អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

កិច្ចប្រជុំស្ដីពីបូកសរុបសកម្មភាពការងារអភិវឌ្ឍយុវជនក្នុងរាជធានីភ្នំពេញ ឆ្នាំ ២០១៨ និងផែនការទិសដៅការងារបន្ត ឆ្នាំ២០១៩

កក្រក ៖ នៅរសៀល​ថ្ងៃពុធ ១៤រោច ខែអស្សុជ ឆ្នាំច សំរឹទ្ធិស័ក ព.ស. ២៥៦២ ត្រូវនឹង​ថ្ងៃទី ៧ ខែ វិច្ឆិកា ឆ្នាំ ២០១៨ ទីស្នាក់ការ​កណ្ដាល កាកបាទក្រហម​កម្ពុជា បានរៀបចំ​បើកកិច្ចប្រជុំ​ស្ដីពីបូកសរុបសកម្មភាពការងារ​អភិវឌ្ឍយុវជន​នៃគ្រឹះស្ថានឧត្តម​សិក្សា២១ ក្នុងរាជធានី​ភ្នំពេញ ឆ្នាំ ២០១៨ និងផែនការទិសដៅ​ការងារ​បន្ត ឆ្នាំ២០១៩ ក្រោម​អធិបតីភាព​ ឯកឧត្តម ពិត ចំណាន អនុប្រធាន​អចិន្រ្តៃយ៍ ក្រុមការងារទ្រទ្រង់​សកម្មភាព យុវជន និងអ្នកស្ម័គ្រចិត្ត​កាកបាទក្រហម​កម្ពុជា និងលោកជំទាវ​ ពុំ ចន្ទីនី អគ្គលេខាធិការ​ កាកបាទក្រហម​កម្ពុជា ព្រមទាំងមានការអញ្ជើញ​ចូលរួមពី ឯកឧត្តម ប្រធានកិត្តិយសក្លឹប លោក លោកស្រី ជាមន្ត្រី​កាកបាទក្រហម​កម្ពុជា លោកគ្រូ អ្នកគ្រូ ទីប្រឹក្សា និងយុវជន​កាកបាទក្រហមកម្ពុជា សរុបចំនួន៥២ នាក់។

កិច្ចប្រជុំ​នេះដែរ ប្រព្រឹត្តទៅនៅក្នុង​គោលបំណង ដើម្បីបូក​សរុបលទ្ធផល​សកម្មភាពការងារ​មនុស្សធម៌របស់យុវជន​កាកបាទក្រហម​កម្ពុជា នៃគ្រឹះស្ថានឧត្តមសិក្សា ២១ ក្នុងរាជធានីភ្នំពេញ លើកពីបញ្ហាប្រឈម ឆ្នាំ២០១៨ និងពិភាក្សា​លើក ទិសដៅបន្ដ ឆ្នាំ២០១៩។

ឯកឧត្តមប្រធានអង្គប្រជុំ ពាំនាំនូវ​ប្រសាសន៍ផ្តាំផ្ញើសួរ​សុខទុក្ខពីសំណាក់​សម្តេច​កិត្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ដែលសម្តេច​តែងតែយកចិត្តទុកដាក់​ខ្ពស់ចំពោះយុវជនជាងនេះទៅទៀតគោលការណ៍ចូល​ជាអ្នកស្ម័គ្រចិត្តកាកបាទក្រហម​កម្ពុជា គឺមិនមានការបង្ខិតបង្ខំ នឹងចូលរួមបំពេញការងារទៅតាមលក្ខខណ្ឌសមស្របដែលយុវជនធ្វើបាន។ ជាមួយនឹងអនុសាសន៍ ផ្តាំផ្ញើឯកឧត្តមប្រធានអង្គប្រជុំក៏សំណូមពរឱ្យយុវជនកាកបាទក្រហមយើង ចេះធ្វើការងារជាក្រុម ដើម្បីមិត្តអប់រំមិត្ត មិត្តជួយមិត្តក្នុងគ្រឹះស្ថានសិក្សា ដោយផ្តោត​សំខាន់លើការសិក្សា​របស់យុវជន និងមិនទុកឱ្យមិត្តណាម្នាក់បោះបង់ចោលការ​សិក្សាដោយក្លឹប​យុវជនកាកបាទ​ក្រហមកម្ពុជា មិនបានយកចិត្តទុកដាក់​ឡើយ៕

 

កិច្ចប្រជុំស្ដីពីបូកសរុបសកម្មភាពការងារអភិវឌ្ឍយុវជនក្នុងរាជធានីភ្នំពេញ ឆ្នាំ ២០១៨ និងផែនការទិសដៅការងារបន្ត ឆ្នាំ២០១៩

កក្រក ៖ នៅរសៀល​ថ្ងៃពុធ ១៤រោច ខែអស្សុជ ឆ្នាំច សំរឹទ្ធិស័ក ព.ស. ២៥៦២ ត្រូវនឹង​ថ្ងៃទី ៧ ខែ វិច្ឆិកា ឆ្នាំ ២០១៨ ទីស្នាក់ការ​កណ្ដាល កាកបាទក្រហម​កម្ពុជា បានរៀបចំ​បើកកិច្ចប្រជុំ​ស្ដីពីបូកសរុបសកម្មភាពការងារ​អភិវឌ្ឍយុវជន​នៃគ្រឹះស្ថានឧត្តម​សិក្សា២១ ក្នុងរាជធានី​ភ្នំពេញ ឆ្នាំ ២០១៨ និងផែនការទិសដៅ​ការងារ​បន្ត ឆ្នាំ២០១៩ ក្រោម​អធិបតីភាព​ ឯកឧត្តម ពិត ចំណាន អនុប្រធាន​អចិន្រ្តៃយ៍ ក្រុមការងារទ្រទ្រង់​សកម្មភាព យុវជន និងអ្នកស្ម័គ្រចិត្ត​កាកបាទក្រហម​កម្ពុជា និងលោកជំទាវ​ ពុំ ចន្ទីនី អគ្គលេខាធិការ​ កាកបាទក្រហម​កម្ពុជា ព្រមទាំងមានការអញ្ជើញ​ចូលរួមពី ឯកឧត្តម ប្រធានកិត្តិយសក្លឹប លោក លោកស្រី ជាមន្ត្រី​កាកបាទក្រហម​កម្ពុជា លោកគ្រូ អ្នកគ្រូ ទីប្រឹក្សា និងយុវជន​កាកបាទក្រហមកម្ពុជា សរុបចំនួន៥២ នាក់។

កិច្ចប្រជុំ​នេះដែរ ប្រព្រឹត្តទៅនៅក្នុង​គោលបំណង ដើម្បីបូក​សរុបលទ្ធផល​សកម្មភាពការងារ​មនុស្សធម៌របស់យុវជន​កាកបាទក្រហម​កម្ពុជា នៃគ្រឹះស្ថានឧត្តមសិក្សា ២១ ក្នុងរាជធានីភ្នំពេញ លើកពីបញ្ហាប្រឈម ឆ្នាំ២០១៨ និងពិភាក្សា​លើក ទិសដៅបន្ដ ឆ្នាំ២០១៩។

ឯកឧត្តមប្រធានអង្គប្រជុំ ពាំនាំនូវ​ប្រសាសន៍ផ្តាំផ្ញើសួរ​សុខទុក្ខពីសំណាក់​សម្តេច​កិត្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ដែលសម្តេច​តែងតែយកចិត្តទុកដាក់​ខ្ពស់ចំពោះយុវជនជាងនេះទៅទៀតគោលការណ៍ចូល​ជាអ្នកស្ម័គ្រចិត្តកាកបាទក្រហម​កម្ពុជា គឺមិនមានការបង្ខិតបង្ខំ នឹងចូលរួមបំពេញការងារទៅតាមលក្ខខណ្ឌសមស្របដែលយុវជនធ្វើបាន។ ជាមួយនឹងអនុសាសន៍ ផ្តាំផ្ញើឯកឧត្តមប្រធានអង្គប្រជុំក៏សំណូមពរឱ្យយុវជនកាកបាទក្រហមយើង ចេះធ្វើការងារជាក្រុម ដើម្បីមិត្តអប់រំមិត្ត មិត្តជួយមិត្តក្នុងគ្រឹះស្ថានសិក្សា ដោយផ្តោត​សំខាន់លើការសិក្សា​របស់យុវជន និងមិនទុកឱ្យមិត្តណាម្នាក់បោះបង់ចោលការ​សិក្សាដោយក្លឹប​យុវជនកាកបាទ​ក្រហមកម្ពុជា មិនបានយកចិត្តទុកដាក់​ឡើយ៕

 

សាខាកាកបាទក្រហមកម្ពុជា ខេត្តបាត់ដំបង ទទួលទេយ្យទានមនុស្សធម៌ពី ព្រះអនុគណស្រុកថ្មគោល ខេត្តបាត់ដំបង

សាខាកក្រកខេត្តបាត់ដំបង ៖ នាព្រឹកថ្ងៃអង្គារ ១៣ រោច ខែអស្សុជ ឆ្នាំចសំរឹទ្ធិស័ក ពុទ្ធសករាជ ២៥៦២ត្រូវនឹងថ្ងៃទី៦ ខែវិច្ឆិកា ឆ្នាំ២០១៨នេះ សាខាកាកបាទក្រហមកម្ពុជា ខេត្តបាត់ដំបង​ ដឹកនាំដោយលោកស្រី ស៊ុត ម៉ិ​ហេរញ្ញឹកគណៈកម្មាធិការ​សាខា និងសហការី បានអញ្ជើញទទួលទេយ្យទានមនុស្សធម៌ពីព្រះព្រហ្មសត្ថា ហេង សុខន ព្រះបាឡាត់គណខេត្ត​និងជាព្រះអនុ​គណស្រុកថ្មគោល ព្រមទាំងព្រះសង្ឃ និងគណៈកម្មការអាចារ្យវត្ត ​តាមបណ្តាលវត្ត​នានានៅក្នុង​បរិវេណ​សាលា​អនុគណស្រុកថ្មគោល​ខេត្តបាត់ដំបង។​

ក្នុងឱកាសនោះ ព្រះព្រះព្រហ្មសត្ថា ហេង សុខន បានមានព្រះថេរដីកា​ប្រកបដោយ​សេចក្តីសោមនស្សរីករាយ និងគាំទ្រជានិច្ច ក្នុងការចូលរួមចំណែក​ជាមួយ​សកម្មភាព​មនុស្សធម៌​របស់​កាកបាទក្រហមកម្ពុជា ក្រោមការដឹកនាំរបស់សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា។

ជាការឆ្លើយតប លោកស្រី​ស៊ុត ម៉ិ ហេរញ្ញឹកគណៈកម្មាធិការ​សាខា បានមាន​ប្រសាសន៍ពាំនាំនូវសេចក្តីផ្តាំផ្ញើសាកសួរសុខទុក្ខពីសំណាក់សម្តេច​កិត្តិព្រឹទ្ធបណ្ឌិតប្រធាន ប៊ុន រ៉ានី ហ៊ុន សែន ព្រមទាំងសូមថ្លែងអំណរព្រះគុណយ៉ាងជ្រាលជ្រៅបំផុត​ចំពោះព្រះសង្ឃគ្រប់ព្រះអង្គ និងគណៈកម្មការអារ្យវត្ត ដែលព្រះអង្គតែងតែបានខិតខំអំពាវនាវ​ចលនាព្រះសង្ឃ​ក្នុងស្រុក​អោយការចូលរួម​ជាមួយសកម្មភាពមនុស្សធម៌របស់កាកបាទក្រហមកម្ពុជា ហើយ​សាខាសន្យានឹងចាត់ចែង​ប្រើប្រាស់នូវ​ទេយ្យទានទាំងនេះជួយឲ្យដល់ដៃជនរងគ្រោះគ្រប់ប្រភេទ ឲ្យស្របតាម​គោលការណ៍គ្រឹះទាំង៧ប្រការ​របស់ចលនាកាកបាទក្រហម។

ទេយ្យទានទាំងនោះរួមមាន ៖ គ្រឿង​ឧបភោគ​បរិភោគ​សម្ភារៈ​ប្រើប្រាសមួយចំនួនសរុប២១មុខ និងថវិកាចំនួន ២០០,០០០រៀល​គិតជាថវិកាចំនួន១,៧០០.០០០រៀលផងដែរ៕

 

ប្រតិភូកាកបាទក្រហម ជប៉ុន បានចុះត្រួតពិនិត្យមើលការផ្សព្វផ្សាយអំពីវិជ្ជាសង្រ្គោះបឋម នៅ ខេត្តសៀមរាប

កក្រក ៖ កាលពីព្រឹក​ថ្ងៃអាទិត្យ ១១រោច ខែអស្សុជ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី ៤ ខែ វិច្ឆិកា ឆ្នាំ ២០១៨ កាកបាទក្រហម​កម្ពុជា សហការ​ជាមួយប្រតិភូ​កាកបាទក្រហម​ជប៉ុន បានចុះត្រួតពិនិត្យមើលការ​ផ្សព្វផ្សាយ​អំពីវិជ្ជា​សង្រ្គោះបឋម ជូនដល់​ប្រជាជន​នៅក្នុសហគមន៍​របស់អ្នកស្ម័គ្រចិត្តកាកបាទក្រហមកម្ពុជា ​ដោយមាន​ការចូលរួម​ពីប្រជាជន​នៅក្នុង​សហគមន៍ចំនួន ៥០នាក់ ​ដែលធ្វើឡើងនៅភូមិខ្វែង សង្កាត់គោកចក​ ក្រុងសៀមរាប ខេត្តសៀមរាប។

ការផ្សព្វផ្សាយនេះ​ប្រព្រឹត្ត​ទៅនៅក្នុងគោល​បំណង ដើម្បីឲ្យប្រជាពលរដ្ឋ​មានការយល់ដឹង​អំពីវិជ្ជាសង្រ្គោះបឋម​ ងាយស្រួល​ក្នុងការសង្រ្គោះ​ជនរងគ្រោះឲ្យបានទាន់​ពេលវេលា​ និងផ្សព្វផ្សាយ​បន្តនូវវិជ្ជានេះទៅដល់សហគមន៍​ផងដែរ៕

យុវជនកាកបាទក្រហមកម្ពុជា ជួយសាងសង់ផ្ទះ ជនពិការ រស់នៅភូមិព្រៃធំ ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ

សាខាកក្រកខេត្តកំពង់ស្ពឺ ៖ នាព្រឹកថ្ងៃព្រហស្បតិ៍ ​៨រោច ខែអស្សុជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១ ខែ វិច្ចិកា ឆ្នាំ ២០១៨ សាខា​កាកបាទ​ក្រហមកម្ពុជា ​ខេត្តកំពង់ស្ពឺ ដឹកនាំ​ដោយ​លោកស្រី អោម ចន្នា​ នាយិកាសាខា ​និងសហការី ​បានដឹកនាំ​អ្នកស្ម័គ្រចិត្ត និង​យុវជនកាកបាទក្រហម​កម្ពុជា ចុះត្រួតពិនិត្យ និងធ្វើការសាង​សង់ផ្ទះមានផ្ទះទំហំ ៥ម៉ែត្រ x ៧ម៉ែត្រ ឡេីងឃឿន ៤០សង់ទីម៉ែត្រ ធ្វើអំពីឈេីប្រក់ហ្វីប្រូ រៀបការ៉ូក្រោម ដែលជា​អំណោយ​របស់កាកបាទក្រហម​កម្ពុជា ដែលមាន​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ជូន​ដល់លោកស្រី សាន ខុម មានកូនចំនួន ២នាក់ ជាជនពិការ រស់នៅ​ភូមិព្រៃធំ ​ឃុំរស្មី​សាមគ្គី ស្រុកឱរ៉ាល់ ខេត្តកំពង់ស្ពឺ។

កាកបាទក្រហមកម្ពុជា សួរសុខទុក្ខ ប្រជាពលរដ្ឋងាយរងគ្រោះបំផុត នៅ ស្រុកកំពង់ត្រឡាច ខេត្តកំពង់ឆ្នាំង។

នៅព្រឹកថ្ងៃសុក្រ ទី ២ ខែ​វិច្ឆិកា​ ឆ្នាំ​២០១៨​ នេះ​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា​ និងគណៈប្រតិភូអមដំណើរ​ បានអញ្ជើញជួប​សំណេះសំណាល​ សួរសុខទុក្ខ​ និងផ្តល់អំណោយមនុស្សធម៌ដោយផ្ទាល់ ជូនដល់​ប្រជាពលរដ្ឋងាយរងគ្រោះបំផុតចំនួន​ ១,៦៣៦គ្រួសារ​ រស់នៅភូមិចំនួន​ ៧១​ ឃុំចំនួន​ ១១​ ស្រុកចំនួន​ ៤​ នៃខេត្តកំពង់ឆ្នាំង​។ កម្មវិធីនេះ​ បានប្រារព្ធធ្វើ​ឡើងនៅភូមិស្រែសារ​ ឃុំឈូកស​ ស្រុកកំពង់ត្រឡាច​ ខេត្តកំពង់ឆ្នាំង។

នៅក្នុងឱកាសជួប​សំណេះសំណាល​នោះ សម្តេចកិត្តិព្រឹទ្ធបណ្ឌិត​ បានសម្តែង​នូវការនឹករលឹក​ និងក្តីស្រឡាញ់ជ្រាលជ្រៅជាមួយប្រជាពលរដ្ឋ​ទាំងអស់​ និងបាននាំមកនូវ​អំណោយមនុស្សធម៌​របស់កាកបាទក្រហម​កម្ពុជា រួមមានស្បៀង និងសម្ភារ​ប្រើប្រាស់ ដែលបាន​មកពីសប្បុរសជនជាតិ ​និងអន្តរជាតិ​ ជាពិសេស​ ក្នុងទិវា​ ៨​ ឧសភា​ ដែលប្រារព្ធធ្វើឡើងជារៀងរាល់ឆ្នាំ​ក្រោមអធិបតីភាពដ៏ខ្ពង់ខ្ពស់​នៃសម្តេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រី។

ជាមួយគ្នានោះ សម្តេចកិត្តិព្រឹទ្ធបណ្ឌិត បានថ្លែងកោត​សរសើរ​ និងអំពាវនាវដល់អាជ្ញាធរគ្រប់លំដាប់ថ្នាក់ ​ឱ្យបន្តចុះតាមដាន​ គិតគូរពីសុខទុក្ខ​ និងជួយ​សម្រាលការលំបាកជូនប្រជាពលរដ្ឋងាយរងគ្រោះបំផុតឱ្យបានទាន់ពេលវេលា​ ជាពិសេសត្រូវលុបបំបាត់គ្រឿងញៀន​ ល្បែងស៊ីសង​ គ្រឿងស្រវឹង​ ដែលជាប្រភពនៃអំពើហិង្សា​ ចោរកម្ម​ និងសម្លាប់មនុស្សយ៉ាងព្រៃផ្សៃ​។ ដោយឡែក​ ចំពោះអ្នកសារព័ត៌មាន​ ត្រូវផ្សព្វផ្សាយពីចំណុចសកម្មក្នុងសង្គម​ និងសមិទ្ធផល​របស់រាជរដ្ឋាភិបាលដែលបានខិតខំកសាង​ និងអភិវឌ្ឍប្រទេសឱ្យរីកចម្រើន​ ល្បីរន្ទឺ​ក្នុង​មជ្ឈដ្ឋានជាតិ និងអន្តរជាតិ។

បន្ថែមពីនេះ​ សម្តេចកិត្តិព្រឹទ្ធបណ្ឌិត​ បានអំពាវនាវ​ដល់ប្រជាពលរដ្ឋទាំងអស់​ ជាពិសេស​ ក្មួយៗយុវជន​ ត្រូវកសាងខ្លួននិងចូលរួមចំណែកជាមួយ​រាជរដ្ឋាភិបាល​ដើម្បីសង្គមជាតិ​បានល្អប្រសើរឡើង​ ហើយត្រូវយកចិត្តទុកដាក់ពិចារណាឱ្យ​បានហ្មត់ចត់ពី​បណ្តាញទំនាក់​ទំនងសង្គម​ Facebook, Youtube ដែលជាអាវុធមុខពីរអាចផ្តល់ផលវិជ្ជមាន​ និងផលអវិជ្ជមានដែល​ប៉ះពាល់ដល់​សីលធម៌សង្គម​ និងការអភិវឌ្ឍប្រទេសជាតិ។ ទន្ទឹមនឹងនេះ​ ​ត្រូវយកចិត្តទុកដាក់គិតគូរពីបញ្ហា​សុខភាព​ ពិសាទឹកដាំពុះ​ សម្អាតបរិស្ថានជុំវិញផ្ទះ​ និងរស់នៅមាន​អនាម័យ​ ហើយ​ត្រូវគោរពច្បាប់ចរាចរណ៍​ បើកបរប្រុងប្រយ័ត្នដើម្បីសុវត្ថិភាពនៅពេលធ្វើដំណើរ។​ ចំពោះអ្នករស់នៅជាមួយមេរោគអេដស៍​ ត្រូវលេបឱសថប្រឆាំងមេរោគតាមវេជ្ជបញ្ជាគ្រូពេទ្យ​ ហើយជៀសវាងដាច់ខាតការចម្លងមេរោគទៅកាន់អ្នកដទៃ។

គ្រួសារនីមួយៗទទួលបាន​ ៖ អង្ករ ៣០គក្រ មី១កេស ​ត្រីខ១០កំប៉ុង ​មុង១ ភួយ១ សារុង១ ក្រមា១ អាវយឺត១​ ទឹកសុទ្ធ១ដប នំបុ័ង១ដើម។ ជាមួយគ្នានេះ​ គ្រួសារនីមួយៗ​ នៅទទួលបាន ក្រណាត់ស ១ដុំ និងថវិកា១មុឺនរៀលទៀត​ ជាអំណោយ​របស់ ​សម្តេចតេជោនាយករដ្ឋមន្ត្រី និងសម្តេច​កិត្តិព្រឹទ្ធបណ្ឌិត៕

 

កិច្ចប្រជុំលើកទី២ នៃគណៈកម្មការ និងអនុគណៈកម្មការចូលរួមសម្ពោធវិមានឈ្នះឈ្នះ ដើម្បីត្រួតពិនិត្យការងារ និងដាក់ទិសដៅអនុវត្តបន្ត

កក្រក​ ៖​ នៅថ្ងៃព្រហស្បតិ៍ ទី ១ ខែវិច្ឆិកា ឆ្នាំ២០១៨ នេះ លោកជំទាវ ឃួន សុដារី អនុប្រធានកាកបាទក្រហមកម្ពុជា បានអញ្ជើញដឹកនាំកិច្ចប្រជុំលើកទី២​ នៃគណៈកម្មការ​ និងអនុគណៈកម្មការ​ចូលរួមសម្ពោធ​វិមាន​ឈ្នះឈ្នះ​​ ដើម្បីត្រួតពិនិត្យការងារ​ និងដាក់ទិសដៅអនុវត្តបន្ត​សម្រាប់ឆ្ពោះទៅភាពជោគជ័យនៃពិធីសម្ពោធ​ វិមាន​ឈ្នះឈ្នះ​ នៅថ្ងៃទី ២៩ ខែធ្នូ ឆ្នាំ២០១៨​ ខាងមុខនេះ។

ក្នុងកិច្ចប្រជុំនេះ​ លោកជំទាវ ឃួន សុដារី បានដឹកនាំកិច្ចពិភាក្សាផ្តោតលើខ្លឹមសារគោលសំខាន់ៗដែល​អង្គប្រជុំបានឯកភាពគ្នា​ត្រូវរៀបចំឡើងនៅក្នុងសារមន្ទីរនៃវិមានឈ្នះឈ្នះ​ ដែលឆ្លុះបញ្ចាំងពីស្នាដៃនិងសមិទ្ធផលដ៏ធំធេង រយៈពេល ២០ឆ្នាំ​ របស់កាកបាទក្រហមកម្ពុជា​ ក្រោមការដឹកនាំរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ។

វិមានឈ្នះ​ ឈ្នះ​ ជានិមិត្តរូបនៃភាពជោគជ័យនៃនយោបាយ​ ឈ្នះ​ ឈ្នះ​ របស់សម្តេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រីនៃព្រះរាជាណាចក្រកម្ពុជា។ វិមាន​នេះ​ សាងសង់ឡើង​ដើម្បីចារឹក​ តម្កល់និមិត្តរូប​ វត្ថុតាង​ និងសមិទ្ធផលដ៏មហាសាល​ ទុកជាការចងចាំ​ និងជាមរតក​សម្រាប់មនុស្សជំនាន់ក្រោយតរៀងទៅ៕

 

សាខាកាកបាទក្រហមកម្ពុជា ខេត្តសៀមរាប បើកវគ្គបំប៉ន គ្រូបង្ហាត់វិជ្ជាសង្គ្រោះបឋម នៅសណ្ឋាគារ ស្តារីអង្គរ ក្នុងខេត្តសៀមរាប

សាខាកក្រកខេត្តសៀមរាប៖ នៅព្រឹកថ្ងៃព្រហស្បតិ៍ ​៨រោច ខែអស្សុជ ឆ្នាំច សំរឹទ្ធិស័ក ព.ស ២៥៦២ ត្រូវនឹង​ថ្ងៃទី ០១ ខែវិច្ឆិកា ឆ្នាំ២០១៨នេះ ​លោកជំទាវ ​គួយ ណាលីន​ ឃឹមប៊ុនសុង​ អនុប្រធាន​គណៈកម្មាធិការសាខា​កាកបាទក្រហម​កម្ពុជា ខេត្តសៀមរាប បានអញ្ជើញ​ជាអធិបតី​ក្នុងពិធី​បើកវគ្គ​បំប៉ន គ្រូបង្ហាត់វិជ្ជា​សង្គ្រោះបឋម នៅ​សណ្ឋាគារ ស្តារីអង្គរ ក្នុង​ខេត្តសៀមរាប។ វគ្គបំប៉ននេះនឹង​ដំណើរការរយៈពេល៣ថ្ងៃ ចាប់ទី០១ដល់០៣ ខែវិច្ឆិកា ឆ្នាំ២០១៨ ដោយមាន​ការសហការ​រវាងកាកបាទក្រហម​កម្ពុជា និងកាកបាទក្រហម​ជប៉ុន ក្នុងគោលបំណង​ កែតម្រូវ ពិនិត្យ​បច្ចេកទេស និងបង្កើនសមត្ថភាពគ្រូបង្គោលវិជ្ជាសង្គ្រោះបឋម​បន្ថែមទៀតតាមសាខានីមួយៗ ដែលមាន​សិក្ខាកាមចូលរួមចំនួន ៤៧នាក់ មកពី២៥សាខារាជធានី/ខេត្ត។

មានប្រសាសន៍នាឱកាសនោះលោកជំទាវ​បានលើកឡើងថា ទោះបីយើង​ទាំងអស់គ្នាស្ថិតក្នុងយុគសម័យបច្ចេកវិជ្ជា​ទំនើបក្តី ក៏ការសង្រ្គោះដោយមនុស្ស​ដែលមានចំណេះដឹងអាច​ជួយដល់ជនរងគ្រោះគ្រប់ប្រភេទ​ ក្នុងនោះគ្រោះមហន្តរាយ​ដោយធម្មជាតិ ដោយមនុស្ស ពិសេស​គ្រោះថ្នាក់ចរាចរណ៍ដែលកើតឡើងស្ទើរ​តែរាល់ថ្ងៃនោះ នៅតែមាន​សារៈសំខាន់ និងជាគន្លឹះក្នុងការជួយដល់អាយុជីវិតមនុស្សជាតិដដែល ហើយ​ការងារនេះស្រប​តាមគោលការណ៍គ្រឹះនៃចលនាអន្តរជាតិកាកបាទក្រហម អឌ្ឍចន្ទក្រហម ដែលសមាគមជាតិ​ជាសមាជិកទាំងអស់តែងបានប្រកាន់ខ្ជាប់ក្នុងបេសកកម្មមនុស្សធម៌របស់ខ្លួន៕

 

អនុសាខាកាកបាទក្រហមកម្ពុជា ខណ្ឌឬស្សីកែវ ចុះសាកសួរសុខទុក្ខ ចាស់ជរា ប្រជាពលរដ្ឋដែលមានជីវភាពខ្វះខាត នៅសង្កាត់ទួលសង្កែទី២ ។

សាខាកក្រករាជធានីភ្នំពេញ៖ នាថ្ងៃពុធ ៧រោច​ ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ៣១ ខែ តុលា ឆ្នាំ ២០១៨នេះ ក្រុមការងារ​អនុសាខាកាកបាទក្រហម​កម្ពុជា ខណ្ឌឬស្សីកែវ ​ដឹកនាំដោយ លោកជំទាវ អាន ផល្លា ជា ពិសី ​ប្រធាន​ក្រុមការងារ​អនុសាខា បានចុះសាកសួរសុខទុក្ខ​ និងនាំយកអំណោយមនុស្សធម៌​ទៅចែកជូនដល់ចាស់ជរា ប្រជាពលរដ្ឋ​ដែលមានជីវភាព​ខ្វះខាតចំនួន១២គ្រួសារ រស់នៅសង្កាត់ទួលសង្កែទី២ ។

នាឱកាសនោះ លោកជំទាវប្រធាន​ក្រុមការងារ បានមានប្រសាសន៍​ពាំនាំនូវការផ្តាំផ្ញើសួរសុខទុក្ខ និង ក្តីនឹករលឹកពីសំណាក់ សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា ដែលជានិច្ចកាលសម្តេចតែងតែ​យកចិត្តទុកដាក់ និងផ្តល់ក្តីអាណិតអាសូរ ស្រឡាញ់ ចំពោះប្រជាពលរដ្ឋយើងជាទូទៅ ជាពិសេសអ្នក​ដែលរងគ្រោះ និងងាយរងគ្រោះគ្រប់ប្រភេទ ដោយមិនប្រកាន់ពូជសាសន៍ ពណ៌សម្បុរ ឬនិន្នាការនយោបាយ​ណាមួយឡើយ ។

អំណោយមនុស្សធម៌ដែលបានផ្តល់ជូនក្នុង១គ្រួសារៗទទួលបាន៖ អង្ករ១០គីឡូក្រាម បំពង់ទឹកក្តៅ១ ចានស្រាក់១​ ខ្ទះឆា១ ឆ្នាំង១ និងថវិកាចំនួន៤មុឺនរៀល ។

នាថ្ងៃដ៏ដែលនោះ លោកជំទាវ អាន ផល្លា ជា ពិសី ប្រធានក្រុមការងារអនុសាខា​ ក៏បានទទួលអំណោយជាថវិកាចំនួន១.០០០ដុល្លារសហរដ្ឋអាមេរិក ពីលោកស្រី លឹម វណ្ណា ដែលរស់នៅសង្កាត់បឹងកក់ទី១ ខណ្ឌទួលគោក ដើម្បីចូលរួមចំណែកជាមួយសកម្មភាពមនុស្សធម៍របស់អនុសាខាកាកបាទក្រហមកម្ពុជា ខណ្ឌឬស្សីកែវផងដែរ។

 

កាកបាទក្រហមកម្ពុជា ចូលរួមរំលែកទុក្ខ គ្រួសារសពដែលស្លាប់ដោយសារលិចទូកក្នុងទន្លេបាសាក់ ស្រុកស្អាង ខេត្តកណ្ដាល

កក្រក ៖ ដោយក្តីសង្វេគ​ជាពន់ពេក នាព្រឹកថ្ងៃពុធ ៧រោច ខែអស្សុជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣១ ខែតុលា ឆ្នាំ២០១៨ កាកបាទក្រហម​កម្ពុជា​ ដែលមានសម្ដេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ជាប្រធាន ​បានចាត់ឱ្យមន្ត្រី ​ចូលរួមរំលែកទុក្ខ​ និងនាំយកគ្រឿង​ឧបភោគ-បរិភោគ​ ព្រមទាំងបច្ច័យ​ ចូលបុណ្យសព ទី១ ឈ្មោះ រិន មករា ភេទប្រុស​ អាយុ ១៨ឆ្នាំ ទី២ ឈ្មោះ រិន រស្មី ភេទស្រី អាយុ ១៣ឆ្នាំ និងទី៣ ឈ្មោះ រិន ស្រីរ័ត្ន អាយុ ៩ឆ្នាំ ដែលត្រូវជាបងប្អូនបង្កើតនឹងគ្នា ដែលបានស្លាប់ដោយសារ​លិចទូកក្នុង​ទន្លេបាសាក់​ កាលថ្ងៃទី២៩ ខែតុលា ឆ្នាំ២០១៨ នៅភូមិលេខ៥​ ឃុំស្វាយរលំ ស្រុកស្អាង​ ខេត្តកណ្ដាល។

ក្នុងសមានទុក្ខ​ដ៏ក្រៀមក្រំនេះ ឯកឧត្ដមវេជ្ជ. អ៊ុយ សំអាត នាយក នាយកដ្ឋានគ្រប់គ្រង​គ្រោះមហន្តរាយ បានពាំនាំនូវក្ដីក្ដុក​ក្ដួល សោកសង្រេង ​របស់សម្ដេច​កិត្តិព្រឹទ្ធបណ្ឌិត ប្រធាន ​ជូនក្រុមគ្រួសារសព ដែលបានបាត់បង់កូន​ ជាទីស្រឡាញ់ និងសូម​ឧទ្ទិសបួងសួងដល់​ដួងវិញ្ញាណក្ខន្ធសព សូមបានទៅកាន់សុគតិភពកុំបី​ឃ្លៀងឃ្លាតឡើយ។ ជាមួយគ្នានេះដែរ​ ឯកឧត្ដមវេជ្ជ. ក៏បានមាន​ប្រសាសន៍​ណែនាំដល់ប្រជាពលរដ្ឋដែល​អញ្ជើញមកចូលរួម​ក្នុងពិធីនេះ សូមមានស្មារតីប្រុង​ប្រយ័ត្នជានិច្ច ជាពិសេសក្មេងៗ មិនត្រូវទៅលេងនៅកន្លែង​ណាដែលមាន​ទឹកជ្រៅឡើយ ដើម្បីជៀសវាង​មានគ្រោះថ្នាក់ផ្សេងៗដែលកើតឡើងជាយថាហេតុ។

លោកស្រី ព្រីង សុផៃ ដែលត្រូវជាម្ដាយ​បង្កើត នៃសពទាំងបី បានថ្លែងអំណរគុណ​យ៉ាងជ្រាលជ្រៅចំពោះសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានគិតគូរពីសុខទុក្ខរបស់លោកស្រី ក៏ដូចជាប្រជាពលរដ្ឋគ្រប់ទីកន្លែងដោយមិនប្រកាន់រើសអើង វណ្ណៈ ពូជសាសន៍ ពណ៌សម្បុរ ឬនិន្នាការនយោបាយអ្វីឡើយ៕

 

First Prev 1 2 3 4 5 Next Last