អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

ប្រជាពលរដ្ឋក្រីក្រ អ្នកមានជម្ងឺ កុមារកំព្រា ស្រ្តីមេម៉ាយនៅក្នុងឃុំអន្សាទទួលអំណោយពីសាខាកក្រកខេត្តពោធិ៍សាត់

សាខាកក្រកខេត្តពោធិ៍សាត់​៖នៅព្រឹកថ្ងៃ​ព្រហស្បតិ៍ ១កើត ខែ​ស្រាពណ៍ ឆ្នាំកុរ​ ឯកស័ក ព.ស២៥៦៣ ត្រូវនឹងថ្ងៃទី១ ខែសីហា ឆ្នាំ ២០១៩ ឯកឧត្តម​ ខូយ រីដាប្រធានគណៈកម្មាធិការ​សាខា តំណាង ឯ​កឧត្តមបណ្ឌិត ​ម៉ៅ ធនិន ប្រធាន​កិត្តិយសសាខា សមាជិក ​សមាជិកា បាននាំ​យកអំណាយមនុស្សធម៌​ ជូនប្រជាពលរដ្ឋក្រីក្រ អ្នកមានជម្ងឺ កុមារកំព្រា​ ស្រ្តីមេម៉ាយ សរុបចំនួន ៤៥គ្រួសារស្ថិត​នៅក្នុងឃុំអន្សាចំបក់ ស្រុកក្រគរ ក្រុងពោធិ៍សាត់​ ខេត្តពោធិ៍សាត់។

ជាមួយគ្នានេះដែរ ឯកឧត្តម​ ប្រធានគណៈកម្មាធិការសាខា ​បានពាំនាំនូវការផ្តាំផ្ញើរសួរ​សុខទុក្ខពីសំណាក់សម្ដេចកិតិ្តព្រឹទ្ធបណ្ឌិត ប៊ុន រ៉ានី​ ហ៊ុនសែនប្រធាន​កាកបាទក្រហមកម្ពុជា ដែលជានិច្ច​កាលសម្ដេចតែងតែយកចិត្តទុកដាក់គិតគូរ​អំពីសុខទុក្ខដល់ប្រជាពលរដ្ឋ​ដែលរងគ្រោះ និងងាយរងគ្រោះ ​នៅគ្រប់ទីកន្លែងមិនប្រកាន់ពី​ពូជសាសន៍ណាមួយឡើយ។

សូមបញ្ជាក់ថា​អំណោយផ្តល់ជូនក្នុង​១គ្រួសាររួមមាន​៖អង្ករ២៥ គីទ្បូក្រាម, មី ១កេស និងថវិកា​មួយចំនួន៕

 

កិច្ចពង្រឹងសមត្ថភាពបន្ថែមដល់អ្នកស្ម័គ្រចិត្តក្នុងការអនុវត្តន៍គម្រោងសុខភាពមនុស្សចាស់នៅខេត្តកំពត

សាខាកក្រកខេត្តកំពត ៖​ កាលពីរសៀលថ្ងៃពុធ ១៥រោច​ ខែអាសាឍ ឆ្នាំកុរ ឯកស័ក​ ព.ស.២៥៦៣ ត្រូវនឹងថ្ងៃទី ៣១ ខែកក្កដា ឆ្នាំ២០១៩​ សាខាកាកបាទក្រហមកម្ពុជា ​ខេត្តកំពត បានចុះប្រជុំ​អ្នកស្ម័គ្រចិត្តកាកបាទក្រហមកម្ពុជា និងស្ថាប័ន​ពាក់ព័ន្ធ ដោយ​មានការ​ឧបត្ថម្ភគាំទ្រ​ថវិកាដោយសហព័ន្ធ​អន្តរជាតិ ក្រោមវត្តមានលោកជំទាវ មុំ ចន្ទី នាយិការង​នាយកដ្ឋានសុខភាព ​កាកបាទក្រហមកម្ពុជា និងលោក​ជំទាវឡាក់ មុន្នីរស្មី តំណាងសហព័ន្ធអន្តរជាតិ​កាកបាទក្រហម អឌ្ឍចន្ទក្រហម ​និងមានការចូលរួមពី ​លោក លោកស្រី មន្ត្រីសាខា អនុសាខា មន្ត្រីពាក់ព័ន្ធ ​និងអ្នកស្ម័គ្រចិត្ត​សរុបចំនួន ២២នាក់ (ស្រី ៩នាក់) មក​ពីឃុំចំនួន២ ស្ថិតក្នុងស្រុកទឹកឈូ ខេត្តកំពត។

កិច្ចប្រជុំនេះមានគោលបំណង​ ដើម្បីពង្រឹងសមត្ថភាព​បន្ថែមដល់អ្នកស្ម័គ្រ​ចិត្តក្នុងការអនុវត្តន៍​គម្រោងសុខភាពមនុស្សចាស់​ឲ្យកាន់តែមានប្រសិទ្ធិភាព​ដល់សហគមន៍ផងដែរ៕

 

យុទ្ធនាការកម្ចាត់ជម្រកមូសខ្លានៅក្នុងភូមិតារាម ឃុំត្បែង ស្រុកកំពង់ស្វាយ ខេត្តកំពង់ធំ

សាខាកក្រកខេត្តកំពង់ធំ៖ នៅព្រឹកថ្ងៃ ពុធ ១៥រោច ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៣១ ខែ កក្កដា​ ឆ្នាំ២០១៩ នេះ លោកជំទាវ ​លំ គន្ធារី សមាជិកកិត្តិយស​សាខា តំណាង​ ឯកឧត្តម សុខលូ ប្រធានគណៈកម្មាធិការ​សាខាកាកបាទក្រហម​កម្ពុជា ខេត្តកំពង់ធំ​ និងសហការី សហការ​ជាមួយមន្ទីរសុខាភិបាលខេត្តកំពង់ធំ ​អ្នកស្ម័គ្រចិត្ត យុវជន​កាកបាទក្រហមកម្ពុជា និង​ប្រជាពលរដ្ឋ សរុប ៩៥នាក់ បានចុះផ្សព្វផ្សាយ អំពីជំងឺគ្រុនឈាម​រួមទាំងធ្វើយុទ្ធនាការ​កម្ចាត់ជម្រកមូសខ្លា​នៅក្នុងភូមិតារាម​ ឃុំត្បែង ស្រុកកំពង់ស្វាយ ​ខេត្តកំពង់ធំ។

យុទ្ធនាការនេះធ្វើឡើង​ក្នុងគោលបំណងដើម្បីការពារ​បង្ការជម្ងឺគ្រុនឈាម ដែល​អាចឆ្លងតាមរយៈនៃមូសខ្លាខាំ ហើយយុទ្ធនាកា​នេះត្រូវបានធ្វើឡើង​ជាក្រុមដើម្បីផ្សព្វផ្សាយដល់​ប្រជាពលរដ្ឋឱ្យយល់ដឹងដូចជា៖

១. សូមចូលរួមកំចាត់​ដង្កូវទឹកមូសខ្លា និងធានាថា ​មិនមានដង្កូវទឹក នៅក្នុង​បរិវេណផ្ទះសំបែង​ តាមរយៈការកម្ទេចចោល និងលុបបំបាត់​ចោល នូវរាល់វត្ថុដក់ទឹក​ ដែលមិនប្រើប្រាស់ ដូចជា​ សំបកកង់ឡាន កង់ម៉ូតូ សំបកកំប៉ុង ធុង ក្រឡ ​ពាង អាង ដែលមិនប្រើប្រាស់​ សំបកដប សំបកដូង ​និងវត្ថុអាចដក់ទឹក​ដទៃទៀត ដែលនៅជុំវិញបរិវេន​ផ្ទះរបស់លោកអ្នក ត្រូវលាង​សម្អាតសម្ភារៈ ឬវត្ថុប្រើប្រាស់ផ្សេងៗ ​សម្រាប់ស្ដុកទឹក ឲ្យបានពីរដង ក្នុងមួយសប្ដាហ៍ ​ឬដាក់ថ្នាំអាបែត ត្រីប្រាំពីរ​ពណ៌ ឬគ្របឲ្យបានត្រឹមត្រូវ​នូវពាង អាងទឹក ធុង ក្រឡ ថូផ្កា ចានទ្រជើងទូ។ល។

២. ត្រូវកំចាត់​សត្វមូសខ្លា តាមរយៈរៀបចំសម្ភារៈ ក្នុងផ្ទះសំបែងឱ្យមានសណ្ដាប់ធ្នាប់ ​ធ្វើយ៉ាងណាឱ្យមានពន្លឺចាំងចូលក្នុងផ្ទះបានល្អ លុបបំបាត់កំប៉ូតព្រៃស៊ុបទ្រុបជុំវិញផ្ទះ​ និងចូលរួមសហការជាមួយភ្នាក់ងារ​សុខាភិបាល ក្នុងករណីមានការបាញ់​ថ្នាំសម្លាប់មូស។

៣. ត្រូវការពារខ្លួន ​កុំឲ្យមូសខ្លាញីខាំតាមរយៈ ការដេកក្នុងមុង (ទាំងថ្ងៃយប់)​ ស្លៀកពាក់ខោអាវវែង មិនត្រូវអង្គុយ ឬសំរាកនៅកន្លែងដែលមិន​មានពន្លឺគ្រប់គ្រាន់នោះទេ។

៤. ត្រូវរូសរាន់ស្វែងរក សេវាថែទាំសុខភាព​ ដែលនៅជិតអ្នកបំផុត ដូចជា​ មណ្ឌលសុខភាព និងមន្ទីរពេទ្យ ក្នុងករណីក្រុមគ្រួសារណាម្នាក់​ របស់អ្នកមានសញ្ញា ឬសញ្ញណជំងឺ ដូ​ចជាក្ដៅខ្លួន (ក្ដៅខ្លួនខ្លាំងភ្លាមៗ ៣៩អង្សាសេឡើង) និងសញ្ញាបន្ទាប់​បន្សុំផ្សេងទៀត ដូចជា មុខក្រហម ​ឈឺក្បាល ឈឺក្រោមក្រឡង់ភ្នែក ឈឺសាច់ដុំ ឬសន្លាក់ ឈឺខ្លួន ស្នាម​កន្ទួលក្រហមជាដើម។

គ្រប់ករណីសង្ស័យមានជំងឺគ្រុនឈាម​ មិនត្រូវសាកល្បងព្យាបាល​ដោយខ្លួនឯង ឬការប្រើប្រាស់​ថ្នាំ

កាកបាទក្រហមកម្ពុជា ឧបត្ថម្ភអំណោយជាលើកទី ៣ ដល់អ្នកស្រី ធីម ឆេងណៃ រស់នៅភូមិស្ទឹង ឃុំពពេល ស្រុកពញាក្រែក ខេត្តត្បូងឃ្មុំ

កក្រក ៖ នៅទីស្នាក់​ការកណ្តាល​កាកបាទក្រហមកម្ពុជា ​នារសៀល​ថ្ងៃទី៣០ ខែកក្កដា​ ឆ្នាំ២០១៩​ នេះ កាកបាទក្រហមកម្ពុជា​ ដែលមាន​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ បានឧបត្ថម្ភអំណោយជាលេីកទី​ ៣​ រួមមានគ្រឿង​ឧបភោគបរិភោគ​ សម្ភារប្រើប្រាស់​ និងថវិកាមួយចំនួន​ដល់អ្នកស្រី​ ធីម ឆេងណៃ អាយុ៦៦ឆ្នាំ ​រស់នៅភូមិស្ទឹង ឃុំពពេល​ ស្រុកពញាក្រែក​ ខេត្តត្បូងឃ្មុំ ដែល​មានជំងឺទឹកនោមផ្អែមធ្ងន់ធ្ងរ​បណ្តាលឱ្យ​វះកាត់ជើង។

ក្នុងឱកាសនោះ​ លោកជំទាវ ម៉ែន​ នារីសោភ័គ ​អគ្គលេខាធិការរងទី១ ​កាកបាទក្រហមកម្ពុជា​ បានពាំនាំប្រសាសន៍​របស់ សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ​ដែលផ្តាំផ្ញើសួរសុខទុក្ខ​ និងក្តីអាណិតអាសូរចំពោះអ្នកស្រី​ ធីម​ ឆេងណៃ​ និងផ្តាំផ្ញើឱ្យបន្ត​ថែទាំសុខភាព​ ពិសាអាហារឱ្យ​បានត្រឹមត្រូវ​ អនុវត្ត​តាមវេជ្ជបញ្ជាគ្រូពេទ្យ​ និងសូមជូនពរឆាប់​បានជាសះស្បើយ​ឡើងវិញ។

អ្នកស្រី​ ធីម​ ឆេងណៃ​ បានសម្តែងនូវ​ការដឹងគុណយ៉ាងជ្រាលជ្រៅ​ចំពោះ​ សម្តេចកិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ដែល​បានជួយ​សម្រាលការលំបាក​ជាបន្តបន្ទាប់ និងលើកទឹកចិត្ត​ដល់ប្រជាពលរដ្ឋជួប​ការលំបាកដោយ​គ្មានការរើសអើងអ្វីឡើយ​៕

 

សាខាកាកបាទក្រហមកម្ពុជា ខេត្តកំពត ចុះសួរសុខទុក្ខ ប្រជាពលរដ្ឋរងគ្រោះដោយខ្យល់កន្រ្តាក់ នៅក្នុង ឃុំត្រពាំងភ្លាំង ស្រុកឈូក

សាខាកក្រក​ខេត្តកំពត ៖ នាព្រឹកថ្ងៃអង្គារ ​១៤រោច ខែអាសាឍ​ ឆ្នាំកុរ ឯកស័ក ព.ស.​ ២៥៦៣ ត្រូវនឹងថ្ងៃទី ៣០ ខែកក្កដា ឆ្នាំ២០១៩​ សាខាកាកបាទក្រហម​កម្ពុជា ខេត្តកំពត ដឹកនាំ​ដោយ លោកជំទាវ​ លាង ហៃ ជាវ តាយ ​អនុប្រធានកិត្តិយសសាខា ​និងសហការី បានចុះសួរ​សុខទុក្ខ និងនាំយក​អំណោយមនុស្សធម៌របស់​កាកបាទក្រហមកម្ពុជា ​ទៅផ្តល់ជូនប្រជាពល​រដ្ឋរងគ្រោះ​ដោយខ្យល់កន្រ្តាក់ ចំនួន ២៣គ្រួសារ​ ក្នុងនោះរលំទាំងស្រុង៨គ្រួសារ និងប៉ើងដំបូល ​ចំនួន ១៥គ្រួសារ ស្ថិតនៅក្នុង​ភូមិព្រៃពាយ ឃុំត្រពាំងភ្លាំង​ ស្រុកឈូក ខេត្តកំពត។

នាឱកាសនេះ​លោកជំទាវ បានពាំនាំមក​នូវប្រសាសន៍ផ្តាំ​ផ្ញើសួរសុខទុក្ខពីសំណាក់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ប្រធានកាកបាទក្រហម​កម្ពុជា ដែលជានិច្ចកាល​សម្តេចតែងតែគិត​គូរពីសុខទុក្ខរបស់បងប្អូន​ប្រជាពលរដ្ឋជួបការលំបាក​ទីទ័លក្រ មានជំងឺ ជនងាយរងគ្រោះ​ ជនរងគ្រោះដោយគ្រោះមហន្តរាយផ្សេងៗ ដោយមិនប្រកាន់រើសអើងវណ្ណៈ ​ជាតិសាសន៍ ពណ៌សម្បុរ ​ឬនិន្នាការនយោបាយអ្វីឡើយ​ និងផ្តាំផ្ញើដល់បងប្អូន​ប្រជាពលរដ្ឋទាំងអស់ប្រកាន់​យកនូវ អនាម័យល្អ ហូបស្អាត ​ផឹកស្អាត និងរស់នៅស្អាត​ ត្រូវខិតខំប្រឹងប្រែង​បង្ករបង្កើនផល ​និងប្រកបមុខរបរ​ផ្សេងៗដើម្បីទ្រទ្រង់ជីវភាព​គ្រួសារបានល្អប្រសើរឡើង។

អំណោយដែលផ្ដល់​ជូនរួមមាន ៖ អង្ករ ២៥គីឡូក្រាម មី ១កេស ​ទឹកស៊ីអ៊ីវ ១យួរ ត្រីខ ១០កំប៉ុង ស្ករសរ ១គីឡូក្រាម ក្រមា១ មុង១ ភួយ១ សារុង១ (រលំទាំងស្រុងបន្ថែម​កៅស៊ូតង់១ដុំ) និង ថវិកាមួយ​ចំនួនផងដែរ៕

 

កាកបាទក្រហមកម្ពុជា ផ្តល់អំណោយជាលើកទី២ នូវគ្រឿងឧបភោគ-បរិភោគ សម្ភារប្រើប្រាស់ និងថវិកាមួយចំនួន ដល់ មណ្ឌលវិបស្សនាធុរៈសុវណ្ណគិរីរកាទេរភ្នំចំបាប់ ស្រុកបាទី

នៅទីស្នាក់ការកណ្តាល​ ថ្ងៃអង្គារ ១៤រោច​ ខែអាសាឍ ឆ្នាំកុរ​ ឯកស័ក​ ព.ស.២៥៦៣ ត្រូវនឹងថ្ងៃទី​ ៣០ ខែកក្កដា​ ឆ្នាំ២០១៩​ នេះ​ កាកបាទក្រហមកម្ពុជា​ ដែលមានសម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ បានផ្តល់អំណោយ​ជាលេីកទី២​ នូវគ្រឿងឧបភោគ-បរិភោគ សម្ភារប្រើប្រាស់​ និងថវិកាមួយចំនួន​ ដើម្បីជួយ​សម្រាលដល់ការរស់​នៅប្រចាំថ្ងៃរបស់​ សីលវន្ត​ សីលវតី​ និងព្រះសង្ឃ​ ដែលកំពុងស្នាក់នៅ-គង់​ នៅក្នុងមណ្ឌល​វិបស្សនាធុរៈសុវណ្ណគិរីរកាទេរ​ភ្នំចំបាប់​ ស្ថិតនៅ​ឃុំត្នោត​ ស្រុកបាទី​ ខេត្តតាកែវ។

ក្នុងឱកាសនោះ លោកជំទាវ​ ម៉ែន​ នារីសោភ័គ​ អគ្គលេខា​ធិការរងទី ១​ បានពាំនាំប្រសាសន៍របស់​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា​ ដែលផ្តាំផ្ញើសួរសុខទុក្ខ​ចំពោះសីលវន្ត​ សីលវតី​ ទាំងអស់​ដែលកំពុងសិក្សាព្រះធម៌​ និងស្នាក់នៅ​ក្នុងមណ្ឌល​ ព្រមទាំង​សូមបួងសួង​ឱ្យមានសុខភាពល្អ​ អាយុ​យឺនយូរ​ ដេីម្បីផ្សព្វផ្សាយនិងទ្រទ្រង់វិស័យព្រះពុទ្ធសាសនា​តរៀងទៅ។

សីលវតី​ ស៊ុន​ វួចឪ​ ជន្មាយុ​ ៦៩ឆ្នាំ​ ដែលជាអ្នកទទួលខុសត្រូវ​ក្នុងមណ្ឌល​បានជូនពរដល់​ សម្តេចកិត្តិព្រឹទ្ធបណ្ឌិត ប៊ុន​ រ៉ានី​ ហ៊ុនសែន​ និងសហការី​នៃកាកបាទក្រហមកម្ពុជា​ សូមជួបប្រទះតែពុទ្ធពរ​ ៤ប្រការកុំបីឃ្លៀងឃ្លាតឡើយ​ និងទទួល​បានជោគជ័យ​ថែមទៀតក្នុងការជួយសម្រាល​ទុក្ខលំបាក​ដល់ប្រជាពលរដ្ឋនៅគ្រប់ទីកន្លែង។

អំណោយដែលផ្តល់ជូន​មណ្ឌលរួមមាន ៖ អង្ករ ៣០០​គីឡូក្រាម មី ១០កេស ត្រីខ ១០០កំប៉ុង ឃីត៥​ (មុង៥​ ភួយ៥​ សារុង៥​ ក្រមា៥)​ និងថវិកា​ ៥០ម៉ឺនរៀល។ ដោយឡែក​ ក្រណាត់​ ១០ដុំ​ (ក្នុង​ ១ដុំ​ មានថវិកា​ ១ម៉ឺនរៀល)​ ជាណោយ​របស់​ សម្តេចអគ្គមហាសេនាបតីតេជោ​ ហ៊ុនសែន​ និង​សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​៕

 

យុទ្ធនាការ ស្តីពី ការពារជីវិត និងពិការភាពពីគ្រោះថ្នាក់ចរាចរណ៍ នៅខេត្តក្រចេះ

ថ្ងៃទី ៣០ ខែកក្កដា ឆ្នាំ២០១៩ ​សាខាកាកបាទក្រហម​កម្ពុជា ខេត្តក្រចេះ ​សហការជាមួយ​គម្រោងយុវជនកាកបាទក្រហមកម្ពុជា ​និងសុវត្ថិភាពចរាចរណ៍​ កាកបាទក្រហមកម្ពុជា​ទីស្នាក់ការកណ្តាល ​រៀបចំយុទ្ធនាការ ស្តីពី ការពារជីវិត និង​ពិការភាពពីគ្រោះថ្នាក់ចរាចរណ៍ ​ក្រោមអធិបតីភាពរបស់​ ឯកឧត្តម ធុន គ្រី ប្រធានគណៈកម្មាធិការសាខា​កាកបាទក្រហមកម្ពុជា​ ខេត្តក្រចេះ លោកជំទាវ ​សោម សេរីវឌ្ឍន៍ នាយិការរង​ នាយកដ្ឋានធនធានមនុស្ស​ កាកបាទក្រហមកម្ពុជា​ និងមានការអញ្ជើញ​ចូលរួម ពីឧត្តមសេនីត្រី ជុំ វណ្ណា​ ស្នងការរងនគរបាលចរាចរណ៍​ខេត្ត្កក្រចេះ ​និងសមាជិកគណ:​កម្មាធិការ​សាខា យុវជន​កាកបាទក្រហមកម្ពុជា​ យុវជកាយរិទ្ធ អ្នកស្ម័គ្រចិត្ត ​សរុប ១០៨នាក់។ ក្នុងគោលបំណង ​ចូលរួមចំណែក ​និងជំរុញការកាត់បន្ថយ​អត្រាគ្រោះថ្នាក់ចរាចរណ៍នៅកម្ពុជា​ ដែលបានសម្លាប់​មនុស្ស បន្សល់ទុក​ជនពិការ កុមារ​កំព្រា ស្រ្តីមេម៉ាយ​ និងរបួសធ្ងន់ធ្ងរ ជាច្រើន​ពាន់នាក់ ក្នុង១ឆ្នាំៗ។

អនុសាខាកាកបាទក្រហមកម្ពុជា ស្រុករវៀង នាំអំណោយមនុស្សធម៌ទៅផ្តល់ជូនគ្រួសាររងគ្រោះដោយសារភ្លើងឆេះផ្ទះ នៅភូមិត្នោយម្លូ ខេត្តព្រះវិហារ

សាខាកក្រកខេត្តព្រះវិហារ៖​នៅព្រឹកថ្ងៃទី ២៩ ខែ កក្កដា ឆ្នាំ២០១៩ ​លោក ហោ ប៊ុនហួរ អនុប្រធានកិត្តិយសអនុសាខា​កាកបាទក្រហមកម្ពុជា​ ស្រុករវៀង និងក្រុមការងារបាន​នាំយកអំណោយមនុស្សធម៌ទៅផ្តល់ជូនលោក​ សុខ សុផាត អាយុ ៥៥ រងគ្រោះ​ដោយសារភ្លើងឆេះផ្ទះ ​នៅភូមិត្នោយម្លូ​ ឃុំរបៀប ស្រុករវៀង​ ខេត្តព្រះវិហារ ។

ក្នុងឱកាសនោះដែរ​លោកអនុប្រធានកិត្តិយស​អនុសាខាកាកបាទ ​ក្រហមកម្ពុជា​ ស្រុករវៀង បានសម្ដែងនូវការសោកស្ដាយ​ចំពោះឧប ទ្ទវហេតុភ្លើង​ឆេះផ្ទះនេះហើយ បានផ្តាំផ្ញើ​សូមលោកកុំអស់​សង្ឃឹម ត្រូវខិតខំប្រកបរបរ​ចិញ្ចឹម ជីវិតដើម្បី​សម្រាលនូវជីវ ភាពរស់នៅ ​និងសូមបងប្អូនប្រជាពលរដ្ឋ​ទាំងអស់មេត្តាប្រុងប្រយ័ត្នជៀសវាង​គ្រោះថ្នាក់ឡើងជាយថា ហេតុ ។

សម្ភារដែលបាន​ផ្តល់ជូនរួមមាន៖អង្ករ ២៥ គីឡូក្រាម មី១កេស ត្រីខ ១០ កំប៉ុង ទឹកត្រីទឹកស៊ីអ៉ីវ ១យួរ តង់១ សារុង១ ក្រមា១ មុង១ ភួយ ១ និងថវិការបស់​លោក ហោ ប៊ុនហួរ និងសប្បុរសជន​ចំនួន ២,៤៧៣,០០០ រៀល ។

 

ពិធីប្រកាសតែងតាំងសមាសភាពគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ អាណត្តិទី៥

កក្រក ៖ នៅព្រឹកថ្ងៃចន្ទ ១៣រោច ខែអាសាឍ ​ឆ្នាំកុរ ឯកស័ក ព.ស. ២៥៦៣​ ត្រូវនឹងថ្ងៃទី​ ២៩ ខែកក្កដា ឆ្នាំ២០១៩ លោកជំទាវ ពុំ ចន្ទីនី​ អគ្គលេខាធិការ ​កាកបាទក្រហមកម្ពុជា អញ្ជើញ​ចូលរួមជាអធិបតីភាពក្នុងពិធីប្រកាសតែងតាំង​សមាសភាពគណៈកម្មាធិការ​សាខាកាកបាទក្រហម​កម្ពុជា ខេត្តព្រះសីហនុ អាណត្តិទី៥ (២០១៩-២០២៥)​ ដែលមានការចូលរួម​ពីឯកឧត្តមឧកញ្ញ៉ា កុក អាន ​ប្រធានកិត្តិយសសាខា និងឯកឧត្តម គួច ចំរើន​ និងថ្នាក់ដឹកនាំនៅតាមមន្ទីរ​ អង្គភាព សាខា អនុសាខា យុវជន និងអ្នកស្ម័គ្រចិត្តកាកបាទក្រហមកម្ពុជា​ សរុបចំនួន ២១៨នាក់ ដែលប្រព្រឹត្ត​ទៅនៅបរិវេណ​សាខាខេត្តព្រះសីហនុ។

ក្នុងពិធីនេះ​ កាកបាទក្រហមកម្ពុជា ដែលមាន​សម្ដេចកិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន​ ជាប្រធាន បានតែងតាំង ​ឯកឧត្តម គួច ចំរើន ជាប្រធាន​គណៈកម្មាធិការ​សាខា អាណត្តិទី៥ ​ឯកឧត្តម លូ គឹមឈន់ ជាអនុប្រធាន​អចិន្ត្រៃយ៍ ឯកឧត្តម ម៉ាង ស៊ីណេត​ ជាអនុប្រធាន​ លោកជំទាវ ហៀក ហ៊ីមុល្លី ជាអនុប្រធាន លោកជំទាវ ​ប្រាក់ ច័ន្ទសុខា ជាហេរញ្ញឹក​គណៈកម្មាធិការសាខា​ និងសែជូ សិទ្ធិជោតិ ជាលេខាធិការ​គណៈកម្មាធិការ​សាខា​ និងសមាជិក ​គណៈកម្មាធិការសាខា​ចំនួន ១៣នាក់ និងសមាជិកបម្រុង ២នាក់ សរុបចំនួន ១៥នាក់។

តំណាងគណៈកម្មាធិការ​សាខាកាកបាទក្រហម​កម្ពុជា ខេត្តព្រះសីហនុ ​អាណត្តិទី៥ ឯកឧត្តម គួច ចំរើន បានធ្វើការប្តេជ្ញាចិត្ត​យ៉ាងមុតមាំថា៖
- ប្រកាន់ខ្ជាប់នូវគោលការណ៍គ្រឹះទាំង៧​ នៃចលនាអន្តរជាតិកាកបាទក្រហម ​និងអឌ្ឍចន្ទក្រហម មាន៖ -ភាពមនុស្សធម៌ -ភាពមិនលំអៀង -អព្យាក្រឹតភាព -ឯករាជភាព -សេវាកម្មស្ម័គ្រចិត្ត -ឯកភាព និងសកលភាព។
- យកចិត្តទុកដាក់​ប្រតិបត្តិតាមគោលការណ៍​ណែនាំ របស់កាកបាទក្រហម​កម្ពុជា ដើម្បីបំពេញភារកិច្ចមនុស្សធម៌បានជោគជ័យ។
- រក្សាសាមគ្គីភាពក្នុង​ជួរគណៈកម្មាធិការ​សាខា និងទទួលយក​ការប្រឹក្សាជាមួយគណៈកិត្តិយស​សាខា និងឯកភាពរួម​គ្នាដោះស្រាយបញ្ហា​ប្រឈម ដោយស្មារតី​ទទួលខុសត្រូវខ្ពស់។
- ដឹកនាំតម្រង់ទិស ក្រុមប្រតិបត្តិសាខា​ឱ្យអនុវត្តបាន​ល្អនូវភារកិច្ច​ ស្របតាមយុទ្ធសាស្រ្ត​កាកបាទក្រហមកម្ពុជា ដែលក្នុងនោះមាន​វិស័យស្នូល៤រួមមាន៖ -ការគ្រប់គ្រងគ្រោះ​មហន្តរាយ -សុខភាព និងការថែទាំសុខភាព​សហគមន៍ -លើកកម្ពស់គោល​ការណ៍គ្រឹះ ​និងតម្លៃមនុស្សធម៌​របស់ចលនា -អភិវឌ្ឍស្ថាប័ន និងអភិវឌ្ឍធនធាន បង្កើនគំនិតក្នុងការកៀរគររកមូលនិធិពីសប្បុរសជនពីគ្រប់មជ្ឈដ្ឋាន ដើម្បីបម្រើការមនុស្សធម៌របស់សាខា និងយកចិត្តទុកដាក់ណែនាំអនុសាខា ឱ្យបំពេញភារកិច្ចមនុស្សធម៌ឱ្យបានល្អ ស្របតាមវិស័យស្នូលទាំង៤ នៃយុទ្ធសាស្រ្តកាកបាទក្រហមកម្ពុជា។
- យកចិត្តទុកដាក់បន្តការងារពង្រីកអ្នកស្ម័គ្រចិត្តកាកបាទក្រហមកម្ពុជានៅមូលដ្ឋាន និងពង្រឹងសកម្មភាពអប់រំសុខភាពសហគមន៍។
- យកចិត្តទុកដាក់ពង្រីក និងពង្រឹងសកម្មភាពយុវជនកាកបាទក្រហមកម្ពុជា នៅគ្រឹះស្ថានសិក្សា ជាគំរូក្នុងការងារមនុស្សធម៌ ក្នុងគ្រឹះស្ថានសិក្សា និងសង្គម៕

 

យុទ្ធនាការ ផ្សព្វផ្សាយពីការបង្ការ និងការពារជំងឺគ្រុនឈាម នៅ ស្រុកវើនសៃ ខេត្តរតនគិរី

សាខាកាកបាទក្រហម​កម្ពុជា ខេត្តរតនគិរី​៖ នៅព្រឹកថ្ងៃទី ២៩ ខែ កក្កដា ឆ្នាំ២០១៩​ សាខាកាកបាទក្រហម​កម្ពុជាខេត្ត​ រតនគិរីដឹកនាំដោយ​លោកឌឹម ណាត ​នាយកសាខា ​សហការជាមួយ​មន្ទីរសុខាភិបាលខេត្ត បានរៀបចំ​ធ្វើយុទ្ធនាការ​ ផ្សព្វផ្សាយពីការបង្ការ និង​ការពារជំងឺគ្រុនឈាម ​ដល់ប្រជាពលរដ្ឋចំនួន ៥៥ នាក់ ស្រី ២៣ នាក់ នៅសាលាឆទាន​ភូមិកាចូន និងដាក់ថ្នាំ​អាបែតជូនប្រជាពលរដ្ឋ​ នៅក្នុងភូមិកាចូន ឃុំកចូន​ ស្រុកវើនសៃ ខេត្តរតនគិរី​ ដើម្បីសម្លាប់ដង្កូវ​ទឹកមូសខ្លា រួមចំណែក​ទប់ស្កាត់ការផ្ទុះឡើងនៃជំងឺគ្រុនឈាម​នៅឆ្នាំ ២០១៩នេះ។

បន្ទាប់ពីយុទ្ធនាការ​នៅភូមិកាចូន ក្រុមការងារ​បានអោយអ្នកស្ម័គ្រចិត្ត​នៅភូមិផ្សេងទៀត​ ជួយណែនាំបន្ថែមដល់ប្រជាពលរដ្ឋ​ក្នុងមូលដ្ឋានរបស់ខ្លួន ​អោយបានយល់ពី​ការទប់ស្កាត់ការរីករាល​ដាលជំងឺគ្រុនឈាម និងបន្តដាក់​ថ្នាំអាបែតនៅភូមិចំនួន​៥ភូមិទៀតរួមមានៈ ភូមិទៀមលើ​ ភូមិកាឡឹម ភូមិកាចូនលើ ភូមិវ៉ង និងភូមិវ៉ាយ​។ ក្នុងយុទ្ធនាការនេះសាខា​បានចែកជូន ខិត្តប័ណ្ណ​ អប់រំអំពីការបង្ការ​ និងការពារជំងឺគ្រុនឈាម និង សាប៊ូដុំ​សម្រាប់លាងដៃដល់អ្នកចូលរួម​ទាំងអស់ ផងដែរ ចំណែក​មន្ទីរសុខាភិបាលប្រើប្រាស់ថ្នាំអាបែត​ចំនួន៦០គីឡូក្រាម។

 

First Prev 1 2 3 4 5 Next Last