Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

ប្រជាពលរដ្ឋ ចំនួន ៧៥១គ្រួសារ ទីទ័លក្រនៅឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ទទួលអំណោយពីកាកបាទក្រហមកម្ពុជា

ប្រជាពលរដ្ឋ ចំនួន ៧៥១គ្រួសារ ទីទ័លក្រ មកពី៥ភូមិ ក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ នាថ្ងៃទី២៦ ខែសីហា ឆ្នាំ២០១៥ បានទទួលអំណោយពីកាកបាទក្រហមកម្ពុជា។
 
ក្នុងឱកាសចែកអំណោយមនុស្សធម៌នេះដែរ ឯកឧត្តម អ៊ុយ សំអាត នាយកនាយកដ្ឋានគ្រប់គ្រងគ្រោះមហន្តរាយកាកបាទក្រហមកម្ពុជា ឯកឧត្តម សោម សុផាត អនុប្រធានកិត្តិយសាខាកាកបាទក្រហមខេត្តកំពង់ធំ បានមានមតិសំណេះសំណាលជាមួយប្រជាពលរដ្ឋទាំង ៧៥១​គ្រួសារ ដោយបានពាំនាំនូវក្តីនឹករឮក និងសាកសួរសុខទុក្ខពី សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ជូនចំពោះបងប្អូនលោកយាយ លោកតា ទាំងអស់ដែលបានមកទទួលនូវការឧបត្ថម្ភនាពេលលនេះ  ឯកឧត្តមបានបន្តទៀតថា ជា សម្តេចកិត្តិព្រឹទ្ធបណ្ឌិត តែងតែចាត់ទុកថា "ការលំបាក របស់ប្រជាពលរដ្ឋ ក៏គឺជា ការលំបាក របស់សម្តេចដែរ  សម្តេចតែងតែណែនាំដល់មន្រី្តក្រោមឱវាត យកចិត្តទុក​ដាក់​ដល់ជីវភាពរបស់ប្រជាជន និងជួយដល់ប្រជាពលរដ្ឋរងគ្រោះដោយគ្រោះមហន្តរាយផ្សេងៗឲ្យបានទាន់ពេលវេលា ដោយឈេលើគោលការណ៍​គ្រឹះ មិនប្រកាន់ពូជសាសន៍ ពណ៌សម្បុរ ប្ញនិន្នាការអ្វីឡើយ ពោលគឺទីណាមានការលំបាក ទីនោះមានវត្តមានកាកបាទក្រហមកម្ពុជាចុះជួយជានិច្ច។
 
ឯកឧត្តមបានផ្តាំផ្ញើដល់ប្រជាពលរដ្ឋរងគ្រោះទាំងអស់ ត្រូវខិតខំបន្តមុខរបរទទួលទាន និងត្រូវពង្រីកការដាំដុះឲ្យអស់លទ្ធភាព ត្រូវមានស្មារតីប្រុងប្រយ័ត្នខ្ពស់ ចំពោះគ្រោះធម្មជាតិផ្សេងៗដែលកើតឡើងក្នុងរដូវវស្សានេះ និងសំណូមពរឲ្យបងប្អូនមេត្តាយកចិត្តទុកដាក់ "ហូបស្អាត ផឹកស្អាត រស់នៅស្អាត" ហើយបញ្ហាសេពគ្រឿងស្រវឹង ជាមូលហេតុចម្បងនាំមកនូវអំពើហឹង្សាក៏ដូចជាសេពគ្រឿងញៀនដែលជាដើមរឿងនៃការបំផ្លាញខ្លួនឯងជាដើម។
 
អំណោយដែលយកមកចែកជូននាពេលនេះមាន អង្ករ ៣០គក មុង ១ ភួយ១ សារុង១ ក្រម៉ា១ មី១កេស ត្រីខ ១០កំប៉ុង និងប្រគេនថវិកា១៥០០០០រៀលដល់វត្តកំពង់ចម្លង។

សាខាកាកបាទក្រហមកម្ពុជា ខេត្តពោធិ៍សាត់ នាំយកអំណោយជូនចាស់ជរាមានជំងឺប្រចាំកាយ

លោកយាយ សុខ ឃុន អាយុ ៨៣ឆ្នាំ នៅភូមិបឹងខ្នារ ឃុំបឹងខ្នារ ស្រុកបាកាន មានជំងឺប្រចាំកាយ និងទីទ័លក្រជាមួយកូន ឈ្មោះ អំ ពៅ អាយុ ៤០ឆ្នាំ ជាស្ត្រីម៉េម៉ាយមានកូន ៣នាក់  ត្រូវបាន ឯកឧត្តម ខូយ រីដា ប្រធានគណៈកម្មាធិការសាខា និងសហការី យកអំណោយមនុស្សធម៌ ផ្តល់ជូនដល់ទីកន្លែង នាព្រឹកថ្ងៃទី ២៧ ខែ សីហា ឆ្នាំ ២០១៥ ។
 
ឯកឧត្តម ខូយ រីដា បានពាំនាំ ប្រសាសន៍ផ្តាំផ្ញើ របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនដល់លោកយាយ ក៏ដូចប្រជាពលរដ្ឋទូទៅ ដែលកន្លងមកសម្តេចតែងតែនឹករលឹក គិតគូរពីសុខទុក្ខ និងផលលំបាកក្នុងការរស់នៅរបស់បងប្អូនគ្រប់ទីកន្លែងដោយមិនប្រកាន់ពូជសាសន៍ និងនិន្នាការនយោបាយឡើយ។ 
 
ឯកឧត្តមបានលើកទៀតថា សាខា និងអនុសាខាកាកបាទក្រហមកម្ពុជា បានខិតខំពុះពារបំពេញបេសកកម្មមនុស្សធម៌ ជូនប្រជាពលរដ្ឋរងគ្រោះ ដោយឧបទ្ទហេតុផ្សេងៗទូទាំងខេត្ត ដោយមិនគិតពីពេលវេលានោះទេ។ ស្របពេលជាមួយគ្នានោះ លោកបានស្នើសុំឲ្យអាជ្ញាធរ ភូមិ ឃុំ ពិនិត្យតាមដាន និងស្រង់ឈ្មោះចំពោះប្រជាពលរដ្ឋក្រីក្រ ចាស់ជរាគ្មានទីពឹងដែលជួបការលំបាកឲ្យបានច្បាស់លាស់ ត្រឹមត្រូវ ជូនតាមរយៈឃុំស្រុក មកខេត្ត ដើម្បីមានវិធានការ ដោះស្រាយទៅតាមស្ថានភាពជាក់ស្តែង ព្រមទាំងបានសន្យាថាជួយឧបត្ថម្ភអង្ករជូនដល់លោកយាយហូបរាល់ខែ និងបានផ្តាំផ្ញើសូមឲ្យលោកយាយ ខិតខំថែរក្សាសុខភាព ដោយរស់នៅស្អាត ហូបស្អាត ទើបមានសុខភាពល្អ។
 
អំណោយមនុស្សធម៌ជូនដល់លោកយាយរួមមាន ៖ អង្ករ ៥០ គីឡូក្រាម ថវិកា ២០ម៉ឺនរៀល និង សម្ភារៈប្រើប្រាស់គ្រប់មុខមួយកញ្ចប់ធំ ។
 
នៅថ្ងៃនោះដែរ លោកស្រីសំ សុភុន ប្រធានអនុសាខាកាកបាទក្រហមស្រុកបាកាន បានយកអំណោយ ជូនលោកយាយ ២នាក់ទៀត គឺឈ្មោះ ឡេង ហេង អាយុ៨២ឆ្នាំ និង ឈ្មោះ អ៊ឹម ស៊ិប អាយុ៦៩ឆ្នាំ នៅភូមិអូរបត់ ឃុំអូរតាប៉ោង ដែលរស់នៅជាមួយកូនស្រីមានផ្ទុកមេរោគអេដស៏ និង មានជំងឺប្រចាំកាយ ដោយម្នាក់ៗទទួលបានអង្ករចំនួន ២៥ គក្រ ទឹកត្រី ៣ដប ទឹកស៊ីអ៊ីវ ៣ដប កន្ទេល១ ត្រីខ ៥កំប៉ុង មី ២៤កញ្ចប់ និង ថវិកា ៥ម៉ឺនរៀល ៕
 

ពិធីចែកអំណោយជូនប្រជាពលរដ្ឋក្រីក្រខ្វះខាតស្បៀងចំនួន៥៨៦គ្រួសារនៅឃុំពាមបាងស្រុកស្ទោង

នាព្រឹក ថ្ងៃទី ២៥ ខែ សីហា ឆ្នាំ២០១៥ ឯកឧត្តម អ៊ុយ សំអាត នាយកនាយកដ្ឋានគ្រប់គ្រងគ្រោះមហន្តរាយ បានអញ្ជើញជាអធិបតីក្នុង ពិធីចែកអំណោយជូនប្រជាពលរដ្ឋក្រីក្រ ខ្វះខាតស្បៀងចំនួន ៥៨៦គ្រួសារ មានចំនួន៥ភូមិ ស្ថិតក្នុងឃុំពាមបាង ស្រុកស្ទោង ខេត្តកំពង់ធំ។ 
 
បន្ទាប់ពីសុន្ទរកថាស្វាគមន៍ដោយលោក ព្រឹម រដ្ឋា អភិបាលស្រុកស្ទោង និងរបាយការណ៍សង្ខេបរបស់ឯកឧត្តម អ៊ុត សំអន ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំរួចមក ឯកឧត្តម អ៊ុយ សំអាត បានមានប្រសាសន៍សំណេះសំណាលដោយលើកឡើងពីសកម្មភាពមនុស្សធម៌របស់កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានកាកបាទក្រហមកម្ពុជា ក្នុងការជួយដល់ប្រជាពលរដ្ឋរងគ្រោះដោយគ្រោះមហន្តរាយផ្សេងៗ ដោយឈរលើគោលការណ៍គ្រឹះ មិនប្រកាន់ពូជសាសន៍ ពណ៌សម្បុរ ឬនិន្នាការអ្វីឡើយ ពោលគឺទីណាមានការលំបាក ទីនោះមានវត្តមានកាកបាទក្រហមកម្ពុជាចុះជួយជានិច្ច។
 
ឯកឧត្តមបានផ្តាំផ្ញើដល់ប្រជាពលរដ្ឋរងគ្រោះទាំងអស់ ត្រូវខិតខំបន្តមុខរបរទទួលទាន និងត្រូវពង្រីកការដាំដុះឲ្យអស់លទ្ធភាព ត្រូវមានស្មារតីប្រុងប្រយ័ត្នខ្ពស់ ចំពោះគ្រោះធម្មជាតិផ្សេងៗដែលកើតឡើងក្នុងរដូវវស្សានេះ និងសំណូមពរប្រជាពលរដ្ឋ ត្រូវប្រុងប្រយ័ត្នខ្ពស់ចំពោះមនុស្សចាស់ ក្មេងតូចៗ ត្រូវគិតពីបញ្ហាសុខភាព នៅពេលមានខ្យល់ ឬភ្លៀង ហាមជ្រកក្រោមដើមឈើ ត្រូវរកកន្លែងមានសុវត្តិភាពជៀសវាងគ្រោះមហន្ដរាយធម្មជាតិដូចជា រន្ទះបាញ់ ខ្យល់កន្ត្រាក់ រលំដើមឈើ រលំផ្ទះជាដើម។ 
 
អំណោយដែលយកមកចែកជូននាពេលនេះ ក្នុងមួយគ្រួសារៗទទួលបាន អង្ករ ៣០ គីឡូក្រាម មីយើង ១ កេស ត្រីខ ១០កំប៉ុង មុង១ ភួយ១ ក្រមា១ សារុង។

បទបង្ហាញវិជ្ជាសង្គ្រោះបឋមជាមូលដ្ឋាន ដល់សហគមន៍

ព្រឹកពីថ្ងៃទី២១ ខែសីហា ឆ្នាំ២០១៥ វេលាម៉ោង៨ និង០០នាទី សាខាកាកបាទក្រហមកម្ពុជាខេត្តកំពង់ធំ បានរៀបចំបទបង្ហាញវិជ្ជាសង្គ្រោះ​បឋម ផ្សព្វផ្សាយដល់ប្រជាពលរដ្ឋ ឃុំត្បូងក្រពើ ដែលមានទីតាំងនៅភូមិបញ្ញាជី ស្រុកសន្ទុក ខេត្តកំពង់ធំ ឧបត្ថម្ភថវិកាដោយកាកបាទក្រហមជប៉ុន ដោយមានការចូលរួមពីសំណាក់ លោក កែវ សំបូរ នាយករងសាខាកាកបាទក្រហមកម្ពុជា ខេត្តកំពង់ធំ។ បន្ទាប់ពីលោក គៀង សេងគី មេឃុំត្បូងក្រពើ បានថ្លែងសុន្ទរកថាស្វាគមន៍ និងថ្លែងអំណរគុណយ៉ាងជ្រាលជ្រៅជូនចំពោះ គម្រោងវិជ្ជាសង្គ្រោះបឋម កាកបាទក្រហមកម្ពុជា ដែលបានឧបត្ថម្ភគាំទ្រថវិកាឲ្យមានបទបង្ហាញជាមូលដ្ឋាននេះឡើងសម្រាប់ប្រជាពលរដ្ឋឃុំត្បូងក្រពើ ដែលជាចំណេះដឹងងាយៗដើម្បីយកទៅអនុវត្តន៍ក្នុងជីវភាពប្រចាំថ្ងៃ រួចមក អ្នកស្ម័គ្រចិត្តកាកបាទក្រហមកម្ពុជា បានធ្វើបទបង្ហាញវិជ្ជាសង្គ្រោះបឋមដល់ប្រជាពលរដ្ឋក្នុងការជួយជនរងគ្រោះដែលជួបឧបទ្ទវហេតុផ្សេងៗមានដូចជា សន្លប់បាត់ស្មារតី  ស្លាក់  ការរលាក  ហូរឈាម  បាក់ឆ្អឹង ជាដើម។
 
មានមតិក្នុងឱកាសនោះ លោក កែវ សំបូរ បានលើកឡើងថា វាជាការពិតវិជ្ជាសង្គ្រោះបឋមត្រូវបានចាត់ទុកជាចំណេះដឹងមួយដ៏សំខាន់​នៅថ្នាក់​សហគមន៍ក្នុងការជួយជនរងគ្រោះដែលជួបឧបទ្ទវហេតុផ្សេងៗ។ វិជ្ជាសង្គ្រោះបឋមដែលត្រូវបង្ហាញជូនពេលនេះ គឺជាការបញ្ជ្រាបនូវការយល់ដឹងបន្ថែមថ្មីមួយកម្រិតទៀតពីលើចំណេះដឹងដែលបងប្អូនធ្លាប់បានឆ្លងកាត់កន្លងមក។ លោកបានផ្តាំផ្ញើដល់អ្នកស្ម័គ្រចិត្តកាកបាទក្រហម និងប្រជាពលរដ្ឋដែលបានមកចូលរួមធ្វើបទបង្ហាញនៅពេលនេះពេលត្រឡប់ទៅវិញ សូមយកចំណេះដឹងដែលទទួលបានពីការបង្ហាញទៅជួយដល់ប្រជាជន ក្នុងភូមិ ដែលតែងជួបប្រទះ នូវឧបទ្ទវហេតុ ផ្សេងៗដូចជា គ្រោះថ្នាក់ចរាចរណ៍ ភ្លើងឆេះផ្ទះ ខ្យល់ព្យុះរលំផ្ទះ និងជួយផ្សព្វផ្សាយ ជាពិសេស អប់រំសុខភាពទូទៅ ដល់យុវជននៅសាលារៀន និងសហគមន៍មូលដ្ឋាន។ល។ ជាពិសេសទៅទៀតនោះ លោកបានសំណូមពរ ដល់អ្នកស្ម័គ្រចិត្ត ត្រូវជំរុញការផ្សព្វផ្សាយនូវ សុខភាពស្ត្រី និងកុមារ និងត្រូវអប់រំអ្នកមានផ្ទៃពោះពិនិត្យផ្ទៃពោះយ៉ាងតិចអោយបាន ៤ដង មុនសំរាល។

សាខាកាកបាទក្រហមកម្ពុជា ខេត្តកំពង់ចាម ចែកអំណោយមនុស្សធម៌ ជូនប្រជាជនទីទ័លក្រ នៅស្រុក ស្ទឹងត្រង់

លោកវេជ្ជបណ្ឌិត គីមសួរ ភីរុណ អនុប្រធានប្រចាំការគណៈកម្មាធិការសាខាកាកបាទក្រហមកម្ពុជា ខេត្តកំពង់ចាម តំណាង ឯកឧត្តម លន់ លឹមថៃ ប្រធានគណៈកម្មាធិការសាខាកាកបាទក្រហមកម្ពុជា ខេត្តកំពង់ចាម បានជួបសំណេះសំណាលសួរសុខទុក្ខ និងចែកអំណោយមនុស្សធម៌ របស់សាខាជូនប្រជាជនទីទ័លក្រ ចំនួន ២គ្រួសារ ស្ថិតនៅភូមិ ខ្ទួយទី២ ឃុំអូរម្លូរ ស្រុកស្ទឹងត្រង់ ដែលជាគ្រួសារពិកាដៃជើងទាំង២ រស់នៅជាមួយម្តាយចាស់ជរាពិការ គ្មានទីពឹង នៅល្ងាច ថ្ងៃទី ២២ សីហា ២០១៥ ។
 
លោកវេជ្ជបណ្ឌិត គីមសួរ ភីរុណ បានពាំនាំនូវប្រសាសន៍ផ្តាំផ្ងើរសាកសួរសុខទុក្ខពី សំណាក់ ឯកឧត្តម លន់ លឹមថៃ ប្រធានគណៈកម្មាធិការសាខា ជាពិសេស សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាល សម្តេច តែងតែគិតគូរ និងយកចិត្តទុកដាក់ជាប្រចាំនូវសុខទុក្ខរបស់ប្រជាជនទីទ័លក្រ ចាស់ជរាគ្មានទីពឹង អ្នករស់នៅជាមួយមេរោគអេដស៍ ស្ត្រីមេម៉ាយទីទ័លក្រមានកូនច្រើនជាដើម។
លោកវេជ្ជបណ្ឌិត បានបន្តទៀតថា អំណោយថ្ងែនេះមានតិចតួចក៏ពិតមែនតែវាអាចជួយសម្រាលនូវការលំបាករបស់បងប្អូនបានមួយរយៈដែរ ហើយអំណោយនេះគឺបានមកពីការអំពាវនាវពីសប្បុរសជនទាំងក្នុង និងក្រៅប្រទេសរបស់សាខាកាកបាទក្រហមកម្ពុជាខេត្ត។ លោកវេជ្ជបណ្ឌិត ក៏បានផ្តាំផ្ញើរផងដែរដល់បងប្អូនទាំងអស់ឱ្យខិតខំថែរក្សាសុខភាព និងអនាម័យចៀសវាងជម្ងឺដងា្កត់ផ្សេងៗមកបៀតបៀននិង សូមកុំឱ្យអស់សង្ឃឹមក្នុងជីវិតនិងត្រូវខិតខំបង្កបង្កើនផលដើម្បីជួយសម្រាលជីវភាពរបស់បងប្អូនថែមទៀត។ 
 
អំណោយដែលបានយកមកចែកជូនក្នុងមួយគ្រួសារៗនាពេលនេះទទួលបាន៖ អង្ករ ១០០គីឡូក្រាម  មី ១កេស ត្រីខ១០ កំប៉ុង និងថវិកា ១លាន រៀល។  លោកវេជ្ជបណ្ឌិត ក៏បានជួយថវិាកសាងសង់បង្គន់អនាម័យ១ និងជួសជុលផ្ទះបាយប្រក់សង្កសីទំហំ ៣ ម៉ែត្រ x ៦ ម៉ែត្រ និង កាំជណ្តើរផងដែរ។ 
 
Fist Prev 92 93 94 95 96 Next Last