អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា
ក្រាំងមាសអក្សរសាស្ត្រសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ដំណឹងសួរកបង-ប្អូន

ដំណឹងសួរកបង-ប្អូន

កាកបាទក្រហមកម្ពុជា បានទទួលពាក្យសុំស្រាវជ្រាវរកគ្រួសារ ដែលមានខ្លឹមសារដូចខាងក្រោម៖

នាងខ្ញុំឈ្មោះ សូត្រ ពៅ ភេទស្រី អាយុ ៤៨ឆ្នាំ សូមសួររកបងស្រីបងបង្កើតឈ្មោះ សូត្រ សើ ហៅ រី អាយុ ៥៧ ឆ្នាំ មុខរបរមុនបែក សិល្បៈតំបន់ មានឪពុកឈ្មោះ ស៊ុប សូត្រ ម្តាយឈ្មោះ គុច យ៉ាន មានបងប្អូនចំនួន៩នាក់ ដែលមានរាយនាមដូចខាងក្រោម៖

១. ឈ្មោះ សូត្រ សន ភេទ ស្រី អាយុ៦៩ឆ្នាំ ស្លាប់,

២. ឈ្មោះ សូត្រ ហុង ភេទស្រី អាយុ ៦៦ ឆ្នាំ

៣. ឈ្មោះ សូត្រ សូយ ភេទស្រី អាយុ ៥៩ឆ្នាំ (រស់)

៤.ឈ្មោះ សូត្រ សើ ភេទស្រី អាយុ៥៧ឆ្នាំ(បាត់ខ្លូន)

៥. ឈ្មោះ សូត្រ បូ ភេទប្រុស អាយុ៥៦ឆ្នាំ (រស់)

៦.ឈ្មោះសូត្រ ស៊ីម ភេទស្រី អាយុ ៥៦ឆ្នាំ (រស់)

៧.ឈ្មោះ សូត្រ សឹម ភេទស្រី អាយុ ៤៩ឆ្នាំ (រស់)

៨.ឈ្មោះសូត្រ ពៅ អាយុ ៤៨ឆ្នាំ (រស់)

៩.ឈ្មោះសូត្រ ប៊ន ភេទប្រុស អាយុ៤២ឆ្នាំ(ស្លាប់)

ទីកន្លែងកំណើត ភូមិត្រពាំងក្តុល ឃុំត្រាចទង់ ស្រុកឧត្តុង ខេត្តកំពង់ស្ពឺ អាស័យដ្ឋានចុងក្រោយ រស់នៅភូមិអន្លង់ជ្រែ ឃុំ ប្រាំបីមុំ ស្រុកថ្ពង់ ខេត្តកំពង់ស្ពឺ។ កាលពីឆ្នាំ 1979 ខ្មែរក្រហមបានជម្លៀស​គាត់ឡើងភ្នំ មានគេឃើញគាត់ហើមជើងនៅលើភ្នំ ចុះមកវិញជាមួយគេមិនរួច ហើយបាត់ដំណឹង​តាំងពីពេលនោះមក។ សព្វថ្ងៃមិនដឹងរស់នៅទីណា បើបងប្អូនណា​បានស្គាល់រឺមានដំណឹង​ពីបុគ្គល​ត្រូវរកសូមមេត្តា ជួយផ្តល់​ដំណឹងដល់ទីស្នាក់ការកាកបាទក្រហមកម្ពុជា នៅតាម ខេត្ត-រាជធានី ដែលនៅជិតលោកអ្នកដោយក្តីអនុគ្រោះ។

ប្រសិនជាបង-ប្អូនណាមានមានដំណឹង ឬស្គាល់ឈ្មោះដែលរកដូចខាងលើ​អាចទាក់ទង់​មកលេខទូរស័ព្ទលេខ 023 881 511 012 229 191 និង 016 777 158។ #CRCRFL_TR:004/17

 

៨ ឧសភា ២០១៨

សេចក្តីប្រកាសព័ត៌មាន

ស្តីពី

ការប្រារព្ធទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា ២០១៨

 

jQuery Carousel
ព័ត៌មានថ្មីៗ

សាខាកក្រក ខេត្តព្រៃវែង ចូលរួមបុណ្យ គម្រប់ខួប ៧ថ្ងៃ គ្រួសារសពដែល ដោយលង់ទឹក ៣នាក់ នៅភូមិកណ្តាច់ ស្រុកកញ្រ្ជៀច

សាខាកក្រក ​ខេត្តព្រៃវែង៖ នៅថ្ងៃសុក្រ ៤កើត ខែមាឃ ឆ្នាំច សំរឹទ្ធិស័ក ព.ស. ២៥៦២ ត្រូវនឹង ថ្ងៃទី៨ ខែកុម្ភៈ ឆ្នាំ២០១៩ ឯកឧត្តម ឧកញ៉ា សុខ ផេង អនុប្រធាន​អចិន្ត្រៃយ៍សាខា តំណាង ឯកឧត្តម ជា សុមេធី ប្រធានគណៈកម្មាធិការ​សាខាខេត្ត បានចុះសួរសុខទុក្ខ និងចូលរួមរំលែក​ទុក្ខបុណ្យគម្រប់ខួប ៧ថ្ងៃ គ្រួសារសពដែលទទួល​មរណៈភាពដោយ​លង់ទឹក ចំនួន ៣នាក់ នៅភូមិកណ្តាច់​ ឃុំចុងអំពិល ស្រុកកញ្រ្ជៀច ខេត្តព្រៃវែង។

នាឱកាសនោះ ឯកឧត្តម​ ឧកញ៉ា បាននាំ​មកនូវប្រសាសន៍ផ្តាំ​ផ្ញើសាកសួរ​សុខទុក្ខ និងចូលរួម​រំលែកទុក្ខយ៉ាងក្រៀមក្រំ​ជាមួយ​គ្រួសារសព ពីសំណាក់ ឯកឧត្តម ជា សុមេធី ប្រធានគណៈកម្មាធិការ​សាខាខេត្ត។

សម្ភារៈសាខាចូលរួម​បុណ្យរួមមាន៖ អង្ករ ២៥គ.ក មី ២កេស ត្រី ខ ២យួរ ទឹកសុទ្ធ ២កេស ទឹកក្រូច ២កេស និងថវិកាចំនួន ២០០,០០០រៀល។

 

គ្រួសារក្រីក្រ ចាស់ជរានៅឃុំអូរដំបង១ស្រុកសង្កែទទួលអំណោយពីសាខាកក្រកខេត្តបាត់ដំបង

សាខាកក្រកខេត្តបាត់ដំបង៖ នៅព្រឹកថ្ងៃសុក្រ ៤ កើត ខែមាឃ ឆ្នាំចសំរឹទ្ធិស័ក ពុទ្ធសករាជ ២៥៦២ត្រូវនឹងថ្ងៃទី៨ ខែកុម្ភៈ ឆ្នាំ២០១៩ ក្រុមការងារ​សាខាកាកបាទក្រហម​កម្ពុជាខេត្តបាត់ដំបង ដឹកនាំដោយ លោកស្រី ស៊ុត​ម៉ិ ហេរញ្ញឹក​គណៈកម្មាធិការសាខា​ សហការី បានចុះសាក​សួរសុខទុក្ខ និងនាំយកអំណោយ​មនុស្សធម៌របស់សាខា​កាកបាទក្រហមកម្ពុជា​ខេត្ត ចែកជូនដល់គ្រួសារ​ក្រីក្រ ចាស់ជរា ចំនួន៣គ្រួសារ៖រស់នៅក្នុងភូមិអូរស្រឡៅ ឃុំអូរដំបង១​ស្រុកសង្កែ ខេត្តបាត់ដំបង​ ។

 

ក្នុងឱកាសនោះដែរជំនួសមុខ​អោយ ឯកឧត្តមបណ្ឌិត​ប៊ុត គឹមស៊ាន ប្រធានគណៈកម្មាធិការ​សាខា​លោកស្រី​ហេរញ្ញិគណៈកម្មាធិការ​សាខា បានពាំនាំមក​នូវប្រសាសន៍ផ្តាំផ្ញើ​សួរសុខទុក្ខ ពីសំណាក់ សម្តេចកិត្តិព្រឹទ្ធបណ្ឌិត ​ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ដែល​ជានិច្ចកាល សម្តេចតែងតែគិតគូរពីសុខទុក្ខរបស់​បងប្អូនប្រជាពលរដ្ឋ ដែលជួបការ​លំបាក ទីទ័លក្រ ចាស់ជរាជន​ពិកា មានជំងឺ ជនងាយរងគ្រោះ​ ជនរងគ្រោះដោយគ្រោះមហន្តរាយផ្សេងៗ ដោយមិនប្រកាន់​រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ និងសូមឲ្យបងប្អូន​ប្រជាពលរដ្ឋទាំងអស់ យកចិត្តទុកដាក់ថែរក្សាសុខភាពឲ្យបានល្អ សម្អាតបរិស្ថាន​ជុំវិញផ្ទះ មានអនាម័យ​ក្នុងការរស់នៅ ផឹកទឹកឆ្អឹន ត្រូវប្រកាន់ភ្ជាប់នូវ ហូបស្អាត ផឹកស្អាត និងរស់នៅស្អាត និងខិតខំប្រឹងប្រែងប្រកបមុខរបរបង្ករបង្កើនផល ដាំដំណាំរួមផ្សំ​ដើម្បីទ្រទ្រង់ជីវភាព​គ្រួសារឲ្យបានប្រសើរឡើង។

អំណោយចែកជូនក្នុង១គ្រួសារទទួលបាន៖ អង្ក២៥គ.ក​,មី១កេស,​ទឹកបរិសុទ្ធវីឃែរ១កេស ,សារុង១ ក្រមា១មុង១​ភួយ១​ត្រីខ​១០កំប៉ុង​ខោ​អាវ១កំផ្លេរនិងថវិការមួយចំនួនផងដែរ។

 

បុរស ជនពិការជេីងស្តាំដោយសារគ្រោះថ្នាក់ដួលលេីទូកនេសាទថៃ ស្ថិតក្នុង ស្រុកថ្មពួក ទទួលអំណោយពីសាខាកក្រកខេត្តបន្ទាយមានជ័យ។

សាខាកក្រកខេត្តបន្ទាយមានជ័យ​ ៖​ ដោយមានការចង្អុលណែនាំពី​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ នៅរសៀលថ្ងៃព្រហស្បតិ៍​ ទី ៧ ខែកុម្ភៈ ឆ្នាំ២០១៩ នេះ​ ក្រុមការងារសាខាកាកបាទក្រហមកម្ពុជា​ ខេត្តបន្ទាយមានជ័យ​ ដឹកនាំដោយ​ ឯកឧត្តម​ លី​ សារី​ ប្រធានគណៈកម្មាធិការសាខា​ បានចុះពិនិត្យពីស្ថានភាព​រស់នៅដ៏សែនលំបាករបស់​ បុរសឈ្មោះ​ ស៊ាង​ នឿន​ អាយុ​ ៣៩ឆ្នាំ​ ជាជនពិការជេីងស្តាំដោយសារគ្រោះថ្នាក់ដួលលេីទូកនេសាទថៃ​ បច្ចុប្បន្នធ្លាក់ខ្លួនពិការរស់នៅកំព្រាម្នាក់ឯង​ក្រោមខ្ទមតាមចិញ្ចេីមផ្លូវស្ថិតក្នុងភូមិប្រាសាទត្បែង​ ឃុំបន្ទាយឆ្មារ​ ស្រុកថ្មពួក​ ខេត្តបន្ទាយមានជ័យ។

 

ដោយឃេីញស្ថានភាពលំបាកនេះ​ កាកបាទក្រហមកម្ពុជា​ ដែលមាន​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ បានផ្តល់អំណោយមនុស្សធម៌​ជួយសម្រាលការ​លំបាកក្នុងជីវភាពរស់នៅ​ ព្រមទាំងជួយបុរសខាងលេីនេះ​ មកព្យាបាលជំងឺ និងបណ្តុះបណ្តាលវិជ្ជាជីវៈ ជំនាញខ្លី នៅមជ្ឈមណ្ឌលជីវិតថ្មីភ្នំបាក់ ក្រុងសិរីសោភ័ណ ដែលគ្រប់គ្រងដោយមន្ទីរសង្គមកិច្ចខេត្តបន្ទាយមានជ័យ។ ដោយឡែក​ អាជ្ញាធរដែនដីខេត្ត​ និងស្រុក​​ នឹងដោះស្រាយ​រកដីហេីយសាងសង់ផ្ទះឱ្យបានសមរម្យសម្រាប់ជ្រកកោន៕

 

កាកបាទក្រហមកម្ពុជា សួរសុខទុក្ខ អ្នកស្រី កប កក្កដា ដែលទើបសម្រាលកូនហើយមានជំងឺដុះសាច់សុដន់ធ្ងន់ធ្ងរ កំពុងសម្រាកវះកាត់ព្យាបាលនៅមន្ទីរពេទ្យកាល់ម៉ែត

កក្រក​ ៖​ នៅទីស្នាក់ការកណ្តាល​ នាព្រឹកថ្ងៃព្រហស្បតិ៍​ ទី​ ៧​ ខែកុម្ភៈ​ ឆ្នាំ២០១៩​ នេះ​ កាក​បាទក្រហមកម្ពុជា​ ដែលមានសម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ បានជួប​សួរសុខ​ទុក្ខ​ជាមួយ​លោក​ គ្រី​ សម្បត្តិ​ បុគ្គលិកទូរទស្សន៍អប្សរា​ ពីស្ថានភាពជំងឺភរិយារបស់លោក​ គឺអ្នកស្រី កប​ កក្កដា​ អាយុ​ ២៣ឆ្នាំ​ ដែលទេីបសម្រាលកូនហេីយមានជំងឺដុះសាច់សុដន់ធ្ងន់ធ្ងរ​ កំពុងសម្រាកវះកាត់ព្យាបាលនៅមន្ទីរពេទ្យកាល់ម៉ែត។

នៅក្នុងឱកាសនោះ លោកជំទាវ ម៉ែន នារីសោភ័គ អគ្គលេខាធិការរងទី ១ កាកបាទក្រហមកម្ពុជា បានពាំនាំនូវប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ​ ក្តីអាណិតអាសូរ​ ចំពោះក្រុមគ្រួសារ​លោកគ្រី​ សម្បត្តិ​ និងសូមផ្តាំផ្ញេីឱ្យថែទាំអ្នកជំងឺឱ្យបានល្អ​អនុវត្តតាមការណែនាំរបស់គ្រូពេទ្យ​ និងជូនពរឆាប់បានជាសះស្បើយឡើងវិញ។

ជាមួយគ្នានេះ​ លោក​ គ្រី​ សម្បត្តិ បានថ្លែងអំណរគុណយ៉ាងជ្រាលជ្រៅបំផុតចំពោះ​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ដែលបានយកចិត្តទុកដាក់ លើកទឹកចិត្ត​ និងផ្តល់អំណោយជួយសម្រាលការលំបាកផ្នែកជីវភាពខណៈដែល​ភរិយា​របស់លោកកំពុងវះកាត់ព្យាបាលនេះ។

អំណោយដែលបានផ្តល់ជូនរួមមាន​ អង្ករ​ មី​ ត្រីខ​ ទឹកដោះគោ​ ស្ករស​ ទឹកប្រទាលកន្ទុយក្រពេី​ មុង​ ភួយ​ សារុង​ ក្រមា​ អាវយឺត​ និងថវិកាមួយចំនួន៕

 

សាខាកាកបាទក្រហមកម្ពុជាខេត្តស្វាយរៀង សួរសុខទុក្ខ ចាស់ជរា និងគ្រួសារមានជីវភាពខ្វះខាត នៅ ស្រុក រំដួល

សាខាកក្រកខេត្តស្វាយរៀង៖ អំណោយ​មនុស្សធម៌ជាស្បៀង សម្ភារ និងថវិកា​មួយចំនួន ត្រូវបានក្រុមការងារសាខាកាកបាទក្រហម​កម្ពុជា​ខេត្តស្វាយរៀង ដឹកនាំដោយ លោកជំទាវ ពៅ សុភាព ហេរញ្ញឹកគណៈកម្មាធិការសាខា នាំយកទៅ​សួរសុខទុក្ខ និងចែកអំណោយ ​ជូនចាស់ជរា ៤ គ្រួសារ និងគ្រួសារ​មានជីវភាពខ្វះខាត ១០ គ្រួសារ សរុប ១៤ គ្រួសារ​ មកពី ៣ ឃុំក្នុងស្រុក រំដួល គឺ ឃុំបុសមន ៤ គ្រួសារ ពងទឹក ៤ គ្រួសារ និងឃុំសង្កែ ៦ គ្រួសារ ដែលពិធី​នេះបា្ររព្ធធ្វើ នៅថ្ងៃទី ៧ ខែ កុម្ភៈ ឆ្នាំ ២០១៩ នៅសាលា​ឃុំសង្កែ ។


ក្នុងពិធីនោះលោក ជំទាវ ពៅ សុភាព តំណាង​ឯកឧត្តម ម៉ែន វិបុល ប្រធាន​គណៈកម្មាធិការ​សាខា បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដល់ប្រជាពលរដ្ឋទាំងអស់​ដោយក្តីនឹករលឹក ហើយជានិច្ចជាកាល ​សម្តេចតែងតែគិតគូ​ពីសុខទុក្ខរបស់បងប្អូនគ្រប់ពេលវេលា ។ លោកជំទាវបាន​បញ្ជាក់បន្ថែមដល់​អ្នកទទួលអំណោយ​ទាំង ១៤ គ្រួសារ ​ដោយសង្ខេបអំពីសកម្មភាពនានា​របស់កាកបាទក្រហម​កម្ពុជា នៅថ្នាក់សាខា និងអនុសាខា បានយកចិត្តទុកដាក់ និងដោះស្រាយបន្ទាន់​ដល់គ្រួសារដែលរង​គ្រោះដោយសារ​គ្រោះធម្មជាតិ ដូចជា ខ្យល់កន្ត្រាក់​ រន្ទះបាញ់ គ្រោះថ្នាក់ចរាចរណ៍ជាដើម ធ្វើឲ្យប្រជាពលរដ្ឋ​ដែលរងគ្រោះបានធូស្រាល​មួយចំណែក ហើយពេលនេះ​សាខាបានគិតគូដល់លោកយាយ លោកតា ចាស់ជរាដែលគ្មានទីពឹង អ្នករស់នៅជាមួយមេរោគអេដស៍ ជនពិការ កុមារកំព្រា ព្រោះមិនមែនតែស្រុករំដួលមួយទេដែលសាខាត្រូវដោះស្រាយ គឺត្រូវដោះស្រាយដល់ស្រុកផ្សេងទៀតតាមលទ្ធភាពដែលសាខាមាន ។

 

អំណោយបានចែកជូនទាំង ១៤ គ្រួសារ ក្នុង ១ គ្រួសារទទួលបាន អង្ករ ៣០ គ.ក្រ មី ១ កេស ត្រីខ ១០ កំប៉ុង ទឹកស៊ីអ៊ីវ ៦ ដប កន្ទេលបត់ ១ ឃីត ១ កញ្ចប់ (ភួយ មុង សារុង ក្រមា) និងថវិកា ៥០,០០០ រៀល ។ ក្នុងពិធីនោះដែរក៏មានសប្បុរសជនបានឧបត្ថម្ភថវិកាមួយចំនួនដល់អនុសាខាស្រុក ដើម្បីចូលរួមចំណែក នូវសកម្មភាពមនុស្សធម៌នៅក្នុងស្រុក ។

កាកបាទក្រហមកម្ពុជា សួរសុខទុក្ខ តារាកំប្លែងជើងចាស់ នាយក្តឹប មានជំងឺសម្ពាធសរសៃឈាមបេះដូងធ្ងន់ធ្ងរ កកឈាមក្នុងខួរក្បាល ទឹកនោមផ្អែម និងទឹកចូលសួត

កក្រក​ ៖​ នៅទីស្នាក់ការកណ្តាល​ នារសៀលថ្ងៃពុធ ទី​ ៦​ ខែកុម្ភៈ​ ឆ្នាំ២០១៩​ នេះ​ កាក​បាទក្រហមកម្ពុជា​ ដែលមានសម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ជាប្រធាន​ បានជួបសំណេះសំណាលសួរសុខទុក្ខ​ជាមួយ​អ្នកស្រី​ ហួន​ ថាត ពីស្ថានភាពជំងឺរបស់ស្វាមីអ្នកស្រី គឺតារាកំប្លែងជើងចាស់​ នាយក្តឹប អាយុ​ ៦០ឆ្នាំ មានជំងឺ​សម្ពាធសរសៃឈាមបេះដូងធ្ងន់ធ្ងរ​ កកឈាមក្នុងខួរក្បាល​ ទឹកនោមផ្អែម​ និងទឹកចូលសួត​ កំពុងសម្រាកព្យាបាលនៅគេហដ្ឋានស្ថិតនៅ​ភូមិខ្ទរ​ សង្កាត់ព្រែកលៀប​ ខណ្ឌជ្រោយចង្វារ​ រាជធានីភ្នំពេញ។

 

នៅក្នុងឱកាសនោះ លោកជំទាវ ម៉ែន នារីសោភ័គ អគ្គលេខាធិការរងទី ១ កាកបាទក្រហមកម្ពុជា បានពាំនាំនូវប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើនូវការសួរសុខទុក្ខចំពោះសិល្បករជើងចាស់ធ្លាប់មានទេពកោសល្យ​ និងបន្សល់ទុកស្នាដៃសិល្បៈកំប្លែងជាច្រើន​។ ជាមួយគ្នានេះ​ លោកជំទាវ​ បានផ្តាំផ្ញើ​ឱ្យក្រុមគ្រួសារនាយក្តឹប​ ខិតខំថែទាំសុខភាពស្វាមី​ ឪពុក​ ​ឱ្យបានល្អ ហេីយអនុវត្តតាមការណែនាំរបស់គ្រូពេទ្យ​ និងជូនពរឆាប់បានជាសះស្បើយឡើងវិញ។

 

ទន្ទឹមនឹងនេះ​ អ្នកស្រី​ ហួន​ ថាត​ និងកូនប្រុស​ បានសំដែងក្តីរំភើបឥតឧបមា​ និងថ្លែងអំណរគុណយ៉ាងជ្រាលជ្រៅចំពោះ​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ដែលបានយកចិត្តទុកដាក់ គិតគូរជួយសម្រាលទុក្ខលំបាក​ និងលើកទឹកចិត្តដល់​ នាយក្តឹប​ ក៏ដូចជាអ្នកដែលជួបទុក្ខលំបាកទូទៅដោយគ្មានការរើសអើង​អ្វី​ឡើយ​។

 

អំណោយផ្តល់ជូនលេីកទី​ ២​ នេះ​ រួមមាន​ អង្ករ​ មី​ ត្រីខ​ ទឹកដោះគោ​ ស្ករស​ ទឹកប្រទាលកន្ទុយក្រពេី​ ទឹកត្រចៀកកាំ​ មុង​ ភួយ​ សារុង​ ក្រមា​ និងថវិកាមួយចំនួន៕

 

សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស ប្រទានព្រះរាជអំណោយ ដល់កាកបាទក្រហមកម្ពុជា

កក្រក​ ៖​ នៅរសៀលថ្ងៃចន្ទ ១៥រោច ខែបុស្ស ឆ្នាំច សំរឹទ្ធិស័ក​ ព.ស.២៥៦២ ត្រូវនឹងថ្ងៃទី ៤​ ខែកុម្ភៈ ឆ្នាំ២០១៩ នេះ សម្តេចព្រះ​អគ្គមហាសង្ឃរាជាធិបតី​ កិត្តិឧទ្ទេសបណ្ឌិត​ ទេព​ វង្ស​ សម្តេចព្រះមហាសង្ឃរាជនៃព្រះរាជា​ណាចក្រកម្ពុជា​ បានប្រទានព្រះរាជអំណោយជាថវិកាចំនួន ៥,០០០ដុល្លារ (ប្រាំពាន់ដុល្លារអាមេរិក) ដល់កាកបាទក្រហមកម្ពុជា ដេីម្បីរួមចំណែកក្នុងសកម្មភាពមនុស្សធម៌​។

 

ក្នុងឱកាសនោះ លោកជំទាវ ម៉ែន​ នារីសោភ័គ​ អគ្គលេខាធិការរងទី​ ១​ កាកបាទក្រហមកម្ពុជា បានពាំនាំប្រសាសន៍របស់ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា​ ដែលផ្តាំផ្ញេីទូលប្រគេនថ្វាយព្រះពរ​ សម្តេចព្រះ​អគ្គមហាសង្ឃរាជាធិបតី​ កិត្តិឧទ្ទេសបណ្ឌិត​ ដែលព្រះអង្គ​បានប្រទានព្រះរាជអំណោយ​គាំទ្រដល់កាកបាទក្រហមកម្ពុជា​ ក្នុងការរួមចំណែកក្នុងសកម្មភាពមនុស្សធម៌ជួយដល់ប្រជាពលរដ្ឋងាយរងគ្រោះបំផុត។ ជំនួសមុខ​ សម្តេចកិត្តិព្រឹទ្ធបណ្ឌិត​ប្រធាន លោកជំទាវអគ្គលេខាធិការរងទី​ ១ បានប្រគេនថ្វាយព្រះពរ​ សម្តេចព្រះ​អគ្គមហាសង្ឃរាជាធិបតី​ កិត្តិឧទ្ទេសបណ្ឌិត​ សូមមានព្រះរាជសុខភាពល្អបរិបូរណ៍ ព្រះជន្មាយុយ៉ឺនយូរ ដើម្បីជួយទ្រទ្រង់ដល់វិស័យព្រះពុទ្ធសាសនា បានគង់វង្សយូរអង្វែងតទៅ៕

 

សាខាកាកបាទក្រហមកម្ពុជាខេត្តស្វាយរៀងសួរសុខទុក្ខ និងចែកជូនដល់គ្រួសារដែលរងគ្រោះដោយ អគ្គីភ័យ

សាខាកក្រកខេត្តស្វាយរៀង៖ ថ្ងៃអាទិត្យ ១៤ រោច ខែបុស្ស ឆ្នាំច សំរឹទ្ធិស័ក ព.ស២៥៦២ ត្រូវ នឹងថ្ងៃទី ៣ ខែ កុម្ភៈ ឆ្នាំ ២០១៩ វេលាម៉ោង ៣:០០ នាទី រសៀល មានអគ្គីភ័យ​មួយបានកើតឡើង ដែលបង្ករដោយសារ​ឆេះភ្លើងចំបើងក្រោមផ្ទះ​បណ្តាលឲ្យឆេះផ្ទះទំហំ ៦X៧ ម សង់ពីឈើជញ្ជាំងសង្កសី ដំបូលប្រក់ស៊ីប្រូសីម៉ង់ត៍​ខូចខាតទាំងស្រុងរួម​នឹងសម្ភារប្រើប្រាស់​ របស់ឈ្មោះ សុន ម៉ៅ អាយុ ៣៣ ឆ្នាំនៅភូមិស្វាយ ឃុំស្វាយធំ ស្រុកស្វាយជ្រំ ។ នៅថ្ងៃទី ៤ ខែ កុម្ភៈ ឆ្នាំ ២០១៩ ក្រុមការងារសាខាកាកបាទក្រហមកម្ពុជា​ខេត្តស្វាយរៀង ដឹកនាំដោយ​លោកជំទាវ ពៅ សុភាព ហេរញ្ញឹកគណៈកម្មាធិការសាខា បាននាំយក​អំណោយមនុស្សធម៌​របស់សាខា ទៅសួរសុខទុក្ខ និងចែកជូនដល់គ្រួសារដែលរងគ្រោះ ។ 


ក្នុងឱកាសនោះ លោកជំទាវ ហេរញ្ញឹកគណៈកម្មាធិការសាខា តំណាង​ឯកឧត្តម ម៉ែន វិបុល ប្រធានគណៈកម្មាធិការសាខា បានពាំនាំប្រសាសន៍​របស់សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ដែលផ្តាំផ្ញើសួរ​សុខទុក្ខ ក្តីអាណិតអាសូរ និងការសោកស្តាយ​ចំពោះឧបទ្ទវហេតុដែលបាន​បំផ្លាញលំនៅដ្ឋាន និងទ្រព្យសម្បត្តិ​របស់គ្រួសាររងគ្រោះ។ ជាមួយគ្នានេះ លោកជំទាវ បានលើកទឹកចិត្ត​សូមកុំអស់សង្ឃឹម ហើយប្រឹងប្រែង​បំពេញការងារ និងប្រកបរបរ​ចិញ្ចឹមជីវិត ដើម្បីស្តារសេដ្ឋកិច្ចគ្រួសារ​ឡើងវិញ ។ ទន្ទឹមនេះ សូមអំពាវនាវ​ដល់ប្រជាពលរដ្ឋ​ទាំងអស់ ត្រូវមានការ​ប្រុងប្រយ័ត្នចំពោះការ​ប្រើប្រាស់ភ្លើង ចរន្តអគ្គិសនី ការអុជធូប ទៀន ដែលអាច​បង្កគ្រោះថ្នាក់ជាយថា​ហេតុ ត្រូវថែរក្សាទឹកទុក​ក្នុងពាងឬអាងឲ្យពេញ និង​ប្រើប្រាស់សន្សំសំចៃ ។


អំណោយដែល​បានផ្តល់ជូនដល់​គ្រួសាររងគ្រោះមាន អង្ករ ៥០ គ.ក្រ ក្រណាត់​កៅស៊ូតង់ ១ កន្ទេលបត់ ១ ឆ្នាំងបាយ សម្ល ២ ធុងទឹកជ័រ ១ មុង ១ ក្រម៉ា ១ សារុង ១ ទឹកស៊ីអ៊ីវ ៦ ដប ត្រីខ ១០ កំប៉ុង មី ១ កេស និងថវិកា ៤០០,០០០ រៀល និងថវិការរបស់​ក្រុមការងារចុះជួយឃុំ ២០០,០០០ រៀល ។

 

សាខាកាកបាទក្រហមកម្ពុជា ខេត្តព្រះសីហនុ សួរសុខទុក្ខ ប្រជាពលរដ្ឋក្រីក្រ នៅភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ

សាខាកក្រក​ខេត្តព្រះសីហនុ ៖ នៅព្រឹកថ្ងៃអាទិត្យ ១៤រោច ខែបុស្ស ឆ្នាំច សំរឹទ្ធស័ក ព.ស.២៥៦២ ត្រូវនឹងថ្ងៃទី ៣ ខែ កុម្ភៈ ឆ្នាំ២០១៩ សាខាកាកបាទក្រហម​កម្ពុជា ខេត្តព្រះសីហនុ ដឹកនាំដោយឯកឧត្តម យន្ត មីន ប្រធាន​កិត្តិយសសាខា រួមជាមួយនឹង​ លោក លោកស្រី ជាសមាជិក ​សមាជិកាគណៈកម្មាធិការសាខា ក្រុមប្រតិបត្តិសាខា ​អនុសាខា បានអញ្ជើញ​ជួបសំណេះសំណាល​សាកសួរសុខទុក្ខ ​និងនាំយកអំណោយ​មនុស្សធម៌​របស់កាកបាទក្រហម​កម្ពុជា ជូនដល់​ប្រជាពលរដ្ឋ​ក្រីក្រ ចំនួន ៥៨គ្រួសារ ស្ថិតនៅភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។

 

ក្នុងឱកាសនោះ ឯកឧត្តមប្រធាន បានពាំនាំ​ប្រសាសន៍ផ្ដាំផ្ញើ​សួរសុក្ខទុក្ខ​និងក្តីនឹករលឹក ពីសំណាក់​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម​កម្ពុជា ដែលជានិច្ចកាល សម្ដេចតែងតែគិតគូរ​សុខទុក្ខបងប្អូន​ប្រជាពលរដ្ឋក្រីក្រ ដែលមានទុក្ខលំបាក​ ជនរងគ្រោះ ជនងាយរងគ្រោះ គ្រប់ប្រភេទ ដោយមិនប្រកាន់​រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការ​នយោបាយអ្វីឡើយ។ លើសពីនេះ ឯកឧត្តម ក៏បានអំពាវនាវ​ដល់ប្រជាពលរដ្ឋ​ទាំងអស់ ឱ្យយកចិត្តទុកដាក់​ការថែទាំសុខភាពដោយបរិភោគទឹកស្អាត គេងក្នុង​មុងជានិច្ច និងសម្អាត​បរិស្ថាន បំបាត់ទឹកដក់​សំរាមស្អុយរលួយ បំបាត់ជម្រកសត្វមូស ជៀសវាង​ការកើតជំងឺគ្រុនចាញ់ គ្រុនឈាម និងជំងឺឆ្លងផ្សេងៗ។ ចំពោះស្រ្តីមាន​ផ្ទៃពោះ ត្រូវទៅពិនិត្យផ្ទៃពោះឱ្យបាន​ទៀងទាត់ អនុវត្ត​ការណែនាំរបស់​គ្រូពេទ្យដើម្បីជៀសវាង​ជំងឺឆ្លងផ្សេងៗ។ សូមគិតគូរពីសុវត្ថិភាព​ចរាចរណ៍ ដោយគោរព​ច្បាប់ចរាចរណ៍ និងប្រុងប្រយ័ត្ន​ជានិច្ចរាល់ពេលធ្វើដំណើរ ជៀសឲ្យឆ្ងាយពីគ្រឿងញៀន គ្រឿងស្រវឹង ល្បែងស៊ី​សងគ្រប់ប្រភេទ ដែលជាប្រភពនៃអំពើហិង្សា ចោរកម្ម។ល។

 

អំណោយដែល​បានផ្ដល់ជូនក្នុង​មួយគ្រួសារៗទទួលផលបាន ៖ អង្ករ ២៥គីឡូក្រាម មី ១កេស ត្រីខ ១០កំប៉ុង មុង១ ភួយ១ សារុង១ ក្រមា១ កន្ទេល១ អង្ករដំណើប កន្លះគីឡូ សណ្តេកខៀវ កន្លះគីឡូ ស្កសរ កន្លះគីឡូ និងថវិកាមួយចំនួនផងដែរ៕

 

ពិធីបំពាក់ឯកសណ្ឋានជូនដល់ យុវជនកាកបាទក្រហមកម្ពុជា នៅខេត្តកំពត

សាខាកក្រកខេត្តកំពត ៖ កាលពី​រសៀលថ្ងៃសុក្រ ១២ ​ខែបុស្ស ឆ្នាំច សំរឹទ្ធិស័ក ព.ស. ២៥៦២ ត្រូវនឹង​ថ្ងៃទី ១ ខែ កុម្ភៈ ឆ្នាំ ២០១៩ សាខា​កាកបាទក្រហមកម្ពុជា ​ខេត្តកំពត បានរៀបចំពិធីបំពាក់​ឯកសណ្ឋាន​ជូនដល់ យុវជនកាកបាទក្រហមកម្ពុជា​ ទើបជ្រើសថ្មី និងទួលបាន​ការបណ្តុះបណ្តាល​យល់ដឹងជាមូលដ្ឋាន​ស្តីពីប្រវត្តិ​ចលនាកាកបាទក្រហម​ អឌ្ឍចន្ទក្រហម និងវិជ្ជាសង្គ្រោះ​បឋម ចំនួន ៥៤៤នាក់ មកពីវិទ្យាល័យ​ចំនួន៥ និងអនុវិទ្យាល័យ នៅក្នុង​ខេត្តកំពត ក្រោមអធិបតីភាព​ឯកឧត្តម ជាវ តាយ​ ប្រធានកិត្តិយស​សាខា​កាកបាទក្រហមកម្ពុជា ខេត្តកំពត។

 

មានប្រសាសន៍​នាឱកាសនោះ ឯកឧត្តម ជាវ តាយ ប្រធានកិត្តិយស​សាខាកាកបាទក្រហម​កម្ពុជា ខេត្តកំពត បានលើកឡើងថា៖​ ដើម្បីបំពេញបន្ថែម​សមាជិកយុវជនដែលបាន​ប្រលងចេញ ឬត្រូវបន្ត​ការសិក្សានៅថ្នាក់ឧត្តមសិក្សា និងដើម្បីពង្រីក​សមាជិក​យុវជនថ្មី សម្រាប់បំពេញ​សកម្មភាពមនុស្សធម៌ ​និងបានចាត់ទុក​យុវជនជាធនធានគន្លឹះ ដែល​មានតម្លៃខ្ពស់​បំផុតសម្រាប់​ការអភិវឌ្ឍសេដ្ឋកិច្ច​ សង្គមកិច្ច វប្បធម៌ បរិស្ថាន និងការរក្សាសន្តិភាព ហើយនៅ​គ្រប់សម័យកាល គ្រប់សង្គម ​យុវជនជាកម្លាំង​ស្រួចដែលមាន​កម្លាំងកាយ-កម្លាំងចិត្ត និងស្មារតីភ្លឺស្វាង​ មានទឹកចិត្ត​ក្លាហាន ពុះពារមិន​រារែកគ្រប់ឧបសគ្គនានា ពិសេស​យុវជនគឺជាសសរទ្រូងរបស់ប្រទេសជាតិ​ទាំងនៅពេលបច្ចុប្បន្ន ​និងទៅអនាគត។

 

ជាមួយគ្នានេះ កាកបាទក្រហម​កម្ពុជា បានទទួលស្គាល់ថា​ យុវជនកាកបាទក្រហម​កម្ពុជា គឺជាអ្នកស្ម័គ្រចិត្តវ័យក្មេង ដែលជាកម្លាំងស្នូលមួយដ៏មាន​សារៈសំខាន់ និងសកម្ម​បំផុត ក្នុងការផ្ដល់​នូវសេវាកម្ម​មនុស្សធម៌ ប្រកបដោយ​ការប្ដេជ្ញាចិត្តខ្ពស់ និងការលះបង់​ឥតងាករេ ស្របតាម​ប្រធានបទ "យុវជនកំពុងនាំគ្នាធ្វើសកម្មភាពយុវជន ជាភ្នាក់ងារ​នៃការផ្លាស់ប្តូរឥរិយាបថ​ក្នុងសង្គម"។

 

ទន្ទឹមនឹងនោះដែរ ឯកឧត្តម ក៏បានបំពាក់កន្សែងជូន​ដល់យុវជន និងបានឧបត្ថម្ភថវិកាដល់យុវជនកាកបាទក្រហម​កម្ពុជា ចំនួន៥៤៤នាក់ ក្នុងម្នាក់ៗ ១០០០០រៀល ទីប្រឹក្សាយុវ​ជនកាកបាទក្រហមកម្ពុជា ចំនួន១២នាក់ ក្នុងម្នាក់ៗ ៤០០០០រៀលផងដែរ៕

1 2 3 4 5 Next Last