ឋក្រីក្រ ដែលមានទុក្ខលំបាក​ជនរងគ្រោះ ជនងាយរងគ្រោះគ្រប់ប្រភេទ ដោយ​មិនប្រកាន់​រើសអើងវណ្ណៈ ជាតិសាសន៌ ពណ៌សម្បុរ ឬនិន្នាការនយោបាយអ្វីឡើយ។

អំណោយ​ដែលបានផ្តល់​ជូនគ្រួសារដែលរងគ្រោះធ្ងន់ធ្ងរ​រួមមាន៖ អង្ករ ២៥គីឡូក្រាម មី ១កេស ត្រីខ ១០កំប៉ុង ប្រេងឆា ១ដប ទឹកត្រីទឹកស៉ីអ៉ីវ ១យួរ នំធុង ១ធុង ទឹកដោះគោ ១កំប៉ុង តង់១ សារុង១ ក្រមា១ ភួយ១ មុង១ និងថវិកាមួយចំនួន។
សម្រាប់​គ្រួសារដែលរងគ្រោះ​ស្រាលទទួលបាន ៖ អង្ករ ២៥គីឡូក្រាម មី ១កេស ត្រីខ ១០កំប៉ុង ប្រេងឆា ១ដប ទឹកត្រីទឹកស៉ីអ៉ីវ ១យួរ នំធុង ១ធុង ទឹកដោះគោ ១កំប៉ុង និងថវិកាមួយចំនួនផងដែរ៕

 

កាកបាទក្រហមកម្ពុជា ទទួលថវិកា ពីសប្បុរសជនដើម្បីអបអរទិវា ៨ ឧសភា ឆ្នាំ២០១៩

នៅទីស្នាក់ការកណ្តាល នាព្រឹកថ្ងៃពុធ ១២រោច ខែចេត្រ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃទី ១ ខែឧសភា ឆ្នាំ២០១៩នេះ សម្តេចកិត្តិព្រឹទ្ធបណ្ឌិត ​ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា បានជួបសវនាការជាមួយ​សប្បុរសជន និងទទួល​អំណោយជាថវិកា​សរុបចំនួន ២,៦៦០,០០០ដុល្លារ (ពីរលានហុកសិបប្រាំមួយម៉ឺនដុល្លារអាមេរិក) ក្នុងឱកាស​អបអរខួបទី ១៥៦ ទិវាពិភពលោក​កាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០១៩ ខាងមុខនេះ​ ក្រោម​ប្រធានបទ «ខ្ញុំ ❤️ កាកបាទក្រហមកម្ពុជា» ។ ថវិកា​ដែលបានទទួលរួមមាន៖

១/ ថវិកាចំនួន ២,៤១០,០០០ដុល្លារ (ពីរលានសែសិបមួយម៉ឺនដុល្លារអាមេរិក) ពីសប្បុរសជន/ក្រុមហ៊ុននានា ដែលដឹកនាំដោយ អ្នកឧកញ៉ា ​ហ៊ុន តូ អគ្គនាយកក្រុមហ៊ុន អិល អិល អាស៊ាន អ៊ិនវេសមេន។
២/ ថវិកាចំនួន ១០០.០០០ដុល្លារ (ដប់ម៉ឺនដុល្លារអាមេរិក) ពីក្រុមហ៊ុន ដុងអេ អេសធី (ភេសជ្ជៈបាកាស់) DONG-A ST (BACCHUS) ដែលដឹកនាំដោយ លោក លី ដុងហ៊ូន Lee Dong Hoon អគ្គនាយករងក្រុមហ៊ុន ដុងអេ អេសធី។
៣/ ថវិកាចំនួន ១៥០,០០០ដុល្លារ (ដប់ប្រាំម៉ឺនដុល្លារអាមេរិក) ពីក្រុមហ៊ុន អកស៍ឡី វើលដ៍ប្រ៊ីជ ខេមបូឌា OXLEY WORLDBRIDGE (CAMBODIA) CO,.LTD ដែលដឹកនាំដោយ ឧកញ៉ា សៀ ឬទ្ធី ប្រធានក្រុមប្រឹក្សាភិបាល។

ក្នុងឱកាសនោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានថ្លែងអំណរគុណយ៉ាងជ្រាលជ្រៅ និងកោតសរសើរ​ចំពោះទឹកចិត្តមនុស្សធម៌​ប្រកបដោយសទ្ធា​ជ្រះថ្លារបស់សប្បុរសជន​ទាំងអស់ ដែលតែងតែ​ជឿជាក់ និងជួយ​ឧបត្ថម្ភគាំទ្រដល់កាកបាទក្រហម​កម្ពុជា ដើម្បីសមាគមជាតិ​មួយនេះមានធនធានហិរញ្ញវត្ថុ​សម្រាប់ធ្វើប្រតិបត្តិការ​មនុស្សធម៌ប្រកបដោយ​ប្រសិទ្ធភាពខ្ពស់។ ជាមួយគ្នា​នេះ សម្តេចកិត្តិព្រឹទ្ធបណ្ឌិតប្រធាន បាន​ថ្លែងអំពាវនាវដល់​សប្បុរសជនជាតិ-អន្តរជាតិ​ដទៃទៀត អញ្ជើញចូលរួមឧបត្ថម្ភគាំទ្រដល់កាកបាទក្រហម​កម្ពុជា ក្នុងឱកាសទិវា ៨ ឧសភា ខាងមុខនេះ ដែលនឹងប្រារព្ធ​ធ្វើឡើងក្រោមអធិបតីភាព សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រីនៃ​ព្រះរាជាណាចក្រកម្ពុជា ដើម្បីកាកបាទក្រហមកម្ពុជាអាចសម្រេច ជោគជ័យបេសកកម្មមនុស្សធម៌ក្នុងការបន្តជួយដល់ចាស់ជរាគ្មានទីពឹង កុមារកំព្រា ជនពិការ ស្ត្រីមេម៉ាយ ​អ្នកជំងឺរ៉ាំរ៉ៃ និងគ្រួសាររងគ្រោះ​ដោយគ្រោះមហន្តរាយ​ផ្សេងៗ។

ទន្ទឹមនឹងនេះ សប្បុរជន​ទាំងអស់​ បានសម្តែងនូវការអរគុណ​ចំពោះសម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានអនុញ្ញាត​ឱ្យគណៈប្រតិភូចូលជួប​សម្តែងការគួរសម និងនាំយកអំណោយ​មកចូលរួមចំណែកសកម្មភាពមនុស្សធម៌​ជួយដល់​ប្រជាពលរដ្ឋដែលត្រូវការ​ឱ្យជួយជាចាំបាច់បំផុត៕

 

សាខាកាកបាទក្រហមកម្ពុជា ខេត្តកំពត ចុះសួរសុខទុក្ខ គ្រួសារប្រជាពលរដ្ឋរងគ្រោះដោយខ្យល់កន្រ្តាក់ នៅក្នុងឃុំល្បើក ស្រុកឈូក

សាខាកក្រកខេត្តកំពត ៖ កាលពីព្រឹក​ថ្ងៃអង្គារ ១១រោច ខែចេត្រ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី ៣០ ខែ មេសា ឆ្នាំ២០១៩ សាខាកាកបាទក្រហម​កម្ពុជា ខេត្តកំពត ដឹកនាំដោយ លោកជំទាវ លាង ហៃ ជាវ តាយ អនុប្រធានកិត្តិយសសាខា រួមជាមួយនឹង ឯកឧត្តម លោកជំទាវ ​លោក លោកស្រី ជាសមាជិក សមាជិកាគណៈកម្មាធិការសាខា អនុសាខា​ អ្នកស្ម័គ្រចិត្ត និងយុវជនកាកបាទ​ក្រហមកម្ពុជា បានអញ្ជើញចុះសួរសុខទុក្ខ និងនាំយកអំណោយមនុស្សធម៌​របស់កាកបាទក្រហម​កម្ពុជា ទៅផ្តល់ជូន​គ្រួសារប្រជាពលរដ្ឋ​រងគ្រោះដោយខ្យល់កន្រ្តាក់ ចំនួន ២១គ្រួសារ​ មកពីភូមិចំនួន៥ ស្ថិត​នៅក្នុងឃុំល្បើក ស្រុកឈូក ខេត្តកំពត។

 

នាឱកាសនេះ លោកជំទាវ ​បានពាំនាំមកនូវប្រសាសន៍​ផ្តាំផ្ញើសួរសុខទុក្ខ​ពីសំណាក់សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ​ដែលជានិច្ចកាល​សម្តេចតែងតែ​គិតគូរពី​សុខទុក្ខរបស់បងប្អូនប្រជាពលរដ្ឋជួប​ការលំបាក ទីទ័លក្រ មានជំងឺ ជនងាយរងគ្រោះ​ ជនរងគ្រោះដោយ​គ្រោះមហន្តរា​យផ្សេងៗ ដោយមិនប្រកាន់​រើសអើងវណ្ណៈ​ ជាតិសាសន៍ ពណ៌សម្បុរ ឬនិន្នាការ​នយោបាយអ្វីឡើយ និងផ្តាំផ្ញើ​ដល់បងប្អូនប្រជាពលរដ្ឋទាំងអស់ប្រកាន់យកនូវ អនាម័យល្អ រស់នៅស្អាត ហូបស្អាត ផឹកស្អាត និងខិតខំប្រឹងប្រែងបង្ករបង្កើនផល និងប្រកបមុខរបរផ្សេងៗដើម្បីទ្រទ្រង់ជីវភាពគ្រួសារបានល្អប្រសើរឡើង។

អំណោយដែលផ្ដល់​ជូនរួមមាន ៖ អង្ក រ២៥គីឡូក្រាម មី ១កេស ទឹកស៊ីអ៊ីវ ១យួរ ស្ករស ១គីឡូក្រាម ទឹកដោះគោខាប់ ៦កំប៉ុង ក្រមា១ សារុង១ មុង១ ភួយ១ និងថវិកា​មួយចំនួន៕

 

អនុសាខាកាកបាទក្រហមកម្ពុជាក្រុងក្រចេះបានសម្ភោធដាក់ឱ្យប្រើប្រាស់ជាផ្លូវការ

សាខាកក្រកខេត្តក្រចេះ៖ នៅព្រឹក​ថ្ងៃអង្គារ ១១រោច ខែចេត្រ ឆ្នាំកុរ ឯកស័ក ព.ស ២៥៦២ ត្រូវនឹង​ថ្ងៃទី ៣០ ខែ មេសា ឆ្នាំ ២០១៩ នេះ សាខាកាកបាទក្រហម​កម្ពុជា ខេត្តក្រចេះ បានរៀបចំ​ពិធីសម្ភោធដាក់ឱ្យប្រើប្រាស់​ជាផ្លូវការ​នូវអគារ​អនុសាខាកាកបាទក្រហម​កម្ពុជាក្រុងក្រចេះ​ថ្មី ដែលមាន​ទីតាំងស្ថិតនៅបរិវេណ​សាលាក្រុងក្រចេះ ក្រោមអធិបតីភាព​ ឯកឧត្តម វ៉ា ថន ប្រធានកិត្តិយស សាខាកាកបាទក្រហមកម្ពុជា​ខេត្តក្រចេះ និងមានការអញ្ជើញ​ចូលរួមពី សមាជិក សមាជិកា​ មន្ត្រីអនុសាខា និង យុវជនកាកបាទក្រហម​កម្ពុជា ព្រមទាំងប្រជាពលរដ្ឋ​ជាច្រើននាក់។

ថ្លែងក្នុងឱកាសនោះដែរ ឯកឧត្តម វ៉ា ថន ប្រធានកិត្តិយស សាខាកាកបាទក្រហម​កម្ពុជា ខេត្តក្រចេះ បានឲ្យដឹងថា អគារ​ទីសា្នក់ការអនុ​សាខាកាកបាទក្រហម​កម្ពុជា ក្រុងក្រចេះ ជាអគារ​ដ៏ថ្មីស្រឡាង និងជាសមិទ្ធផលទី៥ របស់សាខា​កាកបាទក្រហមកម្ពុជា ខេត្តក្រចេះ ក្នុងចំណោម​អនុសាខាទាំង៦ក្រុងស្រុក ដែលមានទំហំ ៦ម៉ែត្រ គុណ ១០ ម៉ែត្រ រួមទាំង​ការចាក់សាប​មុខអគារ ដែលចំណាយ​ថវិកាអស់ចំនួន ២៣.៧៨០ ដុល្លារអាមេរិក ក្នុងនោះជាថវិកា​របស់លោក ស្រេង ស្រង់ និងលោកស្រី ជាង សុខហួយ ចំនួន ៥.០០០ ដុល្លារផងដែរ ដើម្បីពន្លឿន​ក្នុងកិច្ចប្រតិបត្តិការ​មនុស្សធម៌ជួយ​សង្គ្រោះ និងជួយសម្រាលទុក្ខលំបាក​របស់ប្រជាពលរដ្ឋ​រងគ្រោះ និងជនងាយរងគ្រោះ ស្របនឹង​បាវចនា «ធ្វើឲ្យកាន់តែច្រើនជាងមុន ធ្វើឲ្យកាន់តែ​ល្អជាងមុន ធ្វើឲ្យកាន់តែ​ស៊ីជម្រៅជាងមុន និងទៅឲ្យ​កាន់តែឆ្ងាយជាងមុន» ទៅតាមយុទ្ធសាស្រ្ត​របស់កាកបាទក្រហម​កម្ពុជា ដែលក្នុងនោះ​បានកំណត់ទស្សនៈវិស័យ៖ រួមចំណែកពន្លឿនការកាត់បន្ថយភាព​ក្រីក្រ ការពារសេចក្តីថ្លៃថ្នូរ​របស់មនុស្សជាតិ និងការពារ​តម្លៃមនុស្សធម៌របស់ជនរងគ្រោះ។ បន្ថែមលើនេះទៀត​ឯកឧត្តមប្រធាន​កិត្តិយយ បន្តថា៖ សាខាកាកបាទក្រហម​កម្ពុជា ខេត្តក្រចេះ បានយកចិត្តទុកដាក់​បំពេញបេសកម្ម​មនុស្សធម៌ យ៉ាងសកម្ម​និងស្របទៅតាមវិស័យ​ស្នូលទាំង៤ និងគោរពទៅតាមគោលការណ៍គ្រឹះទាំង ៧ប្រការរបស់​កាកបាទក្រហមកម្ពុជា ។

ជាមួយគ្នានោះដែរ ឯកឧត្តម ប្រធានកិត្តិយសសាខា រួមនិង ឯកឧត្តម ប្រធានគណៈកម្មាធិការសាខា ឯកឧត្តម លោកជំទាវ លោក លោកស្រី អនុប្រធាន សមាជិក សមាជិកា គណៈកម្មាធិការសាខា ក៏បានបំពាក់ឯកសណ្ឋានជូនដល់យុវជនកាកបាទក្រហមកម្ពុជាថ្មី នៅសាលារៀនគោលដៅ តាមក្រុង-ស្រុក នីមួយៗក្នុងខេត្តក្រចេះ សរុបចំនួន ៣៥០ នាក់ផងដែរ ដែលក្នុងនោះឯកសណ្ឋានចំនួន២៥០ កំផ្លេរ ជាមូលនិធិរបស់សាខា និងចំនួន១០០ កំផ្លេរទៀត បានពីការជួយឧបត្ថម្ភ របស់កាកបាទក្រហមកម្ពុជា។

ដោយឡែកសម្រាប់បងប្អូនប្រជាពលរដ្ឋចំនួន ១៥០ នាក់ក្នងសង្កាត់ទាំង៥ ក្នុងក្រុងក្រចេះ ដែលបានចូលរួមក្នុងពិធីនេះម្នាក់ៗទទួលបាន សារ៉ុង១ និងយុវជនកាកបាទក្រហមកម្ពុជា ដែលបានចូលរួមក៏ទទួលបានថវិកាឧបត្ថម្ភមួយចំនួនដែរ៕

 

 

First Prev 4 5 6 7 8 Next Last