អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

ប្រជាពលរដ្ឋនៅស្រុកចំនួន៣នៃខេត្តក្រចេះទទួលបានអណ្តូងទឹកស្អាត

កក្រក ៖​នៅថ្ងៃ​ទី២០​ ខែមីនា​ ឆ្នាំ២០១៧​ នេះ ​សម្តេច​កិត្តិព្រឹទ្ធ​បណ្ឌិត​ ប៊ុន រ៉ានី ហ៊ុនសែន​ ប្រធាន​កាកបាទក្រហម​កម្ពុជា​ បាន​សម្រេច​ផ្តល់​ថវិកា​ចំនួន២៩.២៥០ដុល្លារ​ (ពីរម៉ឺន​ប្រាំបួន​ពាន់ពីរ​រយហា​សិប​ដុល្លារ​អាមេរិក)​ ដើម្បី​ខួង​អណ្តូង​ទឹកស្អាត​ចំនួន១៥​ ជូនប្រជាពលរដ្ឋ​ខ្វះខាត​ទឹក​ប្រើប្រាស់​ចំនួន​២២៤គ្រួសារ​ ស្មើមនុស្ស​១.២២១នាក់​ រស់ក្នុងឃុំចំនួន​៦​ នៃស្រុកចិត្របុរី​ ស្រុកឆ្លូង​ និងក្រុងក្រចេះ​ ខេត្តក្រចេះ។

 

សូម​បញ្ជាក់ថា​ គិតពីឆ្នាំ​២០១៤​ ដល់ ខែកុម្ភៈ​ ឆ្នាំ​២០១៧​ នេះ​ កាកបាទក្រហម​កម្ពុជា​ ដែលមាន​សម្តេចកិត្តិព្រឹទ្ធ​បណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ បានផ្តល់​អណ្តូងទឹក​ចំនួន​៤៤រួចមក​ហើយ​សម្រាប់​ប្រជាពលរដ្ឋ​រស់នៅ​ខេត្តក្រចេះ​ ហើយ​ការផ្តល់​ជូន​អណ្តូង​១៥​ខាងលើ​នេះ​ទៀត គឺ​ជាការ​ផ្តល់​ជូន​ក្នុង​ជំហាន​ទី​២​ ឆ្នាំ​ ២០១៧នេះ​៕

ពិធីប្រឡងគូរគំនូរសកម្មភាពកាកបាទក្រហមកម្ពុជានៅខេត្តឧត្តរមានជ័យ

សាខាកក្រកខេត្តឧត្តរមានជ័យ ៖​កាលពី​ព្រឹកថ្ងៃ​ទី២០ ​ខែមីនា​ ឆ្នាំ​២០១៧ ​សាខា​កាកបាទ  ក្រហម​កម្ពុជា​ខេត្ត​ឧត្តរមានជ័យ​ ដឹកនាំ​ដោយ​ លោក សរ សៀងហៀង​ នាយក​សាខា ​សហការ​ជាមួយ​មន្ទីរ​អប់រំ​ យុវជន និងកីឡាខេត្ត បានរៀបចំ​បើកការ​ប្រឡង​ប្រជែង​គូរគំនូរ​របស់​សិស្ស​ថ្នាក់​ទី៥-ទី៦ ដោយ​ផ្អែកលើប្រធានបទ​នៃវិស័យ​ស្នូលទាំង៤​របស់​កាកបាទក្រហម​ អឌ្ឍចន្ទ​ក្រហម​​ ដែលមក​ពី៥​សាលា​បឋមសិក្សា​ដោយមាន​សិស្សានុសិស្ស​ចូលរួម​ប្រឡងគំនូរ​សរុប​ចំនួន៦១នាក់ (ស្រី ៤១នាក់) ស្ថិតនៅក្រុងសំរោង ខេត្តឧត្តរមានជ័យ។

 

ការប្រឡង​នេះមាន​គោលបំណង​ ដើម្បី​ធ្វើ​សកម្មភាព​មនុស្សធម៌​ចម្រុះ​វិស័យ​ បង្កើន​ចំណេះដឹង​ដល់សិស្សានុសិស្ស ​និងអបអរសាទរ​ខួបលើក​ទី១៥៤ ទិវាពិភពលោក​កាកបាទក្រហម​ អឌ្ឍចន្ទ​ក្រហម ៨ ឧសភា ឆ្នាំ២០១៧។

ប្រជាពលរដ្ឋងាយរងគ្រោះបំផុតនៅស្រុកជុំគីរីទទួលអំណោយពីកាកបាទក្រហមកម្ពុជា

កក្រក​ ៖​នៅព្រឹកថ្ងៃទី​២១​ ខែមីនា​ ឆ្នាំ២០១៧​ នេះ​ កាកបាទក្រហម​កម្ពុជា​ ដែលមាន​សម្តេច​កិត្តិព្រឹទ្ធ​បណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ បានផ្តល់​​អំណោយ​មនុស្សធម៌​ជូនចាស់​គ្មាន​ទីពឹង​ កុមារ​កំព្រា ​ស្ត្រីមេម៉ាយ​ គ្រួសារ​ជនពិការ​ និងអ្នករស់​នៅជា​មួយ​មេរោគអេដស៍​​ ចំនួន​៦៨៨គ្រួសារ​ ដែលរស់នៅក្នុងភូមិចំនួន៣៩​ ឃុំចំនួន​៩​ នៃស្រុកជុំគិរី​ និងស្រុកឈូក​ ខេត្តកំពត។

 

ក្នុងឱកាស​សំណេះ​សំណាល​នោះ ​លោកជំទាវ​ ម៉ែន​ នារីសោភ័គ​ អគ្គលេខាធិការរងទី១​ កាកបាទក្រហម​កម្ពុជា​បានពាំនាំ​ប្រសាសន៍​ សម្តេច​កិត្តិព្រឹទ្ធ​បណ្ឌិ​ត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា​ ដែលផ្តាំ​ផ្ញើគិត​គូរ​ សួរសុខទុក្ខ​ និងអនុសាសន៍​ចំពោះ​ប្រជាពលរដ្ឋ​ទាំងអស់​រួមមាន​ ៖​

 

១/​ សូមត្រៀមបង្ការ​ចំពោះ​ការកើន​ឡើង​កម្តៅខ្លាំង​ និងកង្វះទឹក​ប្រើប្រាស់ក្នុ​ងរដូវ​ប្រាំងនេះ។​ ២/​ សូមប្រុង​ប្រយ័ត្នចំពោះ​ ខ្យល់កន្ត្រាក់​ ខ្យល់ព្យុះ​ និងភ្លើងឆេះផ្ទះ។​ ៣​/​ សូមពិសារ​ទឹកដាំឆ្អិន​ និងពិសារ​ឱ្យបាន​ច្រើនដើម្បី​សុខភាពល្អ។​ ៤/​ សូមគោរពច្បាប់ចរាចរណ៍​ និងជៀសវាង​ការបើក​បរក្រោម​ឥទ្ធិពល​នៃគ្រឿង​ស្រវឹង​ ដើម្បីកាត់បន្ថយ​គ្រោះថ្នាក់​នៅតាម​ដងផ្លូវ។​ ៥/​ សូមអាណា​ព្យាបាល​ណែនាំ​កូន-ក្មួយ​ ឱ្យជៀសឆ្ងាយ​ពីគ្រឿងញៀន​ ដែលជា​ប្រភពនៃ​អំពើហិង្សា​ ចោរកម្ម​ ចារកម្ម​ និងអសន្តិសុខ។​ ៦/​ សូមស្ត្រីមានផ្ទៃពោះ​ ទៅពិនិត្យ​ផ្ទៃពោះ​ឱ្យបាន​ទៀងទាត់​ និងទៅ​សម្រាលកូន​នៅមណ្ឌល​សុខភាព​ដើម្បីសុខភាព​ និងសុវត្ថិភាព​ទាំងម្តាយ​ និងកូន។

 

ប្រជាពលរដ្ឋ​ទាំងអស់​មានក្តីរំភើប​ និងសប្បាយ​រីករាយ​ឥតឧបមា​ ព្រោះបាន​កាកបាទក្រហម​កម្ពុជា​ ក្រោម​ការដឹក​នាំរបស់​សម្តេច​កិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ចុះជួយ​សម្រាល​ទុក្ខលំបាក​ដល់ពួកគាត់បាន​ទាន់ពេលវេលា​ និងមិនមាន​ការរើសអើង​អ្វីឡើយ។​

 

គ្រួសារ​នីមួយៗ​ទទួល​បាន ៖ អង្ករ​ ៣០គីឡូក្រាម​ មី​ ១កេស​ ត្រីខ​ ១០កំប៉ុង​ នំប៉័ង​ ១ដើម​ ទឹកសុទ្ធ​ ១ដប មុង​ ១​ ភួយ​ ១​ សារុង​ ១​ និងក្រមា​ ១។​ ដោយឡែក​ ប្រគេន​ព្រះសង្ឃ​គង់នៅ​វត្តអង្គចក​នូវ​ ៖​ អង្ករ​ ៩០គីឡូក្រាម​ មី​ ៥កេស​ ត្រីខ​ ៥០កំប៉ុង​ និងបច្ច័យ​ ៤០០.០០០រៀល៕

 

ប្រជាពលរដ្ឋងាយរងគ្រោះបំផុតនៅស្រុកកំពង់លែងទទួលអំណោយពី កាកបាទក្រហមកម្ពុជា

កក្រក ៖​នៅព្រឹក​ថ្ងៃទី​២១​ ខែ​មីនា​ ឆ្នាំ​២០១៧​ នេះឯកឧត្តម​វេជ្ជ.​ អ៊ុយ សំអាត​ នាយក​នាយកដ្ឋាន​គ្រប់គ្រង​គ្រោះមហន្តរាយ​ និងមាន​ការអញ្ជើញ​ចូលរួម​ពីឯកឧត្តម​ អ៊ុន សំអុល​ ប្រធាន​គណៈកម្មាធិការ​សាខា​ និងលោក លោកស្រី ដែលជា​សមាជិក សមាជិកា​សាខា​និង​អនុ​សាខា​កាកបាទក្រហម​កម្ពុជា​ខេត្តកំពង់ឆ្នាំង​ បានចុះសួរ​សុខទុក្ខ​ និងនាំ​យកអំណោយ​មនុស្សធម៌​របស់​កាកបាទក្រហម​កម្ពុជា​ដែលមាន​សម្ដេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ជាប្រធាន​ ចែកជូន​ដល់ប្រជាពលរដ្ឋ​ងាយរងគ្រោះបំ​ផុត​ចំនួន៦០៩គ្រួសារ​ មកពី​ឃុំចំនួន​ប្រាំបី​រួមមាន​ ឃុំច្រណូក ឃុំពោធិ៍ ឃុំត្រងិល ឃុំកំពង់ហៅ ឃុំស្វាយរំពារ ឃុំដារ ឃុំសំរោងសែន និងឃុំប្រឡាយមាសនៃស្រុក​កំពង់លែង ខេត្តកំពង់ឆ្នាំង ​ដែលពិធីនេះ​ប្រព្រឹត្ត​ទៅក្នុង​បរិវេណ​សាលាស្រុក​កំពង់លែង។

 

នៅក្នុង​ឱកាសសំណេះ​សំណាល​ជាមួយ​គ្រួសារ​ទទួលផល​ឯកឧត្តម​វេជ្ជ. ​បានមាន​ប្រសាសន៍​ផ្ដាំផ្ញើ​សួរសុខទុក្ខ​ពីសំណាក់​សម្ដេច​កិត្តិព្រឹទ្ធ​បណ្ឌិត​ ប្រធាន​កាកបាទក្រហម​កម្ពុជា​ដល់បងប្អូន​ប្រជាពលរដ្ឋ​ងាយរងគ្រោះ​បំផុត​ទាំងអស់​ និងបានណៃនាំ​ដល់បងប្អូន​សូមថែរក្សា​សុខភាព​ និងអនាម័យ​ដោយត្រូវ​ពិសារទឹកឆ្អិន និងគេង​ក្នុងមុងជានិច្ច។

 

ជាងនេះ​ទៅទៀត​ សូមការពារខ្លួន​កុំឲ្យ​ឆ្លង​មេរោគអេដស៍ ​និងកុំរើសអើង​អ្នករស់​នៅជាមួយ​មេរោគអេដស៍ ​ព្រមទាំង​សូមមាន​ស្មារតីប្រុង​ប្រយ័ត្ន​ជានិច្ច​នៅពេល​ធ្វើដំណើរ​ទៅទីជិត​ឬឆ្ងាយ​ដើម្បី​ការពារ​ពីគ្រោះ​ថ្នាក់​ចរាចរណ៍​ដែលកើតមាន​ឡើង​ជាយថា​ហេតុ។ បន្ថែមពីលើ​នេះទៀត សូមជៀស​ឲ្យឆ្ងាយ​ពីគ្រឿងញៀន​ និងកុំ​ពិសារ​គ្រឿងស្រវឹង​ ដែលជា​កត្តា​បង្កឲ្យ​មានអំពើហិ​ង្សា ចោរកម្ម និងអសន្តិសុខ​ក្នុងសង្គម។

 

អំណោយ​ដែលចែក​ជូនគ្រួសារ​នីមួយៗមាន៖ អង្ករ៣០គីឡូក្រាម មី ១កេស ត្រីខ ១០កំប៉ុង មុង១ ភួយ១ សារុង១ ក្រមា១។ ដោយឡែក​ជនពិការ និងចាស់ជរា​ទទួលបាន​ថវិកាមួយ​ចំនួន​បន្ថែមទៀត។

 

ប្រជាពលរដ្ឋងាយរងគ្រោះបំផុតទទួលអំណោយពីអនុសាខាខណ្ឌដូនពេញ

សាខាកក្រករាជធានីភ្នំពេញ៖ នៅសាលា​ខណ្ឌ ដូនពេញ​នាល្ងាចថ្ងៃទី២០​ ខែមីនា ​ឆ្នាំ២០១៧  នេះ​ ក្រុមការងារ​អនុសាខា​កាកបាទក្រហម​កម្ពុជា​ ខណ្ឌ​ដូនពេញដឹកនាំ​ដោយ​លោក​ ឈឹម ឌីណា​ អនុប្រធាន​កិត្តិយស​អនុសាខាបានរៀបចំ​ពិធី​សាកសួរ​សុខទុក្ខ​ និង​ចែកអំណោយ​មនុស្សធម៌​របស់​កាកបាទក្រហម​កម្ពុជា​ជូន​ដល់​ប្រជាពលរដ្ឋ​ចាស់​ជរាអ្នក​រស់នៅជាមួយ​មេរោគ​អេដស៍​ដែលមាន​ជីវភាព​ខ្វះខាត​សរុប​ចំនួន​៣៣​គ្រួសារ​ មកពី១១សង្កាត់​ ក្នុងខណ្ឌដូពេញ ។

 

នាឱកាស​នោះ លោក​អនុប្រធាន​កិត្តិយស​អនុសាខា ​បានពាំនាំ​នូវប្រសាសន៍​ផ្តាំផ្ញើ​សាក​សួរ​សុខទុក្ខ​ពីសំណាក់​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុន សែន ប្រធាន​កាកបាទក្រហម​កម្ពុជា​ ជូនដល់​លោកតា​លោកយាយ​ បងប្អូន​ទាំងអស់​ ព្រមទាំង​សូម​អំពាវនាវ​ឲ្យយកចិត្ត​ទុកដាក់​ថែរក្សា​សុខភាព​ឲ្យ​បានល្អ​ ដោយ​រស់នៅ​ស្អាត ហូប​ស្អាត​ ផឹកស្អាត ដើម្បី​ចៀសវាង​ពីជម្ងឺ​ដង្កាត់​ផ្សេងៗ​មកបៀតបៀន​ ។

 

អំណោយ​មនុស្សធម៌​ដែលគ្រួសារ​នីមួយៗ​ទទួល​បានរួម​មាន៖ អង្ករ​៣០គីឡូក្រាម​ មី១កេស ​ត្រីខ១យួរ ឃីត១កញ្ចប់(មុង១ ភួយ១ សារុង១ ក្រមា១) និងថវិកាចំនួន២មុឺនរៀល​ ៕

 

សាខាកាកបាទក្រហមកម្ពុជាខេត្តកំពតទទួលទេយ្យទានពីព្រះសង្ឃវត្តស្នំប្រាំពីរ

សាខាកក្រកខេត្តកំពត ៖​កាលពី​រសៀល​ថ្ងៃទី​១៦​ ខែមីនា​ ឆ្នាំ​២០១៧​ សាខា​កាកបាទក្រហម​កម្ពុជា​ខេត្តកំពត ដឹកនាំ​ដោយ​លោកវេជ្ជ​.កែវ សុផាន់ នាយក​សាខា​ និង​សហការី​អញ្ជើញ​ទទួល​ទេយ្យទាន​ពីព្រះសង្ឃ​ គណៈកម្មការ​អាចារ្យ​វត្តស្នំ​ប្រាំពីរ​ ស្ថិតនៅ​ក្នុង​ភូមិស្នំ​ប្រាំពីរ​ ឃុំម៉ាក់ប្រាង​ ស្រុកទឹក​ឈូ ​ខេត្តកំពត។

 

នាឱកាសនោះដែរ​ លោក​នាយក បាន​ពាំនាំ​មកនូវ​ប្រសាសន៍​ផ្តាំផ្ញើ​សួរសុខទុក្ខ​ពីសំណាក់​សម្តេច​កិត្តិព្រឹទ្ធ​បណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា​ ប្រគេន​ជូនចំពោះ​ព្រះសង្ឃ​គណៈកម្មការ​ អាចារ្យវត្ត​ដោយក្តី​នឹករលឹក​បំផុត​ និងបានកោត​សរសើរ​ព្រមទាំង​ថ្លែងអំណរ​អរគុណ​យ៉ាងជ្រាលជ្រៅ​ចំពោះ​ទឹកព្រះ​ទេយ្យ​សប្បុរសធម៌​របស់​ព្រះអង្គ​ និង​វាយ​តម្លៃ​ខ្ពស់​ចំពោះ​កាយវិការ​ដ៏ថ្លៃថ្លា​របស់​ព្រះអង្គ​ហើយបាន​ចាត់ទុក​ជាគំរូ​ដល់ព្រះសង្ឃ​ដទៃទៀត​ដែលមិន​អាចកាត់​ថ្លៃបាន​ឡើយ។

 

ទេយ្យទាន​ដែលបាន​ប្រគេន​ជូនរួម​មាន៖ អង្ករ២០០គីឡូក្រាម ទឹកត្រី២៩យួរ ទឹកស៊ីអ៊ីវ១២យួរ មី១កេស បន្លុង១៩ និងបច្ច័យ​មួយចំនួន​ផងដែរ៕

វគ្គបណ្តុះបណ្តាលជាមូលដ្ឋាន និងបំពាក់កន្សែងដល់យុវជនកាកបាទក្រហមកម្ពុជា វិទ្យាល័យរវៀង

សាខាកក្រក​ខេត្ត​ព្រះវិហារ​៖កាលពី​ថ្ងៃទី១៨ ​ខែ មីនា ​ឆ្នាំ ​២០១៧ ​សាខា​កាកបាទក្រហម​កម្ពុជាខេត្តព្រះវិហារ​ បានបើក​វគ្គបណ្តុះបណ្តាល​ជាមូលដ្ឋាន​ និង​បំពាក់កន្សែង​ដល់​យុវជន​កាកបាទក្រហ​មកម្ពុជា​ វិទ្យាល័យ​រវៀង​ចំនួន៥០នាក់ ស្រី២៥នាក់ នៅវិទ្យាល័យរវៀង ឋិតក្នុងឃុំងរឿង ស្រុករវៀង។

 

ពិធីមាន​ការចូលរួម​ពីសំណាក់​លោកជំទាវ​ ចឹកហេង​ ប្រធាន​គណៈកម្មាធិការ​សាខា​កាកបាទក្រហម​កម្ពុជា​ខេត្តព្រះវិហារ​ និងមាន​ការចូលរួម​ពីក្រុម​ប្រតិបត្តិ​សាខា ​លោកនាយក​វិទ្យាល័យ​រវៀង​ និងទីប្រឹក្សាយុវជន។

 

នៅក្នុង​ឱកាសនោះ​ផងដែរ​លោកជំទាវ​ ចឹក ហេង ​ប្រធាន​គណៈកម្មា​ធិ ការ​សាខា​កាកបាទ ក្រហម​កម្ពុជា​ ខេត្តព្រះវិហារ​ មានប្រសាសន៍​ថា​កាកបាទ​ក្រហម​កម្ពុជា ក្រោមការ​ដឹកនាំ​របស់​ សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ជាប្រធាន សម្តេច​តែងតែ​គិតគូរ​ពីយុវជន​ ធ្វើយ៉ាងណា​អោយ​យុវជន​ក្លាយជាធនធាន​ដ៏មាន​សមត្ថភាព ចូលរួមក្នុង​សម្មភាព​មនុស្សធម៌ ​និងចូលរួម​ចំណែក​ក្នុងការ ​អភិវឌ្ឍន៍ប្រទេសជាតិ។ លោកជំទាវ​ក៏ បានផ្តាំផ្ញើ​ប្អូនៗយុវជន ​នូវចំនុច​មួយចំនួន​ដូចខាង ក្រោម៖

 

-ត្រូវខិតខំរៀន​សូត្រ​ដើម្បី​ក្លាយខ្លួន​ជាសិស្ស​គំរូ មិត្តល្អ កូនល្អ  ត្រូវជៀស​អោយឆ្ងាយ​ពីគ្រឿងញៀន ត្រូវគោរពច្បាប់ក្នុងពេលបើកបរ​   កុំប្រើគ្រឿងស្រវឹងក្នុងវ័យសិក្សាត្រូវចេះសាមគ្គីគ្នា​ ចេះជួយយកអសារគ្នាត្រូវរៀបចំ​ផែនការ​សកម្មភាព​សម្រាប់អនុវត្ត ​និងមានរបាយការណ៍​ជូនទៅអនុសាខា​អំពីសកម្មភាពរបស់ខ្លួន ចូលរួមធ្វើអនាម័យ​បរិស្ថាន​ក្នុងសាលា​ជាប្រចាំ ក្នុងនោះសាខា​កាកបាទក្រហម​កម្ពុជាខេត្តព្រះវិហារ​បានផ្តល់​ថវិកា​មូលនិធិ​ជូនក្លឹប​យុវជនកាកបាទក្រហមកម្ពុជា វិទ្យាល័យរវៀង ចំនួន ២០០,០០០ រៀលគត់

 

សម្ពោធអណ្តូងទឹកស្អាតនៅឃុំចំនួន ៣ នៃស្រុកសៀមបូក ខេត្តស្ទឹងត្រែង

កក្រក ៖​នៅព្រឹក​ថ្ងៃទី​១៨​ ខែមីនា​ ឆ្នាំ​២០១៧​ នេះ ​កាកបាទក្រហម​កម្ពុជា​ ដែលមាន​សម្តេច​កិត្តិព្រឹទ្ធបណ្ឌិត​ប៊ុន រ៉ានី ហ៊ុនសែន ​ជាប្រធាន​ បានសម្ពោធ​ឱ្យប្រើប្រាស់​អណ្តូង​ទឹកស្អាត​ ចំនួន​១៧ (មានលេខរៀង​ចាប់ពី​៧១ ដល់​លេខរៀង​ទី៨៧) ជូន​ប្រជាជន​ខ្វះខាត​ទឹកប្រើប្រាស់​ចំនួន​៣៦៤​គ្រួសារ​ស្មើ​នឹងមនុស្ស១,៨៧៦នាក់ រស់នៅ​ក្នុងឃុំ​ចំនួន៣​ នៃ​ស្រុក​សៀមបូក​ និងស្រុក​ថាឡាប​រិវ៉ាត់​ ដែលពិធីនេះ​ធ្វើនៅ​ភូមិរំដេង​ ឃុំចំការលើ​ ស្រុកថាឡាបរិវ៉ាត់​ ខេត្តស្ទឹងត្រែង​។

 

ក្នុងឱកាស​ប្រគល់​អណ្តូងទឹក​ទាំងនោះ ​លោកជំទាវ​ ម៉ែន​ នារីសោភ័គ​ អគ្គលេខាធិការរងទី​១ កាកបាទក្រហមកម្ពុជា ​បានពាំនាំ​ប្រសាសន៍​ សម្តេច​កិត្តិព្រឹទ្ធបណ្ឌិត​ ប្រធាន​កាកបាទក្រហម​កម្ពុជា​ ដែល​ផ្តាំផ្ញើ​សួរ​សុខទុក្ខ​ ក្តីនឹក​រលឹក​ជូនលោកយាយ​លោកតា​ និងសូមផ្តាំ​ផ្ញើឱ្យ​យកចិត្តទុក​ដាក់ថែទាំ​សុខភាព​ឱ្យបានល្អ ​ពិសេស​ត្រូវបរិភោគ​ទឹកដាំពុះ ​និងចូលរួម​ដាំដំណាំ ​ឬបន្លែ​ផ្សេងៗ​នៅក្បែរ​អណ្តូង​ ដើម្បីជាប្រយោជន៍​ដល់គ្រួសារ​ និងសហគមន៍​ ហើយត្រូវ​ថែរក្សា​រាល់សមិទ្ធផល​ទាំងនេះ​ឱ្យបានគង់វង្ស​យូរអង្វែង។

 

លោកយាយ​លោកតា​ដែលមក​ចូលរួម​ក្នុងពិធី​សម្ពោធ​អណ្ដូង​ទឹកនេះ​បានសំដែង​នូវក្តីរំភើប​រីករាយដោយបាន​ការយកចិត្ត​ទុកដាក់ពី​ សម្តេច កិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជួយដោះស្រាយ​បញ្ហាទឹក​ស្អាតជូន​ប្រជាពលរដ្ឋ​ខ្វះខាតទឹក​ប្រើប្រាស់​ ហើយដែល​ពួកគាត់មិន​ពិបាកទៅរែក​ទឹកអូរនៅ​ឆ្ងាយផ្ទះ​ ឬចំណាយ​ថវិកាទិញទឹក​គេដូចមុន​ទៀតឡើយ។

ជាមួយគ្នានេះ​ កាកបាទក្រហម​កម្ពុជា​ នៅបានផ្តល់​អំណោយ​មនុស្សធម៌​ជូនចាស់ៗ​

 

ជនពិការ​ និងកុមារកំព្រា​ ចំនួន៨១គ្រួសារ​ មកពីភូមិរំដេង​ និងភូមិចំការលើ​នៃឃុំចំការលើ​ ដែលក្នុងមួយគ្រួសារៗទទួលបាន​៖​ អង្ករ​ ៣០គីឡូក្រាម​ មី​១កេស​ ត្រីខ​១០កំប៉ុង​ អាហារវីតាមីន​ ២កញ្ចប់​ មុង​១​ ភួយ​១​ សារុង​១​ ក្រមា​១​ និងថវិកា​២០.០០០រៀល៕

 

ប្រជាជនចាស់ជរាគ្មានទីពឹងនៅភូមិកំពង់រទេះក្រុងស្ទឹងសែនទទួលអំណោយមនុស្សធម៌

សាខាកក្រក​ខេត្តកំពង់ធំ​ ៖​នាព្រឹក​ថ្ងៃទី​១៧ ​ខែមិ​នា ​ឆ្នាំ២០១៧​ លោកជំទាវ​ ឃួន ឃុនឌី​ ប្រធាន​គណៈកម្មាធិការ​ ស្តីទី​សាខា​កាកបាទក្រហម​កម្ពុជា​ខេត្ត​កំពង់ធំ​ អម​ដំណើរ​ជាមួយ​មន្រ្តី​ប្រតិបត្តិ​សាខា ​លោកស្រី​អនុប្រធាន​អនុសាខា​ក្រុង​ស្ទឹងសែន​បានចុះ​សួរសុខទុក្ខ​ និងនាំ​យកអំណោយ​ ទៅចែក​ជូន​លោកយាយ ចាស់​ជរា​និង​មាន​ជំងឺ​ចំនួន២គ្រួសារ​ ដែល​មាន​ទីលំនៅ​ភូមិ​កំពង់រទេះ សង្កាត់កំពង់រទេះ ក្រុងស្ទឹងសែន។

 

នាឱកាស​នោះដែរ​ លោកស្រី បានពាំនាំ​មក​នូវ​ប្រសាសន៍​ផ្តាំផ្ញើ​សួរសុខទុក្ខ​និង​ក្ដីនឹក​រលឹក​ពីសំណាក់​សម្តេច​កិត្តិព្រឹទ្ធ​បណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា​ ដែលជា​និច្ចកាល​ សម្ដេច​តែងតែគិតគូ​សុខទុក្ខ​ប្រជាពលរដ្ឋ​ក្រីក្រ ​ដែលមាន​ទុក្ខលំបាក ជនរងគ្រោះ ​ជនងាយ​រងគ្រោះ ​គ្រប់ប្រភេទ​ ដោយមិន​ប្រកាន់​រើសអើង​ វណ្ណៈ ជាតិសាសន៍ ពណ៍សម្បុរ ឬនិន្នាការនយោបាយអ្វីឡើយ។

 

សម្ភារះចែក​ជូន ក្នុង១គ្រួសារទទួលបាន : អង្ករ៣០គីឡូ មី១កេស ត្រីខ១យួ មុង១ ភួយ១ សារុង១ ក្រមា១ និងថវិការមួយចំនួន។

គ្រួសាររងគ្រោះដោយអគ្គិភ័យនៅភូមិជោគជ័យស្រុកឆែបទទួលអំណោយមនុស្សធម៌

សាខាកក្រក​ខេត្តព្រះវិហារ៖​នៅថ្ងៃទី​១៧ ​ខែមីនា ​ឆ្នាំ២០១៧​ លោក​ ជា ផាន់រ៉ា​ ប្រធា​នគ​ណៈកម្មាធិការ​​ អនុ​សាខា​កាកបាទក្រហម​កម្ពុជា​ស្រុកឆែប​ បានចុះសួរ​សុខទុក្ខ​និង​នាំយក​អំណោយ​មនុស្សធម៌​ផ្តល់​ជូនគ្រួសារ​រងគ្រោះ​ដោយភ្លើង​ឆេះផ្ទះកាលពី​វេលា​ម៉ោង៣ រសៀលថ្ងៃទី១៦ ខែមីនា ឆ្នាំ២០១៧ ចំនួន១ គ្រួសារ​ស្ថិតនៅ​ភូមិជោគជ័យ ឃុំសង្កែពីរ ស្រុកឆែប ខេត្តព្រះវិហារ។

 

នាឱកាស​នោះដែរ លោក​ប្រធាន​គណៈកម្មាធិការ​អនុសាខា​កាកបាទក្រហម​កម្ពុជា​ស្រុកឆែប​ បានសម្តែងនូវ​ការសោកស្តាយ​ដល់​គ្រួសារ​រងគ្រោះ​ ដែលបាន​ជួបគ្រោះថ្នាក់​ដែលមិន​នឹកស្មាន​ដល់ធ្វើ​អោយបាត់បង់ផ្ទះ ​និងសម្ភារ​ប្រើប្រាស់​ផ្សេងៗ​ជាច្រើន ហើយ​លោកក៏​បានផ្តាំផ្ញើ​ដល់ប្រជាពលរដ្ឋ​ទាំងអស់​ត្រូវប្រុងប្រយ័ត្ន​គ្រោះថ្នាក់ផ្សេងៗ​ដែលកើត​ឡើង​ជាយថាហេតុ ។

 

សម្ភារ​ផ្តល់ជូន​រួមមាន ៖ អង្ករ២០គីឡូក្រាម ត្រីខ១០កំប៉ុង មី១កេស ទឹកស៊ីអីវ១ យួរ ខោអាវ២ កញ្ចប់ កៅស៊ូតង់១ សារុង១ មុង១ ភួយ១ ក្រមា១ និងថវិការមួយចំនួន។

 

First Prev 55 56 57 58 59 Next Last