Webmail
E-Learning
អ៊ីម៉ែល​ កាកបាទក្រហមកម្ពុជា
វីដីអូ កាកបាទក្រហមកម្ពុជា

ទីស្នាក់ការកណ្តាល

ពិធីចែកអំណោយជនងាយរងគ្រោះនៅស្រុកកំពង់លែងខេត្តកំពង់ឆ្នាំង

កក្រក៖ នៅថ្ងៃទី ២៨ ខែមីនា ឆ្នាំ២០១៦ នេះ ឯកឧត្តម​វេជ្ជ. អ៊ុយ សំអាត​ នាយក​នាយកដ្ឋាន​គ្រប់គ្រង​គ្រោះមហន្តរាយ ​កាកបាទក្រហមកម្ពុជា​ តំណាង​ដ៏ខ្ពង់ខ្ពស់​ សម្តេច​កិត្តិព្រឹទ្ធបណ្ឌិត ​ប៊ុន រ៉ានី ហ៊ុនសែន​ និង​អញ្ជើញ​ចូលរួម​ពី ឧត្តម ឈួរ ច័ន្ទ ឌឿន ​ប្រធានកិត្តិយស ​សាខាកាកបាទ​ក្រហម​កម្ពុជា​ ខេត្តកំពង់ឆ្នាំង​ និង​ឯកឧត្តម ​អ៊ុន សំអុល ​ប្រធាន​គណកម្មាធិការ​សាខា​ បានចុះ​សួរសុខទុក្ខ​ និងចែកអំណោយ​មនុស្សធម៌ ​ជូនដល់គ្រួសារ​ដែលងាយរងគ្រោះ ​ចាស់ជរាគ្មាន​ទីពឹង កុមាកំព្រា ​ជនពិការ​ អ្នករស់​នៅជាមួយ​មេរោគ​ជំងឺអេដស៍ ​ចំនួន៨១៩នាក់ ​ដែលមកពី ​៤៣ភូមិ ៩ឃុំ នៃស្រុក កំពង់លែង ខេត្តកំពង់ឆ្នាំង។

 

មានប្រសាសន៍​ក្នុងឱកាសនោះ​ ឯកឧត្តម​នាយក​នាយកដ្ឋាន​ បានពាំនាំ​ប្រសាសន៍​សាកសួរ​សុខទុក្ខ​ពីសំណាក់​ សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន ​ប្រធាន​កាកបាទក្រហមកម្ពុជា ​និង​ផ្តាំផ្ញើ​ដល់ប្រជាពលរដ្ឋ​ទាំងអស់​ សូមគោរព​ច្បាប់ចរាចរណ៍​ឱ្យបាន​ខ្ជាប់ខ្ជួន​ និងចាកឆ្ងាយ​ពីការ​ប្រើប្រាស់​គ្រឿងញៀន​។ ចំពោះស្ត្រី​មានផ្ទៃពោះ​ និង​ស្ត្រីផ្ទុក​មេរោគអេដស៍​មានផ្ទៃពោះ ​សូមទៅ​ពិនិត្យសុខភាព​ឲ្យបាន​ទៀងទាត់​នៅមន្ទីរពេទ្យ​ឬមណ្ឌលសុខភាព​តាមកាលកំណត់​របស់​គ្រូពេទ្យ ​ដើម្បីចូលរួម​កាត់បន្ថយ​អត្រាមរណមាតា​ និងទារក​ និង​ដើម្បី​ការពារ​ការឆ្លងមេរោគអេដស៍​ពីមាតា​ទៅទារក​ផងដែរ។ ជាពិសេស ​សូមបងប្អូនទាំងអស់​ថែរក្សា​ទឹកទុក​សម្រាប់​ផ្គត់ផ្គង់​ការប្រើប្រាស់​ប្រចាំថ្ងៃ​ ព្រោះ រដូវប្រាំង​ឆ្នាំនេះ ​មានភាពក្តៅខ្លាំង​ និងមានការខ្វះខាត​ទឹកប្រើប្រាស់​ក្នុងតំបន់មួយ​ចំនួនក្នុង​ព្រះរាជាណាចក្រកម្ពុជារបស់យើង។

 

គ្រួសារនីមួយ​ៗទទួលបាន​៖ អង្ករ ៣០ គីឡូក្រាម មីយើង ១កេស ត្រីខ ១០ កប៉ុង ឃីត ១(សារុង មុង ភួយ ក្រមា) អង្ករអំណោយ​ លោកឧកញ៉ា ឌី ប៉ូ ឬឯសម្ភារៈជាអំណោយរបស់កាកបាទក្រហមកម្ពុជា។

 

កាកបាទក្រហមកម្ពុជាផ្តល់អំណោយ មនុស្សធម៌ ដល់ អង្គការបណ្តុះបណ្តាលកុមារកំព្រា យុវជនពិការ និងស្ត្រីក្រីក្រ

កក្រក៖ ​នាថ្ងៃទី ២៦ ខែមីនា ឆ្នាំ២០១៦ សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ប្រធាន​កាកបាទ​ក្រហម​កម្ពុជា​ បានចាត់​ឲ្យ​ លោកជំទាវ ម៉ែន នារីសោភ័គ​ អគ្គលេខាធិការរងទី ១ ​កាកបាទ​ក្រហម​កម្ពុជា​ និងសហការី ​ចុះទៅ​សួរសុខទុក្ខ​ និង​នាំយក​អំណោយ ​មនុស្សធម៌ ​ទៅជូន​ដល់ អង្គការ​បណ្តុះបណ្តាល​កុមារ​កំព្រា​ យុវជន​ពិការ​ និង​ស្ត្រីក្រីក្រ​មានចំនួន​សរុប ៧៥នាក់ កុមារ​ ៥៨នាក់​ ចាស់ជរា ៥នាក់ និងបុគ្គលិក ១២នាក់ នៅភូមិអណ្តូង ​សង្កាត់​គោករកា ខណ្ឌព្រែកព្នៅ​ រាជធានីភ្នំពេញ។

 

ក្នុងឱកាសនោះដែរ​ លោកជំទាវ​អគ្គលេខាធិការរងទី១​ ក៏បានពាំនាំ​ប្រសាសន៍​ផ្ដាំផ្ញើ​សួរសុខទុក្ខ ​ពីសំណាក់​ សម្តេច​កិត្តិព្រឹទ្ធបណ្ឌិត​ប្រធាន ដល់ចៅ ​និងក្មួយៗ​ទាំងអស់​ឲ្យចេះ​ស្រឡាញ់គ្នា​ និង​ត្រូវចេះគោរព​ចាស់ទុំ ត្រូវ​មាន​អនាម័យ​ មុនញាំបាយ​ត្រូវលាងដៃ​នឹង​សាប៊ូ ​និង​ខិតខំ​រៀនសូត្រ​ ត្រូវជៀសវាង​ពីគ្រឿងញៀន។

 

ឆ្លៀតក្នុង​ឱកាសបុណ្យចូលឆ្នាំខ្មែរ​ខាងមុននេះ​ លោកជំទាវ​អគ្គលេខាធិការរងទី១​ បាន​សូមឲ្យ​ទេវតាឆ្នាំថ្មី​ជួយថែរក្សា ​ចៅ និងក្មួយៗទាំងអស់​ ឲ្យមាន​សុខភាព​ ឆ្លាតវៃ ​និងរៀនពូកែ។


ឆ្លើយ​តបទៅ​នឹង​ទឹកចិត្ត​សប្បុរសធម៌​នេះ ​កុមារ​និង​ប្រធាន​អង្គការ ​បាន​ថ្លែងអំណរគុណ​ដល់ កាកបាទក្រហម​កម្ពុជា​ ជាពិសេស ​សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន​ ប្រធាន​កាកបាទ​ក្រហម​កម្ពុជា​ ដែលជានិច្ចកាល​ សម្តេច​តែងតែ​គិតគូ​ពីសុខទុក្ខ​របស់​ប្រជាពលរដ្ឋ ​ជាក់ស្ដែង ​ដូចជា​ពួកយើង​ងអស់គ្នា​ ក្នុងពេលនេះ​ និងសូមជូនពរ​ឲ្យ​សម្តេច ​ជួបតែ សេចក្តីសុខ​គ្រប់ពេលវេលា​ ជោគជ័យ​គ្រប់ភារៈកិច្ច​ទាំងអស់ និងមាន​សុខភាព​ល្អ​អាយុយឺនយូរ។

 

អំណោយ​ប្រគល់ជូន៖
- កុមារកំព្រាចំនួន ៥៨នាក់ទទួលបាន ថវិកា ៥ម៉ឺនរៀល
- បុគ្គលិកចំនួន​១២ និងចាស់ ៥នាក់ទទួលបាន សារុង ១ និងថវិកា ១០ម៉ឺនរៀល
- អង្គការទទួលបាន៖ អង្ករ ២តោន មីយើង ៥កេសធំ ត្រីខ ៥០០កំប៉ុង ទឹកស៊ីអ៊ីវ ១២ដប ទឹកត្រី ១២ដប ប្រេងឆា ១កេស ទឹកសុទ្ធ ១០កេស ទឹកផ្លែឈើ ៦កេស សាប៊ូកក់សក់ ៥កេស ម្សៅសាប៊ូ ៤កេស ភួយ ៦០ មុង ៦០ ក្រមា ៦០ ស្បែកជើង​សម្រាប់​កុមារ ៤៥គូ ខ្នើយ​កើយ ៥០ និងថវិកា​មួយចំនួន។

កាកបាទក្រហមកម្ពុជាចែកអំណោយជូន គ្រួសារខ្វះខាតស្បៀង នៅឧត្តរមានជ័យ

កក្រក៖ នៅថ្ងៃទី ២៦  ខែមីនា ឆ្នាំ២០១៦ នេះ ឯកឧត្តម វេជ្ជ. អ៊ុយ សំអាត  នាយក នាយកដ្ឋាន​គ្រប់គ្រង​គ្រោះមហន្តរាយ​ កាកបាទ​ក្រហម​កម្ពុជា​ តំណាង​ សម្តេច​កិត្តិព្រឹទ្ធបណ្ឌិត​ ប៊ុន រ៉ានី ហ៊ុនសែន និងអញ្ជើញ​ចូលរួម​ពី ឯកឧត្តម​ គន់ គីម គណៈកិត្តិយសកាកបាទក្រហមកម្ពុជា​ និងឯកឧត្តម ​ស ថាវី ប្រធានកិត្តិយស​សាខាកក្រក ខេត្តឧត្តរមានជ័យ​ បានចុះ​សួរសុខទុក្ខ ​និងចែក​អំណោយ​មនុស្សធម៌ ​ជូនដល់គ្រួសារ​យោធិន​ និងនិវត្តន៍ជន​មកពី​អង្គភាព​កងពលតូច​ថ្មើរជើង​លេខ៤១ ​ចំនួន ៤៨៥​គ្រួសារ ព្រមទាំង​អ្នកផ្ទុកមេរោគអេដស៍​ ចាស់ជរា​គ្មានទីពឹង​ គ្រួសារ​ទីទ័លក្រ​ចំនួន ១២៥គ្រួសារ ​ក្នុងស្រុក​អន្លង់វែង ​នៃខេត្តឧត្តមានជ័យ ​សរុបចំនួន ៦១០គ្រួសារ ​ដែលពិធីនេះ​ប្រព្រឹត្ត​នៅក្នុង​បរិវេណរមណីយដ្ឋាន​ផ្ទះតាមុក។

 

មានប្រសាសន៍​ក្នុងឱកាសនោះ​ ឯកឧត្តម​នាយកនាយកដ្ឋាន​ បានពាំនាំ​ប្រសាសន៍​សាកសួរសុខទុក្ខ​ពីសំណាក់ ​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន​ ប្រធាន​កាកបាទក្រហមកម្ពុជា ​និង​ផ្តាំផ្ញើ​ដល់ប្រជាពលរដ្ឋទាំងអស់​ សូមគោរព​ច្បាប់ចរាចរណ៍​ឱ្យបានខ្ជាប់ខ្ជួន ​និងចាកឆ្ងាយ​ពីការ​ប្រើប្រាស់​គ្រឿងញៀន​។ ចំពោះស្ត្រី​មានផ្ទៃពោះ​ និង​ស្ត្រីផ្ទុកមេរោគអេដស៍​មានផ្ទៃពោះ ​សូមទៅពិនិត្យ​សុខភាព​ឲ្យបានទៀងទាត់​នៅមន្ទីរពេទ្យ ​ឬមណ្ឌល​សុខភាព​តាមកាលកំណត់​របស់គ្រូពេទ្យ ​ដើម្បី​ចូលរួម​កាត់បន្ថយ​អត្រាមរណមាតា ​និងទារក​ និងដើម្បី​ការពារ​ការឆ្លងមេរោគអេដស៍​ពីមាតា​ទៅទារក​ផងដែរ។ ជាពិសេស ​សូមបងប្អូន​ទាំងអស់ថែរក្សាទឹកទុក​សម្រាប់ផ្គត់ផ្គង់​ការប្រើប្រាស់​ប្រចាំថ្ងៃ​ ព្រោះ រដូវប្រាំង​ឆ្នាំនេះ ​មានភាព​ក្តៅខ្លាំង ​និងមានការ​ខ្វះខាត​ទឹកប្រើប្រាស់​ក្នុងតំបន់មួយចំនួន​ក្នុងព្រះរាជាណាចក្រ​កម្ពុជា​របស់យើង។

 

គ្រួសារ​នីមួយៗ​ទទួលបាន៖ អង្ករ ៣០ គីឡូក្រាម មីយើង ១កេស ត្រីខ ១០ កំប៉ុង ឃីត ១(សារុង មុង ភួយ ក្រមា) ដែលក្នុង​នោះ អង្ករ ជាអំណោយ​របស់ លោកឧកញ៉ា ឌី ប៉ូ សម្ភារៈជាអំណោយ​របស់កាកបាទក្រហម​កម្ពុជា។

 

ក្នុងថ្ងៃដដែល​នោះ ឯកឧត្តមវេជ្ជ. ​និងក្រុមការងារ​ បានបន្ត​នាំយកអំណោយ ​និង​ថវិកាមួយចំនួន​ ចូលរួម​រំលែកទុក្ខ​ជាមួយក្រុមគ្រួសារ​សព លោក ងិន សារិន ​អាយុ៣៦ឆ្នាំ ​ជានាយក​អនុវិទ្យាល័យ លំទង ​ទទួលមរណភាព​ដោយសារ​ដាច់សសៃឈាម​ខួរក្បាល​នៅព្រឹកថ្ងៃទី២៦ ខែមីនា ឆ្នាំ២០១៦ ​ដោយ​បន្សល់ទុក​នៅកូនភ្លោះ​២នាក់ ហើយ​ភរិយា​មាន​ផ្ទៃពោះ៣ខែ​ទៀត ដែលមាន​អាស័យដ្ឋាន​នៅភូមិ​ទួលទ្រៀស ​ឃុំលំទង ស្រុក​អន្លងវែង​ ខេត្តឧត្តមានជ័យ។

លោកជំទាវ ពុំ ចន្ទីនី ទទួលជួបជាមួយលោក Greg Smith នាយកប្រតិបត្តិរបស់អង្គការ iRAP

កក្រក៖ រសៀលថ្ងៃទី ២៤​ ខែមីនា ​ឆ្នាំ២០១៦ ​នៅទីស្នាក់ការ​កណ្តាល​កាកបាទ​ក្រហម​កម្ពុជា ​លោកជំទាវ ​ពុំ ចន្ទីនី​ អគ្គលេខាធិការ​កាកបាទ​ក្រហម​កម្ពុជា ​បានទទួល​ជួបសំដែងការគួរសម​ ជាមួយលោក Greg Smith ជាស្ថាបនិក​ និងជានាយក​ប្រតិបត្តិ​របស់អង្គការ​ iRAP ប្រចាំ​នៅចក្រភព​អង់គ្លេស។

គោលបំណង​នៃ​ជំនួបនេះ ​គឺដើម្បី​ស្វែងយល់​ពីការងារ​សុវត្ថិភាព​ចរាចរណ៍​របស់​កាកបាទ​ក្រហម​កម្ពុជា​ ដែលមាន​កម្លាំង​យុវជន​ស្ម័គ្រចិត្ត​កក្រក ​ធ្វើការ​លើ ២៥​រាជធានី-ខេត្ត។ ជាមួយគ្នា​នេះដែរ ​លោក Greg Smith ​បាន​ជម្រាបជូន​ លោកជំទាវ​អគ្គលេខាធិការ​ពីការងារ​ដែល iRAP ​បាននិង​កំពុង​ធ្វើ​កិច្ចសហប្រតិបត្តិការ​ជាមួយ​ធនាគារ​ពិភពលោក ​ធនាគារ​អភិវឌ្ឍ​អាស៊ី ​និង​ប្រទេស​ចំនួន ៧០​ ក្នុងការ​សាងសង់ ​និង​សុវត្ថិភាពផ្លូវ។ ដោយឡែក នៅកម្ពុជា អង្គការ iRAP បាន​និង​កំពុងសិក្សា​ពីស្ថានភាព​ផ្លូវទាក់ទង​នឹងសុវត្ថិភាព​ចរាចរណ៍​នៅផ្លូវជាតិ​លេខ១ លេខ៣ និងលេខ៤ ក្រោយ​ពីផ្លូវនេះ​ត្រូវបាន​បញ្ចប់​ការសាង​សង់។

 

កាកបាទក្រហមកម្ពុជាចែកអំណោយមនុស្សធម៌នៅស្រុកកំពង់ត្រឡាច ខេត្តកំពង់ឆ្នាំង

នៅព្រឹកថ្ងៃទី ២៤ ខែ មីនា ឆ្នាំ ២០១៦ នេះ កាកបាទ​ក្រហម​កម្ពុជា បានរៀបចំ​ពិធី​សំណេះសំណាល​ សួរសុខទុក្ខ​ និងផ្តល់​អំណោយ​មនុស្សធម៌ ​ជូនដល់​អ្នកផ្ទុក​មេរោគអេដស៍​ ចាស់គ្មានទីពឹង​ គ្រួសារជនពិការ ​កុមារកំព្រា​ ស្ត្រីមេម៉ាយ ​ចំនួន១៣២៥​គ្រួសារ ក្រោម​អធិបតីភាព​ លោកជំទាវ ​ម៉ែន នារីសោភ័គ អគ្គលេខាធិការរងទី ១ ​តំណាង​ដ៏ខ្ពង់ខ្ពស់ ​សម្តេច​កិត្តិព្រឹទ្ធបណ្ឌិត ​ប៊ុន រ៉ានី ហ៊ុនសែន​ ប្រធានកាកបាទក្រហមកម្ពុជា ​ដែលប្រព្រឹត្ត​ទៅក្នុង ឃុំសែប ស្រុកកំពង់ត្រឡាច ខេត្តកំពង់ឆ្នាំង។

 

អ្នកទទួលផល​ទាំង ១៣២៥គ្រួសារ​ អញ្ជើញ​មកពី​ក្រុងកំពង់ឆ្នាំង​ ស្រុក​សាមគ្គីមានជ័យ ​និង​ស្រុកកំពង់ត្រឡាច​ នៃខេត្តកំពង់ឆ្នាំង។​

 

ក្នុងឱកាសនោះ​ លោកជំទាវ ​ក៏បានពាំនាំ​នូវអនុសាសន៍​សំខាន់ៗ ​របស់​សម្តេច​កិត្តិព្រឹទ្ធបណ្ឌិត​ប្រធាន ដែល​តែងតែ​ផ្តាំផ្ញើ​ចំពោះ​ប្រជាពលរដ្ឋដោយសំណូមពរ៖

 

សូមអាជ្ញាធរ​គ្រប់ជាន់ថ្នាក់ ​ស្ថាប័ន​ពាក់ព័ន្ធ​ ព្រមទាំង​សប្បុរសជន​ទាំងឡាយ​ ត្រូវនាំគ្នា​យកចិត្តទុកដាក់​ចំពោះប្រជាជនក្រីក្រ​ ចាស់ជរា អ្នក​ផ្ទុកមេរោគអេដស៍ ​អ្នកជំងឺអេដស៍ ​ជនពិការ​ អតីត​យុទ្ធជន​ដើម្បី​ចូលរួម​កាត់បន្ថយ​ភាពងាយរងគ្រោះ​របស់ពួកគេ។   

 

សូមប្រជាពលរដ្ឋ​បង្កើន​ការយកចិត្តទុកដាក់​លើសុខុមាលភាព ​ដោយថែរក្សា​អនាម័យ បរិភោគទឹកឆ្អិន ហើយចំពោះ​ស្ត្រីមានផ្ទៃពោះ ​ត្រូវទៅពិនិត្យ​សុខភាពតាមកាលកំណត់​របស់ពេទ្យជំនាញ​ដើម្បីសុខភាពល្អ ទាំងម្តាយ និងទារក និងសូមប្រជាជន​ទាំងអស់​ចាកឆ្ងាយ​ពីគ្រឿងញៀនល្បែងស៊ីសង​គ្រប់ប្រភេទ ​និងចូលរួម​អនុវត្ត​ច្បាប់ចរាចរណ៍ផ្លូវគោកថ្មី ​ដើម្បី​កាត់បន្ថយការ​រងគ្រោះ និងរក្សា​អាយុជីវិត​ដ៏មានតម្លៃ​របស់ខ្លួន។​

 

អំណោយ​មនុស្សធម៌​ដែលបាន​ផ្តល់ជូន ​ក្នុងមួយគ្រួសារៗ​ទទួលបាន៖ អង្ករ ៣០គក្រ មី១កេស ត្រីខ១០កំប៉ុង មុង១ ភួយ១ សារុង១ និងក្រម៉ា១។ សូមបញ្ជាក់ថា ​អំណោយ​មនុស្សធម៌ ​គឺ​ទទួលបាន​ពីសប្បុរសនានា​ក្នុងឱកាស​នៃទិវាពិភព​លោកកាកបាទក្រហម​ អឌ្ឍចន្ទក្រហម​ ៨ ឧសភា ដែល​ក្នុងនោះ អង្ករ ​ជាអំណោយ​របស់ ឧកញ៉ា ឌី ប៉ូ។

Fist Prev 71 72 73 74 75 Next Last