Webmail
E-Learning
អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា

ទីស្នាក់ការកណ្តាល

អ្នកជំងឺមហារីកសុដន់ទទួលអំណោយមនុស្សធម៌ពីកាកបាទក្រហមកម្ពុជា

រសៀល​ថ្ងៃទី ១១ ខែ​កុម្ភៈ ឆ្នាំ២០១៦​នេះ​ លោកជំទាវ ​ម៉ែន ​នារីសោភ័គ​ អគ្គ​លេខាធិការ​រង​ទី​១ កាកបាទ​ក្រហម​កម្ពុជា ​បាន​ជួប​សំណេះ​សំណាល ​សួរសុខទុក្ខ​ពី​ស្ថានភាព​អ្នកជំងឺ ​លោកស្រីយិន សុធារី ​អាយុ ៥៤ ឆ្នាំ មាន​ជំងឺ​មហារីក​សុដន់​យ៉ាង​ធ្ងន់ធ្ងរ ​តាមរយ:លោក​ ភិន ​សុវណ្ណ​ ជាស្វាមី ​ប្រកប​របរ​រត់ម៉ូតូឌុប​មានជីវភាព​ខ្វះខាត ​រកព្រឹកខ្វះល្ងាច ​រស់នៅ​ភូមិតាង៉ៅ​លើ សង្កាត់និរោធន៍​ ខណ្ឌច្បារអំពៅ​ រាជធានីភ្នំពេញ។

ស្ថិត​ក្រោម​ការ​ជួយ​ជ្រោមជ្រែង​ពី​កាកបាទ​ក្រហមកម្ពុជា ​និង​មណ្ឌល​ក្តី​សង្ឃឹម​ "Hope" ​នៃ​មន្ទីរពេទ្យ​ព្រះ​សីហនុ លោកស្រី ​យិន សុធារី បាន​និង​កំពុងប្រើ​ថ្នាំពេទ្យ​បំបាត់ការ​ឈឺចាប់ ​មុននឹងឈាន​ដល់​ការ​ត្រួតពិនិត្យ​ស្ថានភាព​សុខភាព​ជាថ្មី​ ដើម្បី​ឈាន​ដល់​ការវះ​កាត់​។  ជាមួយ​គ្នានោះ​ដែរ​ លោកជំទាវ ក៏បាន​នាំយក​អំណោយ​សម្តេច​កិត្តិ​ព្រឹទ្ធ​បណ្ឌិត ជូន​អ្នក​ជំងឺ ​រួម​មាន៖គ្រឿង​ឧបភោគ-​បរិភោគ​មួយ​ចំនួន និង​ថវិកា​ ៥០ម៉ឺន​រៀល។

 

អ្នកជំងឺប្រើសបេះដូងបានត្រឡប់ទៅកាន់លំនៅដ្ឋាននៅខេត្តកំពតវិញដោយសុវត្ថិភាព

បន្ទាប់​ពី​ទទួល​បាន​ការសណ្តោស​ប្រណី​ពី​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ប្រធាន​កាកបាទ​ក្រហម​កម្ពុជា ​រួម​នឹង​ការខិតខំ ប្រឹងប្រែង​របស់​មន្ទីរពេទ្យ​កាល់ម៉ែត​ ក្នុងការ​វះកាត់​ព្យាបាល​អ្នកជំងឺ​ប្រើស​បេះដូង​ឈ្មោះ សុខ គាន​ ដោយឥតគិតថ្លៃ ​និង​ប្រកប​ដោយជោគជ័យ​រួចមក​ នៅព្រឹក​ថ្ងៃទី ១០​ ខែ​កុម្ភៈ​ ឆ្នាំ​២០១៦​ នេះ ​មន្ត្រី​ខុទ្ទកាល័យ​សម្តេច​កិត្តិ​ព្រឹទ្ធបណ្ឌិត​ សហការ​ជាមួយ​ក្រុម​គ្រូពេទ្យ​នៃ​មន្ទីរ​ពេទ្យ​កាល់ម៉ែត​ និង​សាខា​កាកបាទ​ក្រហម​កម្ពុជា​ ខេត្តកំពត​ ជូនដំណើរអ្នកជំងឺពីមន្ទីរ​ពេទ្យកាល់ម៉ែត​រាជធានីភ្នំពេញ​ មកគេហដ្ឋានវិញ​នៅភូមិទ្វី​ខាងត្បូង​ ឃុំ អណ្តូងខ្មែរ​ ស្រុកកំពង់បាយ​ ខេត្តកំពត​ ប្រកបដោយ​សុវត្ថិភាព។

ជាមួយគ្នានោះដែរ​ ក្រុមការងារ​ ក៏បាន​នាំយកអំណោយ​សម្តេចកិត្តិ​ព្រឹទ្ធបណ្ឌិត ​ឧបត្ថម្ភ​ជូន​អ្នកជំងឺ​ រួមមាន​គ្រឿងឧបភោគ​-បរិភោគ​ និង​ថវិកា​មួយចំនួន​ ដើម្បី​ជួយ​សម្រាល​ការលំបាក​ក្នុងជីវភាព​រស់នៅ​ប្រចាំថ្ងៃ។

សូមបញ្ជាក់ថាៈ​ កន្លងមក​ ម្តាយ​អ្នកជំងឺ​រូបនេះ​ធ្លាប់​បាន​ទទួលការ​ជួយ​ឧបត្ថម្ភ​គ្រឿង​បរិភោគ ​សម្ភារៈប្រើ​ប្រាស់​ និងថវិកា​មួយចំនួន​ពី ​សម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ប្រធាន​កាកបាទ​ក្រហម​កម្ពុជា ម្តងរួច​មកហើយ​ កាលពី​រសៀល​ថ្ងៃទី ២២​ ខែមករា ឆ្នាំ ២០១៦ នៅ ទីស្នាក់ការ​ កណ្តាល​កាកបាទ​ក្រហម​កម្ពុជា។

កិច្ចប្រជុំគណៈកម្មការរៀបចំខួបទី១៥៣ទិវាពិភពលោកកាកបាទក្រហម ៨ឧសភាឆ្នាំ២០១៦

កាល​ពី​រសៀល​ថ្ងៃទី​២៧ ​​ខែ​មករា ​​ឆ្នាំ​២០១៦ ​​មាន​កិច្ច​ប្រជុំ​គណៈ​កម្មកា​រ រៀបចំ​ខួប​ទី​១៥៣ ​ទិវា​ពិភព​លោក​ កាកបាទ​ក្រហម ​​អឌ្ឍចន្ទ​ក្រហម ​៨​ឧសភា ​ឆ្នាំ​២០១៦​​ និង​ពិធី​បុណ្យ​ចម្រើន​ព្រះជន្ន​​ សម្តេច​ព្រះមហាក្សត្រី​​ព្រះវររាជ​មាតា​ជាតិ​ខ្មែរ ក្រោម​អធិបតី​ភាព ​សម្តេច​ចៅ​ហ្វាវាំង​ គង់​សំអុល​

នៅ​ក្នុង​នោះ​អង្គប្រជុំ​បាន​ធ្វើការ​ពិភាក្សា​នៅ​លើ​របៀប​វារៈ​រួម​មាន៖

 

-អំណាន​សេចក្តី​សម្រេច​ស្តីពី​ការ​ចាត់​តាំង​គណៈកម្មការ​រៀបចំ​ខួប​ទី​១៥៣​​ទិវា​ពិភព​លោក​កាកបាទ​ក្រហម​អឌ្ឍចន្ទ​ក្រហម​៨​ឧសភា​ឆ្នាំ​២០១៦​។

-ការ​ណែនាំ​អំពី​តួនាទី​ភារកិច្ច​គណៈកម្មការ​និង​អនុ​គណៈកម្មការ។

-មតិ​អង្គ​ប្រជុំ។

-បញ្ហា​ផ្សេង​ៗ។

 

សមាជិក​​និង​សមាជិកា​នៃ​អង្គ​ប្រជុំ​បាន​ធ្វើការ​ពិភាក្សា​នៃ​របៀប​វារៈ​ខាងលើ​ដោយ​ការ​ចូលរួម​ ពិភាក្សា​យ៉ាងសកម្ម​ហើយ​កិច្ច​ប្រជុំ​បាន​បញ្ចប់​ទៅ​នៅ​វេលាម៉ោង​៥ រសៀល​ដោយ​ទទួល​បាននូវ​លទ្ធផល​ប្រកប​ដោយ​ផ្លែផ្កា​​និង​ការប្តេជ្ញា​ខ្ពស់​ក្នុង​ការ​ទទួល​ជោគជ័យ​ទៅ​តាម​ការ​រំពឹង​ទុករបស់​ថ្នាក់​ដឹកនាំ។

កាកបាទក្រហមកម្ពុជា អញ្ជើញចុះសួរសុខទុក្ខ និងចែកអំណោយមនុស្សធម៌ នៅមន្ទីពេទ្យព្រះកេតុមាលា

កាលពីព្រឹកថ្ងៃទី ២៦ ខែ កញ្ញា ឆ្នាំ ២០១៥ លោកជំទាវ ឃួន សុដារី អនុប្រធាន​កាកបាទ​ក្រហម​កម្ពុជា តំណាង​ដ៏ខ្ពង់ខ្ពស់​ សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ប្រធាន​កាកបាទ​ក្រហម​កម្ពុជា បាន​ដឹក​នាំ​គណៈ​ប្រតិភូ​ដែល​ជា​ថ្នាក់​ដឹក​នាំ​ និង​សប្បុរសជន​របស់​កាកបាទ​ក្រហម​កម្ពុជា ទៅ​សួរ​សុខ​ទុក្ខ​ និង​ចែក​អំណោយ​មនុស្សធម៌​សរុប​ចំនួន​ ១១២៣នាក់​ ដែល​ជាអ្នក​ជំងឺ​សម្រាក​ព្យាបាល​ និង​មន្រ្តី-បុគ្គលិក​ពេទ្យ​បម្រើ​ការងារ​នៅ​មន្ទី​ពេទ្យ​ព្រះ​កេតុមា​លា។​

 

 
នៅក្នុងពិធីសំណេះសំណាលជាមួយមន្រ្តី-បុគ្គលិកពេទ្យ ចំនួន ៧៧៧ នាក់ លោកជំទាវ ឃួន សុដារី បានសម្តែងនូវការនឹករលឹក និងការផ្តាំសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិតប្រធាន ជូនដល់ថ្នាក់ដឹកនាំ និងមន្រ្តី-បុគ្គលិកពេទ្យទាំងអស់។ លោកជំទាវអនុប្រធាន ក៏បានជម្រាបជូនដល់អង្គពិធីថា សម្តេចកិត្តិព្រឹទ្ធបណ្ឌិតប្រធាន បានធ្វើការវាយតំលៃខ្ពស់ និងការកោតសរសើរយ៉ាងខ្លាំង ចំពោះថ្នាក់ដឹកនាំ មន្រ្តី-បុគ្គលិកពេទ្យ ដែលជានិច្ចកាលតែងមានចិត្តទឹកចិត្តជាមួយការទទួលខុសត្រូវខ្ពស់ ក្នុងការជួយព្យាបាលដល់អ្នកជំងឺដែលជានាយទាហាន ឬជាប្រជាជន ហើយដែលនេះក៏ជាកាយវិការប្រកបដោយមនុស្សធម៌ ក្នុងការផ្តល់នូវក្តីសង្ឃឹមនៃកំលាំងចិត្តយ៉ាងក្លាំងដល់ពួកគេ ក្នុងការជួយព្យាបាលដល់អ្នកជំងឺឲ្យបានឆាប់សះ។
 
ជាមួយគ្នានេះ លោកជំទាវអនុប្រធាន ក៏បានគូសបញ្ជាក់ថាវត្តមានដ៏ថ្លៃថ្លាពីថ្នាក់ដឹកនាំរបស់ក្រសួងការពារជាតិនាពេលនេះ គឺបានបង្ហាញយ៉ាងច្បាស់ពីការយកចិត្តទុកដាក់ខ្ពស់ដល់វិស័យសុខាភិបាល និងជាវប្បធម៌នៃការចែករំលែក ដែលជាពិសេសជាងនេះទៅទៀត គឺជាកម្លាំងមនុស្សធម៌ក្នុងការចូលរួមចំណែកដល់ការកសាងសង្គមជាតិមួយប្រកបដោយសុខសន្តិភាព និងសុខុដមរមនី។
 
បន្ថែមពីនេះទៀត លោកជំទាវអនុប្រធាន បានធ្វើការកោតសរសើរ និងស្ញប់ស្ញែងដល់ក្រុមគ្រូពេទ្យទាហាន ដែលបានកន្លងមកបានពុះពារចូលរួមប្រយុទ្ធប្រឆាំងនៅក្នុងដំណាក់កាលដែលប្រទេសជាតិមានគ្រោះសង្រ្គាម ឬជម្លោះ ដោយក្នុងនោះក្រុមគ្រូពេទ្យទាហាន គឺដៃម្ខាងជួយការពារប្រយុទ្ធនឹងខ្មាំងសត្រូវ ហើយដៃម្ខាងទៀតជួយព្យាបាលដល់យុទ្ធមិត្តដែលបានរងរបួស។ លោកជំទាវអនុប្រធាន ក៏បានគូសបញ្ជាក់ថា តាមរយៈប្រវត្តិសាស្រ្ត កាកបាទក្រហមគឺបានចាប់បដិសន្ធិឡើងនៅក្នុងសង្រ្គាម សូហ្វេរីណូ កាលពីឆ្នាំ ១៨៥៩ រវាងប្រទេសអូទ្រិស និងបារាំង ដែលកាលនោះបានបណ្តាលឲ្យមានអ្នកស្លាប់ និងរងបួសជាង ៤ម៉ឺន នាក់ ក្នុងរយៈពេលតែ ៤ម៉ោង ប៉ុណ្ណោះ។ នេះសបញ្ជាក់ឲ្យឃើញថា កាកបាទក្រហម គឺបានធ្វើការផ្សាខ្លួនភ្ជាប់ទៅនឹងកងទ័ពជាពិសេសក្នុងតំណាក់សង្រ្គាម ឬជម្លោះនានា អាស្រ័យហេតុនេះគឺជាធាតុមួយ ដែលមិនអាចខ្វះគ្នាបាន។ តាមរយៈពិធីសួរសុខទុក្ខនេះ គឺក៏កាន់តែបង្ហាញពីសាមគ្គីភាព និងកិច្ចសហប្រតិបត្តិការរវាងកាកបាទក្រហមកម្ពុជា និងមន្រ្តី-បុគ្គលិកពេទ្យ ក្នុងការបន្តជួយដល់ជីវិតដែលមានតម្លៃរបស់យុទ្ធមិត្តដែលបានរងគ្រោះថ្នាក់ដោយសារឧបទ្ទវហេតុនានាក្នុងការការពារជាតិមាតុភូមិ ព្រមទាំងជីវិតប្រជាជននានានៅទូទាំងប្រទេស។
 
លោកជំទាវអនុប្រធាន ក៏បានជម្រាប់ជូនអង្គពិធីថា កាកបាទក្រហមកម្ពុជា ក្នុងតួនាទីជាជំនួយការដ៏ សំខាន់ដល់រាជរដ្ឋាភិបាល បានអនុវត្តនូវសកម្មភាពមនុស្សធម៌របស់ខ្លួនទៅតាមវិស័យស្នូលទាំង ៤ របស់ខ្លួន ដោយក្នុងនោះគឺវិស័យសុខភាព។ កន្លងមកកាកបាទក្រហមកម្ពុជា ក្រោមការដឹកនាំដោយ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន គឺបានទទួលនូវការរីកចម្រើន និងសមិទ្ធិផលដែលគួរឲ្យមោទនជាច្រើន ជាពិសេសបញ្ហាសុខភាព ដោយក្នុងនោះកាកបាទក្រហមកម្ពុជាបានជួយអប់រំអំពីការថែរក្សាសុខភាព និងអនាម័យដល់ប្រជាជនរស់នៅក្នុងសហគមន៍។
 
បន្ថែមពីនេះទៀត លោកជំទាវអនុប្រធាន ក៏បានលើកឡើងថា តាមរយៈយកចិត្តទុកដាក់ ក្នុងការជួយព្យាបាលពីសំណាក់គ្រូពេទ្យនៅមន្ទីពេទ្យព្រះកេតុមាលា គឺបានជួយចូលរួមចំណែកដល់ការអនុវត្តនូវយុទ្ធសាស្រ្តដែលមានវិស័យសុខភាពជាស្នូលរបស់កាកបាទក្រហមកម្ពុជាផងដែរ ដែលក្នុងនោះគឺបានជួយកាត់បន្ថយការឈឺចាប់ និងអត្រាមរណៈមាត និងទារក។
 
ជាមួយគ្នានោះ លោកជំទាវអនុប្រធាន ក៏បានជម្រាបជូនអង្គពិធីថា កាកបាទក្រហមកម្ពុជា មានលទ្ធភាពអនុវត្តនូវការងារមនុស្សធម៌របស់ខ្លួន គឺតាមរយៈការចូលរួមឧបត្ថម្ភគាំទ្រពីសំណាក់សប្បុរសជនជាតិ-អន្តរជាតិ ដែលមានជំនឿយ៉ាងមុតម៉ាំងទៅលើការប្រើប្រាស់នូវអំណោយមនុស្សធម៌ប្រកបដោយប្រសិទ្ធភាព និងតម្លាភាព ជាពិសេសការជួយដល់ប្រជាជនដែលងាយរងគ្រោះ (ចាស់ជរាគ្មានទៅពឹង ស្រ្តីមេម៉ាយ កុមារកំព្រារ និងជនពិការ ព្រមទាំងអ្នករងគ្រោះដោយសារគ្រោះមហន្តរាយនានា) ដោយមិនប្រកាន់ពូជសាសន៍ ជំនឿសាសនា ឬនយោបាយនោះទេ។
 
ជាទីបញ្ចប់ លោកជំទាវអនុប្រធាន បានពាំនាំនូវប្រសាសន៍របស់ សម្តេចកិត្តិព្រឹទ្ធបណ្ឌិតប្រធាន ដោយសូមធ្វើការលើកទឹកចិត្តដល់មន្រ្ត-បុគ្គលិកពេទ្យ បន្តនូវការងារដ៏មានតម្លៃរបស់ខ្លួន ក្នុងការជួយព្យាបាលដល់អ្នកជំងឺនៅមន្ទីពេទ្យ ព្រមទាំងជូនពរឲ្យមានសុខភាពល្អ និងសុភមង្គលនៅក្នុងគ្រប់ក្រុមគ្រួសារ។
 
នៅក្នុងដំណើរចុះសួរសុខទុក្ខផ្ទាល់នៅតាមអាគារអ្នកជំងឺសម្រាកព្យាបាល លោកជំទាវអនុប្រធាន បានសម្តែងនូវការផ្តាំសួរសុខទុក្ខពីសំណាក់ បានសម្តែងនូវការសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិតប្រធាន និងលើកទឹកចិត្តដល់អ្នកជម្ងឺទាំងនោះខិតខំថែរក្សាសុខភាពដើម្បីឲ្យឆាប់ស្បះស្បើយ។
 
អំណោយចែករួមមាន៖
 
១. ជូនអ្នកជំងឺ ចំនួន ៣៤៦នាក់ ម្នាក់ៗទទួលបាន៖ មី ១កេស ត្រីខ ១០កំប៉ុង ស្ករស ២គីឡូក្រាម ទឹកដោះគោខាប់ ៥កំប៉ុង ប្រេងកូឡា ២ដប ឃីត (សារុង, ក្រមា, មុង, ភួយ) និងថវិកា ១០ម៉ឺន រៀល។
 
២. ជូនមន្រ្តី បុគ្គលិក កម្មករ ចំនួន ៧៧៧ នាក់ ម្នាក់ៗទទួលបាន៖ សារុង ១ និងថវិកា ៥ម៉ឺន រៀល។
 
៣. អំណោយក្រសួងការពារជាតិ តាមរយៈ សម្តេចកិត្តិព្រឹទ្ធបណ្ឌិតប្រធានកាកបាទក្រហមកម្ពុជា ជូនដល់មន្ទីពេទ្យព្រះកេតុមាលា រួមមាន៖ អង្ករ ៥ តោន ឃីត ចំនួន ៣២០ កញ្ចប់ (មាន មី ៥ កញ្ចប់ ត្រីខ ៥ កំប៉ុង ស្ករស ១ គីឡូក្រាម ទឹកដោះគោខាប់ ១កំប៉ុង) និងថវិកា ៣លាន រៀល។
 
អត្ថបទដោយ ឯ.ឧ. តាំង សាមឿន

 

កាកបាទក្រហមកម្ពុជា ប្រគល់អំណោយមនុស្សធម៌ ចំនួន ១ ម៉ឺនដុល្លារ អាមេរិក គាំទ្រដល់យុទ្ធនាការ” កាបូបនៃក្តីសង្ឃឹម"

លោកជំទាវ អាន្នី សុខ អាន អនុប្រធាន កាកបាទក្រហមកម្ពុជា តំណាង ដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអនុញ្ញាតឲ្យប្រតិភូមូលនិធិ CTN ចូលជួបសម្តែងការគួរសម និងប្រគល់អំណោយមនុស្សធម៌ ចំនួន ១ម៉ឺនដុល្លារ អាមេរិក គាំទ្រដល់យុទ្ធនាការ”កាបូបនៃក្តីសង្ឃឹម" (Bags to School Campaign) នាថ្ងៃទី ១០ ខែកញ្ញា ឆ្នាំ២០១៥ នៅទីស្នាក់ការកណ្តាលកាកបាទក្រហមកម្ពុជា។ 
 
នៅក្នុងជំនួបនោះ លោកជំទាវអនុប្រធាន បានស្វាគមន៍ និងបានពាំនាំនូវការផ្តាំសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិតប្រធាន ជូនដល់គណៈប្រតិភូ។ លោកជំទាវអនុប្រធានបានសម្តែងនូវការកោតសរសើរដល់ថ្នាក់ដឹកនាំ CTN ដែលមានអ្នកឧកញ៉ា គិត ម៉េង ជាប្រធាន ចំពោះកិច្ចផ្តួចផ្តើមក្នុងការរកមូលនិធិពីសប្បុរសជនជាតិ និងអន្តរជាតិ ក្នុងបុព្វហេតុមនុស្សធម៌ ដែលជាក់ស្តែង មានយុទ្ធការមូលនិធិប្រាសាទព្រះវិហារ (២០០៨) មូលនិធិជនរងគ្រោះនៅកោះពេជ្រ (២០១០) មូលនិធិគន្ធបុប្ផា (២០១៤) និងយុទ្ធនាការ (កាបូបនៃក្តីសង្ឃឹម) ឆ្នាំ ២០១៥ នេះ ដើម្បីទិញការបូប និងសម្ភារៈសិក្សាដល់កុមារា-កុមារីដែលជាសិស្សក្រីក្រថ្នាក់ទី១ នៅទូទាំងព្រះរាជាណាចក្រកម្ពុជា។
 
ជាកិច្ចឆ្លើយតប តំណាងគណៈប្រតិភូ បានសម្តែងនូវអំណរគុណ និងការដឹងគុណចំពោះ កាកបាទក្រហមកម្ពុជា ជាពិសេសចំពោះទឹកចិត្តប្រកបដោយមនុស្សធម៌ពីសំណាក់ សម្តេចកិត្តិព្រឹទ្ធបណ្ឌិតប្រធាន ដែលតែងតែខិតខំបំពេញនូវការងារមនុស្សធម៌ ដើម្បីជួយលើកតម្តើងជីវភាពរបស់ ប្រជាជននៅទូទាំងប្រទេស។ បន្ថែមពីនេះទៀត លោកតំណាងគណៈប្រតិភូ បានសម្តែងនូវសុទិដ្ឋិនិយមថា នេះជាគំរូដ៏ល្អក្នុងការលើកទឹកចិត្តដល់សប្បយរសជននានាជួនគាំទ្រដល់យុទ្ធនាកានេះ អោយបានជោគជ័យ ជាពិសេសនឹងបង្កលក្ខណៈដល់សិស្សក្រីក្របានទៅសាលារៀនដោយមាន សម្ភារៈសិក្សាបានគ្រប់គ្រាន់។
 
លោកជំទាវអនុប្រធាន ក៏បានគូសបញ្ជាក់ថាការជួយអោយកុមារបានសិក្សា និងមានចំណេះដឹង គឺពិតជានឹងបានជួយកសាងនូវក្តីសង្ឃឹមនៃអនាគតរបស់ពួកគេ និងរួមគ្នាជួយអភិវឌ្ឍប្រទេសកម្ពុជាប្រកបដោយភាពសុខដមរម្យនា និងសំបូរសប្បាយ។ ជាទីបញ្ចប់ លោកជំទាវអនុប្រធាន ក៏បានជូនពរអោយយុទ្ធនាកានេះបានជោគជ័យ និងសូមអោយបិគ្គលិកទាំងអស់មានសុខភាពល្អ។
 
Fist Prev 92 93 94 95 96 Next Last