អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

វគ្គបណ្ដុះបណ្ដាល ស្ដីពី សុវត្ថិភាពចរាចរណ៍ ផ្ដោតលើហានីភ័យនៃការបើកបរក្រោមឥទ្ធិពលនៃគ្រឿងស្រវឹងនៅខេត្តកំពង់ស្ពឺ

សាខាកក្រកខេត្តកំពង់ស្ពឺ ៖ កាលពីព្រឹកថ្ងៃទី ១១ ខែ កញ្ញា ឆ្នាំ ២០១៧ សាខា​កាកបាទក្រហម​កម្ពុជា ខេត្តកំពង់ស្ពឺ​ បានបើក​វគ្គបណ្ដុះបណ្ដាល​ ស្ដីពី​ការសំដែង​សិល្បៈ ​សុវត្ថិភាព​ចរាចរណ៍ ​ផ្ដោតលើ​ហានីភ័យ​នៃការបើកបរ​ក្រោមឥទ្ធិពល​នៃគ្រឿងស្រវឹង​ ដែលមាន​រយៈពេល ២ថ្ងៃ ចាប់ពីថ្ងៃទី ១១ដល់ថ្ងៃទី១២ ខែកញ្ញា ឆ្នាំ២០១៧ ដែលទទួល​បានការ​ឧបត្ថម្ភគាំទ្រ​ពីអង្គការ​សម្ព័ន្ធ​អន្តរជាតិ (IARD) ក្រោមការ​ដឹកនាំ​ដោយលោកស្រី អោម ចន្នា នាយិកាសាខា ព្រមទាំងមាន​ការអញ្ជើញ​ចូលរួមពី លោក លោកស្រី ជាសមាជិក សមាជិកាគណៈកម្មាធិការ​សាខា អ្នកស្ម័គ្រចិត្ត​កាកបាទក្រហម យុវជន​កាកបាទក្រហម​កម្ពុជា និងសិក្ខាកាម​ជាច្រើនរូបទៀត ស្ថិត​នៅសាល​ប្រជុំ មន្ទីរវប្បធម៌ និងវិចិត្រសិល្បៈ ខេត្តកំពង់ស្ពឺ។

 

វគ្គបណ្ដុះបណ្ដាល​នេះ​មានគោលបំណង ​ដើម្បីបញ្ជ្រាប​ការយល់ដឹង​អំពីសុវត្ថិភាព​ចរាចរណ៍ ការកាត់បន្ថយ​អត្រាស្លាប់​ដោយសារ​គ្រោះថ្នាក់​ចរាចរណ៍ ផលប៉ះពាល់ការ​បើកបរក្រោម​ឥទ្ធិពលនៃ​គ្រឿងស្រវឹង និងធ្វើការ​ផ្សព្វផ្សាយ​ច្បាប់ចរាចរណ៍នេះ​នៅតាម​សាលារៀន ក៏ដូចជា​នៅតាម​សហគមន៍ផងដែរ៕

 

ពិធីបញ្ចុះបឋមសិលា សាងសង់អគារទីស្នាក់ការអនុសាខាកាកបាទក្រហមកម្ពុជា ស្រុកស្វាយលើ

សាខាកក្រក​ខេត្តសៀមរាប៖ នៅព្រឹកថ្ងៃទី ១១ ខែកញ្ញា ឆ្នាំ២០១៧ លោកជំទាវ គួយ ណាលីន អនុប្រធាន​គណៈកម្មាធិការ​សាខា​កាកបាទក្រហម​កម្ពុជា ខេត្តសៀមរាប​ និង​សហការី​ មានអញ្ជើញ​ចូលរួម​ពិធីក្រុងពាលី និង​បញ្ចុះបឋម​សិលា សាងសង់​អគារទីស្នាក់ការ​អនុសាខា​កាកបាទក្រហម​កម្ពុជា ស្រុកស្វាយលើ​ ដែលមាន​ទីតាំង​ស្ថិតនៅ​ភូមិជប់ក្រោម ស្វាយលើ ស្រុកស្វាយលើ ខេត្តសៀមរាប។ អគារ​នេះមាន​ក្រលាផ្ទៃ ១៣៦ម៉ែត្រការ៉េ ត្រូវសាង​សង់លើផ្ទៃដី ១,២០០ម៉ែត្រការ៉េ សាងសង់​ឡើងដើម្បី​បម្រើការងារ​មនុស្សធម៌ ដល់ជន​រងគ្រោះ និងងាយ​រងគ្រោះ​នៅមូលដ្ឋាន។

 

សូមបញ្ជាក់ថា៖ នេះជាទីស្នាក់ការ​អនុសាខាទី១០ នៅក្នុង​ខេត្តសៀមរាប ហើយក៏​ជាទីស្នាក់ការ​អនុសាខាទី៩ ក្នុង​អណត្តិទី៤ នៃគណៈកម្មាធិការ​សាខាកាកបាទក្រហម​កម្ពុជា ខេត្តសៀមរាប ដែលដឹកនាំ​ដោយឯក​ឧត្ដមបណ្ឌិត ឃឹម ប៊ុនសុង ប្រធាន​គណៈកម្មាធិការ​សាខា។

 

ពិធីប្រគល់ផ្ទះជូនស្រ្តីទីទ័លក្រ របស់សាខាកាកបាទក្រហមកម្ពុជា ខេត្តកំពត

សាខា កក្រក ខេត្តកំពត ៖ កាលពីថ្ងៃទី១០ ខែកញ្ញា ឆ្នាំ២០១៧ សាខា​កាកបាទក្រហម​កម្ពុជា ខេត្តកំពត ដឹកនាំដោយ​ឯកឧត្តម ចាន់ ចេស្តា ប្រធានកិត្តិយស​សាខា រួមជាមួយនឹង លោកជំទាវ លោក លោកស្រី សមាជិក សមាជិកាគណៈកម្មាធិការសាខា និង​ក្រុមប្រតិបត្តិសាខា បាននាំយក​អំណោយ​មនុស្សធម៌​របស់កាកបាទក្រហម​កម្ពុជា ទៅផ្តល់ ជូន​ប្រជាពលរដ្ឋ​ទីទ័ល​ក្រចំនួន ៣១គ្រួសារ នៅឃុំបន្ទាយមាស​ខាងលិច ស្រុកបន្ទាយមាស ខេត្តកំពត និងប្រគល់​ផ្ទះមួយខ្នងជូ​នដល់គ្រួសារ​ស្រ្តីមេម៉ាយ​ទីទ័លក្រ នៅឃុំអង្គ​សុរភី ស្រុកកំពង់ត្រាច ខេត្តកំពត។

 

នាឱកាសនោះដែរ ឯកឧត្តម​ បានពាំនាំមកនូវ​ប្រសាសន៍ផ្តាំផ្ញើ​សួរសុខទុក្ខ​ពីសំណាក់​សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ដែលជានិច្ចកាល​សម្តេច​តែងតែគិត​គូសុខទុក្ខ​របស់បងប្អូនប្រជាពលរដ្ឋ​មានទុក្ខលំបាក​ទីទ័លក្រ មានជំងឺ និងជនងាយរងគ្រោះគ្រប់ប្រភេទ ដោយមិនប្រកាន់រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ និងសូមឲ្យបងប្អូនប្រជាពលរដ្ឋទាំងអស់ខិតខំ​ថែរក្សា​សុខភាព​ឲ្យបានល្អ និងរស់នៅ​ប្រកបដោយ​អនាម័យល្អ ដោយប្រកាន់ខ្ជាប់​នូវហូបស្អាត ផឹកស្អាត និងរស់នៅស្អាត។

 

អំណោយផ្តល់​ជូនរួមមាន​ក្នុងមួយគ្រួសារៗទទួលបាន ៖ អង្ករ ៣០គីឡូក្រាម មី ១កេស ត្រីខ ១០កំប៉ុង ក្រមា១ មុង១ ភួយ១ សារុង១ និងថវិកាមួយចំនួនផងដែរ៕

 

សាខាកាកបាទក្រហមកម្ពុជា ខេត្តតាកែវទទួល អំណោយពីព្រះគ្រូចៅអធិការវត្ត លាយបូរ

សាខាកក្រកខេត្តតាកែវ៖ នៅព្រឹកថ្ងៃទី ១០ ខែកញ្ញា ឆ្នាំ២០១៧ លោកយឹម ច័ន្ទថន នាយកប្រតិបត្តិសាខាកាកបាទក្រហម ​កម្ពុជា​ ខេត្តតាកែវ ​តំណាង​ឱ្យ លោកជំទាវ នូ សុវណ្ណនី ប្រធាន​គណៈកម្មាធិការ​សាខា រូមដំណើរ​ដោយមន្ត្រី​សាខា អនុសាខា និងក្រុម កាកបាទក្រហម​កម្ពុជា ឃុំលាយបូរ ស្រុកត្រាំ កក់ ខេត្តតាកែវ បាន​អញ្ជើញទៅ​ទទួល អំណោយ​ពីព្រះគ្រូចៅ​អធិការវត្ត លាយបូរ ឃុំ លាយបូរ ស្រុក ត្រាំកក់ ខេត្តតាកែវ ក្នុងឱកាស​បុណ្យចំរើន​ព្រះជន្ន​របស់ព្រះអង្គ។


នាឱកាសនោះលោកនាយក បានជម្រាប​ជូនអំពីប្រវត្តិ និងចលនា​កាកបាទក្រហម កម្ពុជា ហើយបាន​សន្យាថានឹងយក​សម្ភារៈទាំងនេះទៅ​ជូនដល់ដៃ​ប្រជាពលរដ្ឋ​ដែលជួបការ​លំបាកក្នុង​ជីវភាព ឫមាន​ជួបគ្រោះមហន្តរាយ​ផ្សេងៗ។


អំណោយដែល​សាខាបាន​ទទួល​នាពេលនោះ​រួមមាន៖ អង្ករ៥០០ គីឡូក្រាម
មុង១៩ ភួយ១៧ ខ្នើយ ១៣ ឆ្នាំង ចាន ចានស្រាក់ ស្លាបព្រា ទឹកត្រី១០យួ ទឹកស៊ីអ៊ីវ ៨ យួ បំពង់ទឹកក្តៅ សំភារៈឧបភោគ បរិភោគ​និងមានថវិកា​ មួយចំនួនផងដែរ។

កុមារកំព្រា នៅស្រុកស្វាយអន្ទរ ទទួលអំណោយពីសាខាកក្រកខេត្តព្រៃវៃង

សាខាកក្រកខេត្តព្រៃវែង៖ នៅព្រឹកថ្ងៃទី ០៨ ខែកញ្ញា ឆ្នាំ២០១៧ សាខា កាកបាទក្រហម​កម្ពុជា ខេត្តព្រៃវែង ដឹកនាំ​ដោយ ឯកឧត្តមឧកញ៉ា​ សុខ ផេង អនុប្រធាន​អចិន្រ្តៃយ៍​គណ:កម្មាធិការ​សាខា​ និង​សហការី ​បានអញ្ជើញ​ចុះសួរសុខទុក្ខ និង នាំយកអំណោយ​មនុស្សធម៌​ ចែកជូន​ដល់កុមារ​កំព្រា​ដែលងាយ​រងគ្រោះដោយ​មេរោគអេដស៍/ជម្ងឺអេដស៍ ចំនួន ៣៧នាក់ ស្ថិតក្នុង​ស្រុកស្វាយ​អន្ទរ ចំនួន ១៥នាក់ និងនៅ​ស្រុកពារាំង ចំនួន ២២នាក់។

 

ក្នុងឱកាលនោះ ឯកឧត្តម ក៍បាននាំយក​នូវប្រសាសន៍ ផ្តាំផ្ញើ​សាកសួរសុខទុក្ខ ពីសំណាក់​សម្តេច​កិត្តិព្រឹទ្ធបណ្ឌិត ប៊ុន រ៉ានី​ហ៊ុនសែន ប្រធាន​កាកបាទក្រហម​កម្ពុជា ដែលសម្តេច​ តែង​យកចិត្តទុកដាក់​អំពី​សុខទុក្ខ​របស់បងប្អូន​ប្រជាពលរដ្ឋ ពិសេស​អំពីបញ្ហា​សុខភាព មាតា ទារក កុមារ និងអ្នករង​គ្រោះដោយសារ​មេរោគអេដស៍/ជម្ងឺអេដស៍​ ទាំងអស់ និងសូម​ធ្វើការ​ផ្តាំផ្ញើ​ដល់ក្មួយៗ ចៅៗ ទាំងអស់​ត្រូវថែរក្សា​សុខភាពអោយបានល្អ បរិភោគ​អាហារ​ដែលមាន​ជាតិវីតាមីន​ច្រើន និងលេបថ្នាំ​ព្យាបាល​អោយបាន​ត្រឹមត្រូវ ទៀងទាត់ តាមការណែនាំ​របស់ក្រុមគ្រូពេទ្យ។

 

អំណោយ​ដែលបានចែក​ជូនក្នុង១នាក់ទទួលបាន អង្ករ ២៥គក មី១កេស ត្រីខ ១យួរ អាហារបំប៉ន ២កញ្ចប់ និងថវិកា ចំនួន ២០,០០០រៀល។

 

សាខាកក្រកខេត្តព្រះវិហារចុះសួរសុខទុក្ខអ្នកជម្ងឺនៅមន្ទីរពេទ្យខេត្ត

សាខាកក្រក​ខេត្តព្រះវិហារ៖នៅព្រឹក​ថ្ងៃទី៨ ខែកញ្ញា ​ឆ្នាំ២០១៧​ នេះឯកឧត្តម​ អ៊ុន ចាន់ដា​ ប្រធាន​កិត្តិយស​សាខាកាកបាទក្រហម​កម្ពុជា ខេត្តព្រះវិហារ​និង​ក្រុម ការងារ ​បាននាំយក​អំណោយ​មនុស្សធម៌​ចំនួន​ ១៥៤ នាក់ ផ្តល់ជូន​អ្នកជំងឺ​ដែលកំពុង​សម្រាក​ព្យាបាល​ជំងឺ នៅមន្ទីរពេទ្យ​បង្អែក ១៦ មករា ខេត្ត​ព្រះវិហារ​ ឋិតនៅ​ភូមិអណ្តូងពោធិ​ សង្កាត់​កំពង់ប្រណាក ក្រុង​ព្រះវិហារ ខេត្តព្រះវិហារ ។

 

មានប្រសាសន៍​ក្នុងឱកាសនោះ​ ឯកឧត្តម អ៊ុន ចាន់ដា បានពាំនាំនូវការផ្ដាំផ្ញើសួរ សុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាដែលសម្តេចតែងតែព្រួយបារម្ភ និងយកចិត្តទុកដាក់​គិតគូ​ពីសុខទុក្ខ​របស់បងប្អូន​គ្រប់រូប​ដោយមិន​ប្រកាន់វណ្ណៈ ពណ៌សម្បុរ ​ជំនឿសាសនា ​ឬនិន្នាការនយោបាយ​ណាមួយឡើយ ។

 

អំណោយ​មនុស្សធម៌​ដែលបាន​ផ្ដល់ជូនក្នុង​មួយម្នាក់ៗទទួលបាន៖ ទឹកដោះគោ ៣ កំប៉ុង ស្ករសមួយមញ្ចប់ មុង១ ភួយ១ សារុង១ ក្រមា១ និងថវិកា​របស់ឯកឧត្តម​ប្រធានកិត្តិយស​ក្នុងម្នាក់ៗ មួយម៉ឺនរៀលផងដែរ ៕

 

សាខាកក្រករាជធានីភ្នំពេញជួបពិភាក្សាជាមួយ កាកបាទក្រហម ជប៉ុន

សាខាកក្រករាជធានីភ្នំពេញ៖ នាល្ងាច ថ្ងៃទី ០៧ ខែ កញ្ញា ឆ្នាំ ២០១៧នេះ នៅទីស្នាក់ការ​សាខា​កាកបាទក្រហម​កម្ពុជា​ រាជធានីភ្នំពេញ​ ឯកឧត្តម យស ផានីតា អនុប្រធាន​កិត្តិយស​សាខា បានទទួល​ជួបប្រជុំ​ពិភាក្សាការងារ​ និងធ្វើការវាយតម្លៃ​គម្រោង​វិជ្ជា​សង្គ្រោះបឋម ដំណាក់កាល​ទី៣ ជាមួយ​គណៈប្រតិភូកាកបាទក្រហម​ជប៉ុន ដឹកនាំដោយ​លោកស្រី​ ហីរូកូ អូនីស៊ី មន្ត្រី​គ្រប់គ្រង​គ្រោះមហន្តរាយ ។ កិច្ចប្រជុំនេះ​ក៏មានការ​ចូលរួម​ពីលោក​នាយកប្រតិបត្តិ​សាខា មន្រ្តី​គម្រោងវិជ្ជា​សង្រ្គោះបឋម អ្នកស្ម័គ្រចិត្ត ​និងយុវជនកាកបាទក្រហម​កម្ពុជា មកពីសង្កាត់​ចំនួន៥ ក្នុងរាជធានី​ភ្នំពេញ សរុបចំនួន៣០នាក់ ។

 

នាឱកាសនោះ​ ក្នុងនាម​សាខា​កាកបាទក្រហម​កម្ពុជា រាជធានីភ្នំពេញ ​ឯកឧត្តម​អនុប្រធាន​កិត្តិយស​សាខា បានថ្លែងអំណរគុណ​យ៉ាងជ្រាលជ្រៅ​ចំពោះកាកបាទក្រហម​ជប៉ុន តាមរយៈទីស្នាក់ការ​កណ្តាល​កាកបាទក្រហម​កម្ពុជា ដែលបាន​ជួយឧបត្ថម្ភ​គាំទ្រជាថវិកា និងសម្ភារៈដល់​សាខា​រាជធានី​ភ្នំពេញ ចាប់តាំងពីដំណាក់​កាលទី១ រហូតមក​ដល់ដំណាក់​កាលទី៣ ឆ្នាំ២០១៧នេះ ក្នុងដំណើរ​ការអនុវត្តន៍​គម្រោង​វិជ្ជាសង្គ្រោះបឋម ។ ឯកឧត្តម​ក៏សូមសំណូមពរ​ដល់កាកបាទក្រហម​ជប៉ុន បន្តជួយ​ឧបត្ថម្ភ​គាំទ្រដើម្បី​អនុវត្ត​គម្រោង​វិជ្ជាសង្គ្រោះ​បឋមនេះ សម្រាប់​ដំណាក់កាល​ក្រោយៗទៀត ៕

គ្រួសាររងគ្រោះដោយអគ្គិភ័យនៅស្រុកស្រែអំបិលទទួលអំណោយពីសាខាកក្រកខេត្តកោះកុង

ក្រោយពីទទួលបាន​សេចក្តីរាយការណ៏ ពីអនុសាខា​ស្រុកស្រែអបិល ថ្ងៃទី៧ ខែកញ្ញា ឆ្នាំ២០១៧ សាខាកាកបាទក្រហមកម្ពុជា ខេត្តកោះកុង ក្រោមការយកចិត្តទុកដាក់ពី​ឯកឧត្តម​ប្រធាន​កិត្តិយស​សាខា លោកជំទាវ​ប្រធានគណៈកម្មាធិការ​សាខា បានចាត់​អោយក្រុមប្រតិបត្ត​សាខាដឹកនាំដោយ​លោក ឡុច ភិរ័ក្ស នាយករង​សាខា សហការ​ជាមួយ​ក្រុមការងារ​អនុសាខាស្រុកស្រែអំបិល សហភាព​សហព័ន្ធ​យុវជនកម្ពុជា បាននាំយក​អំណោយ​សង្គ្រោះភ្លាមៗ​ជូនដល់​គ្រួសារ បងប្រុស ឈឹម​ ឡន ដែល​ត្រូវភ្លេីងឆេះ​ផ្ទះខូចខាតទាំងស្រុង កាលពី​ល្ងាច​ថ្ងៃ៦ ខែកញ្ញាឆ្នាំ២០១៧ ស្ថិត​នៅភូមិ​បាក់អង្រុត ឃុំដងពែង ស្រុក​ស្រែអំបិល ខេត្តកោះកុង។


ក្នុងឱកាសនោះដែរ លោកនាយករង​សាខា បានពាំនាំ​មកនូវប្រសាសន៍​ផ្ដាំផ្ញើសាក​សួរសុខទុក្ខ​និងចូលរួមសោកស្តាយ​ចំពោះគ្រោះ​អកុសលនេះ​ពីសំណាក់​ឯកឧត្តម​ប្រធាន​កិត្តិយស​សាខា ពិសេស សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា
ដែលជានិច្ចកាល សម្ដេចតែងតែ​គិតគូសុខទុក្ខ​បងប្អូនប្រជាពលរដ្ឋ​ក្រីក្រ ដែលមានទុក្ខលំបាក ជនរងគ្រោះ ជនងាយរងគ្រោះ គ្រប់ប្រភេទ​ដោយមិនប្រកាន់​រើសអើងវណ្ណៈ ជាតិសាសន៍ ពណ៍សម្បុរ ឬនិន្នាការនយោបាយ​អ្វីឡើយ ហើយ​សូមបងប្អូន​ប្រជាពលរដ្ឋ​ទាំងអស់ មេត្តា​ខិតខំ​ថែរក្សា​សុខភាព​ឲ្យបានល្អ សម្អាតបរិស្ថាន​ជុំវិញផ្ទះ មានអនាម័យ​ក្នុងការ​រស់នៅ ដោយប្រកាន់​ខ្ជាប់នូវ ហូបស្អាត​ ផឹកស្អាត និងរស់​នៅស្អាត។
អំណោយ​ដែលសាខា អនុសាខានាំយកចែកជូនរួមមានៈ


១អង្ករ ៦៦គក្រ ២ឃីត០១ ៣ទឹកសុទ្ធ៥យួរ​ ៤ទឹកត្រី៥លីត្រ ៥ទឹកសីអីវ០១យួរ ៦ធុងចម្រោះទឹកស្អាត០១ ៧ចង្ក្រាន ចាន ឆ្នាំង០១ឈុត ៨កន្ទេល០១ ៩ប្រេងឆា០១យួរ ព្រមទាំងថវិកា២០.០០០រៀល ក្នុងនោះអនុសាខាស្រុកស្រែអំបិល រួមនិងសសយកស្រុកឧបត្ថម្ភស័ង្កសី៤០សន្លឹកផងដែរ

ពិធីសម្ពោធអគារទីស្នាក់ការអនុសាខាកាកបាទក្រហមកម្ពុជា ស្រុកកំពង់ត្របែក។

សាខាកក្រកខេត្តព្រៃវែង៖ នៅព្រឹកថ្ងៃទី ០៧ ខែកញ្ញា ឆ្នាំ ២០១៧ សាខា​កាកបាទក្រហម​កម្ពុជា ដឹកនាំដោយ ឯកឧត្តម ជា សុមេធី ប្រធាន​គណៈកម្មាធិការ​សាខា​កាកបាទក្រហម​កម្ពុជា ខេត្តព្រៃវែង ​បានអញ្ជើញ​ជាអធិបតី ក្នុងពិធី សម្ពោធ​ដាក់អោយ​ប្រើប្រាស់​ជាផ្លូវការ អគារ​ទីស្នាក់ការ​អនុសាខា​កាកបាទក្រហម​កម្ពុជា ស្រុក​កំពង់​ត្របែក។

 

ពិធីនេះមានការ​អញ្ជើញ​ចូលរួម​ពី ឯកឧត្ត ឧកញ៉ា លោក លោកស្រី សមាជិក សមាជិកា គណៈកម្មាធិការសាខា ក្រុមប្រតិបត្តិ​សាខា មន្រ្តីអនុសាខា​ស្រុក កងកម្លាំង​ប្រដាប់អាវុធ មន្រ្តីរាជការ​សាលាស្រុក​ អ្នកស្ម័គ្រចិត្ត យុវជន​កាកបាទក្រហម យុវជន​កាយរិទ្ធិ សប្បុរសជន និងប្រជា​ពលរដ្ឋ សរុប ចំនួន ២៥០នាក់។

 

កាកបាទក្រហមកម្ពុជាចុះសួរសុខទុក្ខ កុមារពិការខ្សោយសតិបញ្ញានៃអង្គការជំនួយនៃក្តីសង្ឃឹម

កក្រក ៖ នៅព្រឹក​ថ្ងៃទី ៧​ ខែកញ្ញា​ ឆ្នាំ២០១៧ នេះ កាកបាទក្រហម​កម្ពុជា ​ដែលមាន ​សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ជាប្រធាន​ បានឧបត្ថម្ភ​អំណោយ​មនុស្សធម៌​ជាលើកទី​ ៥​ ក្នុងឱកាស​ចុះសួរ​សុខទុក្ខ​ និងរៀបចំ​អាហារមួយ​ពេលជូន​ កុមារពិការ​ខ្សោយសតិបញ្ញា​ និងក្រុម​គ្រួសារ​ រួមជាមួយគ្រូៗ​ សរុបចំនួន​ ២១០នាក់​ នៃអង្គការ​ជំនួយនៃក្តី​សង្ឃឹមសម្រាប់​សហគមន៍​ ស្ថិតនៅក្នុងអនុវិទ្យាល័យអនុវត្តន៍ក្រុងតាខ្មៅ​ ខេត្តកណ្តាល។

 

ក្នុងឱកាសនោះ​ លោកជំទាវ​ ម៉ែន នារីសោភ័គ​ អគ្គលេខាធិការ​រងទី ១ កាកបាទក្រហម​កម្ពុជា​ បានពាំនាំប្រសាសន៍​របស់ សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ដែលផ្តាំ​ផ្ញើគិតគូរ​ សួរសុខ​ទុក្ខ និង​ក្តីមេត្តា​ ករុណា​ ស្រឡាញ់​ចំពោះកុមារពិការ​ទាំងអស់​ ត្បិតមិនមាន​កាយសម្បទា​គ្រប់គ្រាន់ តែមានប្រាជ្ញា ​អាចធ្វើអ្វីផ្សេង​ដូចគេឯងដែរ។ ទន្ទឹមនេះ​ សូមថ្លែង​អំណរគុណ​ និងកោត​សរសើរ​ដល់គ្រូៗ​ទាំងអស់​ ដែលផ្តល់​ការបណ្តុះបណ្តាល​ ដោយទឹកចិត្ត​អាណិតអាសូរ​ មេត្តា​ ករុណា​ និងស្រឡាញ់​ ចំពោះកុមារទាំងនេះ​ ព្រមទាំងសូមផ្តាំផ្ញើ​ដល់អាណាព្យាបាល​ទាំងអស់​ ចូលរួមជា​មួយគ្រូ-បុគ្គលិក​ដើម្បីផ្តល់​ក្តីស្រឡាញ់​ ការថែទាំ​ លុបបំបាត់ការ​រើសអើង​ ពិសេសផ្តល់​ការបណ្តុះបណ្តាល-អប់រំ ដើម្បី​អនាគតភ្លឺ​ស្វាងរបស់កូនៗ​ ហើយដែល​នេះ ជាការរួមចំណែក​មួយយ៉ាងធំធេង​ក្នុងសង្គមជាតិ​ ឱ្យស្ថិតក្នុង​ការអភិវឌ្ឍ ​និងសុខសន្តិភាព ស្ថិរភាព ជូនបងប្អូនប្រជាពលរដ្ឋ។

 

លោក ចាន់ សារិន នាយកអង្គការ បានថ្លែងនូវក្តី​សោមស្សរីករាយ​ជាទីបំផុត ដែលមាន​ភ័ព្វវាសនាបាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន យកចិត្តទុក​ដាក់យ៉ាងខ្លាំង បានជួយឧបត្ថម្ភជា​បន្តបន្ទាប់ចំនួន​ ៥លើក​ និងសូមជូនពរ​បវរមហា​ប្រសើរជូន សម្តេច​កិត្តិព្រឹទ្ធបណ្ឌិត សូមប្រកប​ដោយសុខភាព​ល្អបរិបូណ៌ កម្លាំងមាំមួន អាយុ​យ៉ឺនយូរ ដើម្បី​ធ្វើជាម្លប់​ដល់ កុមារពិការ​ខ្សោយ​សតិបញ្ញា និងជនពិការ​ទូទៅដែរ។

 

សូមបញ្ជាក់ថា អំណោយមនុស្សធម៌ផ្តល់ជូនអង្គការជំនួយនៃក្តីសង្ឃឹមសម្រាប់សហគមន៍​ រួមមាន​ ៖​ មី​ ៤០កេស​ ត្រីខ​ ៨កេសធំ​ ទឹកក្រូច​ ១៥កេស​ ទឹកសុទ្ធ​ ១៥កេស​ ទឹកត្រី​ ២៤ដប​ ទឹកស៊ីអ៊ីវ​ ២៤ដប​ ផ្លែប៉ោម​ និងថវិកា​ ៥លានរៀល។​ ដោយឡែក​ គ្រូ​ ១៩នាក់​ ម្នាក់ៗទទួលបាន​ អង្ករ​ ៣០គីឡូក្រាម​ ត្រីខ​ ១០កំប៉ុង​ មី​ ១កេស​ មុង១​ ភួយ១​ សារុង១​ ក្រមា១​ និងថវិកា​ ១០ម៉ឺនរៀល។​ រីឯ​ កុមារពិការទាំង​ ១២០នាក់​ ម្នាក់ៗទទួលបាន​ ថវិកា​ ២ម៉ឺនរៀល៕

 

First Prev 57 58 59 60 61 Next Last