អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

សាខាកាកបាទក្រហមកម្ពុជា ខេត្តព្រះវិហារ នាំយកអំណោយមនុស្សធម៌ទៅផ្តល់ជូនជនរងគ្រោះអគ្គិភ័យ

សាខាកក្រកខេត្ត​ព្រះវិហារ៖នៅព្រឹកថ្ងៃទី ១៤ ខែ មេសា ឆ្នាំ ២០១៩ នេះលោក​ជំទាវ ចឹក ហេង ប្រធាន​គណៈកម្មាធិការសាខា​កាកបាទក្រហមកម្ពុជា ​ខេត្តព្រះវិហារ បាននាំយក​អំណោយមនុស្សធម៌ទៅផ្តល់​ជូនលោក សេក ទ្រី អាយុ ៤៨ ឆ្នាំ មានទីលំនៅនៅ​ភូមិត្បែង ឃុំចំរើន ស្រុក​សង្គមថ្មី ដែលរងគ្រោះ​ដោយសារភ្លើងឆេះ​ផ្ទះ បណ្តាលអោយរលាក​ពេញខ្លួន កំពង់សម្រាក​ព្យាបាលជំងឺនៅមន្ទីរពេទ្យ​បង្អែក១៦ មករា ខេត្តព្រះវិហារ។

ក្នុងឱកាសនោះលោកជំទាវប្រធាន​គណៈកម្មាធិការសាខាក្រហម​កម្ពុជា ខេត្តព្រះវិហារ បានពាំនាំនូវប្រសាសន៍ផ្តាំផ្ញើសាកសួរ​សុខទុក្ខពី សម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ប្រធានកាកបាទ​ក្រហមកម្ពុជា ដែលសម្តេចតែងតែគិតគូរ​ពីសុខទុក្ខរបស់បងប្អូន​ប្រជាពលរដ្ឋ ពិសេសបងប្អូនប្រជាពលរដ្ឋ​រងគ្រោះ ដោយមិនមិនប្រកាន់និន្នាការ​នយោបាយ ពូជសាសន៍ ព័ណ៌សប្បុរ សាសនា អ្វីឡើយ ។

សម្ភារផ្តល់ជូនរួមមាន​៖ទឹកដោះគោ ឆៅ ២ ឡូ ទឹកសុទ្ធ១ កេស និងថវិកាមួយចំនួន។

 

កាកបាទក្រហមកម្ពុជា សួរសុខទុក្ខ អតីតអគ្គលេខាធិការរង កាកបាទក្រហមកម្ពុជា

កក្រក ៖ ដោយការយកចិត្តទុកដាក់ និងមិនភ្លេច​ពីគុណបំណាច់របស់បុព្វការី​ជនព្រឹទ្ធាចារ្យមនុស្សធម៌នោះ នៅក្នុងឱកាសពិធីបុណ្យ​ចូលឆ្នាំថ្មីនេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យមន្ត្រី​ ចុះសួរសុខទុក្ខ ឯកឧត្តម ងួន សាខុន មានជន្មាយុ ៨២ឆ្នាំ អតីតអគ្គលេខាធិការរង កាកបាទក្រហម​កម្ពុជា ដែលកំពុងសម្រាក​ព្យាបាល នៅផ្ទះវីឡាលេខ៩ ផ្លូវលេខ P១៤ ក្នុងបុរីជីពម៉ុងសែនសុខ។

ជាក់ស្តែង នារសៀលថ្ងៃសុក្រ ៨កើតខែចេត្រ ឆ្នាំច សំរឹទ្ធស័ក ព.ស. ២៥៦២ ត្រូវនឹងថ្ងៃទី១២ ខែ មេសា ឆ្នាំ ២០១៩ លោកជំទាវ ពុំ ចន្ទីនី អគ្គលេខាធិការ​ កាកបាទក្រហមកម្ពុជា និងលោកជំទាវ​ ម៉ែន នារីសោភ័គ អគ្គលេខាធិការរងទី១ កាកបាទក្រហម​កម្ពុជា ឯកឧត្តម យូ ឡាណា អគ្គលេខាធិការរងទី២ កាកបាទក្រហម​កម្ពុជា ព្រមទាំងសហការី បានអញ្ជើញ​សួរសុខទុក្ខ និង នាំយកថវិកាមួយចំនួន ជូនឯកឧត្តម ងួន សាខុន ព្រមទាំងបួងសួងដល់គុណ​ បុណ្យ ព្រះរតនត្រ័យ វត្ថុ ស័ក្ដិ សិទ្ធិ ក្នុង លោក បារមី ទេវតាថែរក្សាទឹកដី​នៃព្រះរាជាណាចក្រ​កម្ពុជា ជាពិសេស​ទេវតា ឆ្នាំថ្មី ឆ្នាំកុរ ឯកស័ក ព.ស.២៥៦៣ ព្រះនាម ទុង្សា ទេ វី សូមតាមជួយ​បីបាច់ថែរក្សា អភិបាល ប្រោះព្រំ នូវ ព្រះ សព្ទ សាធុការពរជ័យគ្រប់ប្រការ ជូនដល់ ឯកឧត្តម ​ឆាប់ជាសះស្បើយពីជំងឺ និងមានសុខភាព​ល្អបរិបូរណ៍ឡើងវិញ។

ក្នុងឱកាសនោះដែរ ក្រុមគ្រួសារ​ឯកឧត្តម បានថ្លែងអំណរ​គុណចំពោះសម្តេចកិត្តិ​ព្រឹទ្ធបណ្ឌិតប្រធាន ដែលតែងតែ​គិតគូរ ផ្តល់​សេចក្តីស្រទ្បាញ់ និងភាពកក់ក្តៅ​ជារៀងរហូតមក៕

 

កាកបាទក្រហមកម្ពុជា សួរសុខទុក្ខ លោកជំទាវផ្លេក ភីរុណ អតីតប្រធានកាកបាទក្រហមកម្ពុជា

កក្រក ៖ ដោយការយក​ចិត្តទុកដាក់ និងមិនភ្លេច​ពីគុណបំណាច់របស់​បុព្វការីជនព្រឹទ្ធាចារ្យ​មនុស្សធម៌នោះ ជារៀងរាល់ខែ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា តែងតែចាត់ឱ្យមន្ត្រី ចុះសួរសុខទុក្ខ លោកជំទាវ ផ្លេក ភិរុណ មានជន្មាយុ ៩៩ឆ្នាំ អតីតប្រធានកាកបាទក្រហមកម្ពុជា ក្នុងឆ្នាំ១៩៧៤-១៩៧៥ និងពីឆ្នាំ១៩៧៩-១៩៩២ ដែលកំពុងរស់នៅភូមិគ្រឹះលេខ ២៤ វិថីព្រះមុនិវង្ស សង្កាត់ស្រះចក ខណ្ឌដូនពេញ​ រាជធានីភ្នំពេញ។

ជាក់ស្តែង នាព្រឹកថ្ងៃសុក្រ ៨កើតខែចេត្រ ឆ្នាំច សំរឹទ្ធស័ក ព.ស. ២៥៦២ ត្រូវនឹងថ្ងៃទី១២ ខែ មេសា ឆ្នាំ ២០១៩ លោកជំទាវ ពុំ ចន្ទីនី ​អគ្គលេខាធិការ កាកបាទក្រហម​កម្ពុជា និងលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហម​កម្ពុជា ព្រមទាំង​សហការី បានអញ្ជើញសួរសុខទុក្ខ និង នាំយកថវិកាមួយចំនួន ជូន​លោកជំទាវ ផ្លេក ភិរុណ ព្រមទាំងបួងសួ​ងដល់គុណ បុណ្យ ព្រះរតនត្រ័យ វត្ថុ ស័ក្ដិ សិទ្ធិ ក្នុង លោក បារមី ទេវតា​ថែរក្សាទឹកដី​នៃព្រះរាជាណាចក្រ​កម្ពុជា ជាពិសេស​ទេវតា ឆ្នាំថ្មី ឆ្នាំកុរ ឯកស័ក ព.ស.២៥៦៣ ព្រះនាម ទុង្សា ទេ វី សូមតាម​ជួយបីបាច់​ថែរក្សា អភិបាល ប្រោះព្រំ នូវ ព្រះ សព្ទ សាធុការ​ពរជ័យគ្រប់​ប្រការ ជូនដល់​លោកជំទាវ មានសុខភាពល្អ និងមានជន្មា​យុយ៉ឺនយូរតរៀងទៅ។

ក្នុងឱកាសនោះដែរ លោកជំទាវ ផ្លេក ភិរុណ បានថ្លែងអំណរគុណ​ចំពោះសម្តេចកិត្តិព្រឹទ្ធ​បណ្ឌិតប្រធាន ដែលតែងតែគិតគូរ ផ្តល់​សេចក្តីស្រទ្បាញ់ និងភាពកក់ក្តៅ​ជារៀងរហូតមក៕

 

កាកបាទក្រហមកម្ពុជា សុខទុក្ខ លោកជំទាវ គឹម បូរី ភរិយាឯកឧត្តមអ្នកឧកញ៉ាពិសេសវិជ្ជាវេជ្ជ. មី សាមឺឌី

កក្រក ៖ ដោយការយក​ចិត្តទុកដាក់ និងមិនភ្លេចពីគុណ​បំណាច់របស់បុព្វការី​ជនព្រឹទ្ធាចារ្យ​មនុស្សធម៌នោះ ជារៀងរាល់ខែ សម្តេចកិត្តិ​ព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា តែងតែចាត់ឱ្យមន្ត្រី​ ចុះសួរសុខទុក្ខ លោកជំទាវ​ គឹម បូរី មានជន្មាយុ ៩២ឆ្នាំ ត្រូវជាភរិយា​ឯកឧត្តមអ្នក​ឧកញ៉ាពិសេសវិជ្ជាវេជ្ជ. មី​ សាមឺឌី អតីតអគ្គលេខាធិការ​កាកបាទក្រហមកម្ពុជា ដែលកំពុងរស់​នៅភូមិគ្រឹះលេខ៥២ ផ្លូវលេខ៣២២ សង្កាត់បឹងកេងកងទី២ ខណ្ឌចំការមន រាជធានីភ្នំពេញ។

ជាក់ស្តែង នាព្រឹកថ្ងៃសុក្រ ៨កើត ខែចេត្រ ឆ្នាំច សំរឹទ្ធស័ក ព.ស. ២៥៦២ ត្រូវនឹងថ្ងៃទី១២ ខែ មេសា ឆ្នាំ២០១៩ លោកជំទាវ ពុំ ចន្ទីនី​ អគ្គលេខាធិការ កាកបាទក្រហម​កម្ពុជា និងលោកជំទាវ ម៉ែន នារីសោភ័គ អគ្គលេខាធិការ​រងទី១ កាកបាទក្រហមកម្ពុជា ព្រមទាំង​សហការីបានអញ្ជើញសួរសុខទុក្ខ និង នាំយកថវិកាមួយចំនួន ​ជូនលោកជំទាវ គឹម បូរី ព្រមទាំងបួងសួង ​ដល់គុណ បុណ្យ ព្រះរតនត្រ័យ វត្ថុស័ក្ដិសិទ្ធិក្នុងលោក បារមីទេវតា​ថែរក្សាទឹកដីនៃព្រះរាជាណាចក្រ​កម្ពុជា ជាពិសេសទេវតា ឆ្នាំថ្មី ឆ្នាំកុរ ឯកស័ក ព.ស.២៥៦៣ ព្រះនាមទុង្សា​ទេវី សូមតាមជួយបីបាច់​ថែរក្សា អភិបាល ប្រោះព្រំនូវព្រះសព្វសាធុការពរជ័យគ្រប់ប្រការ ជូនដល់​លោកជំទាវ មានសុខភាពល្អ និងមានជន្មា​យុយឺនយូរតរៀងទៅ។

ក្នុងឱកាសនោះដែរ លោកជំទាវ គឹម បូរី បានថ្លែងអំណរគុណ​ចំពោះសម្តេច​កិត្តិព្រឹទ្ធបណ្ឌិតប្រធាន ដែលតែងតែ​គិតគូរ ផ្តល់​សេចក្តីស្រទ្បាញ់ និងភាពកក់ក្តៅ​ជារៀងរហូតមក៕

 

សាខាកាកបាទក្រហមកម្ពុជា ខេត្តព្រះវិហារ សួរសុខទុក្ខប្រជាពលរដ្ឋ កំពុងសម្រាកព្យាបាលជំងឺនៅមន្ទីរ ពេទ្យបង្អែក១៦ មករា វិហារ ។

សាខាកក្រកខេត្តព្រះវិហារ៖នៅព្រឹកថ្ងៃទី ១២ ខែ មេសា ឆ្នាំ ២០១៩ នេះឯកឧត្តម អ៊ុន ចាន់ដា ប្រធានកិត្តិយស​សាខាកាកបាទក្រហម​កម្ពុជា ខេត្តព្រះវិហារ បាននាំយក​អំណោយមនុស្សធម៌​ទៅផ្តល់ជូន​បងប្អូនប្រជាពលរដ្ឋ​ចំនួន១៣៣ នាក់​ កំពង់សម្រាក​ព្យាបាលជំងឺ​នៅមន្ទីរ ពេទ្យ​បង្អែក១៦ មករា ឋិត​នៅភូមិអណ្តូងពោធិ​ សង្កាត់កំពង់ ប្រណាក ក្រុងព្រះវិហារ ខេត្តព្រះវិហារ ។

ក្នុងឱកាសនោះឯកឧត្តម​ អ៊ុន ចាន់ដា ប្រធានកិត្តិយស​សាខាក្រហមកម្ពុជា ខេត្តព្រះវិហារ​ បានពាំនាំនូវប្រសាសន៍ផ្តាំផ្ញើ​សាកសួរសុខទុក្ខពី​ សម្តេចកិត្តិព្រឹទ្ធិបណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែល​សម្តេចតែងតែ​គិតគូរពីសុខទុក្ខរបស់​បងប្អូនពិសេស​បងប្អូនប្រជាពលរដ្ឋ​ មានជំងឺហើយមានជីវភាព​ខ្វះខាត។

សម្ភារផ្តល់ជូន​រួមមាន៖ទឹកដោះគោ៤ កំប៉ុង ស្ករស១ និងថវិកាមួយចំនួន។

 

កាកបាទក្រហមកម្ពុជា រៀបចំពិធីសូត្រមន្ត ចំរើនព្រះបរិត្ត និងរាប់បាត្រ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ

កក្រក​ ៖​ នៅព្រឹកថ្ងៃព្រហស្បតិ៍ ៧កេីត​ ខែចេត្រ​ ឆ្នាំច​ សំរឹទ្ធិស័ក​ ព.ស.២៥៦២​ ត្រូវនឹងថ្ងៃទី ១១ ខែមេសា ឆ្នាំ២០១៩ នេះ លោកជំទាវ​ ឃួន​ សុដារី​ អនុប្រធានកាកបាទក្រហមកម្ពុជា​ តំណាងដ៏ខ្ពង់ខ្ពស់​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ប្រធានកាកបាទក្រហមកម្ពុជា​ ព្រមទាំងថ្នាក់ដឹកនាំ-មន្ត្រីទីស្នាក់ការកណ្តាល​ និងសប្បុរសជនជាច្រេីននាក់​ បានអញ្ជេីញក្នុងពិធីសូត្រមន្ត ចំរើនព្រះបរិត្ត និងរាប់បាត្រប្រគេនព្រះសង្ឃចំនួន ៧អង្គ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំកុរ ឯកស័ក ព.ស.២៥៦៣​ ដែលពិធីនេះរៀបចំឡេីងនៅទីស្នាក់ការកណ្តាលកាកបាទក្រហមកម្ពុជា។

ស្ថិតក្នុងឱកាសឆ្នាំថ្មីនេះ​ សហការីនៃកាកបាទ​ក្រហម​កម្ពុជា​ សូមបួងសួង​ដល់គុណ​បុណ្យ​​ព្រះរតនត្រ័យ វត្ថុ​ស័ក្ដិ​សិទ្ធិ​ក្នុង​លោក បារមី​​ទេវតាថែរក្សាទឹកដីនៃព្រះរាជាណាចក្រកម្ពុជា ជាពិសេសទេវតា​ឆ្នាំថ្មី ឆ្នាំកុរ ឯកស័ក ព.ស.២៥៦៣​ ព្រះនាម ទុង្សា​ទេ​វី សូមតាមជួយបីបាច់ថែរក្សា ​អភិបាល​ប្រោះព្រំ​នូវ​ព្រះ​សព្ទ​​សាធុការពរជ័យគ្រប់ប្រការ ជូន សម្តេច​កិត្តិ​ព្រឹទ្ធបណ្ឌិតប្រធាន និង សម្ដេចអគ្គមហា​សេនា​​​បតី​តេ​ជោ នាយករដ្ឋ​មន្ត្រី​ នៃព្រះរាជាណាចក្រ​កម្ពុជា ជាទី​គោរពដ៏ខ្ពង់​ខ្ពស់ លោកយាយមហាឧបាសិកា ប៊ុន ស៊ាងលី ព្រមទាំង បុត្រា បុត្រី បុត្រប្រសា ចៅៗ​ជាទី​ស្រឡាញ់ សូមបាន​​​​សម​ប្រកបដោយ​ព្រះពុទ្ធពរ​ទាំង ៤ ប្រការ គឺ អាយុ វណ្ណៈ សុខៈ ពលៈ ជានិច្ចនិរន្តរ៍ កុំបីឃ្លៀង​ឃ្លាត​ឡើយ៕

 

កាកបាទក្រហមកម្ពុជាបើកយុទ្ធនាការផ្សព្វផ្សាយសារសុវត្ថិភាពចរាចរណ៍

កក្រក​ ៖ ដើម្បីរួមចំណែកកាត់បន្ថយគ្រោះ​ថ្នាក់ចរាចរណ៍ក្នុងឱកាសបុណ្យ​ចូលឆ្នាំថ្មីប្រពៃណីជាតិខ្មែរខាងមុខនេះ នៅព្រឹកថ្ងៃពុធ ៦កើត ខែចេត្រ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១០ ខែមេសា ឆ្នាំ២០១៩ នេះ កាកបាទក្រហមកម្ពុជា ដែលមាន​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ​ជាប្រធាន បានបើកយុទ្ធនាការផ្សព្វផ្សាយសារសុវត្ថិភាព​ចរាចរណ៍ នៅទីប្រជុំជន​តាមគោលដៅ ៤ សំខាន់ៗ​ក្នុងរាជធានីភ្នំពេញ។

ថ្លែងក្នុងឱកាសបើកយុទ្ធនា​ការនេះ លោកជំទាវ ពុំ ចន្ទីនី អគ្គលេខាធិការ​កាកបាទក្រហមកម្ពុជា​ បានពាំនាំប្រសាសន៍របស់ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំសួរ​សុខទុក្ខ ក្តីនឹករលឹក និងថ្លែងអំណរគុណយ៉ាងជ្រាលជ្រៅ​ចំពោះលោកគ្រូ អ្នកគ្រូ ទីប្រឹក្សាយុវជន ​ក្មួយៗយុវជន​កាកបាទក្រហម​កម្ពុជា ក្រុមហ៊ុន PassApp និងអ្នកបើកបរ​ម៉ូតូកង់បី ដែលបានចូលរួម​ដោយស្ម័គ្រចិត្តចេញ​ពីបេះដូងក្នុងយុទ្ធនា​ការផ្សព្វផ្សាយសារសុវត្ថិភាពចរាចរណ៍​ ដើម្បីកាត់បន្ថយភាព​ងាយរងគ្រោះរបស់ប្រជាពលរដ្ឋតាមដងផ្លូវ​ឱ្យរួចផុតពីសេចក្តីស្លាប់ ពិការភាព និងរងរបួស​ដោយសារឃាតករ​លាក់មុខគឺគ្រោះថ្នាក់ចរាចរណ៍​ដែលជាគ្រោះមហន្តរាយ​បង្កឡើងដោយមនុស្ស ជា​ពិសេសក្នុងឱកាសបុណ្យ​ចូលឆ្នាំប្រពៃណីជាតិខ្មែរ​ខាងមុខនេះ។

សារសុវត្ថិភាពចរាចរណ៍​នៃយុទ្ធនាការនេះ​ ស្របតាមខ្លឹមសារគោល​របស់គណៈកម្មាធិការ​ជាតិសុវត្ថិភាពចរាចរណ៍ផ្លូវគោក​ ដែលមាន​ខ្លឹមសារជាមូលដ្ឋាន​ដូចខាងក្រោម៖
១/ ត្រូវត្រួតពិនិត្យលក្ខណៈបច្ចេកទេសយាន​យន្តជានិច្ច ពិសេសត្រួតពិនិត្យ​កង់ ចង្កូត ហ្វ្រាំង ភ្លើងបំភ្លឺ។
២/ សូមកុំផ្ទុកអ្នកដំណើរ ឬទំនិញ​លើសច្បាប់កំណត់។ ចំពោះរថយន្ត​ដឹកអ្នកដំណើរ ឬដឹកកម្មករមិនត្រូវផ្ទុកអ្នកដំណើរ ឬកម្មករ​លើដំបូល។
៣/ ត្រូវពាក់មួកសុវត្ថិភាពជានិច្ច ក្នុង​ពេលធ្វើដំណើរតាម​ទោចក្រយានយន្ត។
៤/ ត្រូវពាក់ខ្សែក្រវាត់សុវត្ថិភាព​ជានិច្ចក្នុងពេលធ្វើដំណើរ​តាមរថយន្ត។
៥/ ត្រូវគោរពសិទ្ធិអាទិភាព គោរពសញ្ញាចរាចរណ៍ និងប្រកាន់ស្តាំជានិច្ច។
៦/ មិនត្រូវបើកបរលើសល្បឿនកំណត់ជាដាច់ខាត។
៧/ មិនត្រូវបើកបរក្រោមឥទ្ធិពល​នៃគ្រឿងស្រវឹង ឬគ្រឿងញៀនជាដាច់ខាត។
៨/ មិនត្រូវបត់​ ឬវ៉ាជែង ក្នុងភាព​ប្រថុយប្រថាន ឬធ្វេសប្រហែស។
៩/ មិនត្រូវបើកបរក្នុងស្ថានភាព​ងងុយដេកជាដាច់ខាត និងត្រូវមាន​អ្នកបើកបរបម្រុងសម្រាប់ប្តូរវេន។
១០/ ត្រូវបើកបរក្នុងស្មារតីប្រុង​ប្រយ័ត្នជានិច្ច ប្រកបដោយ​សីលធម៌យោគយល់អធ្យាស្រ័យ។
១១/ ហាមការបាច​ទឹកលើអ្នកធ្វើដំណើរតាមដងផ្លូវ៕

 

សាខាកាកបាទក្រហមកម្ពុជាខេត្តបាត់ដំបងផ្តល់អំណោយមនុស្សធម៌ ជូនប្រជាពលរដ្ឋរងគ្រោះដោយខ្យល់កន្រ្តាក់

សាខាកក.ក្រ.ក ខេត្តបាត់ដំបង៖ នៅថ្ងៃទី០៩​ខែមេសាឆ្នាំ២០១៩ ក្រុមការងារសាខាកាកបាទក្រហមកម្ពុជាខេត្តបាត់ដំបង​ដឹកនាំដោយ​លោក ​ ងី សែត​ ប្រធានស្តីទីគណៈកម្មាធិការសាខាកាកបាទក្រហម​កម្ពុជាខេត្តនិងសហការី បានអញ្ចើញចុះសួរសុខទុកនិងសំណេះសំណាលព្រមទាំងនាំយក ​អំណោយមនុស្សធម៌របស់សប្បុរសជនតាមរយៈសាខាកាកបាទក្រហមកម្ពុជាខេត្ត​ផ្តល់អំណោយមនុស្សធម៌ ជូនប្រជាពលរដ្ឋរងគ្រោះ​ដោយខ្យល់កន្រ្តាក់សរុបចំនួន២៣៩គ្រួសា នៅក្នុងស្រុកចំនួន៣គឺ​ស្រុកសង្កែ ប៉ះពាល់ឃុំកំពង់ព្រៀង​ចំនួន១៥គ្រួសារ ស្រុកមោងឬស្សី​ប៉ះពាល់ឃុំចំនួន៦សរុប​៤០គ្រួសារនិងស្រុករុក្ខគីរីប៉ះពាល់ឃុំចំនួន៥សរុប១៨៤គ្រួសារ​កន្លងទៅ។​

មានប្រសាសន៍នាឱកាសនោះ លោក ងី សែត បានផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា​​ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូបមិនប្រកាន់វណ្ណៈ ពណ៌សម្បុរ ជំនឿសាសនា ​ឬនិន្នាការនយោបាយ​​​​​​ណា​មួយឡើយ។ នឹងបានអំពាវនាវអោយបងប្អូនមានការប្រុងប្រយត្ន័ចំពោះ​អាកាសធាតុ អគ្គភ័យ​និងពេលធ្វើផ្ទះសូុមធ្វើគ្រោះអោយមាំ ចូលដាំដើឈើ​ដំណាំហូផ្លែអោយ​ច្រើនពិសេសនៅជុំវិញផ្ទះត្រូវ​សម្អាតបរិស្ថានអោយបាន​ស្អាតល្អ ប្រុងប្រយ័ត្ន​អគ្គភ័យ ចូលរួមគោរពចរាចរណ៍ទាំងអស់គ្នា។​

ហើយអំណោយមនុស្សធម៌​ដែលបាននាំយកមក​ចែកជូនបងប្អូននាពេលនេះ មានចំនួនតិចតួចក្ដី មិនសមល្មមនឹងការខាតបង់​របស់ក្រុមគ្រួសារ តែ​ក៏អាចជួយសម្រាលទុក្ខបាក បានមួយ​កម្រិត ហើយក៏ជាការបង្ហាញនូវការយកចិត្ត​ទុកដាក់ចំពោះប្រជាពលរដ្ឋ​គ្រប់រូបពីសំណាក់ថ្នាក់ដឹកនាំ ពិសេស​គឺកាកបាទក្រហមកម្ពុជា ។​ក្នុងស្រុក​គោលដៅខាងលើ។​
សម្ភារៈត្រូវផ្តល់ជូនគ្រួសារ​ក្នុង០១គ្រួសារៗទទួលអំណោយ​បានរួមមាន៖ អង្ករ ២៥ គីឡូក្រាម ,មុង ១ មុង 
.ភួយ ១ ភួយ , ប្រេងកូឡា ២ ប្រអប់ 
សាប៊ូម្សៅ (ចំណុះ១kg)១កញ្ចប់ ,ទឹកត្រី ៦ ដប ទឹកបរិសុទវីឃែរ១ធុង(ស្រុករុក្ខគីរី១កេស)
និងថវិកាមួយចំនួនផងដែរ។​

សូមបញ្ជាក់៖អង្ក មុង,ភួយ ,ប្រេងកូឡា 
សាប៊ូម្សៅ ,ទឹកត្រី ជាអំណោយរបស់អង្គការមនុស្សចាស់កម្ពុជា​ ,ដោយឡែកអង្ករ ថវិកានិងទឹកបរិសុទ្ធវីឃែរជាអំណោយរបស់សាខាកាកបាទក្រហមកម្ពុជាខេត្ត។

 

សាខាកាកបាទក្រហមកម្ពុជា រាជធានីភ្នំពេញ រៀបចំពិធីសូត្រមន្ត ចម្រើនព្រះបរិត្ត និងប្រគេនទេយ្យវត្ថុ ក្នុងឱកាសបុណ្យចូលឆ្នាំថ្មីប្រពៃណីជាតិ នាពេលខាងមុខ ។

សាខាកក្រករាជធានីភ្នំពេញ៖​ នាល្ងាចថ្ងៃអង្គារ​ ៥កេីត ខែចេត្រ ឆ្នាំច​ សំរឹទ្ធិស័ក ព.ស២៥៦២ ត្រូវនឹងថ្ងៃទី ០៩​ ខែ មេសា ឆ្នាំ ២០១៩នេះ នៅទីស្នាក់ការសាខាកាកបាទក្រហមកម្ពុជា​ រាជធានីភ្នំពេញ​ ឯកឧត្តម​ ឃួង​ ស្រេង​ ប្រធានគណៈកម្មាធិការសាខា​ និងលោកជំទាវ​ រួមនឹងឯកឧត្តម លោកជំទាវ លោកឧកញ៉ា​ លោក លោកស្រី ក្នុងជួរគណៈកិត្តិយសសាខា​ គណៈកម្មាធិការសាខា​ មន្ត្រីប្រតិបត្តិសាខា​ អនុសាខា​ អង្គភាពចំណុះសាខាជាច្រេីនរូប បានមូលមតិគ្នារៀបចំពិធីសូត្រមន្ត ចម្រើនព្រះបរិត្ត និងប្រគេនទេយ្យវត្ថុដល់ព្រះសង្ឃចំនួន៩អង្គ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំកុរ ឯកស័ក ព.ស២៥៦៣ ដែលនឹងឈានចូលមកដល់នាពេលខាងមុខ ។

សូមបញ្ជាក់ថា៖ ជារៀងរាល់ឆ្នាំ ថ្នាក់ដឹកនាំ​ មន្ត្រីបុគ្គលិក​ នៃសាខាកាកបាទក្រហមកម្ពុជា​ រាជធានីភ្នំពេញទាំងអស់ តែង​តែរៀបចំពិធីនេះ​ឡើងទៅតាមទំនៀមទំលាប់​ប្រពៃណីព្រះពុទ្ធសាសនា​នៃខ្មែរយើង នៅមុនពេលពិធីបុណ្យ​ចូលឆ្នាំថ្មីនឹង​ឈានចូលមកដល់ ដើម្បីសុំសិរីសួស្តី ជ័យមង្គល សេចក្តី​សុខចំរើនឲ្យកើត​មានដល់ថ្នាក់ដឹកនាំ ​មន្ត្រីបុគ្គលិកទាំងអស់​ និងម្យ៉ាងវិញទៀតដើម្បីឧទ្ទិសមគ្គផលកុសល​ផលបុណ្យជូនចំពោះបុព្វការីជនមាន មាតាបិតា ជីដូជីតា ញាតិការ​ទាំង៧សន្តាន និងវីរៈយុទ្ធជន វីរៈយុទ្ធនារីដែលបានបូជាជីវិតការពារជាតិមាតុភូមិ ព្រមទាំង​ជនរងគ្រោះដោយប្រការ​ផ្សេងៗទាំងឡាយដែលបាន​ធ្វើមរណកាល​ទៅកាន់លោកខាងមុខហើយនោះ សូមបានទៅកាន់​ឋានសុគតិភព​កុំបីឃ្លៀងឃ្លាតឡើយ ៕

 

សាខាកាកបាទក្រហមកម្ពុជា ខេត្តសៀមរាប ទទួលស្វាគមន៍ គណៈប្រតិភូកាកបាទក្រហមកូរ៉េ

សាខា កក្រក ខេត្តសៀមរាប៖ នៅព្រឹថ្ងៃចន្ទ​ ៤កើត ខែចេត្រ ឆ្នាំច ​សំរឹទ្ធិស័ក ព.ស ២៥៦២ ត្រូវនឹងថ្ងៃទី ៨ ខែមេសា ឆ្នាំ២០១៩នេះ ​លោកជំទាវ ទាង​ អេង ទៀសីហា អនុប្រធាន​គណៈកម្មាធិការ​សាខាកាកបាទក្រហម​កម្ពុជា ខេត្តសៀមរាប តំណាង​ឯកឧត្តម ទៀ សីហា ប្រធាន​គណៈកម្មាធិការសាខា បានទទួលស្វា​គមន៍ និងសំណេះសំណាលជាមួយ​គណៈប្រតិភូកាកបាទក្រហមកូរ៉េ ​ស្រុកជុងជូ រដ្ឋធានី​សេអ៊ូល ដែលដឹកនាំ​ដោយ លោកស្រី Kim Young Sok ដែលពិធីនេះ​ប្រព្រឹត្តទៅនៅសាលប្រជុំ​ទីស្នាក់ការសាខាកាកបាទក្រហម​កម្ពុជា ខេត្តសៀមរាប។

ក្នុងកិច្ចស្វាគមន៍​ លោកជំទាវ អនុប្រធានគណៈកម្មាធិការ​សាខា បានពាំនាំប្រសាសន៍​របស់ឯកឧត្តមប្រធានគណៈកម្មាធិការ​សាខា ដែលបានមិន​មកទទួលផ្ទាល់​នាពេលនេះ លោកជំទាវក៏សូម​សម្តែងនូវកិច្ចស្វាគមន៍យ៉ាងកក់ក្តៅ​ចំពោះដំណើរទស្សនកិច្ច​របស់គណៈប្រតិភូ​កាកបាទក្រហមកូរ៉េ ស្រុកជុងជូ ​រដ្ឋធានីសេអ៊ូល។ ជាមួយគ្នានេះដែរ លោកជំទាវ​ និងក្រុមប្រតិបត្តិ​សាខា បានធ្វើការបង្ហាញពី​សមិទ្ធផល និងសកម្មភាពនានារបស់សាខាកាកបាទក្រហម​កម្ពុជា ខេត្តសៀមរាប ព្រមទាំងបានចែក​រំលែកនូវបទពិសោធន៍​ក្នុងការធ្វើកម្មភាពមនុស្សធម៌ ក្នុងការជួយសម្រាល​ការលំបាកជូនប្រជាជនរងគ្រោះ និងជន​ងាយរងគ្រោះគ្រប់ប្រភេទនៅក្នុងសហគមន៍។

នាឱកាសនេះដែរ លោកស្រី Kim Young Sok ក៏បានថ្លែងអំណរគុណ​យ៉ាងជ្រាលជ្រៅចំពោះសាខាកាកបាទក្រហមកម្ពុជា​ ខេត្តសៀមរាប ដែលបានទទួល​ស្វាគមន៍យ៉ាងកក់ក្តៅ និងចែក​រំលែកបទពិសោធន៍ ល្អៗជាច្រើន សម្រាប់អនុវត្តន៍​ការងារមនុស្សធម៌ តាមស្ថាន​ភាពភូមិសាស្ត្រ ប្រជាសាស្ត្រ និងវប្បធម៌ ​ស្រមតាមគោលការណ៍គ្រឹះរបស់ចលនាអន្តរជាតិកាកបាទក្រហម អឌ្ឍចន្ទក្រហម ដើម្បីផ្តល់សេវាកម្មមនុស្សធម៌ដល់ជនរងគ្រោះ និងជនងាយរងគ្រោះ​ទាំងឡាយ ហើយលោកស្រី​នឹងជួយផ្សព្វផ្សាយ​សកម្មភាពដ៏ប្រពៃនេះដើម្បីជូនដល់ប្រជាជនកូរ៉េ នៅក្នុង​ភូមិសាស្ត្រនៃស្រុកជុងជូផងដែរ។

ជាមួយគ្នានេះដែរលោកស្រី​តំណាងកាកបាទក្រហមកូរ៉េ ក៏បាននាំ​យកនូវអំណោយមួយចំនួន​ជួយកដល់សាខាកាកបាទក្រហកម្ពុជា ខេត្តសៀមរាប​ មានដូចជា៖ ប្រអប់សង្គ្រោះបន្ទាន់ ប្រអប់ដាក់ប៊ិក អាវយឺត និងសម្ភារៈផ្សេងៗមួយចំនួនទៀត៕

 

First Prev 1 2 3 4 5 Next Last