Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

គ្រួសាររងគ្រោះដែលធ្លាក់ចូលឡដុតធ្យួងទទួលអំណោយពី សាខាកាកបាទក្រហមកម្ពុជាខេត្ត

នៅ​ព្រឹក ​ថ្ងៃទី​០១.​ខែកុម្ភះ ​​ឆ្នាំ​២០១៦ ​វេលា​ម៉ោង ​៩: ០០​ព្រឹក ​​លោក ​សើ ​សាម៉េត ​ប្រធាន​គណៈកម្មាធិការ​អនុ​សាខា​កាកបាទក្រហមកម្ពុជា​ស្រុក​ រតនៈ​មណ្ឌល ​និងសហការី ​ជា​ច្រើន​រូប ​បាន​យក​ថវិកា​ចូល​បុណ្យ​សព ​ក្រុមគ្រួសារ​ប្រជា​ពលរដ្ឋ​ធ្លាក់​ចូល​ឡ​ដុត​ធ្យួង​បណ្តាល​អោយ​ស្លាប់​១​នាក់ ​​របួស​ធ្ងន់​២​នាក់ រស់​នៅ​ភូមិ​រស្មី​សង្ហា​ ឃុំ​រស្មី​សង្ហា ​​ស្រុក​រតនៈ​មណ្ឌល​​ ខេត្ត​បាត់ដំបង​​ សប្បុរជន​ចូល​រួម​តាម​រយៈ​អនុ​សាខា​ស្រុក​រួម​មាន​៖
ឯក​ឧត្តម​ ចន្ទ ​​សុផល ​​ប្រធាន​កិត្តិយស​​ សាខា​កាកបាទ​ក្រហម​កម្ពុជា​ខេត្ត ​​៥០០,០០០​​រៀល ​​សាខា​កាកបាទ​ក្រហម​កម្ពុជា​ខេត្ត​​ ១,០០០,០០០​រៀល,​​ អនុ​សាខា​​កាកបាទ​​ក្រហម​​ស្រុក​​ ២០០,០០០​រៀល ​ក្រុម​យុវជន​ស ស ស យ ​ស្រុក ​១៥០,០០០​រៀល​ ក្រុម​កាងារ​ ឃុំ​រស្មី​សង្ហារ ​​២០០,០០០​រៀល​​ លោក ​កាន ប៊ុនថុល ​សមាជិក​ ស ស យ ក ​ខេត្ត ៥០,០០០ រៀល សរុប​ថវិកា​ ២,១០០,០០០​រៀល ។

ប្រជាពលរដ្ឋរងគ្រោះដោយអគ្គីភ័យទទួលអំណោយពីសាខាកាកបាទក្រហមកម្ពុជា ខេត្តព្រះវិហារ

នៅ​ព្រឹក​ថ្ងៃ​ទី​៣១ ​ខែមករា​ ឆ្នាំ​២០១៦ ​លោក​ជំទាវ ​ចឹក ​ហេង ​ប្រធាន​គណៈកម្មា​ធិការ​សាខា ​កាកបាទ​ក្រហម​កម្ពុជា ​ខេត្ត​ព្រះ​វិហារ ​បាន​ចុះ​សួរ​សុខ-​ទុក្ខ ​និង​នាំ​យក​អំណោយ​មនុស្សធម៌ ​ជូន​ប្រជា​ពលរដ្ឋ​រងគ្រោះ ​ចំនួន​ ៣​ គ្រួសារ​ នៅ​ភូមិ​គូលែន​ត្បូង ឃុំ​គូលែន​ត្បូង ស្រុក​គូ​លែន​ ខេត្ត​ព្រះវិហារ ​ដែល​រង​គ្រោះ​ដោយសារ​ទូសេ​ខ្សែ​ភ្លើង​ដាច់​ធ្លាក់​ប៉ះ​ផ្ទះ​ប្រជា​ពលរដ្ឋ ​បណ្តាល​ឱ្យ​ឆេះ​អស់​ផ្ទះ​៣​ខ្នង ​កាល​យប់ ​ថ្ងៃ​ទី​៣០ ខែ មករា ​ឆ្នាំ​២០១៦​។ ​អំណោយ​របស់​សាខា​ដែល​បាន​ផ្តល់​ជូន ​ក្នុង​មួយ​គ្រួសារ​ៗ​ទទួល​បាន៖ អង្ករ​៥០ គីឡូ មី​១​កេស​​ ត្រី​១​យួរ​​ ទឹក​ស៊ី​អ៊ីវ​​ ១​យួរ​​ ឃីត​១​​ ភួយ​១ ​​កន្ទេល​១​​ ចាន៦​​ ចាន​សម្ល​៤​ ឆ្នាំង​ដាំ​បាយ ​១ ឆ្នាំង​​សម្ល​១ ​​វែក​បាយ​១ ​​វែក​សម្ល​១ ​វែក​ឆា​១ ​ចាន​ដែក​១​ស្លាប​ព្រា​៦ ​​ផ្តិល​ទឹក​១ ធុង​ដាក់​ទឹក​១ និង​ថវិកា ១,០០០,០០០ ​រៀល។ ក្នុង​ឱកាស​នោះ​ក៏​មាន​សម្ភារៈ​ និង​ថវិកា​របស់​ព្រះ​តេជ​គុណ ​​សៀន ​គុណ​លាប ​អនុ​ប្រធាន​កិត្តិយស​អនុ​សាខា​ស្រុក​គូ​លែន​​ រួម​មាន៖ ​មី​១​កេស ​​ត្រី​ខ​១​យួរ ​​ទឹក​ត្រី​១​យួរ ​​ទឹក ​សុទ្ធ​១​យួរ ​​ទឹក​ដោះ ​គោ​២កំប៉ុង និង១​កន្ទេល​១ ស្ករស​១គីឡូ ​ទឹក​ក្រូច ១​ដប ​ថវិកា ​១៤០,០០០​រៀល ​ផង​ដែរ។

ពិធីសម្ភោធទីស្នាក់ការអនុសាខាកាកបាទក្រហមកម្ពុជាស្រុកកោះកុង

ទី​ស្នាក់​ការ ​អនុ​សាខា​កាកបាទ​ក្រហម​កម្ពុជា ​ស្រុក​កោះកុង ​ត្រូវ​បាន​សម្ភោធ​ដាក់​អោយ​ប្រើ​ប្រាស់ ​នៅ​ព្រឹក​ថ្ងៃ​ទី​ ២៥ ខែ មករា ឆ្នាំ ២០១៦ ដែល​ជា​អំណោយ​របស់ ឯកឧត្តម ប៊ុន លើត ប្រធាន​កិត្តិ​យស​សាខា​កាកបាទ​ក្រហម​កម្ពុជា ​ខេត្ត​កោះកុង និង​លោក​ជំទាវ ចំណាយ​អស់​ថវិកា​សរុប ៣០,០០០ ដុល្លារ​មាន​ទំហំ (ទទឹង ៨,២០ ម៉ែត្រ X បណ្ដោយ ១២,២០ ម៉ែត្រ) ធ្វើ​អំពី​បេតុង ដំបូល​ដែក ប្រក​ក្បឿង​ក្បាច់ ក្រាល​ឥដ្ឋ​ការ៉ូ មាន ០៤ បន្ទប់ ។​ ក្នុង​ឱកាស សម្ពោធ​នោះ​ដែរ ឯក​ឧត្តម ក៏​បាន​ចូលរួម​ក្នុង​ពិធី​ប្រកាស​ទទួល​ស្គាល់​សមាសភាព​ប្រធាន​កិត្តិយស អនុ​ប្រធានកិត្តិយស សមាជិក​កិត្តិយស អនុ​សាខា​និង​ប្រធាន គណៈកម្មាធិការ អនុ​ប្រធាន​គណៈកម្មាធិការ សមាជិក សមាជិកាគណៈកម្មា​ធិការ អនុ​សាខា ស្រុក​កោះ​កុង ។​

ក្នង​ឱកាស​នោះ ឯកឧត្តម​បាន​លើក​ឡើង​ពី​ជោគជ័យ និងសមិទ្ធផល ដែល​អនុ​សាខា​ស្រុក​កោះកុង សម្រេចបាន គឺ​ឆ្លុះ​បញ្ចាំង​ឲ្យ​ឃើញ​ពី មាគ៌ា​ដឹកនាំ​ដ៏​ត្រឹមត្រូវ ក្រោម​ការ​ដឹកនាំ​របស់ សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទ​ក្រហម​កម្ពុជា និង​ភាពខ្លាំង​នៃ​យុទ្ធសាស្រ្ត របស់​កាកបាទ​ក្រហម​កម្ពុជា ឆ្នាំ ២០១១-២០២០ ដែល​មហា​សន្និបាត​អាណត្តិ​ទី​០៦ បាន​អនុម័ត​ឡើង ។ រួម​ជាមួយ​គ្នា​នេះ​ដែរ ឯក​ឧត្តម បាន​ប្រកាស គៀងគរ​ស្វែង​រកមូល​និធិ​ដល់​សប្បុរសជន ដើម្បី​តំកល់​ទុក​នៅ​សាខា ដោយ​បាន​ថវិកាសរុប ១,៦០៦ ដុល្លារ សម្រាប់អនុ​សាខា​ចាត់ចែង​ទៅតាម​លទ្ធភាព និង​បាន​ចូលរួម​ចែក​អំណោយ​មនុស្សធម៌​ជូន​ដល់​គ្រួសារ​ទីទ័ល​ក្រ​ចំនួន ១០ គ្រួសារ​បន្ថែម​ទៀត​ដែល អំណោយ​ក្នុង ០១​គ្រួសារៗ​ទទួល​បាន៖ អង្ករ ២២​គីឡូក្រាម, មី ០១កេស, ទឹកស៊ីអ៊ីវ ០១, ស្ករស ០១ គីឡូក្រាម នំ ០១ ថង់ធំ, និងភួយ ០១ ជា​អំណោយ​របស់​ឯកឧត្តម​ប្រធាន​កិត្តិយស​សាខា និង​លោកជំទាវ​ផ្ទាល់ ។

សាខា​កាកបាទ​ក្រហម​កម្ពុជា​ខេត្ត​មណ្ឌលគិរី​ទស្សនកិច្ច​នៅ​ខេត្តដាក់ណុង​ប្រទេស​វៀតណាម

នៅ​ថ្ងៃទី១៩ ​​ខែ​មករា​​ ឆ្នាំ២០១៦ ​​គណៈប្រតិភូ​សាខា​កាកបាទ​ក្រហម​កម្ពុជា​​ខេត្តមណ្ឌលគិរី ​​ដឹកនាំដោយ ឯកឧត្តម​​ ស្វាយ ​​សំអ៊ាង ​​ប្រធាន​គណៈកម្មាធិការ​សាខា ​បាន​អញ្ជើញ​ទៅទស្សនៈកិច្ច​សិក្សា​ផ្លាស់ប្តូរ​បទពិសោធន៍​ ការងារ​មនុស្សធម៌​ ជាមួយ​ សាខា​កាកបាទ​ក្រហម​វៀតណាម​​ ខេត្ត​ដាក់ណុង​​ ក្នុង​គោលបំណង ​បង្កើន​ទំនាក់ទំនង ​​និង​ពិនិត្យ​មើល​ឡើងវិញ​លើអនុស្សារណៈ​ដែល​បាន​ចុះថ្ងៃទី​១៧ ខែ​​កញ្ញា ឆ្នាំ​​២០១៣​កន្លង​មក។​ ក្នុង​ឱកាសនោះដែរ​​ សាខាខេត្តដាក់ណុង ​បានផ្តល់​ថវិកា​មក​សាខា​កាកបាទក្រហមកម្ពុជាខេត្ត ​ចំនួន ២០៤លានដុង ​ដើម្បី​សាងសង់​អណ្តូងទឹក​ចំនួនពីរ​គឺ ១​នៅស្រុកកោះញែក ​​និង​១អណ្តូងទៀត​នៅ​ស្រុកអូររាំង​​ រួមទាំងថវិកា​សម្រាប់​ជួសជុស​អគារ​សាខា​កាកបាទ​ក្រហម​កម្ពុជា ​ខេត្ត​មណ្ឌលគីរី​ ផងដែរ។

សាខាកាកបាទក្រហមកម្ពុជាខេត្តស្វាយរៀង នាំយកអំណោយជូន ចាស់ជរា ជាអតីតយោធិនចូលនិវត្តន៍

ក្រោយ​ពី​បាន​ទទួល​ព័ត៌មាន​ពី​មិត្ត​ភក្តិ​រួម​ការងារ​ លោកតា​មឿង​ហ៊ីម ​​អាយុ​៧៦​ឆ្នាំ ​​ជា​យោ​ធិន​ចូលនិវត្តន៍ ​​និង​ភរិយា​ឈ្មោះ​សុខ​​ផាល់​​អាយុ​៧៥​ឆ្នាំ​​បាន​ធ្លាក់​ខ្លួន​ឈឺ​ទាំង​យាយ ​និងតា​ដែល​បច្ចុប្បន្ន​រស់​នៅ​ភូមិបាក់​រនាស់ សង្កាត់​ស្វាយតឿ ​​ក្រុង​ស្វាយ​រៀង​។ នៅ​ថ្ងៃទី​១៩ ​​ខែ​មករា ​​ឆ្នាំ​២០១៦​​លោកជំទាវ ​ពៅ​​ សុភាព ​លេខា​គណៈកម្មាធិការ​សាខា​ ក្នុង​នាម ​លោកជំទាវ ​នាង ​​សេដ្ឋា ​​ជៀង​អំ ​​ប្រធាន​គណៈកម្មាធិការ​សាខា​​ បាន​នាំ​យក​ជំនួយ​មនុស្សធម៌​របស់​សាខា​ទៅ​សួរ​សុខ​ទុក្ខ​ដល់​លំនៅដ្ឋាន​ដែល​កំពុង​ឈឺ​លើស​ឈាម​និយាយ​មិន​រួច ​​និង​លោក​យាយ​កំពុង​ឈឺ​ធ្ងន់​នៅ​នឹង​កន្លែង​​ហើយ​ជួប​ការ​លំបាក​កូន​របស់​គាត់​ទៅ​រកស៊ី​នៅ​ភ្នំពេញ​។ មាន​ប្រសាសន៍​នាឱកាសនោះ​​លោកជំទាវ​ បាន​ពាំនាំ​នូវ​ការសាកសួរសុខទុក្ខ​ពីសំណាក់​លោកជំទាវ នាង សេដ្ឋា ជៀង អំ ប្រធាន​គណៈកម្មាធិការ​សាខា និងសម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន ជាប្រធាន ដែល​ជានិច្ចកាល សម្តេច​តែងតែ​ជួយ​ដល់ ជន​ងាយរងគ្រោះ​ដោយ​មិនគិតពី​និន្នាការ​នយោបាយ​ឬ​រើសអើស​ឡើយ សម្តេច បាន​ផ្តល់អាទិភាព​ក្នុង​ការផ្តល់​អំណោយ​មនុស្សធម៌​ដល់​ប្រជាពលរដ្ឋ​រងគ្រោះ​ធ្ងន់ធ្ងរ​ជាងគេ​ជាមុន​ហើយ​ក៏មិនភ្លេច ពីការលំបាក​ខ្វះខាត​របស់ប្រជាពលរដ្ឋ​ដែល​រងផលប៉ះពាល់​ដោយ​កត្តា​ផ្សេងដែរ ពោល​គឺ​សាខា​បាន​ចែកជូន​ជាបន្តបន្ទាប់​ទៅតាម​ប្រភេទ​នៃការ​រងគ្រោះ ។ ​ លោកជំទាវ​ ​ក៏​បាន​ផ្តាំផ្ញើរ​ដល់​លោកតា​ព្រមទាំង​ក្រុមគ្រួសារត្រូវ​​បរិភោគ​នូវ​ទឹក​ដែល​បាន​ដាំ​ឆ្អិន​ត្រឹម​ត្រូវ​ ​ដើម្បី​ការពារ​សុខ​ភាព​ ​និង​ ​ជៀស​វាង​ការ​ឈឺ​ជ​ម្ងឺ​ នានា​ដែល​បង្ក​ដោយ​មេ​រោគ​នៅ​ក្នុង​ទឹ​ក​។ អំណោយដែលបានចែកជូន​នាពេលនោះ​មាន​អង្ករ ៥០ គ.ក្រ មី ១ កេស កន្ទេល ១  មុង ១ សារុង ១ ក្រមា ១ ភួយ ១ ត្រី ខ ១០ កំប៉ុង ទឹកស៊ីអ៊ីវ ១ យួ​ ឆ្នាំងបាយ​ សម្លរ ២ និងថវិកា ៥ ម៉ឺនរៀល ។

Fist Prev 92 93 94 95 96 Next Last