Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

ពិធីប្រកាសទទួលស្គាល់ប្រធានកិត្តិយសអនុសាខាស្រុកអង្គរបូរីខេត្តតាកែវ

រសៀលថ្ងៃទី ៤ ខែសីហា ឆ្នាំ២០១៥ នៅសាលាស្រុក អង្គរបូរី មានរៀបចំពិធីប្រកាសទទួលស្គាល់ប្រធានកិត្តិយសអនុសាខា គណៈកម្មាធិការអនុសាខា និងក្រុមកាកបាទក្រហមឃុំ ទាំងប្រាំមួយ របស់ស្រុកអង្គរបូរី ក្រោមអធិបតីភាព លោកជំទាវ នូ សុវណ្ណនី ប្រធានគណៈកម្មាធិការសាខា សមាជិក សមាជិកា គណៈកម្មាធិកាសាខា កាកបាទក្រហមកម្ពុជា ខេត្តតាកែវ។ 
 
ក្រោយពីការអានសេចក្តីសម្រេចរបស់ កាកបាទក្រហមកម្ពុជាដោយលោកនាយកសាខារួចមក លោកជំទាវគណៈអធិបតីបានប្រគល់ សេក្តីសម្រេចជូនប្រធាន អនុប្រធាន សមាជិក សមាជិកាអនុសាខា និងក្រុមកាកបាទក្រហមកម្ពុជាឃុំទាំងអស់របស់ អនុសាខាស្រុកអង្គបូរី ខេត្តតាកែវ។ 
 
នាឱកាសនោះដែរ លោកជំទាវប្រធាន បានផ្តាំផ្ញើដល់សមាជិក សមាជិកាអនុសាខា ដែលទើបបានប្រកាសតែងតាំងថ្មី ត្រូវយកចិង្តទុកដាក់បំរើប្រជាពលរដ្ឋឱ្យបានទាន់ពេលវេលា ដោយមិនប្រកាន់បក្សពួក នយោបាយ រឺពូជសាសន៍ សាសនាអ្វីឡើយ ឱ្យតែបងប្អូនមានការជួបការលំបាកខ្វះខាត រឺជួបគ្រោះមហន្តរាយផ្សេងៗ ហើយត្រូវអនុវត្តតាមគោលការណ៍គ្រឹះទាំងប្រាំពីររបស់ចលនាកាកបាទក្រហម និងអឌ្ឍចន្ទក្រហម រួមមាន ៖
១~ភាពមនុស្សធម៍, ២~ភាពមិនលំអៀង, ៣~អព្យាក្រឹតភាព, ៤~ឯករាជ្យភាព, ៥~សេវាកម្មស្ម័គ្រចិត្ត, ៦~ឯកភាព, ៧~សកលភាព។
 

ពិធី​ប្រកាស​ប្រធានកិត្តិយស​អនុសាខា​ស្រុក ទ្រាំង ខេត្តតាកែវ

ព្រឹក​ថ្ងៃ ២ ខែសីហា ឆ្នាំ២០១៥ នៅ​សាលាស្រុក ទ្រាំង មាន​រៀបចំ​ពិធី​ប្រកាស​ប្រធានកិត្តិយស​អនុសាខា គណៈកម្មាធិការ​អនុសាខា និង​ក្រុម​កាកបាទក្រហម​ឃុំ ទាំង​ដប់ របស់​ស្រុក​ទ្រាំង ដោយមាន​ការចូលរួម​ពី​សំណាក់ លោកជំទាវ នូ សុវណ្ណនី ប្រធាន​គណៈកម្មាធិការ សាខា សមាជិក សមាជិកា គណៈកម្មាធិការ​សាខា​កាកបាទក្រហមកម្ពុជា​ខេត្តតាកែវ។

 

ក្រោយពី​ការអាន​សេចក្តីសម្រេច​របស់ កាកបាទក្រហមកម្ពុជា​ដោយ​លោកនាយក​សាខា​រួចមក លោកជំទាវ គណៈអធិបតី​បានប្រគល់ សេ​ក្តី​សម្រេច​ជូន​ប្រធាន អនុប្រធាន សមាជិក សមាជិកា​អនុសាខា និង​ក្រុម​កាកបាទក្រហមកម្ពុជា​ឃុំ​ទាំងអស់​របស់​អនុសាខា​ស្រុក​ទ្រាំង។

 

នាឱកាស​នោះដែរ លោកជំទាវ​ប្រធាន បាន​ផ្តាំផ្ញើ​ដល់​សមាជិក សមាជិកា​អនុសាខា​ដែល​ទើបបាន​ប្រកាស​តែងតាំង​ថ្មី ត្រូវយក​ចិ​ង្ត​ទុកដាក់​បំរើ​ប្រជាពលរដ្ឋ ឱ្យបាន​ទាន់ពេលវេលា ដោយ​មិន​ប្រកាន់ បក្សពួក​នយោបាយ រឺ​ពូជសាសន៍ សាសនា​អ្វី​ឡើយ ឱ្យតែ​បងប្អូន​មានការ​ជួប​ការលំបាក​ខ្វះខាត រឺ​ជួប​គ្រោះមហន្តរាយផ្សេងៗ ។

ប្រជាពលរដ្ឋខ្វះខាតស្បៀងនៅក្នុងឃុំ បូរីជលសារទទួល អំណោយមនុស្សធម៌ពីសាខាកាកបាទក្រហមកម្ពុជាខេត្តតាកែវ

ព្រឹកថ្ងៃ ២៨ ខែកក្តដា ឆ្នាំ២០១៥ ឯកឧត្តម ឡាយ វណ្ណៈ ប្រធានកិត្តិយសសាខា លោកជំទាវ នូ សុវណ្ណនី ប្រធានគណៈកម្មាធិការសាខា សមាជិក សមាជិកា គណៈកម្មាធិការសាខាកាកបាទក្រហមកម្ពុជា ខេត្តតាកែវ បាននាំយកអំណោយមនុស្សធម៌របស់សាខាទៅផ្តល់ជូនគ្រួសារប្រជាពលរដ្ឋដែលជួបការខ្វះខាតស្បៀងនៅក្នុងឃុំ បូរីជលសារចំនួន ១៦គ្រួសារ ហើយចំពោះប្រជាពលរដ្ឋ ០១គ្រួសារដែលកំពុងមានជំងឺ ហើយផ្ទះរបស់គាត់ខ្វះជញ្ជាំង និងរនាប ស្ថិងក្នុងភូមិ ក្អែកយំ ឃុំបូរីជលសារ ស្រុកបូរីជលសារ ខេត្តតាកែវ ឯកឧត្តមបានផ្តល់សម្ភារៈសម្រាប់ជួសជុលផ្ទះដើម្បីឲ្យមានទីជម្រកដូចគេឯង ។
 
បន្ទាប់មកគណៈអធិបតីទាំងអស់បានចូលរួមក្នុង ពិធីប្រកាសទទួលស្គាល់ ប្រធានកិត្តិយសអនុសាខា គណៈកម្មាធិការអនុសាខា និងក្រុមកាកបាទក្រហមឃុំ ទាំងប្រាំ របស់ស្រុកបូរីជលសារ នៅក្នុងបរិវេណសាលាស្រុក បូរីជលសារ ។ 
 
ក្រោយពីការអានសេចក្តីសម្រេចរបស់ កាកបាទក្រហមកម្ពុជាដោយលោកនាយកសាខារួចមក ឯកឧត្តម បានប្រគល់ សេក្តីសម្រេចជូនប្រធាន អនុប្រធាន សមាជិក សមាជិកាអនុសខា និងក្រុមកាកបាទក្រហមកម្ពុជាឃុំទាំងអស់របស់អនុសាខាស្រុកបូរីជលសារ។    
 
នាឱកាសនោះដែរឯកឧត្តមប្រធាន បានផ្តាំផ្ញើដល់សមាជិក សមាជិកាអនុសាខាដែលទើបបានប្រកាសតែងតាំងថ្មី ត្រូវយកចិត្តទុកដាក់បំរើប្រជាពលរដ្ឋ  ឱ្យបានទាន់ពេលវេលា ដោយមិនប្រកាន់បក្សពួកនយោបាយ រឺពូជសាសន៍ សាសនាអ្វីឡើយ ឱ្យតែបងប្អូនមានការជួបការលំបាកខ្វះខាត រឺជួបគ្រោះមហន្តរាយផ្សេងៗ ។ 
 
ក្រោយពីកម្មវិធីប្រកាសទទួលស្គាល់សមាសភាពអនុសាខាបញ្ចប់ លោកជំទាវ នូ សុវណ្ណនី ប្រធានគណៈកម្មាធិការសាខា បាននាំយកអំណោយមនុស្សធម៌របស់សាខា  ផ្តល់ជូនតាមផ្ទះប្រជាពលរដ្ឋទីទ័លក្រនៅឃុំ ដូងខ្ពស់ ១២គ្រួសារ ទៀត។ អំណោយដែលផ្តល់ជូននាពេលនោះមាន អង្ករ ២៥ គីឡូក្រាម កន្ទេល១ មុង១ ភួយ១ សារុង១ ក្រមារ១ មី១កេស និងបន្ថែមថវិកាពីរម៉ឺនរៀល ផងដែរ។ 
 

កិច្ចប្រជុំ បូកសរុប លទ្ធផលការងារដែលសម្រេចបានប្រចាំឆមាសទី១ និងទិសដៅបន្ត របស់សាខាកាកបាទក្រហមកម្ពុជា ខេត្តកំពង់ស្ពឺ

លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា បានចូលរួមជាអធិបតី ក្នុងកិច្ចប្រជុំ បូកសរុប លទ្ធផលការងារដែលសម្រេចបានប្រចាំឆមាសទី១ និងទិសដៅបន្ត របស់សាខាកាកបាទក្រហមកម្ពុជា ខេត្តកំពង់ស្ពឺ នៅសាលប្រជុំ ទីស្នាក់ការសាខា នាព្រឹកថ្ងៃទី ៣០ ខែ កក្កដាឆ្នាំ ២០១៥ ។ 
 
គោលបំណងនៃកិច្ចប្រជុំនេះគឺផ្តោតជាសំខាន់ទៅ លើចំណុចខ្វះខាតដែលត្រូវកែលម្អ ជាពិសេសពាក់ព័ន្ធនឹង ចំណូល -ចំណាយប្រចាំឆមាស នឹងពិនិត្យឡើងវិញនូវ សេចក្តីសម្រេច នៃដំណើរការ និងការប្រព្រឹត្តទៅរបស់កាកបាទក្រហមកម្ពុជា ដែលទាក់ទងនឹងគណៈអភិបាល និងក្រុមប្រតិបត្តិ ដើម្បីប្រសិទ្ធភាពការងារកាន់តែប្រសើរឡើង។ 
 
ក្នុងឱកាសនោះដែរ លោកជំទាវ អគ្គលេខាធិការ កាកបាទក្រហមកម្ពុជា បានសំណូមពរឲ្យ គណៈកម្មាធិការសាខា ត្រូវរៀបចំចាត់តាំងក្រុមការងារសវនកម្មផ្ទៃក្នុងដែលមានសមាសភាព ពី ២ ទៅ ៣រូប ជាសមាជិកគណៈកម្មាធិការសាខា ក្នុងនោះមានអគ្គហេរញ្ញិក ដើម្បីធានាបានតម្លាភាព និងគណនេយ្យភាព និងសំណូមពរឲ្យសាខា បន្តអភិវឌ្ឍឱ្យបានខ្លាំងក្លាថែមទៀត នូវកម្លាំងយុវជន និងអ្នកស្ម័គ្រចិត្ត ឱ្យទៅជាកម្លាំងចលករពិតប្រាកដរបស់សមាគមជាតិ និងជាក្តីរំពឹងរបស់ប្រជាពលរដ្ឋរងគ្រោះ និងងាយរងគ្រោះ ។ 

ប្រជាពលរដ្ឋរងគ្រោះដោយខ្យល់កន្ត្រាក់នៅ ស្រុក បូរីជលសារ ទទួលអំណោយមនុស្សធម៌ពីសាខាកាកបាទក្រហមកម្ពុជាខេត្តតាកែវ

ព្រឹកថ្ងៃ ៣១ ខែ កក្តដា ឆ្នាំ២០១៥ ឯកឧត្តម ឡាយ វណ្ណៈ ប្រធានកិត្តិយសសាខា លោកជំទាវ នូ សុវណ្ណនី ប្រធានគណៈកម្មាធិការសាខា កាកបាទក្រហមកម្ពុជា ខេត្តតាកែវ រួមដំណើរដោយសមាជិក សមាជិកាគណៈកម្មាធិការសាខា លោកនាយកប្រតិបត្តិសាខា មន្ត្រីសាខា អនុសាខាបានចុះសួរសុខទុក្ខ និងនាំយកអំណោយមនុស្សធម៌របស់សាខាទៅចែកជូនបងប្អូនប្រជាពលរដ្ឋដែលបានរងគ្រោះដោយខ្យល់កន្ត្រាក់កាលពីរសៀល ថ្ងៃ ២៩ ខែកក្តដា ឆ្នាំ២០១៥ នៅ ឃុំដូងខ្ពស់ ស្រុកបូរីជលសារ ចំនួន១៥៦ គ្រួសារ ក្នុង៧ភូមិ ក្នុងនោះផ្ទះរលំទាំងស្រុង ៣ខ្នងធ្លាក់ពីតាង៣ និងធ្ងន់ធ្ងរ១២ខ្នងផ្ទះ និងប៉ះពាល់១៣៨ ខ្នង។ 
 
នាឱកាសនោះ ឯកឧត្តមប្រធាន បានពាំនាំការផ្តាំផ្ញើសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដល់ប្រជាពលរដ្ឋដែលបានរងគ្រោះនាពេលនេះ ដែលជានិច្ចកាល សម្តេចតែងតែយកចិត្តទុកដាក់ គិតគូរដល់ប្រជាពលរដ្ឋដែលងាយរងគ្រោះគ្រប់ប្រភេទដោយមិនប្រកាន់ បក្សពួក សាសនា នយោបាយអ្វីឡើយ។ តមក ឯកឧត្តម បានផ្តាំផ្ញើដល់បងប្អូនទាំងអស់សូមយកចិត្តទុកដាក់សាងសង់លំនៅដ្ឋានឡើងវិញ ហើយមានរដ្ឋអំណាចគ្រប់លំដាប់ថ្នាក់ នៅចាំជួយបងប្អូនជានិច្ច។ 
 
អំណោយដែលចែកជូននាពេលនេះរួមមាន៖ អង្ករ២៥គីឡូក្រាម តង់១ មុង១ កន្ទេល១ សារុង១ ក្រម៉ា១ ភួយ១ និងថវិកាចំនួន ១០ ម៉ឺនរៀល។ សម្រាប់គ្រួសារដែលរលំផ្ទះទាំងស្រុង ៦គ្រួសារ និង ម៉ឺន សម្រាប់១២គ្រួសារធ្ងន់ធ្ងរ ហើយក៏បានប្រគេនព្រះសង្ឃក្នុងវត្តត្រើយឃ្លោក អង្ករ១០០គីឡូ ថវិកា ៥ម៉ឺនរៀល ផងដែរ ។
Fist Prev 96 97 98 99 100 Next Last