អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

សាខាកាកបាទក្រហមកម្ពុជាខេត្តកំពង់ស្ពឺ ចុះសួរសុខទុក្ខ ប្រជាពលរដ្ឋងាយរងគ្រោះបំផុតនៅ ស្រុកឱរ៉ាល់ ខេត្តកំពង់ស្ពឺ

កក្រក​ ៖​ នៅថ្ងៃពុធ ទី​ ២៤​ ខែកក្កដា​ ឆ្នាំ២០១៩​ នេះ​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ប្រធាន​កាកបាទក្រហមកម្ពុជា​ បានចាត់ឱ្យ​ លោកជំទាវ​ ម៉ែន​ នារី​សោភ័គ​ អគ្គលេខាធិការរងទី​ ១​ កាកបាទក្រហមកម្ពុជា​ និងសហការី​ រួមជាមួយសាខាកាកបាទ​ក្រហមកម្ពុជា​ខេត្តកំពង់ស្ពឺ​​ អនុសាខាកាកបាទក្រហមកម្ពុជា​ស្រុកឱរ៉ាល់​ ចុះសួរសុខទុក្ខ​ និងផ្តល់អំណោយមនុស្សធម៌​សម្រាលការ​លំបាកជូនប្រជាពលរដ្ឋងាយ​រងគ្រោះបំផុតចំនួន​ ២៩១គ្រួសារ​ ដែលកំពុងរស់នៅលើដី​សម្បទានសង្គមកិច្ច​ក្នុងភូមិព្រៃធំ​ ឃុំរស្មីសាមគ្គី​ ស្រុក​ឱរ៉ាល់ ខេត្តកំពង់ស្ពឺ។

ក្នុងឱកាសជួប​សំណេះសំណាលជា​មួយប្រជាពលរដ្ឋទាំងអស់​ ​លោកជំទាវ​អគ្គលេខាធិការរងទី​ ១​ បានពាំនាំនូវប្រសាសន៍របស់​សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន ដែលផ្ដាំផ្ញើសួរសុខទុក្ខ​ ក្តីនឹករលឹក​ អាណិតស្រឡាញ់​យ៉ាងជ្រាលជ្រៅ​ និងតែងតែចាត់​ឱ្យមន្ត្រីក្រោមឱវាទ​ចុះជួបដោយផ្ទាល់ជាមួយប្រជាពលរដ្ឋងាយរងគ្រោះ​បំផុតពិតប្រាកដ​ដែលត្រូវការឱ្យជួយជាចាំបាច់​។

ជាមួយនឹងការគិតគូរ​ជួយសម្រាលការលំបាកក្នុងជីវភាព​ និងលេីកទឹកចិត្តឱ្យខិតខំបង្កបង្កេីនផលលេីកកម្ពស់ជីវភាពគ្រួសារ​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ប្រធានកាកបាទក្រហមកម្ពុជា​ ថែមទាំងបាន​អំពាវនាវដល់​ប្រជាពលរដ្ឋ​ទាំង​អស់​គិតគូរពីបញ្ហាសុខភាព​ អនាម័យ​ ពិសា​ទឹកដាំឆ្អិន បរិភោគស្អាត​ និងបង្ការ-ទប់ស្កាត់ជំងឺគ្រុនឈាម​-គ្រុនចាញ់។ ចំពោះស្ត្រីមានផ្ទៃពោះ​ ត្រូវពិនិត្យផ្ទៃពោះឱ្យបានទៀងទាត់​ និងទៅសម្រាលកូន​នៅមណ្ឌលសុខភាព​ដែលនៅជិតបំផុត។ សូមប្រជាពលរដ្ឋទាំងអស់​គិតគូរពី​សុវត្ថិភាពរាល់​ពេលធ្វើដំណើរ​ ជៀសវាងគ្រោះថ្នាក់​ចរាចរណ៍​ដែល​ជាបញ្ហាអាទិភាពកេីតមានរាល់ថ្ងៃនេះ​ និងចូលរួមអនុវត្ត​ភូមិឃុំមានសុវត្ថិភាព​ ដោយជៀសវាងការ​ប្រេីប្រាស់គ្រឿងញៀន​ គ្រឿងស្រវឹង​ និងល្បែងស៊ីសងគ្រប់ប្រភេទ។

បន្ទាប់ពីកម្មវិធីខាងលេីនេះ​ ក្រុមការងារសាខា​កាកបាទក្រហមកម្ពុជា​ បានបន្តចុះសួរសុខទុក្ខដល់គេហដ្ឋាន​ និងផ្តល់អំណោយ​ជូនដល់ចាស់ឥតទីពឹង​ និងពិការចំនួន​ ៣គ្រួសារ​ ដែលរស់នៅក្នុងឃុំរស្មីសាមគ្គីនោះផងដែរ។

អំណោយដែលបានចែក​ជូនគ្រួសារនីមួយៗរួមមាន ៖​ អង្ករ​ ៣០គីឡូក្រាម​ មី១កេស​ ត្រីខ​ ១០កំប៉ុង​ ឃីត១​ (មុង​ ភួយ​ សារុង​ ក្រមា​ អាវយឺត​)​ និងថវិកា​ចំនួន​ ២ម៉ឺនរៀល។ ដោយឡែក​ សាខាកាកបាទក្រហមកម្ពុជា​ ខេត្តកំពង់ស្ពឺ​ បានឧបត្ថម្ភក្នុងម្នាក់​ៗ​ នំប៉័ង​ ១ដេីម​ និងទឹកសុទ្ធ​ ១ដប។ ទន្ទឹមនឹងនោះ​ គណៈប្រតិភូ​សាខាកាកបាទក្រហមកម្ពុជា​ ក៏បាន​នាំយកទេយ្យទាន និងបច្ច័យមួយចំនួន ប្រគេនព្រះសង្ឃដែលគង់ចាំព្រះវស្សានៅវត្តធម្មត្រ័យទៀតផង៕

យុវជនកាកបាទក្រហមកម្ពុជា ខេត្តសៀមរាបអប់រំផ្សព្វផ្សាយសុវត្ថិភាពចរាចរណ៍ នៅស្រុកប្រាសាទបាគង

សាខាកាកបាទ​ក្រហមកម្ពុជាខេត្ត​សៀមរាប៖ នៅព្រឹកថ្ងៃអង្គារ ៧ រោច ខែ អាសាឍឆ្នាំកុរ ឯកស័ក ពស ២៥៦៣ ត្រូវនិង ថ្ងៃ ទី ២៣ខែកក្កដាឆ្នាំ ២០១៩ គម្រោង​ពិការភាព​ និងសុវត្ថិភាព​ចរាចរណ៍ បានសហការ​ជាមួយក្រុមតន្រ្តី​ជនពិការ និងមន្រ្តីនគរបាល​ អធិការស្រុក​ប្រាសាទបាគង រួមទាំង​យុវជនកាកបាទក្រហមកម្ពុជា ​បានចុះអប់រំផ្សព្វផ្សាយ​សុវត្ថិភាពចរាចរណ៍ ​ដល់យុវសិស្សពិកា​រ សមាជិកយុវជនកាកបាទក្រហមកម្ពុជា​ យុវកាយរិទ្ធ និងសិស្សានុសិស្ស​សរុបអ្នកចូលរួមសរុប​ចំនួន ៤១២នាក់ ស្រី ២៥០នាក់ ក្នុងសកម្មភាព ​ផ្សព្វផ្សាយអម​ដោយក្រុមតន្ត្រីជនពិការ ​ហើយមានចែកខិត​ប័ណ្ណសុវត្ថិភាព​ចរាចរណ៍ ផ្សព្វផ្សាយព័ត៌មាន​ពីស្ថានភាពគ្រោះថ្នាក់ចរាចរណ៍​ វិធីពាក់មួកឱ្យ​បានត្រឹមត្រូវចែក​ខិតប័ណ្ណស្តីពីស្លាកសញ្ញាចរាចរណ៍​សំខាន់ៗ សារ​សុវត្ថិភាព ថ្ងៃនេះថ្ងៃស្អែក​កុំឱ្យមានគ្រោះថ្នាក់ចរាចរណ៍​ ផងដែរ។

យុទ្ធនាការអប់រំផ្សព្វផ្សាយ ស្តីពីការបង្ការ និងការពារជំងឺគ្រុនឈាម នៅភូមិព្រែកស្តី និង ភូមិព្រែកប៉ុក ឃុំព្រែកស្តី ស្រុកកោះធំ

សាខា កក្រក ខេត្តកណ្តាល ៖ នៅព្រឹកថ្ងៃអង្គារ ៧រោច ​ខែអាសាឍ ឆ្នាំកុរ ឯកស័ក ព.ស. ២៥៦៣ ​ត្រូវនឹងថ្ងៃទី២៣ ខែកក្កដា ឆ្នាំ២០១៩ សាខាកាកបាទក្រហមកម្ពុជា​ខេត្ត សហការជាមួយមន្ទីរសុខាភិបាលខេត្ត បានរៀបចំ ​ពិធីបើកយុទ្ធនាការអប់រំផ្សព្វផ្សាយ ស្តីពីការបង្ការ​ និងការពារជំងឺគ្រុនឈាម ​នៅភូមិព្រែកស្តី និង​ ភូមិព្រែកប៉ុក ឃុំព្រែកស្តី ស្រុកកោះធំ ។ ពិធីនេះប្រព្រឹត្តទៅក្រោម​អធិបតីភាពឯកឧត្តម គង់ សោភ័ណ្ឌ​ ប្រធានគណៈកម្មាធិការសាខា តំណាងឯកឧត្តមបណ្ឌិត ​ម៉ៅ ភិរុណ ប្រធានកិត្តិយសសាខា​ ព្រមទាំង មានការអញ្ជើញ​ចូលរួមពីសមាជិកគណៈកម្មាធិការសាខា ក្រុម​ប្រតិបត្តិសាសាខា មន្ទីរសុខាភិបាល ​ខេត្ត-ស្រុក មន្ត្រីសាលាស្រុក​ អនុសាខាស្រុក មេឃុំ មណ្ឌលសុខភាព​ទូទាំងស្រុក យុវជនកាក បាទក្រហម​ អ្នកស្ម័គ្រចិត្ត កាយឫទ្ធិ​ សហភាពសហព័ន្ធ​យុវជនកម្ពុជា សិស្សានុសិស្ស សរុបចំនួន ៣៣៥ នាក់ ​នៅក្នុងបរិវេណវត្ត​ព្រែកស្តី ។ មានប្រសាសន៍​សំណេះសំណាលក្នុងពិធីបើកយុទ្ធនាការ ឯកឧត្តម ​គង់ សោភ័ណ្ឌ ក្នុងនាមឯកឧត្តម​បណ្ឌិតប្រធានកិត្តិយស​សាខា បាននាំមកនូវការផ្តាំផ្ញើ សួរសុខទុក្ខពីសម្តេចកិត្តិព្រឹទ្ធបណ្ឌិត ​ប៊ុន រ៉ានី ហ៊ុនសែន​ ប្រធានកាកបាទក្រហមកម្ពុជា ដោយសេចក្តី នឹករឭកជាទីបំផុត ។ បន្ទាប់ពី​ការជួបជុំបើកយុទ្ធនា​ការចប់សព្វគ្រប់ ក្បួនយុទ្ធការ​បានចុះធ្វើសកម្មភាព រៀងៗខ្លួនក្នុងភូមិគោលដៅ២ឝឺ៖​ ភូមិព្រែកស្តី និងភូមិព្រែកប៉ុក ​ដោយទទួលបានលទ្ធផល​ដូចខាង ក្រោម ៖ 


១-បានប្រើប្រាស់រថយន្ត​ចល័ត១គ្រឿង ចុះផ្សព្វផ្សាយ​ជាសារធាណៈ ស្តីពីការបង្ការ​ និងការពារ ជំងឺគ្រុនឈាម តាមភូមិប្រជាពលរដ្ឋ​នៅទូទាំងឃុំព្រែកស្តី ។
២-ក្រុមសំអាតបរិស្ថាន ​បានចុះធ្វើអនាម័យបរិស្ថានក្នុង​ភូមិព្រែកស្តី និងភូមិព្រែកប៉ុក ​ដែល មានសមាសភាពចូលរួមសរុប​ចំនួន ១៩៨ នាក់ ។ 
៣-ក្រុមដាក់ថ្នាំអាបេតក្នុង​ពាង និងអាងទឹកតាមខ្នង​ផ្ទះប្រជាពលរដ្ឋទាំងពីរភូមិ​ សមាសភាព សរុបចំនួន ១៣៧ នាក់ ។ ចំពោះលទ្ធផល​នៃការដាក់អាបេត​បានចំនួន ៧៦៣ ខ្នងផ្ទះ ស្មើនឹង ៣,៤៦៥ ពាង / អាងទឹក ។
៤-មន្ត្រីសុខាភិបាលខេត្ត ​បានបាញ់ថ្នាំសម្លាប់មូស ​នៅក្នុងភូមិព្រែកស្តី ​និងភូមិព្រែកប៉ុក ​និងនៅក្នុងបរិវេណវិទ្យាល័យហ៊ុនសែន​កោះធំ ៕

ពិធីប្រកាសទទួលស្គាល់គណៈកិត្តិយស គណៈកម្មាធិការអនុសាខា កាកបាទក្រហមកម្ពុជា ស្រុកលំផាត់

សាខាកក្រកខេត្តខេត្តរតនគិរី ៖ នៅព្រឹកថ្ងៃទី ២៣ ខែកក្កដា ​ឆ្នាំ២០១៩ នេះ សាខាកាកបាទ​ក្រហមកម្ពុជា រតនគិរី បានរៀបចំ​ពិធីប្រកាសទទួលស្គាល់​គណៈកិត្តិយស គណៈកម្មាធិការ​អនុសាខា កាកបាទក្រហម​កម្ពុជា ស្រុកលំផាត់ ក្រោមអធិបតីភាព ​ឯកឧត្តម គិត ទ្រី អនុ​ប្រធានគណៈកម្មាធិការសាខា ​និងជាតំណាង ដ៏ខ្ពង់ខ្ពស់ ឯកឧត្តម​ ថង សាវុន ប្រធានគណៈកម្មាធិកា​សាខា កាកបាទក្រហម​កម្ពុជា ខេត្តរតនគិរី ​ដោយមានការ អញ្ជើញ​ចូលរួមពី ឯកឧត្តម ​លោកជំទាវ លោក លោកស្រី សមាជិក ​សមាជិកា គណៈកម្មាធិការ​សាខា អនុសាខា និងអង្គភាព​ពាក់ព័ន្ធ សរុបប្រមាណ ​៤៨នាក់ ស្រី០៨នាក់។

ក្នុងឱកាសនោះ លោក ស៊ឹង សុខនី ​អនុប្រធានគណៈកម្មាធិការ​អុនសាខា បានថ្លែងថា ​ពិធីប្រកាសតែងតាំងគណៈកិត្តិយសសាខា ​និងគណៈកិត្តិយស​អនុសាខាកាកបាទ​ក្រហមកម្ពុជាស្រុកលំផា​ត់នៅថ្ងៃនេះ សរុបចំនួន ១៩ នាក់ ស្រី ០១នាក់ រួមមាន​ គណៈកិត្តិយស​សាខាអនុសាខា ៧ នាក់ និង គណៈកម្មាធិការ ​អនុសាខា ១១ នាក់ ក្នុងនោះអនុសាខា​ក៍បានរៀបចំអោយមាន​ក្រុមកាកបាទក្រហម​ ចំនួន ៣០នាក់ ស្រី ០៥ នាក់ ក្នុង០៦ឃុំនៃ​ស្រុកលំផាត់។ ពិធីប្រកាស​នាពេលនេះ គឺជាពិធីមួយដែលមាន​អត្ថន័យលើក​កម្ពស់តួនាទីរបស់អនុសាខា​កាកបាទក្រហមកម្ពុជា ស្រុកក្នុងការបំពេញ​ការងារមនុស្សធម៌ជួយជន​ងាយរងគ្រោះ និងជនរងគ្រោះ​ដោយគ្រោះមហន្តរាយ​ផ្សេងៗនៅតាម​មូលដ្ឋានអោយកាន់តែមាន​ភាពល្អប្រសើរឡើង ។ ទន្ទឹមនឹងនោះ ​លោកបានធ្វើការ​ប្តេជ្ញាចិត្តយ៉ាងមុត​មាំថា "បន្តគាំទ្រ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានកាកបាទក្រហមកម្ពុជា ​ឯកឧត្តម ថង សាវុនជាប្រធាន​គណៈកម្មាធិកាសាខាខេត្ត នៅ​អាណត្តិក្រោយៗទៀត ​ដើម្បីបានបន្តដឹកនាំបេសកកម្ម​មនុស្សធម៌ឱ្យកាន់តែរីកចម្រើន​ថែមទៀត និងគោរព​យ៉ាងខ្ជាប់ខ្ជួននូវ​គោលការណ៍គ្រឹះទាំង ៧ នៃចលនាអន្តរជាតិ​កាកបាទក្រហម​ អឌ្ឍចន្ទក្រហម គឺ ភាពមនុស្សធម៌ ​ភាពមិនលំអៀង អព្យាក្រឹតភាព​ ឯករាជ្យភាព សេវាកម្មស្ម័គ្រចិត្ត​ ឯកភាព និងសកលភាព"។

មានប្រសាសន៍សំណេះសំណាលក្នុងឱកាសនោះ ឯកឧត្តម​ គិត ទ្រី អនុប្រធានគណៈកម្មាធិការសាខា បានពាំនាំនូវប្រសាសន៍ផ្ដាំផ្ញើសួរសុខទុក្ខ ​ការកោតសរសើរ និងអំណរគុណយ៉ាងជ្រាលជ្រៅ​ពី សម្ដេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជា, ឯកឧត្តម​ប្រធានគណៈកម្មាធិកាសាខាជូន​ចំពោះសមាជិកសមាជិកាសាខា-អនុសាខា អង្គភាពនានា​ អាជ្ញាធរខេត្តគ្រប់លំដាប់ថ្នាក់ ​ទាំងអស់ដែលតែងតែផ្តល់​នូវការយកចិត្តទុកដាក់ និងផ្តល់កិច្ចសហប្រតិបត្តិការ​ជួយសម្រួលគ្រប់បែបយ៉ាងដល់​សកម្មភាពរបស់សាខា​កាកបាទក្រហមកម្ពុជា ខេត្ត និងអនុសាខា ។ ជាមួយគ្នានោះ ​ឯកឧត្តម បានផ្តាំផ្ញើជូន​គណៈអភិបាលអនុសាខា​គ្រប់ជាន់ថ្នាក់ សូមមេត្តាបន្តរក្សាពង្រឹង​សាមគ្គីភាពឱ្យបានជិតស្និទ្ធ ​និងសុខដុមនីយកម្ម រវាងសាខា​ អនុសាខា និងអង្គភាពពាក់ព័ន្ធននា ដើម្បីរក្សាបា​ននូវកម្លាំងសរុប និងមធ្យោបាយ​សរុប បន្តដឹកនាំសាខា​ អនុសាខា អនុវត្តសកម្មភាព សម្រាលរាល់ទុក្ខ​លំបាករបស់ជនរងគ្រោះ​ និងងាយរងគ្រោះ តាមវិស័យ​មនុស្សធម៌ អោយទទួលបានជោគជ័យ ពោលគឺផ្តល់​នូវភាពកក់ក្តៅដល់ជនរងគ្រោះ ​និងងាយរងគ្រោះស្រប​តាម ប្រធានបទ "កាកបាទក្រហម​កម្ពុជាមានគ្រប់​ទីកន្លែង សម្រាប់គ្រប់ៗគ្នា ​មិនទុកនរណាម្នាក់ចោល"៕

 

យុទ្ធនាការអប់រំផ្សព្វផ្សាយសហគមន៍ ស្តីពីការបង្ការ និងការពារជំងឺគ្រុនឈាម និងសម្អាតបរិស្ថាន នៅ ខេត្តព្រៃវែង

សាខាកក្រក ខេត្តព្រៃវែង​ ៖ នៅថ្ងៃអង្គារ ៧រោច ខែអាសាឍ ​ឆ្នាំកុរ ឯកស័ក ព.ស. ២៥៦៣​ ត្រូវនឹង ថ្ងៃទី២៣ ខែកក្កដា ឆ្នាំ២០១៩ លោកស្រី ​អ៊ុក មាសសូលីណា ​នាយិកាសាខា បានចាត់អោយ​ មន្តី្រការិ.សុខភាព និងគ្រប់គ្រងគ្រោះមហន្តរាយ​ចំនួន ០២រូប អនុសាខា​ក្រុងព្រៃវែង អាជ្ញាធរភូមិ​-សង្កាត់ យុវជន​កាកបាទក្រហមកម្ពុជា និងអ្នកស្ម័គ្រចិត្ត សរុប​ចំនួន ៦៧នាក់ ស្រី ៣៥នាក់ បានចុះ​ធ្វើយុទ្ធនាការអប់រំផ្សព្វផ្សា​យសហគមន៍ ស្តីពីការបង្ការ និងការពារជំងឺគ្រុនឈាម​ និងសម្អាតបរិស្ថាន ​នៅក្នុងភូមិ០១ ​សង្កាត់កំពង់លាវ ក្រុងព្រៃវែង ខេត្តព្រៃវែង។

យុទ្ធនាការនេះធ្វើឡើង​ដើម្បីអប់រំផ្សព្វផ្សាយ​នូវសារមួយចំនួន​ដល់ប្រជាពលរដ្ឋដូចជា៖

១.ត្រូវរួមគ្នាជួយ​កំចាត់ប្រភពមូសខ្លា​តាមរយៈការកាប់ឆ្ការព្រៃ ​បំបាត់កុំឲ្យមានវត្ថុដក់ទឹកនៅក្នុង ​ឬជិតផ្ទះ ត្រូវលាងសំអាតពាង ​ឫអាងទឹក។ល។

២. ការពិនិត្យដង្កូវទឹកក្រោយ​ពេលដាក់ថ្នាំអាបែត​បំបាត់ដង្កូវទឹក​តើមានដង្កូវទឹកនៅក្នុង​ពាងឬអាងដែរឬទេ។

គ្រប់ករណីសង្ស័យមានជំងឺគ្រុនឈាម ​មិនត្រូវសាកល្បងព្យាបាល​ដោយខ្លួនឯង ឬ​ការប្រើប្រាស់ថ្នាំប្រភេទ ​អាស្ពីរីនឬអ៊ីប៊ុយ​ប្រ៉ូហ្វែន ជាដាច់ខាត​ និងមិនត្រូវស្វែងរក ​សេវាថែទាំសុខភាព​ណា ដែលមិនមាន​ជំនាញវិជ្ជាជីវៈ ធ្វើការពិនិត្យព្យាបាល​ជំងឺគ្រុនឈាមនោះ​ឡើយ៕

 

សាខាកាកបាទក្រហមកម្ពុជាខេត្តស្វាយរៀង ចុះសួរសុខទុក្ខ គ្រួសាររងគ្រោះដោយសារខ្យល់កន្ត្រាក់ នៅឃុំព្រៃគគីរ និងនៅឃុំព្រៃតាអី

 

សាខាកក្រកខេត្តស្វាយរៀង៖ នៅថ្ងៃអង្គារ ​៧រោច ខែអាសាឍ​ ឆ្នាំកុរ ឯកស័ក ព.ស២៥៦៣ ​ត្រូវនឹងថ្ងៃទី ២៣ ខែ កក្កដា ឆ្នាំ ២០១៩​ ឯកឧត្តម ម៉ែន វិបុល​ ប្រធានគណៈកម្មាធិការសាខា​កាកបាទក្រហមកម្ពុជាខេត្តស្វាយរៀង បានចាត់​ឲ្យក្រុមការងារសាខាដឹកនាំ​ដោយលោកជំទាវ ​ភួង សារី លេខាគណៈកម្មាធិការសាខា​ នាំយកអំណោយ​មនុស្សធម៌ ចុះសួរសុខទុក្ខ​ និងចែកអំណោយ​ដល់គ្រួសាររងគ្រោះដោយសារខ្យល់កន្ត្រាក់​កាលពីថ្ងៃទី ២២ ខែ កក្កដា ឆ្នាំ ២០១៩ នៅឃុំត្នោត​ ស្រុកកំពង់រោទិ៍ រងគ្រោះធ្ងន់ ៤ ខ្នង ខូចខាតស្រាល ៧ ខ្នង នៅឃុំព្រៃគគីរ ​ស្រុកចន្ទ្រា រងគ្រោះធ្ងន់ ១ ខ្ន​ង និងនៅឃុំព្រៃតាអី ស្រុកស្វាយទាប រងគ្រោះ​ដោយសារអគ្គីភ័យ ១ ខ្នង សរុប ១៣ ខ្នង ។ 


នាឱកាសនោះលោកជំទាវ ​ភួង សារី បាននាំមកនូវប្រសាសន៍​ផ្តាំផ្ញើរសាកសួរសុខទុក្ខ​ពីសំណាក់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន​ ប្រធានកាកបាទក្រហម​កម្ពុជា ដែលជានិច្ចកាល​សម្តេចតែងតែយកចិត្តទុកដាក់ គិតគូរពី​សុខមាលភាពប្រជាពលរដ្ឋទូទៅ ​ដោយមិនប្រកាន់និន្នាការ​នយោបាយអ្វីឡើយ ។ ជាមួយគ្នានេះ​ លោកជំទាវ បានលើកទឹកចិត្តសូម​កុំអស់សង្ឃឹម ហើយប្រឹងប្រែង​បំពេញការងារ និងប្រកបរបរចិញ្ចឹមជីវិត​ ដើម្បីស្តារសេដ្ឋកិច្ច​គ្រួសារឡើងវិញ ។ លោកជំទាវ បានលើកឡើងពីការខិតខំប្រឹងប្រែង​របស់កាកបាទក្រហមកម្ពុជា ​ក្នុងការជួយដល់ប្រជាពលរដ្ឋ​នៅពេលជួបគ្រោះមហន្តរាយផ្សេងៗ ពោលគឺទីណាមាន​ការលំបាកទីនោះ​មានវត្តមានកាកបាទក្រហម​កម្ពុជាចុះជួយជានិច្ច ។ 


អំណោយដែលបានចែកជូន​គ្រួសាររងគ្រោះដោយសារ​អគ្គីភ័យទទួលបាន ៖ អង្ករ ៥០ គ.ក្រ ក្រណាត់កៅស៊ូតង់ ១ ធុងទឹកជ័រ ១ ឆ្នាំងបាយ-សម្ល ២ មី ១ កេស ត្រីខ ១០ កំប៉ុង ទឹកត្រី ៦ ដប ១ កន្ទេលបត់ ១ ឃីត ១ កញ្ចប់ (ភួយ មុង សារុង ក្រមា) និងថវិកា ៤០០,០០០ រៀល ។
គ្រួសាររងគ្រោះដោយសារ​ខ្យល់កន្ត្រាក់ ១២ គ្រួសារ​៖ សម្រាប់គ្រួសាររងគ្រោះធ្ងន់ ​ទទួលបាន អង្ករ ៣០ គក្រ មី ១ កេស ត្រីខ ១០ កំប៉ុង ទឹកត្រី ៦ ដប ធុងទឹកជ័រ ១ ឆ្នាំងបាយ-សម្ល ២ ក្រណាត់​កៅស៊ូតង់ ១ កន្ទេលបត់ ១ ឃីត ១ កញ្ចប់ (ភួយ មុង សារុង ក្រមា) និងថវិកា ២០០,០០០ រៀល ។ សម្រាប់គ្រួសាររងគ្រោះស្រាល ទទួលបានថវិកា ៥០,០០០ រៀល សម្រាប់ទិញ​សម្ភារជួសជុលផ្ទះឡើងវិញ ៕

យុវជនកាកបាទក្រហមកម្ពុជា ចុះជួយសម្រួលចរាចរណ៍នៅតាមគោលដៅនៅខេត្តព្រះសីហនុ

សាខាកក្រកខេត្ត​ព្រះសីហនុ ៖ កាលពីថ្ងៃអាទិត្យ​ ៥រោច ខែអាសាឍ​ ឆ្នាំកុរ ឯកស័ក ព.ស.២៥៦៣​ ត្រូវនឹងថ្ងៃទី ២១ ខែកក្កដា ឆ្នាំ២០១៩ ​សាខាកាកបាទក្រហមកម្ពុជា​ ខេត្តព្រះសីហនុ បាន​ដឹកនាំកម្លាំង​យុវជនកាកបាទក្រហមកម្ពុជា ​ចុះជួយ​សម្រួលចរាចរណ៍នៅ​តាមគោលដៅចំនួន​៣កន្លែងរួមមាន ស្តុប​ផ្សារពាណិជ្ជកម្ម ​ស្តុបកាល់តិច និង​ស្តុបផ្សារលើ ​ដែលមានការចូលរួម​សម្របសម្រួលពីមន្ត្រីសាខា ​កងកម្លាំងប៉ូលីសចរាចរណ៍ខេត្ត គ្រូទីប្រឹក្សា ​និងយុវជន​កាកបាទក្រហមកម្ពុជា ​សរុបចំនួន ៤១នាក់ (ស្រី ២២នាក់) ស្ថិត​ក្នុងព្រះសីហនុ។

ការចុះជួយ​សម្រួលចរាចរណ៍នេះ ​ធ្វើឡើងក្នុងគោលបំណង​ជួយផ្សព្វផ្សាយដល់សាធារណជន​ទូទៅ ដើម្បីយល់ដឹងជាមូលដ្ឋានអំពីច្បាប់ចរាចរណ៍​ផ្លូវគោកនៃព្រះរាជាណាចក្រ​កម្ពុជា និងដើម្បីចូលរួម​កាត់បន្ថយនូវអត្រារងគ្រោះថ្នាក់ផ្សេងៗ​ ដែលបណ្តាល​មកពីការបើកបរ​ខ្វះការប្រុងប្រយ័ត្ន ​និងបើកបរត្រូវមាន​សុជីវធម៌ សីលធម៌ ចេះយោគយល់​អធ្យាស្រ័យគ្នាទៅវិញ​ទៅមក ដើម្បីចៀសវាង​នូវគ្រោះថ្នាក់ ចរាចរណ៍​ដែលអាចកើតឡើងជាយថាហេតុ ​និងជាពិសេសក្នុង​ន័យសំដៅរួមគ្នាធ្វើឱ្យ​ចរាចរណ៍ក្នុងខេត្ត ក៏ដូចជាក្នុង​ប្រទេសយើងទាំងមូលមានរបៀបរៀប​រយ និងធ្វើដំណើរ​ប្រកបដោយសុវតិ្ថភាព៕

 

ពិធីអបអរសាទរខួបលើកទី១៥៦ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភានៅខេត្តបាត់ដំបង

(សាខាកក្រកខេត្តបាត់ដំបង) ថ្ងៃសៅរ៍ ៤ រោច ខែអាសាឍ ឆ្នាំកុរឯកស័ក ពុទ្ធសក​រាជ ២៥៦៣ត្រូវនឹងថ្ងៃទី២០ ខែកក្កដា​ ឆ្នាំ២០១៩សម្ដេចក្រឡាហោម ស ​ខេង ឧបនាយករដ្ឋមន្ដ្រី រដ្ឋមន្ត្រី​ក្រសួង​មហាផ្ទៃ​ បានអញ្ជើញជាអធិបតីភាពដ៏ខ្ពង់ខ្ពស់​ក្នុងពិធីអបអរសាទរខួបលើកទី១៥៦​ ទិវាពិភពលោក​កាកបាទក្រហម និងអឌ្ឍចន្ទក្រហម ៨ ឧសភា ធ្វើឡើង​ក្រោមប្រធាន​បទ «ខ្ញុំ ❤️ កាកបាទក្រហមកម្ពុជា»។ដែលប្រព្រឹត្ត​នៅសាលមហោ​ស្រពស្ទឹងសង្កែក្រុងបាត់ដំបង។​


ការប្រារព្ធទិវាដ៏​មហោឡារឹកនេះ មានការអញ្ជើញ​ចូលរួមពីវត្តមានឥស្សរជន ​ថ្នាក់ដឹកនាំជាតិ រដ្ឋលេខាធិការ​អនុរដ្ឋលេខាធិការ​សមាជិក​រដ្ឋសភា ព្រឹទ្ធសភា រាជរដ្ឋាភិបាល លោកឧកញ៉ា​ អាជីករ ភ្ញៀវអន្តរជាតិ អន្តរជាតិ​ សប្បុរសជន និងយុជន​សរុបប្រមាណ ២ពាន់នាក់នឹង​បានកៀរគរប្រមូលនិធិពីសប្បុរសជន​ ជាបឋមគិតជាដុល្លារសរុបបានចំនួន 1,819,760.25​ ដុល្លា​ អាមេរិច​សម្រាប់ប្រតិបត្តិការ​សកម្មភាពមនុស្សធម៌បន្តទៀតក្នុងខេត្តបាត់ដំបង។​

 

ទិវាពិភពលោក​កាកបាទក្រហម អឌ្ឍចន្ទក្រហម ត្រូវបានប្រារព្ធធ្វើឡើងជារៀងរាល់ឆ្នាំ ក្នុងគោលបំណងផ្សព្វផ្សាយអំពី​សមិទ្ធផលសម្រេចបាន និង​កៀរគររកមូលនិធិ ដើម្បីបន្ដ​ប្រតិបត្ដិការមនុស្សធម៌ ជួយប្រជាពលរដ្ឋងាយរងគ្រោះបំផុត​នៅទូទាំងប្រទេស​កម្ពុជា ដោយមិនប្រកាន់​និន្នាការនយោបាយ​ ជាតិសាសន៍ សាសនា វណ្ណៈ ពណ៌សម្បុរអ្វីទាំងអស់។

កាកបាទក្រហមកម្ពុជា​ ដែលមាន​សម្តេចសម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ គឺជាអង្គការមនុស្សធម៌ដ៏ធំបំផុតនៅកម្ពុជា ធ្វើសកម្មភាពលើការងារ​ស្នូលចំនួន​៤រួមមាន៖​ 
ទី១. ការចូលរួមចំណែកសង្គ្រោះជីវិត កសាង​ភាពធន់ ទៅនឹងគ្រោះមហន្ដរាយ​ដោយធម្មជាតិ និងមនុស្សបង្កើតឡើង។
ទី២. ចូលរួមចំណែកកាត់​បន្ថយអត្រាឈឺ និងស្លាប់នៃមាតា ទារក និងកុមារ​ ការពារជំងឺឆ្លងៗផ្សេង និងអន្ដរាគមន៍សុខភាពគ្រាអាសន្ន។
ទី៣. ការលើកកម្ពស់គោលការណ៍គ្រឹះ ​តម្លៃមនុស្សធមនុស្ស សេចក្ដីថ្លៃថ្នូររបស់មនុស្សជាតិ​ និងវប្បធម៌ អហិង្សា ។
ទី៤. ពង្រឹងការរក្សា​កិត្ដិនាម កាកបាទក្រហម​កម្ពុជា ជាសមាគមជាតិមានដំណើរការល្អ ​ក្នុងការសម្រាលទុក្ខលំបាករបស់ប្រជា​ពលរដ្ឋងាយរងគ្រោះ នៅគ្រប់ទីកន្លែង ​និងទាន់ពេលវេលា។
ដើម្បីឆ្លើយតបបញ្ហា​គ្រោះមហន្ដរាយ បញ្ហាសុខភាព​ក្នុងសហគមន៍​ ការលើកកម្ពស់​គោលការណ៍គ្រឹះតម្លៃមនុស្សធម៌​ ការអភិវឌ្ឍស្ថាប័ន និងអភិវឌ្ឍន៍​ធនធានមនុស្សនោះ សាខាកាកបាទក្រហម​ខេត្តបាត់ដំបង ក្នុងឆ្នាំ២០១៨កន្លងទៅនិង នៅក្នុង​ឆមាសទី១ឆ្នាំ២០១៩​នេះបានធ្វើ សកម្មភាព​យ៉ាងសស្រាក់​សស្រាំជួយដល់ប្រជាពលរដ្ឋខ្មែរ​ដែលបាន​រងគ្រោះ។

 

 

កិច្ចប្រជុំបូកសរុបលទ្ធផលការងារយុវជនកាកបាទក្រហមកម្ពុជា សាខារាជធានីភ្នំពេញ ឆ្នាំ២០១៨-២០១៩ ទិសដៅអនុវត្តបន្ត និងបំពាក់កន្សែងយុវជនកាកបាទក្រហមកម្ពុជា

នៅព្រឹកថ្ងៃសៅរ៍ ៤រោច ខែ​អាសាឍ ឆ្នាំកុរ ឯកស័ក ព.ស.២៥៦៣ ​ត្រូវនឹងថ្ងៃទី ២០ ខែកក្កដា​ ឆ្នាំ២០១៩ នេះ សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា បានអញ្ជើញ​ជាអធិបតីដ៏ខ្ពង់ខ្ពស់ ក្នុងពិធីបូកសរុបលទ្ធផល​ការងារយុវជនកាកបាទក្រហម​កម្ពុជា សាខា រាជធានីភ្នំពេញ​ ឆ្នាំ២០១៨-២០១៩ ទិសដៅអនុវត្តបន្ត​ និងបំពាក់កន្សែងយុវជន​កាកបាទក្រហមកម្ពុជា​ ចំនួន ២,០៥២ នាក់ ដែលរៀន​នៅវិទ្យាល័យ និងអនុវិទ្យាល័យ​ ចំនួន ២៧ ក្នុងរាជធានីភ្នំពេញ។

ពិធីនេះបានប្រព្រឹត្តទៅនៅ​សាលមហោស្រពកោះពេជ្រ​ ដោយមានការអញ្ជើញ​ចូលរួមពី សម្តេច ឯកឧត្តម លោកជំទាវ ​ឧបនាយករដ្ឋមន្ត្រី រដ្ឋមន្ត្រី ថ្នាក់​ដឹកនាំសហភាពសហព័ន្ធយុវជនកម្ពុជា ​ថ្នាក់ដឹកនាំកាយរឹទ្ធិជាតិកម្ពុជា តំណាងគណៈកម្មាធិការ​អន្តរជាតិកាកបាទក្រហម​ប្រចាំកម្ពុជា តំណាងសហព័ន្ធ​អន្តរជាតិប្រចាំកម្ពុជា គណៈកិត្តិយស-​គណៈកម្មាធិការសាខា ​មន្ត្រីប្រតិបត្តិ ភ្ញៀវកិត្តិយស​ លោកគ្រូ អ្នកគ្រូ ទីប្រឹក្សាយុវជន និងយុវជនកាកបាទក្រហមកម្ពុជា​ សរុបចំនួន ៣,៨០០នាក់។

នៅក្នុងឱកាសដ៏ឱឡារិកនេះ​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ បានថ្លែងនូវសេចក្តីរីករាយ​ និងបានពាំនាំនូវ​ព្រះ រាជទានសេចក្តីនឹករលឹក និង​ព្រះរាជឱង្ការផ្តាំសួរសុខទុក្ខ ប្រកប​ដោយព្រះរាជហឫទ័យស្រឡាញ់ ដ៏ជ្រាលជ្រៅបំផុត​អំពី សម្តេចព្រះមហាក្សត្រី​ នរោត្តម មុនិនាថ សីហនុ ព្រះវររាជមាតាជាតិខ្មែរ ​ព្រះប្រធានកិត្តិយស​កាកបាទក្រហមកម្ពុជា ជូនចំពោះ​ សម្តេច ឯកឧត្តម លោកជំទាវ អ្នកឧកញ៉ា​ លោកឧកញ៉ា លោក លោកស្រី និងសមាជិក-​សមាជិកាទាំងអស់ ពិសេសអ្នកស្ម័គ្រចិត្ត ​និងក្មួយៗយុវជន​កាកបាទ ក្រហមកម្ពុជានៅទូទាំងប្រទេស​ សូមមានសុខភាព ​ល្អ ប្រាជ្ញាឈ្លាសវៃ ​មានចំណេះដឹង មានសីលធម៌ ​សក្តិសម ជាកម្លាំងស្នូល និងជា​ធនធានមនុស្សដ៏មាន​សារៈសំខាន់ សម្រាប់ការ អភិវឌ្ឍ​ប្រទេសជាតិយើង។

ជាមួយគ្នានេះ​ សម្តេចកិត្តិព្រឹទ្ធបណ្ឌិត​ បានថ្លែងនូវការកោតសរសើរ ​វាយតម្លៃខ្ពស់និង​ថ្លែងអំណរគុណយ៉ាងជ្រាលជ្រៅ ចំពោះថ្នាក់ដឹកនាំ​សាខាកាកបាទក្រហមកម្ពុជា​ រាជធានីភ្នំពេញ ថ្នាក់ដឹកនាំគ្រឹះស្ថាន​ មធ្យមសិក្សា ឧត្តមសិក្សា រាជធានីភ្នំពេញ​ ទីប្រឹក្សាយុវជន ប្រធានក្លឹបយុវជន​ និងថ្នាក់ដឹកនាំសាខា​កាកបាទក្រហមកម្ពុជា ទាំង ២៤ខេត្ត ដែលបាន​ខិតខំប្រឹងប្រែងសហការ​រួមគ្នាអនុវត្តទិសដៅ និង​ភារកិច្ចរបស់ខ្លួនយ៉ាងសកម្ម ដោយស្មារតីទទួលខុសត្រូវខ្ពស់ ​ក្នុងការបំពេញបេសកកម្ម​មនុស្សធម៌ ការពង្រឹងសមត្ថភាព ​និងការពង្រីកបណ្តាញយុវជន​កាកបាទក្រហម ដោយឈរ​លើយុទ្ធសាស្ត្រ ២០១១-២០២០ ​និងវិស័យស្នូលទាំងបួន​របស់កាកបាទក្រហមកម្ពុជា រហូតសម្រេច​បានសមិទ្ធផល និងស្នាដៃ​ជាច្រើនគួរឱ្យកត់សម្គាល់។

ទន្ទឹមនឹងនេះដែរ សម្តេចកិត្តិព្រឹទ្ធបណ្ឌិត​ បានថ្លែងនូវការកោតសរសើរ ​និងវាយតម្លៃខ្ពស់ចំពោះក្មួយៗយុវជនកាកបាទក្រហម ដែលមាន​ស្មារតីស្នេហាជាតិ បានចូលរួមបំពេញការងារមនុស្សធម៌​យ៉ាងសស្រាក់សស្រាំ ស្របតាមគោលនយោបាយ​យុវជនកាកបាទក្រហមកម្ពុជា ​និងស្របតាមកម្មវិធីនយោបាយ​អភិវឌ្ឍយុវជនរបស់រាជរដ្ឋាភិបាលនាពេលបច្ចុប្បន្ន។ លើសពីនេះទៀត ក្មួយៗ ​បាននិងកំពុងបំពេញបង្គ្រប់​នូវគុណតម្លៃនៃតួនាទីជាជំនួយការឱ្យអាជ្ញាធរ​សាធារណៈ ក្នុងវិស័យមនុស្សធម៌​ ដែលជា តួនាទីទោល​របស់ចលនាកាកបាទក្រហម អឌ្ឍចន្ទក្រហម​ ហើយកាកបាទក្រហមកម្ពុជា តែងតែ​បានប្រកាន់ខ្ជាប់ជារៀងដរាបមក។

ក្នុងឱកាសនេះដែរ ដើម្បី​ឱ្យយុវជនកាកបាទក្រហមកម្ពុជា ​បានចូលរួមកាន់តែទូលំទូលាយ និងធ្វើសកម្មភាពកាន់តែប្រសើរឡើង ប្រកបដោយប្រសិទ្ធភាព​ក្នុងការផ្តល់សេវាកម្មមនុស្សធម៌​ជួយដល់ជនរងគ្រោះ និងងាយរងគ្រោះ ឱ្យបានទាន់ពេលវេលា​នៅគ្រប់មជ្ឈដ្ឋានទូទាំងប្រទេស សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា បានចែករំលែកនូវអនុសាសន៍​មួយចំនួនដល់អង្គពិធីដូចខាងក្រោម ៖
១- ត្រូវរួមគ្នាបន្តពង្រឹង និង ពង្រីកកម្លាំង​យុវជនកាកបាទក្រហមកម្ពុជា​ តាមលទ្ធភាពជាក់ស្តែងរបស់សាខានីមួយៗ តាមរយៈ​ការពង្រឹងសមត្ថភាពយុវជន ការផ្តល់ឱកាសស្វ័យភាព​ ការគ្រប់គ្រងសកម្មភាពការងារ​បណ្តុះបណ្តាលមុខជំនាញ​ ដើម្បីចូលរួមសកម្មភាពត្រៀមបង្ការទៅ​នឹងគ្រោះមហន្តរាយ ការផ្សព្វផ្សាយច្បាប់ស្តីពីចរាចរណ៍ផ្លូវគោក ​ការបរិច្ចាគឈាម ការសម្អាតបរិស្ថាន និង ​ការដាំដើមឈើឱ្យបានច្រើន ដើម្បីបង្កើតបរិស្ថានឱ្យបានកាន់តែល្អប្រសើរ សម្រាប់​សង្គមជាតិ។ 
២- ត្រូវរួមគ្នាបន្តពង្រឹងសកម្មភាព មិត្តអប់រំមិត្ត មិត្តជួយមិត្ត ​នៅគ្រប់ក្លិបយុវជនកាកបាទក្រហមកម្ពុជា តាមរយៈការជួយឧបត្ថម្ភគាំទ្រដល់សិស្ស-និស្សិត ​ដែលមានជីវភាពលំបាកក្នុងការសិក្សា​ និងការរស់នៅប្រចាំថ្ងៃ នៅតាមសាលា និង​សាកលវិទ្យាល័យ ប្រកបដោយប្រសិទ្ធភាព ត្រូវរួមចំណែក​ផ្តល់ចំណេះដឹងស្តីពីវិជ្ជាសង្គ្រោះបឋម ការថែទាំអនាម័យ​និងសុខភាព ការការពារជំងឺឆ្លង ​ជំងឺមិនឆ្លងក្នុងសហគមន៍ ត្រូវជួយផ្សព្វផ្សាយអប់រំសុខភាពក្នុងគ្រាឤសន្ន​ នៅតាមសាខាទាំង ២៥ រាជធានី-ខេត្ត។
៣- ត្រូវរួមគ្នាបន្តពង្រឹងយន្តការ​គ្រប់គ្រងយុវជនកាកបាទក្រហមកម្ពុជា ​ដែលមានស្រាប់ តាមរយៈការផ្តល់បណ្ណសម្គាល់ខ្លួនដល់យុវជន និង ការពង្រឹង​កិច្ចសហប្រតិបត្តិការថ្នាក់ជាតិ ​និង អន្តរជាតិ តាមរយៈការធ្វើទស្សនកិច្ចសិក្សា ផ្លាស់ប្តូរ​បទពិសោធន៍ សិក្ខាសាលា វេទិកាយុវជន ​និង វគ្គបណ្តុះ បណ្តាលនានា​ ដើម្បីធានាសុខដុមនីយកម្ម និង ​រឹតចំណងមិត្តភាព សាមគ្គីភាព ក្នុងចំណោមយុវជន​ ទាំងក្នុងក្របខណ្ឌជាតិ តំបន់ និង អន្តរជាតិ។
៤- ត្រូវបន្តឱ្យមានវគ្គបណ្តុះបណ្តាល​ជាបន្តបន្ទាប់ដល់យុវជន រួមទាំងការបន្តផ្សព្វផ្សាយនូវសេចក្តីណែនាំនានា របស់កាកបាទក្រហមកម្ពុជា ឱ្យបានប្រកប​ដោយប្រសិទ្ធភាព និងទូលំទូលាយ ដើម្បីងាយស្រួលក្នុងការ​បំពេញសកម្មភាពមនុស្សធម៌ នៅគ្រប់មជ្ឈដ្ឋានទូទាំងប្រទេស។ 
៥- ត្រូវបន្តបង្កើនការយកចិត្តទុកដាក់ខ្ពស់ថែមទៀត ​ជាពិសេសការលើកទឹកចិត្តយុវជនឱ្យចូលរួមជាកម្លាំងស្ម័គ្រចិត្ត ដើម្បីធានា​បាននូវវឌ្ឍនភាព និងចីរភាពនៃកម្លាំង​មនុស្សធម៌វ័យក្មេង សម្រាប់បន្តវេនក្នុងសកម្មភាពជួយសហគមន៍​ នៅគ្រប់រាជធានី-ខេត្ត។ 
៦- ត្រូវបន្តពង្រឹងសាមគ្គីភាព មិត្តភាព និងការចេះជួយគ្នា​ទៅវិញទៅមក ជាមួយអង្គការយុវជននានា និងបណ្តាញយុវជននៅគ្រប់ជំនាន់ ដោយមិនត្រូវមើលស្រាលអ្នកដទៃ ​និងការបែងចែកប្រកាន់​បក្សពួក ដែលឤចធ្វើឱ្យបែកបាក់សាមគ្គីភាព នៅក្នុង​ចំណោមយុវជនកាកបាទក្រហមកម្ពុជា។ 
៧- សូមក្មួយៗយុវជន​កាកបាទក្រហមកម្ពុជា​ទាំងអស់ មានស្មារតីទទួលខុសត្រូវខ្ពស់ ​នៅពេលបំពេញភារកិច្ចរបស់ខ្លួន ក្មួយៗត្រូវផ្សារភ្ជាប់​ចំណេះវិជ្ជារបស់ក្មួយៗ ដែលមានស្រាប់​ ទៅនឹងការអនុវត្ត ​និងការសិក្សាជំនាញថ្មីៗ ដែលទើប​ទទួលបាន ដើម្បីក្មួយៗឤច​ជួយដល់ជនរងគ្រោះ និងជនងាយរងគ្រោះ​នៅក្នុងសហគមន៍បានទាន់ពេលវេលា និងប្រកប​ដោយប្រសិទ្ធភាព៕

 

យុទ្ធនាការអប់រំផ្សព្វផ្សាយសហគមន៍ ស្តីពីការបង្ការ ការការពារជំងឺគ្រុនឈាម និងសម្អាតបរិស្ថាននៅក្រុងព្រៃវែង

សាខាកក្រក ខេត្តព្រៃវែង ៖ នៅថ្ងៃសុក្រ ៣រោច ខែអាសាឍ ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី១៩ ខែកក្កដា ឆ្នាំ២០១៩ ​ឯកឧត្តម ជា សុមេធី ​ប្រធានគណៈកម្មាធិការ​សាខា បានចាត់អោយ ​លោកស្រី អ៊ុក មាសសូលីណា ​នាយិកាសាខា​ ដឹកនាំក្រុមប្រតិបត្តិសាខា ​អនុសាខាក្រុងព្រៃវែង ​អាជ្ញាធរភូមិ-សង្កាត់មណ្ឌលសុខភាពគោកគង់កើត ​អ្នកស្ម័គ្រចិត្ត​ សរុបចំនួន ៦៦នាក់ ស្រី ២២នាក់ បានចុះធ្វើយុទ្ធនាការ​អប់រំផ្សព្វផ្សាយសហគមន៍ ​ស្តីពីការបង្កា​រ ការការពារជំងឺគ្រុនឈាម ​និងសម្អាតបរិស្ថាន​ដើម្បីបំបាត់ជម្រក​មូសខ្លា នៅក្នុងភូមិជើងទឹក(ក)​សង្កាត់ជើងទឹក​ ក្រុងព្រៃវែង ខេត្តព្រៃវែង។

យុទ្ធនាការ​នេះធ្វើឡើងដើម្បី​អប់រំផ្សព្វផ្សាយនូវសារ​មួយចំនួនដល់​ប្រជាពលរដ្ឋដូចជា៖

១.ត្រូវរួមគ្នា​ជួយកំចាត់ប្រភព​មូសខ្លាតាមរយៈ​ការកាប់ឆ្ការព្រៃ ​បំបាត់កុំឲ្យមានវត្ថុ​ដក់ទឹកនៅក្នុង ​ឬជិតផ្ទះ ត្រូវលាងសំអាតពាង ឫអាងទឹក។ល។

២. ការពិនិត្យដង្កូវទឹក​ក្រោយពេលដាក់ថ្នាំ​អាបែតបំបាត់ដង្កូវទឹកតើមាន​ដង្កូវទឹកនៅក្នុងពាង​ឬអាងដែរឬទេ។

គ្រប់ករណីសង្ស័យមានជំងឺគ្រុនឈាម​ មិនត្រូវសាកល្បង​ព្យាបាលដោយខ្លួនឯង ​ឬការប្រើប្រាស់ថ្នាំប្រភេទ អាស្ពីរីនឬអ៊ីប៊ុយប្រ៉ូហ្វែន​ ជាដាច់ខាត​ និងមិនត្រូវស្វែងរក ​សេវាថែទាំសុខភាពណា​ ដែលមិនមាន​ជំនាញវិជ្ជាជីវៈ ធ្វើការ​ពិនិត្យព្យាបាល​ជំងឺគ្រុនឈាម​នោះឡើយ៕

 

First Prev 3 4 5 6 7 Next Last