អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

កាកបាទក្រហមកម្ពុជាចុះសួរសុខទុក្ខ កុមារពិការខ្សោយសតិបញ្ញានៃអង្គការជំនួយនៃក្តីសង្ឃឹម

កក្រក ៖ នៅព្រឹក​ថ្ងៃទី ៧​ ខែកញ្ញា​ ឆ្នាំ២០១៧ នេះ កាកបាទក្រហម​កម្ពុជា ​ដែលមាន ​សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ជាប្រធាន​ បានឧបត្ថម្ភ​អំណោយ​មនុស្សធម៌​ជាលើកទី​ ៥​ ក្នុងឱកាស​ចុះសួរ​សុខទុក្ខ​ និងរៀបចំ​អាហារមួយ​ពេលជូន​ កុមារពិការ​ខ្សោយសតិបញ្ញា​ និងក្រុម​គ្រួសារ​ រួមជាមួយគ្រូៗ​ សរុបចំនួន​ ២១០នាក់​ នៃអង្គការ​ជំនួយនៃក្តី​សង្ឃឹមសម្រាប់​សហគមន៍​ ស្ថិតនៅក្នុងអនុវិទ្យាល័យអនុវត្តន៍ក្រុងតាខ្មៅ​ ខេត្តកណ្តាល។

 

ក្នុងឱកាសនោះ​ លោកជំទាវ​ ម៉ែន នារីសោភ័គ​ អគ្គលេខាធិការ​រងទី ១ កាកបាទក្រហម​កម្ពុជា​ បានពាំនាំប្រសាសន៍​របស់ សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ដែលផ្តាំ​ផ្ញើគិតគូរ​ សួរសុខ​ទុក្ខ និង​ក្តីមេត្តា​ ករុណា​ ស្រឡាញ់​ចំពោះកុមារពិការ​ទាំងអស់​ ត្បិតមិនមាន​កាយសម្បទា​គ្រប់គ្រាន់ តែមានប្រាជ្ញា ​អាចធ្វើអ្វីផ្សេង​ដូចគេឯងដែរ។ ទន្ទឹមនេះ​ សូមថ្លែង​អំណរគុណ​ និងកោត​សរសើរ​ដល់គ្រូៗ​ទាំងអស់​ ដែលផ្តល់​ការបណ្តុះបណ្តាល​ ដោយទឹកចិត្ត​អាណិតអាសូរ​ មេត្តា​ ករុណា​ និងស្រឡាញ់​ ចំពោះកុមារទាំងនេះ​ ព្រមទាំងសូមផ្តាំផ្ញើ​ដល់អាណាព្យាបាល​ទាំងអស់​ ចូលរួមជា​មួយគ្រូ-បុគ្គលិក​ដើម្បីផ្តល់​ក្តីស្រឡាញ់​ ការថែទាំ​ លុបបំបាត់ការ​រើសអើង​ ពិសេសផ្តល់​ការបណ្តុះបណ្តាល-អប់រំ ដើម្បី​អនាគតភ្លឺ​ស្វាងរបស់កូនៗ​ ហើយដែល​នេះ ជាការរួមចំណែក​មួយយ៉ាងធំធេង​ក្នុងសង្គមជាតិ​ ឱ្យស្ថិតក្នុង​ការអភិវឌ្ឍ ​និងសុខសន្តិភាព ស្ថិរភាព ជូនបងប្អូនប្រជាពលរដ្ឋ។

 

លោក ចាន់ សារិន នាយកអង្គការ បានថ្លែងនូវក្តី​សោមស្សរីករាយ​ជាទីបំផុត ដែលមាន​ភ័ព្វវាសនាបាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន យកចិត្តទុក​ដាក់យ៉ាងខ្លាំង បានជួយឧបត្ថម្ភជា​បន្តបន្ទាប់ចំនួន​ ៥លើក​ និងសូមជូនពរ​បវរមហា​ប្រសើរជូន សម្តេច​កិត្តិព្រឹទ្ធបណ្ឌិត សូមប្រកប​ដោយសុខភាព​ល្អបរិបូណ៌ កម្លាំងមាំមួន អាយុ​យ៉ឺនយូរ ដើម្បី​ធ្វើជាម្លប់​ដល់ កុមារពិការ​ខ្សោយ​សតិបញ្ញា និងជនពិការ​ទូទៅដែរ។

 

សូមបញ្ជាក់ថា អំណោយមនុស្សធម៌ផ្តល់ជូនអង្គការជំនួយនៃក្តីសង្ឃឹមសម្រាប់សហគមន៍​ រួមមាន​ ៖​ មី​ ៤០កេស​ ត្រីខ​ ៨កេសធំ​ ទឹកក្រូច​ ១៥កេស​ ទឹកសុទ្ធ​ ១៥កេស​ ទឹកត្រី​ ២៤ដប​ ទឹកស៊ីអ៊ីវ​ ២៤ដប​ ផ្លែប៉ោម​ និងថវិកា​ ៥លានរៀល។​ ដោយឡែក​ គ្រូ​ ១៩នាក់​ ម្នាក់ៗទទួលបាន​ អង្ករ​ ៣០គីឡូក្រាម​ ត្រីខ​ ១០កំប៉ុង​ មី​ ១កេស​ មុង១​ ភួយ១​ សារុង១​ ក្រមា១​ និងថវិកា​ ១០ម៉ឺនរៀល។​ រីឯ​ កុមារពិការទាំង​ ១២០នាក់​ ម្នាក់ៗទទួលបាន​ ថវិកា​ ២ម៉ឺនរៀល៕

 

វគ្គផ្សព្វផ្សាយស្តីពីស្ថានភាពទូទៅសុវត្ថិភាពចរាចរណ៍ និងការប្រើប្រាស់មួកសុវត្ថិភាពនៅខេត្តកំពត

សាខាកក្រកខេត្តកំពត ៖ នាថ្ងៃទី ៦ ខែកញ្ញា ឆ្នាំ២០១៧ សាខា​កាកបាទក្រហម​កម្ពុជា ខេត្តកំពត បានរៀបចំ​បើកវគ្គ​ផ្សព្វផ្សាយ​ស្តីពី​ស្ថានភាព​ទូទៅ​សុវត្ថិភាព​ចរាចរណ៍ និងការ​ប្រើប្រាស់​មួកសុវត្ថិភាព ជូនដល់ប្រជាពលរដ្ឋ​បានចំនួន​៣វគ្គ ក្រោមការដឹកនាំ​ដោយលោក មុំ ក្រឹង មន្ត្រី​ទទួលបន្ទុក​សុវត្ថិភាព​ចរាចរណ៍ ដែលមាន​ការអញ្ជើញ​ចូលរួមពី អ្នកស្ម័គ្រចិត្ត​កាកបាទក្រហម​កម្ពុជា និងសិក្ខាកាម​ទាំងអស់មានចំនួន ១០៣នាក់ (ស្រី ៧៤នាក់) មកពីភូមិចំនួន៣ សង្កាត់ចំនួន៣ ក្នុងក្រុង​កំពត ខេត្តកំពត។

 

វគ្គផ្សព្វផ្សាយ​នេះក្នុង​គោលបំណង ដើម្បី​ពង្រឹង​សមត្ថភាព​យល់ដឹងស្តីពី​សុវត្ថិភាព​ចរាចរណ៍ កាត់បន្ថយ​អត្រាស្លាប់​ដោយគ្រោះថ្នាក់​ចរាចរណ៍ និងធ្វើការ​ផ្សពផ្សាយ​បន្តដល់សហគមន៍​រៀងៗខ្លួនផងដែរ៕

 

សាខាកាកបាទក្រហមកម្ពុជាខេត្តសៀមរាបប្រគល់ផ្ទះទី៣៣ជូនប្រជាជនទីទ័លក្របំផុត

សាខាកក្រកខេត្តសៀមរាប៖ នៅព្រឹកថ្ងៃទី ០៦ ខែកញ្ញា ឆ្នាំ២០១៧ នេះ លោកជំទាវ គួយ ណាលីន អនុប្រធាន​គណៈកម្មាធិការ សាខាកាកបាទក្រហម​កម្ពុជា ខេត្ត​សៀមរាប និង​សហការី បាន​អញ្ជើញ​ចុះជួបសំណេះសំណាល​ និងប្រគល់​ផ្ទះមនុស្សធម៌​ទី៣៣ ដែល​ផ្ដួចផ្ដើម​ដោយឯកឧត្តម​បណ្ឌិត ឃឹម ប៊ុនសុង ប្រធានគណៈកម្មាធិការ​សាខា ផ្ទះនេះមានទំហំ ៥ម៉ែត្រx៦ម៉ែត្រ ធ្វើពីឈើ ប្រក់ស័ង្កសី ជូនគ្រួសារអ្នកមីង ភួន រឿន អាយុ៥៥ឆ្នាំ ជាស្ត្រីមេម៉ាយ​ទីទ័លក្រ បច្ចុប្បន្ន​ដើរស៊ីឈ្នួលគេ​ដើម្បីទ្រទ្រង់​ជីវគ្រួសារ ​រស់​នៅភូមិ​ត្បែងកើត ឃុំត្បែង ស្រុកបន្ទាយស្រី ខេត្តសៀមរាប។

 

មានប្រសាសន៍ក្នុង​ឱកាសនោះ លោកជំទាវ​អនុប្រធានគណៈកម្មាធិការ​សាខា បានពាំនាំ​នូវការផ្ដាំផ្ញើ​សួរសុខទុក្ខពីសម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ដែលតែងតែ​យកចិត្តទុកដាក់គិតគូរ​ចំពោះ​សុខទុក្ខប្រជាពលរដ្ឋ​គ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការ​នយោបាយណាមួយឡើយ។ លោកជំទាវ ​ក៏បានផ្តាំផ្ញើ​ដល់ សមាជិក​គ្រួសារ ត្រូវចេះសម្អាត ​ថែរក្សា ផ្ទះថ្មីនេះ​ដើម្បីបានជាជម្រកដ៏កក់ក្តៅ​តរៀងទៅ។

 

អំណោយមនុស្សធម៌​បន្ថែមរួមមាន ៖ មុង១ ភួយ១ សារុង១ ក្រមា១ កន្ទេល១ អង្ករ៥០គីឡូក្រាម មី១កេស ត្រីខ១យួរ ទឹកត្រី១យួរ ទឹកបរិសុទ្ធ៥យួរ សម្ភារៈផ្ទះបាយមួយ​ចំនួន និងថវិកាមួយចំនួន។ សម្រាប់លោកតា លោកយាយ ដែលអញ្ជើញចូលរួមម្នាក់ៗទទួលបានថវិកាមួយចំនួផងដែរ។

កាកបាទក្រហមកម្ពុជាចុះសួរសុខទុក្ខបុគ្គលិកកំពុងសម្រាកមន្ទីរពេទ្យព្រះកុសុមៈ

កក្រក៖ នារសៀលថ្ងៃទី ៥ ខែកញ្ញា ឆ្នាំ២០១៧ នេះ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា បានអញ្ជើញសួរសុខទុក្ខ លោក កែវ ម៉ុន ប្រធានការិយាល័យបុគ្គលិកនៃនាយកដ្ឋានធនធានមនុស្ស បានដែលកំពុងសម្រាកព្យាបាលជំងឺនៅមន្ទីរពេទ្យព្រះកុសុមៈ។ ក្នុងឱកាសនោះ លោកជំទាវអគ្គលេខាធិការ បានផ្តាំផ្ញើសូមឱ្យលោក កែវ ម៉ុន ថែរក្សាសុខភាព តាមវេជ្ជបញ្ជា និងសូមជូនពរឆាប់ជាសះស្បើយពីជំងឺ។

អ្នកជំងឺមហារីកខួរឆ្អឹងធ្ងន់ធ្ងរទទួលអំណោយពីកាកបាទក្រហមកម្ពុជា

កក្រក​ ៖​ នៅរសៀលថ្ងៃទី ៤​ ខែកញ្ញា​ ឆ្នាំ២០១៧ នេះ កាកបាទក្រហម​កម្ពុជា​ ដែលមាន​ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានជួយ​ឧបត្ថម្ភ​គ្រឿង​ឧបភោគ-បរិភោគ ​សម្ភារៈ​ប្រើប្រាស់​ និងថវិកាមួយចំនួន ជូន លោក​ស្រី​ យិន​ ស៊ីថា​ អាយុ​ ៥៣ឆ្នាំ​ អនុប្រធាន​នាយកដ្ឋាន​សោត​ទស្សន៍នៃ​ក្រសួង​ព័ត៌មាន​ ដែលមាន​ជំងឺ​មហារីក​ខួរឆ្អឹងធ្ងន់ធ្ងរ​ កំពុងសម្រាក​ព្យាបាល​នៅគេហដ្ឋាន​ស្ថិតនៅ​ភូមិតាសេក​ សង្កាត់កំបូល​ ខណ្ឌពោធិ៍សែនជ័យ​ រាជធានីភ្នំពេញ។

 

ក្នុងឱកាសនោះ ​លោកជំទាវ ម៉ែន នារីសោភ័គ អគ្គលេខាធិការ​រងទី ១ កាកបាទក្រហម​កម្ពុជា បានពាំនាំ​នូវប្រសាសន៍​របស់ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ដែលផ្តាំ​ផ្ញើនូវ​ការ​សួរសុខទុក្ខ​ និងក្តីអាណិត​អាសូរ​ ចំពោះលោកស្រី​ យិន​ ស៊ីថា និងសូមឱ្យ​លោកស្រី​ បន្តប្រើថ្នាំ​តាមវេជ្ជបញ្ជា ក្នុងក្តីសង្ឃឹមថានឹងជាសះស្បើយពីជំងឺ​ ខណៈដែលគ្រូពេទ្យ​ពុំអាច​វះកាត់បាន​នេះ។

 

លោកស្រី​ យិន​ ស៊ីថា និងក្រុមគ្រួសារ​ បានសំដែង​ក្តីរំភើប​ និងដឹងគុណ​យ៉ាងជ្រាលជ្រៅ​ ចំពោះ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ដែលបាន​គិតគូរជួយ​សម្រាល​ទុក្ខលំបាក​ដល់​ប្រជាពលរដ្ឋ​ជួបការលំបាក​ ដោយគ្មាន​ការរើសអើង​ ប្រកាន់វណ្ណៈ​ ពូជសាសន៍​ ព័ណ៌សម្បុរ​ ឬនិន្នាការ​នយោបាយអ្វីឡើយ​៕

 

ប្រជាជនងាយរងគ្រោះនៅក្រុងសិរីសោភ័ណទទួលអំណោយពីកាកបាទក្រហមកម្ពុជា

កក្រក ៖ នៅព្រឹកថ្ងៃទី ៤ខែកញ្ញា ឆ្នាំ២០១៧ នេះ កាកបាទក្រហម​កម្ពុជា ដែលមាន ​សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ​បានផ្តល់​អំណោយ​មនុស្សធម៌​ជូន​ប្រជាពលរដ្ឋ ចាស់ជរា​គ្មានទីពឹង គ្រួសារ​ទីទ័លក្រ ជនពិការ អ្នករស់នៅ​ជាមួយ​មេរោគអេដស៍​ ចំនួន ២៧៣ គ្រួសារ​ ដែលរស់​នៅក្នុងសង្កាត់​ទាំង៧ នៃក្រុងសិរីសោភ័ណ ខេត្តបន្ទាយ​មានជ័យ ក្រោមអធិបតី​ភាព ឯកឧត្តម វេជ្ជ. អ៊ុយ សំអាត នាយកដ្ឋានគ្រប់គ្រងគ្រោះមហន្តរាយ កាកបាទក្រហម​កម្ពុជា ។ ពិធីសំណេះសំណាល សួរសុខទុក្ខ និងចែកអំណោយ​មនុស្សធម៌នេះប្រព្រឹត្តិទៅ ក្នុងបរិវេណ​សាលាបឋមសិក្សា ហ៊ុន សែន សូភី ដោយមាន​ការអញ្ជើញ​ចូលរួមពី ឯកឧត្តម សួន បវរ ប្រធាន​កិត្តិយស សាខា លោក លី សារី ប្រធានគណៈកម្មាធិការ សាខា និង លោក លោកស្រី ជាគណៈកម្មាធិការ និងមន្ត្រី​សាខា-អនុសាខា កាកបាទក្រហម​កម្ពុជា ខេត្តបន្ទាយ​មានជ័យ ។

 

ក្នុងឱកាស​សំណេះសំណាល​នោះ ឯកឧត្តមវេជ្ជ. បានពាំនាំ​សេចក្ដីផ្តាំផ្ញើ​ការសួរសុខទុក្ខ និងសេចក្ដី​នឹករលឹក របស់ សម្តេច​កិត្តិព្រឹទ្ធបណ្ឌិត ប្រធាន ជូនចំពោះប្រជាពលរដ្ឋ​ដែលមកទទួល​អំណោយ​ថ្ងៃនេះ ព្រមទាំង​បានផ្ដល់នូវសារ​មួយចំនួន​រួមមាន៖


១- សូមយកចិត្ត​ទុកដាក់ថែ​រក្សា​សុខភាព​ឱ្យបានល្អប្រសើរ ​ដោយសម្អាត​បរិស្ថាន​ជុំវិញផ្ទះ ពិសារទឹកឆ្អិន ទម្លាប់ឱ្យកូនគេងក្នុងមុងជានិច្ចបង្កាមូសខ្លាខាំ។
២- ត្រូវពាក់មួកសុវត្ថិភាព​រាល់ពេល​បើកបរ កុំបើកបរក្រោម​ឥទ្ធិពលនៃគ្រឿងស្រវឹង និងត្រូវគោរព​ច្បាប់ចរាចរណ៍ឱ្យបានជាប់លាប់។
៣- សូមជៀសវាង​ការប្រើប្រាស់​គ្រឿងញៀន និងចូលរួមទប់ស្កាត់​ការចរាចរណ៍ និងប្រើប្រាស់គ្រឿងញៀន ។
៤- ត្រូវចេះស្រឡាញ់រាប់អានគ្នា ចេះជួយទុក្ខធុរៈគ្នា និងជៀសវាង​ការប្រើប្រាស់​អំពើហិង្សាក្នុងគ្រួសារ និងសហគមន៍។

 

ប្រជាពលរដ្ឋ​ទាំងអស់ ដែលទទួ​លផលពីកាកបាទក្រហម​កម្ពុជា បានសម្តែង​នូវក្តីរំភើប​ឥតឧបមា និងដឹងគុណយ៉ាងជ្រាលជ្រៅចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាលតែង​តែគិតគូរ យកចិត្តទុកដាក់​ចំពោះសុខទុក្ខ​ប្រជាពលរដ្ឋជួប​ការលំបាក​ដោយមិន​ប្រកាន់វណ្ណៈ ពូជសាសន៍ ព័ណ៌សម្បុរ ឬនិន្នាការនយោបាយអ្វីឡើយ។

អំណោយដែលគ្រួសារនីមួយៗទទួលបានរួមមាន៖ អង្គរ៣០គីឡូក្រាម មី១កេស ត្រីខ១០កំប៉ុង មុង១ ភួយ១ សារុង១ ក្រមា១ និងថវិកាមួយចំនួន៕

 

កាកបាទក្រហមកម្ពុជាចុះពិនិត្យទីតាំង ខួងអណ្តូងទឹកសហគមន៍នៅខេត្តស្ទឹងត្រែង និងរតនគីរី

កក្រក ៖ កាលពី​ថ្ងៃទី៣០ ខែសីហា ដល់​ថ្ងៃទី​២ ខែកញ្ញា ​ឆ្នាំ២០១៧ នេះ ដោយយោង​តាមអនុសាសន៍​ ដ៏ខ្ពង់ខ្ពស់ របស់ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ក្រុមការងារ​កាកបាទក្រហម​កម្ពុជា ដែលដឹកនាំ​ដោយ ឯកឧត្តម អ៊ុយ សំអាត នាយក នាយកដ្ឋាន​គ្រប់គ្រង​គ្រោះ​មហន្តរាយ បានប្រជុំ​ជាមួយ មន្ត្រីសាខា និងអនុសាខា កាកបាទក្រហម​កម្ពុជា អជ្ញាធរ​មូលដ្ឋាន និងប្រជា​ពលរដ្ឋ ព្រមទាំង​ចុះពិនិត្យ​ទីតាំង ខួង​អណ្តូងទឹក​សហគមន៍ជូន​ប្រជាពលរដ្ឋ​ខ្វះខាត​ទឹកស្អាត​ប្រើប្រាស់រស់នៅ ស្រុក​ថាឡាបរិវ៉ាត់ ខេត្តស្ទឹងត្រែង និង ស្រុកកូនមុំ និងស្រុកលំផាត់ ខេត្តរតនគិរី ដែល​ក្នុងនោះ​រួមមាន៖ 


 ១/ អណ្ដូង​ចំនួន១៥ អណ្ដូង សម្រាប់​ប្រជាពលរដ្ឋ ចំនួន ២៧៤ គ្រួសារ ស្មើនឹង​មនុស្ស ១,៥៦១នាក់ ដែលរស់នៅក្នុង​ឃុំអន្លង់ជ្រៃ ស្រុក​ថាឡាបរិវ៉ាត់ ខេត្តស្ទឹង​ត្រែង ។
២/ អណ្តូងទឹកស្អាត ចំនួន ១១ អណ្តូង សម្រាប់​ប្រជាពលរដ្ឋ ចំនួន ២៧៩ នាក់ ដែលរស់​នៅក្នុង​ស្រុកលំផាត់ (១៥៤ នាក់) និងស្រុកកូនមុំ (១២៥ នាក់) ខេត្តរតនគិរី។

សូមបញ្ជាក់ថា ៖ ក្នុងឆ្នាំ ២០១៧ នេះ កាកបាទក្រហម​កម្ពុជា បានផ្ដល់​អណ្តូង​ទឹកស្អាត​ជូនប្រជាពលរដ្ឋ​រស់នៅក្នុង​ខេត្តស្ទឹងត្រែង​បានចំនួន ៣៥ អណ្ដូង និងខេត្ត​មណ្ឌលគិរី​ចំនួន២៩ រួចមកហើយ៕

 

ឱវាទដើម្បីសុវត្ថិភាពពីខ្យល់ព្យុះសង្ឃរា

ឱវាទដើម្បីសុវត្ថិភាពពីរន្ទះ

វគ្គផ្សព្វផ្សាយស្តីពីចលនាកាកបាទក្រហម និងច្បាប់មនុស្សធម៍អន្តរជាតិនៅខេត្តកំពង់ស្ពឺ

វគ្គផ្សព្វផ្សាយ​ស្តីពី​គោលកាណ៍គ្រឹះ​របស់​ចលនា​កាកបាទក្រហម ​អឌ្ឍចន្ទក្រហម-មូលដ្ឋាន​ច្បាប់មនុស្សធម៍អន្តរជាតិនិង​កាកបាទក្រហម​កម្ពុជានៅវិទ្យាស្ថាន​ទ័ពជើងគោក​ស្ថិតនៅ​ឃុំត្រែងត្រយឹង​ ស្រុកភ្នំស្រួច ខេត្តកំពង់ស្ពឺ បាន​ប្រព្រឹត្តទៅ​នាព្រឹកថ្ងៃទី១ ខែកញ្ញា ឆ្នាំ២០១៧ ​ដោយមានការ​ចូលរួមពី​សំណាក់​លោកជំទាវ ហួន ច័ន្ទបូរ៉ា នាយិកា នាយកដ្ឋាន​ទំនាក់ទំនង កាកបាទក្រហម​កម្ពុជា និងឯកឧត្តម អ៊ុក រតនៈ នាយករងទទួល​បន្ទុកផ្នែក​ហ្វឹកហ្វឺន និងមានវត្តមាន​យោធិន​ចំនួន២០០នាក់ដែល​មានឋាន:​ចាប់ពី​វរ:សេនីយ៍ឡើងទៅ​ ។

វគ្គនេះបង្កើតឡើង​ក្នុងគោលបំណង​បង្កើន​ការយល់ដឹង​ដល់យោធិន​ស្តីអំពី​ច្បាប់មនុស្សធម៍​អន្តរជាតិ ​និងសកម្មភាព​មនុស្សធម៍​របស់កាកបាទក្រហម​កម្ពជា​ គួររំលឹកផង​ដែរថា​វគ្គនេះក៏មាន​កិច្ចសហការ និងឧបត្ថម្ភពី គណ:កម្មាធិការ​អន្តរជាតិ នៃកាកបាទក្រហម​ប្រចាំកម្ពុជា

First Prev 57 58 59 60 61 Next Last