អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

ពិធីប្រកាសលទ្ធផលឆ្នោតវត្ថុលើកទី១៤របស់សាខាកាកបាទក្រហកម្ពុជាខេត្តបាត់ដំបង

សាខាកក្រកខេត្តបាត់ដំបង,នៅព្រឹថ្ងៃទី២១ខែកុម្ភៈ ឆ្នាំ២០១៨ សាខាកាកបាទក្រហកម្ពុជា​ខេត្តបាត់ដំបង​បានរៀបចំ​ពិធីប្រកាស​លទ្ធផលចេញឆ្នោត​វត្ថុអនុស្សាវរីយ៍​លើកទី១៤ឆ្នាំ២០១៨ ដោយមានវត្តមានលោក កាក់ សិលាសមាជិកគណៈកម្មាធិការសាខា​កាកបាទក្រហមកម្ពុជាខេត្ត​តំណាងឯកឧត្តមបណ្ឌិត ប៊ុត គឹមស៊ាន ប្រធានគណៈកម្មាធិការសាខា​ និងមាន​ការអញ្ជើញចូលរួម​ពីលោកលោក​ស្រីមន្រ្តីរាជការ តំណាង​មន្ទីរស្ថាប័នជុំវិញខេត្ត​តំណាង​អនុសាខាស្រុក​/ក្រុង​លោកគ្រូអ្នកគ្រូ​ទីប្រឹក្សា យុវជន និងសិស្សានុសិស្សសរុប១៥០នាក់ ។​ ការចេញឆ្នោតវត្ថុ​អនុស្សាវរីយលើកទី១៤ឆ្នាំ២០១៨នេះ គឺធ្វើឡើងដើម្បីស្វែងរក​ចំណូលបន្ថែម​ដែលបានមកការ​ចលនាសប្បុរសជន​តាមរយៈការលក់​សន្លឹកឆ្នោត​វត្ថុក្រៅពីចំណូល​ផ្សេងៗទៀត ចំពោះរង្វាន់​ឆ្នោតវត្ថុឆ្នាំ២០១៨នេះមានចំនួន ១០មុខ​ក្នុងនោះមានរង្វាន់ធំ​ម៉ូតូ Honda Wave ចំនួន ២រង្វាន់ ទូរសព្ទដៃ Samsung S8​ចំនួន៤រង្វាន់​,ទូរទស្សន៍​Pro Theatre ៤៣អ៉ីង​៤រង្វាន់​ព្រមទាំងរង្វាន់ជាច្រើនទៀតសរុប ១២៨០រង្វាន់​។​

 

ថ្លែងក្នុងឱកាសនោះ​លោក កាក់សិលា ​បានបញ្ជាក់ថា៖ជារៀងរាល់ឆ្នាំ សាខា​កាកបាទក្រហមកម្ពុជា ខេត្ដបាត់ដំបង តែងតែរៀបចំ​សកម្មភាពស្វែង​រកមូលនិធិ​គ្រប់សកម្មភាព​តាមរយៈ ,ទិវាពិភពលោកកាកបាទក្រហម-អឌ្ឍចន្ទ ក្រហម៨ឧសភា ប្រចាំឆ្នាំ ,ការដាក់ហិបវិភាគទានតាមវត្តអារាម ,​រមណីយដ្ឋាន ,សណ្ឋារគារ​ផ្សេង ,ការជួលសាល​រៀបអាពាហ៍ពិពាហ៍,របាំងត្រុដិ​ជូនពរ ជាពិសេស​ការចេញឆ្នោតវត្ថុប្រចាំឆ្នាំ​នាពេលនេះជាដើម ទាំងនេះគឺជា ការរីកចម្រើន​នូវការ​ផ្កួចផ្ដើមគំនិត​ស្វែងរកមូលនិធិរបស់សាខាក្នុងសកម្មភាព​ដើម្បីពង្រឹងផ្នែកធនធានមនុស្ស ការលើកទឹកចិត្ដដល់មន្ដ្រី បុគ្គលិកដែលមានស្នាដៃ និងធ្វើការ​អភិវឌ្ឍន៍ ស្ថាប័នតាម​ផែនការយុទ្ធសាស្ដ្រ​យូរអង្វែងរបស់​សាខាខេត្ត។

 

សាខាកក្រកខេត្តព្រៃវែងបានអញ្ជើញប្រគល់ផ្ទះជូនដល់គ្រួសារក្រីក្រគ្មានទីពឹង ចំនួន ២គ្រួសារ នៅស្រុកពាមជរ

សាខាកក្រកខេត្តព្រៃវែង៖ នៅព្រឹក​ថ្ងៃអង្គារ ០៦កើត ខែផល្គុន ឆ្នាំរកា ព.ស ២៥៦១ ត្រូវនឹង​ថ្ងៃទី ២០ ខែកុម្ភៈ ឆ្នាំ ២០១៨ សាខាកាកបាទ​ក្រហមកម្ពុជា ខេត្តព្រៃវែង ដឹកនាំ​ដោយ ឯកឧត្តម ជា សុមេធី ប្រធាន​គណៈកម្មាធិការសាខា​ និងសហការី បានអញ្ជើញចុះ​សំណេះ​សំណាល សួរសុខទុក្ខ និងប្រគល់ផ្ទះ ចំនួន ២ខ្នង ទំហំ ៤មx៦ម ធ្វើអំពី​ឈើ ជញ្ជាំងនិងដំបូលប្រក់​សង្កសី និងបង្គន់អនាម័យ ចំនួន ២បង្គន់ ជាអំណោយ​របស់​សាខាខេត្ត ជូនដល់​គ្រួសារក្រីក្រគ្មាន​ទីពឹង ចំនួន ២គ្រួសារ នៅស្រុកពាមជរ ៖


១- ឈ្មោះ អៀម ផេន ភេទប្រុស អាយុ ៦១ឆ្នាំ រស់នៅ​ភូមិស្វាយចេក ​ឃុំឬស្សីស្រុក ស្រុកពាមជរ ខេត្តព្រៃវែង ទទួលបានផ្ទះ ១ខ្នង មានលេខកូដ ៥៨ និងបង្គន់ ​មានលេខកូដ ៥១។


២- ឈ្មោះ អ៊ឹម ឡេង ភេទស្រី អាយុ ៧៤ឆ្នាំ រស់នៅ​ភូមិព្រែកត្រែង ​ឃុំអង្គរអង្គ ស្រុកពាមជរ​ ខេត្តព្រៃវែង ទទួលបានផ្ទះ ១ខ្នង មាន​លេខកូដ ៥៩ និងបង្គន់ មានលេខកូដ ៥២។

 

ក្រៅពីការផ្តល់ផ្ទះ និងបង្គន់​អនាម័យ សាខាបានផ្តល់ជូននូវ​អំណោយ​​បន្ថែមទៀត​ដោយក្នុង ១គ្រួសារទទួលបាន​​ អង្ករ ២៥គក កន្ទេល ០១ ឃីត ០១កញ្ចប់ មី ០១កេស ត្រីខ ១០កំប៉ុង និងថវិកា ចំនួន ២០០,០០០រៀល (ថវិកាសាខា ១០០,០០០រៀល និងថវិកា ឯកឧត្តម ជា សុមេធី ១០០,០០០រៀល)។

 

សាខាកក្រកខេត្តកំពង់ស្ពឺចុះសួរសុខទុក្ខស្រ្តីសម្រាលកូន និងទីទ័លក្របំផុតនៅស្រុកឱរ៉ាល់

សាខាកក្រកខេត្តកំពង់ស្ពឺ ៖ កាលពីរសៀល​ថ្ងៃទី ២០ ខែ កុម្ភៈ ឆ្នាំ ២០១៨ សាខា​កាកបាទក្រហម​កម្ពុជា ខេត្តកំពង់ស្ពឺ ដឹកនាំ​ដោយលោកស្រី អោម ចន្នា នាយិកា​សាខា និងសហការី បានអញ្ជើញ​ចុះសួរសុខទុក្ខ និងនាំយកអំណោយ​មនុស្សធម៌របស់​កាកបាទក្រហម​កម្ពុជា ជូនដល់ស្រ្តីសម្រាល​កូន និងទីទ័លក្របំផុត​ចំនួន ៣គ្រួសារ (ក្នុងនោះកូនភ្លោះ៣នាក់ ១គ្រួសារ កូនភ្លោះ២នាក់ ១គ្រួសារ និងកូន១នាក់ ១គ្រួសារ) ស្ថិតនៅឃុំ រស្មីសាមគ្គី និងឃុំត្រពាំងជោ​ ស្រុកឱរ៉ាល់ ខេត្តកំពង់ស្ពឺ​។

 

ក្នុងឱកាសនោះ​ដែរ លោកស្រី​នាយិកា បានពាំនាំ​នូវប្រសាសន៍​ផ្តាំផ្ញើសួរសុខទុក្ខ​និងក្តីនឹករលឹកពីសំណាក់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហម​កម្ពុជា ដែល​ជានិច្ចកាលសម្តេចតែតែង​គិតគូរពីសុខទុក្ខ​របស់បងប្អូន​ប្រជាពលរដ្ឋងាយ​រងគ្រោះ និងរងគ្រោះ​ដោយសារគ្រោះមហន្តរាយផ្សេងៗ ដោយមិនប្រកាន់​រើសអើងវណ្ណៈ ពូជសាសន៍ ព័រណ៍សម្បុរ​ឬនិន្នាការ​នយោបាយអ្វីឡើយ។

 

អំណោយដែល​បានផ្តល់ជូនគ្រួសារ​នីមួយៗមានដូចតទៅ៖
_ស្ត្រីសម្រាលកូនភ្លោះ ៣នាក់ ៖ អង្ករ ៥០គីឡូក្រាម ត្រីខ ២០កំប៉ុង ទឹកត្រីទឹកស៊ីអ៉ីវ ២យួរ ទឹកដោះគោ ២កំប៉ុង មី ២កេស ប្រេងឆា ២ដប នំធុង ២ធុង ឃីតកូនក្មេង ៣កញ្ចប់ និងថវិកាចំនួន១៥០,០០០រៀល។


_ស្ត្រីសម្រាលកូនភ្លោះ២នាក់ ៖ អង្ករ ២៥គីឡូក្រាម មី ១កេស ប្រេងឆារ ១ដប ទឹកត្រីទឹកស៉ីអ៉ីវ ១យួរ នំធុង ១ធុង ទឹកដោះគោ​ ១កំប៉ុង ត្រីខ ១០កំប៉ុង ឃីតកូនក្មេង ២កញ្ចប់ និងថវិកាចំនួន១០០,០០០រៀល។


_ស្ត្រីសម្រាលកូន១នាក់ ៖ អង្ករ ២៥គីឡូក្រាម មី ១កេស ត្រីខ ១០កំប៉ុង ប្រេងឆា ១ដប ទឹកត្រីទឹកស៉ីអ៉ីវ១យួរ នំធុង ១ធុង ទឹកដោះគោ ១កំប៉ុង ឃីតកូនក្មេង១កញ្ចប់ និងថវិកាចំនួន
៥០,០០០រៀល៕

 

សាខាកក្រកខេត្តព្រៃវែងប្រគល់ផ្ទះចំនួន៣ខ្នងជូនដល់គ្រួសារក្រីក្រគ្មានទីពឹងនៅស្រុកកំពង់ត្របែក

សាខាកក្រកខេត្តព្រៃវែង៖ នៅព្រឹកថ្ងៃចន្ទ ០៥កើត ខែផល្គុន ឆ្នាំរកា ព.ស ២៥៦១ ត្រូវនឹងថ្ងៃទី ១៩ ខែកុម្ភៈ ឆ្នាំ ២០១៨ សាខាកាកបាទក្រហម កម្ពុជា ខេត្តព្រៃវែង ដឹកនាំដោយ ឯកឧត្តម ឧកញ៉ា សុខ ផេង អនុប្រធានអចិន្រ្តៃយ៍​គណៈកម្មាធិការសាខា តំណាង ឯកឧត្តម ជា សុមេធី ប្រធាន​គណៈកម្មាធិការសាខា និង សហការី បានអញ្ជើញចុះ​សំណេះ​សំណាល សួរសុខទុក្ខ  និងប្រគល់ផ្ទះ  ចំនួន ៣ខ្នង ទំហំ ៤មx៦ម ធ្វើអំពី ឈើ ជញ្ជាំងនិង ដំបូលប្រក់សង្កសី  និងបង្គន់អនាម័យ ចំនួន ២បង្គន់ ជាអំណោយ​របស់​សាខាខេត្ត  ជូនដល់​គ្រួសារក្រីក្រគ្មាន​ទីពឹង ចំនួន ៣គ្រួសារ  នៅស្រុកកំពង់ ត្របែក ៖
១- ឈ្មោះ កៅ ប៉ិច ភេទស្រី អាយុ ៧៥ឆ្នាំ រស់នៅ​ភូមិតាកែវ ឃុំពាមមន្ទារ  ស្រុកកំពង់ត្របែក ខេត្តព្រៃវែង ទទួលបានផ្ទះ ១ខ្នង មាន លេខកូដ ៥៣ និងបង្គន់ មានលេខកូដ ៤៧។
២- ឈ្មោះ អ៊ាង សុឃា ភេទស្រី អាយុ ៣៧ឆ្នាំ រស់នៅ​ភូមិដូង​ឃុំព្រៃឈរ ស្រុកកំពង់ត្របែក  ខេត្តព្រៃវែង ទទួលបានផ្ទះ ១ខ្នង មានលេខកូដ ៥៤ ។
៣- ឈ្មោះ ឃីម លី ភេទប្រុស អាយុ ៥៤ឆ្នាំ រស់នៅ​ភូមិឆ្វាង ឃុំប្រធាតុ  ស្រុកកំពង់ត្របែក ខេត្តព្រៃវែង ទទួលបានផ្ទះ ១ខ្នង មានលេខកូដ ៥៥ និងបង្គន់ មានលេខកូដ ៤៨។

ក្រៅពីការផ្តល់ផ្ទះ និងបង្គន់ អនាម័យ សាខាបាន ផ្តល់ជូននូវ​អំណោយ​​បន្ថែមទៀត​ដោយក្នុង ១គ្រួសារទទួលបាន​​ អង្ករ ២៥គក  កន្ទេល ០១ ឃីត ០១កញ្ចប់ មី ០១កេស ត្រីខ ១០កំប៉ុង  និងថវិកា ចំនួន ១០០,០០០រៀល។

 

ពិធីបើកវគ្គផ្សព្វផ្សាយ ស្តីពី “គោលការណ៍គ្រឹះរបស់ចលនា ច្បាប់មនុស្សធម៌អន្តរជាតិ និងកាកបាទក្រហមកម្ពុជា”នៅរាជធានីភ្នំពេញ

សាខាកក្រករាជធានីភ្នំពេញ៖ នាព្រឹក​ថ្ងៃច័ន្ទ ៥កើត ខែផល្គុន ឆ្នាំរកា នព្វស័ក ព.ស២៥៦១ ត្រូវ​នឹងថ្ងៃទី ១៩ ខែ កុម្ភៈ ឆ្នាំ​ ២០១៨ នៅសាលា​ខណ្ឌដូនពេញ កាកបាទក្រហម​កម្ពុជា​ បានរៀបចំ​ពិធីបើក​វគ្គផ្សព្វផ្សាយ ស្តីពី​ “គោលការណ៍គ្រឹះ​របស់ចលនា ច្បាប់​មនុស្សធម៌អន្តរជាតិ​ និងកាកបាទក្រហម​កម្ពុជា” រយៈពេល១ព្រឹក ជូនដល់​គណៈកិត្តិយស គណៈកម្មាធិការ​អនុសាខា ក្រុមកាកបាទក្រហម​សង្កាត់-ផ្សារ អ្នកស្មគ្រ័ចិត្តភូមិ​ នៅខណ្ឌដូនពេញ ​សរុបចំនួន​១០០នាក់ ក្រោមអធិបតីភាព ​លោកជំទាវ ម៉ែន នារីសោភគ័ អគ្គលេខាធិការ​រងទី១កាកបាទក្រហម​កម្ពុជា ។

 

នាឱកាសនោះ លោកជំទាវ​អគ្គលេខាធិការ​រងទី១ បានពាំនាំនូវ​ការផ្ដាំផ្ញើសួរសុខទុក្ខ​ប្រកបដោយ​ក្តីនឹករលឹកពីសំណាក់​សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហម​កម្ពុជា ជូនដល់អង្គពិធីទាំងមូល ព្រម​ទាំងបានគូសបញ្ជាក់​ពីគោលបំណង​នៃការបើកវគ្គ​ផ្សព្វផ្សាយនេះ​គឺ​ ដើម្បីបង្កើនចំណេះដឹង​ ពង្រឹងសមត្ថភាព​បន្ថែមទៀត​ដល់គណៈកិត្តិយស គណៈកម្មាធិការ​អនុសាខា ក្រុមកាកបាទក្រហមសង្កាត់-ផ្សារ អ្នកស្មគ្រ័ចិត្តភូមិទាំងអស់​ ទៅលើការយល់ដឹងឲ្យកាន់តែច្បាស់​ពីប្រវត្តិចលនា​ គោលការណ៍គ្រឹះ​ ច្បាប់មនុស្សធម៌​អន្តរជាតិ​ ការលើកកម្ពស់​តម្លៃមនុស្សធម៌​ ដើម្បីបំពេញ​ការងាររបស់ខ្លួនឲ្យបាន​កាន់តែប្រសើរ​ ជាពិសេសជួយ​ផ្សព្វផ្សាយ​ចំណេះដឹងនេះបន្តទៅដល់​ប្រជាពលរដ្ឋ​ឲ្យបានយល់ដឹងកាន់តែ​ទូលំទូលាយ​ ៕

 

សាខាកាកបាទក្រហមកម្ពុជា ខេត្តព្រះវិហារ ចុះពិនិត្យការសាងសង់អណ្តូងទឹកស្អាតនៅ ស្រុកឆែប

សាខាកក្រកខេត្តព្រះវិហារ៖ នៅថ្ងៃទី ១៧ ខែ កុម្ភ: ឆ្នាំ ២០១៨ ឯកឧត្តម យុង គឹមហ៊ាន នាយក​សាខាកាកបាទក្រហម​កម្ពុជា ខេត្តព្រះវិហារ និងអនុសាខា​ស្រុកឆែប បានចុះពិនិត្យ​ការសាងសង់​អណ្តូងទឹកស្អាត​ចំនួន ១២ អណ្តូង នៅឃុំឆែប១​ ​ឃុំសង្កែ១​ និងឃុំសង្កែ២​ នៃស្រុកឆែប​ ខេត្តព្រះវិហារ។

សូមបញ្ជាក់ថា អណ្តូងទាំង​ ១២​ នេះ ត្រូវបាន សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា សម្រេចផ្តល់​កាលពីថ្ងៃទី ៥ ខែ កុម្ភៈ ឆ្នាំ ២០១៨ សម្រាប់ផ្តល់​ជូនប្រជាពលរដ្ឋ​ខ្វះខាតទឹក​ប្រើប្រាស់​ចំនួន ១៣៨ គ្រួសារ ស្មើមនុស្ស​ ៥៣៩ នាក់។

ក្រុមហ៊ុនបាន​ធ្វើការសាងស​ង់ចាប់ពីថ្ងៃទី ១៧ ខែ កុម្ភៈ ឆ្នាំ ២០១៨ ហើយការ​ សាងសង់​នេះនិងបញ្ចប់ ១០០% នៅដើម ខែ មីនា ឆ្នាំ ២០១៨៕

 

អាជីវករផ្សារសែនមនោរម្យដែលរងគ្រោះដោយអគ្គិភ័យទទួលអំណោយពីកាកបាទក្រហមកម្ពុជា

កក្រ​ក​ ៖ ដោយមើលពីភាពខ្វះខាត​ប្រជាពលរដ្ឋ​ជាអាជីវករផ្សារសែន​មនោរម្យ នៅខេត្តមណ្ឌលគិរី ​នៅថ្ងៃសៅរ៍ ៣កើត ខែផល្គុន ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១៧ ខែកុម្ភៈ ឆ្នាំ២០១៨ នេះ កាកបាទក្រហម​កម្ពុជា ដែលមាន សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានផ្តល់អំណោយ​មនុស្សធម៌ ជូនប្រជាពលរដ្ឋ​ជាអាជីវករ​ផ្សារសែន​មនោរម្យសរុប​ចំនួន ២១១គ្រួសារ ក្នុងនោះមាន អ្នករងរបួស​សម្រាកនៅ​មន្ទីរពេទ្យ ចំនួន ៣នាក់ អ្នកស្លាប់​ក្នុងអគ្គិភ័យ​ចំនួន ២នាក់ និងយុវជនកាកបាទក្រហម​កម្ពុជាចំនួន ៨នាក់ ហើយព្រឹត្តិការណ៍​ភ្លើងឆេះផ្សារនេះកើតឡើង​កាលពីព្រលឹម​ថ្ងៃទី ១០ ខែកុម្ភៈ ឆ្នាំ២០១៨ ស្ថិតនៅភូមិចំបក់ សង្កាត់ស្ពានមានជ័យ ក្រុងសែន​មនោរម្យ ខេត្តមណ្ឌលគិរី។

 

ក្នុងឱកាសនោះ លោកជំទាវ ពុំ ចន្ទីនី ​អគ្គលេខាធិការ បានពាំនាំ​ប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ដែលផ្តាំផ្ញើសួរ​សុខទុក្ខ ក្តីអាណិត​អាសូរ និងការសោកស្តាយ ​ចំពោះឧបទ្ទវហេតុ​ដែល​បានបំផ្លាញ​ទ្រព្យសម្បត្តិ​របស់អាជីវករ។ ជាមួយគ្នានេះ លោកជំទាវ ក៏បានអំពាវនាវ ​ដល់ប្រជាជន​ទាំងអស់ សូមមានការប្រុងប្រយ័ត្ន​ចំពោះការប្រើប្រាស់​ភ្លើង និងចរន្តអគ្គិសនី ដែល​ជាប្រភព​នៃគ្រោះថ្នាក់ និងបាន​លើកទឹកចិត្តសូម​កុំអស់សង្ឃឹម ហើយប្រឹងប្រែងប្រកបរបរ​ចិញ្ចឹមជីវិត ដើម្បីស្តារសេដ្ឋកិច្ច​គ្រួសារឡើងវិញ ព្រោះអំណោយ​ដែលបានផ្តល់​ជូនពេលនេះ អាចជួយសម្រាល​ការលំបាកបាន​មួយគ្រាប៉ុណ្ណោះ។

 

គ្រួសាររងគ្រោះទាំងអស់​បានថ្លែងអំណរគុណ​យ៉ាងជ្រាលជ្រៅ​ចំពោះ សម្តេចកិត្តិព្រឹទ្ធ​បណ្ឌិតប្រធានកាកបាទក្រហម​កម្ពុជា ដែលបានគិតគូរ​ មានក្តីមេត្តា ករុណា និងទឹកចិត្តជ្រះថ្លា ជួយដោះស្រាយទុក្ខលំបាកដល់​ប្រជាជន​រងគ្រោះជួបការលំបាក​បានទាន់ពេលវេលា។

 

គ្រួសារនីមួយៗទទួលបាន ៖ អង្ករ ៣០គីឡូក្រាម មី ១កេស ត្រីខ ១០កំប៉ុង មុង១ សារុង១ ក្រមា១ ភួយ១ តង់១ និងថវិកា ១០០.០០០រៀល។​ អាជីវកររងរបួស​សម្រាកនៅ​មន្ទីរពេទ្យក្នុងម្នាក់ៗទទួលបានថវិកា ១លានរៀល។​ យុវជនកាកបាទ​ក្រហម​កម្ពុជារងគ្រោះ​ក្នុងអគ្គិភ័យ ទទួលថវិកា ចំនួន ១០ម៉ឺនរៀល។

 

សូមបញ្ជាក់ថា សាខាកាកបាទក្រហម​កម្ពុជា ខេត្តមណ្ឌលគិរី បានចុះសួរសុខទុក្ខ និងចែកអំណោយមនុស្សធម៌ ១លើក រួចមកហើយ កាលពីព្រឹកថ្ងៃទី ១០ ខែកុម្ភៈ ឆ្នាំ២០១៨ នេះ៕

 

កិច្ចពិភាក្សា ស្តីពី “យន្តការលើកកម្ពស់សុខភាពស្ត្រី និងកុមារកម្ពុជានៅ ស្ថានីយ៍ទូរទស្សន៍ PNN

កក្រក​ ៖​ នៅថ្ងៃអង្គារ ១៣រោច ខែមាឃ ឆ្នាំរកា នព្វស័ក ព.ស.២៥៦១ ត្រូវនឹង​ថ្ងៃទី ១៣ ខែកុម្ភៈ ឆ្នាំ២០១៨ នេះ លោកជំទាវ ម៉ែន នារីសោភ័គ​ អគ្គលេខាធិការ​រងទី ១ កាកបាទក្រហម​កម្ពុជា និងសហការីចំនួន ២នាក់ផ្សេងទៀត បានអញ្ជើញ​ជាវាគ្មិនកិត្តិយស ​ក្នុងកម្មវិធី​អាស៊ានConnect របស់ស្ថានីយ៍ទូរទស្សន៍ PNN ក្រោមកិច្ច​ពិភាក្សា ស្តីពី “យន្តការលើកកម្ពស់​សុខភាពស្ត្រី និងកុមារកម្ពុជា”។ 

 

ឆ្លើយតបលើ​កិច្ចពិភាក្សា​ខាងលើនេះបានបង្ហាញ​ឱ្យឃើញថា កាកបាទក្រហម​កម្ពុជា ក្រោមការ​ដឹកនាំរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន និងជាឥស្សរជន​ថ្នាក់ជាតិនៃផែនការសកម្មភាពរួម អគ្គលេខាធិការ​អង្គការសហប្រជាជាតិ ដើម្បី​សុខភាពស្ត្រី និងកុមារ បាននិងកំពុងរួមចំណែកលើកកម្ពស់ និងធ្វើឱ្យប្រសើរ​ឡើងនូវ សុខុមាលភាពស្ត្រី និងកុមារ តាមរយៈ​ ការផ្តល់សេវាកម្មមនុស្សធម៌​របស់ប្រតិបត្តិករ​កាកបាទក្រហមកម្ពុជា​ ក្នុងការអនុវត្តផែនការ​យុទ្ធសាស្រ្ត និងផែនការអភិវឌ្ឍ​កាកបាទក្រហម​កម្ពុជា គោលនយោបាយ​ការពារកុមារ​ និងគោលនយោបាយ​យេនឌ័រនិង​ពិពិធភាព ស្របតាមផែនការ​យុទ្ធសាស្រ្តជាតិ និងគោលដៅ​អភិវឌ្ឍសហស្សវត្សរ៍ទី៤-៥៕

 

ពិធីបំពាក់កន្សែងយុវជនកាកបាទក្រហមកម្ពុជានៅខេត្តកណ្តាល

សាខា កក្រក ខេត្តកណ្តាល ៖ព្រឹកថ្ងៃ​ អាទិត្យ ទី ១១ ខែ កុម្ភៈ ឆ្នាំ ២០១៨ សាខា​កាកបាទក្រហមកម្ពុជាខេត្តកណ្តាល បានរៀបចំ​ពិធីបំពាក់កន្សែង​យុវជន​កាកបាទក្រហម​កម្ពុជា ចំនួន ៥០០ នាក់ ស្រី ២៧០ នាក់ មកពី​វិទ្យាល័យ ១០ ក្នុងស្រុក-ក្រុង ៥ និងយុវជន​ក្រុមភ្លេង​ព្យុះហ​យាត្រា ក្នុងខេត្តកណ្តាល នៅទីស្នាក់ការ​សាខាកាកបាទ​ក្រហមកម្ពុជា​ខេត្ត ។ ពិធីនេះប្រព្រឹត្ត​ទៅក្រោមអធិបតីភាព​ឯកឧត្តមបណ្ឌិត ម៉ៅ ភិរុណ ប្រធានកិត្តិយស​សាខា ព្រមទាំងមាន​ការអញ្ជើញ​ចូលរួម​ជាកិត្តិយស​ពីសំណាក់ឯកឧត្តម លោកជំទាវ លោក​ឧកញ៉ា លោក លោកស្រី​គណៈកិត្តិយសសាខា គណៈកម្មាធិការ​សាខា អនុសាខាគ្រប់​ស្រុក-ក្រុង មន្ទីរអង្គភាពជំុវិញខេត្ត លោកនាយកសាលា លោកគ្រូ អ្នកគ្រូ កាយឫទ្ធិ សហភាពសហព័ន្ធ​យុវជន អ្នកស្ម័គ្រចិត្ត​កាកបាទក្រហម​ សិស្សានុសិស្ស និងក្មួយៗយុវជន​កាកបាទក្រហម សរុបចំនួន ៩៤១ នាក់ ។


ឯកឧត្តម មានប្រសាសន៍ថា កាកបាទក្រហមកម្ពុជា ក្រោមការដឹកនាំ​ដ៏ត្រឹមត្រូវប្រកប​ដោយគតិបណ្ឌិតរបស់សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានផ្តោតការយកចិត្ត​ទុកដាក់ខិតខំ​ប្រឹងប្រែងយ៉ាងខ្លាំង ដើម្បីធ្វើការ​អភិវឌ្ឍយុវជន​កាកបាទក្រហម ឲ្យក្លាយ​ជាធនធានមនុស្ស​ដ៏មានសមត្ថភាព ​មានបទពិសោធន៍​គ្រប់គ្រាន់ និងទឹកចិត្ត​មនុស្សធម៌ សំដៅចូលរួម​ចំណែកអភិវឌ្ឍ​ប្រទេសជាតិ ៕

អនុសាខាកាកបាទក្រហមកម្ពុជា ខណ្ឌមានជ័យចុះសួរសុខទុក្ខ កម្មករ កម្មការិនីរោងចក្រ នៅ សង្កាត់ស្ទឹងមានជ័យទី២ ។

សាខាកក្រករាជធានីភ្នំពេញ៖​ នាថ្ងៃអាទិត្យ ១១រោច ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ១១ ខែ កុម្ភៈ ឆ្នាំ ២០១៨នេះ ក្រុមការងារ​អនុសាខា​កាកបាទក្រហម​កម្ពុជា ខណ្ឌមានជ័យ ដឹកនាំដោយ លោក ឌី រ័ត្នខេមារុណ​ ប្រធានគណៈកម្មាធិការ​អនុសាខា បានចុះសំណេះសំណាល​សាកសួរសុខទុក្ខ និងចែក​អំណោយ​មនុស្សធម៌​របស់កាកបាទក្រហម​កម្ពុជា ដែលមាន​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជូនដល់បងប្អូន​កម្មករ កម្មការិនី​រោងចក្រចំនួន៣០គ្រួសារ រស់នៅភូមិ​ឬស្សី សង្កាត់ស្ទឹង​មានជ័យទី២ ។

 

មានប្រសាសន៍នា​ឱកាសនោះ លោកប្រធាន​គណៈកម្មាធិការអនុសាខា បានពាំនាំនូវបណ្តាំផ្ញើសាកសួរសុខទុក្ខពីសំណាក់​សម្តេចកិត្តិព្រឹទ្ធបណ្ឌិតប្រធាន ប៊ុន រ៉ានី ហ៊ុន សែន ជូនដល់បងប្អូនកម្មករ កម្មការិនីទាំងអស់ប្រកបដោយ​សេចក្តីនឹករលឹក ព្រមទាំងសូមឲ្យបងប្អូនទាំងអស់ត្រូវយក​ចិត្តទុកដាក់គិតគូរពីសុខភាព បរិភោគចំណី​អាហារដែលមានជីវជាតិ និងសូមប្រុងប្រយត្ន័​បង្ការចំពោះគ្រោះអគ្គីភ័យ ព្រមទាំងបើកបរត្រូវគោរព​ច្បាប់ចរាចរណ៍​ ។

 

អំណោយមនុស្សធម៌ដែលបានចែកជូនក្នុង១គ្រួសារៗទទួលបាន៖ អង្ករ៣០គីឡូក្រាម មី១កេស ទឹកសុទ្ធ១យួរ ទឹកត្រី១យួរ ទឹកស៊ីអុីវ១យួរ ​ និងថវិកាចំនួន២ម៉ឺនរៀល ៕

 

First Prev 3 4 5 6 7 Next Last