អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

វគ្គបណ្ដុះបណ្ដាលពីវិជ្ជាសង្គ្រោះបឋម ជូនដល់មន្ត្រីបុគ្គលិកអាជ្ញាធរអប្សរាខេត្តសៀមរាប

សាខាកក្រក​ខេត្តសៀមរាប៖ នាថ្ងៃទី ២៨ ខែសីហា ឆ្នាំ២០១៧ លោក លិវ ឡន ប្រធាន​ការិយាល័យ​អភិវឌ្ឍន៍​សាខា​កាកបាទក្រហម​កម្ពុជា ខេត្តសៀមរាប និងសហការី បានបើកវគ្គ​បណ្ដុះបណ្ដាល​ពីវិជ្ជា​សង្គ្រោះបឋម​ ជូនដល់​មន្ត្រីបុគ្គលិក​ អាជ្ញាធរ​អប្សរា ចំនួន២៦នាក់ នៅមជ្ឈ​មណ្ឌល​បណ្ដុះបណ្ដុះ​បណ្ដាល​ នៃអាជ្ញាធរ​អប្សរា។ វគ្គនេះមានរយៈពេល ៣ថ្ងៃ ចាប់ពីថ្ងៃទី ២៨ ដល់ ៣០ ខែសីហា ឆ្នាំ២០១៧ ក្នុងគោលបំណង​ផ្ដល់នូវ​ចំណេះដឹង​អំពី​វិជ្ជាសង្គ្រោះបឋម​ ដើម្បីជួយ​សង្គ្រោះជន​រងគ្រោះ​ដោយ​ឧបទ្ទវហេតុ​ផ្សេងៗ ពិសេសភ្ញៀវ​ទេសចរណ៍​ដែលមក​កម្សាន្តនៅ​តំបន់រមណីយដ្ឋាន​ប្រវត្តិសាស្ត្រ​អង្គរ ឱ្យបានទាន់​ពេលវេលា។

ពិធីប្រកាសទទួលស្គាល់ប្រធានគណៈកម្មាធិការ សាខាកក្រក ខេត្តកោះកុង អាណត្តិទី៤

សាខាកក្រកខេត្តកោះកុង ៖ នៅព្រឹកថ្ងៃទី ២៨ ខែសីហា ឆ្នាំ២០១៧ នេះ កាកបាទ​ក្រហម​កម្ពុជា ដែលមាន ​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ជាប្រធាន​ បានប្រកាស​ទទួលស្គាល់ ​លោកជំទាវ ​មិថុនា ភូថង ជាប្រធាន​គណៈកម្មាធិការ ​សាខា​កាកបាទក្រហម​កម្ពុជា ​ខេត្តកោះកុង​ អាណត្តិទី​៤ ក្រោមអធិបតីភាព ​លោកជំទាវ ពុំ ចន្ទីនី ​អគ្គលេខាធិការ​ កាកបាទក្រហម​កម្ពុជា។ ពិធីនេះប្រព្រឹត្តិទៅ​នៅទីស្នាក់​សាខាកាកបាទក្រហម​កម្ពុជា ខេត្តកោះកុង​ដោយមានការ​អញ្ជើញចូលរួម​ពីសំណាក់​ ឯកឧត្តម ប៊ុន លើត ​ប្រធានកិត្តិយស​សាខា ឯកឧត្តម​អ្នកតំណាងរាស្ត្រ​ មណ្ឌលកោះកុង ឯកឧត្តម អនុប្រធាន​ក្រុមប្រឹក្សា​ខេត្តកោះកុង ឯកឧត្តម លោកជំទាវ លោក លោកស្រី ដែលជា​សមាជិក​គណៈកម្មាធិការ​សាខា-អនុសាខា មន្ត្រី​សាខា ព្រះមេគុណ​ខេត្ត និងយុវជន​និងអ្នកស្ម័គ្រចិត្ត​កាកបាទក្រហម​កម្ពុជា ចំនួន ១៥០នាក់/អង្គ។

នៅក្នុងឱកាសនោះដែរ លោកជំទាវ អគ្គលេខាធិការ បានពាំនាំនូវប្រសាសន៍ផ្ដាំផ្ញើសួរសុខទុក្ខ និងសេចក្ដីកោតសរសើរ​ជូនដល់ គណៈកិត្តិយស​សាខា គណៈកម្មាធិការ​សាខា-អនុសាខា មន្ត្រី-បុគ្គលិកសាខា-សាខា អ្នកស្ម័គ្រចិត្ត និង​យុវជន​កាកបាទក្រហម​កម្ពុជា​ ដែលមាន​វត្តមាន​នៅក្នុង​ពិធីនេះ​ព្រមទាំងសារសំខាន់ៗមួយចំនួនដូចជា៖ 
១/ ត្រូវរក្សា​សាមគ្គីភាព រវាងគណៈកិត្តិយស គណៈកម្មាធិការ និងក្រុមប្រតិបត្តិ ឱ្យបានល្អប្រសើរ
២/ ត្រូវបង្កើន​សមត្ថភាព និងទម្រង់ទិសអនុវត្តន៍ របស់មន្ត្រី-បុគ្គលិកសាខា-អនុសាខា ដើម្បីអនុវត្តន៍ការងារមនុស្សធម៌​បន្តទៀត
៣/ ត្រូវបន្តពង្រឹង ​និងពង្រីក កម្លាំងយុវជន និងអ្នកស្ម័គ្រចិត្ត​បន្ថែមទៀត ដើម្បីឱ្យ​សកម្មភាព​ការងារ​កាន់តែរស់រវើក
៤/ ត្រូវពង្រីកសមាជិកភាពបន្ថែម ដើម្បីជួយកៀរគរមូលនិធិសម្រាប់ជួយដល់ប្រជាពលងាយរងគ្រោះបានទាន់ពេលវេលា និងប្រសិទ្ធិភាព
៥/ រៀបចំចងក្រងឯកសារអ្នកទទួលផលឱ្យបានជាក់លាក់ ដើម្បីទុកជាឯកសារតម្កល់ទុកប្រើប្រាស់នាពេលក្រោយ
៦/ លើកកម្ពស់ ការថែទាំសមិទ្ធិផលនានារបស់កាកបាទក្រហមកម្ពុជា ដែលបានកសាងសម្រាប់ប្រជាជន
ជាមួយគ្នានេះដែរ លោកជំទាវ មិថុនា ភូថង ដែលទើបត្រូវបានប្រកាសទទួលស្គាល់ជា ប្រធានគណៈកម្មាធិការសាខា កាកបាទក្រហមកម្ពុជា ខេត្តកោះកុង អាណត្តិទី៤ ជំនួសលោកជំទាវ អេង គឹមនាង ដែលបានទទួលមរណភាព បានថ្លែងនូវអំណរគុណដល់សម្ដេចកិត្តិព្រឹទ្ធបណ្ឌិត ប្រធាន ដែលបានផ្ដល់នូវទំនុកចិត្តដល់លោកជំទាវ ​ហើយលោកជំទាវ​បានធ្វើការប្ដេជ្ញាចិត្ត​ដូចខាងក្រោម៖
១/ គាំទ្រសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន កាកបាទក្រហមកម្ពុជា គ្រប់ៗអាណ្ណត្តិ
២/ អនុវត្តន៍ការងារ ឱ្យស្របតាមគោលការណ៍គ្រឹះ​របស់កាកបាទក្រហម អឌ្ឍចន្ទក្រហម៣/ បំពេញ​ការងារឱ្យ​ស្របតាម វិស័យ​ស្នូលទាំង៤ នៃយុទ្ធសាស្ត្រកាកបាទក្រហមកម្ពុជា ២០១១-២០២០

៤/ បន្តពង្រឹង​ និងពង្រីក សមាជិកភាព​បន្ថែមទៀត និងបង្កើត​គំនិតច្នៃ​ប្រឌិតថ្មីៗបន្ថែមទៀតសម្រាប់ការកៀរគរមូលនិធិពី​សប្បុរសជន
៥/ តម្រង់ទិស មន្ត្រីក្រុមប្រតិបត្តិ​សាខា-អនុសាខា ដើម្បី​អនុវត្តន៍​បានល្អប្រសើរ ​និងស្របតាម​គោលការណ៍គ្រឹះរបស់ចលនា កាកបាទក្រហម អឌ្ឍចន្ទក្រហម
៦/ រក្សាសាមគ្គីភាព​រវាង​គណៈកិត្តិយស គណៈកម្មាធិការ និងក្រុម​ប្រតិបត្តិ ឱ្យបានល្អប្រសើរ
៧/ យកចិត្តទុកដាក់​ពីសុខទុក្ខប្រជាពលរដ្ឋ​ឱ្យបានកម្រិត​ខ្ពស់បំផុត និងមិនទុកឱ្យ​ប្រជាពលរដ្ឋ​ណាម្នាក់​ត្រូវស្លាប់​ដោយសារ​អត់អាហារ​ឡើយ៕

 

 

អនុសាខាកក្រក ខណ្ឌឬស្សីកែវទទួលទេយ្យទានពីវត្តទួល

សាខាកក្រករាជធានីភ្នំពេញ៖ នៅសាលា​ខណ្ឌឬស្សីកែវ​ នាព្រឹកថ្ងៃទី ២៨​ ខែសីហា ឆ្នាំ​ ២០១៧នេះ​ ក្រុមការងារ​អនុសាខា​កាកបាទក្រហម​កម្ពុជា​ខណ្ឌឬស្សីកែវ​ ដឹកនាំ​ដោយលោក ជា ពិសី ប្រធាន​គណៈកម្មាធិការ​អនុសាខា បានទទួល​ទេយ្យទាន​សប្បុរសធម៌​ជាថវិការ​ចំនួន៤.០០០.០០០រៀល​ និងទឹកបរិសុទ្ធ​ចំនួន១០០យួរ ពីព្រះតេជគុណ​សុវណ្ណ​ធម្មថេរោ ច័ន្ទ សុភាព គង់នៅ​វត្តទួល​សន្តិវ័ន ហៅវត្តទួល​អស់លោក​ ។

ក្នុងឱកាស​នោះ ព្រះតេជគុណ​សុវណ្ណធម្មថេរោ បានមាន​ព្រះថេរ​ដីកា​គាំទ្រ និងមាន​ទឹកព្រះទ័យ​រីករាយក្នុងការចូលរួម​ចំណែក​ជាមួយ​សកម្មភាព​មនុស្សធម៌​របស់កាកបាទ​ក្រហមកម្ពុជា ។

ជាការឆ្លើយតប ​លោកប្រធាន​គណៈកម្មាធិការ​អនុសាខាខណ្ឌ បានមាន​ប្រសាសន៍​សូមថ្លែងអំណរព្រះគុណចំពោះ​ព្រះតេជគុណ​សុវណ្ណធម្មថេរោ ច័ន្ទ សុភាព ព្រមទាំង​បានសន្យា​នឹងចាត់ចែង​ប្រើប្រាស់​នូវទេយ្យទាន​ទាំង​នេះជួយ​ឲ្យដល់ដៃ​ជនរងគ្រោះ​គ្រប់ប្រភេទ ឲ្យស្របតាម​គោលការណ៍​គ្រឹះទាំង៧ប្រការរបស់ចលនា​កាកបាទក្រហម ៕

 

វគ្គផ្សព្វផ្សាយពីចលនាកាកបាទក្រហម អឌ្ឍចន្ទក្រហម នៅសាលាឃុំរំចេក ស្រុកបន្ទាយស្រី

សាខាកក្រក​ខេត្តសៀមរាប​៖ នាព្រឹក​ថ្ងៃទី​ ២៥ ខែសីហា ឆ្នាំ២០១៧ សាខា​កាកបាទក្រហម​កម្ពុជា​ ខេត្តសៀមរាប​ បានបើកវគ្គ​ផ្សព្វផ្សាយ​ពីចលនា​កាកបាទក្រហម​ អឌ្ឍចន្ទ​ក្រហម​ នៅសាលា​ឃុំរំចេក​ ស្រុកបន្ទាយស្រី ជូនដល់​ក្រុមកាកបាទក្រ​ហមឃុំ និង អ្នកស្ម័គ្រចិត្ត​កាកបាទក្រហម​កម្ពុជា ឃុំរំចេក ស្រុកបន្ទាយស្រី ចំនួន៩នាក់ (មកពី៣ភូមិក្នុងឃុំរំចេក)។ វគ្គនេះ​រៀបចំ​ឡើងក្នុង​គោលបំណង​ ផ្ដល់ចំណេះដឹង​អំពីកាកបាទក្រហម​ អឌ្ឍចន្ទ​ក្រហម​ គោលការណ៍​គ្រឹះ តួនាទី​ភារកិច្ច​ ក្រុម​កាកបាទក្រហម​ឃុំ និង​អ្នកស្ម័គ្រចិត្ត​កាកបាទក្រហម​កម្ពុជា​ ដែលទើប​ជ្រើសរើស​ថ្មី ដើម្បី​បំពេញ​ភារកិច្ច​មនុស្សឱ្យ​បានទូលំទូលាយ​ និងមានប្រសិទ្ធភាព​ជូនដល់ជន​រងគ្រោះ និងងាយរង​គ្រោះនៅក្នុង​មូលដ្ឋាន៕

គ្រួសារទីទ័លក្រចំនួន ០៥គ្រួសារនៅភូមិលៀប ស្រុកអង្គរធំទទួលអំណោយពីសាខាកក្រកខេត្តសៀមរាប

សាខាកក្រកខេត្តសៀមរាប៖ នៅព្រឹកថ្ងៃទី២៤ ខែសីហា ឆ្នាំ២០១៧ លោកណម ពិសិ ដ្ឋ ហេរញ្ញិក គណៈកម្មាធិការ សាខា កាកបាទក្រហម កម្ពុជា  ខេត្តសៀមរាប ​និងសហការី ​បានអញ្ជើញ​ជួបសំណេះ​សំណាល ​និងនាំយកអំណោយ​មនុស្សជូន​ដល់គ្រួសារ​ងាយរងគ្រោះ​ទីទ័លក្រ​ចំនួន ០៥គ្រួសារ​នៅភូមិលៀប​ ឃុំពាក់ស្នែង ស្រុកអង្គរធំ។

 

មានប្រសាសន៍​នាឱកាសនោះ​លោកណម ពិសិដ្ឋ ​បានពាំនាំ​នូវការផ្ដាំផ្ញើ​សួរសុខទុក្ខ​ពីឯកឧត្តម​បណ្ឌិត ឃឹម ប៊ុនសុង ​ប្រធាន​គណៈកម្មាធិការ​សាខា ពិសេស​សម្ដេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ដែលជានិច្ចកាល​សម្តេចតែងតែ​យកចិត្តទុកដាក់​គិតគូរចំពោះ​សុខភាព​ប្រជាពលរដ្ឋ​គ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការ​នយោបាយ​ណាមួយឡើយ។

 

អំណោយមនុស្សធម៌​ដែលបានផ្ដល់​ជូន ក្នុងមួយគ្រួសារ​ទទួលបាន​៖ អង្ករ២៥គីឡូក្រាម មី១កេស និងថវិកា៥ម៉ឺនរៀល ។ រីឯលោក ណម ពិសិដ្ឋ​បានឧបត្ថម្ភ​ថវិកា៤ម៉ឺនរៀលក្នុង​មួយគ្រួសារ​ថែមទៀត។ ជាមួយនោះដែល​លោក សុខ ស៊ានិ ងភរិយា ជា​ក្រុមប្រឹក្សាឃុំ​ពាក់សែ្នង បានឧបត្ថម្ភ​ថវិកាចំនួន១ម៉ឺនរៀល ​និងសារុង១ ក្នុងមួយ​គ្រួសារផងដែរ៕

 

ពិធីសម្ភោធដាក់ឱ្យប្រើប្រាស់បណ្ណាល័យ ភូមិបឹងខ្នារខេត្តកំពង់ស្ពឺ

កក្រក ៖ នៅព្រឹកថ្ងៃ២៤ ខែសីហា ឆ្នាំ២០១៧ នេះ កាកបាទក្រហម​កម្ពុជា​ ដែលមាន​សម្ដេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ជាប្រធាន ​បានរៀបចំ​ពិធី​សម្ភោធ​ដាក់ឱ្យ​ប្រើប្រាស់​បណ្ណាល័យ​ និង​ប្រគល់​សម្ភារសិក្សា​មួយចំនួន ​ដោយមាន​ការចូលរួម​ពីសំណាក់ ​ឯកឧត្តម សម កុសល នាយក នាយកដ្ឋាន​ធនធាន​មនុស្ស​កាកបាទក្រហម​កម្ពុជា​ និង ឯកឧត្តម​ តាំង សាមឿន លេខា​សម្ដេច​កិត្តិព្រឹទ្ធបណ្ឌិត ​ប្រធាន ទីប្រឹក្សា​យុវជន និងយុវជន កាកបាទក្រហម​កម្ពុជា​ ប្រចាំគ្រឹះស្ថាន​ឧត្តមសិក្សា​ នៅរាជធានី​ភ្នំពេញ ​ជូនសាលា​បឋម​សិក្សា​បឹងខ្នារ ដែលស្ថិត​នៅភូមិ​បឹងខ្នារ ឃុំសែនដី ស្រុក​សំរោងទង ខេត្តកំពង់ស្ពឺ។

 

នៅក្នុងឱកាសសំណេះ​សំណាលនេះ ឯកឧត្តម ​នាយក បានពាំនាំប្រសាសន៍​ផ្ដាំផ្ញើ​សួរសុខទុក្ខ និងសេចក្ដីនឹករលឹក របស់ សម្ដេច​កិត្តិព្រឹទ្ធបណ្ឌិត ប្រធាន និង ឯកឧត្តមបណ្ឌិត​អ្នកឧកញ៉ា ម៉ុង រឹទ្ធី សមាជិកគណៈកម្មាធិការ​កណ្ដាល កាកបាទក្រហម​កម្ពុជា ជូនដល់​លោកគ្រូ អ្នកគ្រូ និង​សិស្សានុ​សិស្ស នៅសាលា​បឋមសិក្សាបឹងខ្នារ។ ជាមួយគ្នានេះ​ ឯកឧត្តម​នាយក ក៏បាន​ផ្ដល់នូវសារអប់រំ​មួយចំនួនរួមមាន៖


១/ សូមក្មួយៗ ខិតខំសិក្សារៀនសូត្រ​ក្រេបយកចំណេះ​ដឹងដើម្បីជួយចូលរួមចំណែកអភិវឌ្ឍន៍ប្រទេសជាតិនាពេលអនាគត
២/ សូមថែរក្សាសុខភាព ឱ្យបានល្អប្រសើរ និងត្រូវមានអនាម័យជានិច្ច
៣/ សូមចូលរួមថែរក្សា នូវសម្ភារៈសិក្សា និងបណ្ណាល័យដែលបានប្រគល់និងរៀបចំជូននៅពេលឱ្យបានល្អដើម្បីជាឧត្តមប្រយោជន៍ដ៏យូរអង្វែងតទៅមុខទៀត

 

ឆ្លៀតក្នុងឱកាសនេះដែរ ឯកឧត្តម តាំង សាមឿន ក៏បានដឹកនាំក្រុមយុវជនកាកបាទក្រហមកម្ពុជា ទៅទស្សនកិច្ចសិក្សានៅតំបន់អភិវឌ្ឍន៍របស់ ឯកឧត្តមបណ្ឌិតអ្នកឧកញ៉ា ម៉ុង រឹទ្ធី ស្ថិតនៅភូមិដីដុះ ឃុំសែនដី ស្រុកសំរោងទង ខេត្តកំពង់ស្ពឺ និងនាំ សម្ភារៈសិក្សាដែលបានប្រគល់ជូនសាលាបឋមសិក្សារួមមាន៖ រូបថតសម្ដេចកិត្តិព្រឹទ្ធបណ្ឌិតប្រធាន ទំហំ ០,៤ម៉ែត្រ គុណនឹង ០,៥ម៉ែត្រ ចំនួន១ រូបថតសម្ដេចតេជោ ហ៊ុន សែន ទំហំ ០,៤ម៉ែត្រ គុណនឹង ០,៥ម៉ែត្រ ចំនួន១ សៀវភៅពុម្ពចំនួន៣៥៧ក្បាល ធ្នើរដាក់សៀវភៅ ចំនួន២ បាល់ទាត់២ សម្លៀកបំពាក់កីឡាបាល់ទាត់ចំនួន ២២ កំផ្លេ និងសម្ភារៈបណ្ណាល័យមួយចំនួនទៀត។ ចំណែកសិស្សានុសិស្សម្នាក់ៗទទួលបាន សៀវភៅសរសេរ ១ក្បាល ខ្មៅដៃ១ដើម និងជ័រលុប១ដើម។

 

សូមបញ្ជាក់ថា៖ បណ្ណាល័យបឹងខ្នារនេះ ត្រូវបានរៀបចំឡើងដោយក្លឹបយុវជនកាកបាទក្រហមកម្ពុជា ប្រចាំគ្រឹះស្ថានឧត្តមសិក្សា ក្នុងរាជធានីភ្នំពេញមួយចំនួនរួមមាន ក្លឹបយុវជនកាកបាទក្រហមកម្ពុជា ប្រចាំសាកលវិទ្យាល័យភូមិន្ទភ្នំពេញ សាកលវិទ្យាល័យជាតិគ្រប់គ្រង សាកលវិទ្យាល័យភូមិន្ទកសិកម្ម សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងសាកលវិទ្យាល័យភ្នំពេញអន្តរជាតិ ដែលចំណាយថវិកាសរុបចំនួន ២,៥ លានរៀល។

 

សមាគមតន្ត្រីសំនៀង ជនពិការបានទទួលថវិកា ៤,០០០ដុល្លារអាមេរិក ពីកាកបាទក្រហមកម្ពុជា

នាព្រឹកថ្ងៃទី ២៤ ខែសីហា ឆ្នាំ២០១៧ នេះ កាកបាទក្រហម​កម្ពុជា​ ដែលមាន​សម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ជាប្រធាន បានឧបត្ថម្ភ​ថវិកា​ចំនួន ៤,០០០ដុល្លារ​អាមេរិក ជូនសមាគម​តន្ត្រីសំនៀង​ជនពិការ សម្រាប់ទិញ​សម្ភារៈឧបករណ៍​ម៉ាស្សា ដើម្បី​បើក​បង្រៀន និងធ្វើអាជីវកម្ម​ម៉ាស្សាបែប​បុរាណរក​ចំណូល​ផ្គត់ផ្គង់​សមាគម។

 

ក្នុងឱកាសជួប​សំណេះសំណាល​នោះ លោកជំទាវ ម៉ែន នារីសោភ័គ អគ្គលេខាធិការ​រងទី ១ កាកបាទក្រហម​កម្ពុជា ​បានពាំនាំ​ប្រសាសន៍​របស់ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំ​ផ្ញើការ​សួរ​សុខទុក្ខ ក្តីនឹក​រលឹក ជាពិសេស គិតគូរ​ពីជីវភាព​រស់នៅ​របស់ជនពិការ​ក្នុងសមាគម​ទាំងអស់ ​ក៏ដូចជាជន​ពិការទូទៅ។ ការជួយឧបត្ថម្ភ​ជាបន្តបន្ទាប់​របស់​កាកបាទក្រហម​កម្ពុជា ​បានជួយ​ឲ្យសមាគម​តន្ត្រីសំនៀង​ជនពិការ មានលទ្ធភាព​កសាង​បានថែមទៀត​នូវសមត្ថភាព​ និងប្រកបរបរ​ចិញ្ចឹម​ជីវិត​ដោយ​សេចក្តី​ថ្លៃថ្នូរ​។ លោកជំទាវ​អគ្គលេខាធិការរង​ទី១ អំពាវនាវ​ដល់សប្បរសជន​ និងប្រជាពលរដ្ឋ​ទូទៅ ​សុំជួយ​ដល់ជនពិការ​ ជាពិសេស​សុំកុំមាន​ការរើសអើង​ជាមួយ​ជនពិការ​ និងចូលរួម​លើកកម្ពស់​សិទ្ធិជន​ពិការ​ក្នុង​សង្គមជាតិ ។

 

លោក ចាប តូ តំណាងឱ្យ​ជនពិការ​ទាំងអស់​ បានសម្តែង​នូវការដឹងគុណ​យ៉ាងជ្រាលជ្រៅ​ចំពោះ​ សម្តេចកិត្តិ​ព្រឹទ្ធបណ្ឌិត​ ប៊ុន រ៉ានី ហ៊ុនសែន ដែលជាមាតា​មនុស្សធម៌​ តែងគិតគូរ ​យកចិត្ត​ទុកដាក់ ​និងជួយ​ឧបត្ថម្ភ​ដល់សមាគម​តន្ត្រីសំនៀង​ជនពិការ​ជាបន្ត​បន្ទាប់ ហើយ​នេះជាការជួយ​ឧបត្ថម្ភ​លើក​ទី៧ហើយ។

 

សិក្ខាសាលាស្តីពីការកសាងផែនការ សកម្មភាព ការងារស្តារទំនាក់ទំនងគ្រួសារ សម្រាប់ឆ្នាំ ២០១៨

ភ្នាក់ងារស្តារទំនាក់ទំនងគ្រួសារមកពីសាខាកាកបាទក្រហមកម្ពុជារាជធានី-ខេត្តទាំង២៥ បានមកចូលរួមសិក្ខាសាលាប្រចាំឆ្នាំស្តីពីការកសាងផែនការ សកម្មភាព ការងារស្តារទំនាក់ទំនងគ្រួសារ សម្រាប់ឆ្នាំ ២០១៨ ដែលបានដំណើរការរយៈពេល២​ថ្ងៃ ចាប់ពីថ្ងៃទី២៤-២៥ ខែសីហា ឆ្នាំ ២០១៧ នៅទីស្នាក់ការកណ្តាលកាកបាទក្រហមកម្ពុជា ដោយមានការចូលរួមពីសំណាក់ លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា ដំណាង ក្រសួងមហាផ្ទៃ និង អាយស៊ីអរស៊ី នៅកម្ពុជា ។

 

សិក្ខាសាលានេះធ្វើឡើងក្នុងគោលបំណងចែករំលែកបទពិសោធន៍គ្នាទៅវិញទៅមក និងពង្រឹងកិច្ចសហការជាមួយអគ្គនាយកដ្ឋានពន្ធនាគារ និងបង្កើនប្រសិទ្ធភាពការងារស្តារទំនាក់ទំនងឲ្យកាន់តែប្រសើរឡើង ។

 

វគ្គផ្សព្វផ្សាយពីចលនាកាកបាទក្រហម អឌ្ឍចន្ទក្រហម នៅស្រុកបន្ទាយស្រី

សាខាកក្រក​ខេត្តសៀមរាប៖ នារសៀល​ថ្ងៃទី ​២៣ ​ខែសីហា​ ឆ្នាំ២០១៧​ សាខា​កាកបាទក្រហម​កម្ពុជា​ ខេត្តសៀមរាប​ បានបើកវគ្គ​ផ្សព្វផ្សាយ​ពីចលនាកាកបាទក្រហម​ អឌ្ឍចន្ទក្រហម​ នៅសាលា​ឃុំខ្នារ​សណ្ដាយ​ ស្រុកបន្ទាយស្រី ​ជូនដល់​ក្រុមកាកបាទក្រហម​ឃុំ និង​ អ្នកស្ម័គ្រចិត្ត​កាកបាទក្រហម​កម្ពុជា​ ឃុំខ្នារសណ្ដាយ​ ស្រុកបន្ទាយស្រី ​ចំនួន១៥នាក់​ (មកពី៥​ភូមិក្នុង​ឃុំខ្នារ​សណ្ដាយ​)។ វគ្គនេះ​រៀបចំ​ឡើង​ក្នុងគោលបំណង​ ផ្ដល់ចំណេះដឹង​អំពីកាកបាទក្រហម​ អឌ្ឍចន្ទក្រហម​ គោលការណ៍គ្រឹះ ​តួនាទី​ភារកិច្ច​ ក្រុមកាកបាទក្រហម​ឃុំ ​និងអ្នកស្ម័គ្រចិត្ត​កាកបាទក្រហម​កម្ពុជា​ ដែលទើប​ជ្រើសរើស​ថ្មី ​ដើម្បីបំពេញ​ភារកិច្ច​មនុស្ស​ឱ្យបាន​ទូលំទូលាយ​ និងមានប្រសិទ្ធភាព​ជូនដល់​ជនរងគ្រោះ ​និងងាយរង​គ្រោះនៅ​ក្នុង​មូលដ្ឋាន៕

វគ្គបណ្តុះបណ្តាលស្តីពី អនាម័យទឹកស្អាតក្នុងគ្រាអាសន្ននៅខេត្តព្រៃវែង

នៅព្រឹកថ្ងៃទី ២៣ ខែសីហា ឆ្នាំ ២០១៧ សាខាកាកបាទក្រហម កម្ពុជា​ ខេត្តព្រៃវែង​ បានសហការ​ ជាមួយកាកបាទក្រហម​កម្ពុជា​ បើកវគ្គ​បណ្តុះបណ្តាល​ស្តីពី ​អនាម័យ​ទឹកស្អាត​ក្នុងគ្រាអាសន្ន ​ស្ថិតក្រោម​អធិបតីភាព​ ឯកឧត្តម​ឧកញ៉ា សុខ ផេង អនុប្រធាន​អចិន្ត្រៃយ៍​គណៈកម្មាធិការ​សាខា​ តំណាង​ឯកឧត្តម ​ជា សុមេធី ​ប្រធាន​គណៈកម្មាធិការ​សាខា​ ដល់ជន​បង្គោល ​និងអ្នក​ស្ម័គ្រចិត្ត​ភូមិ មកពី​ស្រុក ចំនួន៣ ​គឺស្រុកពាមរក៍ ​ស្រុកពាមជរ​ និងស្រុកកំពង់ត្របែក ដែលមាន​រយះពេល ២ថ្ងៃ ចាប់ពីថ្ងៃទី ២៣ ដល់ ថ្ងៃទី ២៤ ខែសីហា ឆ្នាំ ២០១៧ មានសិក្ខាកាម​ចូលរួម ​សរុប ចំនួន ៣២នាក់ ស្រី ១២នាក់។

 

គោលបំណង​នៃវគ្គ: គឺដើម្បីរួ​មចំណែក​លើកកម្ពស់​សុខភាព ប្រជាជន​ក្នុងសហគមន៍ ​តាមរយៈការ​ពង្រឹងសមត្ថភាព​មន្ត្រី ​និងអ្នកស្ម័គ្រចិត្ត​កាកបាទក្រហមកម្ពុជា ​ដើម្បីឆ្លើយតប​នៅ​ពេលមាន​គ្រោះមហន្តរាយ និងត្រៀមបង្ការ​លក្ខណៈ ក្នុងការផ្តល់​សេវាកម្ម​ផ្នែកអនាម័យ​ទឹកស្អាត​ក្នុងគ្រាអាសន្ន សហការ​ជាមួយ​ សហព័ន្ធអន្តរជាតិ(IFRC/JRCS)។

 

ក្នុងឱកាសនោះ ឯកឧត្តម​ បានធ្វើការផ្តាំផ្ញើ​ដល់សិក្ខាកាម​ទាំងអស់​ ត្រូវខិតខំ​យកចិត្តទុកដាក់​រៀនសូត្រ ​អោយបាន​ល្អ ដើម្បីយក​ចំណេះដឹង​ដែលទទួល​បាននា​ពេលនេះ​ទៅអនុវត្ត​ក្នុងសហគមន៍ ​និងតំបន់​គោលដៅ​នៃគម្រោង​អោយទទួល​បានជោគជ័យ។

 

First Prev 55 56 57 58 59 Next Last