Webmail
E-Learning
អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា

ទីស្នាក់ការកណ្តាល

សុបិនក្លាយជាការពិតរបស់លោក ភឺ ភក្តី

លោក​ ​គឺ ភក្តី​ ​មាន​អាយុ​ ​២៩ឆ្នាំ​ជា​មនុស្ស គ ថ្លង់រស់​នៅ​ជិត​សេរី​បន្ទាយ​ដែក ភូមិ​កណ្តាល​ ឃុំ​បន្ទាយដែក ស្រុក​គៀន​ស្វាយខេត្ត​កណ្តាល​ មុខរបរ លក់​ដូរ​នៅផ្ទះ​មាន​ភរិយា និង​មាន​កូន​ប្រុស​មួយ អាយុ ៦ឆ្នាំ គ ថ្លង់ ដូច​គាត់​ដែរ កុមាររ៉ា ឈ្មោះ អ៊ាត រិទ្ធិពល លោក​ ​គឺ ភក្តីនិង​កូន​ប្រុស បាន​មក​បំពាក់​ឧបករណ៍​សម្លេង នា​ព្រឹក​ថ្ងៃទី ១៨ ខែមីនា ឆ្នាំ២០១៥ នៅទីស្នាក់កណ្តាល។

សម្តីរបស់ លោក គឺ ភក្តី​” អស់​រយៈពេល ២៩ឆ្នាំ មក​ហើយ​ដែល​ខ្ញុំ​រស់​នៅ ក្នុង​ពិភពនិង​គ្មាន​សម្លេង ហើយ​ខ្ញុំ​មាន​អារម្មណ៍ ឈឺ​ចាប់​ខ្លាំង​ណាស់​ដែល​កូន​ប្រុស​ជា​មនុស្ស គ ថ្លង់ ដូច​ខ្ញុំ​ដែរ ខ្ញុំ​តែង​តែ​សុបិន​ចង់​ស្តាប់​ឮ ​និង​និយាយ​បាន​ដូច​គេ​ឯង​ដែរ ប៉ុន្តែ​ឥឡូវ​នេះ​សុបិន​របស់​ខ្ញុំ​បាន​ក្លាយ​ជា​ការ​ពិត​ហើយ​។ ខ្ញុំ និង​កូន​របស់​ខ្ញុំ បាន​ទទួល​ និង​បំពាក់​ ឧបករណ៍​សម្លេង​ ដែល​ឧបត្ថម្ភ ដោយ​ឥតគិត​ថ្លៃ​ពី មូល​និធិ​ស្តារឃី ដែល​សហការ​ជាមួយ​កាកបាទ​ក្រហម​កម្ពុជា​ខ្ញុំ និង​កូន​ប្រុស​របស់​ខ្ញុំ អាច​ស្តាប់​ឮ និង​និយាយ​បាន​ធម្មតា​ ដូច​មនុស្ស​ម្នា​ដ៏​ទៃទៀត​ ខ្ញុំ​ពិត​ជា​សប្បាយ​រក​អ្វី​ប្រៀប​មិន​បាន​ ហើយ​បើគ្មាន​ឧបករណ៍​សម្លេង​នេះ​ទេ ខ្ញុំ​ទាំង​២នាក់​ឪពុក​កូន​ពិត​ជា​រស់​នៅ​ក្នុង​ពិភព​ គ ថ្លង់ អស់​មួយ​ជីវិត​ហើយ

ជា​ទី​បញ្ច​ប់លោក​ ​​គឺ ភក្តី​ ​ និង​​កុមារ៉ា អ៊ាត រិទ្ធិពល បាន​លើក​ដៃ​សំពះ ជា​សញ្ញាថ្លែង​អំណរ​គុណយ៉ាង​ជ្រាល​ជ្រៅ ចំពោះ មូលនិធិ ស្តារឃី និង កាកបាទក្រហមកម្ពុជា បាន​ផ្តល់ឧបករណ៍​សំឡេង​ដល់​ប្រជាជន​គ ថ្លង់ ទូទៅ​នៅ​រាជ​ធានី​ភ្នំពេញ ក៏​ដូច ជា​រូប​គាត់ និង​សូម​ឲ្យ​ក្រុមការ​ងារមាន​សុខ​ភាព​ល្អ ប្រកប​ការងារបាន ជោគជ័យ គ្រប់​ភារ​កិច្ច

អារម្មណ៍ពិតបន្ទាប់ពីទទួលបានឧបករណ៍សម្លេងរបស់លោក អឿ សុផុន

លោក​ ​អឿ សុផុន​ ​មាន​អាយុ​ ​៦១ឆ្នាំ​ ​រស់​នៅ​ភូមិ​ព្រែក​តាសេក​ ​សង្កាត់​ ព្រែកតាសេក​ ​ខណ្ឌ​ជ្រោយចង្វា​ រាជធានីភ្នំពេញ​​ តួនាទី​បច្ចុប្បន្ន​ជា​ចៅ​សង្កាត់ព្រែក​តាសេកបាន​មាន​ប្រសាសន៍ថា

            ខ្ញុំ​ពិការ​ត្រចៀក​ខាង​ឆ្វេង​ម្ខាង​អស់​រយៈពេល​ ១០ឆ្នាំ ដោយ​សារ​ទឹក​ចូល​ ត្រចៀក​ពេល​ងូតទឹក ហើយ​បង្ក​ទៅ​ជា​ថ្លង់​ត្រចៀក​ម្ខាង​គឺ ខាង​ឆ្វេង ហើយ​មិន​សង្ឈឹម​ថា​ឭ្ វិញ​ទេ ទើប​ថ្ងៃ​នេះ​មាន​ជំនួយ​ពី​មូល​និធិ​ស្តាឃី​ សហការ​ជា​មួយ​កាកបាទ​ក្រហម​កម្ពុជា បាន​ផ្តល់​ឧបករណ៍​សម្លេង​ ដល់​ប្រជាជន គ ថ្លង់ ទើប​សុបិន​របស់​ខ្ញុំ​ក្លាយ​ជា​ការ​ពិត​ ពេល​នេះ​ត្រចៀក​ឆ្វេង​របស់​ខ្ញុំ​ស្តាប់​ឭ​វិញ​ហើយ

              លោក​ ​​អឿ សុផុន បាន​ថ្លែង​អំណរ​គុណ​យ៉ាង​ជ្រាល​ជ្រៅ​ ចំពោះ​មូល​និធិ​ ស្តាឃី សហការ​ជា​មួយ​កាកបាទ​ក្រហម​កម្ពុជា បាន​ផ្តល់​ឧបករណ៍​សំឡេង​ដល់​ប្រជាជន​ទូទៅ​ ក៏​ដូច ជា​រូប​ខ្ញុំ សប្បាយ​ចិត្តរ​ក​អ្វី​ប្រៀប​មិន​បាន​ សូម​ឲ្យ​ក្រុម​ការងារមាន​សុខភាព​ល្អ ប្រកប​ការងារ​បាន​​ជោគ​ជ័យ គ្រប់​ភារកិច្ច៕

ទសម្ភាសន៍របស់គ្រួសារ កុមារី ហូ សុវណ្ណកណ្ណិកា ដែលបានទទួល ឧបករណ៍សម្លេងពី មូលនិធិស្តាឃី សហការជាមួយ កាកបាទក្រហមកម្ពុជា

នៅ​ព្រឹក​ថ្ងៃទី ១៨ ខែមីនា ឆ្នាំ២០១៥ នៅ​ទីស្នាក់​ការ​កណ្តាល ក្រុម​ការងារ​បាន​ធ្វើ​បទ​​សម្ភាសន៍​ជា​មួយ គ្រួរសារ​កុមារី ហូ សុវណ្ណកណ្ណិកា ​អាយុ​ ​៣ឆ្នាំ​ ដែល​មាន​ជំងឺ គ ថ្លង់ តាំង​ពី​កំណើត។ បច្ចុប្បន្ន​ កុមារី​រស់​នៅ​ជា​មួយឪពុក​ម្តាយ​របស់​នាង​ ដែល​មាន​ទី​លំ​នៅ ក្នុងខណ្ឌ ដូនពេញ រាជធានីភ្នំពេញ។ បន្ទាប់​ពី​ទទួល​បាន​ការ​បំពាក់​ឧបករណ៍​សម្លេង​ដែល​ឧបត្ថម្ភ​ដោយ​ឥតគិត​ថ្លៃ​ពីមូលនិធិស្តាឃី សហ​ការ​ជា​មួយ កាកបាទ​ក្រហម​កម្ពុជា ​កុមារី​ ​ ហូ សុវណ្ណកណ្ណិកា ហាក់​បី​ដូច​​បាន​ចាប់​កំណើត​ជា​ថ្មី​ម្តង​ទៀត ជា​មួយ​នឹង​ការ​ស្តាប់​ឭ​សំឡេង និង​និយាយ​បាន​មួយៗ សកម្មភាព​ដែល​មូល​និធិស្តារឃី សហការ​ជា​មួយ កាកបាទ​ក្រហម​កម្ពុជា បាន​បំពាក់ឧបករណ៍​នេះ​ជូន​ប្រជាពលរដ្ឋ ក៏​ដូច​ជា​ចៅ​ស្រី​របស់​ខ្ញុំ ធ្វើ​ឲ្យ​នាង​មាន​ទឹក​មុខ​សប្បាយ​រីករាយ​ឥតឧបមា​ ព្រោះនាងបានឭ និង​និយាយ​បាន​មួយៗ​ "នេះជាសម្តីជីតារបស់កុមារី"

ក្នុង​នាម​ជា​ជីតា​របស់​កុមារី ហូ សុវណ្ណកណ្ណិកា លោកតា បាន​ថ្លែង​អំណរ​គុណ យ៉ាង​ជ្រាល​ជ្រៅ​ចំពោះ មូល​និធិ​ស្តាឃី  សហការ​ជាមួយ កាកបាទ​ក្រហម​កម្ពុជា ដែល​បាន​ផ្តល់ ឧបករណ៍​សម្លេង​ ដល់​ប្រជា​ពលរដ្ឋ គ ថ្លង់ ទូទាំង​រាជធានី​ភ្នំពេញ ក៏​ដូច​ជា​ចៅ​របស់​ខ្ញុំ​ដែរ​ សូម​ជូន​ពរ​សូម​ឲ្យ​ក្រុម​ការងារ​ ជួប​តែពុទ្ធពរ​ទាំងបួន​ប្រការ អាយុ វណ្ណៈ សុខៈ ពលៈ និង មាន​សុខភាព​ល្អ ប្រកប​ការងារ បាន ជោគជ័យ គ្រប់​ភារកិច្ច។

ប្រជាពលរដ្ឋ គ ថ្លង់​ទទួល​ឧ​បករ​ណ៌​ជំនួយ​សម្លេង​ពី កាកបាទ​ក្រហម​កម្ពុជា និង​មូល​និ​ធី​ស្តា​ឃី

ពិធី​បំពាក់​ឧបករណ៍​ជំនួយ​សម្លេង​ជូន​ដល់​ប្រជាពលរដ្ឋ គ ថ្លង់ ដែល​អញ្ជើញ​មកពី​បណ្តា​ខណ្ឌ​ចំនួន១២ នៅ​ទូទាំង​រាជធានី​ភ្នំពេញ មាន​ចំនួន ១៤១២នាក់ ផ្តល់​ដោយ​មូល​និ​ធី​ស្តា​ឃី និង​អង្គការ​ក្តីសង្ឃឹម​កម្ពុជា នៅ​សិង្ហ​បុរី  មាន​រយៈពេល៣ថ្ងៃ គឺ​ចាប់ពី​ថ្ងៃទី ១៦-១៨ ខែមីនា ឆ្នាំ២០១៥ នៅ​ទីស្នាក់ការ​កាកបាទក្រហម​កម្ពុជា ក្រោម​អធិបតីភាព លោកជំទាវ ឃួន​សុ​ដា​រី អនុប្រធាន កាកបាទ​ក្រហម​កម្ពុជា តំណាង​ដ៏​ខ្ពង់ខ្ពស់ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទ​ក្រហម​កម្ពុជា។

យោងតាម​របាយការណ៍​របស់ ឯកឧត្តម ប៉ា សុជាតិ​វង្ស ប្រធាន​គណៈកម្មាធិការ​សាខា​កាកបាទក្រហមកម្ពុជា រាជធានី​ភ្នំពេញ​បានឱ្យដឹងថា សាខា​បាន​ជំនួយ​សប្បុរសធម៌​ពី​មូល​និ​ធី​ស្តា​ឃី និង​អង្គការ​ក្តីសង្ឃឹម​កម្ពុជា នៅ​សិង្ហ​បុរី សម្រាប់​ផ្តល់នូវ​ឧ​បករ​ណ៌​ជំនួយ​សម្លេង​ជួយ​ដល់​ជន​បាត់បង់​កាយសម្បទា កាយវិញ្ញាណ និង​សតិបញ្ញា ដែល​ត្រូវ​រស់​ជាមួយ​ឧ​ប​ស័គ្គ​រារាំង​ក្នុង​ជីវិត​ដូចជា គ ថ្លង់​ជាដើម។

នាឱកាស​នោះដែរ លោកជំទាវ ឃួន​សុ​ដា​រី បាន​មានប្រសាសន៍ថា  ក្នុងនាម​កាកបាទក្រហម​កម្ពុជា លោ​កេ​ជំទាវ​សូម​ថ្លែងអំណរគុណ​យ៉ាង​ជ្រាលជ្រៅ​ដល់​ក្រុមការងារ​ទាំងអស់ ដែល​បាន​ជួយ​ដល់​ប្រជាជន​យើង​ឱ្យ​គាត់​មាន​ក្តីសង្ឃឹម​ក្នុង​ជីវិត។ សូមបញ្ជាក់ថា ឧ​បករ​ណ៌​ជំនួយ​សម្លេង​នេះ មានតម្លៃ​ចាប់ពី ៤០០ ទៅ ១០០០ដុល្លា​អាមេរិក ដោយ​សរុប​ជា​ទឹកប្រាក់​មាន​ចំនួន ២,៥ លាន​ដុល្ល​អាមេរិក។

កាកបាទក្រហម​ក​ម្ព​ជា​ទទួល​អំណោយ​មនុស្សធម៌​ពី​សមាគម​ស្ត្រី​ថៃ និង​ក្រុមហ៊ុន​ដាប់​ប​ល​ត្រេ​ត​ឌី​ង

នា​រសៀល​ថ្ងៃទី៦ ខែមីនា ឆ្នាំ ២០១៥ នៅ​ទីស្នាក់ការ​កាកបាទក្រហម​កម្ពុជា លោកជំទាវ អា​ន្នី សុខ​អាន អនុប្រធាន​កាកបាទក្រហមកម្ពុជា​បានទទួល​ជួប​សវនាកា និង​ទទួល​អំណោយ​ពី​លោកជំទាវ វ៉ា​រ៉េ​ស ស៊ីណាវ៉ាត្រា  នាយិកា សមាគម​ស្ត្រី​ថៃ​ដែលមាន​ស្នាដៃ​ចំពោះ​ជាតិ  ក្នុងជំនួប​សវនាកា​នោះ លោកជំទាវ ស៊ីណាវ៉ាត្រា​បាន​មានប្រសាសន៍ថា ប្រទេស​កម្ពុជា និង​ថៃ ជា​ប្រទេស​ដែល​នៅ​ជិតខាង​គ្នា មាន​ប្រពៃណី និង​វប្បធម៌​ប្រហាក់ប្រហែលគ្នា តែងតែ​ជួយ​គ្នា​ទៅវិញទៅមក​ក្នុង​គ្រា​ចាំបាច់។ ឆ្លើយតប​ក្នុងឱកាស​នោះ លោកជំទាវ អា​ន្នី សុខ​អាន បាន​ថ្លែងអំណរគុណ​ក្នុងនាម​សម្តេច កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែល​សមាគម​ស្ត្រី​ថៃ​បានមក​ទស្សនកិច្ច​នៅ​កម្ពុជា និង​ចូលរួម​សកម្មភាព​ជាមួយ​កាកបាទក្រហមកម្ពុជា​ជួយ​ជា​ថវិកា​ចំនួន ១៥,០០០ ដុល្លា​អាមេរិក អង្ករ​ចំនួន ២០តោន និង​មី​ចំនួន១០០ កេស សម្រាប់​ជួយ​ដល់​ជនរងគ្រោះ​ឱ្យបាន​ទាន់ពេលវេលា ក្នុងនោះដែរ លោកជំទាវ ស៊ីណាវ៉ាត្រា ក៏បាន​គោរព​អញ្ជើញ សម្តេច កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ទៅ​ទស្សនកិច្ច​នៅ​ប្រទេស​ថៃ តាមរយៈ​លោកជំទាវ អា​ន្នី សុខ​អាន

នា​រសៀល​ថ្ងៃ​ដដែល​នេះដែរ លោកជំទាវ អា​ន្នី សុខ​អាន បានទទួល​ជួប​សវនាកា​ជាមួយ​លោកស្រី ស៊ី​ច័ន្ទ ភិន​ប៊ុន​ទៀង នាយិកា​ក្រុមហ៊ុន ដាប់​ប​ល ត្រេ​ត​ឌី​ង ក្នុងឱកាស​នោះដែរ លោកស្រី ស៊ី​ច័ន្ទ ភិន​ប៊ុន​ទៀង បាន​មានប្រសាសន៍ថា លោកស្រី​បានឃើញ​សកម្មភាព​របស់​កាកបាទ​ក្រហម​កម្ពុជា​ជួយ​ដល់​ប្រជាជន​រងគ្រោះ​បាន​ទាន់ពេលវេលា និង​ដល់ដៃ​ប្រជាជន​ផ្ទាល់ ជាពិសេស​សកម្មភាពរ​បស់ សម្តេច កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា   ឆ្លៀតឱកាស​នោះ លោកជំទាវ អា​ន្នី សុខ​អាន បាន​ថ្លែងអំណរគុណ​ដល់​ក្រុមហ៊ុន​ដែល​តែង​ជួយ​ដល់​កាកបាទក្រហមកម្ពុជារ​ហូត​មក លោកជំទាវ បាន​មានប្រសាសន៍​បន្តថា បើ​ក្រុមហ៊ុន​មានបំណង​ចង់​ចូលរួម​សកម្មភាព​មនុស្សធម៌​អាច​ចូលរួមបាន ព្រោះ​នៅពេល​ខាងមុខ កាកបាទក្រហមកម្ពុជា​បាន​ប្រារព្វ​ទិវា​ពិភពលោក កាកបាទក្រហម អឌ្ឍចន្ទ​ក្រហម នៅ​ថ្ងៃទី៨ ឧសភា ឆ្នាំ២០១៥ នៅ​ទីស្នាក់ការ កាកបាទក្រហមកម្ពុជា

Fist Prev 79 80 81 82 83 Next Last