Webmail
E-Learning
សាខាកាកបាទក្រហមកម្ពុជា

សាខាកាកបាទក្រហមកម្ពុជា

អនុកាកបាទក្រហមកម្ពុជាស្រុកគូលេន ចែកអំណោយគ្រួសាររងគ្រោះដោយអគ្គិភ័យ

នៅព្រឹកថ្ងៃទី ២៣ ខែឧសភា ឆ្នាំ ២០១៦​នេះ​អនុសាខា​កាក បាទ​ក្រហមកម្ពុជា​ស្រុកគូលែន​ដឹកនាំដោយ​ លោក ថោង ប៊ុនធាង ​ប្រធាន​គណៈកម្មាធិការអនុសាខា​បាននាំយក​អំណោយ​មនុស្សធម៌​ចំនួន១ គ្រួសារ​ ផ្តល់ជូន​គ្រួសារ​រង គ្រោះ​ដែល​បណ្តាល​មកពី​ភ្លើងឆេះ​ផ្ទះកាលពី​ល្ងាច​ថ្ងៃទី ២២ ខែ ​ឧសភា ២០១៦ ​នៅភូមិក្របៅ ​ឃុំ​គូលែនត្បូង ​ស្រុកគូលែន ​ខេត្តព្រះវិហារ​។


ក្នុងឱកាស​នោះ​លោក​ ចូលរួម​សោកស្តាយ​ចំពោះ​ការបាត់​ទ្រព្យសម្បត្តិ​ និង​ផ្តាំផ្ញើ​សូមអោយ​មានការ​ប្រុងប្រយ័ត្ន​ចំពោះ​គ្រោះថ្នាក់​កើតឡើង​ជាយថាហេតុ។


ជាមួយគ្នា​នោះអនុសាខា​បាននាំ​យក​អំណោយ​រួមមាន៖ អង្ករ ២៥ គីឡូ មី ១កេស ត្រីខ១ យួរ ទឹកស៊ីអីុវ១យួរ ខោអាវ ២កញ្ចប់ និងថវិកា ១០០,០០០រៀល។

សាខាកាកបាទក្រហមកម្ពុជា ខេត្តកំពតចែកអំណោយគ្រួសាររងគ្រោះដោយខ្យល់កន្ត្រាក់

ថ្ងៃទី២០ ខែឧសភា ឆ្នាំ២០១៦ សាខា​កាកបាទ​ក្រហម​កម្ពុជា​ ខេត្តកំពត​ ដឹកនាំ​ដោយ ​ឯកឧត្តម ចាន់ ចេស្តា​ ប្រធាន​កិត្តិយស​សាខា ​បាននាំ​យកអំណោយ​មនុស្សធម៌​ទៅចែក​ជូនប្រជាពលរដ្ឋ​រងគ្រោះដោយ​ខ្យល់កន្ត្រាក់​ ចំនួន១៥គ្រួសារ​ មកពី ៤ ភូមិ ​នៃឃុំស្រែចែង​ និងឃុំស្រែក្នុង​ នៅស្រុកជុំគិរី។

អំណោយ​ដែលចែក​ជូនរួម​មានក្នុង​មួយគ្រួសារ​ទទួលបាន ៖ អង្ករ៣០គក្រ មី១កេស ត្រីខ ១០កំប៉ុង មុង ១ ភួយ ១ សារុង ១ ក្រមា ១ និងថវិកា ៥ម៉ឺនរៀល។ ដោយឡែក ​គ្រួសារ​រលំទាំងស្រុង ​២គ្រួសារ ឧបត្ថម្ភ​បន្ថែម​កៅស៊ូតង់ ១ដុំ‌ និងថវិកា ១០ម៉ឺនរៀល៕

 

គ្រួសាររងគ្រោះដោយខ្យល់កន្ត្រាក់ទទួលអំណោយពីសាខាកាកបាទក្រហមកម្ពុជាខេត្តស្វាយរៀង

នៅថ្ងៃទី ១៩ ខែឧសភា ឆ្នាំ២០១៦ សាខា​កាកបាទ​ក្រហម​កម្ពុជា​ខេត្តស្វាយរៀង ​ដឹកនាំ​ដោយ លោកស្រី ភួង សារី ​សមាជិក​គណៈកម្មាធិការ​សាខា ​និងមន្ត្រី​អនុសាខា​ស្រុកស្វាយជ្រំ ​បានចុះសួរ​សុខទុក្ខ ​និងនាំ​យកអំណោយ​មនុស្សធម៌ ​ទៅចែកជូន​ដល់ប្រជាពលរដ្ឋ​ដែលរងគ្រោះ​ដោយសារ​ខ្យល់កន្ត្រាក់​ចំនួន ៥គ្រួសារ នៅឃុំស្វាយធំ ៣គ្រួសារ ខូចខាត​ទាំងស្រុង​ និងនៅ​ឃុំដូនស ​ស្រុកស្វាយជ្រំ​ ២គ្រួសារ ខូចខាត​ទាំងស្រុង ១គ្រួសារ ខូចខាត​មធ្យម ១គ្រួសារ ។


គ្រួសារនីមួយៗ​ទទួលបាន៖ អង្ករ ៣០គីឡូក្រាម មី១កេស ត្រីខ ១០កំប៉ុង ទឹកស៊ីអ៊ីវ ១យួរ មុង១សារុង១ ក្រមា១ ភួយ១ និងថិវកា ៥០,០០០រៀល។ ដោយឡែក​គ្រួសារ​ខូចខាត​ទាំងស្រុង​ បន្ថែម ឆ្នាំងបាយសម្ល២ កៅស៊ូតង់១ ធុងទឹក១ កន្ទេល១ និងថវិកា ១៥០,០០០រៀល។

 

គ្រួសាររងគ្រោះដោយខ្យល់កន្ត្រាក់ទទួលអំណោយពីសាខាកាកបាទក្រហមកម្ពុជាខេត្តបាត់ដំបង

នៅរសៀលថ្ងៃទី ១៨ ខែ ឧសភា ឆ្នាំ២០១៦ ​សាខា​កាកបាទ​ក្រហម​ខេត្តបាត់ដំបង​ ដឹកនាំដោយ​ លោកស្រី​ ស៊ុត ម៉ិ ​ហេរញ្ញឹក​គណៈកម្មាធិកា​សាខា ​និង សហការី ​ដោយមាន​ការសហការ​ពីអនុសាខាស្រុក ​បានអញ្ចើញ​ចុះសាកសួរ​សុខទុក្ខ ​និង​នាំយកអំណោយ​មនុស្សធម៌ ​ចែកជូនដល់​ប្រជាពលរដ្ឋ​ដែលរងគ្រោះ​ដោយខ្យល់​កន្ត្រាក់​ ចំនួន ៦គ្រួសារ​ ក្នុងនោះធ្ងន់ធ្ងរ​២គ្រួសារ​(រលំទាំងស្រុង) និងស្រាល ​៤គ្រួសារ ស្ថិតនៅ​ក្នុងភូមិ​និគមក្នុង​ ឃុំជ្រោយស្តៅ ​ស្រុកថ្មគោល ​ខេត្តបាត់ដំបង​ ។


ក្នុងឱកាសនោះ​ លោកនាយកសាខា​ បានលើកឡើង​ពីការយកចិត្តទុកដាក់​គិតគូរ​ខ្ពស់ពីសំណាក់ ឯកឧត្តម ចន្ទ សុផល ​ប្រធានកិត្តិយសាខា ​ដល់សុខទុក្ខ​របស់ប្រជាពលរដ្ឋ​យើងជាទូទៅ​ ជាពិសេស​អ្នកដែលរងគ្រោះ​ និងងាយរងគ្រោះ​ដោយប្រការ​ផ្សេងៗ ​ដោយមិនប្រកាន់​ពីនិន្នាការ​នយោបាយ ​ជាតិសាសន៍ សាសនា វណ្ណ: ពណ៌សម្បុរអ្វី។


គ្រួសារ​នីមួយៗ​ទទួលបាន៖ អង្ក ៣០គីឡូក្រាម មី ១កេស ត្រី ១០កំប៉ុង ទឹកសុទ្ធ ១កេស ឃីត១ (មុង១ ភួយ១ ក្រមា១ សារុង១) និង ​ថវិកាមួយចំនួន ។

 

សាខាកាកបាទក្រហមកម្ពុជាខេត្តតាកែវចែកអំណោយប្រជាពលរដ្ឋ រងគ្រោះដោយអគ្គីភ័យ

ខេត្តតាកែវ ៖ ព្រឹកថ្ងៃទី ២៥ ខែមេសា​ ឆ្នាំ២០១៦​ សាខា​កាកបាទ​ក្រហម​កម្ពុជា​ ខេត្តតាកែវ ​ដឹកនាំ​ដោយ លោក យឹម ច័ន្ទថន ​នាយក​ប្រតិបត្តិ​សាខា​ តំណាង​ឱ្យលោកជំទាវ​ នូ សុវណ្ណនី ប្រធាន​គណៈកម្មាធិការសាខា​ បានដឹកនាំ​ក្រុមប្រតិបត្តិ​សាខា​ និងអនុសាខា​ ស្រុកសំរោង​ចុះសួរសុខទុក្ខ​ និងនាំយក​អំណោយ​មនុស្សធម៌​ ទៅផ្តល់​ជូនដល់ផ្ទះ​ប្រជាពលរដ្ឋ​ ដែលបាន​រងគ្រោះ​ដោយអគ្គីភ័យ​កាលពីថ្ងៃទី១៨ ខែមេសា ឆ្នាំ២០១៦ ​នៅភូមិដំណាក់​ត្រយឹង​ ឃុំជំរះពេន​ចំនួន ១គ្រួសារ និង ២គ្រួសារទៀត ដែល​បាន​ឆេះ ក្នុងអំឡុង​ពេលចូល​ឆ្នាំខ្មែរ ​នៅភូមិទួលតាចិន​ ឃុំខ្វាវ ស្រុកសំរោង ខេត្តតាកែវ។

 

អំណោយ​ដែលផ្តល់​ជូនក្នុង​១គ្រួសារៗ រួមមាន៖ អង្ករ២៥ គីឡូក្រាម តង់១ កន្ទេល២ មុង១ ភួយ១ សារុង១ ក្រមា១ ស័ង្កសី ២៤សន្លឹក សម្ភារៈផ្ទះបាយ អាវ និងថវិកាមួយចំនួនទៀត៕

 

Fist Prev 77 78 79 80 81 Next Last