អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

ក្លិបយុវជនកាកបាទក្រហមកម្ពុជាផ្តល់កង់ដល់និស្សិតទីទ័លក្រ

កក្រក៖​ ព្រឹក​ថ្ងៃទី​១៤​ ខែមីនា​ ឆ្នាំ​២០១៧​ ទីប្រឹក្សា​ក្លឹប​យុវជន​កក្រក​និង​សាស្រ្តាចារ្យនៃ​សាកល​វិទ្យាល័យ​ភូមិន្ទ​ភ្នំពេញ​បាន​នាំ​អំណោយ​មនុស្សធម៌​ឧបត្ថម្ភ​ដល់​និស្សិត​ឈ្មោះ​ លន់ ហេន​ ភេទ​ស្រីស្រុកកំណើតភូមិត្រាំកង់ ឃុំនិទាន ស្រុកបសេដ្ឋ ខេត្តកំពង់ស្ពឺ បច្ចប្បន្ន​កំពុង​សិក្សា​ជំនាញ​ទេសចរណ៍​ហើយ​មាន​ជីវភាព​ខ្វះខាត​ក្នុងការរស់​នៅ​និង​ការសិក្សា​។ អំណោយ​មនុស្សធម៌​រួមមាន​កង់១​គ្រឿង​ មីយើង១កេស សៀវភៅសរសេរ ១០ក្បាល ប៊ិច បន្ទាត់ ខ្មៅដៃ និងថវិកាចំនួន២០០ ០០០ រៀល។

 

សកម្មភាព​នេះ ធ្វើឡើង​ដើម្បី​ជំរុញ និង​លើកទឹក​ចិត្ត​ដល់​និស្សិត​ដែលមាន​ជីវភាព​ខ្វះខាត​ តស៊ូ ​ខិតខំ​ប្រឹង​ រៀនសូត្រ​ ដើម្បី​អនាគត​ភ្លឺស្វាង​នាពេល​ខាងមុខ​។ លើស​ពីនេះ ​គឺ​លើក​កម្ពស់​ការ​ស្រឡាញ់​នូវ​វប្បធម៌​ ចែក​រំលែក​ក្នុងចំណោម​យុវជន និងនិស្សិត។

 

គួរ​បញ្ជាក់​ផង​ដែរ​ថា អំណោយ​មនុស្សធម៌​ និង​ថវិកា​ ទាំងនេះ​បាន​មក​ពីពិធី​សប្បុរសធម៌​លើក​ទី៨​ របស់​សាកល​វិទ្យាល័យ​ភូមិន្ទ​ភ្នំពេញ ​នាពេលកន្លងមក៕

 

គ្រួសាររងគ្រោះដោយអគ្គិភ័យទទួលអំណោយពីអនុសាខាកាកបាទក្រហមកម្ពុជាស្រុករវាង

សាខាកក្រកខេត្តព្រះវិហារ៖​នាព្រឹក​ថ្ងៃទី​១៤​ ខែ​មីនា​ ឆ្នាំ២០១៧​ លោក​ហោ ប៊ុនហួរ​ អនុ​ប្រធាន​កិត្តិយស​អនុ​សាខា​កាកបាទក្រហម​កម្ពុជា​ ស្រុក​រវៀង​ បាន​ចុះសួរ​សុខទុក្ខ​និង​នាំយក​អំណោយ​មនុស្ស​ធម៌​ផ្តល់ជូន​គ្រួសារ​រងគ្រោះ​ដោយ​ភ្លើងឆេះ​ផ្ទះ​កាលពី​យប់ថ្ងៃទី​១២ ខែមីនា ឆ្នាំ២០១៧ ចំនួន១គ្រួសារ ស្ថិតនៅ​ភូមិ​សំរិត ឃុរតនៈ ស្រុករវៀង ខេត្តព្រះវិហារ។

នាឱកាស​នោះដែរ ​លោក​អនុប្រធាន​កិត្តិយស ​អនុ​សាខា​កាកបាទ ក្រហម​កម្ពុជា​ ស្រុករវៀង​ បានសម្តែង​នូវការ​សោកស្តាយ​ដល់​គ្រួសារ​រងគ្រោះ ​ចំពោះ​គ្រោះថ្នាក់​ដែល​មិននឹក​ស្មាន​ដល់​ធ្វើ​អោយ​បាត់បង់ផ្ទះ​និង​សម្ភារ​ប្រើប្រាស់​ផ្សេងៗ​ជាច្រើន​ ហើយ​លោក​ក៏បាន​ផ្តាំផ្ញើ​ដល់​ប្រជាពលរដ្ឋ​ទាំងអស់​ត្រូវ​ប្រុងប្រយ័ត្ន​គ្រោះថ្នាក់​ផ្សេងៗ​ដែល​កើត​ឡើង​ជាយថាហេតុ ។

សម្ភារ​ផ្តល់​ជូនរួមមាន ៖ អង្ករ៤០​គីឡូក្រាម ត្រីខ១០កំប៉ុង មី១កេស ទឹកស៊ីអីវ ១ យួរ ទឹកត្រី១យួរ កៅស៊ូ​តង់១ សារុង១ មុង១ ភួយ១ ក្រមា ១ ចានស្រាក់១ និងថវិកាចំនួន ៥០,០០០ រៀលគត់ និងថវិកាសប្បុរសជនរួមមានៈ
លោក ​ហោ ប៊ុនហួរ៥០,០០០ រៀល លោកព្រំ ម៉ោង ៥០,០០០ រៀល លោកមឿន សុខន ៥០,០០០ រៀល លោក​មេឃុំរតនៈ ៤៥,០០០ រៀល លោក ទេព ភិន ២០,០០០ រៀល លោក អៀត វិន ២០,០០០ រៀល​ លោកជួន ជីវ ២០,០០០ រៀល លោក ចាន់ យៀន ១០,០០០ រៀល លោក ចឹក វី ៥,០០០ រៀល លោក បុន គ្រីម ១០,០០០ រៀល។

 

ពិធីប្រគល់ផ្ទះមនុស្សធម៌របស់សាខាកាកបាទក្រហមកម្ពុជាខេត្តសៀមរាប

សាខាកក្រកខេត្តសៀមរាប៖ ​នៅព្រឹក​ថ្ងៃទី​១៤​ ខែមីនា​ ឆ្នាំ២០១៧ ​ផ្ទះ​មនុស្សធម៌​របស់​សាខា​កាកបាទក្រហម​កម្ពុជា​ខេត្ត​សៀមរាប​ ចំនួន២ខ្នង​ ត្រូវ​បាន​លោកជំទាវ​ គួយ ណាលីន​ អនុ​ប្រធា​នគណៈកម្មាធិការ​សាខា​ និង​សហការី​ប្រគល់​ជូន​ប្រជាពលរដ្ឋ​នៅ​ស្រុក​សូទ្រនិគម​។ ​ផ្ទះ​មនុស្សធម៌​ទាំង២​ខ្នង​នេះមាន​ទំហំ៤ម៉ែត្រx៥ម៉ែត្រ​សង់ពីឈើតម្កល់លើជើងតាង  កម្ពស់ពីដី១,៨ម៉ែត្រ ប្រក់ស័ង្កសី ក្រាលក្តារ ជញ្ជាំង​ក្ដារ​ ក្រោមការ​ជួយឧបត្ថម្ភ​ពីលោក​ឧកញ៉ា លី ហុង និង​លោកជំទាវ​ម្ចាស់​សណ្ឋាគារ​អង្គរ​ភែលេស​រីហ្សត និងស្ប៉ា ខេត្ត​សៀមរាប។


ផ្ទះថ្មីនេះ​ត្រូវបាន​ប្រគល់ជូន៖ 


- ផ្ទះមនុស្សធម៌ទី៨ ប្រគល់ជូនឈ្មោះ នឿម តំឡាប់ ភេទស្រី អាយុ៣២ឆ្នាំ រស់នៅភូមិកំពង់គរ២ ឃុំ កៀនសង្កែ ស្រុក​សូទ្រនិគម ជាស្ត្រី​មេម៉ាយ​ក្រីក្រ​ខ្លាំង មានជំងឺ​ប្រចាំ​កាយ និងមានកូនតូចម្នាក់ផង។ 


- ផ្ទះ​មនុស្សធម៌​ទី៩ ប្រគល់​ជូនឈ្មោះ មោង រ៉េត ភេទប្រុស អាយុ៦៥ឆ្នាំ រស់នៅ​ភូមិបុស្ស ​ឃុំដំដែក ​ស្រុក​សូទ្រ​និគម គ្រួសារ​ក្រី​ខ្លាំង មានជំងឺ​រ៉ាំរ៉ៃ ​និង​ត្រូវ​ចិញ្ចឹម​ចៅ​កំព្រា​ផង។

 

មានប្រសាសន៍​ក្នុងឱកាស​នោះ​លោកជំទាវ ​គួយ ណាលីន បានពាំនាំ​នូវការ​ផ្ដាំផ្ញើ​សួរសុខ​ទុក្ខ​ពី​សម្ដេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា​ ដែល​តែងតែ​ព្រួយបារម្ភ​ និង​យកចិត្ត​ទុកដាក់​ចំពោះ​ប្រជាពលរដ្ឋ​គ្រប់រូប ​មិនប្រកាន់​វណ្ណៈ ពណ៌​សម្បុរ ជំនឿ​សាសនា​ ឬនិន្នាការ​នយោបាយ​ណាមួយឡើយ។ លោកជំទាវ ក៏បាន​បន្តថា បងប្អូន​ត្រូវចេះសម្អាត ថែរក្សា ផ្ទះថ្មីនេះដើម្បី​បានជា​ជម្រកដ៏កក់ក្តៅ​តរៀង​ទៅ ត្រូវបន្ត​មើលថែ​កូនចៅ ​ឱ្យគាត់​បានរៀនសូត្រ​ដើម្បី​អនាគត​ភ្លឺស្វាង។ នេះជាការបង្ហាញ​នូវការយក​ចិត្តទុក​ដាក់​ចំពោះ​ប្រជាពលរដ្ឋ​គ្រប់រូប​ពីសំណាក់​ថ្នាក់​ដឹកនាំ​ ពិសេស​គឺកាកបាទក្រហម​កម្ពុជា ​ដូចដែល​បានលើក​ឡើងថា​ “កាកបាទក្រហម​កម្ពុជា​មានគ្រប់​ទីកន្លែង​ សម្រាប់​គ្រប់ៗ​គ្នា” និង “ទីណាមានទុក្ខលំបាក ទីនោះមានកាកបាទក្រហមកម្ពុជា” ។

 

អំណោយសង្កត់ផ្ទះ១គ្រួសារទទួលបាន៖ មុង១ ភួយ១ សារុង១ ក្រមា១ កន្ទេល១ អង្ករ ៥០គីឡូក្រាម មី១កេស ត្រីខ១យួរ ទឹកត្រី១យួរ ទឹកបរិសុទ្ធ៥យួរ សម្ភារៈផ្ទះបាយមួយចំនួន និងថវិកា២០ម៉ឺនរៀល។ សម្រាប់​លោកតា លោកយាយ ដែល​អញ្ជើញ​ចូលរួម​ម្នាក់​ៗទទួលបាន​ថវិកា១ម៉ឺនរៀល ​ជាមួយ​គ្នានេះដែរ លោកជំទាវ ម៉ម វាសនា សមាជិកគណៈកម្មាធិការ​សាខា​ ឧបត្ថម្ភកង់១គ្រឿង​ក្នុង១គ្រួសារ​ផងដែរ៕

 

គ្រួសាររងគ្រោះដោយខ្យល់កន្រ្តាក់ទទួលអំណោយពីសាខា កាកបាទក្រហមកម្ពុជាខេត្តបាត់ដំបង

សាខាកក្រកបាត់ដំបង៖​ នៅរសៀល​ថ្ងៃទី​១៣​ខែ​មីនា​ឆ្នាំ​២០១៧​ នេះ​សាខា​កាកបាទក្រហម កម្ពុជា​ខេត្តបាត់ដំបង​ដឹកនាំ​ដោយឯកឧត្តមបណ្ឌិត​ ប៊ុត គឹមស៊ាន ប្រធាន​គណៈកម្មាធិការ​សាខា​ និង​ក្រុម​ប្រតិបត្តិ​សាខា​បាន​ចុះសួរសុខទុក្ខ​ និង​ផ្តល់​អំណោយ​មនុស្សធម៌​ជូនដល់​ប្រជាពលរដ្ឋ រងគ្រោះ​ដោយ​ខ្យល់កន្រ្តាក់​ចំនួន ២៣​គ្រួសារ​ខូចខាត​ទាំងស្រុង​៤គ្រួសារ ក្នុងភូមិ​តាគត់​៧ខ្នង ធ្ងន់ធ្ងរ០១ខ្នង ភូមិដំណាក់​ដង្កោ​១៦ខ្នង ខូចខាត​ទាំងស្រុង​២ខ្នងផ្ទះ ធ្ងន់ធ្ងរ​ខ្លាំង​២ខ្នង​ផ្ទះ ។ រងគ្រោះ​កាលពី វេលាម៉ោង​ប្រមាណ ៤:៤០នាទីល្ងាច ថ្ងៃទី១២ មិនា ឆ្នាំ២០១៧។ អំណោយ​ផ្តល់ ជួន​ក្នុង​មួយគ្រួសារ​ៗទទួល​បាន៖ អង្ករ២៥គីឡូក្រាម, មី១០កញ្ចប់ ត្រីខ៥ កំប៉ុងសារុង១ ភួយ១ ក្រមា១ និងថវិកាចំនួន ៥០,០០០រៀល ដោយឡែក​គ្រួសារ​រងគ្រោះខូចខាត​ទាំងស្រុង​៤គ្រួសារទទួល​បន្ថែម​អង្ករ៥០kg សំពត់តង់១ និងថវិកា      ១០០,០០០រៀលផងដែរ ។


ក្នុងឱកាស​នោះ​ឯកឧត្តមបណ្ឌិត​ បានមាន​ប្រសាសន៍​ចូលរួម​សោកស្តាយ​ចំពោះការ​ខូចខាត​ទ្រព្យសម្បត្តិ​នាពេលនេះ ​និងបាន​ លើកឡើង​ពីការយកចិត្ត​ទុកដាក់​គិតគូរ​ខ្ពស់​ពីសំណាក់​សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហម​កម្ពុជា ចំពោះ​សុខទុក្ខ​ប្រជា​ពលរដ្ឋ​យើង​ជាទូទៅ​ជាពិសេស​បងប្អូន​ប្រជាពលរដ្ឋ​មិនប្រកាន់​ពីនិន្នាការ​នយោបាយ​ ជាតិសាសន៍​ សាសនា វណ្ណៈ​ ពណ៌សម្បុរអ្វីទាំងអស់​ ។ 
ពិសេស​សូម អោយ​បងប្អូន​ប្រជាពលរដ្ឋ​ទាំងអស់​យកចិត្ត​ទុកដាក់​ពីសុខភាព​រក្សា​ឲ្យបាន​នូវ​អនាម័យទាំង​ការរស់នៅ​ និងការហូបចុក ដើម្បី​ចៀសវាង​ពីជម្ងឺដង្កាត់​ផ្សេងៗ​មក​បៀតបៀន​ ព្រមទាំង​សូមឲ្យបងប្អូន​ដែលរស់​នៅមូលដ្ឋាន​ជាមួយគ្នា​ ត្រូវមាន​ការសាមគ្គីគ្នា​ ចេះជួយ​ទុក្ខធុរៈ​គ្នាទៅវិញ​ទៅមក​ និងចៀសវាង​ឲ្យឆ្ងាយ​ពីអំពើ​អសកម្មនានា​ដែលសង្គមជាតិ​ស្អប់ខ្ពើម​ ដើម្បី​ឲ្យភូមិ-សង្កាត់​យើងមាន​សុវត្ថិភាព​ និងរស់នៅ​ប្រកប​ដោយភាព​សុខដុមរមនា​ ប្រកបមុខ​របទទួលទាន ដើម្បីស្តារ​សេដ្ឋកិច្ច​គ្រួសារ​រីកចម្រើន​និងសូមអំពាវនាវ​អោយមាន​ការប្រុងប្រយត្ន័​ខ្ពស់​ចំពោះ​គ្រោះធម្មជាតិ​នានា ។

គ្រួសារសពរងគ្រោះដោយរន្ទះបាញ់ទទួលអំណោយពីអនុសាខាកាកបាទក្រហមកម្ពុជាស្រុកជាំក្សាន្ត

សាខាកក្រកខេត្តព្រះវិហារ ៖​រសៀល​ថ្ងៃទី​១៣​ ខែ​មីនា​ ឆ្នាំ​២០១៧​ នេះ​លោកស្រី​ព្រំ វណ្ណា ​អនុ​ប្រធាន​គណៈកម្មាធិការ​សាខា​កាកបាទក្រហម​កម្ពុជា​ស្រុក​ជាំក្សាន្ត​បាន​នាំយកអំណោយ​មនុស្សធម៌​ចូលរួម​រំលែក​ទុក្ខ​យ៉ាងក្រៀមក្រំ​ជាមួយ​គ្រួសារ​សព​ចំនួន១គ្រួសារ​ ដែល​បណ្តាល​រន្ទះបាញ់​ស្លាប់​កាលពី​ល្ងាចថ្ងៃទី១២ ខែមីនា ២០១៧ នៅភូមិពាក់ស្បែក ឃុំរំដោះស្រែ សម្ភារៈរួមមានអង្ករ៤០គីឡូ មី១កេះ ត្រីខ ១យួរ ទឹកស៊ីអ៊ីវ១យួរ ទឹកបរិសុទ្ធ២កេះ សារុង១ ក្រមា១ មុង១ ភួយ១ និងថវិកា១០០,០០០ រៀល។

 

សូមជម្រាបជូនថាអនុសាខា​កាលពី​ល្ងាច១២ មីនា ២០១៧ បាន​នាំយក​អំណោយ​មនុស្សធម៌​ជូន​គ្រួសារ​រងគ្រោះ​ដោយ​ខ្យល់​កន្ត្រាក់​រលំផ្ទះ​ នៅភូមិស្ទឹងខៀវ ឃុំស្រអែម​រួមមាន​អង្ករ២០ គីឡូ មី ១ កេះ ត្រីខ១យួរ ទឹកស៊ីអ៊ីវ១យួរ ទឹក​បរិសុទ្ធ១កេះ មុង១ សារុង១ ក្រមា១ ភួយ១ តង់១ និងថវិកា៤០,០០០រៀលគត។

 

ប្រជាជនរងគ្រោះដោយអគ្គិភ័យទទួលអំណោយពីសាខាកាកបាទក្រហមកម្ពុជាខេត្តត្បូងឃ្មុំ

សាខាកក្រក ខេត្តត្បូងឃ្មុំ ៖ កាល​ពី​ថ្ងៃទី​១១​ ខែ​មីនា​ ឆ្នាំ​២០១៧​នេះ ​លោកជំទាវ​ ឡេង​សុខា ​អនុ​ប្រធាន​គណ:កម្មាធិការ​សាខា​កាកបាទក្រហម​កម្ពុជា​ខេត្តត្បូងឃ្មុំ​បាន​ចុះ​សួរសុខទុក្ខ​ និងនាំយក​អំណោយ​ទៅផ្តល់​ជូន​គ្រួសារ​លោក​ ឈ្មោះចាន់ យឿន​ ដែលបាន​ទទួលរងគ្រោះ​ដោយ​ភ្លើងឆេះផ្ទះ​នៅភូមិ​តាកែវ ឃុំសេដា ស្ថិតក្នុង​ស្រុក​តំបែរ ខេត្តត្បូងឃ្មុំ ។

 


ក្នុងឱកាស​នោះ​ លោកជំទាវ​បានពាំនាំ​ប្រសាសន៍​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ប្រធាន​កាកបាទក្រហម​កម្ពុជា​ដែលផ្តាំ​ផ្ញើសួរ​សុខទុក្ខ​ក្តីអាណិត​អាសូរ​ និងការ​សោកស្តាយ​ចំពោះ​ឧបទ្ទវហេតុ​ដែលបាន​បំផ្លាញ​លំនៅដ្ឋាន​ និង​ទ្រព្យសម្បត្តិ​របស់​គ្រួសារ​រងគ្រោះ។​ លោកជំទាវ​ក៏បាន​អំពាវនាវ​ដល់ប្រជាជន​ សូមមាន​ការប្រុង​ប្រយ័ត្ន​ចំពោះការ​ប្រើប្រាស់​ភ្លើង​ និងចរន្ត​អគ្គិសនី​ដែលជា​ប្រភព​នៃគ្រោះថ្នាក់​ និងបាន​លើកទឹកចិត្ត​សូមកុំ​អស់សង្ឃឹម​ ហើយប្រឹងប្រែង​ប្រកបរបរ​ចិញ្ចឹម​ជីវិត​ដើម្បី​ស្តារ​សេដ្ឋកិច្ច​គ្រួសារ​ឡើងវិញ ​ព្រោះអំណោយ​ដែលបានផ្តល់​ជូនពេលនេះ ​អាចជួយ​សម្រាល​ការលំបាក​បានមួយ​គ្រាប៉ុណ្ណោះ។

 

អំណោយ​ដែលបាន​ផ្តល់ជូន​នោះរួម​មាន : អង្ករ២៥គក្រ ទឹកត្រី១យួរ ទឹកស៊ីអ៊ីវ ១យួរ ត្រីខ ១ឡូត៍ មី១កេះ ទឹកសុទ្ធអង្គរ ១កេះ ក្រណាត់តង់១ផ្ទាំង កន្ទេល ខ្នើយ មុង ភួយ ចានឆ្នាំង និងសំភារ: និងថវិកា មួយចំនួន ។

សាខាកាកបាទក្រហមកម្ពុជាខេត្តព្រះវិហាររៀបចំប្រឡងគំនូរកុមារ

សាខាកក្រកខេត្តព្រះវិហារ៖ ​នៅថ្ងៃ​ទី​១៣​ខែមីនា​ឆ្នាំ២០១៧ ​នេះ​មន្ត្រី​ប្រតិបត្តិ​សាខា​កាកបាទ ក្រហម​កម្ពុជា​ខេត្តព្រះវិហារ​ បានចុះ​រៀបចំ​ប្រឡងគំនូរ​អបអរសាទរ​ខួបទី​១៥៤​ទិវា​ពិភពលោក​កាកបាទក្រហម​ អឌ្ឍចន្ទ​ក្រហម​០៨ ឧសភា២០១៧ ចំនួន៤សាលា​ដែលមាន​សិស្សានុសិស្ស​ចូលរួម​ប្រឡង​គំនូរ​ចំនួន ១៨៤ នាក់ ស្រី១០០ នាក់ រួមមាន៖


-បឋមសិក្សា​ត្បែង​មានជ័យចំនួន៥៥ នាក់ ស្រី២៤ នាក់ ។


-បឋមសិក្សា​អនុវត្ត​ចំនួន៦២នាក់ ស្រី៣៨ នាក់


-បឋមសិក្សា ​ហ៊ុន សែន ត្បែងមានជ័យ ចំនួន៣០ នាក់ ស្រី១៤ នាក់ 


-បឋមសិក្សា​ស្ថាពរ​ចំនួន៣៧ នាក់ ស្រី ២៤ នាក់។

 

សាខាកាកបាទក្រហមកម្ពុជាខេត្តប៉ៃលិនផ្តល់អំណោយមនុស្សធម៌ដល់លោកយាយឈិត គិន

សាខាកក្រកខេត្តប៉ៃលិន​ ៖​កាលពី​ព្រឹក​ថ្ងៃទី​១១​ ខែមីនា​ ឆ្នាំ២០១៧​ នេះ​ អនុ​សាខា​កាកបាទក្រហម​កម្ពុជា ​ស្រុកសាលា​ក្រៅ​ដឹកនាំ​ដោយ​លោក ឡោ ស៊ុនជាង​ ប្រធាន​គណ:កម្មកា​រអនុសាខា​ ព្រម​ទាំងសមាជិក​សមាជិការ​អនុសាខា ​និងយុវជន​កាកបាទក្រហម​បានចុះសួរ​សុខទុក្ខ និង​នាំយក​អំណោយ​មនុស្សធម៌​ទៅផ្តល់​ជូន​លោកយាយ ឈិត គិន​ អាយុ៨១ឆ្នាំ រស់នៅ​ភូមិ​អូរអិល ឃុំស្ទឹងកាច់ ស្រុកសាលា​ក្រៅ ខេត្តប៉ៃលិន បច្ចុប្បន្ន​លោកយាយ​មានជម្ងឺ​ជាទម្ងន់​មិនអាច​ក្រោក​ធ្វើការ​អ្វីបានឡើយ។

 

ក្នុងឱកាស​នោះ​ លោកប្រធាន​គណៈកម្មការអនុសាខា​ បានមាន​ប្រសាសន៍​លើកឡើង​ពីការយកចិត្តទុក​ដាក់គិតគូរ​ខ្ពស់​ពី​សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ​ប្រធាន​កាកបាទក្រហម​កម្ពុជា ចំពោះសុខទុក្ខ​ប្រជាពលរដ្ឋ​យើងជាទូទៅ​ជាពិសេស​អ្នកដែល​រងគ្រោះ​ និងងាយ​រងគ្រោះ​គ្រប់ប្រភេទ​ដោយមិនប្រកាន់​ពីនិន្នាការ​នយោបាយ ជាតិសាសន៍​ សាសនា វណ្ណៈ​ ពណ៌សម្បុរអ្វីទាំងអស់​។​

 

និងអំពាវ​នាវដល់​ប្រជាពលរដ្ឋ​ទាំងអស់យកចិត្ត​ទុកដាក់ពីសុខភាព​រក្សាឲ្យបាននូវ​អនាម័យ​ទាំងការរស់នៅ​ និងការ​ហូបចុក ដើម្បីចៀសវាង​ពីជម្ងឺដង្កាត់​ផ្សេងៗមកបៀតបៀន​ ។

 

អំណោយផ្តល់ជូនរួមមាន​ ៖​ អង្ករ៥០គក្រ មី២កេស​ ទឹកត្រី ទឹកស៊ីអ៊ីវ ទឹកសុទ្ធ ស្ករសរ ប្រេងឆា ត្រីខនិងថវិកា២០ម៉ឺនរៀល៕

 

សាខាកាកបាទក្រហមកម្ពុជាខេត្តសៀមរាបចុះផ្សព្វផ្សាយអំពីការប្រឡងគំនូរកុមារ

សាខាកក្រកខេត្តសៀមរាប៖ នៅព្រឹក​ថ្ងៃទី​១០​ ខែមីនា​ ឆ្នាំ២០១៧​ សាខា​កាកបាទក្រហម​កម្ពុជា​ខេត្តសៀមរាប​ បាន​សហការ​ជាមួយ​មន្ទីរ​អប់រំ យុវជន​ និងកីឡា​ខេត្ត​សៀមរាប​ចុះផ្សព្វផ្សាយ​អំពី​ការប្រឡង​គំនូរកុមារ​ ស្ដីពី​សកម្មភាព​មនុស្សធម៌​របស់​កាកបាទក្រហម​កម្ពុជា​ដើម្បី​អបអរ​សាទរ​ទិវា​ពិភពលោក កាកបាទក្រហម អឌ្ឍចន្ទក្រហម ៨ឧសភា។

 

ការផ្សព្វផ្សាយ​នេះធ្វើនៅ​ទីស្នាក់ការ​អនុ​សាខា​កាកបាទក្រហម​កម្ពុជា​ស្រុកសូទ្រនិគម ​ដោយមាន​លោកប្រធាន​ការិយាល័យ​អប់រំ យុវជន និងកីឡាស្រុក លោកនាយក លោកស្រីនាយិកា សាលា​បឋម​សិក្សា​ក្នុងស្រុក​សូទ្រនិគម ចំនួន១០សាលា។

សាខាកាកបាទក្រហមកម្ពុជាខេត្តព្រះវិហារចុះពិនិត្យការសាងសង់អណ្តូងទឹកស្អាត

ព្រះវិហារ៖​ នៅថ្ងៃទី​១១​ ខែមីនា ​ឆ្នាំ២០១៧​ ឯកឧត្តម​ យុង គឹមហ៊ាន​ នាយក​សាខា​កាកបាទក្រហម​កម្ពុជា​ខេត្តព្រះវិហារ​ ចុះពិនិត្យ​ការសាងសង់​អណ្តូងទឹក​ស្អាត​ចំនួន១៩​អណ្តូង​ផ្តល់​ដោយ​កាកបាទក្រហមកម្ពុជា​ ដែលមាន​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុន សែន ជាប្រធាន ។


សូម​បញ្ជាក់ថា​ អណ្តូង​ទាំងនេះ​ត្រូវបាន​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ប្រធាន​កាកបាទក្រហម​កម្ពុជា ​សម្រេច​ផ្តល់​កាលពី​ថ្ងៃទី​២១ ខែកុម្ភៈ ឆ្នាំ២០១៧ ​សម្រាប់​ផ្តល់ជូន​ប្រជាពលរដ្ឋ​ខ្វះខាត​ទឹកប្រើប្រាស់​ចំនួន​៣២០ គ្រួសារ ស្មើមនុស្ស១,១៤៣ នាក់ នៅឃុំកន្ទួត និងឃុំរំដោះ​ស្រែ ស្រុកជាំក្សាន្ត ខេត្តព្រះវិហារ ។

 

ក្រុមហ៊ុន​បានធ្វើការ​សាងសង់​ចាប់ពីថ្ងៃទី​២៨ ខែកុម្ភៈ ឆ្នាំ២០១៧ ដល់ថ្ងៃទី១១ ខែមីនា ឆ្នាំ២០១៧ នេះខួង​បានរួចរាល់​ទាំង១៩ អណ្តូង (ខួង និងចាក់​សាប​បាន១០០៖ចំនួន១៣ អណ្តូង)

 

នៅក្នុង​ការចុះ​ពិនិត្យ​ការសាងសង់​នេះបាន​ ជម្រុញ​អោយក្រុម​ប្រើ ប្រាស់​ទឹកធ្វើ​របង​ជុំវិញ​អណ្តូង​ ដាំដំណាំ​ជាលក្ខណៈគ្រួសារ សម្អាត​ជុំវិញ​អណ្តូង​ និងបានអោយ​ក្រុមហ៊ុន​សាង សង់ចុះពិនិត្យ​កែសម្អ​អណ្តូង​លេខ១៨២ និង១៨៧ ដែលសប់តឹង ។

ការសាងសង់​នេះនិង​បញ្ចប់១០០% នៅថ្ងៃទី១៧ ខែមីនា​ ឆ្នាំ២០១៧។

 

First Prev 47 48 49 50 51 Next Last