Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

ពិធីចែកអំណោយជូនប្រជាពលរដ្ឋក្រីក្រខ្វះខាតស្បៀងចំនួន៥៨៦គ្រួសារនៅឃុំពាមបាងស្រុកស្ទោង

នាព្រឹក ថ្ងៃទី ២៥ ខែ សីហា ឆ្នាំ២០១៥ ឯកឧត្តម អ៊ុយ សំអាត នាយកនាយកដ្ឋានគ្រប់គ្រងគ្រោះមហន្តរាយ បានអញ្ជើញជាអធិបតីក្នុង ពិធីចែកអំណោយជូនប្រជាពលរដ្ឋក្រីក្រ ខ្វះខាតស្បៀងចំនួន ៥៨៦គ្រួសារ មានចំនួន៥ភូមិ ស្ថិតក្នុងឃុំពាមបាង ស្រុកស្ទោង ខេត្តកំពង់ធំ។ 
 
បន្ទាប់ពីសុន្ទរកថាស្វាគមន៍ដោយលោក ព្រឹម រដ្ឋា អភិបាលស្រុកស្ទោង និងរបាយការណ៍សង្ខេបរបស់ឯកឧត្តម អ៊ុត សំអន ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំរួចមក ឯកឧត្តម អ៊ុយ សំអាត បានមានប្រសាសន៍សំណេះសំណាលដោយលើកឡើងពីសកម្មភាពមនុស្សធម៌របស់កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធានកាកបាទក្រហមកម្ពុជា ក្នុងការជួយដល់ប្រជាពលរដ្ឋរងគ្រោះដោយគ្រោះមហន្តរាយផ្សេងៗ ដោយឈរលើគោលការណ៍គ្រឹះ មិនប្រកាន់ពូជសាសន៍ ពណ៌សម្បុរ ឬនិន្នាការអ្វីឡើយ ពោលគឺទីណាមានការលំបាក ទីនោះមានវត្តមានកាកបាទក្រហមកម្ពុជាចុះជួយជានិច្ច។
 
ឯកឧត្តមបានផ្តាំផ្ញើដល់ប្រជាពលរដ្ឋរងគ្រោះទាំងអស់ ត្រូវខិតខំបន្តមុខរបរទទួលទាន និងត្រូវពង្រីកការដាំដុះឲ្យអស់លទ្ធភាព ត្រូវមានស្មារតីប្រុងប្រយ័ត្នខ្ពស់ ចំពោះគ្រោះធម្មជាតិផ្សេងៗដែលកើតឡើងក្នុងរដូវវស្សានេះ និងសំណូមពរប្រជាពលរដ្ឋ ត្រូវប្រុងប្រយ័ត្នខ្ពស់ចំពោះមនុស្សចាស់ ក្មេងតូចៗ ត្រូវគិតពីបញ្ហាសុខភាព នៅពេលមានខ្យល់ ឬភ្លៀង ហាមជ្រកក្រោមដើមឈើ ត្រូវរកកន្លែងមានសុវត្តិភាពជៀសវាងគ្រោះមហន្ដរាយធម្មជាតិដូចជា រន្ទះបាញ់ ខ្យល់កន្ត្រាក់ រលំដើមឈើ រលំផ្ទះជាដើម។ 
 
អំណោយដែលយកមកចែកជូននាពេលនេះ ក្នុងមួយគ្រួសារៗទទួលបាន អង្ករ ៣០ គីឡូក្រាម មីយើង ១ កេស ត្រីខ ១០កំប៉ុង មុង១ ភួយ១ ក្រមា១ សារុង។

បទបង្ហាញវិជ្ជាសង្គ្រោះបឋមជាមូលដ្ឋាន ដល់សហគមន៍

ព្រឹកពីថ្ងៃទី២១ ខែសីហា ឆ្នាំ២០១៥ វេលាម៉ោង៨ និង០០នាទី សាខាកាកបាទក្រហមកម្ពុជាខេត្តកំពង់ធំ បានរៀបចំបទបង្ហាញវិជ្ជាសង្គ្រោះ​បឋម ផ្សព្វផ្សាយដល់ប្រជាពលរដ្ឋ ឃុំត្បូងក្រពើ ដែលមានទីតាំងនៅភូមិបញ្ញាជី ស្រុកសន្ទុក ខេត្តកំពង់ធំ ឧបត្ថម្ភថវិកាដោយកាកបាទក្រហមជប៉ុន ដោយមានការចូលរួមពីសំណាក់ លោក កែវ សំបូរ នាយករងសាខាកាកបាទក្រហមកម្ពុជា ខេត្តកំពង់ធំ។ បន្ទាប់ពីលោក គៀង សេងគី មេឃុំត្បូងក្រពើ បានថ្លែងសុន្ទរកថាស្វាគមន៍ និងថ្លែងអំណរគុណយ៉ាងជ្រាលជ្រៅជូនចំពោះ គម្រោងវិជ្ជាសង្គ្រោះបឋម កាកបាទក្រហមកម្ពុជា ដែលបានឧបត្ថម្ភគាំទ្រថវិកាឲ្យមានបទបង្ហាញជាមូលដ្ឋាននេះឡើងសម្រាប់ប្រជាពលរដ្ឋឃុំត្បូងក្រពើ ដែលជាចំណេះដឹងងាយៗដើម្បីយកទៅអនុវត្តន៍ក្នុងជីវភាពប្រចាំថ្ងៃ រួចមក អ្នកស្ម័គ្រចិត្តកាកបាទក្រហមកម្ពុជា បានធ្វើបទបង្ហាញវិជ្ជាសង្គ្រោះបឋមដល់ប្រជាពលរដ្ឋក្នុងការជួយជនរងគ្រោះដែលជួបឧបទ្ទវហេតុផ្សេងៗមានដូចជា សន្លប់បាត់ស្មារតី  ស្លាក់  ការរលាក  ហូរឈាម  បាក់ឆ្អឹង ជាដើម។
 
មានមតិក្នុងឱកាសនោះ លោក កែវ សំបូរ បានលើកឡើងថា វាជាការពិតវិជ្ជាសង្គ្រោះបឋមត្រូវបានចាត់ទុកជាចំណេះដឹងមួយដ៏សំខាន់​នៅថ្នាក់​សហគមន៍ក្នុងការជួយជនរងគ្រោះដែលជួបឧបទ្ទវហេតុផ្សេងៗ។ វិជ្ជាសង្គ្រោះបឋមដែលត្រូវបង្ហាញជូនពេលនេះ គឺជាការបញ្ជ្រាបនូវការយល់ដឹងបន្ថែមថ្មីមួយកម្រិតទៀតពីលើចំណេះដឹងដែលបងប្អូនធ្លាប់បានឆ្លងកាត់កន្លងមក។ លោកបានផ្តាំផ្ញើដល់អ្នកស្ម័គ្រចិត្តកាកបាទក្រហម និងប្រជាពលរដ្ឋដែលបានមកចូលរួមធ្វើបទបង្ហាញនៅពេលនេះពេលត្រឡប់ទៅវិញ សូមយកចំណេះដឹងដែលទទួលបានពីការបង្ហាញទៅជួយដល់ប្រជាជន ក្នុងភូមិ ដែលតែងជួបប្រទះ នូវឧបទ្ទវហេតុ ផ្សេងៗដូចជា គ្រោះថ្នាក់ចរាចរណ៍ ភ្លើងឆេះផ្ទះ ខ្យល់ព្យុះរលំផ្ទះ និងជួយផ្សព្វផ្សាយ ជាពិសេស អប់រំសុខភាពទូទៅ ដល់យុវជននៅសាលារៀន និងសហគមន៍មូលដ្ឋាន។ល។ ជាពិសេសទៅទៀតនោះ លោកបានសំណូមពរ ដល់អ្នកស្ម័គ្រចិត្ត ត្រូវជំរុញការផ្សព្វផ្សាយនូវ សុខភាពស្ត្រី និងកុមារ និងត្រូវអប់រំអ្នកមានផ្ទៃពោះពិនិត្យផ្ទៃពោះយ៉ាងតិចអោយបាន ៤ដង មុនសំរាល។

សាខាកាកបាទក្រហមកម្ពុជា ខេត្តកំពង់ចាម ចែកអំណោយមនុស្សធម៌ ជូនប្រជាជនទីទ័លក្រ នៅស្រុក ស្ទឹងត្រង់

លោកវេជ្ជបណ្ឌិត គីមសួរ ភីរុណ អនុប្រធានប្រចាំការគណៈកម្មាធិការសាខាកាកបាទក្រហមកម្ពុជា ខេត្តកំពង់ចាម តំណាង ឯកឧត្តម លន់ លឹមថៃ ប្រធានគណៈកម្មាធិការសាខាកាកបាទក្រហមកម្ពុជា ខេត្តកំពង់ចាម បានជួបសំណេះសំណាលសួរសុខទុក្ខ និងចែកអំណោយមនុស្សធម៌ របស់សាខាជូនប្រជាជនទីទ័លក្រ ចំនួន ២គ្រួសារ ស្ថិតនៅភូមិ ខ្ទួយទី២ ឃុំអូរម្លូរ ស្រុកស្ទឹងត្រង់ ដែលជាគ្រួសារពិកាដៃជើងទាំង២ រស់នៅជាមួយម្តាយចាស់ជរាពិការ គ្មានទីពឹង នៅល្ងាច ថ្ងៃទី ២២ សីហា ២០១៥ ។
 
លោកវេជ្ជបណ្ឌិត គីមសួរ ភីរុណ បានពាំនាំនូវប្រសាសន៍ផ្តាំផ្ងើរសាកសួរសុខទុក្ខពី សំណាក់ ឯកឧត្តម លន់ លឹមថៃ ប្រធានគណៈកម្មាធិការសាខា ជាពិសេស សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាល សម្តេច តែងតែគិតគូរ និងយកចិត្តទុកដាក់ជាប្រចាំនូវសុខទុក្ខរបស់ប្រជាជនទីទ័លក្រ ចាស់ជរាគ្មានទីពឹង អ្នករស់នៅជាមួយមេរោគអេដស៍ ស្ត្រីមេម៉ាយទីទ័លក្រមានកូនច្រើនជាដើម។
លោកវេជ្ជបណ្ឌិត បានបន្តទៀតថា អំណោយថ្ងែនេះមានតិចតួចក៏ពិតមែនតែវាអាចជួយសម្រាលនូវការលំបាករបស់បងប្អូនបានមួយរយៈដែរ ហើយអំណោយនេះគឺបានមកពីការអំពាវនាវពីសប្បុរសជនទាំងក្នុង និងក្រៅប្រទេសរបស់សាខាកាកបាទក្រហមកម្ពុជាខេត្ត។ លោកវេជ្ជបណ្ឌិត ក៏បានផ្តាំផ្ញើរផងដែរដល់បងប្អូនទាំងអស់ឱ្យខិតខំថែរក្សាសុខភាព និងអនាម័យចៀសវាងជម្ងឺដងា្កត់ផ្សេងៗមកបៀតបៀននិង សូមកុំឱ្យអស់សង្ឃឹមក្នុងជីវិតនិងត្រូវខិតខំបង្កបង្កើនផលដើម្បីជួយសម្រាលជីវភាពរបស់បងប្អូនថែមទៀត។ 
 
អំណោយដែលបានយកមកចែកជូនក្នុងមួយគ្រួសារៗនាពេលនេះទទួលបាន៖ អង្ករ ១០០គីឡូក្រាម  មី ១កេស ត្រីខ១០ កំប៉ុង និងថវិកា ១លាន រៀល។  លោកវេជ្ជបណ្ឌិត ក៏បានជួយថវិាកសាងសង់បង្គន់អនាម័យ១ និងជួសជុលផ្ទះបាយប្រក់សង្កសីទំហំ ៣ ម៉ែត្រ x ៦ ម៉ែត្រ និង កាំជណ្តើរផងដែរ។ 
 

សាខាកាកបាទក្រហមកម្ពុជាខេត្តក្រចេះ ឆ្លើយតបទៅនឹងគ្រោះមហន្តរាយបានទាន់ពេលវេលា

លោក គង់ សុជាតិ លេខាធិការគណៈកម្មាធិការសាខាកាកបាទក្រហមកម្ពុជាខេត្តក្រចេះ និងជាតំណាង ឯ.ឧ ធុន គ្រី ប្រធានសាខាកាកបាទក្រហមកម្ពុជាខេត្តក្រចេះ នៅព្រឹកថ្ងៃទី ២៤ សីហា ២០១៥ បានចុះសួរសុខទុក្ខ និងចែកអំណោយមនុស្សធម៌ដល់ជនរងគ្រោះចំនួន ១៨ គ្រួសារ ស្មើនឹងផ្ទះ១៨ខ្នង ដោយសារខ្យល់កន្ត្រាក់ប៉ើងដំបូល និងរលំផ្ទះ កាលពីល្ងាចថ្ងៃទី ១៨ ខែសីហា ឆ្នាំ២០១៥។
 
ក្នុងឱកាសចុះសួរសុខទុក្ខ លោក គង់ សុជាតិ បានពាំនាំមកនូវការផ្តាំផ្ញើ សាកសួរសុខទុក្ខពីសំណាក់ សម្តេចកិត្តិព្រិទ្ធបណ្ឌិត ប៊ុន រ៉ានី ប្រធានកាកបាទក្រហមកម្ពុជា   ដែលជានិច្ចជាកាលតែងតែគិតគូពីសុខទុក្ខការលំបាករបស់ប្រជាពលរដ្ឋដែលរងគ្រោះដោយគ្រោះមហន្តរាយផ្សេងៗជាពិសេស រងគ្រោះដោយអគ្គីភ័យ គ្រោះទឹកជំនន់ និងគ្រោះធម្មជាតិផ្សេងៗ គឺលោកតែងតែយកចិត្តទុកដាក់ជួយនូវរាល់ការលំបាក និងឆ្លើយតបបានទាន់ពេលវេលាដោយមិនមានការរើសអើងពូជសាសន៍ ឬនិន្នាការនយោបាយអ្វីឡើយ ទោះបីជាអំណោយដែលផ្តល់ទៅមិនអាចផ្គត់ផ្គង់បានរយៈពេលយូរ តែអាចជួយបំពេញនូវភាពខ្វះខាត់របស់បងប្អូនបានមួយរយៈផងដែរ។ លោកបានសំណូមពរដល់បងប្អូនប្រជាពលរដ្ឋភូមិបូសទឹក ឃុំព្រែកប្រសព្វ ស្រុកព្រែកប្រសព្វ ខេត្តក្រចេះ សូមឲ្យមានការប្រុងប្រយ័ត្នក្នុងការសាងសងលំនៅដ្ឋាន និងខិតខំប្រកបរបរបង្កបង្កើនផល ដើម្បីបង្កើនជីវភាពគ្រួសារ បន្ថែមទៀត។
 
អំណោយដែលបានយកមកជូនដល់ជនរងគ្រោះក្នុង១ គ្រួសារៗ ទទួលបាន ៖  មី១កេស ត្រីខ ១យួរ តង់ ១  ភួយ១ ថ្នាំពេទ្យ ១សម្រាប់  អង្ករ ៣០ គីឡូក្រាម និងថវិការចំនួន ១០០,០០០៛ សម្រាប់ផ្ទះដែលរងគ្រោះ អង្ករ ២៥ គីឡូក្រាមនិងថវិការ ៥០,០០០៛ សម្រាប់ផ្ទះរងគ្រោះស្រាល។

អំណោយមនុស្សធម៌កាកបាទក្រហមខេត្តពោធិ៍សាត់ជួនគ្រួសារសពដោយភ្លើងឆេះខ្ទមស្លាប់

យោងតាមប្រសាសន៍ណែនាំ របស់ឯកឧត្តម ម៉ៅ ធនិន ប្រធានកិត្តិយសគណៈកម្មាធិការ សាខាកាកបាទក្រហមកម្ពុជាខេត្ត ពោធិ៍សាត់ លោក ខូយ រីដា ប្រធានគណៈកម្មាធិការសាខា និងសហការី នាំយកអំណោយមនុស្សធម៌របស់សាខា ទៅជូនគ្រួសារសពដោយអគ្គីភ័យ នៅភូមិអន្សរក្តាម ឃុំស្នាអន្សា ស្រុកក្រគរ ខេត្តពោធិ៍សាត់នាថ្ងៃទី១៧ ខែសីហាឆ្នាំ២០១៥ ។
 
លោក ខូយ រីដា បានមានប្រសាសន៍ ក្នុងនាមឯកឧត្តម ម៉ៅ ធនិន បានចូលរួមរំលែកទុក្ខ ជាមួយគ្រួសារសព និងមានការសោកស្តាយចំពោះការបាត់បងអាយុជីវិតស្ត្រីជាប្រពន្ធ ជាម្តាយ និងទ្រព្យសម្បត្តិដោយសារភ្លើងឆេះយ៉ាងអណោចអធម និងក្រីក្រថែមទៀត។ នៅពេលដឹងថាមានករណីប្រជាពលរដ្ឋ ស្លាប់ដោយសារភ្លើងឆេះខ្ទមនោះភ្លាម ឯកឧត្តមប្រធានកិត្តិយស បានចាត់ឲ្យក្រុមការងារ នាំយកអំណោយមនុស្សធម៌សាខាកាកបាទក្រហមខេត្ត ប្រគល់ជួនគ្រួសារសពដល់ទីកន្លែងជនរងគ្រោះ សម្រាប់ចាត់ចែងធ្វើបុណ្យតាមប្រពៃណី។ សកម្មភាពនេះស្របតាមអនុសាសន៏ដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា តែងតែគិតគូរអំពីទុក្ខលំបាករបស់ប្រជាពលរដ្ឋគ្រប់ទីកន្លែងដោយមិនប្រកាន់អំពីនិន្នាការនយោបាយអ្វីឡើយ ពោលគឺ ទីណាជួបការលំបាកទីនោះមានកាកបាទក្រហមហើយសកម្មភាព​នេះបានរួមចំណែកយ៉ាងសំខាន់ ក្នុងការកាត់បន្ថយបានច្រើននូវហានិភ័យនៃគ្រោះមហន្តរាយ។ អំណោយមនុស្សធម៌សាខា និងអនុសាខា ផ្តល់ជួនគ្រួសារសពមាន៖ អង្ករ៥០គីឡូក្រាម មី១កែស ទឹកត្រី២យួ ទឹកស៊ីអ៊ីវ២យួ ឃីត១កញ្ចប់ សម្ភារៈផ្ទះបាយ និងថវិកា៦៨​ម៉ឺន​រៀល។
Fist Prev 92 93 94 95 96 Next Last