អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

jQuery Carousel
ព័ត៌មានថ្មីៗ

កាកបាទក្រហមកម្ពុជា បានសម្រេចផ្តល់អណ្តូងទឹកស្អាត ចំនួន ៥១អណ្តូងនៅខេត្តចំនួន៥

កក្រក​ ៖​ ដើម្បីបន្តដោះស្រាយ​តម្រូវការ​ទឹកនៅតាម​ទី​ជនបទដាច់​ស្រយាល ​នៅដើមឆ្នាំ ​២០១៨ គិតត្រឹមថ្ងៃទី ៥ ខែកុម្ភៈ នេះ សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា បានសម្រេច​ផ្តល់អណ្តូង​ទឹកស្អាត ចំនួន ៥១អណ្តូង គិតជា​ទឹកប្រាក់​ចំនួន ១១៨.៧៩២ដុល្លារ (មួយសែនមួយ​ម៉ឺនប្រាំបីពាន់​ប្រាំពីររយកៅសិប​ពីរដុល្លារអាមេរិក) ជូនប្រជាពលរដ្ឋ​ខ្វះខាត​ទឹកប្រើប្រាស់ចំនួន ៩០០គ្រួសារ ស្មើមនុស្ស ៣.៨៤៤នាក់ រស់ក្នុង​ខេត្តចំនួន​ប្រាំ ក្នុងនោះ អណ្តូងចំនួន​ ៥ សម្រាប់​មណ្ឌល​អភិវឌ្ឍន៍​យោធិនពិការ​ ៣១៧​ តេជោភ្នំឆ័ត្រ​ ខេត្តបន្ទាយ​មានជ័យ, ១២អណ្តូង សម្រាប់ខេត្តព្រះវិហារ, ១០អណ្តូង សម្រាប់ខេត្តក្រចេះ, ១២អណ្តូង សម្រាប់​ខេត្តស្ទឹងត្រែង និង ១២អណ្តូង សម្រាប់​ខេត្តរតនគិរី។

 

សូមបញ្ជាក់​ដែរថា គិតចាប់តាំង​ពីឆ្នាំ ២០១០ រហូតដល់​បច្ចុប្បន្ននេះ កាកបាទក្រហម​កម្ពុជា បានដោះស្រាយ​បញ្ហាទឹកស្អាត​ជូនប្រជាពលរដ្ឋ​រាប់ម៉ឺនគ្រួសារ​នៅទូទាំងប្រទេស​ ក្នុងនោះ បានផ្តល់​អណ្តូងទឹកស្អាត (អណ្តូងស្នប់-លូ) ស្រះទឹក​សហគមន៍ និងស៊ីទែនទឹក។ល។ ដោយឡែក ក្នុងឆ្នាំ ២០១៧ កន្លងទៅ បានផ្តល់អណ្តូង​សរុបចំនួន ៣២១ និងជីក-ស្តារស្រះទឹក​ចំនួន ៩ នៅក្នុង​ខេត្តចំនួន ២៣៕

 

វគ្គបណ្តុះបណ្តាលយល់ដឹងជាមូលដ្ឋានស្តីពីប្រវត្តិចលនាកាកបាទក្រហម អឌ្ឍចន្ទក្រហម នៅខេត្តកំពត

សាខាកក្រកខេត្តកំពត ៖ កាលពីថ្ងៃ​ទី ២ ខែ កុម្ភៈ ឆ្នាំ ២០១៨ សាខា​កាកបាទក្រហម​កម្ពុជា ខេត្តកំពត បានបើក​វគ្គបណ្តុះបណ្តាល​យល់ដឹង​ជាមូលដ្ឋាន​ស្តីពី​ប្រវត្តិចលនា​កាកបាទក្រហម អឌ្ឍចន្ទក្រហម និងវិជ្ជាសង្គ្រោះ​បឋមដែល​មានរយៈពេល២ថ្ងៃចាប់ពីថ្ងៃទី ២ ដល់ថ្ងៃទី ៣ ខែ កុម្ភៈ ឆ្នាំ២០១៨ ដល់យុវជនកាកបាទក្រហម​ទើបជ្រើសរើស​ថ្មីចំនួន ៦៤នាក់ (ស្រី ៥៥នាក់) ក្រោមការ​ដឹកនាំដោយ​លោកស្រី ឡាយ សុភ័ក្រ នាយិការង​សាខា ដែលមាន​ការអញ្ជើញចូលរួម​សម្របសម្រួល​ពីក្រុមការងារ​វិជ្ជាសង្គ្រោះបឋម ស្ថិត​នៅវិទ្យាល័យ​ទូកមាស ខេត្តកំពត។

 

វគ្គបណ្តុះ​បណ្តាល​នេះប្រព្រឹត្តទៅ​នៅក្នុង​គោលបំណង ដើម្បីផ្តល់​នូវចំណេះដឹង​ថ្មីបន្ថែម​ដល់យុវជនកាកបាទក្រហម​កម្ពុជា និងធ្វើការ​ផ្សព្វផ្សាយ​បន្តដល់​មិត្តភក្តិ សាលារៀន និងសហគមន៍​រៀងៗខ្លួនផងដែរ៕

 

សាខាកាកបាទក្រហមកម្ពុជាខេត្តពោធិ៍សាត់ប្រជុំការបូកសរុបលទ្ធផលការងារឆ្នាំ២០១៧

សាខាកក្រក​ខេត្តពោធិ៍សាត់​ ៖​ នៅព្រឹកថ្ងៃ សុក្រ ២រោច​ ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២ ខែកុម្ភៈ ឆ្នាំ២០១៨​ នេះ​ សាខាកាកបាទក្រហមកម្ពុជា​ ខេត្តពោធិ៍សាត់​ បានរៀបចំកិច្ចប្រជុំបូកសរុប​លទ្ធផលការងារឆ្នាំ​ ២០១៧​ និងលើកផែនការ​ទិសដៅការងារ​ឆ្នាំ២០១៨​ ក្រោមវត្តមាន​ ឯកឧត្តម ខូយ រីដា​ ប្រធានគណៈកម្មាធិការសាខា​ និងមានការ​អញ្ជើញចូលរួម​ពីសមាជិក-សមាជិកា​គណៈកម្មាធិការសាខា​ មន្ត្រី-បុគ្គលិក​ សាខា​ អនុសាខា​ សរុបប្រមាណ​ ២៥នាក់។

សាខា​កាកបាទក្រហមកម្ពុជា​ ខេត្តពោធិ៍សាត់​ នឹងបន្តខិតខំ​បំពេញបេសកកម្មមនុស្សធម៌​ជួយដល់ប្រជាពលរដ្ឋរងគ្រោះ​ និងងាយរងគ្រោះ​នៅក្នុងដែនដី​ខេត្តពោធិ៍សាត់​ ឱ្យបានកាន់តែ​ច្រើនជាងមុន​ និងមានប្រសិទ្ធភាពខ្ពស់៕

សាខាកាកបាទក្រហមកម្ពុជាខេត្តបាត់ដំបងប្រជុំការបូកសរុបលទ្ធផលការងារឆ្នាំ២០១៧

សាខាកក្រកខេត្តបាត់ដំបង ៖ នារសៀល​ថ្ងៃសុក្រ២​រោច ខែមាឃ​ ឆ្នាំរកា នព្វស័ក​ ព.ស. ២៥៦១ ត្រូវនឹងថ្ងៃទី ២ ខែ កុម្ភៈ ឆ្នាំ ២០១៨ ទីស្នាក់ការ​សាខាកាកបាទក្រហម​កម្ពុជា​ខេត្តបាត់ដំបង​ បានរៀបចំ​កិច្ចប្រជុំស្ដីពី​ការបូកសរុប​លទ្ធផលការងារ​ឆ្នាំ២០១៧ និងទិសដៅ​ការងារឆ្នាំ២០១៨ ​ដោយមាន​ការចូលរួមពី ឯកឧត្តម អ៊ុយ រី​ អនុប្រធានកិត្តិយស​សាខា ឯកឧត្តម​បណ្ឌិត ប៊ុត គឹមស៊ាន ប្រធានគណៈកម្មាធិការ​សាខា ដែលមាន​ការអញ្ជើញ​ចូលរួមពី ឯកឧត្តម លោកជំទាវ លោក លោកស្រី​អនុប្រធាន សមាជិក សមាជិកាគណៈកម្មាធិការ​សាខា អនុសាខា មន្ត្រីប្រតិបត្តិ​សាខានាយក​សាលា សមាជិក​សកម្ម កាកបាទក្រហមកម្ពុជា​សរុបចំនួន ៣០នាក់

 

កិច្ចប្រជុំនេះប្រព្រឹត្ត​ក្នុងគោលបំណង​ ដើម្បីបង្ហាញ​អំពីសកម្មភាព​ការងារមនុស្សធម៌​របស់សាខាកាកបាទក្រហម​កម្ពុជាខេត្ត​ឆ្នាំ២០១៧និង ទិសដៅផែនការ​ឆ្នាំ២០១៨ និងបញ្ហា​ប្រឈមផ្សេង។​

 

កាកបាទក្រហមកម្ពុជាសួរសុខទុក្ខប្រជាពលរដ្ឋរងគ្រោះដោយខ្យល់កន្ត្រាក់ ចាស់ជរាគ្មានទីពឹង និងជនពិការនៅស្រុកព្រៃនប់

កក្រក​ ៖​ នៅថ្ងៃអង្គារ​ ១៤កើត​ ខែមាឃ​ ឆ្នាំរកា​ នព្វស័ក​ ព.ស.​ ២៥៦១​ ត្រូវនឹងថ្ងៃទី ៣០​ ខែមករា​ ឆ្នាំ២០១៨ នេះ លោកជំទាវ​ ឃួន​ សុដារី​ អនុប្រធាន​កាកបាទក្រហម​កម្ពុជា​ តំណាង​ដ៏ខ្ពង់ខ្ពស់​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហម​កម្ពុជា រួមជាមួយ​ សហការី និងសមាជិក-សមាជិកា​ កាកបាទក្រហម​កម្ពុជា​ បានអញ្ជើញជួប​សំណេះសំណាល​ សួរសុខទុក្ខ និងចែកអំណោយជូន​ប្រជាពលរដ្ឋ​រងគ្រោះ​ដោយខ្យល់កន្ត្រាក់​ ចាស់ជរាគ្មាន​ទីពឹង​ និងជនពិការ ​ចំនួន ១.៥១២គ្រួសារ មកពីឃុំចំនួន​ ៧​ នៃស្រុកព្រៃនប់​ ខេត្តព្រះសីហនុ​ ដែលពិធីនេះ​ប្រព្រឹត្តទៅនៅ​ ទួលថ្មជើងក្អែក​ ភូមិព្រែកផ្អាវ​ ឃុំទឹកល្អក់​ ស្រុកព្រៃនប់​ ខេត្តព្រះសីហនុ។

 

ក្នុងឱកាសនោះ លោកជំទាវ​អនុប្រធាន​កាកបាទក្រហមកម្ពុជា បានពាំនាំ​ប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើ​សួរសុខទុក្ខ និងក្តីនឹករលឹក​ប្រកបដោយ​មនោសញ្ចេតនាអាណិត​ ស្រឡាញ់​ មេត្តា​ ករុណា​ដ៏ជ្រាលជ្រៅ​ និងសូមសម្តែង​ការសោកស្តាយ​ចំពោះការខូចខាតផ្ទះសម្បែង​ដោយខ្យល់​កន្ត្រាក់ ជាមួយគ្រួសារ​រងគ្រោះទាំងអស់។​

 

ជាមួយគ្នានេះ​ លោកជំទាវ​ បានថ្លែងនូវការ​កោតសរសើរ​ចំពោះប្រជាពលរដ្ឋ​រងគ្រោះទាំងអស់​ដែលនៅមានស្មារតី​បន្តការប្រកបមុខរបរ​ ដើម្បីស្តារជីវភាពគ្រួសារឡើងវិញ​ ​ប្រកបដោយចំណេះដឹង​ និងសេចក្តីថ្លៃថ្នូរ​ក្នុងសង្គម​ ក្នុងប្រទេសដែលមានសុខសន្តិភាព​ ស្ថិរភាព​ និងការអភិវឌ្ឍនេះ។

 

ទន្ទឹមនឹងការលើកឡើងពី​ បេសកកម្មមនុស្សធម៌​របស់កាកបាទក្រហម​កម្ពុជា​ ក្នុងការឆ្លើយតបនឹងគ្រោះមហន្តរាយ​ និងការយកចិត្តទុកដាក់​ គិតគូរពី​សុខុមាលភាពរបស់​ប្រជាពលរដ្ឋ​ លោកជំទាវ​ ក៏បានពាំនាំអនុសាសន៍របស់​ សម្តេច​កិត្តិព្រឹទ្ធបណ្ឌិតប្រធាន​ ដែលផ្តាំផ្ញើចំពោះប្រជាពលរដ្ឋទាំងអស់​ ឱ្យយកចិត្តទុកដាក់ចំពោះ​បញ្ហាសុខភាព​-អនាម័យ​ ក្នុងការរស់​នៅប្រចាំថ្ងៃ​ ការបង្ការជំងឺ​ឆ្លងនានា​និងចូលរួមឈានឆ្ពោះបញ្ចប់​មេរោគអេដស៍ កាត់បន្ថយ​គ្រោះថ្នាក់ចរាចរណ៍​ លុបបំបាត់​គ្រឿងញៀន​ គ្រឿងស្រវឹង​ អំពើហិង្សា​ ល្បែងស៊ីសង​គ្រប់ប្រភេទ​ ដែលអាចបង្កឱ្យមាន​អសន្តិសុខភាពក្នុងសង្គម។ល។

សាខាកក្រកខេត្តសៀមរាប ទទួលអំណោយ ពីអង្គររ៉ូតារីក្លឹប

សាខាកក្រក​ខេត្តសៀមរាប៖ នៅរសៀល​ថ្ងៃទី ២៩ ខែមករា ឆ្នាំ២០១៨នេះ នៅទីស្នាក់ការ​សាខាកាកបាទក្រហម​កម្ពុជា ខេត្តសៀមរាប លោកជំទាវ គួយ ណាលីន ឃឹមប៊ុនសុង អនុប្រធាន​គណៈកម្មាធិការសាខា​កាកបាទក្រហម​កម្ពុជា ខេត្តសៀមរាប និងសហការី ​បានអញ្ជើញ​ទទួលអំណោយ ពីអង្គររ៉ូតារីក្លឹប ។

 

មានមតិនា​ឱកាសនោះ លោកស្រី​តំណាងឱ្យ​អង្គររ៉ូតារី​ក្លឹប និងរ៉ូតារី​តៃវ៉ាន់ មានការគាំទ្រ​ និងមាន​ទឹកចិត្តយរីករាយ​ជាខ្លាំង ក្នុងការចូលរួម​ចំណែកជាមួយ​សកម្មភាពមនុស្សធម៌​របស់កាកបាទក្រហម​កម្ពុជា ដើម្បីជួយសម្រាល​ទុក្ខលំបាក​របស់បងប្អូន​ប្រជាពលរដ្ឋ​ទីទ័លក្រ រងគ្រោះ និងងាយ​រងគ្រោះ នៅគ្រប់ទីកន្លែង។

 

មានប្រសាសន៍​នាឱកាស​នោះដែរ លោកជំទាវ​អនុប្រធាន​គណៈកម្មាធិការ​សាខា​ខេត្តសៀមរាប ក៏បានថ្លែងអំណរគុណ យ៉ាងជ្រាលជ្រៅ​ចំពោះទឹកចិត្ត​ដ៏សប្បុរសធម៌​របស់ថ្នាក់​ដឹកនាំ អង្គររ៉ូតារីក្លឹប និងរ៉ូតារីតៃវ៉ាន់ ក្នុងការយកចិត្ត​ទុកដាក់ប្រគល់​នូវអំណោយ​ជាគ្រឿងឧបភោគ​បរិភោគនាពេលនេះ គឺសបញ្ជាក់ពីទឹកចិត្ត​សប្បុរសធម៌ ចំពោះបងប្អូន​ប្រជាពលរដ្ឋ រងគ្រោះ និងងាយរងគ្រោះ។

ក្នុងកាយវិកាដ៏មនុស្សធម៌នេះ គឺជាការចូលរួម​របស់សប្បុរសជន ជាមួយ​សកម្មភាព​មនុស្សធម៌​របស់ កាកបាទក្រហម​កម្ពុជា ដែលមានសម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន។ អំណោយ​ទាំងនេះ សាខាកាកបាទក្រហមកម្ពុជា ខេត្តសៀមរាប នឹងយកទៅ​ប្រើប្រាស់ឱ្យ​ចំគោលដៅ​មនុស្សធម៌ ដោយមិន​ប្រកាន់ ពូជសាសន៍ ពណ៌សម្បុរ និងនិន្នាការ​នយោបាយណា​មួយឡើយ ស្របតាម​គោលការណ៍គ្រឹះទាំង៧​ប្រការរបស់ចលនា​អន្តរជាតិ​កាកបាទក្រហម អឌ្ឍចន្ទក្រហម។

 

អំណោយដែលបានទទួលរួមមាន៖ -អង្ករ៧តោន -ភួយ ២០០ និងផើងចម្រោះទឹកស្អាត ៦០ ។

 

កាកបាទក្រហមកម្ពុជាឧបត្ថម្ភអំណោយមនុស្សធម៌ជូនអតីតមន្ត្រីអភិវឌ្ឍន៍ដែលមានជំងឺទឹកនោមផ្អែមវិវត្តទៅជាទឹកនោមប្រៃ

កក្រក ៖ នៅព្រឹកថ្ងៃទី២៩ ខែមករា ឆ្នាំ២០១៨ កាកបាទក្រហ​មកម្ពុជា ដែលមាន​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានឧបត្ថម្ភ​អំណោយ​មនុស្សធម៌ ជូន លោក គង់ សៀត អាយុ ៦៩ឆ្នាំ អតីតមន្ត្រី​អភិវឌ្ឍន៍សាខា​កាកបាទក្រហម​កម្ពុជា ខេត្តកំពត ដែលមាន​ជំងឺទឹកនោមផ្អែម វិវត្តទៅជា​ទឹកនោមប្រៃ ដោយត្រូវ​លាងឈាម មួយសប្តាហ៍ ២ ដង នៅមន្ទីរពេទ្យ​ព្រះកេតុមាលា។

 

ក្នុងឱកាសនោះ លោកជំទាវ ម៉ែន នារីសោភ័គ អគ្គលេខាធិការរងទី ១ កាកបាទក្រហម​កម្ពុជា បានពាំនាំនូវ​ប្រសាសន៍របស់ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើ​នូវការគិតគូរ​ពីសុខភាពរបស់លោក ដែលជាមន្ត្រី​សកម្មក្នុង​ការងារ និងសូមជូនពរ​លោក ឆាប់បានជាសះស្បើយពីជំងឺ។

 

លោកស្រី ឡាន់ ស៊ុនណារ៉ា ត្រូវជា​ភរិយារបស់​លោក គង់ សៀត ដែលមកទទួល​អំណោយ​នាពេលនោះ បានសំដែង​ក្តីរំភើប និងដឹងគុណ​យ៉ាងជ្រាលជ្រៅ​បំផុតចំពោះ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ដែលបាន​គិតគូរចំពោះទុក្ខលំបាក​គ្រួសារលោកស្រី និងបានជួយឧបត្ថម្ភ​គ្រឿងឧបភោគ-បរិភោគ និងថវិកា​បានចំនួនទៀតផង។

 

សូម​បញ្ជាក់ថា លោក គង់ សៀត បាន​ចូលបម្រើ​ការងារនៅ​សាខា​កាកបាទក្រហម​កម្ពុជាខេត្ត កំពត ចាប់ពីឆ្នាំ ១៩៩៣ ដល់២០១៣៕

 

សាខាកក្រកខេត្តព្រះវិហារចូលរួមរំលែកទុក្ខក្រុមគ្រួសារសព្ អ្នកស្មគ្រ័ចិត្តកាក បាទក្រហម

សាខាកក្រក​ខេត្តព្រះវិហារ:​នៅថ្ងៃទី ២៧ ខែមករា ឆ្នាំ២០១៨នេះ លោក ម៉ក់ ឌុង ប្រធាន​ស្តីទីគណ:កម្មាធិការ​អនុសាខាកាកបាទ ក្រហមកម្ពុជា ​ស្រុកគូលែន រួមជាមួយ​ក្រុមការងារ បាននាំយក​អំណោយមនុស្សធម៌​ចូលរួមរំលែក​ទុក្ខក្រុមគ្រួសារ​នៃសព្ លោកឌី សៅ អ្នកស្មគ្រ័ចិត្ត​កាក បាទក្រហម​ភូមិតាប្រា ដែលបាន​រងគ្រោះ​បាត់បង់ជីវិត​ដោយគ្រោះថ្នាក់​ចរាចរ កាលពីថ្ងៃ២៦ ខែមករា ឆ្នាំ ២០១៨ នៅភូមិតាប្រា ឃុំស្រយង់​ជើង ស្រុកគូលែន ខេត្តព្រះវិហារ។

 

ក្នុងឱកាសនោះដែរ ​លោកប្រធាន​ស្តីទី គណ:កម្មាធិការអនុសាខា​បានចូលរួម​រំលែកយ៉ាង​ក្រៀមក្រំជាមួយ​គ្រួសារសព ដែលបានបាត់បង់​សាច់ញាតិ គ្រួសារ ប្តី ឪពុកជា​ទីស្រឡាញ់ របស់គ្រួសារសព និងសូមបួងសួងដល់​វិញ្ញាណក្ខន្ធសព​សូមបានទៅកាន់​សុគតិភព​កុំបីឃ្លាតឡើយ។

 

សម្ភារដែល​បានយកទៅ​ផ្តល់ជូន​ឱកាសនោះរួមមាន : អង្ក ៤០គីឡូ ត្រីខ ១០កំប៉ុង មី ០១កេស និង ទឹកសុីអុីវ ០៦ដប ទឹកត្រី ០៦ដប ភួយ១ មុង១ ក្រម៉ា១ សារ៉ុង១ និងថវិកាមួយចំនួន ។

 

កាកបាទក្រហមកម្ពុជាផ្តល់ប្រាក់កម្ចីខ្នាតតូចឥតការប្រាក់ជូនប្រជាពលរដ្ឋ ឃុំព្រែកដាច់ ស្រុកលើកដែក

កក្រក៖ ថ្ងៃសៅរ៍ ១១កើត ខែ មាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី ២៧ ខែ មករា ឆ្នាំ ២០១៨ អនុសាខាកាកបាទក្រហមកម្ពុជា ស្រុកលើកដែក បានប្រារព្ធពិធីផ្តល់ប្រាក់កម្ចីខ្នាតតូចឥតការប្រាក់នៃមូលនិធិវើលម៉េត ក្រោមអធិបតីភាព លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា ជូនប្រជាពលរដ្ឋ ចំនួន ១៤គ្រួសារ មកពីភូមិព្រែកដាច់ ០៦ គ្រួសារ និងភូមិព្រែកតូចចំនួន ០៨ គ្រួសារ ឃុំព្រែកដាច់ ស្រុកលើកដែក ខេត្តកណ្តាល។

ដោយមួយគ្រួសារៗទទួលបានប្រាក់កម្ចី ២៥០ដុល្លារ សម្រាប់៖


- ទិញថ្នាំបាញ់ស្វាយ. ៣គ្រួសារ
- ទិញអីវ៉ាន់ចាប់ហួយ ៣គ្រួសារ
- ទិញពូជពោត. ជី ២ គ្រួសារ
- ទិញ តុ កៅអី លក់គុយទាវ១គ្រួសារ
- ទិញ. ចេក ស្វាយលក់. ១គ្រួសារ
- ម៉ៅស្វាយ. ២គ្រួសារ
- ទិញសម្ភារ:លក់ដូរតាមរទេះ ២គ្រួសារ

កាកបាទក្រហមកម្ពុជាចុះសួរសុខទុក្ខព្រឹទ្ធាចារ្យភិរម្យ ប្រាជ្ញ ឈួន

កក្រក ៖ នៅព្រឹក​ថ្ងៃទី ២៧​ ខែមករា ឆ្នាំ២០១៨ កាកបាទក្រហម​កម្ពុជា​ ដែលមាន​សម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន​ បានចាត់ គណ:ប្រតិភូ ដែលដឹកនាំ​ដោយ ឯកឧត្ដម​វេជ្ជ. អ៊ុយ សំអាត នាយក​ នាយកដ្ឋាន​គ្រប់គ្រង​គ្រោះមហន្តរាយ​ និងសហការី​ នាំយកគ្រឿង​ឧបភោគ-បរិភោគ និងថវិកាមួយ​ចំនួន ចុះសួរសុខទុក្ខ ជាលើកទី៣ ដល់ ព្រឹទ្ធាចារ្យ​ភិរម្យ ប្រាជ្ញ ឈួន ដែលជាព្រឹទ្ធាចារ្យចាប៉ីដងវែងដ៏ល្បីល្បាញ​របស់ប្រទេស​កម្ពុជា ដល់គេហដ្ឋាននៅ​ភូមិស្រម៉ក្រោម ឃុំខ្វាវ ​ស្រុកទ្រាំង ខេត្តតាកែវ។

 

ក្នុងឱកាសនោះដែរ ឯកឧត្ដម​វេជ្ជ. បានពាំនាំនូវប្រសាសន៍​របស់ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ដែលផ្តាំផ្ញើ​នូវការគិតគូរ​ពីសុខភាព ​និងសុខទុក្ខរបស់​លោកតា ដែលជាសិល្បករ​ជើងចាស់​ បានបន្សល់ទុកស្នាដៃ​សិល្បៈជាច្រើនសម្រាប់​អ្នកជំនាន់ក្រោយ​ និងសូមជូនពរ​លោកតា​មានសុខភាពល្អ ជន្មាយុយឺនយូរ។

 

លោកព្រឹទ្ធាចារ្យ បច្ចុប្បន្នមានព្រះជន្មាយុ ៨២ឆ្នាំ មានសេចក្ដីរំភើបក្រៃលែង និងដឹងគុណយ៉ាងជ្រាលជ្រៅបំផុតចំពោះ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែលតែងគិតគូរ​ចំពោះទុក្ខ​លំបាកគ្រួសារលោកតា​ និងបានជួយ​ឧបត្ថម្ភគ្រឿង​ឧបភោគ-បរិភោគ​ សម្ភារៈប្រើប្រាស់​ និងថវិកាបានចំនួន៣លើកមកនេះ។

 

សូមបញ្ជាក់ថា ៖ លោកព្រឹទ្ធាចារ្យ ភិរម្យ ប្រាជ្ញ ឈួន អាចច្រៀងបញ្ចេញសំនៀងវោហារ លាយឡំនឹងការដេញចាប៉ី​ដងវែងរបស់ខ្លួន​បានយ៉ាងពិរោះរណ្តំបំផុត។ ព្រមទាំងបាន​ចូលរួមចំណែក​លើកស្ទួយវប្បធម៌ជាតិ ឱ្យកាន់តែ​ល្បីល្បាញ​នៅលើឆាក​អន្តរជាតិ និងបាន​ជួយបណ្ដុះស្មារតី​កូនខ្មែរឱ្យ​ចេះស្រឡាញ់និងសិក្សាស្វែងយល់​ពីចាប៉ីដងវែង​របស់ខ្មែរ៕

 

First Prev 1 2 3 4 5 Next Last