អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

សាខាកាកបាទក្រហមកម្ពុជា ខេត្តសៀមរាប បើកវគ្គបណ្ដុះបណ្ដាលវិជ្ជាសង្គ្រោះបឋម ដល់បុគ្គលិកក្រុមហ៊ុនអាកាសយានដ្ឋានអន្តរជាតិសៀមរាប

សាខាកក្រកខេត្តសៀមរាប៖ នៅព្រឹកថ្ងៃ​សៅរ៍ ១៤រោច ខែពិសាខ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី ១ ខែមិថុនា ​ឆ្នាំ២០១៩ លោក លីវ ឡន​ ប្រធានការិយាល័យ​អភិវឌ្ឍន៍​សាខា​កាកបាទក្រហមកម្ពុជា​ ខេត្តសៀមរាប និងសហការី ​បានបើកវគ្គ​បណ្ដុះបណ្ដាលស្ដីពី​វិជ្ជាសង្គ្រោះបឋម ​ជូនដល់​បុគ្គលិកក្រុមហ៊ុន​អាកាសយានដ្ឋាន​អន្តរជាតិសៀមរាប​ចំនួន១០នាក់ នៅទីស្នាក់ការ​សាខាកាកបាទក្រហម​កម្ពុជា ខេត្តសៀមរាប។

វគ្គនេះ​មានរយៈពេល ២ថ្ងៃ ចាប់ពីថ្ងៃទី ០១ ដល់ ០២ ខែមិថុនា ឆ្នាំ២០១៩ ក្នុងគោលបំណង​ផ្ដល់នូវចំណេះដឹង​អំពីវិជ្ជាសង្គ្រោះបឋម ​ដើម្បីជួយសង្គ្រោះ​ជនរងគ្រោះដោយឧបទ្ទវ​ហេតុផ្សេងៗ បានទាន់ពេលវេលា ពិសេសភ្ញៀវ​ទេសចរណ៍ និងអ្នកដំណើរ​ដែលត្រូវធ្វើដំណើរ​តាមយន្តហោះ ។

 

សាខាកាកបាទក្រហមកម្ពុជា ខេត្តកំពង់ចាម បានប្រារព្ធមិទ្ទីងអបអរខួបលើកទី ១៥៦ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០១៩

សាខាកក្រក​ខេត្តកំពង់ចាម ៖ កាលពីរសៀល​ថ្ងៃសុក្រ ១៣រោច​ ខែពិសាខ ឆ្នាំកុរ ​ឯកស័ក ព.ស.២៥៦៣ ត្រូវនឹង​ថ្ងៃទី ៣១ ខែ ឧសភា​ឆ្នាំ ២០១៩ សាខា​កាកបាទក្រហមកម្ពុជា ​ខេត្តកំពង់ចាម បានប្រារព្ធមិទ្ទីង​អបអរខួប​លើកទី ១៥៦ ទិវាពិភពលោក​កាកបាទក្រហម និងអឌ្ឍចន្ទក្រហម ​៨ ឧសភា ឆ្នាំ២០១៩ ក្រោមប្រធានបទ«ខ្ញុំ❤កាកបាទក្រហមកម្ពុជា» ដែលប្រព្រឹត្តទៅ​នៅសាលសន្និសីទ​សាលាខេត្តកំពង់ចាម។

ពិធីនេះបានធ្វើឡើង​ក្រោមអធិបតីភាព​ដ៏ខ្ពង់ខ្ពស់ ឯកឧត្តម ហ៊ុន ណេង ប្រធាន​កិត្តិយសសាខា ឯកឧត្តម យឹម ឆៃលី ​ឧបនាយករដ្ឋមន្ត្រី​ ប្រធានក្រុមប្រឹក្សា​ស្តារអភិវឌ្ឍន៍វិស័យកសិកម្ម និងជនបទ ​ព្រមទាំងមានការអញ្ជើញ​ចូលរួមពីគណៈកិត្តិយស​ សមាជិក សមាជិកា​ រាជរដ្ឋាភិបាល ក្រុមប្រឹក្សាខេត្ត​ គណៈអភិបាល​ ខេត្តមន្ទីរ-អង្គភាពនានា​ជុំវិញខេត្ត អ្នកស្ម័គ្រចិត្ត ​យុវជនកាកបាទក្រហមកម្ពុជា យុវជនកាយរឹទ្ធិជាតិ​កម្ពុជា ឯកឧត្តម លោកជំ ទាវ លោកឧកញ៉ា ​តំណាងក្រុមហ៊ុន អាជីវករ សប្បុរស​ជនជាតិ អន្តរជាតិ សរុបប្រមាណជាង ៩១៥ នាក់ ក្នុងគោលបំណង៖
១. រំឭកដល់ថ្ងៃកំណើត​របស់លោក ហង់រី ឌុយណង់ ដែលជា​ស្ថាបនិករបស់​កាកបាទក្រហម
២. យល់ដឹងអំពី​ប្រវត្តិចលនា​កាកបាទក្រហម និង​អឌ្ឍចន្ទក្រហម និងច្បាប់​មនុស្សធម៌អន្តរជាតិ
៣. កៀរគររកមូល​និធិពីសប្បុរសជន ដើម្បីត្រៀមឆ្លើយ​តបឲ្យបានទាន់ពេល​វេលាក្នុងការ​ជួយសង្រ្គោះជនរងគ្រោះ ​និងជនងាយរងគ្រោះ​ផងដែរ ។

សូមបញ្ជាក់​ជូនថា៖ សាខាកាកបាទក្រហម​កម្ពុជា ទទួលបានថវិកា​ពីសប្បុរសជន​ជាបណ្ដោះអាសន្ន សរុប​ចំនួន ៥៨០,០០០ ដុល្លារអាមេរិក (ហាសិបប្រាំបីម៉ឺនដុល្លារអាមេរិក)៕

 

កិច្ចប្រជុំ គណៈកម្មាធិការសាខា ដើម្បីរៀបចំឆ្លងសមាសភាព គណៈកិត្តិយសសាខា គណៈកម្មាធិការសាខា អាណត្តិទី៥ សម្រាប់ពេលសន្និបាតនៅខេត្តបន្ទាយមានជ័យ

សាខាកក្រក​ខេត្តបន្ទាយមានជ័យ​ ៖​ នៅរសៀល ​ថ្ងៃព្រហស្បតិ៍១២រោច​ ខែពិសាខ​ ឆ្នាំកុរ ឯកស័កព.ស២៥៦៣​ ត្រូវនឹងថ្ងៃទី៣០​ ខែឧសភា ឆ្នាំ២០១៩​ សាខា កាកបាទក្រហមកម្ពុជា​ ខេត្តបន្ទាយមានជ័យ​ បានបើកកិច្ចប្រជុំ​ គណៈកម្មាធិការ​សាខា ដើម្បីរៀបចំឆ្លង​សមាសភាព​ គណៈកិត្តិយសសាខា ​គណៈកម្មាធិការសាខា​ អាណត្តិទី៥ សម្រាប់ពេល​សន្និបាត​ក្នុងពេលខាងមុខ។

កិច្ចប្រជុំនេះ​ បានពិភាក្សាលេី​ សមាសភាព​របស់សមាជិកគណៈកម្មាធិការ​សាខា​អាណត្តិទី៤ ដែលបានសុំលាឈប់​ពីសមាជិក​គណៈកម្មាធិការ និងត្រូវជ្រើសរើសបង្គ្រប់វិញ និងគណៈកិត្តិយស​មួយចំនួន ក៏បានលាឈប់​និងផ្លាស់ប្តូរការងារទៅឆ្ងាយ ក៏ត្រូវជ្រើសរើស​ បំពេញវិញផងដែរ។

កិច្ចប្រជុំបាន​បញ្ចប់នៅម៉ោង ១៦និង៤០នាទី​ ប្រកបដោយ​ភាពស្និទ្ធស្នាល ​និងរីករាយបំផុត៕

 

សាខាកាកបាទក្រហមកម្ពុជា ខេត្តត្បូងឃ្មុំ ចុះសួរសុខទុក្ខ គ្រួសារសព រងគ្រោះដោយ រន្ទះបាញ់ នៅភូមិសោយ ឃុំមៀន ស្រុកអូររាំងឪ

សាខាកក្រកខេត្តត្បូងឃ្មុំ ៖ នៅថ្ងៃទីព្រហស្បតិ៍ ១២រោច ខែពិសាខ​ ឆ្នាំកុរ ឯកស័ក ព.ស.២៥៦៣ ​ត្រូវនឹងថ្ងៃទី៣០ ខែឧសភា​ ឆ្នាំ២០១៩ សាខា​កាកបាទក្រហម​កម្ពុជា ខេត្តត្បូងឃ្មុំ ​ដឹកនាំដោយ​លោក រស់ សុខន ​នាយកស្ដីទីសាខា ​និងសហការី ​បានចុះសួរសុខទុក្ខ ​និងនាំយកអំណោយ​មនុស្សធម៌កាកបាទក្រហម​កម្ពុជាទៅចូលរួម​រំលែកទុក្ខដល់​គ្រួសារសព ចំនួន ២គ្រួសារ​ ដែលបានរងគ្រោះ​ដោយរន្ទះបាញ់ បណ្តាល​ឲ្យស្លាប់ បុរស ២នាក់ កាលពីថ្ងៃទី ២៩ ខែឧសភា ​ម្សិលមិញ ស្ថិតនៅភូមិសោយ​ ឃុំមៀន ស្រុកអូររាំងឪ។

ស្ថិតក្នុងសមាន​ទុក្ខដ៏សែនក្រៀមក្រំនេះ ​លោកនាយកស្តីទីសាខា​ បានពាំនាំនូវប្រសាសន៍​ផ្តាំផ្ញើសួរសុខទុក្ខពីសំណាក់​លោកជំទាវ ប្រធានស្តីទី​គណ:កម្មាធិការសាខាកាកបាទ​ក្រហមកម្ពុជាខេត្តត្បូងឃ្មុំ​ និងជាពិសេសពីសំណាក់សម្តេច​កិត្តិព្រឹទ្ធបណ្ឌិត ប៊ុន រ៉ានី​ ហ៊ុនសែន ប្រធាន​កាកបាទក្រហមកម្ពុជា​ ជូនចំពោះបងប្អូន​រងគ្រោះទាំង ២គ្រួសារ​ ព្រមទាំងបានសម្តែង​នូវការសោកស្តាយ​ផងដែរ ចំពោះគ្រោះធម្មជាតិ​ដោយរន្ទះ បណ្តាល​ឲ្យស្លាប់បាត់បង់ជីវិតកម្លាំង​ពលកម្មដ៏សំខាន់​នៅក្នុងគ្រួសារ និងចូលរួម​រំលែកនូវមរណទុក្ខ​ដ៏ក្រៀមក្រំ​នេះជាមួយ​ក្រុមគ្រួសារផងដែរ ។

ក្នុងមួយគ្រួសារ​ទទួលបាន ៖ : អង្ករ ៥០គីឡូក្រាម, មី ១កេស, ទឹកសុទ្ធ១កេស,​ ទឹកត្រី១យួរ, ទឹកស៊ីអ៊ីវ១យួរ, ត្រីខ១យួរ, និងថវិកា​ ២០០,០០០រៀល។

 

សាខាកាកបាទក្រហមកម្ពុជាខេត្តព្រះវិហារ បាន យកអំណោយមនុស្សធម៌ទៅផ្តល់ជូន ប្រជាពលរដ្ឋមានជីវភាពខ្វះខាតចំនួន១១០ គ្រួសារ នៅភូមិស្រអែមជើង និងភូមិធម្មជាតិ ឃុំស្រអែម ស្រុកជាំក្សាន្ត ខេត្តព្រះវិហារ។

សាខាកក្រក​ខេត្តព្រះវិហារ៖​នៅព្រឹកថ្ងៃទី ៣០ ខែ ឧសភា​ ឆ្នាំ ២០១៩ នេះលោក ពឹង ទ្រីដា ​អនុប្រធាន​គណៈកម្មាធិការ​សាខាកាកបាទក្រហមកម្ពុជា​ខេត្តព្រះវិហារ បាន​នាំយកអំណោយ​មនុស្សធម៌ទៅផ្តល់ជូន​ ប្រជាពលរដ្ឋមានជីវភាពខ្វះខាត​ចំនួន១១០ គ្រួសារ ​នៅភូមិស្រអែម​ជើង និងភូមិធម្មជាតិ​ ឃុំស្រអែម​ ស្រុកជាំក្សាន្ត ​ខេត្តព្រះវិហារ។

ក្នុងឱកាសនោះដែរ​ លោក ពឹង ទ្រីដា អនុប្រធាន​គណៈកម្មាធិការសាខា​កាកបាទក្រហមកម្ពុជា ​ខេត្តព្រះវិហារបានពាំនាំនូវប្រសាសន៍​ផ្តាំផ្ញើសាក សួរសុខទុក្ខ​ពីសម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ប្រធានកាកបាទក្រហមកម្ពុជា ​ដែលសម្តេចតែងតែ​គិតគូរពីសុខទុក្ខ​របស់បងប្អូនប្រជាពលរដ្ឋ​ ពិសេសបងប្អូន​ប្រជាពលរដ្ឋដែលមានជីវភាព​ខ្វះខាត ដោយ​មិនមិនប្រកាន់​និន្នាការ​នយោបាយ ពូជ សាសន៍ ព័ណ៌សប្បុរ ​សាសនាអ្វីឡើយ និងបានផ្តាំផ្ញើសុំអោយ​បងប្អូន ថែរក្សាសុខ ភាព​ត្រូវហូបស្អាត​ ផឹកស្អាតជានិច្ច ​ត្រូវជៀសអោយឆ្ងាយ​ពីគ្រឿង ញៀន និងចូលរួម​គោរពច្បាប់ចរាចរណ៍។

សម្ភារផ្តល់ជូនក្នុង​មួយគ្រួសារៗ រួមមាន​៖អង្ករ២៥ គីឡូ មី១ កេស ត្រីខ១ យួរ ទឹកស៊ីអីវ១ ។

 

សាខាកាកបាទក្រហមកម្ពុជាខេត្ត ចុះសួរសុខទុក្ខ ប្រជាពលរដ្ឋរងគ្រោះដោយខ្យល់កន្ត្រាក់នៅ ភូមិចំនួន២ក្នុង ឃុំស្តុកប្រវឹកស្រុករុក្ខគីរី ខេត្តបាត់ដំបង

សាខាកក.ក្រ.កខេត្តបាត់ដំបង៖ នៅថ្ងៃទី៣០ខែឧសភាឆ្នាំ២០១៩ ក្រុមការ​ងារសាខាកាកបាទក្រហមកម្ពុជាខេត្តបាត់ដំបង​ដឹកនាំដោយ​ឯកឧត្តមបណ្ឌិត ប៊ុត​គឹមស៊ាន​​ ប្រធា​នគណៈ​កម្មាធិការសាខាកាកបាទក្រហមកម្ពុជាខេត្ត ​និងសហការី បានអញ្ចើញ​ចុះសួរសុខ​ទុកនិងសំណេះ​សំណាលព្រមទាំងនាំយក​ អំណោយមនុស្សធម៌ផ្តល់ផ្តល់ជូនបងប្អូ​នប្រជាពលរដ្ឋរងគ្រោះ​ដោយខ្យល់កន្ត្រាក់​កាលពី ថ្ងៃទី២៧ ខែឧសភា​ ឆ្នាំ២០១៩ ចំនួន១២ គ្រួសារក្នុងនោះរលំទាំងស្រុង ៣គ្រួសារ និងមធ្យម ៩គ្រួសារ ប៉ះពាល់​លើភូមិចំនួន​២គឺភូមិកកោះ ​និងភូមិប្រឡាយ១៨ ឃុំស្តុក​ប្រវឹកស្រុករុក្ខគីរី ​ខេត្តបាត់ដំបង ។

មានប្រសាសន៍នា​ឱកាសនោះ ឯកឧត្តមបណ្ឌិត​ប្រធានគណៈ​កម្មាធិការ​សាខា​ បានផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ​ប្រធានកាកបាទក្រហម​កម្ពុជា និងឯកឧត្តម​សន្តិបណ្ឌិត សុខ​ផល​ប្រធានកិត្តិយសសាខា​ ដែលតែងតែយកចិត្ត​ទុកដាក់គិតគូរ​ចំពោះសុខទុក្ខ​ប្រជាពលរដ្ឋ​គ្រប់រូប មិន​ប្រកាន់វណ្ណៈ ពណ៌សម្បុរ ជំនឿសាសនា​ ឬនិន្នាការនយោបាយ​ណាមួយឡើយ។ នឹងបានអំពាវនាវ​អោយបងប្អូន​មានការប្រុងប្រយត្ន័ចំពោះ​អាកាសធាតុ អគ្គភ័យ​និងពេលធ្វើផ្ទះសូមធ្វើគ្រោះអោយ​មាំ ចូលដាំដើឈើ​ដំណាំហូផ្លែអោយច្រើន​ពិសេសនៅជុំវិញផ្ទះត្រូវ​សម្អាតបរិស្ថាន​អោយបានស្អាតល្អ​ ប្រុងប្រយ័ត្ន​អគ្គភ័យ ចូលរួមគោរពចរាចរណ៍ទាំងអស់គ្នា ហើយអំណោយមនុស្សធម៌​ដែលបាននាំយក​មកចែកជូនបងប្អូន​នាពេលនេះ មាន​ចំនួនតិចតួចក្ដី​ មិនសមល្មមនឹងការខាតបង់​របស់ក្រុមគ្រួសារ ​តែក៏អាចជួយ​សម្រាលទុក្ខបាក​ បានមួយកម្រិត ​ហើយក៏ជាការបង្ហាញនូវការយកចិត្តទុកដាក់​ចំពោះប្រជាពលរដ្ឋ​គ្រប់រូបពីសំណាក់​ថ្នាក់ដឹកនាំ ពិសេស​គឺកាកបាទក្រហម​កម្ពុជា

សម្ភារៈត្រូវផ្តល់ជូន​គ្រួសារក្នុង០១គ្រួសារៗ​ទទួលអំណោយ​បានរួមមាន៖ 
អង្ករ ២៥គីឡូក្រាមទឹកបរិសុទ្ធវិឃែរចំណុះ២០លីត្រ ១ធុងទឹកស៊ីអ៉ីវ១យូទឹកត្រី ១យូត្រីខ១០កំប៉ុង
ក្រណាត់ស១ដុំនិងថវិកាមួយចំនដោយឡែកគ្រួសាររងគ្រោះធ្ងន់ចំនួន ៣គ្រួសារបន្ថែម សំពត់តង ១ ទៀតផងដែរ។​បញ្ជាក់​សំពត់​តង់​ជាអំណោយរបស់​គណៈកម្មាធិការជាតិ​គ្រប់គ្រងគ្រោះមហន្តរាយ​តាមរយៈលេខាដ្ឋានគ្រប់គ្រង​គ្រោះមហន្តរាយខេត្តបាត់ដំបង​ និងសង្ក័សីមួុយចំនួនពីឧបត្ថម្ភ​ដោយក្រុមការងារ​រាជរដ្ឋាភិបាលចុះជួយស្រុករុក្ខគីរី។

 

សាខាកាកបាទក្រហមកម្ពុជា ខេត្តកំពត ចុះសួរសុខទុក្ខ ប្រជាពលរដ្ឋទីទ័លក្រ ចាសជរា នៅឃុំចំនួន៦ ស្រុកអង្គរជ័យ

សាខាកក្រក​ខេត្តកំពត ៖ នារសៀល​ថ្ងៃពុធ ១១រោច ខែពិសាខ ឆ្នាំកុរ ឯកស័ក ព.ស.២៥៦៣ ត្រូវនឹង​ថ្ងៃទី ២៩ ខែឧសភា ឆ្នាំ២០១៩ ​សាខាកាកបាទក្រហម​កម្ពុជា ខេត្តកំពត​ ដឹកនាំដោយ​ លោកជំទាវ លាង ​ហៃ ជាវ តាយ អនុប្រធាន​កិត្តិយសសាខា​ និងសហការី ​បានអញ្ជើញ​ចុះសួរសុខទុក្ខ ​និងនាំយកអំណោយ​មនុស្សធម៌របស់កាកបាទក្រហម​កម្ពុជា ជូន​ដល់ប្រជាពលរដ្ឋ​ទីទ័លក្រ​ ចាសជរា ​ចំនួន ៣០គ្រួសារ មកពីឃុំចំនួន៦ ស្រុកអង្គរជ័យ ខេត្តកំពត។

នាឱកាសនោះដែរ លោកជំទាវ​ បានពាំនាំមកនូវ​ប្រសាសន៍ផ្តាំផ្ញើ​សាកសួរសុខទុក​និងក្ដីនឹករលឹកពី​សំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា ដែល​ជានិច្ចកាល សម្តេច​តែងតែគិតគូរពីសុខទុក្ខរបស់​បងប្អូនប្រជាពលរដ្ឋ​ជួបការលំបាក ទីទ័លក្រ​ មានជំងឺ ជនងាយ​រងគ្រោះ ជន​រងគ្រោះដោយគ្រោះមហន្តរាយផ្សេងៗ ដោយមិនប្រកាន់​រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការ​នយោបាយអ្វីឡើយ និងផ្តាំផ្ញើដល់បងប្អូន​ប្រជាពលរដ្ឋទាំងអស់​ប្រកាន់យកនូវ អនាម័យល្អ​ ហូបស្អាត ផឹកស្អាត និងរស់នៅស្អាត ត្រូវខិតខំប្រឹងប្រែង​បង្ករបង្កើនផល​ និងប្រកបមុខរបរ​ផ្សេងៗដើម្បីទ្រទ្រង់​ជីវភាពគ្រួសារ​បានល្អប្រសើរ​ឡើង។

អំណោយដែល​បានផ្ដល់​ជូនរួមមាន ៖ អង្ករ ២៥គីឡូក្រាម មី ១កេស ទឹកស៊ីអ៊ីវ ១យួរ ទឹកត្រី ១យួរ ស្ករសរ ១គីឡូក្រាម ក្រមា១ សារុង១ មុង១ ភួយ១ កៅស៊ូតង់ ១ដុំ និងថវិកា​មួយចំនួន​ផងដែរ៕

 

កាកបាទក្រហមកម្ពុជា សួរសុខទុក្ខលោកស្រី រ័ត្ន ថាវី ដែលមានជំងឺប្រចាំកាយនិងជំងឺសន្លាក់ធ្ងន់ធ្ងរ រស់នៅម្នាក់ឯង

កក្រក​ ៖​ នៅរសៀល​ថ្ងៃអង្គារ ១០រោច ខែ​ពិសាខ ឆ្នាំកុរ ឯកស័ក ព.ស.២៥៦៣ ត្រូវ​នឹងថ្ងៃទី ២៨ ខែឧសភា ឆ្នាំ២០១៩ នេះ កាកបាទក្រហម​កម្ពុជា ដែលមាន សម្តេច​កិត្តិព្រឹទ្ធបណ្ឌិត ប៊ុន រ៉ានី ​ហ៊ុនសែន ជាប្រធាន បានចាត់ឱ្យលោក​ជំទាវ ម៉ែន នារីសោភ័គ​ អគ្គលេខាធិការរងទី ១ ​ជួបសំណេះសំណាលសួរសុខទុក្ខ​ និងផ្តល់អំណោយមនុស្សធម៌​សម្រាលការលំបាកដល់​លោកស្រី​ រ័ត្ន​ ថាវី​ អាយុ​ ៦២ឆ្នាំ​ អតីតគ្រូបង្រៀនផ្នែកអ៊ុតសក់​និងសំអាងការ​ នៃមជ្ឈមណ្ឌល​បណ្តុះបណ្តាលវិជ្ជាជីវៈ​ ប៊ុន​ រ៉ានី​ ហ៊ុនសែន​ អង្គស្នួល​ ដែលមានជំងឺប្រចាំកាយ​និងជំងឺសន្លាក់ធ្ងន់ធ្ងរ រស់នៅម្នាក់ឯង​នៅផ្ទះជួលស្ថិតនៅភូមិព្រៃពពេល​ ឃុំពើក​ ស្រុកអង្គស្នួល​ ខេត្តកណ្តាល។

ក្នុងឱកាសនោះ លោកជំទាវ អគ្គលេខាធិការរងទី ១ បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ និងគិតគូរពីការរស់នៅរបស់លោកស្រី​ រ័ត្ន​ ថាវី​ ព្រមទាំងផ្តាំផ្ញើឱ្យខិតខំថែទាំសុខភាពឱ្យបានល្អ។

លោកស្រី​ រ័ត្ន​ ថាវី​ បានថ្លែងអំណរគុណយ៉ាងជ្រាលជ្រៅចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលតែងតែមានក្តីមេត្តា​ ករុណា គិតគូរ​ និងលើកទឹកចិត្តដល់ប្រជាជនជួបការលំបាកដោយគ្មានការរើសអើងអ្វីឡើយ។

អំណោយផ្តល់ជូនរួមមាន​ ៖​ អង្ករ​ មី​ ត្រីខ​ មុង​ ភួយ​ សារុង​ ក្រមា​ និងថវិកាមួយចំនួន៕

 

សាខាកាកបាទក្រហមកម្ពុជា ខេត្តព្រះវិហារ ប្រគល់ផ្ទះជូនប្រជាជនមានជីវភាពខ្វះខាត នៅភូមិមរតកតេជោ ឃុំកន្ទួត

សាខាកក្រកខេត្តព្រះវិហារ៖នៅព្រឹក​ថ្ងៃទី ២៨ ខែឧសភា ឆ្នាំ ២០១៩ នេះឯកឧត្តម ​អ៊ុន ចាន់ដា ប្រធានកិត្តិយសសាខា​កាកបាទក្រហមកម្ពុជា​ ខេត្តព្រះវិហារ និងឯកឧត្តម​ សួស យ៉ារ៉ា គណកិត្តិយស​សាខាបានអញ្ជើញប្រគល់ផ្ទះ​ជូនឈ្មោះ ជិន ផា ​ភេទស្រី អាយុ ៣៥ ឆ្នាំ ដែលត្រូវភ្លើងឆេះ​ផ្ទះកាលពីថ្ងៃទី៤​ ខែ ឧសភា ឆ្នាំ២០១៩ ហើយមានជីវភាពខ្វះខាត នៅភូមិមរតកតេជោ ឃុំកន្ទួត ​ស្រុកជាំក្សាន្ត និងបានផ្តល់​អំណោយមនុស្សធម៌ដល់ប្រជាជន​មានជីវភាពខ្វះខាត ​ចំនួន ៥៤ មកពី ៧ភូមិក្នុងឃុំកន្ទួត ​នាឱកាសនោះផងដែរ។

ក្នុងឱកាសនោះឯកឧត្តម អ៊ុន ចាន់ដា ​ប្រធានកិត្តិយសសាខា​កាកបាទក្រហមកម្ពុជា ខេត្តព្រះវិហារ បានពាំនាំនូវប្រសាសន៍ផ្តាំផ្ញើ​សាកសួរសុខទុក្ខ​ពីសម្តេចកិត្តិព្រឹទ្ធបណ្ឌិត ប៊ុន រ៉ានី​ ហ៊ុនសែន ប្រធាន​កាកបាទក្រហមកម្ពុជា​ ដែលសម្តេច​តែងតែគិតគូរពីសុខទុក្ខ​របស់បងប្អូនប្រជាពលរដ្ឋ​ ពិសេសបងប្អូនប្រជាពលរដ្ឋ​ដែលមានជីវភាពខ្វះ ខាត​ដោយមិនមិនប្រកាន់​និន្នាការនយោបាយ​ ពូជសាសន៍ ព័ណ៌សំបុរ សាសនាអ្វីឡើយ និងបានផ្តាំផ្ញើសុំអោយបងប្អូន ​ថែរក្សាសុខភាព​ត្រូវហូបស្អាត ផឹកស្អាត​ជានិច្ច ត្រូវជៀសអោយ​ឆ្ងាយពីគ្រឿងញៀន ។

សម្ភារផ្តល់ជូន​ក្នុងមួយគ្រួសារៗ រួមមាន​៖អង្ករ២៥ គីឡូ មី១ កេស ត្រីខ១ យួរ ទឹកស៊ីអីវ១ យួរ មុង១ សារុង១ ក្រមា១ ភួយ១ ថវិកាមួយ ចំនួន ចំណែកអ្នក​ទទួលបានផ្ទះទទួល​បាន អង្ករ ៥០ គីឡូ មី២ កេស ត្រីខ ២ យួរ ទឹកស៊ីអីវ ១ ភួយធំ១ មុងសុវត្ថិភាព​១ ចានបាយ៤ ចាន សម្ល២ ស្លាបព្រា ៤ វែកបាយ១ វែកសម្ល១ ឆ្នាំងបាយ១ ឆ្នាំងសម្ល១ និងថវិកា​មួយចំនួន។

 

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដឹកនាំគណៈប្រតិភូ ចូលក្រាបបង្គំគាល់ និងថ្វាយព្រះពរ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ និង សម្តេចព្រះមហាក្សត្រី នរោត្តម មុនិនាថ សីហនុ

កក្រក​ ៖​ នៅព្រឹក​ថ្ងៃអង្គារ ១០រោច​ ខែពិសាខ ឆ្នាំកុរ ​ឯកស័ក ព.ស.២៥៦៣ ត្រូវនឹង​ថ្ងៃទី ២៨​ ខែឧសភា ឆ្នាំ២០១៩ នេះ សម្តេច​កិត្តិព្រឹទ្ធបណ្ឌិត ប៊ុន រ៉ានី ​ហ៊ុនសែន​ ប្រធាន​កាកបាទក្រហម​កម្ពុជា បានដឹកនាំ​គណៈប្រតិភូ ចូលក្រាប​ថ្វាយបង្គំគាល់ ​និងថ្វាយព្រះពរ​ ព្រះករុណាព្រះបាទ​សម្តេចព្រះបរមនាថ​ នរោត្តម សីហមុនី ព្រះមហាក្សត្រ​នៃព្រះរាជាណាចក្រ​កម្ពុជា និង សម្តេច​ព្រះមហាក្សត្រី ​នរោត្តម មុនិនាថ ​សីហនុ​ ព្រះវររាជមាតា​ជាតិខ្មែរ ព្រះប្រធាន​កិត្តិយស​កាកបាទក្រហម​កម្ពុជា ​ជាទីគោរពសក្ការៈដ៏​ខ្ពង់ខ្ពស់បំផុត នាព្រះមហា​ប្រាសាទខេមរិន្ទ​ ព្រះបរមរាជ​វាំង។

ទន្ទឹមនឹង​ការទូលថ្វាយ​របាយការណ៍ស្តី​ពីវឌ្ឍនភាព​របស់កាកបាទក្រហមកម្ពុជា​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានថ្វាយ​តង្វាយចំនួន​ ៥០ម៉ឺនដុល្លារ ​ថ្វាយ ព្រះករុណា ព្រះមហាក្សត្រ​ ជាអម្ចាស់ជីវិតលើត្បូង និង​ ៥០ម៉ឺនដុល្លារ​ ថ្វាយ សម្តេចព្រះមហាក្សត្រី​ ព្រះវររាជមាតាជាតិ​ខ្មែរ ជាទីគោរពសក្ការៈ​ ដើម្បីរួមវិភាគទាន ដល់ព្រះរាជសកម្មភាព​មនុស្សធម៌​ដ៏ប្រពៃថ្លៃថ្លានៃ​ព្រះអង្គទាំងទ្វេ​ ជាទីសក្ការៈដ៏ខ្ពង់ខ្ពស់បំផុត។

សម្តេច​កិត្តិព្រឹទ្ធបណ្ឌិត ប៊ុន រ៉ានី​ ហ៊ុនសែន ​បានសម្តែងនូវ​គារវភក្តីដ៏​ខ្ពង់ខ្ពស់​បំផុត និងព្រះមហា​ករុណាទិគុណយ៉ាង​ជ្រាលជ្រៅ​បំផុត និងសូមប្តេជ្ញា​ដង្ហែតាម​លំអានព្រះរាជ​វីរគំរូដ៏ប្រពៃ​ថ្លៃថ្លានៃ ព្រះករុណា​ព្រះមហាក្សត្រជាអម្ចាស់ជីវិត​លើត្បូង និង ​សម្តេចព្រះមហាក្សត្រី​ ព្រះវររាជមាតា​ជាតិខ្មែរ ជា​ទីគោរពសក្ការៈដ៏​ខ្ពង់ខ្ពស់ ​ជារៀងដរាប៕

 

First Prev 1 2 3 4 5 Next Last